Ўзбекистон Республикаси Олий Мажлиси Қонунчилик палатаси Кенгашининг ваЎзбекистон Республикаси Олий Мажлиси Сенати Кенгашининг
Қўшма қарори
Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг 2018 йилдаги фаолияти ва 2019 йилдаги фаолиятининг устувор йўналишлари тўғрисида
Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг (бундан буён матнда Парламент комиссияси деб юритилади) ахборотини эшитиб, Ўзбекистон Республикаси Олий Мажлиси Қонунчилик палатасининг Кенгаши ва Ўзбекистон Республикаси Олий Мажлиси Сенатининг Кенгаши шуни таъкидлайдики, Парламент комиссияси томонидан 2018 йилда нодавлат нотижорат ташкилотларини, оммавий ахборот воситаларини ва фуқаролик жамиятининг бошқа институтларини ривожлантиришга кўмаклашиш борасида муайян ишлар амалга оширилган.
Жумладан, 2018 йилда Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан (бундан буён матнда Жамоат фонди деб юритилади) нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг 290 даи ортиқ дастур ва лойиҳаларини молиялаштириш учун давлат бюджети маблағлари ҳисобидан 18,3 млрд. сўм миқдорида пул маблағи ажратилди.
Ушбу маблағлар доирасида 95 та устувор йўналиш бўйича давлат грантининг 8 та танлови ўтказилди ва 276 та ижтимоий аҳамиятли дастур ҳамда лойиҳалар умумий қиймати 7 млрд. 800 млн. сўмга қўллаб-қувватланди. Мазкур дастур ва лойиҳаларни амалга ошириш жараёнида 461 нафар фуқаронинг бандлиги таъминланди.
Нодавлат нотижорат ташкилотлари ва фуқаролик жамиятининг бошқа институтлари томонидан 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид Давлат дастурини ижро этиш, соғлиқни сақлаш, атроф-муҳитни муҳофаза қилиш, соғлом турмуш тарзини тарғиб этиш, жамоатчилик назорати, аҳолининг ҳуқуқий онги ва маданиятини юксалтиришда иштирок этилди.
Йил давомида 4 та халқаро, 10 минг дан ортиқ республика ва ҳудудий тадбирлар ташкил этилиб, уларда 810 минг дан ортиқ фуқаро иштирок этди. Мамлакатимиздаги кенг кўламли демократик ислоҳотлар жараёнлари 16,9 минг маротаба ОАВда ёритилди. Ўзбекистон электрон ОАВ миллий ассоциациясининг «Oʼzbekiston online», «Ҳудуд» ва «Замон» ахборот дастурлари (3814 марта), Халқаро Пресс-клуб сессиялари (200 соат) тайёрланди ва эфирга узатилди.
«Тараққиёт стратегияси» маркази томонидан Германия, Франция, Бельгия, Буюк Британия, АҚШ, ХХР, Россия, Қозогистон, Қирғизистон, Ҳиндистон, Баҳрайн, Италия, Туркия, Корея, Япония каби давлатларда 33 та тақдимотлар амалга оширилди.
Шу билан бирга, нодавлат нотижорат ташкилотлари ва фуқаролик жамиятининг бошқа институтлари 1 084 дона замонавий АКТ ҳамда ўқув ишлаб чиқариш инвентарлари билан таъминланди. Хоразм вилоятининг Урганч шаҳрида «Дўстлик ва ННТ уйи» очилди.
Амалга оширилган ишлар баробарида, Парламент комиссияси томонидан Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги ижтимоий шериклик бўйича жамоат комиссиялари фаолиятини самарали ташкил этиш, уларга зарур услубий кўмак беришда камчиликлар мавжуд.
Ўзбекистон нодавлат нотижорат ташкилотлари Миллий ассоциациясининг ҳамда Фуқаролик жамияти шаклланишини мониторинг қилиш мустақил институтининг ҳудудий бўлинмалари учун давлат субсидияси шаклида етарлича маблағлар ажратилганлигига қарамасдан, уларнинг фаолияти талаб даражасида йўлга қўйилиши таъминланмаган. Давлат органлари билан самарали ижтимоий шериклик ташкил этилмаганлиги сабабли ҳудудларда нодавлат нотижорат ташкилотлари ва фуқаролик жамиятининг бошқа институтларининг фаоллигини ошириш борасида ишлар суст олиб борилган.
Бугунги кунда Жамоат фондида етарлича штат бирлиги ва мутахассисларнинг мавжуд эмаслиги фаолиятга юқори ахборот-коммуникация технологияларини, электрон имзолардан фойдаланган ҳолда электрон шаклда лойиҳаларни ҳамда ҳисоботларни қабул қилиш, ҳужжатларнинг электрон айланмасини таъминлаш бўйича махсус дастурий маҳсулотларни жорий этиш имкониятини бермаяпти.
Парламент комиссияси томонидан 2019 йилда ННТ ва фуқаролик жамияти институтларини қўллаб-қувватлаш учун бир қатор устувор вазифалар белгиланган.
«Фаол инвестициялар ва ижтимоий ривожланиш йили» Давлат дастурида белгиланган вазифаларни амалга ошириш борасида ижтимоий шерикликни кучайтириш ҳамда лойиҳалар ва дастурларнинг самарадорлиги ва натижадорлигини ошириш, аҳолининг ижтимоий-маънавий, экологик, тиббий маданиятини оширишда, ижтимоий тадбиркорлик, туризмнинг инновацион турларини жорий этишда, жамиятда динлараро багрикенглик, миллатлараро тотувлик ва дўстлик муҳитини мустаҳкамлашда ННТ ва фуқаролик жамиятининг бошқа институтларини қўллаб-қувватлаш устувор вазифалар этиб белгиланган.
Юқоридагилардан келиб чиқиб ҳамда Парламент комиссияси ва Жамоат фонди фаолияти самарадорлигини янада ошириш, нотижорат ташкилотларни ва фуқаролик жамиятининг бошқа институтларини қўллаб- қувватлаш бўйича ишларни кучайтириш мақсадида Ўзбекистон Республикаси Олий Мажлиси Қонунчилик палатасининг Кенгаши ва Ўзбекистон Республикаси Олий Мажлиси Сенатининг Кенгаши қарор қилади:
1. Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг 2018 йилда амалга оширган ишлари тўғрисидаги ахбороти маълумот учун қабул қилинсин.
2. Парламент комиссияси қуйидагилар юзасидан таклифлар тайёрлаб бориш чораларини кўрсин:
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастури ижроси юзасидан фуқаролик жамияти институтларининг фаол иштирокини қўллаб-қувватлаш;
Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари ҳузуридаги ижтимоий шериклик бўйича жамоат комиссиялари фаолиятига услубий кўмак кўрсатишни кучайтириш;
ижтимоий шериклик асосида аҳолининг долзарб муаммоларини ҳал этишга қаратилган ижтимоий лойиҳаларни ишлаб чиқиш ва социал ижтимоий аҳамиятга эга ижтимоий буюртмаларни бериш бўйича семинар-тренинглар ташкил этиш;
давлат органлари билан ижтимоий шерикликни ривожлантириш орқали ижтимоий буюртмаларни жойлаштиришнинг кўламини кенгайтириш ҳамда ННТ ва фуқаролик жамияти бошқа институтлари вакилларининг ҳуқуқий, иқтисодий, молиявий ва ижтимоий билимларини оширишга йўналтирилган ишларни тизимли ташкил этиш;
ҳужжатларни электрон тарзда тақдим этиш, ННТларини давлат рўйхатидан ўтказиш, ўтказилиши режалаштирилаётган тадбирлари ҳақида хабардор қилиш, ўз фаолияти тўғрисидаги йиллик ҳисоботларини электрон тарзда татбиқ этишга кўмаклашиш;
ҳудудларни ижтимоий-иқтисодий ривожланишида ННТ ва фуқаролик жамиятининг бошқа институтлари томонидан ишлаб чиқилган инновацион ғояларни ва ишланмаларни қўллаб қувватлаш;
ННТ ва фуқаролик жамиятининг бошқа институтларини қўллаб-қувватлаш ишлари самарадорлигини янада ошириш, уларнинг натижадорлигини таъминлаш, ахборот-коммуникация технологияларидан фойдаланган ҳолда электрон шаклда лойиҳаларни ҳамда ҳисоботларни қабул қилиш мақсадида Жамоат фонди ташкилий-штатлар тузилмасини оптималлаштириш ва моддий-техник базасини мустаҳкамлаш.
3. Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг 2019 йилга мўлжалланган амалий ҳаракатлар режаси («Йўл харитаси») 1-иловага мувофиқ маъқуллансин.
Олдинги таҳрирга қаранг.
(4-банд Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг 2025 йил 17 февралдаги 478-V/КҚ-66-V-сонли Қўшма қарорига асосан ўз кучини йўқотган)
5. Ушбу Қўшма қарорнинг ижросини назорат қилиш Ўзбекистон Республикаси Олий Мажлиси Қонунчилик палатаси Спикерининг ўринбосари Н. Умаров ва Ўзбекистон Республикаси Олий Мажлиси Сенати Раисининг ўринбосари С. Артикова зиммасига юклансин.
6. Ушбу Қўшма қарор қабул қилинган кундан эътиборан кучга киради.
Ўзбекистон Республикаси Олий Мажлиси Қонунчилик палатасининг Спикери Н. ИСМОИЛОВ
Тошкент ш.,
2019 йил 6 май,
2492-III-сон
Ўзбекистон Республикаси Олий Мажлиси Сенатининг Раиси Н. ЙЎЛДОШЕВ
Тошкент ш.,
2019 йил 6 май,
КҚ-536-III-сон
Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг 2019 йил 6 майда қабул қилинган 2492-III/КҚ-536-III-сонли Қўшма қарорига
1-ИЛОВА
Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясининг 2019 йилга мўлжалланган амалий ҳаракатлар режаси («Йўл харитаси»)

Т/р

Устувор вазифалар ва тадбирларнинг номи

Ижро муддати

Масъул ижрочилар

I. Фуқаролик жамияти институтлари ташаббусларини давлат томонидан қўллаб-қувватлашнинг норматив-ҳуқуқий базасини янада такомиллаштириш

1.1.

«ННТ, ОАВ ва фуқаролик жамиятининг бошқа институтларига давлат субсидиялари ажратишнинг тартиби ва шартлари тўғрисида»ги Низомга ва «Олий Мажлис ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди тўғрисида»ги Низомга ўзгартиришлар киритиш.

май

Б. Матмуратов, Ж. Ширинов, Адлия вазирлиги, Молия вазирлиги

1.2.

Парламент комиссияси фаолиятининг устувор йўналишлари бўйича комиссия аъзоларидан иборат бўлган Ишчи гуруҳ аъзоларининг таркибини қайта кўриб чиқиш ва уларнинг фаолияти бўйича ахборотини Парламент комиссияси йиғилишларида эшитиб бориш.

Парламент комиссияси қарорига асосан

И. Ходжиев, Ишчи гуруҳ раҳбарлари

1.3

«Ижтимоий шериклик тўғрисида»ги Қонунга мувофиқ давлат органлари ҳузурида фаолият кўрсатадиган жамоатчилик кенгашларининг ташкилий-ҳуқуқий тузилмаси, аниқ мақсад ва вазифаларини белгилаш бўйича таклифлар ишлаб чиқиш.

июль-август

Б. Матмуратов, Ж. Ширинов, Адлия вазирлиги, ФЖШМҚМИ, ЎзННТМА

II. «Фаол инвестициялар ва ижтимоий ривожланиш йили» Давлат дастурида белгиланган вазифаларни амалга ошириш борасида ижтимоий шерикликни кучайтириш

2.1.

«Фаол инвестициялар ва ижтимоий ривожланиш йили» Давлат дастурида белгиланган вазифаларни амалга оширишда Парламент комиссияси, Жамоат фонди ва ҳудудлардаги Жамоат комиссиялари масъулиятини оширишга қаратилган семинарлар ва давра суҳбатлари ҳамда давлат органлари билан фуқаролик жамияти институтлари ўртасида ижтимоий шерикликни қўллаб қувватлашга қаратилган тадбирларни ташкил этиш.

Парламент комиссияси қарорига асосан

И. Ходжиев, ҳудудларга бириктирилган масъуллар

2.2.

Парламент комиссияси, Жамоат фонди ва жойлардаги Жамоат комиссиялари фаолияти тўғрисида ҳамда ННТ, ОАВ ва фуқаролик жамиятининг бошқа институтларини қўллаб-қувватлаш борасида амалга оширилаётган ишлардан аҳолини хабардор қилиш, эълон қилинган танловлар тўғрисида уларнинг хабардорлигини ошириш мақсадида семинар-тренинглар, давра суҳбатлари, учрашувлар, маҳорат дарслари ташкил этиш.

Парламент комиссияси қарорига асосан

И. Ходжиев, ҳудудларга бириктирилган масъуллар

2.3.

Самарқанд вилоятида ННТ ва фуқаролик жамияти институтларини ривожлантириш борасидаги ишларни оммалаштириш мақсадида Парламент комиссиясининг сайёр йиғилишини ўтказиш;

Парламент комиссияси қарорига асосан

И. Ходжиев, ҳудудларга бириктирилган масъуллар

ННТ ва фуқаролик жамияти институтларини давлат рўйхатидан ўтказиш, ҳисоботлар топшириш, уларга давлат хизматлари кўрсатиш, долзарб ижтимоий муаммоларни ҳал этишда ижтимоий шериклик муносабатлари, жамоатчилик назоратининг шаклланиши юзасидан Халқ депутатлари вилоят кенгашлари ҳузуридаги Ижтимоий шериклик комиссиясининг ахборотларини эшитиш.

июнь-июль

2.4.

Қорақалпоғистон Республикаси, вилоятлар ва Тошкент шаҳрида ННТ ва фуқаролик жамияти институтлари фаолияти, маҳаллий давлат вакиллик ҳамда ижро органлари билан уларнинг ижтимоий шериклик муносабатлари, жамоатчилик назоратининг шаклланишини жойларга чиқиб ўрганиш ва мавжуд муаммоларни ҳал этиш бўйича таклифлар тайёрлаш.

Парламент комиссияси қарорига асосан

И. Ходжиев

2.5.

Ижтимоий шериклик бўйича жамоат комиссияларининг ҳудудий ННТ ва фуқаролик жамиятининг бошқа институтларини «Нодавлат нотижорат ташкилотлари фаолиятининг кафолатлари тўғрисида»ги ҳамда «Ижтимоий шериклик тўғрисида»ги қонунларда белгиланган давлат томонидан қўллаб-қувватлаш вазифаларини амалга ошириш натижалари ва муаммоларини Қорақалпоғистон Республикаси Жўқорғи Кенгеси, халқ депутатлари вилоят ва Тошкент шаҳар Кенгашлари сессияларида муҳокама қилиш.

август

И. Ходжиев, ҳудудларга бириктирилган масъуллар

III. ННТ ва фуқаролик жамиятининг бошқа институтларини уларга давлат субсидиялари, грантлар ҳамда ижтимоий буюртмалар бериш орқали қўллаб-қувватлашга доир чора-тадбирларни амалга ошириш

3.1.

ННТ ва фуқаролик жамияти бошқа институтларининг 2019 йилда давлат субсидиясини олишга доир буюртмаларини кўриб чиқиш, субсидиялашнинг мақсадга мувофиқлиги, ажратилаётган давлат субсидияларининг ҳажмлари тўғрисида қарорлар қабул қилиш.

май

И. Ходжиев, Адлия вазирлиги, Молия вазирлиги

3.2.

«Олий Мажлис ҳузуридаги ННТлар ва фуқаролик жамиятининг бошқа институтларини қўллаб-қувватлаш жамоат фондининг 2019 йилги фаолияти ва уни ривожлантириш дастурлари»ни ишлаб чиқиш ҳамда тасдиқлаш.

май

И. Ходжиев ҳудудларга бириктирилган масъуллар

3.3.

ННТ ва фуқаролик жамиятининг бошқа институтларини ижтимоий буюртмалар орқали қўллаб-қувватлашнинг устувор йўналишларини давлат органларининг буюртмалари асосида аниқлаш.

Ижтимоий аҳамиятга молик лойиҳаларни амалга ошириш учун давлат ижтимоий буюртмасини бериш юзасидан 2019 йилда ННТ ва фуқаролик жамиятининг бошқа институтлари ўртасида танлов ўтказиш тўғрисида қарор қабул қилиш;

ННТ, ОАВ ва фуқаролик жамияти бошқа институтларининг ўтказилган танлов якунлари бўйича келиб тушган лойиҳавий таклифларини кўриб чиқиш. Ижтимоий аҳамиятга молик лойиҳаларни амалга ошириш учун давлат ижтимоий буюртмаларини беришнинг мақсадга мувофиқлиги ва уларнинг ҳажмлари тўғрисида қарорлар қабул қилиш.

май

И. Ходжиев, Адлия вазирлиги, Молия вазирлиги

3.4.

Ижтимоий аҳамиятга молик лойиҳаларга давлат грантлари ажратиш юзасидан 2019 йилда ННТ, ОАВ ва фуқаролик жамиятининг бошқа институтлари ўртасида танловлар ўтказишга доир қарорлар қабул қилиш.

Ҳаракатлар стратегиясини, «Фаол инвестициялар ва ижтимоий ривожланиш йили» Давлат дастури ижросини таъминлашда ННТнинг инновацион лойиҳаларини қўллаб- қувватлаш.

Ўсиб келаётган ёш авлодни маънан етук, жисмонан соғлом этиб тарбиялашга, уларда тадбиркорлик, илмий-ижодий ва интеллектуал салоҳиятни шакллантиришга кўмаклашиш.

Хорижий ва маҳаллий ОАВда юксак ҳуқуқий тафаккурни, инсон ҳуқуқлари маданиятини, жамоатчилик назоратининг инновацион шакл ва механизмларини кенг тарғиб этиш.

Аҳолининг ижтимоий-маънавий, экологик, тиббий маданиятини оширишда, ижтимоий тадбиркорлик, туризмнинг инновацион турларини жорий этишда ННТ фаоллигини кучайтириш.

май

И. Ходжиев, Адлия вазирлиги, Молия вазирлиги

Жамиятда динлараро бағрикенглик, миллатлараро тотувлик, ўзаро меҳр-оқибат ва дўстлик муҳитини мустаҳкамлашга қаратилган лойиҳаларни рағбатлантириш.

Танловларга келиб тушган ижтимоий аҳамиятга молик лойиҳаларнинг белгиланган шартлар ва талабларга мувофиқлигини баҳолаш, танлов ғолибларини аниқлаш бўйича қарорлар қабул қилиш.

танловлар ўтказилганидан кейин бир ой ичида

3.5.

Утган йилларда тежаб қолинган ва Жамоат фондига қайтарилган молиявий маблағлардан 2019 йилда фойдаланишга доир қарорларни ишлаб чиқиш ҳамда қабул қилиш.

июль-август

И. Ходжиев, Адлия вазирлиги, Молия вазирлиги

3.6.

ННТ, ОАВ фуқаролик жамиятининг бошқа институтлари ҳамда давлат органларининг 2020 йилга мўлжалланган социал ва ижтимоий аҳамиятга молик дастур ва лойиҳаларни давлат томонидан қўллаб-қувватлаш турлари ҳамда ҳажмларига доир таклифларини ўрганиш ва тахлил қилиш.

май-июнь

И. Ходжиев, Парламент комиссияси барча аъзолари

IV. Жамоат фонди маблағларидан мақсадли фойдаланилишини мониторинг қилиш, амалга оширилаётган лойиҳалар ва дастурларнинг самарадорлиги ва натижадорлигини ошириш чора-тадбирлари

4.1.

Парламент комиссияси ва Жамоат фондининг 2018 йилги фаолияти ва 2019 йилдаги фаолиятининг устувор йўналишлари тўғрисидаги ахборотни тайёрлаш ҳамда Олий Мажлис Қонунчилик палатасининг ва Сенатининг Кенгашларида кўриб чиқиш учун киритиш.

май

И. Ходжиев

4.2.

Парламент комиссияси қарорига асосан 2018 йилда ННТ, ОАВ ва фуқаролик жамиятининг бошқа институтларига давлат субсидияси ва ижтимоий буюртма тарзида ажратилган маблағлардан лойиҳа доирасида амалга оширилган ишлар бўйича ҳисоботларни эшитиш.

Парламенткомиссиясиқароригаасосан

И. Ходжиев

4.3.

ННТ ва фуқаролик жамиятининг бошқа институтларини қўллаб-қувватлаш жамоат фондининг Тафтиш комиссиясига Жамоат фондининг 2018 йилдаги молиявий-хўжалик фаолиятини режали текширувдан ўтказиш учун зарур шарт-шароитлар яратиш ва кўмаклашиш.

май

А. Тухтабоев, Адлия вазирлиги, Молия вазирлиги

4.4.

2017-2018 йилларда ННТ, ОАВ ва фуқаролик жамияти бошқа институтларининг грант лойиҳаларини амалга ошириш натижаларининг мониторингини юритиш ҳамда аниқланган камчиликларни бартараф этиш чора-тадбирларини кўриш.

май-июнь

А. Тухтабоев, Т. Каримов,
Р. Комилов, Адлия вазирлиги, Молия вазирлиги

4.5.

ННТ, ОАВ ва фуқаролик жамиятининг бошқа институтларига Жамоат фондининг давлат субсидияси ва ижтимоий буюртма тарзида ажратилган маблағларидан 2018 йилда мақсадли ва самарали фойдаланилгани устидан мониторинг ўтказиш, Парламент комиссиясининг мажлисларида ҳисоботлар эшитувини ташкил этиш.

июнь

И. Ходжиев, Адлия вазирлиги, Молия вазирлиги

4.6.

2018 йилда ННТ, ОАВ ва фуқаролик жамияти бошқа институтларининг грант лойиҳаларини амалга ошириш натижаларини ўрганиш ва тахлил қилиш ҳамда аниқланган камчиликларни бартараф этиш чора-тадбирларини кўриш.

Парламент комиссияси қарорига асосан

И. Ходжиев, ҳудудларга бириктирилган масъуллар

V. Давлат органлари ва фуқаролик жамияти институтлари ўртасида ижтимоий шерикликни ривожлантириш ҳамда мустаҳкамлашга ҳуқуқий, услубий, маслаҳат ва бошқача тарзда кўмаклашиш

5.1.

Жамоат фонди ва жойлардаги жамоат комиссияларининг 2018 йилдаги фаолиятини таҳлил қилиш ва Парламент комиссиясининг мажлисида кўриб чиқиш ҳамда улар ишининг самарадорлигини ошириш бўйича таклифлар тайёрлаш.

Парламент комиссияси қарорига асосан

И. Ходжиев, ҳудудларга бириктирилган масъуллар

5.2.

Ҳудудларга бириктирилган Парламент комиссияси аъзолари томонидан Жамоат комиссиялари фаолиятини такомиллаштириш мақсадида улар учун яратилган зарур шарт-шароитларни ўрганиш, мониторинг қилиш ва Парламент комиссияси йиғилишига таклифлар тайёрлаш.

Парламент комиссияси қарорига асосан

И. Ходжиев ҳудудларга бириктирилган масъуллар

5.3.

Парламент комиссияси аъзолари томонидан Жамоат комиссиялари билан ҳамкорликда ННТни давлат томонидан қўллаб-қувватлаш ва ижтимоий шерикчиликни яхшилашга қаратилган таклифлар ишлаб чиқиш.

май

И. Ходжиев, ҳудудларга бириктирилган масъуллар

5.4.

Парламент комиссияси аъзолари томонидан ҳудудларда ННТ вакиллари ва давлат бошқаруви органларининг вакиллари иштирокида ННТнинг мавжуд муаммоларини ўрганиш ва бартараф этишга қаратилган ўқув-семинарлари ташкил этиш.

Парламент комиссияси қарорига асосан

И. Ходжиев, ҳудудларга бириктирилган масъуллар

5.5.

Қорақалпоғистон Республикаси Жўқорги Кенгеси, халқ депутатлари вилоятлар ва Тошкент шаҳар Кенгашлари ҳузуридаги Ижтимоий шериклик бўйича жамоат комиссияси йиғилишларини ташкил этиш ҳамда маҳаллий давлат ҳокимияти органларининг ахборотларини эшитиш.

Парламент комиссияси қарорига асосан

И. Ходжиев, ҳудудларга бириктирилган масъуллар

5.6.

Жамоатчилик комиссияларининг 2018 йилдаги фаолияти якунларини сарҳисоб қилишга ва 2019 йилга мўлжалланган иш режаларини тасдиқлашга бағишланган мажлисларини ўтказишда амалий кўмаклашиш.

Парламент комиссияси қарорига асосан

И. Ходжиев, ҳудудларга бириктирилган масъуллар

VI. Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш борасида амалга оширилаётган ишларни ОАВда кенг ёритиш

6.1.

Парламент комиссияси, Жамоат фонди ва жойлардаги жамоат комиссиялари фаолиятининг аҳамиятини очишга бағишланган мавзудаги махсус телекўрсатувларни намойиш этиш, таҳлилий мақолалар бериб бориш.

йил давомида

Ф. Абдухолиқов, С. Юсупов, Комиссия аъзолари

6.2.

Парламент комиссияси, Жамоат фонди ва жойлардаги жамоат комиссиялари фаолиятини ёритиш, шу жумладан матбуот конференциялари, брифинглар ўтказиш, мақолалар, интервьюлар эълон қилишни ташкил этиш ва бошқалар бўйича медиа- режани ишлаб чиқиш ҳамда тасдиқлаш.

йил давомида

С. Юсупов, Ф. Абдухолиқов

Олдинги таҳрирга қаранг.
(2-илова Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг 2025 йил 17 февралдаги 478-V/КҚ-66-V-сонли Қўшма қарорига асосан ўз кучини йўқотган)

(Қонун ҳужжатлари маълумотлари миллий базаси, 01.07.2019 й., 04/19/2492-III/КҚ-536-III/3358-сон)