1.19.00.00.00 Халқаро муносабатлар. Халқаро ҳуқуқ / 19.05.00.00 Аҳоли / 19.05.01.00 Фуқароликда халқаро ҳуқуқий масалалар]
[ТСЗ:
1.Давлат ва жамият қурилиши / Фуқаролик. Аҳоли. Паспорт тизими]
Ўзбекистон Республикаси Вазирлар Маҳкамасининг
қарори
«Фахрий фуқаро» мақомини бериш тартиби тўғрисида
Ўзбекистон Республикаси Президентининг «Ўзбекистон Республикасида инвестиция муҳитини тубдан яхшилаш чора-тадбирлари тўғрисида» 2018 йил 1 августдаги ПФ-5495-сон Фармонини ижро этиш юзасидан Вазирлар Маҳкамаси қарор қилади:
1. Белгилаб қўйилсинки, «Фахрий фуқаро» мақоми иқтисодиёт, фан, маданият ва санъат, таълим, соғлиқни сақлаш ва ижтимоий соҳанинг ривожланишига катта инвестиция киритган, шунингдек, Ўзбекистон Республикасида хайрия (меценатлик) фаолиятини амалга ошираётган чет эл фуқаролари ва фуқаролиги бўлмаган шахсларга берилади.
2. Чет эл фуқаролари ва фуқаролиги бўлмаган шахсларга «Фахрий фуқаро» мақоми Ўзбекистон Республикаси Президентининг ташаббуси билан берилиши мумкинлиги маълумот учун қабул қилинсин. Бунда қарор Ўзбекистон Республикаси Олий Мажлиси Сенати томонидан қабул қилинади, мақом берилиши тўғрисидаги гувоҳнома Ўзбекистон Республикаси Олий Мажлиси Сенати Раиси томонидан имзоланади ва топширилади.
3. Белгилаб қўйилсинки:
чет эл фуқаролари ва фуқаролиги бўлмаган шахсларга «Фахрий фуқаро» мақомини бериш ташаббуси давлат ва хўжалик бошқаруви органлари томонидан илгари сурилган бўлса, бу ҳақдаги қарор Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашлари томонидан қабул қилинади;
«Фахрий фуқаро» мақомини бериш тўғрисидаги гувоҳнома Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан имзоланади ва топширилади.
4. Қуйидагилар:
«Фахрий фуқаро» мақомини бериш тартиби тўғрисидаги низом 1-иловага мувофиқ;
«Фахрий фуқаро» мақомини бериш тўғрисидаги гувоҳноманинг намунаси 2-иловага мувофиқ тасдиқлансин.
5. «Давлат белгиси» давлат ишлаб чиқариш бирлашмаси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг буюртманомалари бўйича «Фахрий фуқаро» мақомини бериш тўғрисидаги гувоҳнома бланкалари белгиланган тартибда тайёрланишини таъминласин.
[ОКОЗ:
1.21.00.00.00 Ўзгартириш ва қўшимчалар киритиш бўйича комплекс тусдаги ҳужжатлар / 21.03.00.00 Ўзбекистон Республикаси Вазирлар Маҳкамасининг қарорлари]
6. Ўзбекистон Республикаси Ҳукуматининг 3-иловага мувофиқ айрим қарорларига қўшимчалар киритилсин.
7. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси Бош вазирининг ўринбосари Э.М. Ғаниев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 5 август,
648-сон
Вазирлар Маҳкамасининг 2019 йил 5 августдаги 648-сон қарорига 1-ИЛОВА
«Фахрий фуқаро» мақомини бериш тартиби тўғрисида
НИЗОМ
1-боб. Умумий қоидалар
1. Ушбу Низом «Фахрий фуқаро» мақомини бериш тартибини, шунингдек, ушбу мақом берилган шахсларга бериладиган ҳуқуқларни белгилайди.
2. «Фахрий фуқаро» мақоми (кейинги ўринларда мақом деб аталади) чет эл фуқаролари ва фуқаролиги бўлмаган шахсларни рағбатлантириш шакли, иқтисодиёт, фан, маданият ва санъат, таълим, соғлиқни сақлаш ва ижтимоий соҳанинг ривожланишига катта инвестиция киритганлиги, шунингдек, Ўзбекистон Республикасида хайрия (меценатлик) фаолиятини амалга ошираётганлиги учун миннатдорчилик ва ташаккур белгиси ҳисобланади.
3. Мақом Ўзбекистон Республикаси фуқаролигини олиш учун асос ҳисобланмайди.
хорижий шахс ёки фуқаролиги бўлмаган шахс томонидан хўжалик жамиятларининг акциялари ва улушларини сотиб олиш, шунингдек, Ўзбекистон Республикаси ҳудудида хорижий ёки қўшма корхона ташкил этиш тарзида инвестициялар киритилиши пайтида Ўзбекистон Республикасида белгиланган базавий ҳисоб-китоб миқдорининг камида 40000 баравари миқдорида инвестиция киритилиши;
иқтисодиёт, фан, маданият ва санъат, таълим, соғлиқни сақлаш ва ижтимоий соҳани ривожлантиришга, жаҳонда Ўзбекистоннинг ижобий имижини такомиллаштириш ва илгари суришга, Ўзбекистон халқининг бебаҳо маънавий-маданий меросини сақлаш ва кўпайтиришга катта шахсий ҳисса қўшганлиги, шу жумладан, Ўзбекистон Республикасида ва унинг манфаатларини кўзлаб амалга ошириладиган хайрия (меценатлик) фаолияти.
5. Мақомни бериш ушбу Низомга иловага мувофиқ схема бўйича амалга оширилади.
6. Мақомни бериш тўғрисидаги таклиф билан давлат ва хўжалик бошқаруви органлари ташаббус кўрсатиб чиқадилар ва кўриб чиқиш учун Қорақалпоғистон Республикаси Вазирлар Кенгаши Раисига, вилоятлар ва Тошкент шаҳар ҳокимларига киритадилар.
Хорижий шахсга ёки фуқаролиги бўлмаган шахсга ушбу Низомнинг 4-бандида назарда тутилган асослар бўйича мақом берилган тақдирда, давлат ва хўжалик бошқаруви органлари:
Ўзбекистон Республикаси Инвестициялар ва ташқи савдо вазирлиги ёки унинг ҳудудий бошқармаларига — киритилган инвестициялар миқдори, шунингдек, Ўзбекистон Республикаси ҳудудида хорижий ёки қўшма корхона ташкил этилганлиги тўғрисидаги маълумотномани олиш учун;
Ўзбекистон Республикаси Давлат активларини бошқариш агентлигига — хўжалик жамиятларидан сотиб олинган акциялар ва улушлар, шунингдек, давлат активларининг миқдори тўғрисидаги маълумотномани олиш учун;
Ўзбекистон Республикаси Фанлар академияси, Инновацион ривожланиш вазирлиги, Олий ва ўрта махсус таълим вазирлиги, Халқ таълими вазирлиги, Соғлиқни сақлаш вазирлиги, Маданият вазирлигига — Ўзбекистон Республикасининг фани, маданияти ва санъати, таълими, соғлиқни сақлаши ва ижтимоий соҳасининг ривожланишига унинг қўшган ҳиссаси тўғрисидаги маълумотномани олиш учун сўров юборилади.
7. Мақомни бериш тўғрисидаги тақдимнома Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан тегишли равишда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашларига кўриб чиқиш учун киритилади.
8. Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашлари тақдимномани кўриб чиқиб, мақомни бериш ёки мақомни беришни рад этиш тўғрисида қарор қабул қилади.
9. Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашлари томонидан мақомни бериш тўғрисида қарор қабул қилинган тақдирда, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари «Фахрий фуқаро» мақомини бериш тўғрисидаги гувоҳномани имзолайдилар.
Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашларининг мақомни бериш тўғрисидаги қарорлари оммавий ахборот воситаларида эълон қилинади.
10. Мақомни бериш тўғрисидаги гувоҳнома Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари томонидан тантанали вазиятда топширилади.
Мақомни бериш тўғрисидаги гувоҳнома Қорақалпоғистон Республикаси Жўқорғи Кенгеси ва халқ депутатлари вилоятлар ва Тошкент шаҳар кенгашлари мажлисларида ҳам топширилиши мумкин.
11. Мақомни бериш масаласини кўриб чиқиш ва қарорни қабул қилиш мақом берилаётган шахс йўқлигида амалга оширилиши мумкин.
12. Ўзбекистон Республикаси Президенти «Фахрий фуқаро» мақомини бериш ташаббуси билан мустақил равишда чиқишга ҳақлидир.
Мақомни бериш Ўзбекистон Республикаси Президентининг ташаббуси билан илгари сурилган бўлса, қарор Ўзбекистон Республикаси Олий Мажлиси Сенати томонидан қабул қилинади. Бундай тартибдаги ташаббус билан мақомни бериш тўғрисидаги гувоҳнома Ўзбекистон Республикаси Олий Мажлиси Сенати Раиси томонидан имзоланади ва топширилади.
13. Мақом шахснинг вафотидан кейин берилиши мумкин эмас.
кўп марталик уч йиллик визани, унинг амал қилиш муддатини Ўзбекистон Республикаси ҳудудидан чиқиш заруриятсиз, шу жумладан, оила аъзолари (эр (хотини) ва вояга етмаган болалар) учун чекланмаган миқдорда узайтириш имконияти билан давлат божи тўланмасдан олиш;
вақтинча турган жойи бўйича рўйхатга олишни, шу жумладан, оила аъзолари (эр (хотини) ва вояга етмаган болалар) учун давлат божи тўланмасдан уч йилгача муддатда ички ишлар органларида расмийлаштириш ва узайтириш;
(14-банднинг учинчи хатбошиси Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
вақтинча рўйхатга олинган жойи бўйича Ўзбекистон Республикаси ҳудудида доимий яшаш учун рухсатномани, шу жумладан, оила аъзолари (эр (хотини) ва вояга етмаган болалар) учун давлат божи тўланмасдан олиш;
(14-банднинг тўртинчи хатбошиси Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
ҳудудни ижтимоий-иқтисодий ривожлантириш масалалари бўйича маҳаллий давлат ҳокимияти органларининг мансабдор шахслари томонидан биринчи навбатда қабул қилиниш.
4-боб. Якунловчи қоидалар
15. Мақом берилган шахсга нисбатан қуйидаги ҳолларда унинг мақомдан маҳрум қилиниши тўғрисида қарор қабул қилиниши мумкин:
шахс оғир ёки ўта оғир жиноят содир этганлиги учун ҳукм қилинганда — суднинг тақдимномасига биноан;
қўйилган инвестициялар (пул маблағлари ва бошқа мол-мулк) жиноий фаолиятдан олинган даромадлар легаллаштирилиши билан боғлиқ жиноят содир этилиши натижасида олинганлиги ҳолати ваколатли органлар томонидан аниқланиши ва тасдиқланиши — суднинг тақдимномасига биноан.
Мақомдан маҳрум этиш берилган ҳуқуқлар бекор қилинишига сабаб бўлади.
16. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари «Фахрий фуқаро» мақоми берилган шахслар реестри юритилишини таъминлайди.
«Фахрий фуқаро» мақомини бериш тартиби тўғрисидаги низомга ИЛОВА
Ўзбекистон Республикаси Инвестициялар ва ташқи савдо вазирлиги ва унинг ҳудудий бошқармаларига — киритилган инвестиция миқдори, шунингдек, Ўзбекистон Республикаси ҳудудида хорижий корхона ёки қўшма корхона ташкил этилганлиги тўғрисидаги маълумотномани олиш учун;
Ўзбекистон Республикаси Давлат активларини бошқариш агентлигига — хўжалик жамиятларидан сотиб олинган акциялар ва улушлар, шунингдек, давлат активларининг миқдори тўғрисидаги маълумотномани олиш учун;
Ўзбекистон Республикаси Фанлар академияси, Инновацион ривожланиш вазирлиги, Олий ва ўрта махсус таълим вазирлиги, Халқ таълими вазирилиги, Соғлиқни сақлаш вазирилиги, Маданият вазирлигига — Ўзбекистон Республикаси фан, маданият ва санъат, таълим, соғлиқни сақлаш ва ижтимоий соҳанинг ривожланишига унинг қўшган ҳиссаси тўғрисидаги маълумотномани олиш учун.
4-бандда назарда тутилган ҳолатлар юзага келган вақтдан бошлаб
2-босқич
Вазирликлар ва идоралар
Сўровни юборган давлат ва хўжалик бошқарув органига: мақом беришга тавсия этилган шахс томонидан киритилган инвестиция, хўжалик жамиятларидан сотиб олинган акциялар ва улушлар, давлат активларининг миқдори, шунингдек, маданият ва санъат, таълим, соғлиқни сақлаш ва ижтимоий соҳанинг ривожланишига унинг қўшган ҳиссаси тўғрисидаги маълумотномани беради.
Икки кун мобайнида
3-босқич
Давлат ва хўжалик бошқаруви органлари
ҚР Вазирлар Кенгаши Раиси, вилоятлар ва Тошкент шаҳар ҳокимларига «Фахрий фуқаро» мақомини олишга талабгор номзод бўйича таклифни кўриб чиқиш учун киритадилар.
Уч кун мобайнида
4-босқич
ҚР Вазирлар Кенгаши Раиси, вилоятлар ва Тошкент шаҳар ҳокимлари хокимлари
Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашларига «Фахрий фуқаро» мақомини олишга талабгор номзодга тақдимнома киритадилар.
Уч кун мобайнида
5-босқич
Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар кенгашлари
1. Мақомни бериш тўғрисида тақдимномани кейинчалик тасдиқлаш ёки рад этиш учун номзодни кўриб чиқади.
2. Мақомни бериш тўғрисида қарор қабул қилади ёки ҚР Вазирлар Кенгаши Раиси, вилоятлар ва Тошкент шаҳар ҳокимларининг тақдимномасини рад этади.
Уч кун мобайнида
Икки кун мобайнида
6-босқич
ҚР Вазирлар Кенгаши Раиси,
вилоятлар ва Тошкент шаҳар ҳокимлари
1. Мақомни бериш тўғрисидаги гувоҳномани имзолайди.
2. Мақом берилганлиги тўғрисидаги қарор ОАВда эълон қилинишини таъминлайди.
3. Мақомни бериш тўғрисидаги гувоҳномани тантанали равишда топширади.
Бир кун мобайнида
Бир кун мобайнида
Бир кун мобайнида
Вазирлар Маҳкамасининг 2019 йил 5 августдаги 648-сон қарорига 2-ИЛОВА
«Фахрий фуқаро» мақомини бериш тўғрисидаги гувоҳноманинг
НАМУНАСИ
«Фахрий фуқаро» мақомини бериш тўғрисидаги гувоҳномаси 110х75 миллиметр ўлчамдаги китобча шаклида бўлиб, 240 г/кв.м қалинликдаги офсет қоғоздан тайёрланади. Гувоҳноманинг ташқи томони (биринчи ва тўртинчи бетлари) яшил рангда бўлиб, плёнка билан қопланган. Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли иккита сатрдан иборат матн жойлашган: биринчи сатрда «Faxriy fuqaro maqomi», иккинчи сатрда «berilganligi to‘g‘risida» («Times new Roman Bolt» шрифти, 17-кегль) сўзлари ёзилган. Ундан 6 миллиметр пастда «GUVOHNOMASI» (катта ҳарфларда, «Times new Roman Bolt» шрифти, 17-кегль) сўзи ёзилган. Ёзувлар зарҳал рангида акс эттирилган. Гувоҳноманинг пастки чеккасидан (биринчи бети) 35 миллиметр юқорига, марказда оралиғи 3,5 миллиметрли иккита сатрдан иборат матн жойлашган: биринчи сатрда «Honorary citizen», иккинчи сатрда «of conferring the status of» («Times new Roman Bolt» шрифти, 17-кегль) сўзлари ёзилган. Ундан 6 миллиметр пастда «CERTIFICATE» (катта ҳарфларда, «Times new Roman Bolt» шрифти, 17-кегль) сўзи ёзилган. Ёзувлар зарҳал рангида акс эттирилган. Гувоҳноманинг ички томони (иккинчи ва учинчи бетлари) оч кул рангда бўлиб, офсет усулида чоп этилган. Гувоҳноманинг ички чап томони (иккинчи бети) юқори чеккасидан 8 миллиметр пастда, марказда «GUVOHNOMA» (катта ҳарфларда, «Times new Roman Bolt» шрифти, 10-кегль) сўзи ҳамда гувоҳнома тартиб рақами учун «-sonli» сўзи ва 15 миллиметрли чизиқ жойлашган. «___-sonli GUVOHNOMA» сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган. Учинчи чизиқда «ga» сўзи ёзилган. Пастки чизиқдан 5 миллиметр қуйида, марказда оралиғи 4 миллиметрли учта сатрдан иборат матн жойлашган. Биринчи сатрда «ning», иккинчи сатрда «20__ y. «___» _______dagi», кейин 15 миллиметр узунлигида қарор (буйруқ)нинг тартиб рақамини «-sonli» кўрсатиш учун чизиқ, учинчи сатрда ««___ qarori (buyrug‘i)ga asosan» («Times new Roman Bolt» шрифти, 10-кегль) сўзлари ёзилган. Пастки чизиқдан 6 миллиметр юқорида марказда «FAXRIY FUQARO» (катта ҳарфларда, «Times new Roman Bolt» шрифти, 10-кегль) сўзлари ёзилган матн жойлашган. Ундан 5 миллиметр пастда «unvoni berildi» («Times new Roman Bolt» шрифти, 10-кегль) сўзи ёзилган. Пастки чизиқдан 5 миллиметр қуйида, 4 миллиметрли икки сатрдан иборат матн жойлашган. Биринчи сатрда «M.O‘», кейин 12 миллиметр узунлигида «Фахрий фуқаро» мақомини бериш тўғрисидаги гувоҳномани имзолайдиган шахснинг фамилияси, исми ва отасининг исмини кўрсатиш ҳамда имзо қўйиш учун чизиқ, иккинчи сатрда «___»_______20__ yil» («Times new Roman Bolt» шрифти, 10-кегль) сўзлари ёзилган. Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда «Certificate № ____» («Times new Roman Bolt» шрифти, 10-кегль) сўзи ҳамда гувоҳнома тартиб рақами учун «№» белгиси ва 15 миллиметрли чизиқ жойлашган. «Certificate № ____» сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган. 5 миллиметр пастда, марказда оралиғи 4 миллиметрли уч сатрдан иборат матн жойлашган. Биринчи сатрда «According to the order № _________», иккинчи сатрда «from _______«___» 20____ year», учинчи сатрда «honored with title of» («Times new Roman Bolt» шрифти, 10-кегль) сўзлари ёзилган. Пастки чизиқдан 6 миллиметр юқорида марказда «HONORARY CITIZEN» (катта ҳарфларда, «Times new Roman Bolt» шрифти, 10-кегль) сўзлари ёзилган матн жойлашган. Пастки чизиқдан 5 миллиметр қуйида, 4 миллиметрли икки сатрдан иборат матн жойлашган. Биринчи сатрда «P.S», кейин 12 миллиметр узунлигида «Фахрий фуқаро» мақомини бериш тўғрисидаги гувоҳномани имзолайдиган шахснинг фамилияси, исми ва отасининг исмини кўрсатиш ҳамда имзо қўйиш учун чизиқ, иккинчи сатрда «___»_______20__ year» («Times new Roman Bolt» шрифти, 10-кегль) сўзлари ёзилган.
Вазирлар Маҳкамасининг 2019 йил 5 августдаги 648-сон қарорига 3-ИЛОВА
Ўзбекистон Республикаси Ҳукуматининг айрим қарорларига киритилаётган қўшимчалар
1. Вазирлар Маҳкамасининг 1996 йил 21 ноябрдаги 408-сон қарори билан тасдиқланган Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари ва Ўзбекистон Республикасидан кетишлари тартибига қуйидаги қўшимчалар киритилсин:
олтинчи хатбошидаги «берилади» сўзидан кейин «, ушбу банднинг еттинчи ва саккинзинчи хатбошиларида назарда тутилган ҳолатлар бундан мустасно» сўзлари қўшилсин;
қуйидаги мазмундаги саккизинчи хатбоши қўшилсин:
«Фахрий фуқаро» мақоми берилган чел эл фуқаролари, шунингдек, уларнинг оила аъзолари (эр (хотини) ва вояга етмаган болалар) давлат божи тўламасдан уч йил муддатгача кўп марта фойдаланиладиган визаларни олиш ҳуқуқига эга»;
қуйидаги мазмундаги 61-банд қўшилсин:
«61. Ички ишлар вазирлиги томонидан «Фахрий фуқаро» мақоми берилган чел эл фуқаролари ва фуқаролиги бўлмаган шахсларга, шунингдек, уларнинг оила аъзолари (эр (хотини) ва вояга етмаган болалар)га давлат божи тўланмасдан уч йил муддатгача кўп марталик кириш-чиқиш визалари берилади ва Ўзбекистон Республикаси ҳудудидан чиқмасдан уларнинг муддати узайтирилади»;
8-банддаги «ундирилади» сўзидан кейин «, ушбу Тартибнинг 2-банди саккизинчи хатбошида назарда тутилган ҳолат бундан мустасно» сўзлари қўшилсин.
(2-банд Ўзбекистон Республикаси Вазирлар Маҳкамасининг 2020 йил 14 апрелдаги 217-сонли қарорига асосан ўз кучини йўқотган — Қонун ҳужжатлари маълумотлари миллий базаси, 15.04.2020 й., 09/20/217/0426-сон)
3. Вазирлар Маҳкамасининг 2018 йил 22 октябрдаги 845-сон қарори билан тасдиқланган Чет эл фуқаролари ва фуқаролиги бўлмаган шахсларни доимий ва вақтинча прописка қилиш тартиби тўғрисидаги низомга (Ўзбекистон Республикаси ҚТ, 2018 й., 10-сон, 258-модда) қуйидаги қўшимчалар киритилсин:
қуйидаги мазмундаги 71-банд қўшилсин:
«71. Ўзбекистон Республикасида доимий яшашга рухсатнома олиш учун вилоятга бошқа давлатлардан келган «Фахрий фуқаро» мақоми берилган чет эл фуқаролари ва фуқаролиги бўлмаган шахслар вақтинча пропискадан ўтган жойлари бўйича туман (шаҳар) ички ишлар бошқармаларининг (бўлимларининг) (кейинги ўринларда ТШИИББ деб аталади) миграция ва фуқароликни расмийлаштириш бўлимига (кейинги ўринларда МваФРБ деб аталади) мурожаат қиладилар ва қуйидаги ҳужжатларни тақдим этадилар:
ушбу Низомга 1-иловага мувофиқ шакл бўйича 2 нусхада ариза-анкета;
чет эл фуқаросининг паспорти ёки фуқаролиги бўлмаган шахснинг ҳаракатланиш ҳужжати;
уй-жой мулкдорининг (мулкдорларининг) уй-жой майдони бериши тўғрисидаги аризаси;
никоҳ тузилганлиги, бола туғилганлиги тўғрисидаги ҳужжатлар (нусхалари олиниб, асли қайтариб берилади);
«Фахрий фуқаро» мақомини бериш тўғрисидаги гувоҳнома;
35 х 45 мм ўлчамдаги иккита фотосурат»;
қуйидаги мазмундаги 471-банд қўшилсин:
«471. Ички ишлар органлари томонидан «Фахрий фуқаро» мақоми берилган чел эл фуқаролари ва фуқаролиги бўлмаган шахсларга, шунингдек, уларнинг оила аъзолари (эр (хотини) ва вояга етмаган болалар)га давлат божи тўланмасдан уч йил муддатгача вақтинчалик прописка расмийлаштирилади ва узайтирилади».
