Ўзбекистон Республикаси Вазирлар Маҳкамасининг
қарори
Ер ости сувларига қудуқларни бурғилаш ва улардан фойдаланиш муносабатларини тартибга солишни янада такомиллаштириш чора-тадбирлари тўғрисида
Ер ости сув ресурсларини муҳофаза қилиш, уларнинг камайиб кетишини олдини олиш, жисмоний ва юридик шахсларнинг сувга қудуқлар бурғилаш билан боғлиқ фаолиятини тартибга солиш, шунингдек, сув ҳисобини юритиш механизмини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ер ости сув ресурсларини муҳофаза қилиш ва улардан оқилона фойдаланишни тартибга солиш бўйича қўшимча чора-тадбирлар тўғрисида» 2022 йил 7 декабрдаги ПҚ-439-сон қарорига мувофиқ:
ер ости сувларидан фойдаланувчиларга олинаётган сувнинг аниқ ҳисобини юритиш мақсадида ўз тасарруфидаги ер ости сув олиш иншоотларини сув ҳисоблаш воситалари билан жиҳозлаш мажбурияти юклатилганлиги;
сувни ҳисобга олиш воситалари билан жиҳозланмаган ер ости сув олиш иншоотларидан фойдаланиш тақиқланганлиги (бундан жисмоний шахсларга шахсий ва хўжалик эҳтиёжлари учун якка тартибда суткасига 5 метр кубгача бўлган миқдорда ер ости сувларини олиш мустасно) маълумот учун қабул қилинсин.
2. Қуйидагилар:
Олдинги таҳрирга қаранг.
(Ўзбекистон Республикаси Вазирлар Маҳкамасининг 2025 йил 28 августдаги 547-сонли қарорига асосан 2-банднинг «а» кичик бандининг чиқарилиш санаси 2025 йил 30 ноябрь — Қонунчилик маълумотлари миллий базаси, 29.08.2025 й., 09/25/547/0788-сон)
б) хавфли экзоген геологик жараёнларнинг мониторингини юритиш, хавфли экзоген геологик жараёнлар давлат инспекторларига берилган ҳуқуқлар ҳамда хавфли геологик жараёнлардан огоҳлантириш тартибини белгилашни назарда тутувчи Хавфли экзоген геологик жараёнларнинг давлат мониторинги тўғрисидаги низом 2-иловага мувофиқ тасдиқлансин.
3. Ер ости сувларига қудуқлар бурғилаш фаолияти билан шуғулланувчи юридик шахслар ва якка тартибдаги тадбиркорлар икки ой муддатда ўзларига тегишли бурғилаш ускуналарининг техник паспортларини ҳудудий ички ишлар органларида белгиланган тартибда қайта расмийлаштириш чораларини кўрсин.
Бунда бурғилаш ускуналарининг техник паспортларини қайта расмийлаштириш учун тўловлар ундирилмаслиги инобатга олинсин.
4. Тоғ-кон саноати ва геология вазирлиги Рақамли технологиялар вазирлиги билан биргаликда уч ой муддатда мазкур қарор билан ўзгартирилган тартиб-таомилларга мувофиқ давлат хизматларини кўрсатиш «Лицензия» ахборот тизими ёки Ўзбекистон Республикаси Ягона интерактив давлат хизматлари портали орқали жорий этилишини таъминласин.
5. Қуйидагилар:
тоғ-кон саноати ва геология вазири ўринбосари А. Кадирходжаев — ер ости сув ресурслари камайиб кетишининг олдини олиш, сувга қудуқлар бурғилаш фаолиятини тартибга солиш, олинаётган сув ҳисобини юритиш механизмини янада такомиллаштириш бўйича топшириқлар ижросини мувофиқлаштиришга;
«Ўзбекгидрогеология» ДК директори Ш. Йўлдашев — ер ости сув олиш иншоотларини сув ҳисоблаш воситалари билан жиҳозлаш ҳамда хавфли экзоген геологик жараёнлар устидан самарали давлат мониторинги ўрнатилишига масъул ва шахсий жавобгар этиб белгилансин.
6. Ўзбекистон Республикаси Ҳукуматининг 3-иловага мувофиқ айрим қарорларига ўзгартириш ва қўшимчалар киритилсин.
7. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.
8. Ўзбекистон Республикаси Тоғ-кон саноати ва геология вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
9. Мазкур қарорнинг бажарилишини назорат қилиш Ўзбекистон Республикаси тоғ-кон саноати ва геология вазири Б.Ф. Исламов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2023 йил 28 декабрь,
685-сон
Олдинги таҳрирга қаранг.
(Ўзбекистон Республикаси Вазирлар Маҳкамасининг 2025 йил 28 августдаги 547-сонли қарорига асосан 1-илованинг ўз кучини йўқотиш санаси — 2025 йил 30 ноябрь — Қонунчилик маълумотлари миллий базаси, 29.08.2025 й., 09/25/547/0788-сон)
Вазирлар Маҳкамасининг 2023 йил 28 декабрдаги 685-сон қарорига
2-ИЛОВА
Хавфли экзоген геологик жараёнларнинг давлат мониторинги тўғрисида
НИЗОМ
1-боб. Умумий қоидалар
1. Ушбу Низом Ўзбекистон Республикаси ҳудудида хавфли экзоген геологик жараёнларнинг (кўчки, қулаш, чўкиш, суффозия, карст) давлат мониторинги мақсади, асосий вазифалари, объектлари, юритиш ва ҳисоботлар тақдим этиш тартибини белгилайди.
2. Хавфли экзоген геологик жараёнларнинг (кейинги ўринларда — ХЭГЖ) давлат мониторинги атроф табиий муҳит ва ер қаъри мониторингининг таркибий қисми ҳисобланади.
3. Ўзбекистон Республикасининг асосан тоғ ва тоғолди ҳудудларидаги (заруратга мувофиқ бошқа ҳудудлардаги) ХЭГЖ давлат мониторинги объектлари ҳисобланади.
4. ХЭГЖ давлат мониторинги маълумотларидан иқтисодиёт ва бошқа объектларни жойлаштириш, лойиҳалаштириш ва қуриш, ҳудудларни ХЭГЖ таъсиридан ҳимоя қилиш бош схемаларини ишлаб чиқиш ҳамда ХЭГЖ давлат кадастрини юритишда фойдаланилади.
5. ХЭГЖ давлат мониторинги муайян вазифаларидан келиб чиққан ҳолда давлат ва ишлаб чиқариш даражасида амалга оширилади.
ХЭГЖ давлат мониторинги Ўзбекистон Республикасида атроф табиий муҳит мониторинги дастури ва ҳар йилги республика минерал-хом ашё базасини ривожлантириш давлат дастурлари доирасида амалга оширилади.
Иқтисодиёт объектлари, шу жумладан, линияли иншоотлар (йўллар, каналлар, электр узатиш линиялари, қувурлар ва шу кабилар), кон-руда корхоналари хўжалик фаолияти ҳудудларида, ХЭГЖ ишлаб чиқариш мониторинги юридик ва жисмоний шахсларнинг ўз маблағлари ҳисобидан амалга оширилади.
6. ХЭГЖ давлат мониторинги «Ўзбекгидрогеология» ДМ таркибидаги Давлат геологик мониторинг хизмати томонидан юритилади ва ХЭГЖ шаклланиши шароитларини, ривожланишини ўрганиш, рўй бериши мумкин бўлган фалокатли оқибатлари тўғрисида аҳолини, давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотларни огоҳлантириш ва хабардор қилиш юзасидан «Ўзбекгидрогеология» ДМга ҳисобот беради.
Шунингдек, Давлат геологик мониторинг хизмати ХЭГЖни ўрганиш ҳамда тегишлича хулосалар ва ёзма кўрсатмалар бериш бўйича ягона бажарувчи ҳисобланади.
2-боб. ХЭГЖ давлат мониторинги мақсади ва асосий вазифалари
7. ХЭГЖ давлат мониторинги мақсади — Ўзбекистон Республикаси тоғ ва тоғолди ҳудудларида жойлашган аҳоли пунктлари, иқтисодиёт ва ижтимоий соҳа объектларида табиий ва хўжалик фаолияти натижасида рўй берадиган ХЭГЖнинг пайдо бўлишини, ривожланишини ўрганиш ҳамда кузатиш, шунингдек, ушбу жараёнлар хавфидан огоҳлантиришдан иборат.
8. Қуйидагилар ХЭГЖ давлат мониторингининг асосий вазифалари ҳисобланади:
ХЭГЖ ривожланиши мумкин бўлган ҳудудларни аниқлаш ва ўрганиш;
ХЭГЖнинг рўй бериши тўғрисида давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотларни ҳамда жисмоний ва юридик шахсларни хабардор қилиш ва огоҳлантириш;
Давлат геологик мониторинг хизматининг ёзма кўрсатмалари, шунингдек, хулосаларида баён этилган талабларнинг барча давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар ҳамда жисмоний ва юридик шахслар, уларнинг идоравий бўйсунувидан ва мулкчилик шаклларидан қатъи назар, мансабдор шахслар ва фуқаролар томонидан бажарилиши устидан давлат назоратини амалга ошириш;
ХЭГЖнинг янги манбалари шаклланишининг олдини олиш мақсадида уларнинг кучайиши мумкин бўлган ҳудудлардан оқилона фойдаланиш бўйича тавсиялар тайёрлаш ва бериш;
республика ҳудудида ХЭГЖ рўй бериши тўғрисидаги ахборотга оид маълумотлар базасини шакллантириш ва тизимли тўлдириб бориш, ХЭГЖ таъсири оқибатида етказилган физик зарарни ҳисобга олиш, тоғ ён бағирларининг мустаҳкамлигини сақлаш бўйича тавсиялар бериш;
давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар билан ҳудудлардан фойдаланишнинг жорий ҳамда истиқболдаги режаларини, шу жумладан, ХЭГЖнинг кучайиши мумкин бўлган ҳудудлардаги саноат ва хўжалик қурилишларининг лойиҳаларини келишиш;
аҳоли пунктлари, иқтисодиёт ва ижтимоий соҳа объектларининг лойиҳалаш ташкилотлари томонидан ХЭГЖ таъсиридан ҳимоя қилиш бўйича ишлаб чиқилган чора-тадбирлар лойиҳаларини келишиш, зарур ҳолларда ушбу тадбирларни муҳандислик-геологик жиҳатдан асослашда иштирок этиш (мураккаб ва алоҳида муҳим объектларда);
соҳага оид хорижий тажрибани ўрганиш ва жорий этиш бўйича белгиланган тартибда халқаро ҳамкорликни амалга ошириш;
ХЭГЖ кучайиши тўғрисида ахборот, уларнинг олдини олиш ёки салбий таъсирини камайтириш бўйича чора-тадбирларни амалга ошириш юзасидан муҳандислик-геологик хулосалар ва ёзма кўрсатмалар бериш;
Фавқулодда вазиятлар вазирлиги билан биргаликда зарур ҳолларда, берилган ёзма кўрсатмалар давлат бошқаруви органлари, хўжалик бирлашмалари, маҳаллий ижро этувчи ҳокимият органлари ва бошқа ташкилотлар ҳамда жисмоний ва юридик шахслар томонидан бажарилмагани тўғрисидаги материалларни прокуратура органларига тақдим этиш.
3-боб. ХЭГЖ давлат мониторингини юритиш тартиби
12. ХЭГЖнинг жойлардаги давлат мониторинги Ўзбекистон Республикаси Давлат бюджети маблағлари ҳисобидан Тоғ-кон саноати ва геология вазирлигининг «Ўзбекгидрогеология» ДМ таркибидаги Давлат геологик мониторинг хизмати Ҳудудий гидрогеология станцияларига тенглаштирилган Ҳудудий кузатиш станциялари томонидан амалга оширилади.
13. ХЭГЖ давлат мониторинги кузатув тармоғи топогеодезик пунктлари, маркалар, булоқлар, қудуқлар, йирик ер кўчки участкаларига ўрнатилган асбоб-ускуналар ва бошқалардан ташкил топган бўлиб, улардаги кўрсаткичларнинг ўзгариши юзасидан тизимли кузатув ишлари олиб борилади.
14. Кузатув участкаларини танлаш, кузатиш даврийлиги ва услубияти «Ўзбекгидрогеология» ДМ томонидан белгиланади ва тегишлича лойиҳаларга мувофиқ Тоғ-кон саноати ва геология вазирлиги томонидан тасдиқланади.
15. ХЭГЖ давлат мониторинги натижаларидан олинган бирламчи геологик маълумотлар Ҳудудий кузатиш станциялари томонидан умумлаштирилиши, таҳлил қилиниши, қайта ишланилиши ҳамда бир сутка мобайнида Атроф табиий муҳит мониторинги тизимининг ягона геоахборот маълумотлар базасига киритилиши лозим.
16. Муайян ҳудуддаги хавфли геологик жараёнлар мониторингининг умумлаштирилган маълумотлари ҳар чоракда, ҳисобот ойидан кейинги ойнинг 5-санасига қадар Тоғ-кон саноати ва геология вазирлигига юборилади.
Тоғ-кон саноати ва геология вазирлиги ҳар чоракда, ҳисобот ойидан кейинги ойнинг 10-санасига қадар муайян ҳудудда мониторинг объектларини кузатишлар ва атроф-муҳитнинг тегишли компонентлари ҳолатини баҳолаш маълумотларини ўз ичига олган хавфли геологик жараёнлар мониторингининг умумлаштирилган маълумотларини Экология, атроф-муҳитни муҳофаза қилиш ва иқлим ўзгариши вазирлиги ҳузуридаги Атроф табиий муҳитни муҳофаза қилиш соҳасида ихтисослаштирилган аналитик назорат марказига юборади.
Табиий ва халқ хўжалиги объектларига, шунингдек, аҳолига хавф туғдирувчи хавфли геологик жараёнлар юзага келиши белгилари аниқланганда, олиб борилган кузатишлар маълумотлари дарҳол «Ўзбекгидрогеология» ДМ томонидан Экология, атроф-муҳитни муҳофаза қилиш ва иқлим ўзгариши вазирлиги ва Фавқулодда вазиятлар вазирлигининг тегишли органларига тезкор тегишли чоралар кўриш учун юборилади.
ХЭГЖ ишлаб чиқариш мониторинги натижалари асосида ойлик, чораклик ва йиллик ҳисоботлар Тоғ-кон саноати ва геология вазирлиги тизимидаги «Ўзбекгидрогеология» ДУКнинг Давлат геологик мониторинг хизматига тақдим этиб борилади. Хавфли экзоген геологик жараёнларнинг кутилмаганда содир бўлиши аниқланганда, бу ҳақда зудлик билан хабар берилади.
4-боб. ХЭГЖ давлат мониторингини юритишни ташкил этиш
17. ХЭГЖ давлат мониторингини олиб бориш Тоғ-кон саноати ва геология вазирлиги томонидан тасдиқланадиган Ҳудудий кузатиш станциялари лойиҳалари доирасида амалга оширилади.
ХЭГЖ давлат мониторингини олиб бориш бўйича керакли ҳужжатлар, шу жумладан, далолатномалар тегишли Ҳудудий кузатиш станциялари томонидан белгиланган тартибда ҳисобга олиниши ва сақланиши лозим.
18. Давлат геологик мониторинг хизматининг Хавфли геологик жараёнларни кузатиш давлат хизмати бошлиғи Бош давлат инспектори, Хавфли геологик жараёнлар давлат мониторинги бўлими бошлиғи Бош давлат инспектори ўринбосари, Ҳудудий кузатиш станция бошлиқлари ва етакчи гидрогеологлари ХЭГЖ давлат мониторинги бўйича давлат инспекторлари ҳисобланади.
ХЭГЖ давлат мониторинги бўйича Бош давлат инспектори Тоғ-кон саноати ва геология вазири томонидан лавозимга тайинланади ва озод этилади.
19. Бош давлат инспектори ва унинг ўринбосарига қуйидаги ҳуқуқлар берилади:
хавфли геологик жараёнлар кучайиши мумкин бўлган жойларда аҳолини бошқа жойга кўчириш (муайян жойдан вақтинча кўчириш), объектлар қуриш ва улардан фойдаланиш тартибини бошқа муддатга кўчириш ёки ўзгартириш, шунингдек, бошқа ишларни амалга ошириш тўғрисида ёзма кўрсатмалар бериш;
хавфли геологик жараёнлар кучайиши мумкин бўлган жойларда, агар объектлар қурилиши хулосалар ва экспертиза далолатномаларисиз, лойиҳаларга риоя этилмасдан амалга оширилганда ёки Давлат геологик мониторинг хизматининг тавсиялари бажарилмаганда ёхуд бу ишлар ҳудудлардан фойдаланишга доир амалдаги нормативларга риоя этилмай бажарилганда ўз ваколатлари доирасида қурилиш ишларини ўн иш кунидан ортиқ бўлмаган муддатга тўхтатиб туриш ёки судга мурожаат қилиш;
агар кейинги фаолияти хавфли геологик жараёнларнинг пайдо бўлишига, ривожланишига ёки кучайишига олиб келса, идоравий мансублигидан ва мулкчилик шаклларидан қатъи назар, ташкилотларнинг фаолиятини тўхтатиш тўғрисида Вазирлар Маҳкамасига, давлат бошқаруви органлари, хўжалик бирлашмалари, маҳаллий ижро этувчи ҳокимият органларига таклифлар киритиш;
агар объектларни қуриш ва улардан фойдаланиш шарт-шароитлари хавфли геологик жараёнларнинг пайдо бўлишига, ривожланишига ёки кучайишига олиб келадиган бўлса, муҳандислик-геологик фонд материалларини ўрганиш ва асосли далиллар, шунингдек, хавфли геологик жараёнлар ривожланган ҳудудларнинг жорий ҳолатидан келиб чиқиб, илгари берилган хулосаларга зарур ўзгартиришлар киритиш;
мулкчилик шаклидан қатъи назар ХЭГЖ ишлаб чиқариш мониторинги объектларида тегишлича назорат кузатув ишларини ўтказиш ҳамда ишлаб чиқариш мониторинги натижаларини сўраб олиш;
давлат бошқаруви органлари, хўжалик бирлашмалари, маҳаллий ижро этувчи ҳокимият органлари томонидан Давлат геологик мониторинг хизматининг ёзма кўрсатмалари бажарилмаганлиги ҳақидаги билдиришномалар Тоғ-кон, геология ва саноат хавфсизлигини назорат қилиш инспекциясига ҳамда Фавқулодда вазиятлар вазирлигига тегишлича чоралар кўриш учун юбориш.
20. Давлат инспекторларига қуйидаги ҳуқуқлар берилади:
хулосалар асосида аҳолини бошқа жойга кўчириш (муайян жойдан вақтинча кўчириш), объектлар қуриш ва улардан фойдаланиш вақтини бошқа муддатга кўчириш ёки ўзгартириш, шунингдек, хавфли геологик жараёнлар кучайиши мумкин бўлган жойларда бошқа ишларни амалга ошириш тўғрисида бажариш мажбурий бўлган ёзма кўрсатмалар бериш;
агар объектларни қуриш ва улардан фойдаланиш шарт-шароитлари хавфли геологик жараёнларнинг пайдо бўлишига, ривожланишига ёки кучайишига олиб келадиган бўлса, хавфли геологик жараёнлар кучайиши мумкин бўлган жойларда ҳудудларни ўзлаштириш юзасидан илгари берилган хулосаларга зарур ўзгартиришларни бош давлат инспектори ва унинг ўринбосари билан келишган ҳолда киритиш;
хавфли геологик жараёнлар кучайиши мумкин бўлган жойларнинг чегарасини аниқлаш ҳамда шунга мувофиқ равишда хавфсиз жойларга кўчириш лозим бўлган хўжаликлар сони ва объектлар рўйхатига доир муҳандислик-техникавий тадбирларга ўзгартиришлар киритиш;
хавфли геологик жараёнлар кучайиши мумкин бўлган жойларда янги (реконструкция қилинган) объектлар ва иншоотларни қабул қилиш ва фойдаланишга топшириш бўйича давлат комиссиялари ишида қатнашиш;
мулкчилик шаклидан қатъи назар, ХЭГЖ ишлаб чиқариш мониторинги объектларида тегишлича назорат кузатув ишларини ўтказиш ҳамда ишлаб чиқариш мониторинги натижаларини сўраб олиш;
давлат бошқаруви органлари, хўжалик бирлашмалари, маҳаллий ижро этувчи ҳокимият органлари, шунингдек, мансабдор шахсларга Давлат геологик мониторинг хизмати томонидан берилган ёзма кўрсатмалари бажарилмаганлиги ҳақида билдиришномалар Тоғ-кон, геология ва саноат хавфсизлигини назорат қилиш инспекциясига ҳамда Фавқулодда вазиятлар вазирлигига Бош давлат инспектори ва унинг ўринбосари билан келишган ҳолда юбориш.
21. Давлат инспекторлари томонидан мутасаддиларга берилган кўрсатма нусхаси Фавқулодда вазиятлар вазирлигига назорат қилиш учун тақдим этилади.
Мазкур Низомга иловага мувофиқ шаклдаги кўрсатма бланкаси тартиб рақамига эга бўлиб, улар махсус дафтарда рўйхатга олиб борилади.
22. ХЭГЖдан огоҳлантириш, уларга қарши чора-тадбирларни амалга ошириш тўғрисида берилган кўрсатмаларнинг белгиланган муддатларда бажарилмаслиги, уларни тегишли давлат назорати ёки ҳуқуқни муҳофаза қилиш органларига тақдим этиш ҳамда жисмоний ва юридик шахсларни қонунчилик доирасида жавобгарликка тортиш учун асос бўлади.
23. Давлат инспекторлари томонидан амалга оширилган ишлар юзасидан ҳисоботлар тизимли равишда «Ўзбекгидрогеология» ДМ Илмий-техник кенгаши йиғилишларида кўриб чиқилади.
5-боб. Якунловчи қоида
24. Давлат инспекторлари ХЭГЖ давлат мониторинги натижалари бўйича тақдим этилаётган маълумотлар ҳаққонийлиги юзасидан қонунчиликда белгиланган тартибда жавоб берадилар.
Хавфли экзоген геологик жараёнларнинг давлат мониторинги тўғрисида низомга
ИЛОВА
Вазирлар Маҳкамасининг 2023 йил 28 декабрдаги 685-сон қарорига
3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг «Ер ости сувларидан фойдаланишга оид рухсат этувчи ҳужжатларни бериш тартибини янада такомиллаштириш чора-тадбирлари тўғрисида» 2021 йил 8 январдаги 9-сон қарорида:
а) 1-бандда:
учинчи хатбоши чиқариб ташлансин;
тўртинчи хатбоши учинчи хатбоши деб ҳисоблансин;
б) 1-иловада:
3-банд қуйидаги таҳрирда баён қилинсин:
«3. Гидрогеологик хулоса Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» ДМ (кейинги ўринларда — Ер қаъридан фойдаланиш маркази) томонидан Ўзбекистон Республикаси Тоғ-кон саноати ва геология вазирлиги тизимидаги гидрогеология корхоналари (кейинги ўринларда — гидрогеология корхоналари) хулосасини инобатга олган ҳолда Давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали берилади»;
5-банд қуйидаги мазмундаги иккинчи хатбоши билан тўлдирилсин:
«Қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳига нисбатан сув сатҳи 5 метрдан ортиқ пасайиб кетган ҳудудларда ерларни суғориш ва ишлаб чиқариш мақсадларига гидрогеологик хулоса берилмайди»;
12-банд қуйидаги мазмундаги саккизинчи хатбоши билан тўлдирилсин:
«10 фоизи — Ер қаъридан фойдаланиш марказининг банк ҳисоб рақамига»;
саккизинчи хатбоши тўққизинчи хатбоши деб ҳисоблансин;
14-банднинг биринчи хатбошисидаги «тақдим этилганлиги» сўзларидан кейин «, ер ости сувлари сифатининг эҳтиёжга номувофиқлиги» сўзлари билан тўлдирилсин;
16 — 18-бандлар қуйидаги таҳрирда баён қилинсин:
«16. Ариза берувчилар Давлат хизматлари марказига келиб мурожаат этганда, унинг аризаси Давлат хизматлари маркази ходими томонидан тўлдирилиб, ариза берувчилар томонидан тасдиқлангандан сўнг ўн дақиқада электрон шаклда, ЯИДХП орқали мурожаат қилинганда эса ариза автоматик тарзда Ер қаъридан фойдаланиш марказига ва сув олиш мақсадларига қараб Сув хўжалиги вазирлиги ёки Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига юборилади.
17. Ер қаъридан фойдаланиш маркази тегишли гидрогеология корхоналари билан биргаликда ариза тушгандан сўнг уч иш куни мобайнида кўрсатилган ҳудудда ер ости сувлари ҳолатини ва тегишлича қудуқ бурғилашнинг мақсадга мувофиқлигини (ер ости сувлари захираларининг мавжудлиги, сув чиқариш имконияти, сифат кўрсаткичлари кабилар) дастлабки кўриб чиқади ва гидрогеологик хулосани бериш учун аризани қабул қилиш ёки рад этиш бўйича маълумот тайёрлайди.
Қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳига нисбатан сув сатҳи 5 метргача пасайган ҳудудларда:
қишлоқ хўжалиги экин майдонларини суғориш мақсадлари учун — сув тежовчи технологияларни жорий этиш шартлари билан Сув хўжалиги вазирлиги;
ишлаб чиқариш эҳтиёжлари учун — ҳудудий ривожлантириш дастурлари ва сувдан тежамли фойдаланиш шартларига асосан Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ер ости сувларига қудуқларни бурғилашга гидрогеологик хулосани бериш учун аризани қабул қилиш ёки рад этишни келишиб беради.
18. Ер қаъридан фойдаланиш маркази икки иш куни мобайнида умумлаштирилган маълумотлар асосида гидрогеологик хулосани бериш учун аризани қабул қилиш ёки рад этиш бўйича Давлат хизматлари марказига ёки Ягона интерактив давлат хизматлари портали орқали маълумот юборади. Аризани қабул қилиш рад этилганда, ундирилган йиғим ариза берувчига Давлат хизматлари маркази ёки ЯИДХП орқали тўлиқ қайтарилади.
Агар гидрогеологик хулоса берилиши мақсадга мувофиқ бўлса, махсус дала гидрогеологик тадқиқот ишлари ва фонд маълумотларини ўрганиш натижасида кўрсатилган ҳудудда ер ости сувлари мавжуд (етарли) эмаслиги аниқланса, ҳудудни сув билан таъминлашнинг бошқа манбалари тавсия этилган ҳолда (мавжуд бўлган ҳолларда) гидрогеология корхоналари томонидан гидрогеологик хулоса тайёрланади»;
19-банднинг иккинчи хатбошисидаги «ЯИДХП орқали юбориш» сўзларидан кейин «тўлов амалга оширилганидан сўнг» сўзлари билан тўлдирилсин;
20-банд қуйидаги таҳрирда баён қилинсин:
«20. Гидрогеология корхоналари тайёрланган гидрогеологик хулосани Ер қаъридан фойдаланиш марказига юборади. Ер қаъридан фойдаланиш маркази гидрогеологик хулосанинг титул варағига ушбу Регламентга 3-иловага мувофиқ QR-код (матрик штрихли код) қўйиб, гидрогеологик хулосанинг қолган қисмларини электрон шаклда бириктириш орқали ўз ЭРИси билан тасдиқлайди ҳамда Давлат хизматлари марказига ёки ЯИДХП орқали юборади»;
21-банд қуйидаги мазмундаги иккинчи хатбоши билан тўлдирилсин:
«Ариза берувчи гидрогеологик хулоса олганидан сўнг ўз ҳудудида ер ости сувларига қудуқ бурғилашдан олдин гидрогеология корхоналарини хабардор қилиши зарур. Гидрогеологик хулоса олмасдан ер ости сувларига қудуқ бурғилаш ноқонуний ҳисобланади»;
1-илова қуйидаги таҳрирда баён қилинсин:

«Гидрогеологик хулоса бериш бўйича давлат хизматлари кўрсатишнинг маъмурий регламентига

1-ИЛОВА

Гидрогеологик хулоса бериш бўйича давлат хизматлари кўрсатишнинг
СХЕМАСИ

Босқичлар

Субъектлар

Тадбирлар

Бажариш муддатлари

1-босқич

Ариза берувчи

Гидрогеологик хулоса олиш учун Давлат хизматлари марказига ўзи келган ҳолда ёки Ўзбекистон Республикаси Ягона интерактив давлат хизматлари портали орқали мурожаат қилади.

Зарур бўлганда

1. Давлат хизматлари маркази.

2. ЯИДХП.

Ариза шаклини тўлдириб, гидрогеология корхоналарига ва сув олиш мақсадларига қараб Сув хўжалиги вазирлиги ёки Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларига юборади.

Сўровнома тўлдирилгандан кейин 10 дақиқада

Аниқ вақт режимида

2-босқич

Ер қаъридан фойдаланиш маркази Гидрогеология корхоналари

Аризани дастлабки кўриб чиқади ва гидрогеологик хулосани бериш учун аризани қабул қилиш ёки рад этиш бўйича маълумот тайёрлайди.

3 кун

Қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳига нисбатан сув сатҳи 5 метргача пасайган ҳудудлар бўйича

Сув хўжалиги вазирлиги

Қишлоқ хўжалиги экин майдонларини суғориш мақсадлари учун — сув тежовчи технологияларни жорий этиш шартлари билан ер ости сувларига қудуқларни бурғилашга гидрогеологик хулосани бериш учун аризани қабул қилиш ёки рад этишни келишиб беради.

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

Ишлаб чиқариш эҳтиёжлари учун — ҳудудий ривожлантириш дастурлари ва сувдан тежамли фойдаланиш шартлари билан ер ости сувларига қудуқларни бурғилашга гидрогеологик хулосани бериш учун аризани қабул қилиш ёки рад этишни келишиб беради.

3-босқич

Ер қаъридан фойдаланиш маркази

Умумлаштирилган маълумотлар асосида гидрогеологик хулосани бериш учун аризани қабул қилиш ёки рад этиш бўйича Давлат хизматлари марказига ёки Ягона интерактив давлат хизматлари портали орқали маълумот юборади.

2 кун

Гидрогеология корхоналари

Гидрогеологик хулосани тайёрлайди ва Ер қаъридан фойдаланиш марказига юборади.

8 кун

Ер қаъридан фойдаланиш маркази

Тўлов амалга оширилганидан сўнг гидрогеологик хулосанинг титул варағига QR-кодни қўяди, хулосанинг қолган қисмларини электрон шаклда бириктириш орқали электрон рақамли имзоси билан тасдиқлайди ҳамда Давлат хизматлари марказига ёки Ягона интерактив давлат хизматлари портали орқали юборади.

1 кун

4-босқич

1. Давлат хизматлари маркази.

2. ЯИДХ.

1. Гидрогеологик хулосани ариза берувчининг электрон манзилига юборади ва ахборот-коммуникация тизими орқали хабардор қилади.

2. Ариза берувчи ўзи келиб мурожаат қилганда, гидрогеологик хулосани электрон ёки қоғоз шаклида ариза берувчига тақдим этади.

1. 10 дақиқада

2. Ариза берувчининг сўровига кўра

»;

2-илованинг 5-банди «қишлоқ хўжалиги (суғориш)» қаторидан кейин «кўкаламзорлаштириш (суғориш)» қатори билан тўлдирилсин;
в) 2-илова ўз кучини йўқотган деб ҳисоблансин;
г) 3-иловада:
3-банд қуйидаги таҳрирда баён қилинсин:
«3. Рухсатнома Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» ДМ (кейинги ўринларда — Ер қаъридан фойдаланиш маркази) томонидан Ўзбекистон Республикаси Тоғ-кон саноати ва геология вазирлигининг ҳудудий гидрогеология станциялари (кейинги ўринларда — гидрогеология станциялари) хулосасини инобатга олган ҳолда «Лицензия» ахборот тизими» ёки Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) орқали берилади»;
4-банддаги «сув олиш объектлари» сўзлари «сув олиш иншоотлари (бурғи қудуғи, қудуқ, галерея, булоқ ва бошқалар)» сўзлари билан алмаштирилсин;
5-банд қуйидаги таҳрирда баён қилинсин:
«5. Рухсатнома олмасдан ер ости сувларидан махсус фойдаланиш ёки уларни махсус истеъмол қилиш қатъиян тақиқланади, бунда зах қочириш (дренаж) мақсадлари учун рухсатнома олиш талаб қилинмайди (зах қочириш учун ишлатиладиган бурғи қудуқлари сувидан маълум мақсадларда фойдаланиш бундан мустасно).
Рухсатнома қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳига нисбатан сув сатҳи 5 метрдан ортиқ пасайиб кетган ҳудудларда мавжуд қудуқлардан ерларни суғориш учун сув тежовчи технологиялар жорий этилганда берилади»;
6-банднинг биринчи ва иккинчи хатбошиларидаги «сув олиш иншоотлари» сўзларидан кейин «, шу жумладан, галерея, булоқ ва термоминерал сув қудуқлари» сўзлари билан тўлдирилсин;
16-банддаги «гидрогеология корхоналарига» сўзлари «Ер қаъридан фойдаланиш марказига» сўзлари билан алмаштирилсин;
17 — 19-бандлар қуйидаги таҳрирда баён қилинсин:
«17. Ер қаъридан фойдаланиш маркази бир иш куни мобайнида ариза, рухсатнома лойиҳалари ва ҳужжатларни гидрогеология станцияларига уларда келтирилган маълумотларни ўрганиб чиқиш учун, шунингдек, қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳига нисбатан сув сатҳи 5 метрдан ортиқ пасайиб кетган ҳудудларда:
қишлоқ хўжалиги экин майдонларини суғориш мақсадлари учун — сув тежовчи технологияларни жорий этиш шарти билан сув олиш лимитларини белгилаб бериш мақсадида Сув хўжалиги вазирлигига;
ишлаб чиқариш эҳтиёжлари учун — ҳудудий ривожлантириш дастурлари ва сувдан тежамли фойдаланиш шартлари билан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига келишиш учун юборади.
18. Гидрогеология станциялари, Сув хўжалиги вазирлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тўрт иш куни мобайнида ер ости сувларидан махсус фойдаланиш ёки уларни махсус истеъмол қилиш мақсадидан келиб чиққан ҳолда ўрганиб чиқади, келишиб беради ва тегишли маълумот тайёрлаб, Ер қаъридан фойдаланиш марказига электрон шаклда юборади.
Зарур ҳолларда (аризада келтирилган маълумотларни солиштириш, илова қилинган ҳужжатлардаги маълумотларни аниқлаштириш, йиллик сув олиш ҳажми ёки сув олиш мақсадини белгилаб олиш) гидрогеология станциялари ва келишувчи органлар аризага ижобий жавоб бериш мақсадида ариза берувчилар билан телефон орқали қайта алоқа ўрнатишлари мумкин.
19. Ер қаъридан фойдаланиш маркази гидрогеология станциялари ва Сув хўжалиги вазирлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг тегишли маълумотлари асосида бир иш куни мобайнида рухсатнома бериш ёки беришни рад этиш бўйича хулоса тайёрлаб, рухсатномани мазкур Регламентга 4-иловага мувофиқ шаклда QR-код (матрик штрихли код) қўйиб расмийлаштиради ва уни ўз ЭРИси билан тасдиқлайди ҳамда «Лицензия» ахборот тизими ёки ЯИДХП орқали юборади»;
20-банднинг тўртинчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
23-банднинг еттинчи — тўққизинчи хатбошилари қуйидаги таҳрирда баён қилинсин:
«ер ости сувларининг ва сув объектларининг ҳолатига таъсир этадиган фавқулодда вазиятлар юзага келганлиги тўғрисида гидрогеология корхоналари ва маҳаллий давлат ҳокимияти органларини ўз вақтида хабардор қилиши, уларнинг оқибатларини бартараф этиш ишларини амалга оширишда, шунингдек, сув объектларида таъмирлаш ва тиклаш ишларида қонун ҳужжатларида белгиланган тартибда иштирок этиши;
ер ости сувларидан фойдаланиш ва уларни муҳофаза қилиш бўйича давлат назоратини амалга оширувчи органларнинг вакилларини ўз сув хўжалиги объектларига белгиланган тартибда киритиши ҳамда уларга зарур ахборотни тақдим этиши;
ер ости сувларини олиш ва беришда сув миқдори ҳисобини юритиши, шунингдек, гидрогеология корхоналарига ва солиқ органларига ҳисоботни ҳар чорак якуни бўйича кейинги ойнинг 5 санасига қадар мазкур Регламентга 5-иловага мувофиқ шаклда тақдим этиши»;
25-банддаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
27-банддаги «Давлат геология қўмитаси ҳузуридаги Кон-геология фаолиятини назорат қилиш инспекцияси» сўзлари «Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси» сўзлари билан алмаштирилсин;
1-илова қуйидаги таҳрирда баён қилинсин:
«Ер ости сувларидан махсус фойдаланиш ёки уларни махсус истеъмол қилиш учун рухсатнома бериш бўйича давлат хизматлари кўрсатишнинг маъмурий регламентига
1-ИЛОВА
Ер ости сувларидан махсус фойдаланиш ёки уларни махсус истеъмол қилиш учун рухсатнома бериш бўйича давлат хизматлари кўрсатишнинг
СХЕМАСИ

Босқичлар

Субъектлар

Тадбирлар

Бажариш муддатлари

1-босқич

Ариза берувчи

Ер ости сувларидан махсус фойдаланиш ёки уларни махсус истеъмол қилишга рухсатнома олиш учун «Лицензия» ахборот тизими ёки Ўзбекистон Республикаси Ягона интерактив давлат хизматлари портали орқали мурожаат қилади.

Хоҳишга кўра

2-босқич

1. «Лицензия» ахборот тизими.

2. ЯИДХП.

Сўровномани электрон шаклда тўлдириб, ҳужжатларни илова қилган ҳолда Ер қаъридан фойдаланиш марказига юборади.

1. 10 дақиқада.

2. Аниқ вақт режимида.

3-босқич

Ер қаъридан фойдаланиш маркази

Ариза, рухсатнома лойиҳалари ва ҳужжатларни ўрганиб чиқиш учун Гидрогеология станциялари ҳамда Сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига келишиш учун юборади.

1 кун

Қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳига нисбатан сув сатҳи 5 метргача пасайган ҳудудлар бўйича:

Сув хўжалиги вазирлиги

Қишлоқ хўжалиги экин майдонларини суғориш мақсадлари учун — сув тежовчи технологияларни жорий этиш шартлари билан сув олиш лимитларини белгилаб бериш мақсадида келишиб беради.

4 кун

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

Ишлаб чиқариш эҳтиёжлари учун — ҳудудий ривожлантириш дастурлари ва сувдан тежамли фойдаланиш шартларига асосан келишиб беради.

4-босқич

Ер қаъридан фойдаланиш маркази

Тайёрланган маълумот асосида рухсатнома бериш ёки беришни рад этиш бўйича хулоса тайёрлаб, QR-код (матрик штрихли код) қўйилган рухсатномани расмийлаштиради ва уни ўз электрон рақамли имзоси билан тасдиқлайди ҳамда «Лицензия» ахборот тизимига ёки Ягона интерактив давлат хизматлари портали орқали юборади.

1 кун

5-босқич

«Лицензия» ахборот тизими

Рухсатномани ариза берувчининг электрон манзилига юборади ва ариза берувчини бу ҳақда ахборот-коммуникация тизими орқали хабардор қилади.

1. 10 дақиқада

»;
2-илованинг 5-банди «қишлоқ хўжалиги (суғориш)» қаторидан кейин «кўкаламзорлаштириш (суғориш)» қатори билан тўлдирилсин;
3-иловада:
3-банд қуйидаги таҳрирда баён қилинсин:
«3. Сув олиш иншооти (бурғи қудуғи, қудуқ, галерея, булоқ ва бошқалар) жойлашуви (вилоят, туман, ҚФЙ, МФЙ, кўча, уй)»;
7-банд қуйидаги мазмундаги изоҳлар билан тўлдирилсин:
«Изоҳ:
а) қудуқ бўйича — унинг рақами, жойлашув координатаси, чуқурлиги, насос тури ва қуввати ҳамда сув олиш ҳажми;
б) булоқ бўйича — унинг жиҳозланганлиги, рақами (номи), жойлашув координатаси, чиқаётган сувнинг умумий ҳажми»;
6-иловада:
9-позициядаги «йиллик ҳисоботни йил якунлари бўйича кейинги йилнинг 15 февралига» сўзлари «ва солиқ органларига ҳисоботни ҳар чорак якуни бўйича кейинги ойнинг 5 санасига» сўзлари билан алмаштирилсин;
10-позиция қуйидаги таҳрирда баён қилинсин:

«

10.

Рухсат этиш хусусиятига эга ҳужжатни беришда келишиладиган органлар:

Тоғ-кон саноати ва геология вазирлигининг ҳудудий гидрогеология станциялари.

Қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳга нисбатан сув сатҳи 5 метргача пасайган ҳудудларда:

қишлоқ хўжалиги экин майдонларини суғориш мақсадлари учун Сув хўжалиги вазирлиги;

ишлаб чиқариш эҳтиёжлари учун Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари.

».
2. Вазирлар Маҳкамасининг 2021 йил 27 августдаги 543-сон қарори билан тасдиқланган Ер участкаларини давлат ва жамоат эҳтиёжлари учун доимий фойдаланишга ажратишнинг маъмурий регламентида:
а) 12-бандда:
қуйидаги мазмундаги иккинчи хатбоши билан тўлдирилсин:
«Бунда фойдали қазилмалар конларини аниқлаш ва қазиб чиқариш билан боғлиқ ер участкасини ажратиш материалларини тайёрлаш учун тўлов ер қаъридан фойдаланувчи томонидан тегишли рухсатнома расмийлаштирилгунга қадар амалга оширилади»;
иккинчи хатбоши учинчи хатбоши деб ҳисоблансин;
б) 16-банд қуйидаги мазмундаги еттинчи хатбоши билан тўлдирилсин:
«Тоғ-кон саноати ва геология вазирлигига доимий фойдаланиш ҳуқуқи асосида ажратиб бериладиган ер участкалари бундан мустасно»;
в) 23-банддаги «Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин.
3. Вазирлар Маҳкамасининг 2022 йил 12 январдаги 18-сон қарорида:
а) 1-иловада:
61 ва 62-бандлардаги «Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
68-банднинг иккинчи хатбошиси ва 69-банднинг биринчи хатбошисидаги «Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
69-банднинг иккинчи хатбошиси ва 70-банддаги «Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
71-банднинг биринчи хатбошисидаги тегишли келишикдаги «Давлат геология ва минерал ресурслар қўмитаси» сўзлари тегишли келишикдаги «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
72-банднинг иккинчи, учинчи, тўртинчи ва бешинчи хатбошиларидаги тегишли келишикдаги «Давлат геология ва минерал ресурслар қўмитаси» сўзлари тегишли келишикдаги «Тоғ-кон саноати ва геология вазирлиги» сўзлари билан алмаштирилсин;
б) 2-илованинг 5-бандидаги «Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин.
4. Вазирлар Маҳкамасининг 2022 йил 22 февралдаги 86-сон қарори билан тасдиқланган Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисида ягона низомга 7-илованинг матни қуйидаги таҳрирда баён қилинсин:
«Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомга
7-ИЛОВА
Ер ости сувларига қудуқларни бурғилаш фаолиятига рухсатнома
ПАСПОРТИ

1.

Рухсат этиш хусусиятига эга ҳужжатнинг номи:

Ер ости сувларига қудуқларни бурғилаш фаолиятига рухсатнома

2.

Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар):

Ер ости сувларига қудуқларни бурғилаш фаолияти

3.

Ариза берувчилар тоифаси:

Юридик шахс ва якка тартибдаги тадбиркор

4.

Рухсат этиш тартиб-таомиллари соҳасидаги ваколатли орган:

Ўзбекистон Республикаси Тоғ-кон саноати ва геология вазирлиги ҳузуридаги Ер қаъридан фойдаланиш маркази

5.

Рухсат этиш хусусиятига эга ҳужжатни олиш учун тақдим қилинадиган ҳужжатлар:

а) ариза.

Аризада қуйидагилар кўрсатилади:

1. Тўлиқ номи ва ташкилий-ҳуқуқий шакли

(юридик шахслар учун)

Фамилияси, исми ва отасининг исми:

(якка тартибдаги тадбиркорлар учун)

2. Манзили, телефон рақами, электрон почтаси:

3. Реквизитлари (СТИР рақами, МФО, ҳисоб рақами):

(юридик шахслар учун)

ЖШШИР рақами:

((якка тартибдаги тадбиркорлар учун)

4. Бурғилаш ускуналари ва ёрдамчи техникалар тўғрисида маълумот.

5. Бурғилаш ускуналарининг GPS-трекер қурилмаси билан жиҳозланганлиги тўғрисида маълумот.

6. Мазкур соҳага оид мутахассислар (гидрогеолог, бурғиловчи, компрессор қурилмаси машинисти) тўғрисида маълумот.

б) ариза иловалари:

мавжуд бурғилаш ускуналари ва ёрдамчи техникаларнинг давлат рўйхатидан ўтган техник паспортлари;

бурғилаш ускуналарини ягона тизимга улаш учун улардаги GPS-трекерларнинг логин ва пароллари (логин ва пароллар ўзгарган тақдирда ариза берувчи ушбу маълумотларни Тоғ-кон саноати ва геология вазирлигига электрон шаклда юборади).

6.

Аризани кўриб чиқиш учун ундириладиган йиғим миқдори:

Базавий ҳисоблаш миқдорининг 10 баравари

7.

Рухсат этиш хусусиятига эга ҳужжат берилганлиги учун ундириладиган йиғим миқдори:

Йиғим ундирилмайди

8.

Аризани кўриб чиқиш муддати:

8 иш куни

9.

Рухсат этишга оид талаб ва шартлар:

а) Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» ДМ томонидан берилган гидрогеологик хулосаларга мувофиқ ер ости сувларига қудуқларни бурғилаш (Тоғ-кон саноати ва геология вазирлигининг гидрогеология корхоналари бундан мустасно);

б) бурғилаш ускуналарига ўрнатилган GPS-трекерларнинг барқарор ишлашини таъминлаш, уч кундан ортиқ ишламай қолганда бу ҳақда Ҳудудий гидрогеология станцияларини хабардор қилиш ва носозликни бартараф қилиш чораларини кўриш;

в) қудуқларни бурғилаш ва жиҳозлаш технологияларига ҳамда уларда сув чиқариш, тажриба-синов ҳамда лаборатория таҳлили ишларини ўтказиш талабларига тўлиқ риоя қилинишини таъминлаш;

г) қудуқ бурғилаш ишлари бошланишидан олдин Ўзбекистон Республикаси Тоғ-кон саноати ва геология вазирлигининг Ҳудудий гидрогеология станцияларини хабардор қилиш;

д) ер ости сувларига қудуқ бурғилашда меҳнатни муҳофаза қилиш ва саноат хавфсизлигини таъминлаш бўйича қонунчилик талабларига риоя қилиш;

е) бурғилаш ишлари олиб борилган майдонда ишлар якунланганидан сўнг рекультивация ишларини бажариш;

ж) бурғилаш ишлари якунланганидан сўнг бир ой муддатда унинг техник паспортини мазкур паспортга 4-иловага мувофиқ шаклда тайёрлаб, ҳудудий гидрогеология станцияларига бевосита ёки электрон почта орқали тақдим этилишини таъминлаш.

10.

Рухсат этиш хусусиятига эга ҳужжатни беришда келишиладиган органлар:

Ўзбекистон Республикаси Тоғ-кон саноати ва геология вазирлигининг ҳудудий гидрогеология станциялари.

Қонунчилик ҳужжатлари билан тасдиқланган рўйхатга мувофиқ ер ости сувларининг кўп йиллик ўртача сатҳга нисбатан сув сатҳи 5 метргача пасайган ҳудудларда:

қишлоқ хўжалиги экин майдонларини суғориш мақсадлари учун Сув хўжалиги вазирлиги;

ишлаб чиқариш эҳтиёжлари учун Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари.

11.

Рухсат этиш хусусиятига эга ҳужжатнинг амал қилиш муддати:

Беш йил

12.

Изоҳ:

Ер ости сувларига қудуқларни бурғилаш ва ушбу фаолият билан шуғулланиш қуйидаги ҳолларда тақиқланади:

ушбу Регламентнинг 4-бандида назарда тутилгандан бошқа ҳар қандай ҳолатларда рухсатнома олмасдан;

қонунчиликда назарда тутилган тегишли техник ҳужжатларга эга бўлмаган бурғилаш ускуналари ёрдамида.

Жисмоний шахслар томонидан техник талабларга жавоб бермайдиган, қўлбола геофизик ускуналар ёрдамида каротаж ишларини ўтказишга йўл қўйилмайди.

Тоғ-кон саноати ва геология вазирлигининг гидрогеология корхоналарига ер ости сувларига қудуқларни бурғилаш фаолиятига рухсатнома талаб этилмайди.

Рухсатномани қайта расмийлаштириш учун ушбу паспортнинг 6-бандида келтирилган миқдорнинг 50 фоизи миқдорида йиғим ундирилади.
Ер ости сувларига қудуқларни бурғилаш фаолиятига рухсатнома паспортига
илова

_______________________________________________________________________________________

(ер ости сувларига қудуқ бурғилашга буюртма берган юридик ёки жисмоний шахс)

_______________________________________________________________________________________

(бурғиланган қудуқ жойлашуви (вилоят, шаҳар, туман, ҚФЙ, МФЙ, қишлоқ, кўча, уй)

ҳудудда ер ости сувларига бурғиланган ______________________________________-сон бурғи қудуғи

ТЕХНИК ПАСПОРТИ

________________________________________

(бурғиловчи ташкилот номи, масъул шахс лавозими)

____________

(имзо)

______________

(Ф.И.Ш.)

М.Ў.

20______ йил

1. Умумий маълумотлар

1.1. Қудуқ жойлашуви: _____________________________________________________________________________________

_________________________________________________________________________________________________________

_________________________________________________________________________________________________________

1.2. Қудуқ жойлашувининг географик координатлари (даража, мин., сек.):

Шимолий кенглик:___________________________________

Шарқий узунлик: ____________________________________

1.3. Қудуқ буюртмачиси номи: _______________________________________________________________________________

_________________________________________________________________________________________________________

1.4. Сувдан фойдаланувчи номи: _____________________________________________________________________________

_________________________________________________________________________________________________________

_________________________________________________________________________________________________________

1.5. Ер ости сувларини олишдан мақсад: ______________________________________________________________________

_________________________________________________________________________________________________________

1.6. Рухсатномаларнинг рақами ва берилган вақти:

Бурғилаш фаолиятига рухсатнома _______________________________

Гидрогеологик хулоса _______________________________________

1.7. Ер ости сувига бўлган эҳтиёж, м3/сут: ______________________________________________________________________



1.8. Бурғиловчи ташкилотнинг номи:__________________________________________________________________________

__________________________________________________________________________________________________________

1.9. Бурғилаш тури ва бурғилаш ускунаси русуми: ________________________________________________________________

__________________________________________________________________________________________________________

__________________________________________________________________________________________________________

1.10. Бурғилаш ишларини ўтказиш санаси: _____________________________________________________________________

2. Бурғилаш ишлари натижалари

2.1. Қудуқ кесимининг литологик тузилиши ҳақида қисқача маълумотлар:

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

__________________________________________________________________________________________________________

2.2. Қудуқ бурғиланди:

d ______ мм, ______________ м оралиқларда

d ______ мм, ______________ м оралиқларда

d ______ мм, _________________ м.

2.3. Қудуқ қувурлар билан жиҳозланди:

d ______ мм, ______________ м оралиқларда

d ______ мм, ______________ м оралиқларда

d ______ мм, _________________ м

2.4. Фильтр _________________ турда, d _________ мм _______________ м оралиқда ўрнатилган.

2.5. Цементлаш оралиғи _________________ м.

3. Сув чиқариш, тажриба — синаш ишлари ҳақидаги маълумотлар

3.1. Компрессор ёки насос тури ______________________________________________________________________________

3.2. Қудуқдаги сувнинг статик сатҳлари:

сув чиқарилгунча _______________м;

сув чиқарилганидан сўнг _____________ м.

3.4. Сув чиқариш натижалари:

сув сарфи Q ___________ л/с,

фавворали тарзда сув оқиб чиқиш сарфи __________ л/с;

сув сатҳининг пасайиши: S ______________ м;

солиштирма сув сарфи: Q/ S __________л/с.

3.5. Қудуққа сув кўтариш ускунасини ўрнатиш бўйича тавсиялар (насос тури, маркаси ва тушириш чуқурликлари

__________________________________________________________________________________________________________

__________________________________________________________________________________________________________

3.6. Қудуқнинг буюртмачига ва/ёки сувдан фойдаланувчига топширишдаги ҳолати

__________________________________________________________________________________________________________

4. Сувнинг сифати ҳақида маълумот

4.1. Сув таҳлилини ўтказувчи лаборатория ______________________________________________________________________

__________________________________________________________________________________________________________

4.2. Таҳлил турлари ва ўтказиш санаси__________________________________________________________________________

__________________________________________________________________________________________________________

4.3. Таҳлилнинг асосий натижалари:

Минерализацияси _______ мг/л;

Умумий қаттиқлиги _______ мг-экв/л;

рН _________

5. Қудуқнинг техник паспортига иловалар

5.1. Қудуқнинг жойлашиш схемаси

5.2. Қудуқнинг геолого-техник паспорти (қуйидаги шаклга мувофиқ)

Масштаб

Геологик индекси

Қатлам қалинлиги, м

Тоғ жинсларининг литологик тавсифи

Қудуқнинг литологик кесими ва конструкцияси

Бурғилаш диаметри (мм)

Жиҳозлаш қувури диаметри (мм) ва узунлиги (м)

Ер ости сувлари статик сатҳи, м

5.3. Қудуқ электрокаротажи диаграммаси ва хулосаси нусхаси (каротаж ўтказилган қудуқлар учун)

5.4. Қудуқ сувининг лаборатория таҳлили натижалари нусхаси

».

5. Вазирлар Маҳкамасининг «Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида» 2022 йил 25 мартдаги 133-сон қарорида:
а) 1-бандда:
«б» кичик банддаги «Давлат геология ва минерал ресурслар қўмитаси (кейинги ўринларда — Давлат геология қўмитаси)» сўзлари «Тоғ-кон саноати ва геология вазирлиги (кейинги ўринларда — Кон-геология вазирлиги)» сўзлари билан алмаштирилсин;
«в» кичик банди қуйидаги мазмундаги бешинчи хатбоши билан тўлдирилсин:
«Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси томонидан геологик ўрганишлар учун ер қаъридан фойдаланганлик учун ҳар йиллик лицензия тўловининг миқдори тадбиркорлик субъектларига берилган майдон (гектар)дан келиб чиқиб ҳисобланиши ва ер қаъридан фойдаланиш шартларида кўрсатилиши»;
бешинчи хатбоши олтинчи хатбоши деб ҳисоблансин;
2-банд қуйидаги таҳрирда баён қилинсин:
«2. Белгилаб қўйилсинки:
ер қаъри давлат фондининг кадастрига киритилган ер участкалари ер қаъри участкаларидан фойдаланиш соҳасида ваколатли орган — тегишлилигича Тоғ-кон саноати ва геология вазирлигига ёки Экология, атроф-муҳитни муҳофаза қилиш ва иқлим ўзгариши вазирлигига уларнинг мурожаатларига асосан жамоат эҳтиёжлари учун доимий фойдаланиш ҳуқуқи асосида маҳаллий давлат ҳокимияти органлари томонидан ажратиб берилади;
ер қаъридан фойдаланиш мақсадлари учун мўлжалланган ер участкаларини Тоғ-кон саноати ва геология вазирлигига ажратиш жараёнида ер қаъридан фойдаланиш фаолиятини ушбу ер участкасида олиб бориш мумкинлиги юзасидан Экология, атроф-муҳитни муҳофаза қилиш ва иқлим ўзгариши вазирлиги билан келишилади;
ер қаъридан фойдаланиш мақсадлари учун зарур бўлганда ер участкалари қонунда белгиланган тартибда жамоат эҳтиёжлари учун олиб қўйилади (сотиб олинади);
ер қаъридан фойдаланиш мақсадлари учун олиб қўйилган (сотиб олингандан) ер участкаларининг ер фонди тоифаси ўзгартирилади ва давлат мулки сифатида давлат рўйхатидан ўтказилади;
ер қаъри участкаларидан фойдаланиш ҳуқуқи учун рухсатнома ер қаъридан фойдаланувчига қонунчиликка мувофиқ тегишли ер участкасини ижара ҳуқуқи асосида тақдим этиш учун асос ҳисобланади;
ер қаъри участкаларидан фойдаланиш ҳуқуқи учун рухсатнома бериш билан бир вақтда ер қаъри участкаларидан фойдаланиш соҳасида ваколатли орган ва ер қаъридан фойдаланувчи ўртасида ер участкасининг ижара шартномаси тузилади ва у рухсатномага илова қилинадиган ер қаъридан фойдаланиш шартларининг ажралмас қисми ҳисобланади;
ер участкасини ажратиш материалларини тайёрлаш учун тўлов ер қаъридан фойдаланувчи томонидан тегишли рухсатнома расмийлаштирилгунга қадар амалга оширилади;
ер қаъридан фойдаланиш мақсадлари учун ер участкасини белгиланган тартибда олиб қўйиш (сотиб олиш) билан боғлиқ харажатлар кейинчалик ер қаъридан фойдаланувчи томонидан Вазирлар Маҳкамаси ҳузуридаги Жисмоний ва юридик шахсларга етказилган мулкий зарарларни компенсация қилиш бўйича республика мақсадли жамғармасига рухсатнома расмийлаштирилгунга қадар қоплаб берилади (амалга оширилади);
ер қаъри участкаларидан фойдаланиш соҳасида ваколатли органга доимий фойдаланиш ҳуқуқи билан ажратилган ер қаъри участкалари ер қаъридан фойдаланувчига ижарага берилгунга қадар ер солиғи объекти ҳисобланмайди;
ер қаъридан фойдаланувчи ижарага берилган ер участкаси ва юритадиган фаолияти бўйича Ўзбекистон Республикаси Солиқ кодексида белгиланган ва қонунчиликда назарда тутилган солиқлар ва тўловларни амалга оширади, шу жумладан, ер солиғининг субъекти ҳисобланади;
ер участкаси ер қаъридан фойдаланиш учун ижарага берилганда, ижара тўлови ундирилмайди»;
4-банд қуйидаги таҳрирда баён қилинсин:
«4. Белгилансинки:
юридик шахсларга ер қаъри бўйича геологик материаллар лойиҳа-смета ҳужжатларининг давлат экспертизаси хулосаси «Лицензия» ахборот тизими орқали берилади;
ер қаъридан фойдаланувчиларга илгари расмийлаштирилган эски намунадаги лицензиялар янги намунадаги рухсатномага алмаштирилмаган ҳолда 2024 йилнинг 1 июлидан ўз кучини йўқотган деб ҳисобланади;
геологик ўрганишлар учун ер қаъридан фойдаланганлик учун ҳар йиллик лицензия тўловининг умумий миқдори мазкур бандда белгиланган миқдорларни рухсатнома шартларига мувофиқ ажратиладиган (ижарага бериладиган) ер участкасининг майдонига кўпайтириш орқали Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» ДМ томонидан ҳисобланади ва ер қаъридан фойдаланиш шартларида кўрсатилади;
геологик ўрганишлар учун ер қаъридан фойдаланганлик учун ҳар йиллик лицензия тўлови 1 февралга қадар Ўзбекистон Республикаси Иқтисодиёт ва молия вазирлигининг йиллик лицензия тўлови учун очилган махсус ҳисоб рақамга тўланади;
стратегик турдаги (асосий) фойдали қазилмалар, шу жумладан углеводородларни ўз ичига олган ер қаъри участкаларида геологик ўрганишлар олиб борувчи тадбиркорлик субъектлари томонидан ҳар йиллик лицензия тўлови ҳисобот давридан кейинги йилнинг 1 мартидан 1 декабрига қадар, ҳар ой тенг улушларда амалга оширилади;
стратегик турдаги (асосий) фойдали қазилмалар, шу жумладан углеводородларни ўз ичига олган ер қаъри участкаларида геологик ўрганишлар олиб борувчи тадбиркорлик субъектлари ҳар йиллик лицензия тўловини тасдиқланадиган йиллик иш режага мувофиқ ҳақиқий эгаллаб турган майдони бўйича амалга оширади;
норуда фойдали қазилмаларни ўз ичига олган ер қаъри участкаларида геологик ўрганишлар олиб борувчи тадбиркорлик субъектлари томонидан ҳар йиллик лицензия тўлови ҳисобот давридан кейинги йилнинг 1 мартига қадар амалга оширилади;
тадбиркорлик субъектлари томонидан рухсатномага мувофиқ ажратилган ер қаъри участкалари бўйича фойдали қазилмаларни кавлаб олиш ҳажмлари тўғрисидаги чораклик ҳисоботларни тақдим этиш тартиби жорий этилади. Ушбу тартиб илгари берилган рухсатномаларга ҳам татбиқ этилади.
Геологик ўрганишлар учун ер қаъридан фойдаланганлик учун йиллик лицензия тўлови рухсатнома шартларида кўрсатиладиган ер майдонининг ҳар бир гектари учун қуйидаги миқдорларда рухсатноманинг амал қилиш даврида ҳар йили тўланади:
асосий — углеводород, қимматбаҳо, рангли ва ноёб металлар ҳамда бошқа рудали фойдали қазилмаларга қонунчиликда белгиланган базавий ҳисоблаш миқдорининг ўн фоизи;
норуда, жумладан, кенг тарқалган фойдали қазилмаларга қонунчиликда белгиланган базавий ҳисоблаш миқдорининг ўн беш фоизи»;
5-банд қуйидаги таҳрирда баён қилинсин:
«5. Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси, Рақамли технологиялар вазирлиги, Адлия вазирлиги ер қаъридан фойдаланувчиларга расмийлаштирилган эски намунадаги лицензияларни янги намунадаги рухсатномага 2024 йил 1 июлга қадар «Лицензия» ахборот тизими ёки Ягона интерактив давлат хизматлари портали орқали бепул алмаштириш чораларини кўрсин.»;
б) 1-иловада:
4-банднинг иккинчи хатбошисидаги «Давлат геология қўмитасининг» сўзлари «Ўзбекистон Республикаси Тоғ-кон саноати ва геология вазирлигининг» сўзлари билан алмаштирилсин;
5-банд қуйидаги таҳрирда баён қилинсин:
«5. Ер қаъри участкаларидан фойдаланиш ҳуқуқи учун рухсатномалар берувчи ваколатли органлар (кейинги ўринларда — ваколатли орган):
Экология, атроф-муҳитни муҳофаза қилиш ва иқлим ўзгариши вазирлиги (кейинги ўринларда — Экология вазирлиги) томонидан — чиқиндиларни сақлаш ва кўмиб ташлаш мақсадида ер ости иншоотларини қуриш ва фойдаланиш учун;
Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази) томонидан — ер қаъри участкасидан фойдаланиш ҳуқуқининг бошқа барча турлари учун берилади.»;
9-банднинг биринчи ва 10-банднинг тўртинчи хатбошиларидаги «Давлат геология қўмитаси» сўзлари «Тоғ-кон саноати ва геология вазирлиги» сўзлари билан алмаштирилсин;
16-банддаги «Давлат геология қўмитасида» сўзлари «Ер қаъридан фойдаланиш марказида» сўзлари билан алмаштирилсин;
29-бандда:
«а» ва «б» кичик бандлари қуйидаги таҳрирда баён қилинсин:
«а) геологик жиҳатдан ўрганиш учун:
ер қаърини геологик жиҳатдан ўрганиш бўйича йириклаштирилган техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;
атроф-муҳитга таъсир кўрсатиши тўғрисида ариза лойиҳасига Экология, вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати;
ер қаърини геологик жиҳатдан ўрганиш учун йиллик энг кам харажатлар бўйича мажбуриятлар миқдори, шу жумладан, Ер қаъридан фойдаланиш марказига ер қаъри участкасидан фойдаланиш учун йириклаштирилган техник-иқтисодий асосларни тақдим этган кундан бошлаб икки йил мобайнида бажариладиган минимал инвестиция мажбуриятлари;
Тоғ-кон, геология ва саноат хавфсизлигини назорат қилиш инспекциясига тўқсон кун мобайнида ер қаъридан фойдаланиш бўйича лойиҳаларини тақдим этиш мажбурияти;
фойдали қазилмаларни геологик жиҳатдан ўрганиш бўйича минимал иш ҳажми, уларни амалга ошириш муддатлари;
олинган геологик ва бошқа маълумотларни ҳисобга олиш, сақлаш ва тизимлаштириш учун Ер қаъридан фойдаланиш марказига топшириш тартиби ва муддатлари;
фойдали қазилмаларни, шу жумладан, углеводородларни, саноатда фойдаланиладиган ер ости сувларини тажриба (намуна) учун ва тажриба-саноат усулида кавлаб олиш шартлари;
геологик материалларни давлат экспертизасидан ўтказиш ва фойдали қазилмалар захираларини тасдиқлаш учун материалларни Давлат комиссиясига тақдим этиш тартиби ва муддатлари;
кон ишланмалари ва қудуқларини аҳоли ҳаёти ва соғлиги, атроф муҳит хавфсизлигини таъминлайдиган ҳолатга келтириш, шунингдек, фойдаланилмайдиган кон ишланмалари ва қудуқларини тугатиш тартиби ёхуд ушбу ишларни бажариш дастури (режаси)ни рухсатнома муддати тугашидан бир йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;
ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга рухсат бериш жараёнларидан ўтиш тартиби;
углеводородлар, портловчи ва кимёвий моддалар, қимматбаҳо металлар ва қимматбаҳо тошларнинг муомаласи соҳасидаги қонунчилик талабларига риоя этиш шартлари;
фойдали қазилмаларни кавлаб олишда фойдаланиладиган ишлар ва хизматларда маҳаллий таъминотнинг энг кам улуши миқдори;
ер қаъридан фойдаланувчининг Ўзбекистон Республикаси ҳудудида маҳаллий кадрларни ўқитиш ва илмий-тадқиқот ишлари, илмий-техник ва (ёки) тажриба-конструкторлик ишларини молиялаштириш бўйича мажбуриятлари миқдори;
ер қаъридан фойдаланувчининг ушбу Низом ва Ўзбекистон Республикасининг «Ер ости бойликлари тўғрисида»ги Қонунидан келиб чиқадиган ҳуқуқ ва мажбуриятлари;
ер қаъри участкасидан фойдаланиш билан боғлиқ тўловлар, шу жумладан йиллик лицензия тўлови тўғрисидаги мажбуриятлар;
геологик ўрганишлар учун берилган ер қаъри участкасининг майдони (гектарда);
геологик ўрганишлар учун ер қаъридан фойдаланганлик учун ҳар йиллик лицензия тўловини тўлаш учун махсус ҳисоб рақам;
ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари;
ер қаъри участкаларидан фойдаланиш ҳуқуқининг чекланиши, тўхтатиб турилиши ёки муддатидан олдин тугатилиши мумкин бўлган шартлар;
б) фойдали қазилмаларни кавлаб олиш учун:
фойдали қазилмаларни кавлаб олиш бўйича техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;
атроф муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосани Ер қаъридан фойдаланиш марказига топшириш муддати;
фойдали қазилмаларни кавлаб олиш учун йиллик энг кам харажатлар бўйича мажбуриятлар миқдори, шу жумладан, Ер қаъридан фойдаланиш марказига ер қаъри участкасидан фойдаланиш учун техник-иқтисодий асосларни тақдим этган кундан бошлаб икки йил мобайнида бажариладиган минимал инвестиция мажбуриятлари;
техник лойиҳаларни ва кавлаб олиш ишларини ривожлантириш режаларини, конларнинг лойиҳаларини тайёрлаш ва ўзлаштириш тартиби ва муддатлари;
маркшейдерлик хизматлари томонидан тасдиқланган чораклик ва йиллик фойдали қазилмаларни кавлаб олиш ҳажмлари тўғрисидаги ҳисоботларни тақдим этиш муддатлари;
углеводородларни қазишда фойдали қазилмаларни кавлаб олишнинг келишилган даражалари;
кавлаб олинган фойдали қазилмаларга мулк ҳуқуқи;
ер қаъридан фойдаланганлик учун ҳақ тўлаш шартлари;
техноген минерал ҳосилаларни сақлаш ва қайта ишлаш шартлари;
қўшилиб чиқадиган газдан фойдаланиш, шу жумладан, углеводородларни кавлаб олиш бўйича мажбуриятлар;
қувурлардан ва умумий инфратузилманинг бошқа объектларидан фойдаланиш шартлари (зарур бўлганда);
саноатда фойдаланиладиган ер ости сувларини олишнинг энг кўп йўл қўйиладиган миқдори;
кесишадиган сувли қатламларнинг ифлосланиши ёки силжишини истисно этадиган углеводородларни кавлаб олиш қудуқлари конструкциясига қўйиладиган талаблар;
сувли қатламда ер ости сувларининг йўл қўйиладиган пасайиши даражаси;
фойдали қазилмаларни кавлаб олиш корхоналарини тугатиш ёки консервация қилиш тартиби;
ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга рухсат бериш жараёнларидан ўтиш тартиби;
рухсатноманинг эгаси ер қаъри участкасидан фойдаланиш ҳуқуқини (тўлиқ ёки қисман) бошқа шахсга бериши мумкин бўлган шартлар;
углеводородлар, портловчи ва кимёвий моддалар, қимматбаҳо металлар ва қимматбаҳо тошларнинг муомаласи соҳасидаги қонунчилик талабларига риоя этиш шартлари;
фойдали қазилмаларни кавлаб олишда фойдаланиладиган ишлар ва хизматларда маҳаллий таъминотнинг энг кам улуши миқдори;
ер қаъридан фойдаланувчининг Ўзбекистон Республикаси ҳудудида маҳаллий кадрларни ўқитиш ва илмий-тадқиқот ишлари, илмий-техник ва (ёки) тажриба-конструкторлик ишларини молиялаштириш бўйича мажбуриятлари миқдори;
ер қаъридан фойдаланувчининг ушбу Низом ва Ўзбекистон Республикасининг «Ер ости бойликлари тўғрисида»ги Қонунидан келиб чиқадиган ҳуқуқ ва мажбуриятлари;
ер қаъри участкасидан фойдаланиш билан боғлиқ тўловлар тўғрисидаги мажбуриятлар;
ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари, шунингдек, ушбу ишларни бажариш дастури (режаси)ни рухсатнома муддати тугашидан беш йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;
ер қаъри участкаларидан фойдаланиш ҳуқуқининг чекланиши, тўхтатиб турилиши ёки муддатидан олдин тугатилиши мумкин бўлган шартлар»;
«в» кичик бандининг ўн биринчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
30-банднинг биринчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
34-банддаги «тугашидан олти ойдан кечикмай» сўзлари «тугагунга қадар» сўзлари билан алмаштирилсин;
36-банд:
биринчи хатбошиси қуйидаги таҳрирда баён қилинсин:
«E-auksion» электрон савдо платформасида онлайн-аукцион орқали реализация қилинадиган ер қаъри участкалари рўйхати ҳар йили, лекин бир йилда бир мартадан кам бўлмаган ҳолда Ер қаъридан фойдаланиш маркази томонидан ер қаъри участкасининг бошланғич нархи аниқланган ва Экология вазирлиги билан келишилган ҳолда шакллантирилади»;
учинчи ва тўртинчи хатбошиларидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
38-банднинг иккинчи хатбошисидаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
39-банд қуйидаги таҳрирда баён қилинсин:
«39. Рухсатнома расмийлаштирилган ер қаъридан фойдаланувчи томонидан тегишли ер қаъри участкаси бўйича қуйидаги ҳужжатлар тўплами Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этилади:
а) рухсатнома ер қаъри участкасини геологик ўрганиш учун берилганда, рухсатнома берилган кундан бошлаб 6 (олти) ой мобайнида:
йириклаштирилган техник-иқтисодий ҳисоб-китоблар;
атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосаси;
б) рухсатнома фойдали қазилмаларни қазиб олиш ва техноген минерал ҳосилалардан фойдаланиш учун берилганда, рухсатнома берилган кундан бошлаб 12 (ўн икки) ой мобайнида:
белгиланган тартибда экспертизадан ўтказилган техник-иқтисодий асослар;
атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосаси.
Мазкур банднинг «а» ва «б» кичик бандларида кўрсатилган ҳужжатларни тақдим этиш муддатларини фақат бир маротаба, мос равишда олти ойгача ёки бир йилгача муддатга узайтиришга рухсат берилади.
Бунинг учун, рухсатнома расмийлаштирилган ер қаъридан фойдаланувчи томонидан мазкур банднинг «а» ва «б» кичик бандларида кўрсатилган муддат тугашидан бир ой аввал ушбу банднинг саккизинчи хатбошида кўрсатилган муддатлар чегарасида узайтириш тўғрисида аниқ асослар келтирилган ариза «Лицензия» ахборот тизими ёки ЯИДХП орқали Ер қаъридан фойдаланиш марказига тақдим этилади.
Ер қаъридан фойдаланиш маркази беш иш кунида тақдим этилган аризани ва унда келтирилган асосларни ўрганиб чиқади ҳамда ўрганиш натижаси бўйича ер қаъридан фойдаланувчига «Лицензия» ахборот тизими ёки ЯИДХП орқали ҳужжатларни тақдим этиш муддатини узайтириш ёки аризани рад этиш тўғрисида маълум қилади.
Рухсатнома расмийлаштирилган ер қаъридан фойдаланувчи томонидан тақдим этилиши зарур бўлган ҳужжатлар тўплами мазкур банднинг «а» ва «б» кичик бандларида белгиланган муддатларда Ер қаъридан фойдаланиш марказига топширилмаган тақдирда, унга расмийлаштирилган ер қаъридан фойдаланиш ҳуқуқи учун рухсатнома ушбу Низомнинг 100-бандига мувофиқ муддатидан олдин бекор қилинади.
Ер қаъридан фойдаланиш маркази зарур ҳужжатларни ва бошқа ваколатли органлардаги мавжуд ахборотларни белгиланган тартибда ҳамкорлик қилиш орқали, шу жумладан, электрон шаклда мустақил равишда олади, мазкур бандда назарда тутилган ҳужжатлар ва ахборотлар бундан мустасно;
Ушбу ҳужжатлар тўпламини кўриб чиқиш учун базавий ҳисоблаш миқдорининг 4 баробари миқдорида йиғим ундирилади ва Давлат хизматларини кўрсатиш учун ундирилган йиғим суммаси қуйидаги тартибда тақсимланади:
а) «Лицензия» ахборот тизими орқали мурожаат этилганда:
20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;
0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади;
б) ЯИДХП орқали мурожаат этилганда:
10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;
11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;
қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади.
Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади»;
40-банднинг биринчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
41-42-бандлардаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
43-банддаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
44-банднинг тўртинчи хатбошиси қуйидаги таҳрирда баён қилинсин;
«Тендернинг ишчи органи тендер ҳужжатларини ишлаб чиқиш, Экология вазирлиги ва зарур ҳолларда бошқа давлат органлари билан келишишни таъминлайди»;
46-банднинг биринчи ва ўн биринчи хатбошиларидаги «Давлат геология қўмитаси» сўзлари «Тоғ-кон саноати ва геология вазирлиги» сўзлари билан алмаштирилсин;
56-банднинг биринчи ва учинчи хатбошиларидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
58-банднинг биринчи ва иккинчи хатбошиларидаги, 59, 60 ва 61-бандлардаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
64-бандда:
биринчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
қуйидаги мазмундаги иккинчи хатбоши билан тўлдирилсин:
«Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боби 1-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади»;
иккинчи хатбоши учинчи хатбоши деб ҳисоблансин;
68-бандда:
иккинчи хатбошидаги «Давлат экология қўмитасига» сўзлари «Экология вазирлигига» сўзлари билан алмаштирилсин;
учинчи хатбошидаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
72-банд қуйидаги таҳрирда баён қилинсин:
«72. Ариза берувчи томонидан ер қаъри участкасидан фойдаланиш шартлари имзоланганидан сўнг ваколатли орган (Экология вазирлигига — чиқиндиларни сақлаш ва кўмиб ташлаш учун, Ер қаъридан фойдаланиш марказига — углеводородларни ер остида сақлаш учун) уч кун муддатда QR-код (матрик штрихли код) қўйилган рухсатномани расмийлаштиради»;
74-банд қуйидаги мазмундаги иккинчи хатбоши билан тўлдирилсин:
«Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боб 2-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади»;
76-банднинг биринчи хатбошисидаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
78 — 80-бандлардаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
82-бандда:
«Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
қуйидаги мазмундаги иккинчи хатбоши билан тўлдирилсин:
«Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боб 3-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади»;
84-банднинг биринчи хатбошисидаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
86 — 88-бандлардаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
90-бандда:
«Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
қуйидаги мазмундаги иккинчи хатбоши билан тўлдирилсин:
«Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу боб 4-параграфида назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда, эга бўлади»;
100-банд қуйидаги таҳрирда баён қилинсин:
«100. Ер қаъри участкаларидан фойдаланиш ҳуқуқини чеклаш, тўхтатиб туриш ёки муддатидан олдин тўхтатиш ваколатли орган (Ер қаъридан фойдаланиш маркази ёки Экология вазирлиги — чиқиндиларни сақлаш ва кўмиб ташлаш учун) томонидан судга берилган аризалари асосида суд тартибида амалга оширилади»;
104-банднинг биринчи хатбошиси қуйидаги таҳрирда баён қилинсин:
«104. Ер қаъри участкаларидан фойдаланиш ҳуқуқи муддатидан олдин бекор қилинишига асос бўлувчи қўпол қоидабузарликларнинг рўйхати»;
105-банднинг биринчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
106-банд қуйидаги таҳрирда баён қилинсин:
«106. Ер қаъри участкасидан фойдаланиш ҳуқуқи тўхтатиб турилганда ва (ёки) тўхтатилганда бу тўғрида Ер қаъридан фойдаланиш маркази уч иш куни мобайнида маҳаллий ижро этувчи ҳокимият органлари, Экология вазирлиги, Солиқ қўмитаси, Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси ва ер қаъри фойдаланишга берилган юридик шахсга қабул қилинган қарор тўғрисида тегишли ахборотни жўнатади»;
107-бандда:
биринчи хатбошидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
учинчи хатбоши қуйидаги таҳрирда баён қилинсин:
«E-auksion» электрон савдо платформасида аукцион орқали реализация қилинган ер қаъри участкаларидан фойдаланиш ҳуқуқи учун рухсатномаларни улар берилган санадан бошлаб икки йил мобайнида бошқа шахслар фойдасига воз кечиш, шу жумладан ер қаъри фойдаланувчиларининг таъсисчилари (операцион фаолиятини бошқариш овозига эга мажоритар акциядорлари)ни тўлиқ ўзгартириш тақиқланади»;
108-банддаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
110-банднинг биринчи, 111-банднинг биринчи ва тўртинчи хатбошиларидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
1-илова қуйидаги таҳрирда баён қилинсин:
«Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга
1-ИЛОВА
Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномаларни электрон онлайн-аукцион орқали бериш
СХЕМАСИ

Босқичлар

Субъектлар

Тадбирлар

Муддатлар

1 босқич

(тайёргарлик босқичи)

Ер қаъридан фойдаланиш маркази

Ер қаъри участкалари рўйхатини шакллантиради ва тасдиқлайди.

Ҳар йили

Ер қаъридан фойдаланиш маркази

Ер қаъридан фойдаланиш ҳуқуқини аукционда реализация қилиш учун буюртманомаларни Давлат активларини бошқариш агентлиги ҳузуридаги «Электрон онлайн-аукционларни ташкил этиш маркази» давлат унитар корхонасига (операторга) тақдим этади.

Тайёр бўлиши билан

Оператор

Аукцион ўтказилиши тўғрисидаги хабарномани ўз веб-порталида жойлаштиради.

Буюртма олинган кундан бошлаб

2 босқич

(аукционни ўтказиш)

Ариза берувчи

Аукционда иштирок этиш учун электрон шаклда ариза топширади, унда лот рақами ва ер қаъри участкаси номини кўрсатади.

60 кун мобайнида

Оператор

Лот бўйича электрон аукцион савдолари ўтказади ва аукцион ғолибини эълон қилади.

1 иш куни мобайнида

Аукцион ғолиби

Таклиф суммасининг 100 фоизини ҳамда ер участкасини ажратиш материалларини тайёрлаш учун сарфланган тўловларни тўлайди.

Сотилган объектнинг қиймати БҲМнинг 5 минг бараваригача бўлганда 10 иш куни, 5 минг бараварига тенг ёки ундан ортиқ бўлганда 15 иш куни мобайнида

3 босқич

(рухсатнома бериш)

Оператор

Аукцион ғолиби (салоҳиятли ғолиб) томонидан сотиб олиш тўловлари тўлиқ тўлангандан сўнг аукцион ғолибига баённома расмийлаштиради ҳамда мазкур баённомани ва у томонидан имзоланган ер қаъридан фойдаланиш шартларини аукцион ғолибининг ва Ер қаъридан фойдаланиш марказининг шахсий кабинетига электрон шаклда юборади.

1 иш куни мобайнида

Ер қаъридан фойдаланиш маркази

Баённома асосида Ер қаъри участкаларидан фойдаланиш ҳуқуқи учун тегишли рухсатномани, ЭРИ билан имзоланган ва QR-код (матрик штрихли код) билан расмийлаштирилган ҳолда, «E-auksion» электрон савдо платформаси орқали Операторга юборади.

1 иш куни мобайнида

Оператор

Аукцион ғолибига расмийлаштирилган рухсатномани унинг шахсий кабинетига юборади.

1 иш куни мобайнида

»;
2-илованинг «Тадбирлар» устунида:
«Давлат экология қўмитаси» сўзлари «Экология вазирлиги» сўзлари билан алмаштирилсин;
«, Саноат хавфсизлиги давлат қўмитаси» сўзлари чиқариб ташлансин.
4-илова қуйидаги таҳрирда баён қилинсин:
«Ер қаъри участкаларидан фойдаланиш ҳуқуқи учун рухсатномалар бериш тартиби тўғрисидаги низомга
4-ИЛОВА
Стратегик турдаги (асосий) фойдали қазилмаларни ўз ичига олган ер қаъри участкаларидан фойдаланиш ҳуқуқи учун рухсатномаларни «биринчи келган биринчи олади» тамойилига биноан тўғридан-тўғри музокаралар натижалари бўйича бериш
СХЕМАСИ

Босқичлар

Субъектлар

Тадбирлар

Муддатлари

1 босқич

(рухсатнома олгунга қадар)

Ариза берувчи

Ер қаъри участкасидан фойдаланиш ҳуқуқи учун лицензия олиш учун Ер қаъридан фойдаланиш марказига «Лицензия» ахборот тизими ёки ЯИДХП орқали буюртма беради.

Зарур бўлганда

Ер қаъридан фойдаланиш маркази

Сўралаётган ер қаъри участкаси бўйича йириклаштирилган техник-иқтисодий асосларни ва (ёки) техник-иқтисодий асосларни ишлаб чиқиш учун геологик ёки бошқа маълумотлар тўпламини ҳамда ер қаъри участкасидан фойдаланиш шартларини, шунингдек, ер участкасини ажратиш материалларини тайёрлаш учун сарфланган тўлов қийматини «Лицензия» ахборот тизими ёки ЯИДХП орқали юборади.

20 кун мобайнида

2 босқич

Ариза берувчи

Ер қаъри участкасидан фойдаланиш шартларини электрон рақамли имзоси билан имзолайди ҳамда ер участкасини ажратиш материалларини тайёрлаш учун сарфланган тўловни тўлайди ва «Лицензия» ахборот тизими ёки ЯИДХП орқали Ер қаъридан фойдаланиш марказига юборади.

5 кун мобайнида

Ер қаъридан фойдаланиш маркази

Ер қаъри участкасидан фойдаланиш ҳуқуқи учун QR-код (матрик штрихли код) қўйилган рухсатномани расмийлаштиради ва уни ўз электрон рақамли имзоси билан тасдиқлайди.

1 кун мобайнида

3 босқич

(рухсатнома олгандан кейин)

Ариза берувчи

Йириклаштирилган техник-иқтисодий асослар ҳамда режалаштирилаётган фаолиятнинг атроф муҳитга таъсирини баҳолаш ижобий хулосаси;

6 ой мобайнида

Белгиланган тартибда экспертизадан ўтказилган техник-иқтисодий асослар ҳамда режалаштирилаётган фаолиятнинг атроф муҳитга таъсирини баҳолаш ижобий хулосасини илова қилган ҳолда Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этади.

12 ой мобайнида

»;
6-илованинг «Тадбирлар» устунида:
«Давлат экология қўмитасига» сўзлари «Экология вазирлигига» сўзлари билан алмаштирилсин;
«Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
8-илованинг «Субъектлар» ва «Тадбирлар» устунида тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
9-илованинг 4-позицияси чиқариб ташлансин;
10-илованинг «Субъектлар» ва «Тадбирлар» устунида тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
11-илованинг номидаги «OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI» сўзлари «OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI» сўзлари билан алмаштирилсин;
12-иловада:
4-позициядаги «Ўзбекистон Республикаси Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
9-позициядаги «Ўзбекистон Республикаси саноат хавфсизлиги давлат қўмитасида» сўзлари чиқариб ташлансин;
в) 2-иловада:
4-банддаги «Давлат геология қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази)» сўзлари билан алмаштирилсин;
8-банд қуйидаги таҳрирда баён қилинсин:
«8. Битта конни бир нечта ер қаъридан фойдаланувчилар томонидан қазиб олиш учун ер қаъри участкаларидан фойдаланиш ҳуқуқига оид рухсатномалар берилишига йўл қўйилади. Бунда конни қазиб олиш Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси (кейинги ўринларда — Кон-геология инспекцияси) ва Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги (кейинги ўринларда — Экология вазирлиги) билан келишилган, ер қаъридан оқилона фойдаланишни ва атроф-муҳитнинг муҳофаза қилинишини таъминловчи қазиб олиш тизимида амалга оширилиши керак»;
11-банддаги «Давлат геология қўмитасининг» сўзлари «Ер қаъридан фойдаланиш марказининг» сўзлари билан алмаштирилсин;
15-банднинг иккинчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
16-банд қуйидаги таҳрирда баён қилинсин:
«16. Норуда фойдали қазилмаларни ўз ичига олган ер қаъри участкаларидан фойдаланиш шартларида геологик ўрганиш учун қуйидагилар назарда тутилади:
ер қаърини геологик ўрганиш бўйича йириклаштирилган техник-иқтисодий ҳисоб-китобларни ишлаб чиқиш ва Ер қаъридан фойдаланиш марказига топшириш муддати;
атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати;
кон иншоотлари ва қудуқларни аҳоли ҳаёти ва саломатлиги, атроф-муҳит хавфсизлигини таъминлайдиган ҳолатга келтириш (рекультивация қилиш), шунингдек, фойдаланишга яроқсиз кон иншоотлари ва қудуқларни тугатиш тартиби ёхуд ушбу ишларни бажариш дастури (режаси)ни рухсатнома муддати тугашидан бир йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;
ер қаъри участкасидан фойдаланиш билан боғлиқ тўловлар, шу жумладан, йиллик лицензия тўлови тўғрисидаги мажбуриятлар;
геологик ўрганишлар учун рухсатномага мувофиқ ажратиладиган (ижарага бериладиган) ер участкасининг майдони (гектарда);
геологик ўрганишлар учун ер қаъридан фойдаланганлик учун ҳар йиллик лицензия тўловини тўлаш учун махсус ҳисоб рақам;
норуда фойдали қазилмалар захираларини тасдиқлаш учун материалларни Кон-геология вазирлиги ҳузуридаги Фойдали қазилмалар захиралари бўйича Давлат комиссиясига топшириш тартиби ва муддатлари;
ер қаъри участкаларидан фойдаланиш ҳуқуқининг чекланиши, тўхтатиб қўйилиши ёки муддатидан олдин бекор қилиниши мумкин бўлган шартлар»;
17-банд қуйидаги таҳрирда баён қилинсин:
«17. Ер қаъри участкаларидан норуда фойдали қазилмаларни қазиб олиш шартларида қуйидагилар назарда тутилади:
фойдали қазилмаларни қазиб олиш бўйича техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;
атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати;
Тоғ-кон, геология ва саноат хавфсизлигини назорат қилиш инспекциясига тўқсон кун мобайнида ер қаъридан фойдаланиш бўйича лойиҳаларни тақдим этиш ва белгиланган тартибда келишиш мажбурияти;
фойдали қазилмаларни кавлаб олиш учун йиллик энг кам харажатлар бўйича мажбуриятлар миқдори, шу жумладан, Ер қаъридан фойдаланиш марказига ер қаъри участкасидан фойдаланиш учун техник-иқтисодий асосларни тақдим этган кундан бошлаб икки йил мобайнида бажариладиган минимал инвестиция мажбуриятлари;
техник лойиҳалар ва кон ишларини ривожлантириш режаларини, захираларни қазиб олиш ва кон майдони (участкалар)да қулайликлар яратиш лойиҳаларини тузиш тартиби ва муддатлари;
маркшейдерлик хизматлари томонидан тасдиқланган чораклик ва йиллик фойдали қазилмаларни кавлаб олиш ҳажмлари тўғрисидаги ҳисоботларни тақдим этиш муддатлари;
қазиб олинган фойдали қазилмага эгалик қилиш ҳуқуқи;
ер қаъридан фойдаланганлик учун тўловларни тўлаш шартлари;
зарур малакали мутахассисларга эга бўлиш;
ер қаъридан фойдаланувчининг ижтимоий мажбуриятлари (маҳаллий аҳоли учун иш жойларини ташкил қилиш, керакли малакали мутахассисларни жалб қилиш ва ходимларни касбга тайёрлаш);
техник ва технологик имкониятлар, шунингдек, белгиланган тартибда шартнома асосида жалб қилинадиган техника ва асбоб-ускуналар мавжудлиги;
бир йил ичида ер қаъри участкасидан фойдаланишнинг бошланиш муддатлари;
янги иш ўринларини яратиш мажбуриятлари;
техноген минерал ҳосилаларни сақлаш ва қайта ишлаш шартлари;
ер қаъридан фойдаланувчининг инвестиция мажбуриятлари;
ер қаъридан фойдаланиш соҳасида, хавфли ишлар, ишлаб чиқариш, хавфли товарлар ва моддалар айланмаси, портловчи моддаларга Тоғ-кон, геология ва саноат хавфсизлигини назорат қилиш инспекциясида рухсат бериш жараёнларидан ўтиш тартиби;
рухсатноманинг эгаси ер қаъри участкасидан фойдаланиш ҳуқуқини (тўлиқ ёки қисман) бошқа шахсга бериши мумкин бўлган шартлар;
ер қаъридан фойдаланувчининг ер қаъридан фойдаланиш оқибатларини бартараф қилиш бўйича кафолатларни тақдим этиш ва янгилаб бориш шартлари, шунингдек, ушбу ишларни бажариш дастури (режаси)ни рухсатнома муддати тугашидан беш йил аввал Экология вазирлиги билан келишилган ҳолда Тоғ-кон, геология ва саноат хавфсизлигини назорат қилиш инспекциясига тақдим этиш;
ер қаъри участкаларидан фойдаланишнинг чекланиши, тўхтатиб қўйилиши ёки муддатидан олдин бекор қилиниши мумкин бўлган шартлар»;
18-банднинг биринчи — учинчи хатбошилари қуйидаги таҳрирда баён қилинсин:
«18. Техноген минерал ҳосилалардан фойдаланиш учун ер қаъри участкаларидан фойдаланиш шартларида қуйидагилар назарда тутилади:
техноген минерал ҳосилалардан фойдаланиш бўйича техник-иқтисодий асосларни ишлаб чиқиш ва Ер қаъридан фойдаланиш марказига топшириш муддати;
атроф-муҳитга таъсир кўрсатиши тўғрисида ариза лойиҳасига Экология вазирлиги томонидан бериладиган ижобий давлат экологик экспертиза хулосасини Ер қаъридан фойдаланиш марказига топшириш муддати»;
19-банднинг биринчи ва 20-банднинг иккинчи хатбошиларидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
23-банднинг биринчи хатбошиси қуйидаги таҳрирда баён қилинсин:
«23. Ер қаъридан фойдаланиш муддати тугагунга қадар ер қаъридан фойдаланувчи томонидан Ер қаъридан фойдаланиш марказига «Лицензия» ахборот тизими ёки ЯИДХП орқали йўлланган буюртма бўйича ер қаъридан фойдаланувчи томонидан рухсатномада белгиланган шартлар бажарилган тақдирда ва ер қаърини геологик ўрганишга доир ишларни якунлаш, шунингдек, фойдали қазилмаларни қазиб олиш, техноген минерал ҳосилалардан фойдаланиш ёки фойдали қазилмаларни қазиб олиш бўйича корхоналарни тугатиш ёки консервациялаш бўйича ишларни амалга ошириш зарур бўлган ҳолларда ер қаъридан фойдаланиш муддатлари узайтирилиши мумкин»;
25-банд қуйидаги таҳрирда баён қилинсин:
«25. Тоғ-кон саноати ва геология вазирлигининг инвестиция лойиҳалари бўйича ҳамда Кон-геология вазирлиги ва маҳаллий ижро этувчи ҳокимият органлари билан тузилган икки томонлама келишув асосида норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномалар «Лицензия» ахборот тизими ёки ЯИДХП орқали «биринчи келган биринчи олади» тамойилига биноан аризаларни тўғридан-тўғри кўриб чиқиш натижасида берилиши мумкин.
Икки томонлама келишувлар Ўзбекистон Республикаси Президентининг ҳудудларга ташрифлари вақтидаги топшириқлари, Ўзбекистон Республикаси Президенти Администрациясининг топшириқлари, Вазирлар Маҳкамаси қарорлари ва баёнларини ҳисобга олган ҳолда амалга ошириш мақсадга мувофиқлиги бўйича хулосаларини инобатга олган ҳолда тузилади.
Бундай ҳолларда аукционга қўйилган норуда фойдали қазилмаларни ўз ичига олган ер қаъри участкаси бўйича «биринчи келган биринчи олади» тамойилига биноан аризаларни тўғридан-тўғри кўриб чиқиш ташаббус қилинганда, у Кон-геология вазирлигининг қарорига асосан аукциондан чиқарилиши мумкин.
Икки томонлама келишувлар лойиҳаларини тайёрлаш, келишиш ва жамлаш Ер қаъридан фойдаланиш марказига юклатилади.
Ер қаъридан фойдаланиш ҳуқуқини олиш учун талабгордан фойдали қазилма тури ва ер қаъри участкаси майдони (гектари) тўғрисида мурожаат қабул қилинади. Бунда, ер қаъри участкаларидан самарали фойдаланиш мақсадида Ер қаъридан фойдаланиш маркази томонидан майдоннинг кенглиги кўриб чиқилади»;
26-банднинг биринчи хатбошисидаги «бир йил» сўзлари «икки йил» сўзлари билан алмаштирилсин;
28-банд қуйидаги таҳрирда баён қилинсин:
«28. «E-auksion» электрон савдо платформасида аукцион орқали реализация қилинадиган норуда фойдали қазилмаларни ўз ичига олган ер қаъри участкалари рўйхати Ер қаъридан фойдаланиш маркази томонидан нархи аниқланган ҳолда шакллантирилади ва ҳар йили бир мартадан кам бўлмаган ва Экология вазирлиги билан келишилган ҳолда тасдиқланади.
Норуда фойдали қазилмаларни ўз ичига олган ер қаъри участкаларини аукцион савдоларига чиқаришда фойдали қазилмаларнинг турларига қараб, улардан самарали фойдаланиш, шунингдек, ер қаъридан фойдаланувчиларга узоқ муддатли хом ашё захираси билан ҳамда ишлаб чиқариш фаолиятини узлуксиз таъминлаш мақсадида кон ва майдонлар бир нечта участкаларга бўлиб қўйилади.
Ер қаъридан фойдаланиш марказига аукционга қўйилмаган ёки рўйхатга киритилмаган ер қаъри участкасидан фойдаланиш ҳуқуқини олиш учун талабгордан мурожаат келиб тушган тақдирда, ушбу ер қаъри участкасидан фойдаланиш ҳуқуқи учун рухсатнома «E-auksion» электрон савдо платформаси орқали ўрнатилган тартибда аукционга қўйилади.
Ер қаъри участкасидан фойдаланиш ҳуқуқини олиш учун талабгордан фақат геологик ўрганиш ишларини амалга ошириш учун ер қаъри участкалари бўйича мурожаат қабул қилинади. Ер қаъри участкаларидан самарали фойдаланиш мақсадида майдоннинг кенглигига (гектар) қараб, бир нечта ер қаъри участкаларига бўлиб қўйилиши мумкин.
Бунда, мазкур Низомнинг 21-бандида белгиланган фойдали қазилмаларни қазиб олиш ва техноген минерал ҳосилалардан фойдаланиш учун бериладиган муддат инобатга олинади.
Ер қаъридан фойдаланиш маркази ер участкаси унга ажратиб берилгандан сўнг беш иш куни давомида мурожаат этилган ер қаъри участкаларидан фойдаланиш ҳуқуқини аукцион савдоларига чиқариш муддатлари ёки ушбу ер участкаларини фойдаланишга беришни рад этиш тўғрисида жавоб хатини талабгорга тақдим этади.
Ер қаъридан фойдаланиш маркази «E-auksion» электрон савдо платформасида аукцион орқали реализация қилинадиган норуда фойдали қазилмаларни ўз ичига олган ер қаъри участкалари рўйхатини тасдиқлаганидан сўнг, ўзининг расмий веб-сайтида ва ижтимоий тармоқлардаги каналида эълон қилинади»;
29-банд қуйидаги таҳрирда баён қилинсин:
«29. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини савдога қўйишнинг бошланғич нархи:
геологик қидирув ишлари учун — базавий ҳисоблаш миқдорининг ўттиз олти баравари миқдорида;
фойдали қазилмаларни қазиб олиш учун — базавий ҳисоблаш миқдорининг етмиш икки баравари миқдорида белгиланади.
«E-auksion» электрон савдо платформасида реализация қилишдан олинган пул маблағлари, шу жумладан ушлаб қолинган закалат суммаси аукционни ташкил қилиш хизматлари учун ер қаъри участкасининг сотилган нархидан бир фоизи оператор ҳисобварағига, қолган пул маблағлари Кон-геология вазирлигининг ҳисобварағига ҳамда ер қаъри участкаси жойлашган тегишли туман (шаҳар)лар маҳаллий бюджетлари ўртасида автоматик тарзда тенг улушларда тақсимланади.
Кон-геология вазирлигига ўтказиладиган маблағлар Ўзбекистон Республикаси ҳудудида минерал хом ашё базасини ривожлантириш йиллик давлат дастурларини амалга оширишга, аукцион ва танлов савдоларини ташкил этиш билан боғлиқ харажатларни молиялаштиришга, шунингдек вазирликнинг моддий-техник базасини мустаҳкамлаш ва ишчи-ходимларини рағбатлантиришга мақсадли йўналтирилади»;
30-банднинг биринчи хатбошисидаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
32-банд қуйидаги таҳрирда баён қилинсин:
«32. Аукцион ғолиби — ер қаъри участкасидан фойдаланиш ҳуқуқига онлайн-аукцион натижалари бўйича рухсатнома расмийлаштирилган ер қаъридан фойдаланувчи томонидан 6 ой ичида тегишли ер қаъри участкаси бўйича қуйидаги ҳужжатлар тўплами Ер қаъридан фойдаланиш марказига «Лицензия» ахборот тизими ёки ЯИДХП орқали тақдим этилади:
йириклаштирилган техник-иқтисодий ҳисоб-китоблар — рухсатнома ер қаъри участкасини геологик ўрганиш учун берилганда;
техник-иқтисодий асослар — рухсатнома норуда фойдали қазилмаларни қазиб олиш ва техноген минерал ҳосилалардан фойдаланиш учун берилганда;
Экология, атроф-муҳитни муҳофаза қилиш ва иқлим ўзгариши вазирлиги томонидан атроф муҳитга таъсир кўрсатиши тўғрисидаги ариза лойиҳасига берилган ижобий давлат экологик экспертиза хулосаси.
Ушбу ҳужжатлар тўпламини кўриб чиқиш учун базавий ҳисоблаш миқдорининг тўрт баробари миқдорида йиғим ундирилади ва Давлат хизматларини кўрсатиш учун ундирилган йиғим суммаси қуйидаги тартибда тақсимланади:
а) «Лицензия» ахборот тизими орқали мурожаат этилганда:
20 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;
0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади;
б) ЯИДХП орқали мурожаат этилганда:
10 фоизи — Ўзбекистон Республикаси Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;
11,25 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;
қолган маблағлар тўлиқ рухсатнома берувчи Ваколатли органнинг бюджетдан ташқари жамғармасига ўтказилади.
Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади»;
33-банднинг биринчи, тўртинчи, бешинчи ва олтинчи хатбошиларидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
34-банд қуйидаги мазмунда баён қилинсин:
«34. Фойдали қазилмаларни кавлаб олиш ва техноген минерал ҳосилалардан фойдаланиш учун рухсатнома расмийлаштирилган ер қаъридан фойдаланувчи уч иш куни муддатда ер қаъри участкасидан фойдаланиш шартлари лойиҳасини электрон рақамли имзоси билан тасдиқлайди ва «Лицензия» ахборот тизими ёки ЯИДХП орқали Ер қаъридан фойдаланиш марказига юборади.
Ер қаъридан фойдаланувчи томонидан ер қаъри участкасидан фойдаланиш шартлари бир ой муддатда имзоланмаса ер қаъридан фойдаланиш учун рухсатнома бериш рад этилади ва ер қаъри участкаси қайтадан аукционга қўйилади.
Ер қаъридан фойдаланиш маркази ер қаъридан фойдаланувчи томонидан электрон рақамли имзо билан тасдиқланган ер қаъри участкасидан фойдаланиш шартлари тақдим этилгандан сўнг бир иш куни муддатда ер қаъридан фойдаланиш учун рухсатнома қайта расмийлаштирилгани тўғрисида тегишли реестрга ўзгартиришлар киритади ва QR-код (матрик штрихли код) қўйилган янги рухсатномани расмийлаштиради»;
35-банднинг биринчи ва 36-банднинг учинчи хатбошиларидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
38-банднинг биринчи хатбошисидаги «37-бандида» сўзи «36 ва 37-бандларида» сўзлари билан алмаштирилсин;
39-банднинг биринчи ва олтинчи хатбошиларидаги ҳамда 40-банддаги тегишли келишикдаги «Давлат геология қўмитаси» сўзлари тегишли келишикдаги «Кон-геология вазирлиги» сўзлари билан алмаштирилсин;
41-банд қуйидаги таҳрирда баён қилинсин:
«41. Ер қаъридан фойдаланиш маркази беш иш куни муддатда буюртмани ва Кон-геология вазирлигининг ҳудудий бўлинмаларининг тегишли маълумотларини ўрганиб чиқади ҳамда норуда фойдали қазилмаларни ўз ичига олган ер қаъри участкасидан фойдаланиш ҳуқуқига рухсатнома бериш ёки уни рад этиш тўғрисида қарор қабул қилади»;
42, 43-банднинг иккинчи ва 44-банднинг биринчи хатбошиларидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
45-банди қуйидаги мазмундаги саккизинчи ва тўққизинчи хатбошилар билан тўлдирилсин:
«геология қидирув ишлари натижалари тўғрисидаги ҳисобот Давлат геология фондига тақдим этилмаган бўлса;
ариза берувчи ер қаъридан фойдаланиш шартларини ўттиз кун муддатда имзоламаганда»;
саккизинчи ва тўққизинчи хатбошилар тегишлича ўнинчи ва ўн биринчи хатбошилар деб ҳисоблансин;
46-бандда:
биринчи хатбошидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
қуйидаги мазмундаги иккинчи хатбоши билан тўлдирилсин:
«Агар Ер қаъридан фойдаланиш маркази ариза берувчининг рухсатномани бериш тўғрисидаги аризасини кўриб чиқиш, уни бериш ёки беришни рад этиш муддати мобайнида талабгорга рухсатномани бермаса ва уни беришни рад этмаса, ушбу бобда назарда тутилган муддатлар ўтганидан кейин ариза берувчи амалга оширилиши учун рухсатнома олиш ниятида бўлган фаолиятни (ҳаракатни) амалга ошириш ҳуқуқига, бу ҳақда Ер қаъридан фойдаланиш марказини «Лицензия» ахборот тизими ёки ЯИДХП орқали хабардор қилган ҳолда эга бўлади»;
49-банд қуйидаги таҳрирда баён қилинсин:
«49. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига оид рухсатномаларга мувофиқ Тоғ-кон, геология ва саноат хавфсизлигини назорат қилиш инспекцияси томонидан берилган кон ажратиш далолатномалари норуда фойдали қазилмаларни қазиб олиш ва техноген ҳосилалардан фойдаланиш учун ер қаъридан фойдаланувчига зарур ер участкасининг ажратилишига асос ҳисобланади.
Норуда фойдали қазилмалари ер участкаларининг чегараларини жойида белгилаш ишлари Иқтисодиёт ва молия вазирлиги ҳузуридаги Кадастр агентлиги ҳамда Тоғ-кон, геология ва саноат хавфсизлигини назорат қилиш инспекциясининг ҳудудлардаги бўлинмалари томонидан бир вақтнинг ўзида ер қаъридан фойдаланувчи иштирокида амалга оширилади»;
50, 55 ва 57-бандлардаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
60-бандда:
биринчи хатбоши қуйидаги таҳрирда баён қилинсин:
«60. Норуда фойдали қазилмаларни ўз ичига олган ер қаъри участкаларидан фойдаланиш ҳуқуқи муддатидан олдин бекор қилинишига асос бўлувчи қўпол қоидабузарликларнинг рўйхати»;
саккизинчи хатбоши қуйидаги таҳрирда баён қилинсин:
«Ер қаъридан фойдаланувчиларга берилган рухсатномаларнинг амал қилиш муддати тугаганда ёки муддатидан олдин бекор қилинганда Ер қаъридан фойдаланиш маркази бу ҳақда уч иш куни муддатда Солиқ қўмитаси, Экология вазирлиги ҳамда тегишли маҳаллий ижро этувчи ҳокимият органларини ёзма хабардор қилади»;
тўққизинчи хатбошидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
61-банд қуйидаги таҳрирда баён қилинсин:
«61. Ер қаъридан фойдаланувчи фаолиятининг тугатилиши ёки бекор қилиниши муносабати билан норуда фойдали қазилмаларни ўз ичига олган ер қаъри участкаларидан фойдаланиш ҳуқуқи бекор қилинганда. Ер қаъридан фойдаланиш маркази томонидан Экология вазирлиги ва бошқа манфаатдор органларга тоғ иншоотлари ва инфратузилма объектларини консервация қилиш ёки тугатиш тартиби ва муддатлари тўғрисида қарор қабул қилинганлиги билдирилиши шарт. Бундай ҳолатларда ер қаъри участкалари Ер қаъридан фойдаланиш маркази балансига ўтказилади»;
62-бандда:
биринчи хатбошидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
учинчи хатбоши қуйидаги таҳрирда баён қилинсин:
«E-auksion» электрон савдо платформасида аукцион орқали реализация қилинган ер қаъри участкаларидан фойдаланиш ҳуқуқи учун рухсатномаларни улар берилган санадан бошлаб икки йил мобайнида бошқа шахслар фойдасига воз кечиш, шу жумладан ер қаъри фойдаланувчиларининг таъсисчилари (операцион фаолиятини бошқариш овозига эга мажоритар акциядорлари)ни тўлиқ ўзгартириш тақиқланади»;
63-банднинг биринчи, 64-банднинг биринчи ва учинчи хатбошиларидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
66-банднинг биринчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
68 ва 69-бандлардаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
71-банд қуйидаги таҳрирда баён қилинсин:
«71. Ер қаърини геологик ўрганиш, ер ости бойликларидан фойдаланиш ва муҳофаза қилиш юзасидан давлат назорати маҳаллий ижро этувчи ҳокимият органлари, шунингдек, Тоғ-кон, геология ва саноат хавфсизлигини назорат қилиш инспекцияси ва Экология вазирлиги томонидан қонунчилик ҳужжатларида белгиланган тартибда амалга оширилади»;
72-банддаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
1-илова қуйидаги таҳрирда баён қилинсин:
«Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга
1-ИЛОВА
Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини электрон онлайн-аукцион орқали бериш
СХЕМАСИ

Босқичлар

Субъектлар

Тадбирлар

Муддатлар

1-босқич

(тайёргарлик босқичи)

Ер қаъридан фойдаланиш маркази

Норуда фойдали қазилмаларни ўз ичига олган ер қаъри участкалари рўйхатини шакллантиради ва тасдиқлайди.

Ҳар йили

Ер қаъридан фойдаланиш маркази

Ер қаъридан фойдаланиш ҳуқуқини аукционда реализация қилиш учун буюртманомаларни Ўзбекистон Республикаси Давлат активларини бошқариш агентлиги ҳузуридаги «Электрон онлайн-аукционларни ташкил этиш маркази» давлат унитар корхонасига (операторга) тақдим этади.

Тайёр бўлиши билан

Оператор

Аукцион ўтказилиши тўғрисидаги хабарномани ўз веб-порталида жойлаштиради.

Буюртма олинган кундан бошлаб

2-босқич

(аукцион ўтказиш)

Талабгорлар

Аукционда иштирок этиш учун электрон шаклда ариза топширади, унда лот рақами ва ер қаъри участкаси номини кўрсатади.

30 кун мобайнида

Оператор

Лот бўйича электрон аукцион савдолари ўтказади ва аукцион ғолибини эълон қилади.

1 иш куни мобайнида

Аукцион ғолиби

Аукционда ғолиб деб топилган сумманинг 100 фоизини ҳамда ер участкасини ажратиш материалларини тайёрлаш учун сарфланган тўловларни тўлайди.

Сотилган объектнинг қиймати БҲМнинг 5 минг бараваригача бўлганда 10 иш куни, 5 минг бараварига тенг ёки ундан ортиқ бўлганда 15 иш куни мобайнида

3-босқич

(рухсатнома бериш)

Оператор

Аукцион ғолиби (салоҳиятли ғолиб) томонидан сотиб олиш тўловлари тўлиқ тўлангандан сўнг аукцион ғолибига баённома расмийлаштиради ҳамда мазкур баённомани ва у томонидан имзоланган ер қаъридан фойдаланиш шартларини аукцион ғолибининг ва Давлат геология қўмитасининг шахсий кабинетига электрон шаклда юборади.

1 иш куни мобайнида

Ер қаъридан фойдаланиш маркази

Баённома асосида Ер қаъри участкаларидан фойдаланиш ҳуқуқи учун тегишли рухсатномани, ЭРИ билан имзоланган ва QR-код (матрик штрихли код) билан расмийлаштирилган ҳолда, «E-auksion» электрон савдо платформаси орқали Операторга юборади.

1 иш куни мобайнида

Оператор

Аукцион ғолибига расмийлаштирилган рухсатномани унинг шахсий кабинетига юборади.

1 иш куни мобайнида

»;
3-илова қуйидаги таҳрирда баён қилинсин:
«Норуда фойдали қазилмаларни ўз ичига олган ер қаъри участкаларидан фойдаланиш ҳуқуқини олиш учун рухсатномалар бериш тартиби тўғрисида низомга
3-ИЛОВА
Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатномаларни «биринчи келган биринчи олади» тамойилига биноан аризаларни тўғридан-тўғри кўриб чиқиш натижасида бериш
СХЕМАСИ

Босқичлар

Субъектлар

Тадбирлар

Муддатлари

1-босқич

(рухсатнома олгунга қадар)

Ариза берувчи

1. Ер қаъридан фойдаланиш марказига норуда фойдали қазилма конларида қазиш ишларини олиб бориш учун «Лицензия» ахборот тизими ёки ЯИДХП орқали буюртма беради (ер қаърини геологик ўрганишга оид ишларни молиялаштирган ер қаъридан фойдаланувчи).

Зарур бўлганда

2. Ер қаъри участкаларидан фойдаланиш ҳуқуқини олиш учун Ер қаъридан фойдаланиш марказига икки томонлама тайёрланган келишувга асосан «Лицензия» ахборот тизими ёки ЯИДХП орқали буюртма беради.

Келишувга асосан

1-босқич

(рухсатнома олгунга қадар)

Ер қаъридан фойдаланиш маркази

Норуда фойдали қазилмаларни ўз ичига олган ер қаъри участкаларидан фойдаланиш ҳуқуқига тўғридан-тўғри музокаралар асосида рухсатнома олиш учун буюртма берувчиларга сўралаётган ер қаъри участкаси бўйича геологик ёки бошқа маълумотлар тўпламини ҳамда ер участкасини ажратиш материалларини тайёрлаш учун сарфланган тўлов қийматини «Лицензия» ахборот тизими ёки ЯИДХП орқали тақдим этади.

20 кун мобайнида

2-босқич

(рухсатнома олишга буюртма топшириш ва уни кўриб чиқиш)

Ариза берувчи

Илова қилинаётган ҳужжатлар рўйхати билан Ер қаъридан фойдаланиш марказига «Лицензия» ахборот тизими ёки ЯИДХП орқали буюртма беради ҳамда ер участкасини ажратиш материалларини тайёрлаш учун сарфланган тўлов қийматини тўлайди.

Зарур бўлганда

Ер қаъридан фойдаланиш маркази

Тоғ-кон, геология ва саноат хавфсизлигини назорат қилиш инспекциясига ариза берувчи томонидан тақдим этилган буюртма ва илова қилинган ҳужжатларни ўрганиб чиқиш учун юборади.

2 кун мобайнида

Тоғ-кон, геология ва саноат хавфсизлигини назорат қилиш инспекцияси

Жойлардаги маҳаллий ижро этувчи ҳокимият органлари билан биргаликда сўралаётган ер қаъри участкасини, ундан фойдаланиш имкониятларини аниқлаш учун текшириб чиқади;

глобал позицион тизим асбобларини қўллаб бурчак координатларини аниқлаган ҳолда ер қаъри участкасининг жойлашиш ўрнини аниқлаштиради;

норуда фойдали қазилмалар рухсатсиз қазиб олинганлик изларининг мавжуд бўлиши мумкинлигини аниқлаштиради;

ариза берувчининг тақдим этилган ҳужжатларидаги техник ва технологик имкониятларининг мувофиқлигини ҳамда зарур малакали мутахассисларга эга бўлишини ўрганади.

Олиб борилган ишлар натижалари бўйича маълумотларни тайёрлайди ва Ер қаъридан фойдаланиш марказига юборади.

10 кун мобайнида

3-босқич

(рухсатнома бериш)

Ер қаъридан фойдаланиш маркази

Тоғ-кон, геология ва саноат хавфсизлигини назорат қилиш инспекциясининг тегишли ахборотларини ўрганиб чиқади ҳамда норуда фойдали қазилмаларни ўз ичига олган ер қаъри участкаларидан фойдаланиш ҳуқуқига рухсатнома бериш ёки уни рад қилиш тўғрисида қарор қабул қилади.

5 кун мобайнида

Рухсатнома бериш ва ер қаъри участкасидан фойдаланиш шартларини имзолаш зарурлиги тўғрисида ариза берувчига «Лицензия» ахборот тизими ёки ЯИДХП орқали маълум қилади.

5 кун мобайнида

Ариза берувчи

Ер қаъри участкасидан фойдаланиш шартларини электрон рақамли имзоси билан имзолайди.

3 кун мобайнида

Ер қаъридан фойдаланиш маркази

Ер қаъри участкасидан фойдаланиш ҳуқуқи учун QR-код (матрик штрихли код) қўйилган рухсатномани расмийлаштиради

1 кун мобайнида

»;

4-илованинг номидаги «OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI» сўзлари «OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI» сўзлари билан алмаштирилсин;
5-иловада:
4-позициядаги «Ўзбекистон Республикаси Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
5-позициядаги «Давлат экология қўмитаси» сўзлари «Экология, атроф-муҳитни муҳофаза қилиш ва иқлим ўзгариши вазирлиги» сўзлари билан алмаштирилсин;;
9-позициядаги «Ўзбекистон Республикаси саноат хавфсизлиги давлат қўмитасида» сўзлари чиқариб ташлансин;
г) 3-иловада:
3-банд қуйидаги таҳрирда баён қилинсин:
«3. Қимматбаҳо металларни олтин изловчилар усулида қазиб олиш учун берилаётган ер қаъри участкаларидан фойдаланиш ҳуқуқи учун рухсатномалар Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази) томонидан электрон онлайн-аукцион натижаларига асосан ушбу Низомнинг 1-иловасига мувофиқ схема бўйича берилади»;
5-банднинг биринчи ва иккинчи хатбошиларидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
9-банднинг иккинчи хатбошисидаги «Давлат геология қўмитасининг» сўзлари «Ер қаъридан фойдаланиш марказининг» сўзлари билан алмаштирилсин;
11-банднинг биринчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
13-банднинг биринчи, учинчи ва тўртинчи хатбошиларидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
14-банд қуйидаги таҳрирда баён қилинсин:
«14. Ер участкаларининг чегараларини жойида белгилаш ишлари Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги ҳамда Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекциясининг ҳудудлардаги бўлинмалари томонидан бир вақтнинг ўзида ер қаъридан фойдаланувчи иштирокида амалга оширилади.»;
17-банддаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
20-банд қуйидаги таҳрирда баён қилинсин:
«20. Реестрга киритилган маълумотлар, очиқ бўлган маълумотлар базаси ҳисобланиб, мазкур реестр билан юридик ва жисмоний шахслар танишиб чиқиши мумкин»;
21-бандда:
тўртинчи ва бешинчи хатбошилардаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
«а» кичик банднинг тўртинчи хатбошиси қуйидаги таҳрирда баён қилинсин:
«қолган маблағлар тўлиқ Кон-геология вазирлигининг бюджетдан ташқари жамғармасига ўтказилади»;
«б» кичик банднинг тўртинчи хатбошиси қуйидаги таҳрирда баён қилинсин:
«қолган маблағлар тўлиқ Кон-геология вазирлигининг бюджетдан ташқари жамғармасига ўтказилади»;
22-бандда:
биринчи хатбошидаги «камида 6 ой олдин» сўзлари чиқариб ташлансин;
биринчи ва учинчи — еттинчи хатбошилардаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
иккинчи хатбошидаги «Давлат геология қўмитаси ҳузуридаги Кон-геология фаолиятини назорат қилиш инспекцияси» сўзлари «Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси» сўзлари билан алмаштирилсин;
23-банднинг тўртинчи хатбошисидаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
24-банд қуйидаги таҳрирда баён қилинсин:
«24. Ер қаъридан фойдаланувчилар томонидан рухсатнома берилган ер қаъри участкаларида қимматбаҳо металларни қазиш ишлари бошланишидан олдин маҳаллий ижро этувчи ҳокимият органлари, Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги, Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекцияси ёзма равишда хабардор қилиниши шарт»;
25-банднинг еттинчи хатбошисидаги «Давлат геология қўмитаси ҳузуридаги Кон-геология фаолиятини назорат қилиш бўйича ҳудудий инспекцияларга» сўзлари «Тоғ-кон саноати ва геология вазирлиги ҳузуридаги Тоғ-кон, геология ва саноат хавфсизлигини назорат қилиш ҳудудий инспекцияларига» сўзлари билан алмаштирилсин;
59-банддаги «Давлат геология қўмитасининг» сўзлари «Ер қаъридан фойдаланиш марказининг» сўзлари билан алмаштирилсин;
1-илованинг «Субъектлар» ва «Тадбирлар» устунидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
2-илованинг номидаги «OʻZBEKISTON RESPUBLIKASI DAVLAT GEOLOGIYA VA MINERAL RESURSLAR QOʻMITASI» сўзлари «OʻZBEKISTON RESPUBLIKASI TOGʻ-KON SANOATI VA GEOLOGIYA VAZIRLIGI» сўзлари билан алмаштирилсин;
3-илованинг 4-позициясидаги «Ўзбекистон Республикаси Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
д) 4-иловада:
4-банд қуйидаги таҳрирда баён қилинсин:
«4. Эксперт хулосаси Ўзбекистон Республикаси Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси (кейинги ўринларда — Ер қаъридан фойдаланиш маркази) томонидан «Лицензия» ахборот тизими ёки ЯИДХП орқали берилади»;
7-бандда:
биринчи хатбошидаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
қуйидаги мазмундаги иккинчи хатбоши билан тўлдирилсин:
«Минерал хом ашё базасини ривожлантириш ва қайта тўлдириш давлат дастурлари доирасида геологик лойиҳа-смета ҳужжатлари бўйича эксперт хулосасини олиш учун Ер қаъридан фойдаланиш марказига тўғридан-тўғри мурожаат қилади»;
11-банд қуйидаги таҳрирда баён қилинсин:
«11. Ер қаъридан фойдаланиш марказига юридик шахслар томонидан тақдим қилинган лойиҳа-смета ҳужжатларига эксперт хулосасини бериш шартнома асосида амалга оширилади.
Бунда битта лойиҳанинг экспертизаси учун харажатлар лойиҳанинг бир фоизгача бўлган қийматида ҳисобланади. Ушбу қиймат шартнома асосида тўлиқ Ер қаъридан фойдаланиш марказининг ҳисобварағига ўтказилади.
Давлат хизматларини кўрсатиш учун базавий ҳисоблаш миқдорининг 30 фоизи миқдорида йиғим ундирилади.
Давлат хизматларини кўрсатиш учун ундирилган йиғим суммаси қуйидаги тартибда тақсимланади:
а) «Лицензия» ахборот тизими орқали мурожаат этилганда:
20 фоизи — Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;
0,5 фоизи — Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига;
қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади;
б) ЯИДХП орқали мурожаат этилганда:
10 фоизи — Адлия вазирлигининг Давлат хизматларини ривожлантириш жамғармаси шахсий ғазна ҳисобварағига ўтказилади;
11,25 фоизи Ахборот-коммуникация технологияларини ривожлантириш жамғармасининг электрон ҳукумат ва рақамли иқтисодиётнинг идоралараро лойиҳаларини молиялаштириш бўйича махсус ҳисобварағига ўтказилади;
қолган маблағлар тўлиқ рухсатнома берувчи органнинг бюджетдан ташқари жамғармасига ўтказилади.
Давлат хизматларини кўрсатиш учун йиғим тўланганлигини тасдиқлаш Ягона биллинг тизими орқали амалга оширилади.
Ер қаъридан фойдаланиш маркази етти кун муддатда шартномани ариза берувчига «Лицензия» ахборот тизими орқали тақдим этади.
Ариза берувчи ўн кун муддатда шартномада кўрсатилган пул маблағини Ер қаъридан фойдаланиш марказининг ҳисобварағига ўтказади ва ўтказилганлигини тасдиқловчи ҳужжатни «Лицензия» ахборот тизими орқали тақдим қилади»;
12-банд қуйидаги таҳрирда баён қилинсин:
«12. Ер қаъридан фойдаланиш маркази беш кун муддатда лойиҳа-смета ҳужжатлари лойиҳасини Кон-геология вазирлиги ҳузуридаги Тоғ-кон, геология ва саноат хавфсизлигини назорат қилиш инспекциясига келишиш учун «Лицензия» ахборот тизими орқали юборади.
Тоғ-кон, геология ва саноат хавфсизлигини назорат қилиш инспекцияси уч кун муддатда лойиҳа-смета ҳужжатлари лойиҳасини кўриб чиқади ва келишилган лойиҳани «Лицензия» ахборот тизими орқали Ер қаъридан фойдаланиш марказига юборади.
Ер қаъридан фойдаланиш маркази беш кун муддатда лойиҳа-смета ҳужжатларини кўриб чиқади ва натижаси бўйича ариза берувчига эксперт хулосасини «Лицензия» ахборот тизими ёки ЯИДХП орқали юборади»;
13 ва 14-бандлардаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
17-банддаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
19-банддаги «Давлат геология қўмитаси» сўзлари «Ер қаъридан фойдаланиш маркази» сўзлари билан алмаштирилсин;
20-банд қуйидаги таҳрирда баён қилинсин:
«20. Ариза берувчининг лойиҳа-смета ҳужжатлари экспертизаси натижаларидан келиб чиқадиган баҳсли масалалар Ер қаъридан фойдаланиш марказининг тегишли бўлимларида кўриб чиқилади»;
21 — 23-бандлардаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
24 — 27-бандлар қуйидаги таҳрирда баён қилинсин:
«24. Лойиҳа-смета ҳужжатлари лойиҳалари Тоғ-кон саноати ва геология вазирлиги томонидан тасдиқланадиган Геология-қидирув ишларига лойиҳа ва сметалар тузиш бўйича йўриқнома, Геология қидирув учун смета нормалари тўпламлари ва бошқа норматив-техник ҳужжатларга мувофиқ тузилиши керак.
25. Нефть ва газ қудуқлари қурилишининг лойиҳа-смета ҳужжатлари Энергетика вазирлиги ва «Ўзбекнефтгаз» АЖ томонидан тасдиқланадиган норматив-техник ҳужжатларга мувофиқ тузилиши керак.
26. Қидирув харажатларини ҳисоблаш Тоғ-кон саноати ва геология вазирлиги томонидан тасдиқланадиган лойиҳа-смета ҳужжатлари Қидирув харажатларини амалдаги нархларда ҳисоблаш тартиби тўғрисидаги йўриқнома, Қидирув харажатларини жорий нархларда ҳисоблаш тартиби тўғрисидаги йўриқнома ва бошқа норматив-техник ҳужжатларга мувофиқ амалга оширилиши керак.
27. Лойиҳа-смета ҳужжатларининг смета қиймати Тоғ-кон саноати ва геология вазирлиги томонидан тасдиқланадиган смета нархлари тўпламида назарда тутилган Геология қидирув ишлари нархларини жорий нархларда ҳисоблашнинг автоматлаштирилган дастурлари методик қўлланмасига ва бошқа норматив-техник ҳужжатларга асосан ҳисобланади»;
30-банддаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
31-банддаги «Давлат геология қўмитаси» сўзлари «Ўзбекистон Республикаси Тоғ-кон саноати ва геология вазирлиги» сўзлари билан алмаштирилсин;
32-банддаги «Давлат геология қўмитасига» сўзлари «Ер қаъридан фойдаланиш марказига» сўзлари билан алмаштирилсин;
1-илованинг «Субъектлар» ва «Тадбирлар» устунидаги тегишли келишикдаги «Давлат геология қўмитаси» сўзлари тегишли келишикдаги «Ер қаъридан фойдаланиш маркази» сўзлари билан алмаштирилсин;
2-иловада:
4-позициядаги «Ўзбекистон Республикаси Давлат геология ва минерал ресурслар қўмитаси» сўзлари «Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси» сўзлари билан алмаштирилсин;
6 ва 7-позициялар қуйидаги таҳрирда баён қилинсин:

«

6.

Аризани кўриб чиқиш учун ундириладиган йиғим миқдори:

Базавий ҳисоблаш миқдорининг 30 фоизи.

7.

Рухсат этиш хусусиятига эга ҳужжат берилганлиги учун ундириладиган йиғим миқдори:

Лойиҳанинг бир фоизгача бўлган қиймати. Ушбу қиймат шартнома асосида тўлиқ Ер қаъридан фойдаланиш марказининг ҳисоб варағига ўтказилади.

».
9-позиция қуйидаги таҳрирда баён қилинсин:

«

9.

Рухсат этишга оид талаб ва шартлар:

Лойиҳа-смета ҳужжатлари лойиҳалари Тоғ-кон саноати ва геология вазирлиги томонидан тасдиқланадиган Геология-қидирув ишларига лойиҳа ва сметалар тузиш бўйича йўриқнома, Геология қидирув учун смета нормалар тўпламлари ва бошқа норматив-техник ҳужжатларга мувофиқ тузилиши керак.

Нефть ва газ қудуқлари қурилишининг лойиҳа-смета ҳужжатлари Энергетика вазирлиги ва «Ўзбекнефтгаз» АЖ томонидан тасдиқланадиган норматив-техник ҳужжатларга мувофиқ тузилиши керак.

Қидирув харажатларини ҳисоблаш Тоғ-кон саноати ва геология вазирлиги томонидан тасдиқланадиган лойиҳа-смета ҳужжатлари Қидирув харажатларини амалдаги нархларда ҳисоблаш тартиби тўғрисидаги йўриқнома, Қидирув харажатларини жорий нархларда ҳисоблаш тартиби тўғрисидаги йўриқнома ва бошқа норматив-техник ҳужжатларга мувофиқ амалга оширилиши керак.

Лойиҳа-смета ҳужжатларининг смета қиймати Тоғ-кон саноати ва геология вазирлиги томонидан тасдиқланадиган смета нархлари тўпламида назарда тутилган Геология қидирув ишлари нархларини жорий нархларда ҳисоблашнинг автоматлаштирилган дастурлари методик қўлланмасига ва бошқа норматив-техник ҳужжатларга асосан ҳисобланади

».
Вазирлар Маҳкамасининг 2023 йил 28 декабрдаги 685-сон қарорига
4-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари
РЎЙХАТИ
1. Вазирлар Маҳкамасининг «Ўзбекистон Республикаси Хавфли геологик жараёнларни кузатиш давлат хизмати фаолиятини такомиллаштириш тўғрисида» 2017 йил 13 ноябрдаги 909-сон қарори.
2. Ўзбекистон Республикаси Вазирлар Маҳкамасининг «Ер ости сувларидан фойдаланишга оид рухсат этувчи ҳужжатларни бериш тартибини янада такомиллаштириш чора-тадбирлари тўғрисида» 2021 йил 8 январдаги 9-сон қарорига 2-илова.
3. Вазирлар Маҳкамасининг «Ўзбекистон Республикаси Гидрометеорология хизмати маркази фаолиятини ташкил этиш тўғрисида» 2021 йил 10 апрелдаги 200-сон қарорига 3-илованинг 7-банди.
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2022 йил 4 апрелдаги 153-сон қарорига илованинг 457-банди.

(Қонунчилик маълумотлари миллий базаси, 29.12.2023 й., 09/23/685/1010-сон; 29.08.2025 й., 09/25/547/0788-сон)