O‘zbekiston Respublikasi Prezidentining “Qishloq joylarda namunaviy loyihalar asosida xususiy uy-joy qurilishini kengaytirishga oid qo‘shimcha chora-tadbirlar to‘g‘risida” 2010-yil 17-iyundagi PQ-1354-son qaroriga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirishlar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari B.A. Xo‘jayev zimmasiga yuklansin.

1. Vazirlar Mahkamasining 2006-yil 30-dekabrdagi 272-son qarori (O‘zbekiston Respublikasi QT, 2006-y., 12-son, 97-modda) bilan tasdiqlangan Yakka tartibdagi uy-joy qurilishi to‘g‘risidagi Nizom 9-bandining ikkinchi xatboshi quyidagi tahrirda bayon qilinsin:

“Qishloq qurilish invest” injiniring kompaniyasi ishtirokida qurilgan uy-joy joylashgan yer uchastkasi tuman hokimining qaroriga binoan, yakka tartibda uy-joy quruvchiga (O‘zbekiston Respublikasi fuqarosiga) har bir imorat soluvchiga 0,06 gektardan kimoshdi savdosi o‘tkazmasdan meros qilib qoldiriladigan umrbod egalik qilish huquqi bilan ajratiladi”.

2. Vazirlar Mahkamasining 2009-yil 26-oktabrdagi 280-son qarori (O‘zbekiston Respublikasi QT, 2009-y., 9-10-son, 68-modda) bilan tasdiqlangan “Qishloq qurilish invest” injiniring kompaniyasi ishtirokida yakka tartibda uy-joy qurilishini amalga oshirish tartibi to‘g‘risidagi Nizomning 8-bandidagi “qishloq xo‘jaligi va o‘rmon xo‘jaligi maqsadidagi yerlar tarkibiga” so‘zlari “har bir imorat soluvchiga 0,06 gektardan qishloq xo‘jaligiga mo‘ljallanmagan hamda o‘rmon fondi yerlari toifasiga” so‘zlari bilan almashtirilsin.