Ўзбекистон Республикаси Президентининг

Фармони

Пиллачилик соҳасида касаначиликни қўллаб-қувватлаш ҳамда пилла етиштириш учун озуқа базасини янада кенгайтиришнинг қўшимча чора-тадбирлари тўғрисида

Олдинги таҳрирга қаранг.

Мамлакатимизда ипак қуртини парвариш қилишда касаначиликни янада ривожлантириш, янги тутзорларни барпо этиш орқали пиллачилик ва тутчилик йўналишидаги кластерлар ва фермер хўжаликлари ҳамда пилла етиштиришга ихтисослашган уй хўжаликлари ташкил этиш, шунингдек, пилла хом ашёси етиштиришнинг озуқа базасини янада кенгайтириш мақсадида:

(муқаддима Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

1. 2023 йил июнь ойидан бошлаб Қишлоқ хўжалиги вазирлиги, Қишлоқ хўжалиги вазирлиги ҳузуридаги Ипакчилик ва жун саноатини ривожлантириш қўмитаси (кейинги ўринларда — Қўмита), Қорақалпоғистон Республикаси Вазирлар Кенгаши ҳамда вилоятлар ҳокимликларининг таклифларига асосан ҳудудларда:

ипак қуртини парваришлаш, етиштирилган пилла хом ашёсини харид қилиш, қайта ишлаш, қўшилган қиймат занжирини яратиш, тайёр маҳсулотни ички бозорга йўналтириш ва экспорт қилиш билан шуғулланадиган янги пиллачилик кластерлари;

тут кўчатларини етиштириш, тутзорларни барпо қилиш, ипак қуртини парваришлаш, пилла хом ашёсини тайёрлаш билан шуғулланадиган пиллачилик ва тутчилик йўналишидаги янги фермер хўжаликлари ташкил этилсин.

Олдинги таҳрирга қаранг.

2. Пиллачилик кластерлари, пиллачилик ва тутчилик йўналишидаги фермер хўжаликлари томонидан янги тутзорлар барпо қилиш учун Қорақалпоғистон Республикаси Вазирлар Кенгаши ва вилоятлар ҳокимликлари Қишлоқ хўжалиги вазирлиги билан биргаликда икки ой муддатда 1-иловага мувофиқ ер майдонларини уларнинг контурларини аниқ белгилаган ҳолда «E-auksion» электрон савдо платформасига ижарага бериш учун жойлаштирсин, ҳудудий «Агропилла» МЧЖлар ва пиллани қайта ишлаш корхоналарига қарашли реконструкция қилинадиган тутзорлар бундан мустасно.

(2-банд Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

Олдинги таҳрирга қаранг.

3. Белгилансинки, янги тутзорлар барпо қилиш учун ер участкалари 10 гектардан кам бўлмаган ўлчамда пиллачилик кластерлари, пиллачилик ва тутчилик йўналишидаги фермер хўжаликларига электрон онлайн аукцион савдолари орқали ижара ҳуқуқи асосида ажратилади.

(3-банд Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

Олдинги таҳрирга қаранг.

4. 2024 — 2027 йилларда 105 минг гектар ер майдонида янги тутзорлар барпо қилишнинг прогноз кўрсаткичлари 2-иловага мувофиқ тасдиқлансин.

(4-банд Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

5. Қишлоқ хўжалиги вазирлиги, Қўмита ва «Ўзбекипаксаноат» уюшмасининг таклифларига асосан, ҳудудий «Агропилла» масъулияти чекланган жамиятларига тегишли бўлган ва аҳолига оилавий пудрат шартномаси асосида бириктириладиган тутзорлар майдони 0,5 гектардан 2 гектаргача этиб белгилансин. Бунда:

Қўмита ва «Ўзбекипаксаноат» уюшмаси эскирган тутзорларни уларни реконструкция қилиш шарти билан пиллачилик уй хўжаликларига бириктиради;

тутзорларни мазкур банднинг биринчи хатбошисида белгиланган ўлчамларда пиллачилик уй хўжаликларига бириктириш аҳоли билан олдин тузилган оилавий пудрат шартномалари муддатлари тугагандан сўнг амалга оширилади;

пиллачилик уй хўжаликларининг фаолияти пиллачилик кластерлари билан кооперация асосида йўлга қўйилади;

пиллачилик уй хўжаликларига бириктирилган ер майдонининг тут қаторлари орасига сабзавот, картошка, полиз экинлари, гул, кўкатлар ва доривор ўсимликлар, маккажўхори дони, дуккакли ва мойли экинларни экишга рухсат берилади;

Камбағалликни қисқартириш ва бандлик вазирлиги ҳузуридаги Маҳаллабай ишлаш ва тадбиркорликни ривожлантириш агентлиги ҳамда туман (шаҳар) ҳокимларининг ёрдамчилари оилавий пудрат шартномаси шартлари асосида пиллачилик уй хўжаликлари фаолиятини йўлга қўйиб, аҳоли бандлигини таъминлашга шахсан масъул ҳисобланади.

6. Шундай тартиб ўрнатилсинки, унга кўра 2023 йил 1 июндан бошлаб:

а) касаначилар, пиллачилик уй хўжаликлари ҳамда фермер хўжаликларига ипак қурти уруғи ва уни парвариш билан боғлиқ ресурслар, жумладан тўшама қоғоз, термометр, полиэтилен плёнка, психирометр (инкубаториялар учун) ва бошқа зарурий ресурслар пиллачилик кластерлари томонидан бепул берилади;

б) Ўзбекистон Республикасининг Давлат бюджети маблағлари ҳисобидан майдони 10 гектар ва ундан зиёд гектардаги тутзорларга сув чиқариш учун бурғиланган қудуқ, шунингдек, дарёлар, каналлар ҳамда бошқа сув ҳавзаларидан сув тортиш учун насос станциясини қуришга ҳар бир метри учун 600 минг сўмдан, аммо 120 миллион сўмдан ошмайдиган миқдорда Тоғ-кон саноати ва геология вазирлигининг тегишли далолатномасига асосан субсидия ажратилади;

в) Қишлоқ хўжалиги вазирлиги, Қўмита 2023-2024 йилларда Осиё тараққиёт банкидан 10 млн АҚШ доллари миқдоридаги имтиёзли кредит маблағларини тут етиштириш, пиллани қабул қилиш, саралаш, сақлаш ва қайта ишлаш комплексини қуришга жалб этиш чораларини кўради.

Олдинги таҳрирга қаранг.

7. Қишлоқ хўжалиги вазирлиги:

(7-банднинг биринчи хатбошиси Ўзбекистон Республикаси Президентининг 2024 йил 30 сентябрдаги ПФ-151-сонли Фармони таҳририда — Қонунчилик маълумотлари миллий базаси, 02.10.2024 й., 06/24/151/0764-сон)

а) Ўзбекистон Республикаси Президентининг 2022 йил 27 апрелдаги «Қишлоқ хўжалиги маҳсулотларини етиштириш харажатларини молиялаштириш ва уларни харид қилиш тизимини такомиллаштириш чора-тадбирлари тўғрисида»ги ПҚ-225-сон қарорига асосан:

пиллачилик уй хўжаликлари, пиллачилик ва тутчилик йўналишидаги фермер хўжаликлари ва пиллачилик кластерларига — тут етиштириш учун зарур бўлган моддий-техник ресурслар, шу жумладан уруғлик ва кўчат етказиб бериш, шунингдек, қишлоқ хўжалиги хизматларини кўрсатиш учун;

қайта ишловчи, сақловчи ва экспорт қилувчиларга, шу жумладан пиллачилик кластерларига — тайёрланган (етиштирилган) пилла хом ашёсини харид қилиш учун талаб этиладиган айланма маблағларини тўлдириш учун йиллик 14 фоиз ставкада қарз маблағларини ажратиш чораларини кўрсин;

б) Ўзбекистон Республикаси Президентининг 2023 йил 5 апрелдаги «2023 йилда қишлоқ хўжалиги маҳсулотлари ишлаб чиқариш, қайта ишлашни кенгайтириш ва қўллаб-қувватлашнинг қўшимча чора-тадбирлари тўғрисида»ги ПҚ-113-сон қарори доирасида халқаро молия институтларининг маблағлари ҳисобидан касаначиларга яшаш жойларида ипак қурти уруғини парвариш қилиш учун қуртхона қуриш, шунингдек, қайта ишловчи, сақловчи, экспорт қилувчилар ва пиллачилик кластерларига тайёрланган (етиштирилган) пилла хом ашёсини сақлаш, саралаш, қайта ишлаш цехларини қуришга 10 йил муддатга, йиллик 14 фоиз ставкада маблағлар ажратиш чораларини кўрсин.

Олдинги таҳрирга қаранг.

8. Қишлоқ хўжалиги вазирлиги Қўмита билан биргаликда 2024 йил якунига қадар мазкур Фармонга мувофиқ ажратиб берилган ер майдонларидан фойдаланиш ҳолатини Қишлоқ хўжалиги вазирлигининг Геоахборот тизими орқали мунтазам мониторинг қилиб бориш тизимини жорий этсин.

(8-банднинг биринчи хатбошиси Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

Бунда, Иқтисодиёт ва молия вазирлиги ҳузуридаги Кадастр агентлиги Кадастр ва кўчмас мулкларни рўйхатдан ўтказиш интеграцион ахборот тизими (UZKAD)ни Қишлоқ хўжалиги вазирлигининг Геоахборот тизимига интеграция қилишни таъминласин.

9. «Ўзбекипаксаноат» уюшмасининг ҳудудларда ипак қурти уруғини тайёрловчи янги уруғчилик корхоналарини ташкил этиш тўғрисидаги таклифи 3-иловага мувофиқ маъқуллансин.

10. Қишлоқ хўжалиги вазирлиги, Қўмита:

2023 йил якунига қадар қишлоқ хўжалигига жалб қилинган халқаро молия институтларининг маблағлари ҳисобидан Ипакчилик илмий-тадқиқот институти (кейинги ўринларда — Институт) ҳузуридаги генетик тадқиқот лабораториясини ипак қуртининг супер элита уруғини яратиш ва ундан элита уруғликларини олиш учун керакли ускуналар билан жиҳозлаш чораларини кўрсин;

Институт билан биргаликда 2023 — 2025 йиллар давомида Хитой ва Вьетнам давлатларидан олиб келинадиган ипак қурти тоза зотларининг бошланғич тухум қўймалари ва супер элита уруғи асосида маҳаллий шароитга мос янги сермаҳсул зотларнинг супер элита уруғини яратиш ва ундан элита уруғликларини олиш ишларини амалга оширсин;

2023 йил якунига қадар Институт ҳузурида хусусий секторни жалб этган ҳолда ипакчилик соҳаси олимлари томонидан яратилиб, давлат реестрига киритилган ипак қуртининг маҳаллий зотлардан олинган элита уруғини тайёрлаш наслли уруғчилик станциясини ташкил қилсин ҳамда фаолиятини йўлга қўйсин;

Институтга хусусий сектор иштирокида наслли уруғчилик хўжаликларини бириктириш ва саноатлашган уруғни тижоратлаштиришни йўлга қўйсин;

икки ой муддатда ипак қуртининг янги зот ва дурагайларини яратган муаллифларни рағбатлантириш тартибини ишлаб чиқиб, Вазирлар Маҳкамасига киритсин. Бунда, яратилган элита уруғини пилла хом ашёси етиштирувчиларга тарқатишдан улуш олиш назарда тутилади.

11. Олий таълим, фан ва инновациялар вазирлиги бир ой муддатда ипак қуртининг маҳаллий тоза зотлари супер элита уруғини яратиш ва ундан элита уруғликларини олиш ҳамда тутнинг янги навларини яратиш бўйича амалий, фундаментал ва инновацион лойиҳалар танловини эълон қилсин.

12. Қўмита Институтнинг Тошкент шаҳридаги бино-иншоотлари ва ер майдонларини сотишдан тушган маблағлар ҳисобидан:

Институт талабномасига мувофиқ ипак қуртининг маҳаллий шароитга мос супер элита уруғини яратиш ва ундан элита уруғликларини олиш учун керакли ускуналар билан жиҳозлаш, маҳаллий зотлардан олинган саноат уруғини тайёрлаш мақсадида наслли уруғчилик станциясини ташкил қилиш учун талаб этиладиган маблағларнинг бир қисмини қопласин;

Институт бино-иншоотларини реконструкция қилиш ва селекция ишларини олиб боришни таъминлаш мақсадида ипак қуртларини парваришлаш учун махсус бино-иншоотларни барпо этиш, уларни табиий газ, муқобил энергия тежовчи воситалар билан таъминлаш чораларини кўрсин;

Институт ҳузурида ипакчилик соҳаси ходимларини қайта тайёрлаш ва малакасини ошириш доимий равишда олиб борилишини йўлга қўйиш учун ўқув марказини ташкил этсин ҳамда уни кўргазмали ва ўқув материаллари билан жиҳозласин.

13. Олий таълим, фан ва инновациялар вазирлиги, Давлат активларини бошқариш агентлиги ва Андижон вилояти ҳокимлиги Андижон вилояти, Марҳамат тумани, «Гулистон» МФЙ, Мустақиллик кўчаси, 1-А уй манзилида жойлашган Марҳамат агротехнологиялар техникумининг бино-иншоотлари ва ер майдонларини оператив бошқарув ҳуқуқи асосида Институтга ўтказиб беришни таъминласин.

Андижон вилояти ҳокимлиги Олий таълим, фан ва инновациялар вазирлиги билан биргаликда Марҳамат агротехнологиялар техникумида таҳсил олаётган талабалар ўқишининг 2023/2024 ўқув йилидан бошлаб Андижон ветеринария медицинаси техникумига кўчирилишини таъминласин.

14. Андижон вилояти ҳокимлиги бир ой муддатда оналик тутзорлар ва тажриба-синов хўжалигини ташкил этиш учун Марҳамат туманида 14 гектар ер майдонини Институтга доимий фойдаланиш ҳуқуқи асосида ажратсин.

15. Бош вазир ўринбосари Ж. Ходжаев, Ташқи ишлар вазирлиги (Б. Саидов), Қишлоқ хўжалиги вазирлиги (А. Воитов) бир ой муддатда Ҳиндистон билан пилла маҳсулотлари импорт божини камайтириш бўйича ҳукуматлараро музокара ўтказиш юзасидан таклиф киритсин.

16. Транспорт вазирлиги (И. Маҳкамов), Маданият ва туризм вазирлиги (О. Назарбеков) бир ой муддатда Ўзбекистон Республикасидан Вьетнамга қўшимча авиарейсларни қўйиш юзасидан таклиф киритсин.

17. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 4-иловага мувофиқ ўзгартиришлар киритилсин.

18. Қишлоқ хўжалиги вазирлиги икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида таклифларни ҳамда тутчиликка ва пиллачиликка ихтисослашган фермер хўжалиги мақомини белгиловчи тегишли норматив-ҳуқуқий ҳужжат лойиҳасини ишлаб чиқиб, Вазирлар Маҳкамасига киритсин.

19. Мазкур Фармоннинг ижросини самарали ташкил қилишга масъул ва шахсий жавобгар этиб қишлоқ хўжалиги вазири А.Б. Воитов ҳамда Ипакчилик ва жун саноатини ривожлантириш қўмитаси раиси Б.Қ. Шарипов белгилансин.

Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2023 йил 1 июнь,

ПФ-85-сон

Олдинги таҳрирга қаранг.

Ўзбекистон Республикаси Президентининг 2023 йил 1 июндаги ПФ-85-сон Фармонига
1-ИЛОВА

Пиллачилик кластерлари, пиллачилик ва тутчилик йўналишидаги фермер хўжаликлари томонидан янги тутзорлар барпо қилиш учун «E-auksion» электрон савдо платформасига ижарага бериш учун жойлаштириладиган, шунингдек, мавжуд ер майдонларининг кўрсаткичлари

Т/р	Туманлар номи	Барпо қилинадиган янги тутзорлар майдони (гектар)	Шундан (гектар):
Т/р	Туманлар номи	Барпо қилинадиган янги тутзорлар майдони (гектар)	«E-auksion» электрон савдо платформасига ижарага бериш учун жойлаштириладиган ер майдонлари	«E-auksion» электрон савдо платформасига ижарага бериш учун жойлаштириладиган Ипакчилик қўмитасининг доимий фойдаланишидаги мавжуд яйловлар майдонлари	Ҳудудий «Агропилла» МЧЖлар ва пиллани қайта ишлаш корхоналарига қарашли реконструкция қилинадиган тутзорлар
Республика бўйича жами:		105 000	86 629,6	14 113,3	4 257,3
Қорақалпоғистон Республикаси
1.	Тўрткўл	200	53		147
2.	Беруний	200	200
3.	Элликқалъа	200	200
4.	Амударё	200	200
5.	Хўжайли	500	500
6.	Тахиатош	50	50
7.	Шуманай	500	500
8.	Қонликўл	500	500
9.	Қўнғирот	500	500
10.	Нукус	120	120
11.	Кегейли	350	350
12.	Бўзатов	100	100
13.	Чимбой	500	500
14.	Қораўзак	500	500
15.	Тахтакўпир	500	500
16.	Мўйноқ	80	80
Жами		5 000	4 853		147
Андижон вилояти
1.	Андижон	1 409	1 374		35
2.	Избоскан	32	12		20
3.	Марҳамат	720	720
4.	Пахтаобод	57	24		33
5.	Балиқчи	40	25		15
6.	Бўстон	30	10		20
7.	Улуғнор	145	61		84
8.	Асака	590	510		80
9.	Олтинкўл	23	3		20
10.	Хўжаобод	739	695		44
11.	Шаҳрихон	27	20		7
12.	Жалақудуқ	1 035	1 024		11
13.	Қўрғонтепа	153	134		19
Жами		5 000	4 612		388
Бухоро вилояти
1.	Жондор	1 200	1 200
2.	Ромитан	1 200	1 200
3.	Когон	1 000	1 000
4.	Бухоро	1 000	1 000
5.	Пешку	1 200	1 200
6.	Шофиркон	1 200	1 200
7.	Ғиждувон	1 200	1 200
8.	Олот	1 000	1 000
9.	Қоракўл	1 000	1 000
Жами		10 000	10 000
Жиззах вилояти
1.	Фориш	1 400	1171	229
2.	Бахмал	1 300	1274,9	20	5,1
3.	Зомин	1 400	1397,4	2,6
4.	Янгиобод	1 400	94		1 306
5.	Арнасой	1 000	972,5		27,5
6.	Мирзачўл	1 000	1000
7.	Ғаллаорол	1 300	955,9	1,2	342,9
8.	Ш. Рашидов	1 200	1200
Жами		10 000	8 065,7	252,8	1 681,5
Қашқадарё вилояти
1.	Қарши	1 000	579,2	420,8
2.	Косон	1 000	1000
3.	Қамаши	1 000	0	1 000
4.	Китоб	1 650	0	1 650
5.	Муборак	1 000	0	1 000
6.	Чироқчи	1 000	0	1 000
7.	Кўкдала	700	363,3	336,7
8.	Шаҳрисабз	1 650	985,1	664,9
9.	Яккабоғ	1 000	0	1 000
Жами		10 000	2 927,6	7 072,4
Навоий вилояти
1.	Қизилтепа	1 100	27	1 073
2.	Конимех	100	0	100
3.	Навбаҳор	1 100	0	1 100
4.	Нурота	800	0	800
5.	Кармана	700	140	560
6.	Хатирчи	1 200	0	1 200
Жами		5 000	167	4 833
Наманган вилояти
1.	Мингбулоқ	500	500
2.	Косонсой	600	600
3.	Чуст	650	650
4.	Уйчи	250	250
5.	Янгиқўрғон	650	650
6.	Норин	250	250
7.	Учқўрғон	250	250
8.	Наманган	250	250
9.	Тўрақўрғон	300	300
10.	Чортоқ	650	650
11.	Поп	650	650
Жами		5 000	5 000
Самарқанд вилояти
1.	Пастдарғом	1 000	1 000
2.	Нуробод	1 000	331	669
3.	Иштихон	1 500	1 500
4.	Жомбой	500	500
5.	Қўшработ	1 000	0	1 000
6.	Каттақўрғон	1 000	1 000
7.	Нарпай	500	500
8.	Пахтачи	500	251	249
9.	Булунғур	2 000	2 000
10.	Пайариқ	1 000	963	37
Жами		10 000	8 045	1 955
Сурхондарё вилояти
1.	Ангор	1 000	1 000
2.	Бандихон	500	500
3.	Бойсун	200	200
4.	Қизириқ	1 000	1 000
5.	Музработ	1 000	1 000
6.	Шеробод	1 000	1 000
7.	Жарқўрғон	1 000	1 000
8.	Термиз	800	800
9.	Олтинсой	500	500
10.	Шўрчи	1 000	1 000
11.	Қумқўрғон	1 000	1 000
12.	Денов	1 000	1 000
Жами		10 000	10 000
Сирдарё вилояти
1.	Боёвут	877	600		277
2.	Гулистон	642	400,3		241,7
3.	Мирзаобод	1 255	999,8		255,2
4.	Оқолтин	331	200,3		130,7
5.	Сардоба	871	625,8		245,2
6.	Сайхунобод	135	0		135
7.	Сирдарё	148	0		148
8.	Ховос	741	573		168
Жами		5 000	3 399,2		1 600,8
Тошкент вилояти
1.	Оққўрғон	732	732
2.	Оҳангарон	5 288	5 288
3.	Бекобод	1 183	1 183
4.	Бўка	1 142	1 142
5.	Қуйи Чирчиқ	1 242	1 242
6.	Юқори Чирчиқ	350	350
7.	Қибрай	371	371
8.	Паркент	2 500	2 500
9.	Пискент	861	861
10.	Ўрта Чирчиқ	761	761
11.	Чиноз	230	230
12.	Янгийўл	340	340
Жами		15 000	15 000
Фарғона вилояти
1.	Қувасой	350	297,5		52,5
2.	Бешариқ	450	450
3.	Бағдод	72	0		72,0
4.	Бувайда	90	75,7		14,3
5.	Данғара	464	461,1		2,9
6.	Ёзёвон	110	55,5		54,5
7.	Қува	600	559,1		40,9
8.	Олтиариқ	260	260
9.	Қўштепа	87	65,7		21,3
10.	Риштон	150	108,6		41,4
11.	Сўх	150	150
12.	Тошлоқ	52	25,2		26,8
13.	Ўзбекистон	103	32,1		70,9
14.	Учкўприк	50	49,5
15.	Фарғона т	2 013	1969,8		42,9
Жами		5 000	4 560		440
Хоразм вилояти
1.	Боғот	650	650
2.	Гурлан	500	500
3.	Қўшкўпир	2 000	2 000
4.	Урганч	600	600
5.	Ҳазорасп	1 000	1 000
6.	Хонқа	300	300
7.	Хива	700	700
8.	Шовот	1 000	1 000
9.	Янгиариқ	1 500	1 500
10.	Янгибозор	800	800
11.	Тупроққалъа	950	950
Жами		10 000	10 000

(1-илова Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

Олдинги таҳрирга қаранг.

Ўзбекистон Республикаси Президентининг 2023 йил 1 июндаги ПФ-85-сон Фармонига
2-ИЛОВА

2024 — 2027 йилларда 105 минг гектар ер майдонида янги тутзорлар барпо қилишнинг

ПРОГНОЗ КЎРСАТКИЧЛАРИ

Т/р	Туманлар номи	Барпо қилинадиган янги тутзорлар майдони (гектар)	Шундан (гектар)
Т/р	Туманлар номи	Барпо қилинадиган янги тутзорлар майдони (гектар)	2024 йил	2025 йил	2026 йил	2027 йил
Республика бўйича жами:		105 000	27 140	21 202	24 760	31 898
Қорақалпоғистон Республикаси
1.	Тўрткўл тумани	200	60	40	50	50
2.	Беруний тумани	200	60	40	50	50
3.	Элликқалъа тумани	200	60	40	50	50
4.	Амударё тумани	200	60	40	50	50
5.	Хўжайли тумани	500	160	120	110	110
6.	Тахиатош тумани	50	30	20
7.	Шуманай тумани	500	160	120	110	110
8.	Қонликўл тумани	500	160	120	110	110
9.	Қўнғирот тумани	500	160	120	110	110
10.	Нукус тумани	120	30	30	30	30
11.	Кегейли тумани	350	110	80	80	80
12.	Бўзатов тумани	100	30	20	20	30
13.	Чимбой тумани	500	160	120	110	110
14.	Қораўзак тумани	500	160	110	120	110
15.	Тахтакўпир тумани	500	160	120	110	110
16.	Мўйноқ тумани	80	40	20	20
Жами		5 000	1600	1160	1130	1110
Андижон вилояти
1.	Андижон тумани	1 409	480	280	320	329
2.	Избоскан тумани	32	20	12
3.	Марҳамат тумани	720	250	150	160	160
4.	Пахтаобод тумани	57	20	10	10	17
5.	Балиқчи тумани	40	20	10	10
6.	Бўстон тумани	30	10	10	10
7.	Улуғнор тумани	145	40	30	30	45
8.	Асака тумани	590	220	120	120	130
9.	Олтинкўл тумани	23	10	13
10.	Хўжаобод тумани	739	270	150	160	159
11.	Шаҳрихон тумани	27	10	17
12.	Жалақудуқ тумани	1 035	370	200	220	245
13.	Қўрғонтепа тумани	153	50	30	30	43
Жами		5 000	1770	1 032	1 070	1 128
Бухоро вилояти
1.	Жондор тумани	1 200	350	240	260	350
2.	Ромитан тумани	1 200	350	240	260	350
3.	Когон тумани	1 000	290	200	220	290
4.	Бухоро тумани	1 000	290	200	220	290
5.	Пешку тумани	1 200	350	240	260	350
6.	Шофиркон тумани	1 200	360	240	250	350
7.	Ғиждувон тумани	1 200	360	240	250	350
8.	Олот тумани	1 000	290	200	220	290
9.	Қоракўл тумани	1 000	290	200	220	290
Жами		10 000	2930	2 000	2 160	2 910
Жиззах вилояти
1.	Фориш тумани	1 400	350	350	350	350
2.	Бахмал тумани	1 300	350	300	300	350
3.	Зомин тумани	1 400	350	350	350	350
4.	Янгиобод тумани	1 400	350	350	350	350
5.	Арнасой тумани	1 000	500	200	150	150
6.	Мирзачўл тумани	1 000	400	200	200	200
7.	Ғаллаорол тумани	1 300	430	290	290	290
8.	Ш. Рашидов тумани	1 200	340	300	300	260
Жами		10 000	3070	2 340	2 290	2 300
Қашқадарё вилояти
1.	Қарши тумани	1 000	120	200	250	430
2.	Косон тумани	1 000	160	200	250	390
3.	Қамаши тумани	1 000	230	200	250	320
4.	Китоб тумани	1 650	300	330	410	610
5.	Муборак тумани	1 000	90	200	250	460
6.	Чироқчи тумани	1 000	240	200	250	310
7.	Кўкдала тумани	700	90	140	180	290
8.	Шаҳрисабз тумани	1 650	370	330	420	530
9.	Яккабоғ тумани	1 000	280	200	250	270
Жами		10 000	1880	2 000	2 510	3 610
Навоий вилояти
1.	Қизилтепа тумани	1 100	350	250	250	250
2.	Конимех тумани	100	30	20	20	30
3.	Навбаҳор тумани	1 100	350	250	250	250
4.	Нурота тумани	800	240	180	190	190
5.	Кармана тумани	700	220	160	160	160
6.	Хатирчи тумани	1 200	370	270	280	280
Жами		5 000	1560	1 130	1 150	1 160
Наманган вилояти
1.	Мингбулоқ тумани	500	150	100	100	150
2.	Косонсой тумани	600	160	100	150	190
3.	Чуст тумани	650	170	100	150	230
4.	Уйчи тумани	250	60	50	60	80
5.	Янгиқўрғон тумани	650	170	100	150	230
6.	Норин тумани	250	40	60	70	80
7.	Учқўрғон тумани	250	60	50	60	80
8.	Наманган тумани	250	60	50	60	80
9.	Тўрақўрғон тумани	300	100	60	70	70
10.	Чортоқ тумани	650	170	100	150	230
11.	Поп тумани	650	150	100	150	250
Жами		5 000	1290	870	1 170	1 670
Самарқанд вилояти
1.	Пастдарғом тумани	1 000	200	200	250	350
2.	Нуробод тумани	1 000	200	200	250	350
3.	Иштихон тумани	1 500	320	320	350	510
4.	Жомбой тумани	500	140	100	130	130
5.	Қўшработ тумани	1 000	200	200	250	350
6.	Каттақўрғон тумани	1 000	200	200	250	350
7.	Нарпай тумани	500	140	100	130	130
8.	Пахтачи тумани	500	130	110	130	130
9.	Булунғур тумани	2 000	480	420	480	620
10.	Пайариқ тумани	1 000	200	200	250	350
Жами		10 000	2210	2 050	2 470	3 270
Сурхондарё вилояти
1.	Ангор тумани	1 000	200	200	300	300
2.	Бандихон тумани	500	100	100	150	150
3.	Бойсун тумани	200	40	40	60	60
4.	Қизириқ тумани	1 000	200	200	300	300
5.	Музработ тумани	1 000	200	200	300	300
6.	Шеробод тумани	1 000	200	200	300	300
7.	Жарқўрғон тумани	1 000	200	200	300	300
8.	Термиз тумани	800	160	160	240	240
9.	Олтинсой тумани	500	100	100	150	150
10.	Шўрчи тумани	1 000	200	200	300	300
11.	Қумқўрғон тумани	1 000	200	200	300	300
12.	Денов тумани	1 000	200	200	300	300
Жами		10 000	2000	2 000	3 000	3 000
Сирдарё вилояти
1.	Боёвут тумани	877	220	180	170	307
2.	Гулистон тумани	642	150	140	150	202
3.	Мирзаобод тумани	1255	130	200	320	605
4.	Оқолтин тумани	331	80	60	80	111
5.	Сардоба тумани	871	190	190	210	281
6.	Сайхунобод тумани	135	20	20	40	55
7.	Сирдарё тумани	148	20	20	40	68
8.	Ховос тумани	741	170	130	140	301
Жами		5 000	980	940	1 150	1 930
Тошкент вилояти
1.	Оққўрғон тумани	732	250	140	160	182
2.	Оҳангарон тумани	5 288	1500	1 050	1 100	1 638
3.	Бекобод тумани	1 183	260	240	260	423
4.	Бўка тумани	1 142	330	220	220	372
5.	Қуйи Чирчиқ тумани	1 242	340	250	260	392
6.	Юқори Чирчиқ тумани	350	120	70	70	90
7.	Қибрай тумани	371	140	70	70	91
8.	Паркент тумани	2 500	820	470	550	660
9.	Пискент тумани	861	310	170	180	201
10.	Ўрта Чирчиқ тумани	761	200	150	150	261
11.	Чиноз тумани	230	60	50	50	70
12.	Янгийўл тумани	340	110	70	80	80
Жами		15 000	4440	2 950	3 150	4 460
Фарғона вилояти
1.	Қувасой тумани	350	110	70	80	90
2.	Бешариқ тумани	450	90	50	100	210
3.	Бағдод тумани	72	20	10	20	22
4.	Бувайда тумани	90	30	20	20	20
5.	Данғара тумани	464	130	80	120	134
6.	Ёзёвон тумани	110	30	20	20	40
7.	Қува тумани	600	150	90	110	250
8.	Олтиариқ тумани	260	70	40	50	100
9.	Қўштепа тумани	87	20	10	20	37
10.	Риштон тумани	150	30	20	40	60
11.	Сўх тумани	150	30	20	40	60
12.	Тошлоқ тумани	52	20	10	10	12
13.	Ўзбекистон тумани	103	20	20	20	43
14.	Учкўприк тумани	50	20	10	10	10
15.	Фарғона тумани	2 013	360	290	290	1 073
Жами		5 000	1130	760	950	2 160
Хоразм вилояти
1.	Боғот тумани	650	190	110	160	190
2.	Гурлан тумани	500	190	100	120	90
3.	Қўшкўпир тумани	2 000	330	400	500	770
4.	Урганч тумани	600	180	100	120	200
5.	Ҳазорасп тумани	1 000	190	220	280	310
6.	Хонқа тумани	300	60	40	100	100
7.	Хива тумани	700	190	150	180	180
8.	Шовот тумани	1 000	250	200	250	300
9.	Янгиариқ тумани	1 500	240	300	380	580
10.	Янгибозор тумани	800	220	160	210	210
11.	Тупроққалъа тумани	950	240	190	260	260
Жами		10 000	2280	1 970	2 560	3 190

(2-илова Ўзбекистон Республикаси Президентининг 2024 йил 16 февралдаги ПФ-36-сонли Фармони таҳририда — Қонунчилик маълумотлари миллий базаси, 16.02.2024 й., 06/24/36/0130-сон)

Ўзбекистон Республикаси Президентининг 2023 йил 1 июндаги ПФ-85-сон Фармонига
3-ИЛОВА

Ҳудудларда ташкил этиладиган ипак қурти уруғини тайёрловчи янги уруғчилик корхоналари рўйхати

Т/р	Ҳудуд номи	Янги ташкил этиладиган уруғчилик корхоналари сони
1.	Бухоро вилояти	1
2.	Жиззах вилояти	1
3.	Наманган вилояти	1
4.	Самарқанд вилояти	1
5.	Сирдарё вилояти	1
6.	Тошкент вилояти	1
7.	Фарғона вилояти	1

Ўзбекистон Республикаси Президентининг 2023 йил 1 июндаги ПФ-85-сон Фармонига
4-ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартиришлар

1. Ўзбекистон Республикаси Президентининг 2023 йил 16 февралдаги «Яйловларни муҳофаза қилиш ва улардан оқилона фойдаланишни таъминлашга доир қўшимча чора-тадбирлар тўғрисида»ги ПФ-24-сон Фармонига 1-илованинг 10-позицияси қуйидаги таҳрирда баён этилсин:

«
Т/р	Тадбирлар номи	Амалга ошириш механизми	Ижро муддати	Масъул ижрочилар
10.	Ипакчилик ва жун саноатини ривожлантириш қўмитаси (кейинги ўринларда — Қўмита) ва Яйлов хўжалигини ривожлантириш уюшмаси (кейинги ўринларда — Уюшма) ходимларининг уй-жой шароитларини яхшилаш, Уюшманинг ижро этувчи аппарати ходимларини жойлаштириш, шунингдек, қоракўлчилик ва кавракчилик маҳсулотлари шоурумини ташкил этиш.	1. Уюшманинг хўжалик юритувида бўлган Тошкент шаҳри, Яккасарой тумани, Шоҳжаҳон кўчаси 1б-уй манзилидаги бинони Қўмитага оператив бошқарув ҳуқуқи асосида ўтказиш.	Бир ой муддатда	Қўмита, Уюшма, Тошкент шаҳар ҳокимлиги
		2. Қўмитага, истисно тариқасида, тўғридан-тўғри музокаралар ўтказиш асосида Тошкент шаҳри, Яккасарой тумани, Шоҳжаҳон кўчаси 1б-уй манзилидаги бино ўрнида янги замонавий турар ва нотурар бинолар (кейинги ўринларда — объект) қуриш бўйича давлат-хусусий шериклик тўғрисидаги битимни тузишга рухсат бериш.	Бир ой муддатда	Қўмита, хусусий шерик
		3. Хусусий шерикни жалб қилган ҳолда Тошкент шаҳар ҳокимлиги, Қурилиш ва уй-жой коммунал хўжалиги вазирлиги билан биргаликда қурилиш ишларини ўрнатилган тартибда бошлаш.	Шартнома асосида	Қўмита, Уюшма
		4. Қурилиши тугалланган объект фойдаланиш учун давлат шеригига топширилгандан сўнг, объектнинг бир қисмини хусусий шерикка мулк ҳуқуқи асосида ўтказиш. Бунда, қурилиши тугалланган объектдан кейинчалик фойдаланиш тартибини давлат-хусусий шериклик тўғрисидаги битим билан белгилаш.	Шартнома асосида	Қўмита, хусусий шерик, Давлат активларини бошқариш агентлиги
		5. Давлат-хусусий шериклик шартлари асосида қурилган бинода Уюшманинг ижро этувчи аппарати ходимларини жойлаштириш ҳамда қоракўлчилик ва кавракчилик маҳсулотлари шоурумини ташкил этиш.	Қурилиш тугаллангандан кейин	Қўмита, Уюшма
				».

Олдинги таҳрирга қаранг.

(Ўзбекистон Республикаси Президентининг 2025 йил 30 декабрдаги ПФ-269-сонли Фармонига асосан 2-банднинг ўз кучини йўқотиш санаси — 2026 йил 1 январь — Қонунчилик маълумотлари миллий базаси, 30.12.2025 й., 06/25/269/1253-сон)

3. Ўзбекистон Республикаси Президентининг 2020 йил 17 январдаги «Пиллачилик тармоғида ипак қурти озуқа базасини ривожлантириш бўйича қўшимча чора-тадбирлар тўғрисида»ги ПҚ-4567-сон қарори 2-бандининг учинчи хатбошиси қуйидаги таҳрирда баён этилсин:

«майдони 10 гектар ва ундан зиёд гектардаги тутзорларга сув чиқариш учун бурғиланган қудуқ, шунингдек, дарёлар, каналлар ҳамда бошқа сув ҳавзаларидан сувни тортиш учун насос станциясини қуришга ҳар бир метри учун 600 минг сўмдан, аммо 120 миллион сўмдан ошмайдиган миқдорда Тоғ-кон саноати ва геология вазирлигининг тегишли далолатномасига асосан субсидия тақдим этилади».

4. Ўзбекистон Республикаси Президентининг 2023 йил 24 февралдаги «Ипакчилик тармоғини янада ривожлантириш бўйича чора-тадбирлар тўғрисида»ги ПҚ-73-сон қарорида:

2-банднинг тўртинчи хатбошисидан «, Ўзбекистон табиий толалар илмий-тадқиқот институти» сўзлари чиқариб ташлансин;

5-банддан «ҳамда «Ўзбекипаксаноат» уюшмаси» сўзлари чиқариб ташлансин.

5. Вазирлар Маҳкамасининг 2021 йил 10 мартдаги «Пиллачилик ва тутчилик ташкилотларига тутзорларда сувни тежайдиган суғориш технологияларини жорий қилиш учун сарфланган харажатларнинг бир қисмини қоплаб бериш тартиби тўғрисидаги низомни тасдиқлаш ҳақида»ги 128-сон қарорида:

а) 1-банднинг учинчи хатбошиси қуйидаги таҳрирда баён этилсин:

б) иловадаги 4-банднинг учинчи хатбошиси қуйидаги таҳрирда баён этилсин:

(Қонунчилик маълумотлари миллий базаси, 05.06.2023 й., 06/23/85/0325-сон; 16.02.2024 й., 06/24/36/0130-сон, 02.10.2024 й., 06/24/151/0764-сон; 30.12.2025 й., 06/25/269/1253-сон)