Ўзбекистон Республикаси Вазирлар Маҳкамасининг
қарори
Қишлоқ хўжалигига мўлжалланган ерлардан оқилона фойдаланиш тартиби тўғрисидаги низомни тасдиқлаш ҳақида
Ўзбекистон Республикасининг Ер кодекси ва «Яйловлар тўғрисида»ги Қонуни ҳамда Ўзбекистон Республикаси Президентининг «Ўзбекистон — 2030» стратегиясини «Ёшлар ва бизнесни қўллаб-қувватлаш йили»да амалга оширишга оид давлат дастури тўғрисида» 2024 йил 21 февралдаги ПФ-37-сон Фармонига мувофиқ, шунингдек, қишлоқ хўжалигига мўлжалланган ерлардан оқилона фойдаланишнинг самарали тизимини жорий этиш мақсадида Вазирлар Маҳкамаси қарор қилади:
1. Қуйидагиларни назарда тутувчи Қишлоқ хўжалигига мўлжалланган ерлардан оқилона фойдаланиш тартиби тўғрисидаги низом иловага мувофиқ тасдиқлансин:
тупроқ унумдорлигини сақлаш ва ошириш, алмашлаб экишни сувдан фойдаланиш манбаларини ҳисобга олган ҳолда ташкил этиш орқали қишлоқ хўжалигига мўлжалланган ерлардан оқилона фойдаланиш;
тупроқ унумдорлигини сақлаш ва ошириш, сувдан фойдаланиш манбаларини ҳисобга олган ҳолда яйловлар алмашинишини йўлга қўйиш орқали яйловлардан оқилона фойдаланиш;
қишлоқ хўжалигига мўлжалланган ерлардан оқилона фойдаланиш ҳолатини баҳолаш ва унинг натижаси бўйича хулосани шакллантириш.
2. Белгилансинки:
қишлоқ хўжалигига мўлжалланган ерлардан оқилона фойдаланилганлиги Вазирлар Маҳкамасининг 2022 йил 14 январдаги 22-сон қарори билан тасдиқланган Қишлоқ хўжалигига мўлжалланган ерлар ва экин майдонларида мониторинг ишларини амалга ошириш тартиби тўғрисидаги низомга мувофиқ Ўзбекистон Республикаси Қишлоқ хўжалиги вазирлиги ва унинг ҳудудий бўлинмаларининг ер тузиш ва ердан фойдаланиш бўйича ходимлари томонидан аниқланади;
қишлоқ хўжалигига мўлжалланган ерлардан ерларни алмашлаб экиш режасига ҳамда яйловлар алмашиниши режасига мувофиқ ердан фойдаланувчилар томонидан оқилона фойдаланилади;
туман (Қувасой шаҳар) ҳокимликларига Ўзбекистон Республикаси Қишлоқ хўжалиги вазирлигининг туман (Қувасой шаҳар) бўлимлари хулосасига асосан ердан фойдаланувчиларнинг қишлоқ хўжалигига мўлжалланган ерлардан оқилона фойдаланиш тартибига риоя қилмаганлиги ҳамда ернинг норматив қийматидан келиб чиққан ҳолда, ер участкасининг ижара муддатига ҳисобланган қўшимча тўловларни тўламаганлиги учун уларнинг ерга бўлган ижара ҳуқуқини бекор қилиш юзасидан судга тўғридан-тўғри даъво аризасини киритиш ҳуқуқи берилади.
3. Ўзбекистон Республикаси Қишлоқ хўжалиги вазирлиги Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда уч ой муддатда:
«E-ijara» ахборот тизимида қишлоқ хўжалигига мўлжалланган ерлардан оқилона фойдаланиш ҳолатини баҳолаш ва унинг натижаси бўйича хулосани шакллантиришнинг электрон тизимини яратсин;
ушбу қарорнинг мазмун-моҳияти ва аҳамиятини қишлоқ хўжалигига мўлжалланган ерлардан фойдаланувчилар ўртасида кенг тушунтирилишини таъминласин.
4. Ушбу қарор расмий эълон қилинган кундан эътиборан уч ой ўтгач кучга киради.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2024 йил 30 декабрь,
914-сон
Вазирлар Маҳкамасининг 2024 йил 30 декабрдаги 914-сон қарорига
ИЛОВА
ИЛОВА
Қишлоқ хўжалигига мўлжалланган ерлардан оқилона фойдаланиш тартиби тўғрисида
НИЗОМ
1-боб. Умумий қоидалар
1. Мазкур Низом қишлоқ хўжалигига мўлжалланган ерлардан (шу жумладан, яйловлардан) оқилона фойдаланиш тартибини белгилайди.
2. Ушбу Низом Ўзбекистон Республикаси Ер кодексининг 36-моддасига мувофиқ ердан оқилона фойдаланилмаганда, ер участкасига бўлган ҳуқуқни бекор қилишнинг аниқ ҳолатларини белгилаш мақсадида ишлаб чиқилган.
3. Ушбу Низомда қуйидаги асосий тушунчалардан фойдаланилади:
алмашлаб экиш — маълум вақт давомида ер участкалари бўйича қишлоқ хўжалиги экинларини илмий асосланган ҳолда навбатлаб экиш;
дала — қишлоқ хўжалиги мақсадларида фойдаланиладиган ҳудудларда қишлоқ хўжалиги экинларини етиштириш ва/ёки чорва молларини боқиш (ўтлатиш) учун фойдаланиладиган алоҳида контур рақами билан белгиланган ва алоҳида чегара белгиларига эга бўлган ер майдони бирлиги;
ердан фойдаланувчилар — қишлоқ хўжалигига мўлжалланган ерлардан доимий ёки ижара асосида фойдаланиш ҳуқуқига эга бўлган юридик ёки жисмоний шахслар;
ерлар деградацияси — ерларнинг табиий-хўжалик аҳамиятининг пасайишига олиб келувчи табиий ва антропоген таъсирлар натижасида қишлоқ хўжалигига мўлжалланган ерлар ҳолатининг ёмонлашиши;
тупроқ унумдорлигининг сезиларли пасайиши — тупроқ сифатини баҳолаш, агрокимёвий ва/ёки агромелиоратив тадқиқотлар натижалари таққосланганда, тупроқ унумдорлиги кўрсаткичининг пасайиши;
умумий яйлов майдони бўйича фойдаланиш меъёри — Вазирлар Маҳкамасининг 2019 йил 19 августдаги 689-сон қарори билан тасдиқланган Яйловларда чорва молларини ўтлатишда энг кўп йўл қўйиладиган фойдаланиш нормаларини белгилаш, яйловлар алмашинишини таъминлаш ва юритиш тартиби тўғрисидаги низомга мувофиқ умумий яйлов майдони бўйича аниқланган энг кўп йўл қўйиладиган фойдаланиш меъёри;
чорва ҳайвонлари кўчиб юриш (ёйиб) тартибида боқиладиган (ўтлатиладиган) яйловлар — аҳоли пунктидан узоқдаги ҳудудларда чорва ҳайвонларини кўчиб юриш (ёйиб) тартибида боқиш (ўтлатиш) учун фойдаланиладиган яйловлар;
яйловлар алмашиниши — яйловларни бошқариш ва улардан фойдаланиш режасига мувофиқ яйловлардан даврий ва навбат билан фойдаланиш ҳамда унинг маҳсулдорлик ҳолатини сақлаш учун хизмат қиладиган тизим;
яйловларда боқиладиган (ўтлатиладиган) чорва ҳайвонлари (кейинги ўринларда — чорва ҳайвонлари) — йирик шохли моллар, қўйлар, эчкилар, отлар, туялар ва бошқалар;
яйловларнинг озиқа (ем-хашак) ҳажми — яйловлар майдони бирлиги бўйича яйлов ўтларининг маҳсулдорлиги;
яйловлардан оқилона фойдаланиш — табиий меъёрларга (умумий яйловларда энг кўп йўл қўйиладиган фойдаланиш меъёрига) риоя қилиш орқали ва экологик муҳимлигини ҳисобга олган ҳолда, яйловларнинг нормал ҳолатини сақлаш ва қайта тиклаш имконини яратган ҳолда, яйловларнинг озиқа (ем-хашак) ресурсларидан самарали фойдаланиш;
қишлоқ хўжалигига мўлжалланган ерлардан оқилона фойдаланиш — ер майдонларида тупроқ унумдорлигининг пасайиши ва мелиоратив ҳолатининг ёмонлашишига йўл қўймаслик ҳамда маҳсулдорликнинг зарур кўрсаткичларига эришиш мақсадида ердан фойдаланувчилар томонидан қишлоқ хўжалигига мўлжалланган ерлардан (шу жумладан, яйловлардан) оқилона фойдаланишни таъминланиши.
4. Қишлоқ хўжалигига мўлжалланган ерлардан оқилона фойдаланилганлиги Вазирлар Маҳкамасининг 2022 йил 14 январдаги 22-сон қарори билан тасдиқланган Қишлоқ хўжалигига мўлжалланган ерлар ва экин майдонларида мониторинг ишларини амалга ошириш тартиби тўғрисидаги низомга мувофиқ Ўзбекистон Республикаси Қишлоқ хўжалиги вазирлиги ва унинг ҳудудий бўлинмаларининг ер тузиш ва ердан фойдаланиш бўйича ходимлари томонидан аниқланади.
5. Қишлоқ хўжалигига мўлжалланган ерлардан оқилона фойдаланиш қуйидагилар мезонлар бўйича баҳоланади:
тупроқ унумдорлигини сақлаш ва ошириш (ҳайдалма қатламида умумий гумус, ҳаракатчан фосфор ва алмашинувчан калийнинг мақбул даражасини таъминлаш);
асосий қишлоқ хўжалиги экинларининг ҳосилдорлигини белгиланган даражада сақлаш ва ошириш;
сувдан фойдаланиш манбаларини ҳисобга олган ҳолда алмашлаб экиш;
яйловлар алмашинишини ҳисобга олган ҳолда яйловлардан фойдаланиш;
тупроқнинг унумдорлиги ва мелиоратив ҳолатини сақлаш ва ошириш;
чорвачилик маҳсулотларини ишлаб чиқаришда яйловлардаги мақбул (оптимал) фойдаланиш меъёрини таъминлаш;
ерларнинг хўжалик айланмасидан (фойдаланишдан) чиқиб кетишининг олдини олиш, ерларни бегона ўтлар ва бутасимон дарахтлар қоплашига ҳамда уларнинг маиший ва ишлаб чиқариш чиқиндилари билан ифлосланишига йўл қўймаслик;
ерга ишлов беришда қишлоқ хўжалиги экинларини анғиз қолдиқлари ва иккиламчи маҳсулотларни ёқишга йўл қўймаслик;
дала четларига, боғлар ва токзорларнинг қатор ораларига, шу жумладан, каналлар, суғориш ва коллектор-дренаж тармоқлари атрофидаги майдонларга мақбул экинларни экиб даромад олиш (суғориш сувлари билан таъминланган ерларда);
ички суғориш тармоқлари ва зовурларни ўз вақтида тозалаш.
Мазкур банд талаблари бажарилмаган ҳолатларда, қишлоқ хўжалигига мўлжалланган ерлардан ва яйловлардан оқилона фойдаланилмаган ҳисобланади.
6. Қишлоқ хўжалигига мўлжалланган ерлардан оқилона фойдаланишни баҳолаш учун ердан фойдаланувчиларда қуйидаги ҳужжатлар мавжуд бўлиши шарт:
а) қишлоқ хўжалиги фаолияти тўғрисидаги йиллик статистика ҳисоботи шакллари бўйича статистика маълумотлари.
Бунда қишлоқ хўжалиги фаолияти тўғрисидаги йиллик статистика ҳисоботи шакллари бўйича статистика маълумотлари ердан фойдаланувчиларнинг сўровномаларига асосан туман статистика бўлимлари томонидан беғараз тақдим этилади;
б) мазкур Низомга 1-иловага мувофиқ шаклдаги алмашлаб экиш режаси;
в) мазкур Низомга 2-иловага мувофиқ шаклдаги яйловлар алмашиниши режаси;
г) хўжалик ичида ер тузиш лойиҳаси (деҳқон хўжаликлари ва томорқа ер эгаларининг қишлоқ хўжалигига мўлжалланган ерлардан оқилона фойдаланиш ҳолатини аниқлаш бундан мустасно).
7. Хўжалик ичида ер тузиш лойиҳаси ердан фойдаланувчиларнинг мурожаатига асосан «Ўздаверлойиҳа» давлат илмий-лойиҳалаш институти ва унинг ҳудудий бўлинмалари томонидан хўжалик шартномалари асосида ишлаб чиқилади ҳамда туман (Қувасой шаҳар) ҳокимининг қишлоқ ва сув хўжалиги масалалари бўйича ўринбосари томонидан тасдиқланади.
2-боб. Қишлоқ хўжалигига мўлжалланган ерлардан оқилона фойдаланиш тартиби
8. Ердан фойдаланувчилар қишлоқ хўжалигига мўлжалланган ерлардан фойдаланишда умумий фойдаланиш учун чоп этилган илмий-тадқиқот институтларининг илмий асосланган тавсиялари асосида ишлаб чиқилган ва тасдиқланган алмашлаб экиш режасига мувофиқ алмашлаб экишга риоя қилади.
Ердан фойдаланувчилар яйловлардан фойдаланишда энг кўп йўл қўйиладиган фойдаланиш меъёрининг 20 фоизидан кам бўлмаган миқдордаги қишлоқ хўжалиги ҳайвонларининг мавжудлигини ва унинг белгиланган меъёрдан ошиб кетмаслигини таъминлайди.
9. Хўжаликнинг ихтисослашуви ва ерни ижарага олиш шартномасига мувофиқ етиштириладиган экинларнинг ротацияси бўйича танланган алмашлаб экиш тизимига боғлиқ ҳолда қишлоқ хўжалиги экинларининг тўлиқ вегетацияга мувофиқ даврни ўз ичига олган алмашлаб экиш режаси ердан фойдаланувчилар томонидан ишлаб чиқилиб, Ўзбекистон Республикаси Қишлоқ хўжалиги вазирлигининг туман (Қувасой шаҳар) қишлоқ хўжалиги бўлими томонидан тасдиқланади ва бир нусхаси ушбу ташкилотда сақланади.
10. Тупроқ унумдорлигининг қуйидаги кўрсаткичлар бўйича пасайишига йўл қўйилмайди:
суғориладиган тупроқларнинг унумдор қатламида (0 — 30 см) умумий гумус (>0,8%) миқдорини, ҳаракатчан фосфор (>30 мг/кг) ва алмашинувчан калийнинг (>200 мг/кг) тупроқдаги миқдорларини кам таъминланган даражадан туширмаслик;
ушбу Низомга 3-иловага мувофиқ тупроқнинг гумус ва озиқа элементлари билан таъминланганлигининг кам кўрсаткичларига эга бўлган ерларни кенгайтирмаслик;
қонунчилик ҳужжатлари билан тасдиқланган талабларга мувофиқ ерларни максимал рухсат этилган концентрациясидан юқори даражада минерал ўғитлар ва пестицидлар билан ифлослантирмаслик;
эрозия натижасида юқори гумус қатлам қалинлигининг 5 сантиметрдан ортиқ пасайиши;
тупроқнинг 30 сантиметргача бўлган қатламида заҳарли тузлар умумий миқдорининг кўпайишига (хлор 0,01 фоиздан, сульфат 0,03-0,04 фоиздан ортиқ, тупроқдаги шўрланиш даражасини умумий майдоннинг 5 фоиздан оширмаслик) йўл қўймаслик;
қишлоқ хўжалиги мақсадлари учун берилган ерларни қишлоқ хўжалиги фойдаланишидан чиқариб юбормаслик.
11. Ердан фойдаланувчилар асосий қишлоқ хўжалиги экинлари, боғлар ва токзорлар тупроқларининг бир бонитет баллига нисбатан ҳисобланган норматив ҳосилдорлигига мувофиқ уларнинг ҳосилдорлигини таъминлаши шарт.
12. Ердан фойдаланувчилар чорвачилик мақсадлари учун қишлоқ хўжалигига мўлжалланган ерлардан фойдаланишда қуйидаги миқдорларда қишлоқ хўжалиги ҳайвонларининг мавжудлигини таъминлайди:
энг кўп йўл қўйиладиган фойдаланиш меъёрининг 20 фоизидан пасайтирмаслик;
энг кўп йўл қўйиладиган фойдаланиш меъёридан оширмаслик.
3-боб. Яйловлардан оқилона фойдаланиш тартиби
13. Яйловлардан оқилона фойдаланиш қуйидаги тадбирларни ўз ичига олади:
яйловлар алмашиниши ва сувдан фойдаланиш манбаларини ҳисобга олган ҳолда яйловлардан фойдаланиш;
Вазирлар Маҳкамасининг 2019 йил 19 августдаги 689-сон қарори билан тасдиқланган Яйловларда чорва молларини ўтлатишда энг кўп йўл қўйиладиган фойдаланиш нормаларини белгилаш, яйловлар алмашинишини таъминлаш ва юритиш тартиби тўғрисида низомга мувофиқ умумий яйлов майдони бўйича аниқланган энг кўп йўл қўйиладиган фойдаланиш меъёрини таъминлаш;
яйловлар алмашиниши режасига мувофиқ яйловлардан фойдаланиш;
яйловларнинг қишлоқ хўжалигида фойдаланишдан чиқиб кетишининг олдини олиш бўйича тадбирларни амалга ошириш, шу жумладан, ерларни бегона ўтлар ва бутасимон дарахтлар қоплашига ҳамда маиший ва ишлаб чиқариш чиқиндилари билан ифлосланишига йўл қўймаслик.
14. Ердан фойдаланувчилар яйловлардан фойдаланишда энг кўп йўл қўйиладиган фойдаланиш нормасидан ошмаган миқдорда қишлоқ хўжалиги ҳайвонлари боқилишини таъминлайди.
15. Энг кўп йўл қўйиладиган фойдаланиш нормасини таъминлаш мақсадида қишлоқ хўжалиги ҳайвонлари бош сони ва ердан фойдаланувчилар фойдаланишида бўлган яйловларнинг озиқа маҳсулдорлиги тўғрисидаги ахборотлардан фойдаланилади.
Ердан фойдаланувчиларга тегишли бўлган қишлоқ хўжалиги ҳайвонларининг бош сони миқдорини ҳисоблаш учун қишлоқ хўжалиги ҳайвонларини рўйхатга олиш бўйича маълумотлар базасидан олинган маълумотлар ҳамда ерларни масофадан зондлаш ўтказилган вақтдаги ахборотлар қабул қилинади.
Ердан фойдаланувчиларга тегишли бўлган қишлоқ хўжалиги ҳайвонларининг бош сони тўғрисида қишлоқ хўжалиги ҳайвонларини рўйхатга олиш бўйича маълумотлар базасида маълумотлар бўлмаган ҳолларда, чорва молларини хатловдан ўтказиш ва мониторинг қилиш асосида аниқ маълумотларни олишга рухсат этилади.
16. Яйловлардан оқилона фойдаланиш туман (Қувасой шаҳар) қишлоқ хўжалиги бўлими томонидан тасдиқланган Яйловларни бошқариш ва ундан фойдаланиш режаси билан тартибга солинади.
17. Яйловларнинг озиқа маҳсулдорлиги пасайишига йўл қўймаслик мақсадида қуйидаги тадбирлар амалга оширилади:
яйловларни қишлоқ хўжалиги ҳайвонларини боқиш (ўтлатиш) бўйича алоҳида участкаларга ажратиш (бўлиш);
яйловларнинг жойлашиши ва вақт (йил, мавсум) бўйича йил мавсуми давомида алмашиниши;
қишлоқ хўжалиги ҳайвонлари киритилмайдиган ва боқилмайдиган (ўтлатилмайдиган) ҳамда ҳар йили яйловлар алмашинишидан қолдириладиган ер участкаси.
18. Ҳудудларнинг табиий ва хўжалик шароитига боғлиқ ҳолда яйловларда қишлоқ хўжалиги ҳайвонларини боқиш (ўтлатиш)нинг қуйидаги тизимларидан фойдаланилади:
кўчиб юриш тартибида (ёйиб) боқиладиган (ўтлатиладиган) яйловлар;
йил давомида боқиладиган (ўтлатиладиган) яйловлар.
Қишлоқ хўжалиги ҳайвонлари кўчиб юриш тартибида (ёйиб) боқиладиган (ўтлатиладиган) минтақаларга боғлиқ ҳолда баҳор, ёз ва куз ойларида боқилади ҳамда қиш ойларида молхона шароитида озиқлантирилади.
Ердан фойдаланувчилар ҳудуднинг табиий-иқлим шароитига боғлиқ ҳолда яйловлардан йил давомида фойдаланади. Ердан фойдаланувчилар ноқулай иқлим шароитида чорвачилик биноларидан фойдаланади ва дағал озиқа базасининг етарли даражадаги захирасини яратади.
4-боб. Қишлоқ хўжалигига мўлжалланган ерлардан оқилона фойдаланиш ҳолатини ўрганиш ҳамда унинг натижасига кўра хулосани шакллантириш тартиби
19. Ўзбекистон Республикаси Қишлоқ хўжалиги вазирлиги ўзининг ҳудудий бўлинмалари билан биргаликда ҳар йили 10 февралга қадар ердан фойдаланувчилар кесимида қишлоқ хўжалигига мўлжалланган ерлардан (шу жумладан, яйловлардан) оқилона фойдаланиш ҳолатини ўрганиш бўйича календарь режаларни ишлаб чиқади, тасдиқлайди ҳамда Қишлоқ хўжалиги вазирлигининг www.agro.uz расмий сайтига жойлаштиради.
20. Қишлоқ хўжалигига мўлжалланган ерлардан оқилона фойдаланиш ҳолатини ўрганиш ҳамда унинг натижасига кўра хулосани шакллантириш бўйича ишчи гуруҳ (кейинги ўринларда — Ишчи гуруҳ) тузилади.
Ишчи гуруҳга «Ўздаверлойиҳа» институти, Тупроқшунослик ва агрокимёвий тадқиқотлар институти, Республика агрокимёвий таҳлил маркази ҳамда уларнинг ҳудудий (минтақавий) бўлинмалари ходимлари жалб этилади.
21. Қишлоқ хўжалигига мўлжалланган ерлардан оқилона фойдаланиш ҳолатини ўрганиш натижалари ушбу Низомнинг 5-бандида келтирилган мезонлар бўйича баҳоланади.
22. Қишлоқ хўжалигига мўлжалланган ерлардан оқилона фойдаланиш ҳолатини ўрганиш бўйича хулосалар Тупроқшунослик ва агрокимёвий тадқиқотлар институти, Республика агрокимёвий таҳлил маркази ёки уларнинг ҳудудий (минтақавий) бўлинмалари томонидан ўтказилган тупроқ тадқиқотлари натижаларига мувофиқ тайёрланади.
23. Яйловлардан оқилона фойдаланиш ҳолатини ўрганиш бўйича хулосалар «Ўздаверлойиҳа» институти ёки уни ҳудудий бўлинмалари томонидан ўтказилган геоботаник тадқиқотлар ва яйловлар мониторинги натижаларига мувофиқ тайёрланади.
24. Ишчи гуруҳ ҳар бир ердан фойдаланувчи кесимида қишлоқ хўжалигига мўлжалланган ерлардан оқилона фойдаланиш ҳолатини ўрганиш ҳамда унинг натижасига кўра хулосани қабул қилиш бўйича далолатномани расмийлаштиради ва «E-ijara» ахборот тизимига киритади ҳамда Ўзбекистон Республикаси Қишлоқ хўжалиги вазирлигининг www.agro.uz расмий сайтига жойлаштиради.
25. Қишлоқ хўжалигига мўлжалланган ерлардан оқилона фойдаланиш ҳолатини ўрганиш ҳамда унинг натижасига кўра хулоса электрон шаклда тайёрланади ва автоматик равишда туман (Қувасой шаҳар) ҳокимлигининг «E-ijara» ахборот тизимидаги кабинетига юборилади.
5-боб. Якунловчи қоида
26. Ушбу Низом талабларини бузганликда айбдор шахслар қонунчилик ҳужжатларида назарда тутилган тартибда жавоб берадилар.
Қишлоқ хўжалигига мўлжалланган ерлардан оқилона фойдаланиш тартиби тўғрисидаги низомга
1-ИЛОВА
1-ИЛОВА
«ТАСДИҚЛАЙМАН» | ||||||||||||||
______________ туман (Қувасой шаҳар) | ||||||||||||||
Қишлоқ хўжалиги бўлими бошлиги | ||||||||||||||
_______________________________ | ||||||||||||||
___(имзо) ______________ (Ф.И.О.)____ | ||||||||||||||
20___ йил «___» ___________ | ||||||||||||||
Алмашлаб экиш режаси | ||||||||||||||
Ер участкасининг контур рақами | Экин ерлари майдони, гектар | Алмашлаб экиш режасини тузишгача бўлган йиллардаги экинлар | Қишлоқ хўжалиги экинларининг режалаштирилаётган даврда жойлашиши | |||||||||||
20__ йил | 20__ йил | 20__ йил | 20__ йил | 20__ йил | 20__ йил | 20__ йил | 20__ йил | 20__ йил | 20__ йил | 20__ йил | 20__ йил | |||
Қишлоқ хўжалигига мўлжалланган ерлардан оқилона фойдаланиш тартиби тўғрисидаги низомга
2-ИЛОВА
2-ИЛОВА
«ТАСДИҚЛАЙМАН» | ||||||||
______________ туман (Қувасой шаҳар) | ||||||||
Қишлоқ хўжалиги бўлими бошлиги | ||||||||
_______________________________ | ||||||||
___(имзо) ______________ (Ф.И.О.)____ | ||||||||
20___ йил «___» ___________ | ||||||||
Яйловларни алмашиниш календарь режаси | ||||||||
Яйловдан фойдаланувчининг кадастр рақами | Контур рақами (алмашлаб боқиш участкаси рақами) | Йиллар бўйича фойдаланилиши | ||||||
2025 йил | 2026 йил | 2027 йил | 2028 йил | 2029 йил | 2030 йил | |||
Тўлдириш учун мисол: | |||||||
11:05:10:01:05:9424 | 1015 (1) | баҳор | куз | боқилмайди | ёз | баҳор | куз |
11:05:10:01:05:9424 | 1016 (2) | ёз | баҳор | куз | боқилмайди | ёз | баҳор |
11:05:10:01:05:9424 | 1017 (3) | боқилмайди | ёз | баҳор | куз | боқилмайди | ёз |
11:05:10:01:05:9424 | 1018 (4) | куз | боқилмайди | ёз | баҳор | куз | боқилмайди |
Қишлоқ хўжалигига мўлжалланган ерлардан оқилона фойдаланиш тартиби тўғрисидаги низомга
3-ИЛОВА
3-ИЛОВА
Тупроқнинг гумус ва озиқа элементлари билан таъминланганлик кўрсаткичлари
Т/р | Ҳудудлар номлари | Тупроқлар типи | Гумус билан таъминланганлиги, фоиз | Озиқа элементлари билан таъминланганлиги, миллиграмм/килограмм | ||||||||||||||
жуда кам (<0,4) | кам (0,41 — 0,8) | ўртача (0,81 — 1,2) | кўпроқ (1,2 — 1,6) | кўп (1,61 — 2,0) | юқори (>2,0) | ҳаракатчан фосфор | алмашинувчи калий | |||||||||||
жуда кам (<15) | кам (16 — 30) | ўртача (31 — 45) | кўп (46 — 60) | жуда кўп (>60) | жуда кам (<100) | кам (101 — 200) | ўртача (201 — 300) | кўп (301 — 400) | жуда кўп (>400) | |||||||||
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 |
1. | Қорақалпоғистон Республикаси | Сур қўнғир | 52 634 | 251 740 | 110 461 | 18 639 | 240 | 766 | 293 758 | 125 062 | 15 529 | 1795 | 550 | 24 787 | 222 995 | 137 751 | 42 416 | 8 746 |
Тақир ўтлоқи | ||||||||||||||||||
Ўтлоқи тақир | ||||||||||||||||||
Чўл қумли | ||||||||||||||||||
Ўтлоқи чўл қумли | ||||||||||||||||||
Ўтлоқи алювиал | ||||||||||||||||||
Ўтлоқи, ботқоқ-ўтлоқи аллювиал | ||||||||||||||||||
Сур қўнғир | ||||||||||||||||||
Тақир ўтлоқи | ||||||||||||||||||
Ўтлоқи тақир | ||||||||||||||||||
Чўл қумли | ||||||||||||||||||
2. | Андижон вилояти | Тўқ тусли бўз | 687 | 16241 | 68582 | 84091 | 42160 | 23593 | 65894 | 94441 | 43448 | 14708 | 16861 | 5282 | 130395 | 65058 | 24331 | 10287 |
Типик бўз | ||||||||||||||||||
Ўтлоқи аллювиал | ||||||||||||||||||
Ботқоқ ўтлоқи | ||||||||||||||||||
Ўтлоқи саз | ||||||||||||||||||
Бўз ўтлоқи | ||||||||||||||||||
Ўтлоқи ботқоқ | ||||||||||||||||||
Оч тусли бўз | ||||||||||||||||||
Саз ўтлоқи | ||||||||||||||||||
Ўтлоқи | ||||||||||||||||||
Ўтлоқи бўз | ||||||||||||||||||
Ботқоқли | ||||||||||||||||||
3. | Бухоро вилояти | Ўтлоқи | 7431 | 105832 | 91058 | 12361 | 2023 | 1332 | 160570 | 49368 | 7267 | 2262 | 569 | 19987 | 170562 | 24828 | 3694 | 966 |
Ўтлоқи аллювиал | ||||||||||||||||||
Ботқоқ-Ўтлоқи | ||||||||||||||||||
Ўтлоқи ботқоқ | ||||||||||||||||||
Чўл ўтлоқи | ||||||||||||||||||
Ўтлоқи тақир | ||||||||||||||||||
Тақир ўтлоқи | ||||||||||||||||||
Сур тусли қўнғир | ||||||||||||||||||
Сур тусли қўнғир ўтлоқи | ||||||||||||||||||
Чўл қумли ўтлоқи | ||||||||||||||||||
Тақир ўтлоқи дашт | ||||||||||||||||||
Ўтлоқи чўл | ||||||||||||||||||
Аллювиал ўтлоқи | ||||||||||||||||||
Ўтлоқи чўл қумли | ||||||||||||||||||
Ботқоқ | ||||||||||||||||||
4. | Жиззах вилояти | Бўз ўтлоқи | 2818 | 62224 | 147158 | 52725 | 9144 | 1649 | 199482 | 66045 | 8203 | 1459 | 531 | 11076 | 76557 | 120518 | 43465 | 24104 |
Оч тусли бўз | ||||||||||||||||||
Типик бўз | ||||||||||||||||||
ўтлоқи | ||||||||||||||||||
ўтлоқи бўз | ||||||||||||||||||
тўқ тусли бўз | ||||||||||||||||||
ботқоқ ўтлоқи | ||||||||||||||||||
5. | Қашқадарё вилояти | Тўқ тусли бўз | 12333 | 160914 | 219697 | 64852 | 11613 | 3590 | 240929 | 165967 | 38710 | 12368 | 15025 | 2118 | 163615 | 179054 | 97167 | 31046 |
Типик бўз | ||||||||||||||||||
Оч тусли бўз | ||||||||||||||||||
Бўз-ўтлоқи | ||||||||||||||||||
Ўтлоқи-бўз | ||||||||||||||||||
Сур тусли қўнғир | ||||||||||||||||||
Сур тусли қўнғир ўт. | ||||||||||||||||||
Қумли чўл | ||||||||||||||||||
Тақирли | ||||||||||||||||||
Тақир ўтлоқи | ||||||||||||||||||
Ўтлоқи | ||||||||||||||||||
6. | Навоий вилояти | Типик бўз | 1 359 | 29 406 | 51 980 | 24 578 | 3 470 | 200 | 35 988 | 58 009 | 9 633 | 3 461 | 3 901 | 3 092 | 55 883 | 37 418 | 11 108 | 3 491 |
Оч тусли бўз | ||||||||||||||||||
Бўз-ўтлоқи | ||||||||||||||||||
Ўтлоқи-бўз | ||||||||||||||||||
Сур тусли қўнғир | ||||||||||||||||||
Сур тусли қўнғир ўтлоқи | ||||||||||||||||||
чўл қумли | ||||||||||||||||||
Чўл қумли ўтлоқи | ||||||||||||||||||
Тақир | ||||||||||||||||||
Тақир ўтлоқи | ||||||||||||||||||
Ўтлоқи тақир | ||||||||||||||||||
Ўтлоқи | ||||||||||||||||||
7. | Наманган вилояти | Тўк тусли бўз | 3650 | 43473 | 112886 | 60582 | 14152 | 5913 | 153632 | 61602 | 14388 | 4800 | 6234 | 21326 | 163069 | 42057 | 9762 | 4442 |
Типик бўз | ||||||||||||||||||
Оч тусли бўз | ||||||||||||||||||
Бўз-ўтлоқи | ||||||||||||||||||
Ўтлоқи-бўз | ||||||||||||||||||
Сур тусли қўнғир ўтлоқи | ||||||||||||||||||
Ўтлоқи | ||||||||||||||||||
8. | Самарқанд вилояти | Тўк тусли бўз | 11043 | 102114 | 138974 | 52325 | 8370 | 2861 | 84019 | 156891 | 49601 | 10244 | 14932 | 11783 | 155658 | 97148 | 38259 | 12839 |
Типик бўз | ||||||||||||||||||
Оч тусли бўз | ||||||||||||||||||
Бўз-ўтлоқи | ||||||||||||||||||
Ўтлоқи-бўз | ||||||||||||||||||
Ўтлоқи | ||||||||||||||||||
Ўтлоқи ботқоқ | ||||||||||||||||||
Ботқоқ ўтлоқи | ||||||||||||||||||
9. | Сурхондарё вилояти | Тўк тусли бўз | 5942 | 87893 | 136923 | 35876 | 6831 | 3052 | 164122 | 78184 | 19323 | 5299 | 9589 | 2015 | 109534 | 74193 | 54855 | 35920 |
Типик бўз | ||||||||||||||||||
Оч тусли бўз | ||||||||||||||||||
Бўз-ўтлоқи | ||||||||||||||||||
Ўтлоқи-бўз | ||||||||||||||||||
Сур тусли қўнғир | ||||||||||||||||||
Сур тусли қўнғир ўтлоқи | ||||||||||||||||||
Қумли чўл | ||||||||||||||||||
Тақирли | ||||||||||||||||||
Тақир ўтлоқи | ||||||||||||||||||
Ўтлоқи | ||||||||||||||||||
10. | Сирдарё вилояти | Ўтлоқи | 1303 | 91594 | 133728 | 26500 | 1865 | 41 | 173605 | 71564 | 7571 | 1755 | 535 | 8992 | 107855 | 106558 | 26131 | 5494 |
Бўз ўтлоқи | ||||||||||||||||||
Ўтлоқи бўз | ||||||||||||||||||
Ўтлоқи аллювиал | ||||||||||||||||||
Ботқоқ ўтлоқи | ||||||||||||||||||
Ўтлоқи ботқоқ | ||||||||||||||||||
Оч тусли бўз | ||||||||||||||||||
Типик бўз | ||||||||||||||||||
11. | Тошкент вилояти | Тоғ жигарранг | 2665 | 43488 | 123379 | 100254 | 45472 | 27844 | 116144 | 141497 | 47662 | 14943 | 22856 | 5260 | 111192 | 109926 | 75811 | 40912 |
Тўқ тусли бўз | ||||||||||||||||||
Типик бўз | ||||||||||||||||||
Бўз-ўтлоқи | ||||||||||||||||||
Ўтлоқи-бўз | ||||||||||||||||||
Ўтлоқи | ||||||||||||||||||
Ўтлоқи-ботқоқ | ||||||||||||||||||
Ботқоқ-ўтлоқи | ||||||||||||||||||
12. | Фарғона вилояти | Тўқ тусли бўз | 6043 | 47896 | 99046 | 89411 | 39296 | 28688 | 159624 | 99234 | 25130 | 9738 | 16654 | 17344 | 223276 | 46571 | 13015 | 10173 |
Типик бўз | ||||||||||||||||||
Оч тусли бўз | ||||||||||||||||||
Буз-ўтлоқи | ||||||||||||||||||
Ўтлоқи-бўз | ||||||||||||||||||
Колматож | ||||||||||||||||||
Ўтлоқи тақирли | ||||||||||||||||||
Ўтлоқи | ||||||||||||||||||
Ўтлоқи-саз | ||||||||||||||||||
Саз-ўтлоқи | ||||||||||||||||||
Ўтлоқи саз-аливиал | ||||||||||||||||||
13. | Хоразм вилояти | Сур-қўнғир | 9623 | 82230 | 108277 | 27223 | 7601 | 5133 | 100352 | 93965 | 25872 | 8356 | 11541 | 6160 | 200392 | 26521 | 4186 | 2829 |
Ўтлоқи аливиал | ||||||||||||||||||
Ботқоқ ўтлоқи | ||||||||||||||||||
Ўтлоқи ботқоқ | ||||||||||||||||||
Изоҳ. Суғориладиган тупроқлар таркибидаги гумус, ҳаракатчан фосфор ва аламашинувчи калий миқдорлари контурлар кесимида аниқланиб уларни қиёсий таққослаш ҳам контурлар кесимида ҳисоб-китоб қилиниши шарт.
(Қонунчилик маълумотлари миллий базаси, 08.01.2025 й., 09/25/914/0015-сон)
