Ўзбекистон Республикаси Вазирлар Маҳкамасининг 1992 йил 9 сентябрдаги 421-сонли «Ўзбекистон Республикаси Вазирлар Маҳкамаси ҳузуридаги Олий аттестация комиссияси фаолиятини ташкил этиш масалалари» тўғрисидаги қарорига асосан, Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсати қарор қилади:

1. Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 1996 йил 25 январдаги 34/2-сон ҳамда 2003 йил 17 июлдаги 96/4-сон қарорлари билан тасдиқланган ва Ўзбекистон Республикаси Адлия вазирлигида 1996 йил 10 июлда 261-рақам билан ҳамда 2003 йил 12 августда 261-1-рақам билан рўйхатга олинган «Илмий даражалар бериш тартиби тўғрисидаги низом»га иловага мувофиқ ўзгартириш ва қўшимчалар киритилсин.

2. Мазкур қарор ўрнатилган тартибда Ўзбекистон Республикаси Адлия вазирлигига рўйхатдан ўтказиш учун тақдим этилсин.

1. 1-банд биринчи хатбошисининг иккинчи жумласида «Олий маълумотга» сўзларидан кейин «шу жумладан бакалавр» сўзлари чиқарилсин.

2. 12-банд бўйича:

а) биринчи хатбошидан «газета ва» сўзлари чиқарилсин.

б) иккинчи хатбошида «30» сони «20» сонига алмаштирилсин.

в) бешинчи хатбошидан «газета», «газета ва» сўзлари чиқарилсин; ўн учинчи хатбошидан «газета» сўзи чиқарилсин.

г) бешинчи хатбоши қуйидаги жумла билан тўлдирилсин:

«ижтимоий-гуманитар ва иқтисодиёт соҳалари бўйича докторлик диссертацияси натижалари юзасидан монография нашр этилган бўлиши, бошқа фанлар соҳалари бўйича докторлик диссертацияси натижалари юзасидан эса, ушбу фан соҳаси юқори даражада ривожланган хорижий мамлакатларнинг илмий журналларида камида иккита мақола нашр этилган бўлиши шартдир».