|
Ҳужжат кучини йўқотган " " 04.09.2023
|
Ўзбекистон Республикаси Вазирлар Маҳкамасининг
қарори
Балиқ овлаш хўжаликларига табиий сув ҳавзалари участкаларини ажратиш, балиқни саноат йўли билан овлаш, балиқ овлаш хўжаликларининг табиий сув ҳавзаларидан фойдаланганлиги учун ижара тўловини ҳисоблаш ва ундириш тартиби тўғрисидаги низомга ўзгартиришлар киритиш ҳақида
LexUZ шарҳиМазкур қарор Ўзбекистан Республикаси Вазирлар Маҳкамасининг 2023 йил 2 сентябрдаги 441-сонли «Давлатга тегишли сув ҳавзаларини тадбиркорлик субъектларига «E-auksion» электрон савдо платформаси орқали ижарага бериш тартиби тўғрисидаги низомни тасдиқлаш ҳақида »ги қарорига асосан ўз кучини йўқотган.
Табиий сув ҳавзаларида маҳсулдорлик оширилиши эвазига балиқ овлаш хўжаликларининг манфаатдорлигини ошириш, балиқ овлаш хўжаликлари учун ижара тўловларини мақбул тарзда белгилаш заруратини ҳисобга олган ҳолда, балиқ овлаш хўжаликларига берилган табиий сув ҳавзаларидан фойдаланганлик учун ижара тўловларини ҳисоблаш ва ундириш тартибини соддалаштириш мақсадида Вазирлар Маҳкамаси қарор қилади:
1. Вазирлар Маҳкамасининг 2017 йил 7 августдаги 593-сон қарори билан тасдиқланган Балиқ овлаш хўжаликларига табиий сув ҳавзалари участкаларини ажратиш, балиқни саноат йўли билан овлаш, балиқ овлаш хўжаликларининг табиий сув ҳавзаларидан фойдаланганлиги учун ижара тўловини ҳисоблаш ва ундириш тартиби тўғрисидаги низомга иловага мувофиқ ўзгартиришлар киритилсин.
2. Ўзбекистон Республикаси Ветеринария ва чорвачиликни ривожлантириш давлат қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Ушбу қарор расмий эълон қилинган кундан эътиборан уч ой ўтгач кучга киради.
4. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ҳамда Ўзбекистон Республикаси Ветеринария ва чорвачиликни ривожлантириш давлат қўмитаси раиси Б.Т. Норқобилов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 15 май,
403-сон
Вазирлар Маҳкамасининг 2019 йил 15 майдаги 403-сон қарорига
ИЛОВА
ИЛОВА
Балиқ овлаш хўжаликларига табиий сув ҳавзалари участкаларини ажратиш, балиқни саноат йўли билан овлаш, балиқ овлаш хўжаликларининг табиий сув ҳавзаларидан фойдаланганлиги учун ижара тўловини ҳисоблаш ва ундириш тартиби тўғрисидаги низомга киритилаётган ўзгартиришлар
1. 45-банд қуйидаги таҳрирда баён этилсин:
«Ижарага берилган табиий сув ҳавзаси участкалари бўйича ижара ҳақи миқдори қуйидаги формула бўйича аниқланади:
Иҳ= Ҳ1 * Му * Ис, бунда:
Иҳ — ижара ҳақи;
Ҳ1 — бир гектарнинг ўртача маҳсулдорлиги, кг (10 кг белгиланган ўзгармас коэффициент);
Му — сув ҳавзаси участкасининг умумий майдони, га;
Ис — мазкур Низомга 2-иловага мувофиқ амалдаги энг кам иш ҳақи миқдорининг фоиз ставкаси, сўмда».
2. Низомга 2-илованинг матни қуйидаги таҳрирда баён этилсин:
«Балиқ овлаш хўжаликлари томонидан тўланадиган ижара ҳақи тўловини ҳисоблашда сув ҳавзалари участкалари маҳсулдорлигига боғлиқ ҳолда қўлланиладиган ставкалар
МИҚДОРИ
МИҚДОРИ
|
Маҳсулдорлик, |
Энг кам ойлик иш ҳақи, фоиз |
Ижара ҳақини ҳисоблаш формуласи |
|
10 гача |
100,0 |
(10 х 1 х 100 % ЭКИҲ/ 100) |
|
10,1 — 30 гача |
90,0 |
(10 х 1 х 90 % ЭКИҲ/ 100) |
|
30,1 — 50 гача |
80,0 |
(10 х 1 х 80 % ЭКИҲ/ 100) |
|
50,1 — 70 гача |
70,0 |
(10 х 1 х 70 % ЭКИҲ/ 100) |
|
70,1 — 80 гача |
60,0 |
(10 х 1 х 60 % ЭКИҲ/ 100) |
|
80,1 — 90 гача |
50,0 |
(10 х 1 х 50 % ЭКИҲ/ 100) |
|
90,1 — 100 гача |
40,0 |
(10 х 1 х 40 % ЭКИҲ/ 100) |
|
100,1 дан юқори |
30,0 |
(10 х 1 х 30 % ЭКИҲ/ 100) |
Эслатма:
1) бир гектарнинг ўртача маҳсулдорлиги, кг (10 кг белгиланган ўзгармас коэффициент);
2) сув ҳавзаси участкасининг умумий майдони, га;
3) 1 га табиий сув ҳавзага қўлланиладиган энг кам иш ҳақи миқдорининг фоиз ставкаси;
4) энг кам ойлик иш ҳақининг (ЭКИҲ) бир баравари миқдорида.
Бунда: 1 га табиий сув ҳавзасига энг юқори 100 фоизли ставка бўйича ҳисобланган ижара ҳақи энг кам ойлик ижара ҳақининг 10 фоиз миқдорида.
1) 10 х 1 х 100% х 202730 / 100 — 20 273 сўм — 10 кг.
2) 10 х 1 х 90% х 202730 / 100 — 18 246 сўм — 30 кг.
3) 10 х 1 х 80% х 202730 / 100 — 16 218 сўм — 50 кг.
4) 10 х 1 х 70% х 202730 / 100 — 14 191 сўм — 70 кг.
5) 10 х 1 х 60% х 202730 / 100 — 12 163 сўм — 80 кг.
6) 10 х 1 х 50% х 202730 / 100 — 10 136 сўм — 90 кг.
7) 10 х 1 х 40% х 202730 / 100 — 8 109 сўм — 100 кг.
8) 10 х 1 х 30% х 202730 / 100 — 6 081сўм — 100.1 кг. дан юқори
1 га сув ҳавзага энг паст 30 фоизли ставка бўйича ҳисобланган ижара ҳақи — 6 081 сўм.
(10 х 1 х 30% ЭКИҲ / 100) — 6 081
Изоҳ. Энг кам ойлик иш ҳақи миқдори ўзгариши билан бирга ижара ҳақи суммасининг миқдори ҳам ўзгаради».
(Қонун ҳужжатлари маълумотлари миллий базаси, 15.05.2019 й., 09/19/403/3134-сон)
