Ҳужжат кучини йўқотган " " 01.09.2024

Ўзбекистон Республикаси Вазирлар Маҳкамасининг

қарори

2020-2021 йил қиш-баҳор мавсумида аҳоли ва ижтимоий соҳа муассасаларининг асосий турдаги қишлоқ хўжалиги маҳсулотларига бўлган эҳтиёжини қондириш бўйича қўшимча чора-тадбирлар тўғрисида

LexUZ шарҳи

Мазкур қарор Ўзбекистон Республикаси Вазирлар Маҳкамасининг 2024 йил 6 майдаги 266-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан 2024 йил 1 сентябрдан ўз кучини йўқотади.

Республика аҳолисини асосий турдаги озиқ-овқат маҳсулотлари билан кафолатли таъминлаш, ички истеъмол бозорига маҳсулот етказиб берилишини тизимли мониторинг қилиш ҳамда назоратни йўлга қўйиш ва нарх-навонинг асоссиз ўсиб кетишига йўл қўймаслик мақсадида Вазирлар Маҳкамаси қарор қилади:

1. 2020-2021 йиллар қиш ва баҳор мавсумида ички бозорни асосий турдаги маҳсулотлар билан кафолатли таъминлаш мақсадида Иқтисодий тараққиёт ва камбағалликни қисқартириш вазирлиги, Молия вазирлиги, Қишлоқ хўжалиги вазирлиги, Мактабгача таълим вазирлиги, Соғлиқни сақлаш вазирлиги, Халқ таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ишлаб чиқилган:

асосий турдаги қишлоқ хўжалиги маҳсулотларини захирага жамғаришнинг умумий прогнози ҳамда тайёрлов ташкилотлари бўйича прогноз ҳажмлари 1 ва 2-иловаларга;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан жалб қилинадиган ҳудудий тайёрлов ташкилотларида захирага жамғариладиган асосий турдаги қишлоқ хўжалиги маҳсулотларининг прогноз ҳажмлари 3-иловага;

Мактабгача таълим вазирлиги, Соғлиқни сақлаш вазирлиги ҳамда Халқ таълими вазирлиги муассасалари томонидан асосий турдаги қишлоқ хўжалиги маҳсулотларини захирага жамғариш прогноз ҳажмлари 4, 5 ва 6-иловаларга;

асосий турдаги қишлоқ хўжалиги маҳсулотларини (картошка, пиёз, сабзи ва гуруч) захирага жамғаришнинг режа-жадвали 7, 7а — 7г-иловаларга мувофиқ тасдиқлансин.

2. Асосий турдаги қишлоқ хўжалиги маҳсулотларини захирага жамғариш бўйича белгиланган ҳажмларни молиялаштириш манбалари этиб:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан жалб этилган тайёрлов ташкилотлари учун — хўжалик юритувчи субъектларнинг ўз айланма маблағлари ва тижорат банкларининг кредитлари;

Ўзбекистон Республикаси Халқ таълими вазирлиги, Соғлиқни сақлаш вазирлиги ҳамда Мактабгача таълим вазирлиги муассасалари учун — Ўзбекистон Республикаси Давлат бюджети маблағлари ва ушбу вазирликларнинг бюджетдан ташқари маблағлари белгилансин.

3. Белгилансинки, 2020-2021 йиллар қиш-баҳор мавсуми захираси учун асосий турдаги қишлоқ хўжалиги маҳсулотларини харид қилишга ва четдан истеъмол картошкасини келтириш мақсадларига:

тижорат банклари белгиланган тартибда тайёрлов корхоналарига айланма маблағлар учун кредитлар ажратади;

Тадбиркорлик фаолиятини қўллаб-қувватлаш давлат жамғармаси кредитлар бўйича фоиз тўловларининг Ўзбекистон Республикаси Марказий банкининг асосий ставкасидан ошган қисмини белгиланган тартибда компенсация қилиб беради;

Ўзбекистон Республикаси Молия вазирлиги кредит ажратиш учун ресурслар етарли бўлмаган тақдирда, талаб этиладиган маблағни тижорат банкларига Ўзбекистон Республикаси Марказий банкининг асосий ставкасида депозитга жойлаштирилишини таъминлайди.

4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Мактабгача таълим вазирлиги, Соғлиқни сақлаш вазирлиги, Халқ таълими вазирлиги жорий йилнинг 20 октябрига қадар 4 турдаги (картошка, пиёз, сабзи ва гуруч) сифатли қишлоқ хўжалиги маҳсулотларини арзон нархларда захирага жамғариш учун маҳсулот ишлаб чиқарувчилар, тайёрлов ташкилотлар ва ижтимоий соҳа муассасалари ўртасида истисно тариқасида тўғридан-тўғри контрактация шартномалари тузилишини ҳамда ушбу қарор иловаларидаги прогноз ҳажмларга мувофиқ маҳсулотларни тўлиқ ҳажмда ва белгиланган муддатларда ғамлаб қўйилишини таъминласинлар.

Шартнома тузиш бўйича амалга оширилган ишлар юзасидан жорий йил 25 октябрига қадар Вазирлар Маҳкамасига маълумот тақдим этилсин.

Мактабгача таълим вазирлиги, Соғлиқни сақлаш вазирлиги ҳамда Халқ таълими вазирлиги тасарруфидаги муассасалардаги овқатланишни жадаллик билан аутсорсинг тизимига ўтказиш бўйича керакли чораларни кўрсин.

5. Ўзбекистон Республикаси Молия вазирлиги бюджетдан маблағ билан таъминланувчи ижтимоий соҳа муассасаларига 2020-2021 йилги қиш-баҳор мавсумига қишлоқ хўжалиги маҳсулотларини жамғариш учун зарур маблағлар бюджет ва бюджет муассасаларининг бюджетдан ташқари жамғармалари ҳисобига тўлиқ ажратилишини таъминласин.

Бунда, ижтимой соҳа муассасалари томонидан 4 та асосий турдаги қишлоқ хўжалиги маҳсулотларини (картошка, пиёз, сабзи ва гуруч) харид қилишда деҳқон бозорларида шаклланадиган ўртача нархлардан келиб чиққан ҳолда тегишли ижтимой соҳа муассасасининг харид комиссияси томонидан баҳоланадиган энг яхши таклифларни саралаб олиш йўли билан тузилган шартномаларни тегишли ғазначилик бўлинмаларида рўйхатдан ўтказилишига рухсат этилсин. Ушбу шартномалар тузилган санадан бошлаб 3 кундан кечиктирмасдан давлат харидларининг махсус ахборот порталига жойлаштирилсин.

6. Қуйидагилар:

асосий турдаги қишлоқ хўжалиги маҳсулотларини захирага жамғариш ва мақсадли ишлатилишини мувофиқлаштириш бўйича республика ишчи гуруҳи таркиби 8-иловага мувофиқ;

асосий турдаги қишлоқ хўжалиги маҳсулотларини захира мақсадларига харид қилишни молиялаштириш масалаларини мувофиқлаштириш бўйича республика ишчи гуруҳи таркиби 9-иловага мувофиқ тасдиқлансин.

7. Республика ишчи гуруҳларининг асосий вазифалари этиб қуйидагилар белгилансин:

а) асосий турдаги қишлоқ хўжалиги маҳсулотларини захирага жамғариш ва мақсадли ишлатишни мувофиқлаштириш бўйича республика ишчи гуруҳи (Ғаниевга):

2020-2021 йиллар қиш ва баҳор мавсуми учун асосий турдаги қишлоқ хўжалиги маҳсулотларини ҳудудлар бўйича захирага жамғаришнинг белгиланган прогноз ҳажмлари бажарилишини мониторинг қилиш;

қишлоқ хўжалиги маҳсулотлари аҳоли эҳтиёжига нисбатан кам етиштириладиган ҳудудлар захираси учун етишмайдиган маҳсулотларни ишлаб чиқариш ҳажми эҳтиёждан ортиқча бўлган ҳудудлар ҳисобига қоплаш чораларини кўриш;

маҳаллий ҳокимликлар томонидан захира тадбирларига жалб этилган тайёрлов ташкилотлари билан қишлоқ хўжалиги маҳсулотлари ишлаб чиқарувчилар ўртасида арзон нархларда сифатли маҳсулот етказиб бериш юзасидан истисно тариқасида тўғридан-тўғри контрактация шартномалари тузиш ишларини самарали ташкил этилишини назорат қилиш;

захира тадбирларига жалб этилган тайёрлов ташкилотлари томонидан захира мақсадлари учун талаб этиладиган маблағлар бўйича тижорат банкларига буюртмаларни тақдим этилишини ва маблағлар ажратилишини назорат қилиш;

захира мақсадлари учун омборхоналар ва совуткичли сиғимлар етишмаётган ҳудудларга бошқа ҳудудлардаги ортиқча сиғимларни бириктириш ҳисобига мавжуд сиғимлардан оқилона ва самарали фойдаланишни ташкил этиш;

захира мақсадлари учун маҳсулотларни харид қилиш, тайёрлаш, сақлаш ва сотиш билан боғлиқ аниқланган муаммоларни тезкор бартараф этиш чораларини кўриш.

б) асосий турдаги қишлоқ хўжалиги маҳсулотларини захира мақсадларига харид қилишни молиялаштириш масалаларини мувофиқлаштириш бўйича республика ишчи гуруҳи (Ишметовга):

ижтимоий соҳа муассасалари эҳтиёжи учун захирага жамғариладиган асосий турдаги қишлоқ хўжалиги маҳсулотларини харид қилиш мақсадида талаб этиладиган маблағларни муассасаларнинг бюджет маблағлари ва бюджетдан ташқари маблағлари ҳисобидан молиялаштирилишини амалга ошириш;

аутсорсинг усулида овқатлантириш ташкил этилган ижтимоий соҳа муассасаларига хизмат кўрсатувчи тадбиркорлик субъектларига захира тадбирлари учун талаб этиладиган маблағларни олдиндан тўлаб берилишини таъминлаш;

Ўзбекистон Республикаси Соғлиқни сақлаш вазирлиги, Халқ таълими вазирлиги ҳамда Мактабгача таълим вазирлиги томонидан захира мақсадлари учун режалаштирилган бюджет ва бюджетдан ташқари маблағлардан мақсадли фойдаланилишини назорат қилиш.

8. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

ўн кун муддатда қишлоқ хўжалиги маҳсулотларини сақлаш ҳажмларига мос омборхоналар ва совутиш сиғимларини хатловдан ўтказсинлар, хатлов натижаларига кўра захира тадбирлари учун белгиланган ҳажмларни сақлашга ихтисослашган ташкилотлар рўйхатини алоҳида кўрсатган ҳолда Вазирлар Маҳкамасига маълумот тақдим этсинлар;

ушбу қарор иловаларидаги прогноз ҳажмларга мувофиқ асосий турдаги қишлоқ хўжалиги маҳсулотлари тўлиқ ҳажмда ва белгиланган муддатларда ғамлаб қўйилишини таъминласинлар;

2021 йил 1 январга қадар тасдиқланган тармоқ жадваллари асосида захирага жамғарилган маҳсулотларни ички истеъмол бозорига етказиб бериш жадвалларини ишлаб чиқсинлар ва тасдиқласинлар.

Бунда маҳсулотлар бир текис тақсимланиши ҳисобга олинсин.

9. Асосий турдаги қишлоқ хўжалиги маҳсулотларини захирага жамғариш ва ички бозорга савдога чиқарилиши мониторингини олиб боришда шундай тартиб ўрнатилсинки, унга мувофиқ:

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари — тадбирларга жалб этилган тайёрлов ташкилотлари томонидан жорий йилнинг октябрь-ноябрь ойларида қишлоқ хўжалиги маҳсулотларининг асосий турларини захирага жамғариш ва захира омборларидан ички истеъмол бозорига сотувга чиқариш ҳажмлари тўғрисида;

Ўзбекистон Республикаси Соғлиқни сақлаш вазирлиги, Халқ таълими вазирлиги ҳамда Мактабгача таълими вазирлиги — ижтимоий соҳа муассасалари томонидан ўз эҳтиёжлари учун қишлоқ хўжалиги маҳсулотларининг асосий турларини харид қилиш мақсадлари учун мўлжалланган бюджет маблағлари ажратилиши ва ўзлаштирилиши ҳолати, маҳсулотларни захира омборларига жамғариш ишларининг бориши ва қиш-баҳор ойларида мақсадли ишлатилиши тўғрисида Иқтисодий тараққиёт ва камбағалликни қисқартириш вазирлигига ҳар 10 кунда ахборот тақдим этадилар.

2020-2021 йиллар қиш ва баҳор мавсуми учун асосий турдаги қишлоқ хўжалиги маҳсулотларини ҳудудлар бўйича захирага жамғаришнинг белгиланган прогноз ҳажмлари бажарилиши прокуратура органларининг алоҳида назоратидалиги инобатга олинсин.

10. Ўзбекистон Республикаси Иқтисодий тараққиёт ва камбағалликни қисқартириш вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда тегишли вазирликлар ва идоралар билан биргаликда:

жорий йилнинг 20 октябридан бошлаб асосий турдаги қишлоқ хўжалиги маҳсулотларини захирага жамғариш кўрсаткичлари бажарилиши ва уларни молиялаштириш масалалари ҳал этилиши ҳамда тасдиқланадиган тармоқ жадвалларига мувофиқ савдо шохобчаларига ва ижтимоий соҳа муассасалари эҳтиёжлари учун самарали ишлатилиши юзасидан мониторинг олиб бориш тизимини жорий этсин ва натижалари бўйича умумлаштирилган маълумотларни ҳар 10 кунда Вазирлар Маҳкамаси ва Бош прокуратурага киритсин.

11. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 20 октябрга қадар очиқ танлов асосида ички эҳтиёжни қоплаш имконияти мавжуд бўлмаган қишлоқ хўжалиги маҳсулотларини (картошка, гуруч) қиш-баҳор мавсумида импорт қилиш миқдорларини тасдиқлаб ва импортёр субъектларни танлаб олсин.

12. Ўзбекистон Республикаси Бош вазирининг ўринбосари (Ғаниев):

қишлоқ хўжалиги маҳсулотларини (картошка, гуруч) 2021 йилнинг январь — май ойларида ички эҳтиёжни узлуксиз қоплаш мақсадида зарур миқдорларда импорт қилинишини таъминласин;

қиш-баҳор мавсумида аҳоли эҳтиёжи учун импорт қилиб олиб кирилаётган картошка ва гуручни республикага олиб киришда Давлат божхона қўмитаси ва Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси томонидан бир суткадан кечиктирмасдан расмийлаштирилишни назоратга олсин;

Ташқи ишлар вазирлиги билан биргаликда маҳсулотларни импорт қилишда хорижий давлатларнинг чегараларида юзага келган муаммоларни зудлик билан бартараф этиш чораларини кўрсин.

13. Жорий йилда маҳсулотларни захирага жамғаришда тадбиркорлик субъектларининг зарар кўришини ҳамда жамғарилган маҳсулотлар нархининг ошиб кетишини олдини олиш мақсадида:

картошка, пиёз, сабзи ва гуруч маҳсулотларини ташишда йўл-транспорт ҳодисаси ёки сақлаш жараёнида электр энергиясидаги узилишлар сабабли маҳсулотлар нобуд бўлганлиги оқибатидаги зарарларни суғурта қилиш механизми орқали зарарни қоплаш;

қиш-баҳор мавсумида захирага жамғарилган маҳсулотларни аҳоли эҳтиёжларига сотишни ташкил этиш учун бозорлар ва савдо комплексларида, истисно тариқасида, беғараз асосда алоҳида расталар ҳамда сотув анжомлари вақтинчалик фойдаланиш учун ажратилсин, шунингдек ушбу корхоналарга тааллуқли бўлган юк автомашиналарнинг бозор автотураргоҳларига кириши ҳамда чиқиши учун тўловлар ундирилмаслиги жорий этилсин.

14. Ўзбекистон фермер, деҳқон хўжаликлари ва томорқа ер эгалари кенгаши (Хайитов) Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда ҳудудлардаги «Томорқа хизмати» корхоналари орқали кам таъминланган оилалар томонидан 61 минг гектар ғалладан бўшаган майдонларда етиштириладиган қишлоқ хўжалиги маҳсулотларини ички ва ташқи бозорга сотиш тизимини йўлга қўйсинлар.

15. Ўзбекистон Республикаси Ветеринария ва чорвачиликни ривожлантириш Давлат қўмитаси ҳамда «Паррандасаноат» уюшмаси 2020-2021 йиллар қиш-баҳор мавсумида гўшт ва тухум маҳсулотлари билан аҳолини узлуксиз равишда арзон нархларда таъминлаш чораларини кўрсин.

Маҳаллий ҳокимликлар ушбу мақсадда мазкур идораларга ҳар бир деҳқон бозорида махсус раста ажратилиши таъминласин.

«Ўзёғмойсаноат» уюшмаси, «Ўздонмаҳсулот» АК таркибидаги ишлаб чиқарувчи корхоналар томонидан мавсум давомида аҳолини эҳтиёжларига мос равишда маҳсулот ишлаб чиқаришни таъминлаш, инновацион ва тежамкор технологияларни қўллаш орқали нархлар ошишини олдини олиш чораларини кўрсин.

16. Қуйидагилар:

Ўзбекистон Республикаси Бош вазирининг ўринбосари (Ғаниев), Қорақалпоғистон Республикаси Вазирлар Кенгаши Раиси, вилоятлар ва туманлар ҳокимлари зиммасига ушбу қарорнинг 1-иловасига мувофиқ захирага жамғариш учун зарур ҳажмларда қишлоқ хўжалиги маҳсулотларини такрорий экин майдонларида етиштирилишини таъминлаш;

Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, зиммаларига ушбу қарорнинг 2 ва 3-иловаларига мувофиқ асосий турдаги қишлоқ хўжалик маҳсулотларини харид қилишга ўз вақтида шартномалар тузиш ва захирага жамғариш ҳамда ички истеъмол бозорга етказиб бериш;

Ўзбекистон Республикаси Мактабгача таълим вазирлиги, Соғлиқни сақлаш вазирлиги ҳамда Халқ таълими вазирлиги ушбу қарорнинг 4, 5 ва 6-иловаларига мувофиқ асосий турдаги қишлоқ хўжалик маҳсулотларини харид қилиш бўйича ўз вақтида шартномалар тузиш ва захирага жамғариш ҳамда улардан самарали ва мақсадли фойдаланиш;

Ўзбекистон Республикаси Молия вазирлиги зиммасига ушбу қарорнинг 4, 5 ва 6-иловаларига мувофиқ асосий турдаги қишлоқ хўжалик маҳсулотларини захирага жамғариш учун ижтимоий соҳа муассасаларини ва улар томонидан жалб этиладиган тайёрлов ташкилотларини ўз вақтида молиялаштириш юзасидан шахсий жавобгарлик юклансин.

17. Мазкур қарор ижросини назорат қилиш Ўзбекистон Республикаси Бош вазирининг ўринбосарлари Ш. Ғаниев ва Б. Мусаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 15 октябрь,

648-сон

Вазирлар Маҳкамасининг 2020 йил 15 октябрдаги 648-сонли қарорига
1-ИЛОВА

2020-2021 йил қиш ва баҳор мавсумига асосий турдаги қишлоқ хўжалиги маҳсулотларини захирага жамғаришнинг умумий прогноз ҳажмлари

						тонна
Т/р	Ҳудудлар номи	Жами маҳсулот	жумладан:
Т/р	Ҳудудлар номи	Жами маҳсулот	Картошка	Пиёз	Сабзи	Гуруч
1.	Қорақалпоғистон Республикаси	58 000	23 000	12 000	10 000	13 000
вилоятлар:
2.	Андижон	69 000	35 000	15 000	13 000	6 000
3.	Бухоро	42 000	22 000	9 000	7 000	4 000
4.	Жиззах	27 000	16 000	6 000	3 000	2 000
5.	Қашқадарё	65 000	35 000	15 000	8 000	7 000
6.	Навоий	23 000	12 000	6 000	3 000	2 000
7.	Наманган	66 000	35 000	14 000	11 000	6 000
8.	Самарқанд	76 000	40 000	17 000	12 000	7 000
9.	Сурхондарё	43 000	22 000	11 000	6 000	4 000
10.	Сирдарё	20 000	10 000	5 000	3 000	2 000
11.	Тошкент	75 000	35 000	19 000	14 000	7 000
12.	Фарғона	83 000	40 000	20 000	16 000	7 000
13.	Хоразм	49 000	20 000	10 000	9 000	10 000
14.	Тошкент ш.	99 000	55 000	21 000	15 000	8 000
Жами:		795 000	400 000	180 000	130 000	85 000

Вазирлар Маҳкамасининг 2020 йил 15 октябрдаги 648-сонли қарорига
2-ИЛОВА

2020-2021 йиллар қиш ва баҳор мавсумига асосий турдаги қишлоқ хўжалиги маҳсулотларини захирага жамғаришнинг тайёрлов ташкилотлари бўйича прогноз ҳажмлари

							тонна
Т/р	Ҳудудлар	Жами маҳсулотларни сақлашнинг умумий ҳажми	шу жумладан:
			Ҳудудий тайёрловчи корхоналар ва ташкилотлар	Ижтимоий соҳа объектлари	шундан:
			Ҳудудий тайёрловчи корхоналар ва ташкилотлар	Ижтимоий соҳа объектлари	мактабгача таълим муассасалари	соғлиқни сақлаш муассасалари	халқ таълими муассасалари
1.	Қорақалпоғистон Республикаси	58 000	56 786	1 214	918	236	60
вилоятлар:
2.	Андижон	69 000	66 566	2 434	2 033	125	276
3.	Бухоро	42 000	41 079	921	592	163	167
4.	Жиззах	27 000	26 233	767	676	92
5.	Қашқадарё	65 000	63 603	1 397	641	469	288
6.	Навоий	23 000	22 409	591	395	125	71
7.	Наманган	66 000	63 389	2 611	1 943	235	434
8.	Самарқанд	76 000	73 300	2 700	2 103	409	189
9.	Сурхондарё	43 000	41 984	1 016	698	108	210
10.	Сирдарё	20 000	19 453	547	509	39
11.	Тошкент	75 000	73 188	1 812	1 383	320	109
12.	Фарғона	83 000	78 220	4 780	3 678	647	455
13.	Хоразм	49 000	47 849	1 152	781	163	208
14.	Тошкент шаҳри	99 000	96 430	2 570	2 235	218	117
Жами:		795 000	770 487	24 513	18 584	3 347	2 583

Вазирлар Маҳкамасининг 2020 йил 15 октябрдаги 648-сонли қарорига
3-ИЛОВА

2020-2021 йил қиш ва баҳор мавсумига худудий тайёрлов ташкилотлари томонидан асосий турдаги қишлоқ хўжалиги маҳсулотларини захирага жамғариш ҳажмлари

						тонна
Т/р	Ҳудудлар номи	Жами маҳсулот	жумладан:
Т/р	Ҳудудлар номи	Жами маҳсулот	Картошка	Пиёз	Сабзи	Гуруч
1.	Қорақалпоғистон Республикаси	56 786	22 338	11 785	9 769	12 894
вилоятлар:
2.	Андижон	66 566	33 653	14 540	12 555	5 818
3.	Бухоро	41 079	21 396	8 871	6 867	3 944
4.	Жиззах	26 233	15 549	5 863	2 860	1 961
5.	Қашқадарё	63 603	34 120	14 847	7 762	6 874
6.	Навоий	22 409	11 646	5 887	2 917	1 958
7.	Наманган	63 389	33 483	13 523	10 502	5 881
8.	Самарқанд	73 300	38 474	16 471	11 513	6 842
9.	Сурхондарё	41 984	21 338	10 857	5 852	3 937
10.	Сирдарё	19 453	9 633	4 940	2 921	1 958
11.	Тошкент	73 188	33 877	18 692	13 726	6 894
12.	Фарғона	78 220	37 264	19 093	15 080	6 784
13.	Хоразм	47 849	19 421	9 789	8 786	9 853
14.	Тошкент ш.	96 430	53 496	20 465	14 606	7 865
Жами:		770 487	385 688	175 621	125 715	83 462

Вазирлар Маҳкамасининг 2020 йил 15 октябрдаги 648-сонли қарорига
4-ИЛОВА

2020-2021 йил қиш ва баҳор мавсумига Мактабгача таълим муассасалари томонидан асосий турдаги қишлоқ хўжалиги маҳсулотларини захирага жамғариш ҳажмлари

						тонна
Т/р	Ҳудудлар номи	Жами маҳсулот	жумладан:
Т/р	Ҳудудлар номи	Жами маҳсулот	Картошка	Пиёз	Сабзи	Гуруч
1.	Қорақалпоғистон Республикаси	918	502	170	183	64
вилоятлар:
2.	Андижон	2 033	1 087	425	395	126
3.	Бухоро	592	382	95	76	39
4.	Жиззах	676	383	128	131	35
5.	Қашқадарё	641	447	60	89	45
6.	Навоий	395	238	84	51	23
7.	Наманган	1 943	1 110	357	397	79
8.	Самарқанд	2 103	1 144	447	390	122
9.	Сурхондарё	698	471	95	95	37
10.	Сирдарё	509	347	54	71	37
11.	Тошкент	1 383	843	263	214	62
12.	Фарғона	3 678	2 095	757	688	138
13.	Хоразм	781	399	153	135	95
14.	Тошкент ш.	2 235	1 299	485	346	104
Жами:		18 584	10 747	3 571	3 261	1 005

Вазирлар Маҳкамасининг 2020 йил 15 октябрдаги 648-сонли қарорига
5-ИЛОВА

2020-2021 йил қиш ва баҳор мавсумига Соғлиқни сақлаш муассасалари томонидан асосий турдаги қишлоқ хўжалиги маҳсулотларини захирага жамғариш ҳажмлари

						тонна
Т/р	Ҳудудлар номи	Жами маҳсулот	жумладан:
Т/р	Ҳудудлар номи	Жами маҳсулот	Картошка	Пиёз	Сабзи	Гуруч
1.	Қорақалпоғистон Республикаси	236	126	37	36	36
вилоятлар:
2.	Андижон	125	88	12	16	9
3.	Бухоро	163	96	20	36	11
4.	Жиззах	92	68	10	9	5
5.	Қашқадарё	469	273	25	103	68
6.	Навоий	125	76	15	19	15
7.	Наманган	235	137	34	45	19
8.	Самарқанд	409	261	53	68	27
9.	Сурхондарё	108	73	9	15	11
10.	Сирдарё	39	20	6	8	5
11.	Тошкент	320	206	31	46	38
12.	Фарғона	647	400	68	125	55
13.	Хоразм	163	89	23	29	21
14.	Тошкент ш.	218	129	33	31	25
Жами:		3 347	2 041	376	586	344

Вазирлар Маҳкамасининг 2020 йил 15 октябрдаги 648-сонли қарорига
6-ИЛОВА

2020-2021 йил қиш ва баҳор мавсумига Халқ таълими муассасалари томонидан асосий турдаги қишлоқ хўжалиги маҳсулотларини захирага жамғариш ҳажмлари

						тонна
Т/р	Ҳудудлар номи	Жами маҳсулот	жумладан:
Т/р	Ҳудудлар номи	Жами маҳсулот	Картошка	Пиёз	Сабзи	Гуруч
1.	Қорақалпоғистон Республикаси	60	34	9	11	6
вилоятлар:
2.	Андижон	276	173	23	35	46
3.	Бухоро	167	126	14	21	6
4.	Жиззах	0	0	0	0	0
5.	Қашқадарё	288	160	69	46	14
6.	Навоий	71	40	14	13	4
7.	Наманган	434	271	86	56	21
8.	Самарқанд	189	121	29	29	9
9.	Сурхондарё	210	118	39	38	15
10.	Сирдарё	0	0	0	0	0
11.	Тошкент	109	74	15	14	7
12.	Фарғона	455	242	82	107	24
13.	Хоразм	208	91	36	50	31
14.	Тошкент ш.	117	77	17	17	6
Жами:		2 583	1 524	432	437	190

Вазирлар Маҳкамасининг 2020 йил 15 октябрдаги 648-сонли қарорига
7-ИЛОВА

2020-2021 йил қиш ва баҳор мавсумига асосий турдаги қишлоқ хўжалиги маҳсулотларини захирага жамғаришнинг

РЕЖА-ЖАДВАЛИ

										тонна
Т/р	Маҳсулотлар номи	Жами захира хажми	Жумладан:
			Октябр ойи жами	шу жумладан:		Ноябр ойи жами	шу жумладан:			Декабр ойининг 1 дан 10 гача жами
			Октябр ойи жами	15 дан 20 гача	21 дан 31 гача	Ноябр ойи жами	1 дан 10 гача	11 дан 20 гача	21 дан 30 гача	Декабр ойининг 1 дан 10 гача жами
1.	Картошка	400 000	60 000		60 000	260 000	91 000	88 400	80 600	80 000
2.	Пиёз	180 000	108 000	56 160	51 840	54 000	18 900	18 360	16 740	18 000
3.	Сабзи	130 000	13 000	6 760	6 240	91 000	31 850	30 940	28 210	26 000
4.	Гуруч	85 000	8 500	4 420	4 080	51 000	17 850	17 340	15 810	25 500
Жами:		795 000	189 500	67 340	122 160	456 000	159 600	155 040	141 360	149 500

Вазирлар Маҳкамасининг 2020 йил 15 октябрдаги 648-сонли қарорига
7а-ИЛОВА

2020-2021 йил қиш ва баҳор мавсумига КАРТОШКА маҳсулотларини захирага жамғаришнинг

РЕЖА-ЖАДВАЛИ

								тонна
Т/р	Ҳудудлар	Жами захира хажми	Жумладан:
			Октябр ойининг 20 дан 30 гача жами	Ноябр ойи жами	шу жумладан:			Декабр ойининг 1 дан 10 гачажами
			Октябр ойининг 20 дан 30 гача жами	Ноябр ойи жами	1 дан 10 гача	11 дан 20 гача	21 дан 30 гача	Декабр ойининг 1 дан 10 гачажами
1.	Қорақалпоғистон Республикаси	23 000	3 450	14 950	5 233	5 083	4 635	4 600
	вилоятлар:
2.	Андижон	35 000	5 250	22 750	7 963	7 735	7 053	7 000
3.	Бухоро	22 000	3 300	14 300	5 005	4 862	4 433	4 400
4.	Жиззах	16 000	2 400	10 400	3 640	3 536	3 224	3 200
5.	Қашқадарё	35 000	5 250	22 750	7 963	7 735	7 053	7 000
6.	Навоий	12 000	1 800	7 800	2 730	2 652	2 418	2 400
7.	Наманган	35 000	5 250	22 750	7 963	7 735	7 053	7 000
8.	Самарқанд	40 000	6 000	26 000	9 100	8 840	8 060	8 000
9.	Сурхондарё	22 000	3 300	14 300	5 005	4 862	4 433	4 400
10.	Сирдарё	10 000	1 500	6 500	2 275	2 210	2 015	2 000
11.	Тошкент	35 000	5 250	22 750	7 963	7 735	7 053	7 000
12.	Фарғона	40 000	6 000	26 000	9 100	8 840	8 060	8 000
13.	Хоразм	20 000	3 000	13 000	4 550	4 420	4 030	4 000
14.	Тошкент шаҳри	55 000	8 250	35 750	12 513	12 155	11 083	11 000
Жами:		400 000	60 000	260 000	91 000	88 400	80 600	80 000

Вазирлар Маҳкамасининг 2020 йил 15 октябрдаги 648-сонли қарорига
7б-ИЛОВА

2020-2021 йил қиш ва баҳор мавсумига ПИЁЗ маҳсулотларини захирага жамғаришнинг

РЕЖА-ЖАДВАЛИ

										тонна
Т/р	Ҳудудлар	Жами захира хажми
			Октябр ойи жами	шу жумладан:		Ноябр ойи жами	шу жумладан:			Декабр ойининг 1 дан 10 гача жами
			Октябр ойи жами	15 дан 20 гача	21 дан 31 гача	Ноябр ойи жами	1 дан 10 гача	11 дан 20гача	21 дан 30 гача	Декабр ойининг 1 дан 10 гача жами
1.	Қорақалпоғистон Республикаси	12 000	7 200	3 744	3 456	3 600	1 260	1 224	1 116	1 200
	вилоятлар:
2.	Андижон	15 000	9 000	4 680	4 320	4 500	1 575	1 530	1 395	1 500
3.	Бухоро	9 000	5 400	2 808	2 592	2 700	945	918	837	900
4.	Жиззах	6 000	3 600	1 872	1 728	1 800	630	612	558	600
5.	Қашқадарё	15 000	9 000	4 680	4 320	4 500	1 575	1 530	1 395	1 500
6.	Навоий	6 000	3 600	1 872	1 728	1 800	630	612	558	600
7.	Наманган	14 000	8 400	4 368	4 032	4 200	1 470	1 428	1 302	1 400
8.	Самарқанд	17 000	10 200	5 304	4 896	5 100	1 785	1 734	1 581	1 700
9.	Сурхондарё	11 000	6 600	3 432	3 168	3 300	1 155	1 122	1 023	1 100
10.	Сирдарё	5 000	3 000	1 560	1 440	1 500	525	510	465	500
11.	Тошкент	19 000	11 400	5 928	5 472	5 700	1 995	1 938	1 767	1 900
12.	Фарғона	20 000	12 000	6 240	5 760	6 000	2 100	2 040	1 860	2 000
13.	Хоразм	10 000	6 000	3 120	2 880	3 000	1 050	1 020	930	1 000
14.	Тошкент шаҳри	21 000	12 600	6 552	6 048	6 300	2 205	2 142	1 953	2 100
Жами:		180 000	108 000	56 160	51 840	54 000	18 900	18 360	16 740	18 000

Вазирлар Маҳкамасининг 2020 йил 15 октябрдаги 648-сонли қарорига
7в-ИЛОВА

2020-2021 йил қиш ва баҳор мавсумига САБЗИ маҳсулотларини захирага жамғаришнинг

РЕЖА-ЖАДВАЛИ

										тонна
Т/р	Ҳудудлар	Жами захира хажми	Жумладан:
			Октябр ойи жами	шу жумладан:		Ноябр ойи жами	шу жумладан:			Декабр ойининг 1 дан 10 гача жами
			Октябр ойи жами	15 дан 20гача	21 дан 31гача	Ноябр ойи жами	1 дан 10 гача	11 дан 20 гача	21 дан 30 гача	Декабр ойининг 1 дан 10 гача жами
1.	Қорақалпоғистон Республикаси	10 000	1 000	520	480	7 000	2 450	2 380	2 170	2 000
	вилоятлар:
2.	Андижон	13 000	1 300	676	624	9 100	3 185	3 094	2 821	2 600
3.	Бухоро	7 000	700	364	336	4 900	1 715	1 666	1 519	1 400
4.	Жиззах	3 000	300	156	144	2 100	735	714	651	600
5.	Қашқадарё	8 000	800	416	384	5 600	1 960	1 904	1 736	1 600
6.	Навоий	3 000	300	156	144	2 100	735	714	651	600
7.	Наманган	11 000	1 100	572	528	7 700	2 695	2 618	2 387	2 200
8.	Самарқанд	12 000	1 200	624	576	8 400	2 940	2 856	2 604	2 400
9.	Сурхондарё	6 000	600	312	288	4 200	1 470	1 428	1 302	1 200
10.	Сирдарё	3 000	300	156	144	2 100	735	714	651	600
11.	Тошкент	14 000	1 400	728	672	9 800	3 430	3 332	3 038	2 800
12.	Фарғона	16 000	1 600	832	768	11 200	3 920	3 808	3 472	3 200
13.	Хоразм	9 000	900	468	432	6 300	2 205	2 142	1 953	1 800
14.	Тошкент шаҳри	15 000	1 500	780	720	10 500	3 675	3 570	3 255	3 000
Жами:		130 000	13 000	6 760	6 240	91 000	31 850	30 940	28 210	26 000

Вазирлар Маҳкамасининг 2020 йил 15 октябрдаги 648-сонли қарорига
7г-ИЛОВА

2020-2021 йил қиш ва баҳор мавсумига ГУРУЧ маҳсулотларини захирага жамғаришнинг

РЕЖА-ЖАДВАЛИ

										тонна
Т/р	Ҳудудлар	Жами захира хажми	Жумладан:
			Октябр ойи жами	шу жумладан:		Ноябр ойи жами	шу жумладан:			Декабр ойининг 1 дан 10 гача жами
			Октябр ойи жами	15 дан 20 гача	21 дан 31 гача	Ноябр ойи жами	1 дан 10 гача	11 дан 20 гача	21 дан 30 гача	Декабр ойининг 1 дан 10 гача жами
1.	Қорақалпоғистон Республикаси	13 000	1 300	676	624	7 800	2 730	2 652	2 418	3 900
	вилоятлар:
2.	Андижон	6 000	600	312	288	3 600	1 260	1 224	1 116	1 800
3.	Бухоро	4 000	400	208	192	2 400	840	816	744	1 200
4.	Жиззах	2 000	200	104	96	1 200	420	408	372	600
5.	Қашқадарё	7 000	700	364	336	4 200	1 470	1 428	1 302	2 100
6.	Навоий	2 000	200	104	96	1 200	420	408	372	600
7.	Наманган	6 000	600	312	288	3 600	1 260	1 224	1 116	1 800
8.	Самарқанд	7 000	700	364	336	4 200	1 470	1 428	1 302	2 100
9.	Сурхондарё	4 000	400	208	192	2 400	840	816	744	1 200
10.	Сирдарё	2 000	200	104	96	1 200	420	408	372	600
11.	Тошкент	7 000	700	364	336	4 200	1 470	1 428	1 302	2 100
12.	Фарғона	7 000	700	364	336	4 200	1 470	1 428	1 302	2 100
13.	Хоразм	10 000	1 000	520	480	6 000	2 100	2 040	1 860	3 000
14.	Тошкент шаҳри	8 000	800	416	384	4 800	1 680	1 632	1 488	2 400
Жами:		85 000	8 500	4 420	4 080	51 000	17 850	17 340	15 810	25 500

Вазирлар Маҳкамасининг 2020 йил 15 октябрдаги 648-сонли қарорига
8-ИЛОВА

Асосий турдаги қишлоқ хўжалиги маҳсулотларини захирага жамғариш ва мақсадли ишлатишни мувофиқлаштириш бўйича республика

ИШЧИ ГУРУҲИ

1.	Ғаниев Ш.М.	—	Ўзбекистон Республикаси Бош вазирининг ўринбосари, республика ишчи гуруҳи раҳбари
2.	Ходжаев Ж.А.	—	Қишлоқ хўжалиги вазири
3.	Ишметов Т.А.	—	Молия вазири
4.	Ортиқов А.Ж.	—	Иқтисодий тараққиёт ва камбағалликни қисқартириш вазирининг биринчи ўринбосари
5.	Кудбиев Ш.Д.	—	Давлат солиқ қўмитаси раиси
6.	Вахабов А.Ж.	—	Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси раҳбари
7.	Шодмонов А.Қ.	—	Соғлиқни сақлаш вазири
8.	Шерматов Ш.Ш.	—	Халқ таълими вазири
9.	Шин А.В.	—	Мактабгача таълим вазири
10.	Лавозим бўйича	—	Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари
11.	Эшниёзов Ж.У.	—	Вазирлар Маҳкамаси аппаратининг бош мутахассиси, республика ишчи гуруҳи котиби

Вазирлар Маҳкамасининг 2020 йил 15 октябрдаги 648-сонли қарорига
9-ИЛОВА

Асосий турдаги қишлоқ хўжалиги маҳсулотларини захира мақсадларига харид қилишни молиялаштириш масалаларини мувофиқлаштириш бўйича республика

ИШЧИ ГУРУҲИ

1.	Ишметов Т.А.	—	Ўзбекистон Республикаси — Молия вазири, республика ишчи гуруҳи раҳбари
2.	Шодмонов А.Қ.	—	Соғлиқни сақлаш вазири
3.	Шерматов Ш.Ш.	—	Халқ таълими вазири
4.	Шин А.В.	—	Мактабгача таълим вазири
5.	Холхўжаев С.М.	—	Марказий банк бошқаруви раисининг ўринбосари
6.	Исмаилов У.	—	Тадбиркорликни қўллаб қувватлаш Давлат жамғармаси раҳбари
6.	Лавозим бўйича	—	Тижорат банки раҳбарлари
7.	Лавозим бўйича	—	Қорақалпоғистон Республикаси Вазирлар Кенгаши Раисининг иқтисодий ривожланиш ва камбағалликни қисқартириш масалалари бўйича биринчи ўринбосари, вилоятлар ва Тошкент шаҳар ҳокимларининг иқтисодий ривожланиш ва камбағалликни қисқартириш масалалари бўйича биринчи ўринбосарлари

(Қонун ҳужжатлари маълумотлари миллий базаси, 16.10.2020 й., 09/20/648/1391-сон)