Ўзбекистон Республикаси Вазирлар Маҳкамасининг

қарори

Юқори тезликдаги темир йўл участкаларида ҳаракат хавфсизлигини таъминлашга оид чора-тадбирлар амалга оширилишини ташкил этиш ва мувофиқлаштириш, шунингдек, назорат қилиш бўйича идоралараро комиссия тўғрисидаги низомни тасдиқлаш ҳақида

Ўзбекистон Республикаси Президентининг «Идоралараро коллегиал органларни тубдан қисқартириш ва янада оптималлаштириш чора-тадбирлари тўғрисида» 2018 йил 28 августдаги ПФ-5527-сон Фармонига мувофиқ, шунингдек, юқори тезликдаги поездлар ҳаракати хавфсизлиги даражасини оширишга, алоқадор давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари ва ҳуқуқни муҳофаза қилувчи органларнинг юқори тезликдаги темир йўл участкаларида юк ва йўловчилар ташиш хавфсизлигини таъминлаш тизимини такомиллаштиришга оид масалаларни ва вазифаларни ҳал этиш доирасида келишилган ва самарали ўзаро ҳамкорлигини таъминлашга қаратилган чора-тадбирлар ишлаб чиқилишини мувофиқлаштириш ва амалга оширилишини назорат қилиш мақсадида Вазирлар Маҳкамаси қарор қилади:

1. «Тошкент-Самарқанд» темир йўл участкасида юқори тезликдаги поездлар ҳаракати хавфсизлигини таъминлаш бўйича Идоралараро комиссия юқори тезликдаги темир йўл участкаларида ҳаракат хавфсизлигини таъминлашга оид чора-тадбирлар амалга оширилишини ташкил этиш ва мувофиқлаштириш, шунингдек, назорат қилиш бўйича идоралараро комиссия этиб қайта ташкил этилсин.

2. Қуйидагилар Идоралараро комиссиянинг асосий вазифалари этиб белгилансин:

юқори тезликдаги темир йўл участкаларида юк ва йўловчилар ташиш хавфсизлигини таъминлаш соҳасини давлат томонидан тартибга солишни такомиллаштиришга кўмаклашиш, поездларнинг юқори тезликдаги ҳаракатини ташкил этиш соҳасига четдан асоссиз аралашишнинг олдини олиш;

юқори тезликдаги темир йўл участкаларида юк ва йўловчилар ташиш хавфсизлиги даражасини оширишга қаратилган фаолият юзасидан манфаатдор вазирликлар ва идоралар, темир йўл транспорти корхоналари ва бошқа ташкилотлар ўртасида самарали ўзаро ҳамкорликни, шу жумладан, ахборот ҳамкорлигини таъминлаш;

юқори тезликдаги темир йўл участкаларида юк ва йўловчилар ташиш хавфсизлигини таъминлаш чора-тадбирлари амалга оширилиши мониторингини олиб бориш.

3. Қуйидагилар:

Юқори тезликдаги темир йўл участкаларида ҳаракат хавфсизлигини таъминлашга оид чора-тадбирлар амалга оширилишини ташкил этиш ва мувофиқлаштириш, шунингдек, назорат қилиш бўйича идоралараро комиссиянинг таркиби 2-иловага мувофиқ тасдиқлансин.

4. Ўзбекистон Республикаси Транспорт вазирлиги манфаатдор вазирликлар ва идоралар билан биргаликда улар қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2019 йил 8 май,

387-сон

Вазирлар Маҳкамасининг 2019 йил 8 майдаги 387-сон қарорига
1-ИЛОВА

НИЗОМ

1-боб. Умумий қоидалар

1. Ушбу Низом юқори тезликдаги темир йўл участкаларида ҳаракат хавфсизлигини таъминлашга оид чора-тадбирлар амалга оширилишини ташкил этиш ва мувофиқлаштириш, шунингдек, назорат қилиш бўйича идоралараро комиссиянинг (кейинги ўринларда Идоралараро комиссия деб аталади) асосий вазифалари, функциялари, ҳуқуқлари, жавобгарлиги, фаолиятини ташкил этиш ва ҳисобот бериши тартибини белгилайди.

2. Идоралараро комиссия юқори тезликдаги поездлар ҳаракати хавфсизлиги даражасини оширишга, алоқадор давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари ва ҳуқуқни муҳофаза қилувчи органларнинг Ўзбекистон Республикасининг юқори тезликдаги темир йўл участкаларида (кейинги ўринларда юқори тезликдаги темир йўл участкалари деб аталади) юк ва йўловчилар ташиш хавфсизлигини таъминлаш тизимини такомиллаштиришга оид масалалар ва вазифаларни ҳал этиш доирасида келишилган ва самарали ўзаро ҳамкорлигини таъминлашга қаратилган чора-тадбирлар ишлаб чиқилишини мувофиқлаштириш ва амалга оширилишини назорат қилиш мақсадида Ўзбекистон Республикаси Транспорт вазирлиги (кейинги ўринларда Транспорт вазирлиги деб аталади) ҳузурида ташкил этилади.

3. Идоралараро комиссия доимий асосда фаолият юритган ҳолда Идоралараро комиссия таркибига киритилган ташкилотларга юқори тезликдаги темир йўл участкаларида юк ва йўловчилар ташиш хавфсизлигини таъминлаш бўйича ушбу ташкилотларга юкланган вазифалар ва функцияларини амалга оширишда кўмаклашишга, шунингдек, идоралараро ҳамкорликни самарали ташкил этиш ва мувофиқлаштиришни таъминлашга даъват этилган маслаҳатлашув органи ҳисобланади.

4. Идоралараро комиссияни ташкил этиш ва тугатиш Ўзбекистон Республикаси Вазирлар Маҳкамаси (кейинги ўринларда Вазирлар Маҳкамаси деб аталади) томонидан амалга оширилади.

5. Идоралараро комиссиянинг таркиби Вазирлар Маҳкамаси томонидан тасдиқланади.

Олдинги таҳрирга қаранг.

6. Идоралараро комиссия ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, Транспорт вазирлигининг буйруқлари ва қарорларига, ушбу Низомга, шунингдек, бошқа қонунчилик ҳужжатларига амал қилади.

(6-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

7. Идоралараро комиссия ўз ишини Ўзбекистон Республикаси транспорт вазири томонидан ҳар йили тасдиқланадиган чора-тадбирлар режасига мувофиқ амалга оширади.

2-боб. Идоралараро комиссиянинг асосий вазифалари ва функциялари

8. Қуйидагилар Идоралараро комиссиянинг асосий вазифалари ҳисобланади:

9. Идоралараро комиссия унга юкланган вазифаларни бажариш мақсадида қуйидаги функцияларни амалга оширади:

1) юқори тезликдаги темир йўл участкаларида юк ва йўловчилар ташиш хавфсизлигини таъминлаш соҳасини давлат томонидан тартибга солишни такомиллаштиришга кўмаклашиш, поездларнинг юқори тезликдаги ҳаракатини ташкил этиш соҳасига четдан асоссиз аралашишнинг олдини олиш соҳасида:

юқори тезликдаги темир йўл участкаларида юк ва йўловчилар ташиш хавфсизлигини таъминлашнинг давлат тизимини такомиллаштириш бўйича таклифларни тайёрлайди ва кўриб чиқади, шунингдек, уни такомиллаштириш стратегияси амалга оширилишини ташкил этади;

юқори тезликдаги темир йўл участкаларида юк ва йўловчилар ташиш хавфсизлигига хавф солувчи қоидабузарикларни ўрганади, аниқлайди ҳамда уларнинг олдини олиш ва бартараф этиш чораларини кўради;

юқори тезликдаги темир йўл участкаларида жамоат тартибини таъминлашни назорат қилиш чора-тадбирлари амалга оширилишини мувофиқлаштиради;

юқори тезликдаги темир йўл участкаларига яқин жойлашган аҳоли пунктлари, ўқув муассасалари ва ташкилотларда профилактика ва тушунтириш ишлари олиб борилишини таъминлаш юзасидан назоратни амалга оширади;

2) юқори тезликдаги темир йўл участкаларида юк ва йўловчилар ташиш хавфсизлиги даражасини оширишга қаратилган фаолият юзасидан манфаатдор вазирликлар ва идоралар, темир йўл транспорти корхоналари ва бошқа ташкилотлар ўртасида самарали ўзаро ҳамкорликни, шу жумладан, ахборот ҳамкорлигини таъминлаш соҳасида:

юқори тезликдаги темир йўл участкаларида юк ва йўловчилар ташиш хавфсизлиги ҳолатини таҳлил қилади;

манфаатдор вазирликлар ва идоралар ҳамда бошқа ташкилотларнинг юқори тезликдаги темир йўл участкаларида юк ва йўловчилар ташиш хавфсизлигини таъминлаш соҳасидаги ўзаро ҳамкорлигини ташкил этиш, мувофиқлаштириш ва такомиллаштириш юзасидан таклифлар ишлаб чиқади;

Олдинги таҳрирга қаранг.

қонунчиликка мувофиқ Идоралараро комиссиянинг мақсадларига эришиш учун зарур бўлган ҳужжатлар ва материалларни вазирликлар, идоралар ва ташкилотлардан белгиланган тартибда сўрайди;

(9-банднинг 2 кичик банди тўртинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

вазирликлар ва идоралар, маҳаллий ижро этувчи ҳокимият органлари ва ташкилотларнинг юқори малакали мутахассисларини, олий таълим муассасалари ва илмий-тадқиқот институтларининг профессор-ўқитувчилари таркибини (уларнинг раҳбарлари розилиги билан) Идоралараро комиссия ишида иштирок этиш учун белгиланган тартибда жалб этади;

юқори тезликдаги темир йўл участкаларида юк ва йўловчилар ташиш хавфсизлигини таъминлаш масалалари юзасидан вазирликлар, идоралар ва ташкилотларнинг фаолиятини мувофиқлаштиради;

юқори тезликдаги темир йўл участкасига туташ ҳудудларни ободонлаштириш, кўкаламзорлаштириш ва шаҳарсозлик меъёрлари талабларига мувофиқлаштиришга доир чора-тадбирларнинг амалда бажарилиши юзасидан назоратни амалга оширади;

одамларнинг ҳаёти ва саломатлигини, темир йўл транспорти инфратузилмаси ва объектлари бутлигини сақлаш мақсадида юқори тезликдаги темир йўл участкалари ҳудудида хавфсизликни таъминлаш бўйича кўрилаётган чора-тадбирларни амалга ошириш жараёни ва натижалари оммавий ахборот воситаларида мунтазам ёритиб борилишини ташкил этади;

3) юқори тезликдаги темир йўл участкаларида юк ва йўловчилар ташиш хавфсизлигини таъминлаш чора-тадбирлари амалга оширилиши мониторингини олиб бориш соҳасида:

Идоралараро комиссия фаолияти соҳасига оид масалалар бўйича ишлаб чиқилган ва тасдиқланган чора-тадбирлар режаларининг ижроси мониторингини олиб боради;

Идоралараро комиссия қарорлари амалга оширилиши учун ўз ваколатлари доирасида мониторинг олиб боради;

Идоралараро комиссия аъзоларининг таклифлари, тавсиялари ва мулоҳазалари қабул қилиниши ва тизимлаштирилишини таъминлайди.

3-боб. Идоралараро комиссиянинг ҳуқуқлари ва жавобгарлиги

10. Идоралараро комиссия юкланган вазифалар ва функцияларни амалга ошириш учун қуйидаги ҳуқуқларга эга:

давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари, ҳуқуқни муҳофаза қилувчи органлардан Идоралараро комиссиянинг ваколатлари доирасига кирувчи масалалар бўйича ахборотни белгиланган тартибда сўраш ва олиш;

Идоралараро комиссия фаолияти соҳасига оид масалалар юзасидан давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари фаолиятини мувофиқлаштиришни такомиллаштиришга қаратилган қарорлар қабул қилиш;

юқори тезликдаги темир йўл участкаларида ҳаракат хавфсизлигини таъминлаш соҳасида давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари, ҳуқуқни муҳофаза қилувчи органлар томонидан олиб борилаётган ишларнинг ҳолати ва натижадорлигини ўрганиш, шунингдек, уларнинг ушбу йўналишдаги фаолиятини такомиллаштириш юзасидан тавсиялар тайёрлаш;

давлат бошқаруви органлари, хўжалик юритувчи субъектлар, маҳаллий ижро ҳокимият органлари, ҳуқуқни муҳофаза қилувчи органлар раҳбарларининг Идоралараро комиссия фаолияти соҳасига оид масалалар юзасидан ҳисоботлари ва маърузаларини эшитиш;

Идоралараро комиссия фаолияти соҳасига оид масалаларни ўрганиш ва таклифлар тайёрлаш учун мутахассислар ва илмий ходимларни жалб этиш;

Идоралараро комиссиянинг сайёр йиғилишлари пайтида «Ўзбекистон темир йўллари» акциядорлик жамиятининг хизмат ва махсус вагонларидан чекловларсиз ва тўловларсиз фойдаланиш;

Олдинги таҳрирга қаранг.

Идоралараро комиссия қонунчиликка мувофиқ бошқа ҳуқуқларга ҳам эга бўлиши мумкин.

(10-банднинг саккизинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

11. Идоралараро комиссиянинг раиси комиссия фаолияти ташкил этилиши, унга юкланган вазифалар ва функциялар сифатли ижро этилиши, шунингдек, Идоралараро комиссия самарасиз фаолият юритган тақдирда, уни тугатиш бўйича таклифлар ўз вақтида киритилиши учун шахсан жавоб беради.

12. Идоралараро комиссия аъзолари ушбу Низомга мувофиқ уларга юкланган вазифалар ва функцияларни сифатли ва самарали бажариш, шунингдек, Идоралараро комиссия йиғилишларида шахсан иштирок этиш учун жавоб берадилар.

Идоралараро комиссия аъзосининг узрли сабабга кўра комиссия йиғилишида шахсан иштирок этиши имкони бўлмаганда комиссия йиғилишида иштирок этиш учун тегишли вазирлик ёки идорадан унинг ўрнини босувчи ходим (раҳбар) юборилади.

4-боб. Идоралараро комиссия фаолиятини ташкил этиш

13. Транспорт вазирининг ўринбосари Идоралараро комиссиянинг раиси ҳисобланади, унинг ваколатига қуйидагилар киради:

Идоралараро комиссия фаолиятига раҳбарлик қилиш;

Идоралараро комиссия йиғилиши (сайёр йиғилиши)ни чақириш тўғрисида қарор қабул қилиш ва ушбу йиғилиш кун тартибини белгилаш;

Идоралараро комиссия фаолиятини назорат қилиш;

Идоралараро комиссияга юкланган вазифалар ва функциялар бажарилиши юзасидан Идоралараро комиссия аъзоларининг фаолиятини мувофиқлаштириш;

Идоралараро комиссия томонидан қабул қилинган қарорларни тасдиқлаш;

ушбу Низом талабларини бажармаётган Идоралараро комиссия аъзоларига нисбатан тегишли чоралар кўриш масалалари юзасидан тегишли таклифлар киритган ҳолда Идоралараро комиссия аъзолари томонидан Комиссиянинг баённомалари ижро этилиши мониторингини олиб бориш ва назорат қилиш;

Идоралараро комиссиянинг самарали фаолиятини таъминлашга оид бошқа функцияларни бажариш.

14. Идоралараро комиссия раисининг ўринбосарлари:

Идоралараро комиссия йиғилиши (сайёр йиғилиши)ни чақиришни ташкил этадилар;

Идоралараро комиссия фаолиятининг асосий йўналишлари юзасидан таклифлар тайёрланишини ташкил этадилар;

тасдиқланган режага мувофиқ чора-тадбирлар режаси бажарилиши ва Идоралараро комиссия аъзолари иши устидан назорат қиладилар;

давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари, ҳуқуқни муҳофаза қилувчи органлар билан биргаликда Идоралараро комиссия томонидан қабул қилинган қарорларнинг бажарилишини таъминлайдилар, тегишли ахборот ва таклифларни Идоралараро комиссия раисига киритадилар;

Идоралараро комиссия раиси бўлмаганда ёки унинг топшириғи бўйича Идоралараро комиссия йиғилишларига раислик қиладилар;

Идоралараро комиссиянинг самарали иш олиб боришини таъминлаш мақсадида бошқа функцияларни бажарадилар.

15. Идоралараро комиссия аъзолари:

Идоралараро комиссия йиғилишларида (сайёр йиғилишларида) кўриб чиқиладиган кун тартибидаги масалалар бўйича муҳокамада иштирок этадилар ва қарорлар қабул қилинишини таъминлайдилар;

юқори тезликдаги темир йўл участкаларида юк ва йўловчилар ташиш хавфсизлигини таъминлаш билан боғлиқ бўлган долзарб масалалар юзасидан Идоралараро комиссияга таклифлар киритадилар;

Идоралараро комиссия томонидан кўриб чиқиладиган масалалар юзасидан хулосалар тайёрлайдилар;

Идоралараро комиссиянинг баённома қарорлари ва қўйилган вазифаларнинг ижроси якунлари тўғрисидаги ҳисоботни Идоралараро комиссия раисига тақдим этадилар;

Идоралараро комиссиянинг самарали иш олиб боришини таъминлашга оид бошқа функцияларни бажарадилар.

16. Идоралараро комиссиянинг аъзолари йиғилиш ўтказилишидан камида икки иш куни олдин йиғилиш (сайёр йиғилиш) ўтказилиш вақти, жойи ва кун тартиби тўғрисида хабардор қилиниши лозим.

17. Йиғилиш (сайёр йиғилиш)ни Идоралараро комиссия раиси (раис йўқлигида унинг ўринбосари) олиб боради.

Йиғилиш (сайёр йиғилиш) унда аъзолар таркибининг учдан икки қисми қатнашганда ҳуқуқий кучга эга бўлади.

18. Идоралараро комиссия йиғилишлари (сайёр йиғилишлари) Идоралараро комиссиянинг иш режасига мувофиқ, бироқ бир ойда камида бир марта, шунингдек, комиссия ваколатига тегишли бўлган шошилинч масалаларни кўриб чиқиш зарурати юзага келганда ўтказилади.

Идоралараро комиссия йиғилишлари (сайёр йиғилишлари) баённома билан расмийлаштирилади.

19. Идоралараро комиссияси йиғилишлари (сайёр йиғилишлари)га йиғилишда кўриб чиқилаётган масалалардан келиб чиққан ҳолда Идоралараро комиссия таркибига киритилмаган алоқадор давлат бошқаруви органлари, хўжалик юритувчи субъектлар, маҳаллий ижро ҳокимият органлари, ҳуқуқни муҳофаза қилувчи органларнинг раҳбарлари ва мутахассислари таклиф этилиши мумкин.

5-боб. Идоралараро комиссиянинг ишчи органи ва котиби

Олдинги таҳрирга қаранг.

20. Транспорт вазирлиги ҳузуридаги Транспорт назорати инспекцияси Идоралараро комиссиянинг ишчи органи (кейинги ўринларда Ишчи орган деб аталади) ҳисобланади.

(20-банднинг биринчи хатбошиси Ўзбекистон Республикаси Вазирлар Маҳкамасининг 2023 йил 15 декабрдаги 668-сонли қарори таҳририда — Қонунчилик маълумотлари миллий базаси, 18.12.2023 й., 09/23/668/0945-сон)

Идоралараро комиссиянинг раиси томонидан тайинланадиган комиссия котиби Идоралараро комиссиянинг ишини юритади.

21. Идоралараро комиссиянинг Ишчи органи ва котиби:

Идоралараро комиссия фаолиятининг ташкилий-техник таъминотини амалга оширади;

иш режасининг лойиҳасини тайёрлайди, уни Идоралараро комиссия муҳокамасига киритади;

Идоралараро комиссия йиғилиши (сайёр йиғилиши)да кўриб чиқиш учун материаллар ўз вақтида тайёрланишини таъминлайди, унинг иши ўз вақтида ва сифатли бажарилиши учун зарур бўлган ахборот ва материалларни алоқадор давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари, ҳуқуқни муҳофаза қилувчи органлардан сўрайди ва олади;

Идоралараро комиссия йиғилиши (сайёр йиғилиши)нинг кун тартибидаги масалалар бўйича таҳлилий материалларни тайёрлайди;

юқори тезликдаги темир йўл участкаларида юк ва йўловчилар ташиш хавфсизлигини таъминлаш масалалари бўйича Идоралараро комиссияга юридик ва жисмоний шахслардан тушган мурожаатларни умумлаштиради ва Идоралараро комиссиянинг ваколатига кирадиган масалалар юзасидан унинг қарорлари лойиҳаларини тайёрлайди;

Идоралараро комиссия фаолияти соҳасига оид тасдиқланган чора-тадбирлар режалари ижроси мониторингини олиб боради;

Идоралараро комиссия аъзоларининг таклифлари, шунингдек, мулоҳазаларини қабул қилади ва тизимлаштиради;

Идоралараро комиссия йиғилиши (сайёр йиғилиши) учун зарур ҳужжатлар ўз вақтида тайёрланишини таъминлайди;

Идоралараро комиссия раиси билан йиғилиш (сайёр йиғилиш) ўтказиш муддати ва жойини, шунингдек, таклиф этилганлар рўйхатини келишади, Идоралараро комиссия аъзоларини ва таклиф этилган шахсларни йиғилиш (сайёр йиғилиш) санаси, вақти ва ўтказиладиган жойи ҳақида хабардор қилади;

Идоралараро комиссия йиғилиши баённомаларини расмийлаштиради ва тасдиқланган баённомалар нусхалари Идоралараро комиссия аъзолари, алоқадор давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари ва ҳуқуқни муҳофаза қилувчи органларга юборилишини таъминлайди;

Идоралараро комиссия қарорлари ижроси мониторингини олиб боради ва унинг якунларини Идоралараро комиссия йиғилиши (сайёр йиғилиши)да кўриб чиқиш учун киритади;

Идоралараро комиссиянинг қарорларига ҳамда Идоралараро комиссия раиси ва унинг ўринбосарларининг топшириқларига мувофиқ бошқа функцияларни бажаради.

6-боб. Идоралараро комиссия қарорларини қабул қилиш ва уларнинг бажарилишини таъминлаш

22. Идоралараро комиссия қарорлари Идоралараро комиссиянинг йиғилишда (сайёр йиғилишда) иштирок этаётган аъзоларининг оддий кўпчилик овози билан қабул қилинади. Овозлар тенг бўлганида Идоралараро комиссия раисининг овози ҳал қилувчи овоз ҳисобланади.

Идоралараро комиссиясининг ҳар бир аъзоси қабул қилинаётган қарор юзасидан ўз фикрини ёзма равишда билдиришга ҳақлидир.

23. Қарорларни тезкор қабул қилиш мақсадида Идоралараро комиссия раиси Идоралараро комиссия ваколатига кирадиган алоҳида масалалар юзасидан уларни Идоралараро комиссия аъзолари билан сўровнома ўтказиш орқали қарор қабул қилиш ҳуқуқига эга.

24. Идоралараро комиссия йиғилиши (сайёр йиғилиши)да қабул қилинган қарорлар баённома билан расмийлаштирилади ва ушбу баённома Идоралараро комиссия раиси томонидан тасдиқланади ва бир ҳафта муддатда Идоралараро комиссия аъзолари, давлат бошқаруви органлари, хўжалик юритувчи субъектлар, маҳаллий ижро этувчи ҳокимият органлари, ҳуқуқни муҳофаза қилувчи органларга юборилади.

25. Идоралараро комиссия қарорлари бажарилишини назорат қилиш Идоралараро комиссиянинг ишчи органи томонидан амалга оширилади.

26. Ҳар бир йиғилиш (сайёр йиғилиш) якунлари бўйича Идоралараро комиссия транспорт вазирига амалга оширилган ишлар тўғрисида ахборот тақдим этади.

7-боб. Якунловчи қоида

Олдинги таҳрирга қаранг.

27. Ушбу Низом талаблари бузилишида айбдор бўлган шахслар қонунчиликка мувофиқ жавоб берадилар.

(27-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)

Вазирлар Маҳкамасининг 2019 йил 8 майдаги 387-сон қарорига
2-ИЛОВА

ТАРКИБИ

Олдинги таҳрирга қаранг.

1.	лавозими бўйича	―	Ўзбекистон Республикаси транспорт вазирининг ўринбосари, комиссия раҳбари
2.	Каримов Ж.А.	―	Ўзбекистон Республикаси Транспорт вазирлиги ҳузуридаги Транспорт назорати инспекцияси бошлиғи, комиссия раҳбарининг ўринбосари
3.	Камалов А.С.	―	«Ўзбекистон темир йўллари» АЖ бошқаруви раисининг ўринбосари, комиссия раҳбарининг ўринбосари
3.	келишув бўйича	―	Ўзбекистон Республикаси Давлат хавфсизлик хизмати ходими
4.	Муҳаммедов Г.Б.	―	Ўзбекистон Республикаси транспорт прокурорининг ўринбосари
5.	Жўраев М.У	―	Ўзбекистон Республикаси ички ишлар вазирининг ўринбосари
6.	Ирисбаев Э.Х.	―	Ўзбекистон Республикаси Ички ишлар вазирлигининг Йўл ҳаракати хавфсизлиги бош бошқармаси бошлиғининг ўринбосари
7.	Мўминов А.А.	―	Ўзбекистон Республикаси фавқулодда вазиятлар вазирининг ўринбосари
8.	Тўлаганов К.Н.	―	Ўзбекистон Республикаси қурилиш вазирининг ўринбосари
9.	Лавозими бўйича	―	Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитаси раиси
10.	Рўзибоев Б.К.	―	Ўзбекистон Республикаси сув хўжалиги вазирининг биринчи ўринбосари
11.	Ўтаев У.Ч.	―	Ўзбекистон Республикаси Экология ва атроф-муҳитни муҳофаза қилиш давлат қўмитаси раисининг ўринбосари
12.	Ҳабибуллаев Ш.Х.	―	Ўзбекистон Республикаси Ер ресурслари, геодезия, картография ва давлат кадастри давлат қўмитаси раисининг ўринбосари
13.	Адилов О.Ч.	―	Ўзбекистон Республикаси Транспорт вазирлиги ҳузуридаги Автомобиль йўллари қўмитаси раисининг ўринбосари — бош муҳандис
14.	лавозими бўйича	―	«Ўзбекистон миллий электр тармоқлари» АЖ бошқаруви раисининг биринчи ўринбосари
15.	Мусаев Б.П.	―	«Ўзтрансгаз» АЖ бошқаруви раисининг ўринбосари
16.	лавозими бўйича	―	тегишли вилоятлар ва Тошкент шаҳар ҳокимларининг саноатни ривожлантириш, капитал қурилиш, коммуникациялар ва коммунал хўжаликлар бўйича ўринбосарлари — тегишли ҳудудга алоқадор масалалар қисми бўйича
17.	Тўлаганов Ш.Т.	―	«Ўзбекистон темир йўллари» АЖ юқори тезликли ҳаракат бошқармаси бошлиғи
18.	лавозими бўйича	―	«Ўзбекистон темир йўллари» АЖ техник ва технологик назорат бошқармаси бошлиғи

Изоҳлар:

1. Идоралараро комиссия аъзолари бошқа ишга ўтган тақдирда, унинг таркибига ушбу лавозимларга янгидан тайинланган ёки зиммасига тегишли функцияларни бажариш юкланган шахслар киритилади.

2. Зарурат бўлганида Идоралараро комиссия ишига манфаатдор давлат бошқаруви органлари, хўжалик юритувчи субъектлар ва бошқа ташкилотларнинг мутахассислари жалб этилади.

(2-илова Ўзбекистон Республикаси Вазирлар Маҳкамасининг 2025 йил 29 январдаги 48-сонли қарори таҳририда — Қонунчилик маълумотлари миллий базаси, 30.01.2025 й., 09/25/48/0093-сон)

(Қонун ҳужжатлари маълумотлари миллий базаси, 10.05.2019 й., 09/19/387/3122-сон; Қонунчилик маълумотлари миллий базаси, 20.11.2021 й., 09/21/694/1075-сон, 09/22/153/0266-сон; 18.12.2023 й., 09/23/668/0945-сон; 30.01.2025 й., 09/25/48/0093-сон)