Электротехника тармоғини бошқариш тизимини янада такомиллаштириш, электротехника саноатини барқарор ривожлантириш ва диверсификация қилишни таъминлаш, ички ва ташқи бозорларда рақобатбардош электротехника маҳсулотлари ишлаб чиқариш бўйича республикада янги ишлаб чиқаришларни ташкил этиш ва ишлаб турганларини модернизация қилишга хорижий инвестициялар ва таниқли хорижий технологик шерикларни кенг жалб этиш мақсадида:

4. Ўзбекистон Республикаси Иқтисодиёт вазирлиги, Молия вазирлиги, Ташқи иқтисодий алоқалар, инвестициялар ва савдо вазирлиги, «Ўзелтехсаноат» АК томонидан ишлаб чиқилган 2017 — 2021 йилларда электротехника саноатини янада ривожлантириш ва диверсификация қилиш чора-тадбирлари дастури (кейинги ўринларда Дастур деб аталади) маъқуллансин, Дастур қуйидагиларни ўз ичига олади:

2017 — 2021 йилларда юқори қўшилган қийматли электротехника маҳсулотлари ишлаб чиқариш бўйича топшириқ 3-иловага* мувофиқ;

2017 — 2021 йилларда электротехника саноатида янги ишлаб чиқаришларни ташкил этиш, ишлаб турганларини техник ва технологик жиҳатдан янгилаш бўйича инвестиция лойиҳаларининг манзилли рўйхати 4-иловага* мувофиқ;

2017 — 2021 йилларда электротехника саноатида импорт ўрнини босувчи ва экспортга йўналтирилган замонавий ишлаб чиқаришларни ташкил этиш бўйича истиқболли устувор инвестиция лойиҳалари рўйхати 5-иловага* мувофиқ;

электротехника саноатида маҳаллий ишлаб чиқувчиларнинг инновацион лойиҳалари рўйхати 6-иловага* мувофиқ;

Ўзбекистон Республикаси Вазирлар Маҳкамаси ҳузуридаги Халқаро молия институтлари, ташкилотлари ва донор мамлакатлар билан ҳамкорлик қилиш, йирик ва стратегик муҳим инвестиция лойиҳаларини амалга ошириш масалалари бўйича идоралараро кенгашга, зарур ҳолларда, 4*, 5* ва 6-иловаларга* Дастурга киритилган янги инвестиция лойиҳаларини чиқариб ташлаш ва киритиш, шунингдек, инвестиция лойиҳаларининг асосий параметрларини аниқлаштириш юзасидан тузатишлар киритиш ҳуқуқи берилсин.

5. «Ўзелтехсаноат» АК, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги ҳамда бошқа манфаатдор вазирликлар, идоралар билан биргаликда бир ой муддатда:

ушбу қарорга 4-иловада* кўрсатилган инвестиция лойиҳаларини амалга оширишнинг тармоқ жадвалларини тасдиқлаш учун Ўзбекистон Республикаси Вазирлар Маҳкамасига киритсин, уларда замонавий технологик талабларга жавоб берадиган лойиҳа ечимларини танлаган ҳолда лойиҳа ҳужжатларини ишлаб чиқиш ва экспертизадан ўтказишнинг аниқ муддатларини назарда тутсин;

стратегик хорижий инвесторлар билан, шу жумладан хорижий мамлакатларда музокаралар ўтказиш жадвалини ишлаб чиқсин.

6. Ўзбекистон Республикаси Молия вазирлиги, Иқтисодиёт вазирлиги, Марказий банки, Тикланиш ва тараққиёт жамғармаси, «Ўзелтехсаноат» АК бир ой муддатда Вазирлар Маҳкамасига:

Электротехника саноатини ривожлантириш махсус жамғармасини ташкил этиш, унинг маблағларини «Ўзелтехсаноат» АКнинг улушли иштирокида амалга ошириладиган инвестиция лойиҳаларини молиялаштиришга мақсадли йўналтириш;

стратегик хорижий инвесторларни жалб этган ҳолда электротехника тармоғидаги инвестиция лойиҳаларини биргаликда молиялаштириш учун кредит линиялари, шу жумладан хорижий валютада кредит линиялари очиш манбалари, шартлари ва механизми тўғрисида;

8. Белгилаб қўйилсинки, маҳаллий ресурслар ҳисобига хорижий валютадаги кўрсатиб ўтилган кредит линиялари доирасидаги кредитлар фақат:

икки йиллик имтиёзли давр билан ва қайта молиялаштирувчи банкнинг йиллик 0,5 фоиздан кўп бўлмаган маржаси билан 7 йилдан кам бўлмаган муддатга замонавий асбоб-ускуналар ва технологиялар билан жиҳозлаш;

республикада ишлаб чиқарилмайдиган материаллар ва бутловчи буюмларни 12 ойдан ортиқ бўлмаган даврда, кейинчалик уларни маҳсулот экспортидан валюта тушумлари ҳисобига харид қилишни таъминлашни назарда тутган ҳолда.

9. Шундай тартиб ўрнатилсинки, унга мувофиқ кредит линиялари доирасида молиялаштириш назарда тутилаётган электротехника саноатидаги инвестиция лойиҳалари тармоқ Илмий-техник кенгашида, уларни амалга ошириш доирасида тузиладиган замонавий импорт асбоб-ускуналари ва технологияларини харид қилиш бўйича импорт шартномалари эса Ўзбекистон Республикаси Инвестициялар бўйича давлат қўмитасида мажбурий экспертизадан ўтказилади.

11. Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ушбу Дастур доирасида фойдаланилмаётган давлат мулки, ишлаб чиқариш бинолари ва объектлари орасидан рақобатбардош электротехника маҳсулотлари ишлаб чиқариш бўйича замонавий юқори технологияли ишлаб чиқаришларни аниқлаш ва «Ўзелтехсаноат» уюшмасига, шу жумладан «нол» харид қиймати бўйича сотиш учун беришда кўмаклашсинлар.

12. Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлиги, Молия вазирлиги ҳар йили Инвестиция дастурини шакллантиришда белгиланган тартибда унга мазкур қарорга мувофиқ амалга оширилиши назарда тутилган инвестиция лойиҳаларини молиялаштириш ҳажмлари ва манбаларини аниқлаштирган ҳолда киритсинлар.

13. 2017 — 2021 йилларда электротехника саноатини янада ривожлантириш ва диверсификация қилиш чора-тадбирлари дастурига киритилган лойиҳаларни амалга ошириш доирасида белгиланган тартибда тасдиқланадиган рўйхатлар бўйича олиб келинадиган, республикада ишлаб чиқарилмайдиган асбоб-ускуналар, материаллар ва бутловчи буюмлар 2022 йил 1 январга қадар божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод этилсин.

14. Ўзбекистон Республикаси Президентининг 2005 йил 11 апрелдаги «Тўғридан-тўғри хусусий хорижий инвестицияларни жалб этишни рағбатлантириш борасидаги қўшимча чора-тадбирлар тўғрисида»ги ПФ-3594-сон Фармони 1-бандининг биринчи хатбошисида назарда тутилган имтиёзлар 2022 йил 1 январга қадар, жойлашган жойидан қатъи назар, барча янги ташкил этиладиган электротехника саноати корхоналарига татбиқ этилсин.

15. Белгилаб қўйилсинки, 2017 йил 1 апрелдан бошлаб:

электротехника саноати корхоналарининг мажбурий сотилиши лозим бўлган чет эл валютасидаги тушуми асосий қарзни ва валюта кредитлари бўйича фоизларни тўлаш, шунингдек электротехника маҳсулотлари ишлаб чиқариш учун зарур бўлган бутловчи буюмлар, хомашё ва материаллар сотиб олиш бўйича валюта харажатлари суммасига камайтирилади;

асосий фаолият тури бўйича ходимларининг ўртача йиллик сони тўрт юз кишидан ошмайдиган (шу жумладан касб-ҳунар коллежлари, академик лицейлар ва Ўзбекистон Республикаси олий таълим муассасалари битирувчиларини ишга қабул қилишда ходимларнинг ўртача йиллик сонининг белгиланган меъёрдан ошиши) электротехника маҳсулотлари ишлаб чиқаришни амалга оширувчи кичик корхоналар кичик тадбиркорлик субъектлари тоифасига киради.

16. «Ўзелтехсаноат» АК ва Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитасининг:

тугатилаётган «Мотор заводи» АЖ мулкий комплексининг бир қисмини инвесторлар томонидан Ўзбекистон Республикаси Президентининг 2014 йил 6 февралдаги ПҚ-2123-сон қарорида назарда тутилган инвестиция мажбуриятлари қабул қилинган ҳолда сотиш;

тушган маблағларни тугатилаётган «Мотор заводи» АЖ кредиторларининг талабларини қаноатлантиришга, электротехника тармоғининг янги қувватларини ташкил этиш, мавжуд қувватларини модернизация қилиш ва кенгайтириш бўйича инвестиция лойиҳаларини амалга оширишга йўналтириш.

Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси Ўзбекистон Республикаси Молия вазирлиги, Иқтисодиёт вазирлиги, «Ўзелтехсаноат» АК ва Ташқи иқтисодий фаолият миллий банки билан биргаликда бир ой муддатда тугатилаётган «Мотор заводи» АЖ мулкий комплексининг бир қисмини сотиш тўғрисидаги Ҳукумат қарори лойиҳасини Ўзбекистон Республикаси Вазирлар Маҳкамасига киритсин.

18. Ўзбекистон Республикаси Адлия вазирлиги «Ўзелтехсаноат» АК, бошқа манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

19. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари У.У. Розукулов зиммасига юклансин.