1.09.00.00.00 Тадбиркорлик ва хўжалик фаолияти / 09.20.00.00 Энергетика / 09.20.07.00 Атом энергетикаси]
[ТСЗ:
1.Иқтисодиёт / Энергетика]
Ўзбекистон Республикаси Президентининг
Қарори
2019 — 2029 йилларда Ўзбекистон Республикада атом энергетикасини ривожлантириш Концепциясини тасдиқлаш тўғрисида
Ўзбекистон Республикаси Президентининг 2018 йил 19 июлдаги «Ўзбекистон Республикасида атом энергетикасини ривожлантириш чора-тадбирлари тўғрисида»ги ПФ-5484-сон Фармони ижросини таъминлаш, шунингдек, республикада атом энергетикасини мамлакатнинг янги юқори технологияли энергетика тармоғи сифатида ривожлантиришнинг узоқ муддатли ва мустаҳкам тизимини яратиш мақсадида:
1. Ўзбекистон Республикаси Вазирлар Маҳкамаси ҳузуридаги Атом энергияси агентлиги (кейинги ўринларда — «Ўзатом» агентлиги) томонидан мутасадди вазирликлар ва идоралар билан биргаликда Ўзбекистон Республикаси Президентининг 2018 йил 4 декабрдаги «Ўзбекистон Республикаси ҳудудида атом электр станцияси қуришни жадаллаштириш чора-тадбирлари тўғрисида»ги ПҚ-4048-сон қарори билан тасдиқланган Ўзбекистон Республикаси Ҳукумати ва Россия Федерацияси Ҳукумати ўртасида Ўзбекистон Республикаси ҳудудида атом электр станциясини қуришда ҳамкорлик қилиш тўғрисидаги Битимни 2018 — 2021 йилларда амалга ошириш бўйича «Йўл харитаси» тадбирлари амалга оширилаётганлиги маълумот учун қабул қилинсин.
(1-банд Ўзбекистон Республикаси Президентининг 2024 йил 24 майдаги ПФ-79-сонли Фармони таҳририда — Қонунчилик маълумотлари миллий базаси, 25.05.2024 й., 06/24/79/0363-сон)
2. Қуйидагилар:
а) қуйидаги устувор вазифаларни амалга оширишни назарда тутувчи 2019 — 2029 йилларда Ўзбекистон Республикасида атом энергетикасини ривожлантириш концепцияси (кейинги ўринларда — Концепция) 1-иловага мувофиқ тасдиқлансин:
миллий ядро инфратузилмасини ривожлантириш, шу жумладан норматив-ҳуқуқий базани шакллантириш, Ўзбекистон Республикасининг ядро хавфсизлигининг глобал режимида иштирок этиши, атом электр станциясини (кейинги ўринларда — АЭС) эксплуатация қилувчи ташкилот фаолиятини таъминлаш, атом энергетикасини тартибга солишнинг асосини яратиш, ядро-энергетика дастурининг шаффофлиги ва жамоатчилик учун очиқлигини таъминлаш, малакали кадрлар билан таъминлаш;
[ОКОЗ:
1.09.00.00.00 Тадбиркорлик ва хўжалик фаолияти / 09.12.00.00 Қурилиш / 09.12.02.00 Қурилиш соҳасидаги бошқарув. Қурилиш соҳасидаги фаолиятни лицензиялаш. Рухсат бериш тартиб-таомиллари]
биринчи АЭСни қуриш, шу жумладан майдончани танлаш ва АЭСни жойлаштиришни лицензиялаш, лойиҳалаштириш, қуриш ва фойдаланишга топшириш;
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг)]
атом энергиясидан фойдаланишда атроф-муҳит муҳофазасини ва одамларни радиациядан ҳимоя қилишни таъминлаш;
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг);
2.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.07.00 Радиация хавфсизлиги (шунингдек, 11.02.02.00 га қаранг)]
хавфсиз ва иқтисодий самарадор ядро ёқилғи циклини ташкил этиш, шу жумладан атом энергетикасини ядро ёқилғиси билан узоқ муддатли таъминлаш, ишлатиб бўлинган ёқилғи билан боғлиқ ишларни хавфсиз амалга ошириш учун шароитлар яратиш, уни қайта ишлаш ва чиқиндиларни утилизация қилишни ташкил этиш;
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш;
2.13.00.00.00 Таълим. Фан. Маданият / 13.02.00.00 Фан / 13.02.05.00 Илмий ва лойиҳа муассасалари]
атом энергетикасини узоқ муддатли ривожлантиришни таъминлаш, шу жумладан, атом илм-фани ва технологияларини ривожлантириш, АЭС қурилиши ва унинг эксплуатация қилишни қўллаб-қувватлаш учун мамлакатимиз ташкилотлари томонидан лойиҳа, конструкторлик, экологик ва бошқа билим ва тажрибани эгаллашни, келажакдаги АЭСлар референт технологияларини танлаш учун ядро технологиялари тенденцияларини ўрганиш;
б) қуйидаги тадбирларни бажаришни ўз ичига олган 2019 — 2029 йилларда Ўзбекистон Республикасида атом энергетикасини ривожлантириш концепциясини амалга ошириш бўйича «Йўл харитаси» (кейинги ўринларда — «Йўл харитаси») 2-иловага мувофиқ тасдиқлансин:
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг);
2.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.07.00 Радиация хавфсизлиги (шунингдек, 11.02.02.00 га қаранг)]
ядро хавфсизлиги соҳасидаги халқаро конвенцияларга қўшилиш ёки уларнинг қоидаларини Ўзбекистон Республикаси қонун ҳужжатларига имплементация қилиш, шунингдек атом энергиясидан тинчлик мақсадларида фойдаланиш соҳасида нормалар ва қоидаларни ишлаб чиқиш ва қабул қилиш;
[ОКОЗ:
1.09.00.00.00 Тадбиркорлик ва хўжалик фаолияти / 09.12.00.00 Қурилиш / 09.12.02.00 Қурилиш соҳасидаги бошқарув. Қурилиш соҳасидаги фаолиятни лицензиялаш. Рухсат бериш тартиб-таомиллари]
майдончани танлаш ва АЭСни жойлаштиришни лицензиялаш, АЭС ва унинг ташқи инфратузилма объектларини лойиҳалаштириш, қуриш ва фойдаланишга топшириш;
[ОКОЗ:
1.11.00.00.00 Атроф табиий муҳит ва табиий ресурслар / 11.01.00.00 Атроф табиий муҳитни муҳофаза қилиш бўйича умумий масалалар / 11.01.01.00 Асосий қоидалар]
атроф-муҳитни муҳофаза қилиш ва радиация ҳимояси, шу жумладан ишлатиб бўлинган ядро ёқилғисини олиб чиқиш ва сақлаш, шунингдек янги ва ишлатиб бўлинган ядро ёқилғиси билан ишлаш;
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш]
атом илм-фани ва технологияларини, шу жумладан иқтисодиёт ва ижтимоий соҳа тармоқлари, учун ноэнергетик ядро технологияларини, ядро тиббиёти ва радиокимёни ривожлантириш;
Концепцияда назарда тутилган тадбирларнинг амалга оширилишини мониторинг ва назорат қилиш.
3. Қуйидагиларга:
Ўзбекистон Республикаси Бош вазирининг тегишли ўринбосарлари зиммасига — «Йўл харитаси»да назарда тутилган чора-тадбирларни амалга ошириш бўйича вазирлик ва идоралар фаолиятини самарали ташкил этиш ҳамда мувофиқлаштириш, шунингдек унинг бажарилишини ҳар чоракда танқидий муҳокама қилишни ташкил этиш;
вазирлик ва идоралар раҳбарлари зиммасига — мустақил экспертларни (маслаҳатчиларни), шу жумладан хорижий экспертларни кенг жалб этган ҳолда «Йўл харитаси»да назарда тутилган тадбирларни ўз вақтида бажариш;
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш]
илмий-тадқиқот ва таълим муассасалари раҳбарлари зиммасига — «Йўл харитаси»да назарда тутилган тадбирлар доирасида фундаментал ва амалий фанни ривожлантиришни, шунингдек атом энергетикаси учун малакали кадрлар тайёрлашни таъминлаш юзасидан шахсий жавобгарлик белгилансин.
4. Энергетика вазирлиги, Саноат хавфсизлиги давлат қўмитаси, Фанлар академияси, Адлия вазирлиги бошқа манфаатдор идоралар билан биргаликда икки ой муддатда, аниқ муддатлар ва масъул ижрочиларни кўрсатган ҳолда, 2019 — 2021 йилларда қабул қилиниши керак бўлган ва Концепцияни амалга оширишга йўналтирилган биринчи навбатдаги норматив-ҳуқуқий ҳужжатларни ишлаб чиқиш ва тасдиқлаш режасини Ўзбекистон Республикаси Вазирлар Маҳкамасига киритсин.
5. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги оммавий ахборот воситаларида тасдиқланган Концепциянинг мақсад ва вазифаларини ёритиш бўйича мақолалар ҳамда мавзуга оид кўрсатувларни мунтазам ташкил этсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси энергетика вазири А.С. Султанов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 февраль,
ПҚ-4165-сон
Ўзбекистон Республикаси Президентининг 2019 йил 7 февралдаги ПҚ-4165-сон қарорига 1-ИЛОВА
[ОКОЗ:
1.02.00.00.00 Давлат бошқаруви асослари / 02.08.00.00 Иқтисодиёт, ижтимоий-маданий қурилиш соҳасидаги давлат бошқарувининг умумий масалалари / 02.08.01.00 Давлат дастурлари, концепциялар ва бошқалар]
2019 — 2029 йилларда Ўзбекистон Республикасида атом энергетикасини ривожлантириш
концепцияси
Жаҳон ҳамжамияти глобал энергетика эҳтиёжларини қаноатлантириш муаммосини ҳал этишни қайта тикланадиган энергия манбаларини (қуёш, шамол ва сув) ривожлантириш баробарида айни пайтда энергетика ишлаб чиқариш умумий ҳажмининг 11 фоизидан ошган атом энергетикасини ривожлантириш билан боғламоқда. Дунёнинг 5 давлати: Франция, Словакия, Украина, Венгрия ва Бельгияда атом энергияси электр энергияга бўлган эҳтиёжнинг 40 фоиздан ортиғини таъминламоқда.
Атом энергияси экологик тоза энергия ҳисобланади. Атом электр станцияларида (кейинги ўринларда — АЭС) электр ва иссиқлик энергияси олишда кўмир, мазут, газда ишловчи анъанавий кўринишдаги иссиқлик электр станцияларидан фарқли ўлароқ азот оксиди, олтингугурт, углерод, кул каби атроф-муҳитни ифлослантирувчи моддалар ҳосил бўлмайди.
Атом энергетикасини ривожлантиришнинг фойдасига хизмат қилувчи асосий иқтисодий омиллардан бири АЭСнинг, узайтириш имкони билан, 60 йилдан кам бўлмаган муддатни ташкил қилувчи бутун ишлаш даврида ишлаб чиқариладиган электр энергияси нархининг барқарорлигини кафолатлаш имконияти ҳисобланади.
Дунёнинг 31 давлатида атом энергиясидан фойдаланилмоқда ва уларда умумий қуввати қарийб 400 ГВт бўлган 450 дан ортиқ энергия блоклари фаолият кўрсатмоқда. Ҳозирги вақтда 60 та янги энергия блоклари бунёд этилмоқда ва улардан 39 таси Осиё минтақасига тўғри келади.
Республика иқтисодиётининг электр энергиясига ортиб бораётган эҳтиёжини қаноатлантириш мақсадида (2030 йилга бориб 117 миллиард кВт/соат) 2018 йил 7 сентябрь куни Москва шаҳрида Ўзбекистон Республикаси Ҳукумати ва Россия Федерацияси Ҳукумати ўртасида Ўзбекистон ҳудудида атом электр станциясини қуришда ҳамкорлик тўғрисида битим тузилди.
Мазкур Битимда Ўзбекистон Республикаси ҳудудида ҳар бирининг белгиланган қуввати 1,2 ГВт бўлган иккита энергия блокидан иборат, замонавий ва хавфсиз III+ авлод референт АЭС қуриш, шунингдек миллий ядро инфратузилмаси, хавфсизликни давлат томонидан тартибга солиш, атом энергетикаси учун кадрлар тайёрлаш тизимини яратиш, ядро ёқилғисини етказиб бериш, ишлатиб бўлинган ядро ёқилғисидан фойдаланиш масаласи юзасидан ҳамкорлик қилиш назарда тутилган.
1-боб. Асосий қоидалар
1. Ушбу 2019 — 2029 йилларда Ўзбекистон Республикасида атом энергетикасини ривожлантириш Концепцияси атом энергетикаси соҳасида миллий сиёсатнинг асосий принциплари, атом энергетикасини ривожлантиришнинг мақсадлари ва устувор йўналишлари ҳамда уларни амалга ошириш бўйича тадбирлар, атом энергетикасини ривожлантиришнинг асосий хавф-хатарларини, молиялаштиришнинг прогноз манбалари, асосий тадбирларни амалга ошириш мониторинги ва назорат қилиш механизмини белгилайди.
2. 2019 — 2029 йилларда Ўзбекистон Республикасида атом энергетикасини ривожлантириш Концепциясининг тузилмавий схемаси ушбу Концепцияга иловада келтирилган.
2-боб. Атом энергетикаси соҳасидаги миллий сиёсатнинг асосий принциплари
3. Қуйидагилар атом энергетикаси соҳасидаги миллий сиёсатнинг асосий принциплари ҳисобланади:
атом энергиясидан тинчлик мақсадларида фойдаланиш;
[ОКОЗ:
1.11.00.00.00 Атроф табиий муҳит ва табиий ресурслар / 11.01.00.00 Атроф табиий муҳитни муҳофаза қилиш бўйича умумий масалалар / 11.01.01.00 Асосий қоидалар]
одамлар ва атроф-муҳитни ионлаштирувчи нурланишнинг потенциал зарарли таъсиридан ҳимоя қилиш;
Атом энергияси бўйича халқаро агентликнинг (кейинги ўринларда — МАГАТЭ) хавфсизлик талабларига риоя этиш;
ядро қуролини тарқатмаслик режимини таъминлаш.
3-боб. Атом энергетикасини ривожлантиришнинг асосий мақсадлари ва устувор йўналишлари
4. Қуйидагилар 2019 — 2029 йилларда Ўзбекистон Республикасида атом энергетикасини ривожлантиришнинг асосий мақсадлари ҳисобланади:
[ОКОЗ:
1.09.00.00.00 Тадбиркорлик ва хўжалик фаолияти / 09.20.00.00 Энергетика / 09.20.01.00 Умумий қоидалар]
инфратузилмаси ривожланган миллий ядро энергетикасини ташкил қилиш, умумий қуввати 2,4 ГВт бўлган АЭСни қуриш ва ундан хавфсиз фойдаланишни бошлаш орқали 2030 йилда мамлакатни ишончли, хавфсиз, иқтисодий жиҳатдан самарали ва экологик тоза электр энергияси манбаи билан таъминлаш;
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш]
атом илм-фани, технологиялари, ноэнергетик ядро технологиялар, малакали миллий кадрларни тайёрлаш орқали атом энергиясидан хавфсиз фойдаланиш инфратузилмасини таъминлаш.
5. Асосий мақсадларга эришиш учун қуйидаги асосий устувор йўналишларни амалга оширишни таъминлаш зарур:
миллий ядро инфратузилмасини ривожлантириш, шу жумладан норматив-ҳуқуқий базани шакллантириш, Ўзбекистон Республикасининг глобал ядро хавфсизлиги тартиботида иштирок этиши, АЭСни эксплуатация қилувчи ташкилот фаолиятини таъминлаш, атом энергетикасини тартибга солувчи асосларни яратиш, ядро энергетика дастурининг жамоатчилик учун шаффоф ва очиқлигини таъминлаш, малакали кадрлар билан таъминлаш;
биринчи АЭСни қуриш, шу жумладан майдонни танлаш ва АЭСни лицензиялаш, АЭСни лойиҳалаштириш, қуриш ва фойдаланишга топшириш;
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг);
2.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.07.00 Радиация хавфсизлиги (шунингдек, 11.02.02.00 га қаранг)]
атом энергиясидан фойдаланишда атроф-муҳит муҳофазасини ва аҳолини радиациявий ҳимоя қилишни таъминлаш;
[ОКОЗ:
1.11.00.00.00 Атроф табиий муҳит ва табиий ресурслар / 11.03.00.00 Ердан фойдаланиш ва муҳофаза қилиш / 11.03.22.00 Токсик саноат чиқиндилари ва радиоактив моддалар билан ифлосланган қишлоқ хўжалик майдонлари ва ерларини консервация қилиш]
хавфсиз ва иқтисодий самарали ядро ёқилғи циклини ташкил этиш, шу жумладан атом энергетикасини ядро ёқилғиси билан узоқ муддатга таъминлаш, ишлатиб бўлинган ёқилғидан хавфсиз фойдаланиш учун шароитлар яратиш, уни қайта ишлаш ва чиқиндиларни утилизация қилишни ташкил этиш.
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш]
атом энергетикасини узоқ муддатли ривожлантиришни таъминлаш, шу жумладан АЭСни қуриш ва ундан фойдаланишни қўллаб-қувватлаш учун атом илм-фани ва технологияларини ривожлантириш, маҳаллий ташкилотлар томонидан лойиҳавий, конструкторлик, экологик ва бошқа билимлар ҳамда тажрибани ўрганиш, бўлажак АЭСларнинг референт технологияларини танлаш учун ядро технологияларининг ривожланиш йўналишларини ўрганиш.
4-боб. Атом энергетикасини ривожлантириш хавфларини баҳолаш
6. Атом энергетикасини ривожлантириш соҳасидаги мақсадларга эришиш қуйидаги асосий хавфларни бартараф этиш ёки камайтиришга боғлиқ:
а) макроиқтисодий хавфлар:
жаҳонда, шу жумладан Ўзбекистон Республикасининг ядро-энергетика дастурини молиялаштиришда иштирок этаётган мамлакатларда иқтисодий вазиятнинг ёмонлашуви;
Ўзбекистон Республикаси экспорт қиладиган асосий товарларга жаҳондаги нархларининг кескин ва узоқ муддатли пасайиши эҳтимоли билан боғлиқ ҳолда миллий иқтисодий вазиятнинг ёмонлашуви;
атом энергетикасини ривожлантириш лойиҳаларини, шу жумладан, миллий ядро инфратузилмасини ривожлантиришни Ўзбекистон Республикасининг Давлат бюджети маблағлари ҳисобидан молиялаштиришнинг зарур ҳажмлари етарлича баҳоланмаганлиги.
б) ижтимоий хавфлар:
атом энергетикасининг ижтимоий мақбуллиги борасида аҳоли билан ишлаш етарлича ташкил қилинмаганлиги сабабли ижтимоий таранглик юзага келиши оқибатида ядро-энергетика дастурини тугатиш ёки тўхтатиб туриш;
АЭС учун танланган майдонни алмаштириш зарурати юзага келган ҳолатда кўзда тутилмаган харажатлар;
в) операция хавфлари:
қидирув ишлари давомида янги, аввал кутилмаган ман этувчи ёки хавфли, шу жумладан, экологик ва сувни муҳофаза қилиш билан боғлиқ омилларнинг аниқланиши сабабли танланган майдонни ўзгартириш зарурати туфайли кўзда тутилмаган харажатлар;
қонунчиликнинг бартараф этиб бўлмайдиган чекловлари;
АЭСнинг референт объект сифатидаги оптимал қийматини таъминлайдиган қонунчилик ва норматив-ҳуқуқий ҳужжатлар тайёрлашнинг кечиктирилиши сабабли АЭСни қуриш қийматининг ошиши;
АЭСни эксплуатация қилувчи ташкилот ва тартибга солувчи орган етарли даражада ривожланмаганлиги ва кадрлар салоҳиятининг пастлиги сабабли лицензиялаш, лойиҳалаштириш ва қурилиш ишларининг кечикиши;
АЭСни эксплуатация қилувчи ташкилотнинг талаб этилган малакага эга эксплуатация ходимлари билан етарлича таъминланмаслиги сабабли АЭСни ишга туширишнинг кечикиши;
АЭС учун ускуналар етказиб бериш борасидаги жиддий қийинчиликлар;
г) сиёсий хавфлар:
пудратчилар, етказиб берувчилар, молия институтларига нисбатан халқаро санкциялар қўлланилиши.
7. Ядро-энергетика дастурини ривожлантириш хавфларини аниқлаш ва баҳолаш, шунингдек хавфларни бартараф этиш ва улар таъсирининг олдини олиш бўйича тадбирларни ишлаб чиқиш лойиҳа иштирокчиларининг муваффақиятли ишлаши учун муҳим омилдир.
5-боб. Молиялаштиришнинг прогноз манбалари
8. Қуввати 2,4 ГВт бўлган биринчи АЭС қурилишини Ўзбекистон Республикасининг ўз маблағлари ва Россия Федерациясининг давлат кредити ҳисобидан молиялаштириш.
9. АЭС ташқи инфратузилмаси объектларини қуришни Ўзбекистон Республикаси Давлат бюджети, Ўзбекистон Республикаси Вазирлар Маҳкамаси ҳузуридаги Атом энергияси агентлигининг Атом энергетикасини ривожлантириш жамғармаси (кейинги ўринларда — Атом энергетикасини ривожлантириш жамғармаси) маблағлари, инвесторлар маблағлари ва қонун ҳужжатларида тақиқламаган бошқа манбалар ҳисобидан молиялаштириш.
(9-банд Ўзбекистон Республикаси Президентининг 2024 йил 24 майдаги ПФ-79-сонли Фармони таҳририда — Қонунчилик маълумотлари миллий базаси, 25.05.2024 й., 06/24/79/0363-сон)
10. Миллий ядро инфратузилмасини ривожлантириш бўйича лойиҳаларни Атом энергетикасини ривожлантириш жамғармаси, Ўзбекистон Республикаси Давлат бюджети, қисман Россия Федерациясининг давлат кредити маблағларидан ва қонун ҳужжатларида тақиқланмаган бошқа манбалардан молиялаштириш.
11. Инсон ресурсларини ривожлантириш лойиҳаларини, шу жумладан, кадрлар тайёрлаш, малакали ходимларни танлаш ва сақлаб қолиш стратегиясини амалга оширишни Атом энергетикасини ривожлантириш жамғармаси маблағлари, хорижий ташкилотлар грантлари ва Россия Федерацияси томонидан бепул ёки ядро инфратузилмасини ривожлантириш лойиҳалари доирасида тақдим этиладиган ўқитиш хизматлари, Ўзбекистон Республикаси Давлат бюджети маблағлари ва қонун ҳужжатларида тақиқланмаган бошқа манбалар ҳисобидан молиялаштириш.
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш]
12. Илмий ва технологик салоҳиятни ривожлантириш лойиҳаларини Ўзбекистон Республикаси Давлат бюджети, Атом энергетикасини ривожлантириш жамғармаси маблағлари, хорижий ташкилотлар грантлари ва қонун ҳужжатларида тақиқланмаган бошқа манбалар ҳисобидан молиялаштириш.
6-боб. Атом энергетикасини ривожлантиришнинг асосий устувор йўналишларини амалга ошириш бўйича чора-тадбирлар
1-§. Миллий ядро инфратузилмасини ривожлантириш
13. Миллий ядро-энергетика дастурини муваффақиятли амалга ошириш учун Ўзбекистон Республикасида ядро инфратузилмасини қуйидаги асосий йўналишларда ривожлантириш назарда тутилади:
а) атом энергетикасини ривожлантиришнинг норматив-ҳуқуқий асосларини шакллантириш:
Ўзбекистон Республикасининг «Атом энергиясидан тинчлик мақсадларида фойдаланиш тўғрисида»ги Қонунини қабул қилиш;
LexUZ шарҳи
Қаранг: Ўзбекистон Республикасининг «Атом энергиясидан тинчлик мақсадларида фойдаланиш тўғрисида»ги Қонуни.
Ўзбекистон Республикасининг ядро хавфсизлиги соҳасидаги халқаро конвенцияларга қўшилиши ёки уларнинг қоидаларини Ўзбекистон Республикаси қонун ҳужжатларига имплементация қилиш;
референт АЭСдан четга чиқишлар билан боғлиқ чиқимларни камайтириш мақсадида ядро технологияларини етказиб берувчи мамлакатларнинг қонунчилиги айрим қоидаларини Ўзбекистон Республикаси қонунчилигига имплементация қилиш имкониятларини ўрганиш;
халқаро шартномаларга мувофиқ атом энергиясидан фойдаланиш соҳасида нормалар ва қоидалар қабул қилиш;
АЭСни лойиҳалаштириш, қуриш ва ундан фойдаланиш учун зарур бўлган стандартлар, идоравий нормалар, регламентлар, йўриқномалар, низомлар ва бошқа ҳужжатларни қабул қилиш (имплементация қилиш, мослаштириш, ишлаб чиқиш);
б) Ўзбекистон Республикасининг ядро хавфсизлиги глобал режимида иштирокини таъминлаш:
АЭСдан фойдаланишда Ўзбекистон Республикасининг ядро-энергетика дастури манфаатларига дахл қилиши мумкин бўлган қўшни давлатлар билан мулоқотни ташкил этиш;
манфаатдор мамлакатлар, нуфузли хорижий ва халқаро ташкилотлар билан ҳамкорликни амалга ошириш йўли билан хавфсизлик манфаатларида маслаҳатлашувларни таъминлаш;
хавфсизлик масалаларида маслаҳатлар олиш, эксплуатация қилишнинг халқаро тажрибасидан фойдаланиш мақсадида, шунингдек олинган сабоқларни ҳисобга олиш учун МАГАТЭ билан ҳамкорликни амалга ошириш;
МАГАТЭ нормаларига риоя қилинишини таъминлаш ва МАГАТЭ хавфсизлиги нормалари негизида хавфсизлик масалалари, хавфсизлик масаласи бўйича олинадиган хизматлар сифатини халқаро кўриб чиқилишида иштирок этиш;
АЭСни эксплуатация қилувчи ташкилотнинг Бутунжаҳон атом электростанциялари операторлари ассоциациясига (WANO) кириши юзасидан чоралар кўриш;
АЭС қурилиши ва уни эксплуатация қилиш тажрибасини Ўзбекистон Республикасида қўллаш учун тўлиқ даражада ўрганиш зарур бўлган халқаро тармоқ ҳамжамиятларида иштирок этиш;
в) АЭСни эксплуатация қилувчи ташкилот фаолиятини таъминлаш:
АЭСни эксплуатация қилувчи ташкилотни ташкил этиш ва ривожлантириш;
АЭСни эксплуатация қилувчи ташкилотнинг ядро хавфсизлиги, майдонларни ва барча пудратчиларни танлаш, лойиҳа ечимлари, қурилиш сифати, кейинчалик фойдаланиш, жавобгарликни молиявий таъминлаш ҳамда АЭСни қуриш ва эксплуатация қилишнинг бошқа муҳим жиҳатлари, шу жумладан, зарар учун жавобгарлигини белгилаш;
майдонга талаблар белгиланганидан бошлаб, АЭСни эксплуатация қилувчи ташкилотнинг АЭС қурилиши жараёнидаги иштироки;
г) Атом энергетикасини тартибга солиш асосларини яратиш;
хавфсизликни давлат томонидан тартибга солиш миллий органини узоқ муддатли ривожлантириш ва унга атом энергетикаси хавфсизлигини тартибга солиш соҳасида махсус ваколатлар бериш;
атом энергиясидан фойдаланишни тартибга солиш бўйича ядро технологияларини етказиб берувчи давлатнинг тартибга солувчи талаблари, МАГАТЭ нормалари, халқаро ва хорижий тартибга солувчи ташкилотлар тажрибасига асосланган норматив-ҳуқуқий базани ривожлантириш;
атом энергетикаси хавфсизлигини тартибга солиш соҳасида қонунчилик талаблари ва МАГАТЭ нормаларига риоя этиш;
хавфсизликни давлат томонидан тартибга солувчи органларнинг ўз мажбуриятларини лозим даражада бажариши учун етарли молиявий ресурслардан узоқ муддат фойдаланишини таъминлаш;
атом энергиясидан фойдаланиш ва хавфсизлик экспертизаси соҳасидаги фаолиятни лицензиялаш жараёнини такомиллаштириш;
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг);
2.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.07.00 Радиация хавфсизлиги (шунингдек, 11.02.02.00 га қаранг)]
радиация ва ядро хавфсизлиги соҳасида давлат назорати тизимини такомиллаштириш;
хавфсизликни давлат томонидан тартибга солувчи органлар учун кадрлар тайёрлаш ва уларнинг малакасини ошириш тизимини яратиш ҳамда ривожлантириш;
хавфсизликни давлат томонидан тартибга солувчи миллий органларнинг атом энергетикаси хавфсизлигини тартибга солишга масъул бўлган халқаро ва хорижий ташкилотлар билан кенг ҳамкорлигини таъминлаш;
шу жумладан, хорижий инвестицияларни жалб қилган ҳолда хавфсизликни давлат томонидан тартибга солувчи органларни эксперт қўллаб-қувватлаш бўйича миллий секторни ривожлантириш;
д) ядро-энергетика дастурининг жамоатчилик учун очиқлиги ва ошкоралигини таъминлаш:
Россия Федерациясининг кўмагида Тошкент шаҳрида ва АЭС қуриладиган майдон жойлашадиган ҳудудда атом соҳасида ахборот марказларини очиш;
оммавий ахборот воситалари вакилларининг ваколатларини ошириш;
Ўзбекистон Республикасида атом энергетикасини оммавийлаштириш соҳасида тизимли ишларни ташкил этиш ва мамлакат аҳолисини замонавий ядро-энергетика технологиялари, шунингдек уларнинг хавфсизлиги ва экологик софлиги тўғрисида хабардор қилиш;
атом энергетикасини ривожлантириш борасидаги қарорлар лойиҳаларини кўриб чиқиш бўйича жамоатчилик эшитувларини ташкил этиш;
ядро-энергетика технологиялари соҳасида халқаро конференциялар ва кўргазмалар ташкил қилиш ҳамда ўтказиш, шунингдек, халқаро экспертларни жалб этган ҳолда конференциялар, семинарлар, давра суҳбатлари ўтказиш;
атом энергетикаси ва ядро технологиялари соҳасида хорижий шериклар томонидан ўтказиладиган халқаро конференциялар, кўргазмалар, семинарларда иштирок этиш, ушбу майдонлардан аҳолига технологиялар хавфсизлиги тўғрисида маълумот етказиш учун ахборот манбаи сифатида фойдаланиш;
Ўзбекистон Республикаси Вазирлар Маҳкамаси ҳузуридаги Атом энергияси агентлиги қошидаги АЭСни эксплуатация қилувчи ташкилот (кейинги ўринларда — «Ўзатом») ва хавфсизликни давлат томонидан тартибга солувчи органда уларнинг ўз оммавий ахборот воситаларини ташкил қилиш;
(13-банд «д» кичик бандининг саккизинчи хатбошиси Ўзбекистон Республикаси Президентининг 2024 йил 24 майдаги ПФ-79-сонли Фармони таҳририда — Қонунчилик маълумотлари миллий базаси, 25.05.2024 й., 06/24/79/0363-сон)
атом соҳасидаги халқаро ва хорижий ташкилотлар томонидан ташкил этиладиган ҳамда атом энергетикаси соҳасида ошкораликка кўмаклашадиган халқаро маданий ва маърифий лойиҳаларда иштирок этиш;
е) малакали кадрлар билан таъминлаш:
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг);
2.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.07.00 Радиация хавфсизлиги (шунингдек, 11.02.02.00 га қаранг)]
ядро ва радиациявий хавфсизлик билан боғлиқ соҳаларда талаб этиладиган билимлар ва тажриба ҳамда зарур ходимлар сонини умумий аниқлаш;
ядро-энергетика дастурида иштирок этадиган барча ташкилотлар эҳтиёжларини қаноатлантириш учун етарли бўлган мутахассисларни жалб қилиш, ўқитиш ва сақлаш стратегиясини ишлаб чиқиш ҳамда тасдиқлаш;
АЭСни эксплуатация қилувчи ташкилот ходимларини контракт туридан қатъи назар, хавфсизликни таъминлаш мажбуриятларига мувофиқ конструкциялар, тизимлар ва элементлар сифатини текшириш қобилиятига, ўз даражасида лицензиялаш жараёнини бошқаришга тайёрлашни ташкил этиш;
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг);
2.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.07.00 Радиация хавфсизлиги (шунингдек, 11.02.02.00 га қаранг)]
АЭСни эксплуатация қилувчи ташкилотда АЭСни радиация хавфсизлиги бўйича фойдаланишга тайёрлаш билан боғлиқ эҳтиёжлар, шу жумладан ўқитиш ва билимларни текшириш учун эксперт ресурслар мавжуд бўлишини таъминлаш;
АЭС ва ядро инфратузилмаси учун ходимларни тайёрлаш, шу жумладан мутахассисларнинг хорижий давлатларда стажировкадан ўтиш дастурларини ишлаб чиқиш;
ўзбек талабаларини хорижий олий таълим муассасаларида ўқитиш, шунингдек ўзбекистонлик мутахассисларни атом энергетикаси ва турдош соҳаларда тайёрлаш, қайта тайёрлаш ҳамда уларнинг малакасини ошириш учун хорижий давлатларга юбориш;
«ММФИ» миллий тадқиқот ядро университетининг Тошкент шаҳридаги филиалида, Мирзо Улуғбек номидаги Ўзбекистон миллий университети, Ислом Каримов номидаги Тошкент давлат техника университети, Самарқанд давлат университети ва бошқа таълим муассасаларида атом энергетикаси соҳасида кадрлар тайёрлаш учун тегишли ўқув йўналишларини очиш;
республика атом соҳасини давлат томонидан тартибга солувчи орган ходимларини тайёрлаш.
2-§. Биринчи АЭСни қуришнинг асосий босқичлари
14. Қуйидагилар биринчи АЭСни қуришнинг асосий босқичлари ҳисобланади:
АЭСни жойлаштириш учун майдон танлаш ва лицензиялаш (2019-2020 йиллар).
АЭС ва унинг ташқи инфратузилма объектларини лойиҳалаштириш (2020 — 2022 йиллар).
АЭСни қуриш ҳамда ишга тушириш (2022 — 2030 йиллар).
3-§. Атроф-муҳит муҳофазаси ва радиация ҳимоясини таъминлаш
[ОКОЗ:
1.11.00.00.00 Атроф табиий муҳит ва табиий ресурслар / 11.02.00.00 Атроф табиий муҳитни муҳофаза қилиш ва экологик хавфсизликни таъминлаш / 11.02.02.00 Радиациявий хавфсизлик (шунингдек, 16.04.07.00га қаранг);
2.16.00.00.00 Хавфсизлик ва ҳуқуқ тартибот муҳофазаси / 16.04.00.00 Жамият хавфсизлиги / 16.04.07.00 Радиация хавфсизлиги (шунингдек, 11.02.02.00 га қаранг)]
15. Миллий ядро-энергетика дастурининг ривожлантирилиши муносабати билан атроф-муҳит муҳофазаси ва радиация ҳимояси соҳасидаги тадбирлар Ўзбекистон Республикаси қонун ҳужжатларига мувофиқ амалга оширилади.
LexUZ шарҳи
Қаранг: Ўзбекистон Республикасининг «Радиациявий хавфсизлик тўғрисида»ги Қонуни.
4-§. Хавфсиз ва иқтисодий жиҳатдан самарали бўлган ядро ёқилғиси циклини ташкил қилиш
16. Хавфсиз ва иқтисодий жиҳатдан самарали бўлган ядро ёқилғиси циклини ташкил қилиш қуйидаги босқичлардан иборат:
уран рудасини қазиб олиш ва қайта ишлаш;
ядро ёқилғиси ишлаб чиқариш учун мамлакатнинг уран қазиб олиш салоҳиятидан фойдаланиш;
янги ядро ёқилғисини харид қилиш;
ишлатиб бўлинган ядро ёқилғиси билан ишлаш;
ишлатиб бўлинган ядро ёқилғисини қайта ишлаш учун олиб чиқиш ёки қимматбаҳо энергетик материал сифатида узоқ вақт сақлашни ташкил этиш;
[ОКОЗ:
1.11.00.00.00 Атроф табиий муҳит ва табиий ресурслар / 11.03.00.00 Ердан фойдаланиш ва муҳофаза қилиш / 11.03.22.00 Токсик саноат чиқиндилари ва радиоактив моддалар билан ифлосланган қишлоқ хўжалик майдонлари ва ерларини консервация қилиш]
1.11.00.00.00 Атроф табиий муҳит ва табиий ресурслар / 11.03.00.00 Ердан фойдаланиш ва муҳофаза қилиш / 11.03.22.00 Токсик саноат чиқиндилари ва радиоактив моддалар билан ифлосланган қишлоқ хўжалик майдонлари ва ерларини консервация қилиш]
ядро ёқилғиси цикли чиқиндиларини бутунлай кўмиш.
5-§. Атом энергетикасини узоқ муддатли ривожлантиришни таъминлаш
17. Атом энергетикасини узоқ муддатли ривожлантиришни таъминлаш қуйидагиларни ўз ичига олади:
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш]
атом илм-фани ва ядро технологияларини ривожлантириш;
[ОКОЗ:
1.13.00.00.00 Таълим. Фан. Маданият / 13.02.00.00 Фан / 13.02.02.00 Фан ва фан-техника фаолияти соҳасини бошқариш]
АЭСдан фойдаланиш миллий секторини ривожлантириш, шу жумладан, хорижий ва миллий инвестицияларни жалб қилиш, илмий-техник ҳамкорлик ва эксперт хизматлари кўрсатиш соҳасида қўшма корхоналар ташкил этиш;
келажакдаги АЭСлар референт технологиясини танлаш учун ядро технологияларининг дунё миқёсидаги ривожланиш жараёнларини ўрганиш;
иқтисодиёт тармоқлари ва ижтимоий соҳа учун ноэнергетик ядро технологияларини ривожлантириш.
7-боб. Чора-тадбирлар амалга оширилишини мониторинг ва назорат қилиш
18. Концепцияда назарда тутилган тадбирлар амалга оширилишини мониторинг ва назорат қилиш уч даражали назорат тизимини ишлаб чиқиш ҳамда жорий этиш орқали таъминланади.
1-даража — «Ўзатом» агентлигининг Ўзбекистон Республикаси Вазирлар Маҳкамасига ҳар ҳафтада тезкор ҳисобот бериши;
2-даража — Ўзбекистон Республикаси Энергетика вазирлигининг Ўзбекистон Республикаси Бош вазирига ҳар ойда ҳисобот бериши;
3-даража — Ўзбекистон Республикаси Энергетика вазирлигининг Ўзбекистон Республикаси Президентига ядро-энергетика дастурини ривожлантиришнинг стратегик ва долзарб йўналишлари бўйича ҳар чоракда ҳисобот бериши.
2019 — 2029 йилларда Ўзбекистон Республикасида атом энергетикасини ривожлантириш концепциясига ИЛОВА
2019 — 2029 йилларда ўзбекистон атом энергетикасини ривожлантириш концепциясининг
ТУЗИЛМАВИЙ СХЕМАСИ
Ўзбекистон Республикаси Президентининг 2019 йил 7 февралдаги ПҚ-4165-сон қарорига 2-ИЛОВА
2019 — 2029 йилларда Ўзбекистон Республикасида атом энергетикасини ривожлантириш концепциясини амалга ошириш бўйича
«ЙЎЛ ХАРИТАСИ»
Т/р
Тадбирлар номи
Амалга ошириш шакли
Бажариш муддатлари
Масъул ижрочилар
I. Миллий ядро инфратузилмасини ривожлантириш
1.
Ўзбекистон Республикасининг ядро хавфсизлиги соҳасидаги қуйидаги халқаро конвенцияларга қўшилиши ёки уларнинг қоидаларини Ўзбекистон Республикаси қонун ҳужжатларига имплементация қилиш:
Ядровий зарар учун фуқаролик жавобгарлиги тўғрисидаги Вена конвенцияси;
Ядро аварияси тўғрисида тезкор хабар бериш тўғрисидаги конвенцияси;
Ядро хавфсизлиги тўғрисидаги конвенция;
Ядро авариялари ёки радиация авария ҳолатларида ёрдам кўрсатиш тўғрисидаги конвенция.
Тегишли норматив-ҳуқуқий ҳужжатларни тайёрлаш ва белгиланган тартибда киритиш
2019 йил ноябрь
2019 йил ноябрь
2020 йил март
2020 йил июль
Энергетика вазирлиги (Султанов), Саноат хавфсизлиги давлат қўмитаси (Гулямов),
Атом энергиясидан халқаро шартномаларга мувофиқ тинчлик мақсадида фойдаланиш соҳасидаги нормалар ва қоидаларни қабул қилиш.
Норматив-ҳуқуқий ҳужжатни қабул қилиш
2020 йил
март
Энергетика вазирлиги (Султанов), Адлия вазирлиги (Давлетов), Саноат хавфсизлиги давлат қўмитаси (Гулямов), ФВВ (Худайбергенов), Соғлиқни сақлаш вазирлиги (Шадманов), «Ўзстандарт» агентлиги (Саттаров), Давлат геология қўмитаси (Исламов), Давлат экология қўмитаси (Кучкаров)
3.
АЭСни лойиҳалаштириш, қуриш ва ундан фойдаланиш учун зарур бўлган стандартлар, идоравий нормалар, регламентлар, йўриқномалар, низомларни қабул қилиш (имплементация қилиш, мослаштириш, ишлаб чиқиш).
Ваколатли давлат органлари томонидан норматив ҳужжатларни қабул қилиш
Давлат геология қўмитаси (Исламов), Давлат экология қўмитаси (Кучкаров)
4.
АЭСдан фойдаланишда Ўзбекистон Республикасининг ядро-энергетика дастури манфаатларига дахл қилиш мумкин бўлган қўшни давлатлар билан мулоқотни йўлга қўйиш.
Энергетика вазирлиги (Султанов), Саноат хавфсизлиги давлат қўмитаси (Гулямов),
Фанлар академияси (Юлдашев)
5.
Манфаатдор давлатлар, нуфузли хорижий ва халқаро ташкилотлар билан ҳамкорлик қилиш орқали ядро объектларини эксплуатация қилиш хавфсизлиги манфаатлари йўлида маслаҳатлашувлар ўтказилишини таъминлаш.
Ядро объектлари хавфсизлигини кучайтириш бўйича норматив-ҳуқуқий базани такомиллаштириш юзасидан таклифлар тайёрлаш ва амалий чора-тадбирларни амалга ошириш
2019 — 2030 йиллар
Саноат хавфсизлиги давлат қўмитаси (Гулямов),
Энергетика вазирлиги (Мирзамахмудов),
Ташқи ишлар вазирлиги (Камилов), манфаатдор вазирлик ва идоралар
6.
АЭСни эксплуатация қилувчи ташкилотни ташкил қилиш ва ривожлантириш, шу жумладан унинг ташкилий тузилиши жиҳатидан тайёрлиги, малакали кадрлар билан тўлдирилиши, зарур нормативлар ва тартиб-таомилларнинг мавжудлиги, узоқ муддат молиявий барқарорлигини таъминлаш.
1. Норматив-ҳуқуқий ҳужжатни киритиш
2. Эксплуатация қилувчи ташкилот фаолиятини ташкил этиш
3. АЭСни эксплуатация қилувчи ташкилотни ривожлантириш
2019 йил февраль
2019 йил ноябрь
2021 — 2028 йиллар
Энергетика вазирлиги (Мирзамахмудов), Саноат хавфсизлиги давлат қўмитаси (Гулямов), Адлия вазирлиги (Истамов), манфаатдор вазирлик ва идоралар
7.
АЭСни эксплуатация қилувчи ташкилотнинг ядро хавфсизлиги, майдонлар ва пудратчиларни танлаш, лойиҳа ечимлари, қурилиш сифати, кейинчалик фойдаланиш, молиявий таъминлаш, АЭСни қуриш ҳамда ундан фойдаланишнинг бошқа муҳим жиҳатлари, шу жумладан зарар учун масъулиятини белгилаш.
Норматив-ҳуқуқий ҳужжатни киритиш
2019 йил июль
Энергетика вазирлиги (Мирзамахмудов), Саноат хавфсизлиги давлат қўмитаси (Гулямов), Адлия вазирлиги (Истамов), манфаатдор вазирлик ва идоралар
8.
Хавфсизликни давлат томонидан тартибга солиш миллий органини узоқ муддатли ривожлантириш ва унга атом энергетикаси хавфсизлигини тартибга солиш соҳасида махсус ваколатлар, шу жумладан хавфсизликни тартибга солувчи барча давлат органларнинг атом энергетикаси хавфсизлиги масалаларини мувофиқлаштириш функцияларини бериш.
Норматив-ҳуқуқий ҳужжатни киритиш
2019 йил июнь
Саноат хавфсизлиги давлат қўмитаси (Гулямов), Адлия вазирлиги (Истамов), манфаатдор вазирлик ва идоралар
9.
Хавфсизликни давлат томонидан тартибга солиш органлари ўз вазифаларини зарур тарзда бажариши учун етарлича молиявий ресурслардан узоқ муддат фойдаланилишини таъминлаш.
Саноат хавфсизлиги давлат қўмитасини сақлаш учун Ўзбекистон Республикаси Давлат бюджетидан зарур молиявий маблағлар ажратилишини таъминлаш
ҳар йили ноябрда
Молия вазирлиги (Хайдаров), Саноат хавфсизлиги давлат қўмитаси (Гулямов)
10.
Атом энергиясидан фойдаланиш ва хавфсизлик экспертизаси соҳасидаги фаолиятни лицензиялаш жараёнини такомиллаштириш.
Норматив-ҳуқуқий ҳужжатни киритиш
2019 йил июль
Саноат хавфсизлиги давлат қўмитаси (Гулямов), Адлия вазирлиги (Истамов), манфаатдор вазирлик ва идоралар
11.
Хавфсизликни давлат томонидан тартибга солувчи органлар учун кадрлар тайёрлаш ва уларнинг малакасини ошириш тизимини ташкил этиш ва ривожлантириш.
Кадрларни тайёрлаш ва уларнинг малакасини ошириш тизимини ташкил этиш ва ривожлантириш бўйича комплекс тадбирларни ишлаб чиқиш ва тасдиқлаш
2019 йил август
Саноат хавфсизлиги давлат қўмитаси (Гулямов), манфаатдор вазирлик ва идоралар
12.
Хавфсизликни давлат томонидан тартибга солувчи органларни, шу жумладан хорижий инвестицияларни жалб қилган ҳолда эксперт жиҳатдан қўллаб-қувватлаш бўйича миллий секторни ривожлантириш.
Эксперт жиҳатдан қўллаб-қувватлаш миллий секторини ривожлантириш бўйича таклифлар киритиш
2019 йил декабрь
Саноат хавфсизлиги давлат қўмитаси (Гулямов), Инвестициялар ва ташқи савдо вазирлиги (Бекенов), Энергетика вазирлиги (Мирзамахмудов), манфаатдор вазирлик ва идоралар
13.
Тошкент шаҳрида ва дастлабки АЭС қуриладиган майдон жойлашган ҳудудда Россия Федерацияси ёрдамида атом соҳасидаги ахборот марказларини очиш.
1. Тошкент шаҳрида ахборот марказини ташкил этиш
2. АЭС қуриладиган майдон ҳудудида ахборот марказини ташкил этиш
2019 йил август
2025 йил декабрь
Энергетика вазирлиги (Мирзамахмудов), Фанлар академияси (Юлдашев), Саноат хавфсизлиги давлат қўмитаси (Гулямов), манфаатдор вазирлик ва идоралар
14.
Ўқув семинарлари, хориждаги атом энергетикаси объектларига матбуот-турларини ташкил этиш орқали оммавий ахборот воситалари вакиллари, шу жумладан журналистлар ва жамоатчилик фикрини ўрганувчиларнинг билимини ошириш.
Ўқув семинарлар, хориждаги атом энергетикаси объектларига матбуот-турларини ташкил этиш
режага мувофиқ
Энергетика вазирлиги (Мирзамахмудов), манфаатдор вазирлик ва идоралар
15.
Ўзбекистон Республикасида атом энергетикасини оммалаштириш ва мамлакат аҳолисини замонавий ядро-энергетика технологиялари, уларнинг хавфсизлиги ва экологик тозалиги тўғрисида хабардор қилиш соҳасида тизимли ишларни ташкил этиш.
Телекўрсатувлар, матбуотда материаллар эълон қилишни ташкил этиш, илмий-оммабоп фильмлар яратиш ва уларни намойиш қилиш
режага мувофиқ
Энергетика вазирлиги (Мирзамахмудов), Ахборот ва оммавий коммуникациялар агентлиги (Алламжонов), МТРК (Хаджаев), Қорақалпоғистон Республикаси Вазирлар Кенгаши, вилоятлар, туманлар ва шаҳарлар ҳокимликлари
16.
Ядро ва радиациявий хавфсизлик билан боғлиқ соҳаларда талаб этиладиган билимлар ва тажриба ҳамда зарур ходимлар сони мажмуини аниқлаш.
Норматив-ҳуқуқий ҳужжатни киритиш
2019 йил ноябрь
Энергетика вазирлиги (Мирзамахмудов), Саноат хавфсизлиги давлат қўмитаси (Гулямов)
17.
Ядро-энергетика дастурида иштирок этадиган барча ташкилотлар эҳтиёжларини қаноатлантириш учун етарли бўлган мутахассисларни жалб қилиш, ўқитиш ва сақлаш стратегиясини ишлаб чиқиш ҳамда тасдиқлаш.
Норматив-ҳуқуқий ҳужжатни киритиш
2019 йил август
Энергетика вазирлиги (Мирзамахмудов), Саноат хавфсизлиги давлат қўмитаси (Гулямов)
18.
АЭС ва ядро инфратузилмаси учун ходимларни тайёрлаш дастурларини, шу жумладан мутахассисларни хорижий давлатларда стажировкадан ўтказиш дастурларини ишлаб чиқиш.
1. Мутахассисларни қабул қилишнинг мақсадли жадвалини тасдиқлаш.
2. Жадвал асосида ходимларни тайёрлаш дастурларини ва уларни стажировкадан ўтказиш режаларини ишлаб чиқиш ва қабул қилиш.
2019 йил сентябрь
ҳар йили 20 январга қадар
Энергетика вазирлиги (Мирзамахмудов)
II. Биринчи АЭСни қуришнинг асосий босқичлари
19.
АЭСни жойлаштириш учун майдонни танлаш ва лицензиялаш (2019-2020 йиллар).
1. Норматив-ҳуқуқий ҳужжатни киритиш
2. Атроф-муҳитга таъсирни баҳолаш, майдонни танлаш сифатини таъминлаш дастурлари ва хавфсизликни асослаш ҳисоботини
белгиланган тартибда тақдим этиш асосида АЭСни жойлаштиришга хавфсизликни давлат томонидан тартибга солувчи органнинг лицензиясини олиш
2019 йил октябрь
2020 йил ноябрь
Энергетика вазирлиги (Мирзамахмудов), Саноат хавфсизлиги давлат қўмитаси (Гулямов),
Давлат экология қўмитаси (Кучкаров), Қурилиш вазирлиги (Тўхтаев)
20.
АЭС ва унинг ташқи инфратузилма объектларини лойиҳалаштириш (2020 — 2022 йиллар).
Лойиҳанинг техник-иқтисодий асосланишини ишлаб чиқиш
2021 йил февраль
Энергетика вазирлиги (Мирзамахмудов), Саноат хавфсизлиги давлат қўмитаси (Гулямов),
Қурилиш вазирлиги (Тўхтаев), манфаатдор вазирлик ва идоралар
21.
АЭСни қуриш ва ишга тушириш (2022 — 2030 йиллар).
1. АЭС қурилишига Россия Федерациясининг кредитини жалб этиш тўғрисида Ҳукуматлараро битимни тайёрлаш.
3. АЭС қурилишига хавфсизликни давлат томонидан тартибга солувчи органининг лицензиясини олиш.
4. АЭС қурилиши
5. Давлат қабул комиссияси далолатномасини тасдиқлаш
2019 йил декабрь
2019 йил ноябрь
2021 йил декабрь
2022 йилдан бошлаб
энергия блоклари лойиҳа қувватига чиққандан кейин
Энергетика вазирлиги (Мирзамахмудов), Саноат хавфсизлиги давлат қўмитаси (Гулямов),
Иқтисодиёт ва саноат вазирлиги (Гулямов), Молия вазирлиги (Хайдаров), Инвестициялар ва ташқи савдо вазирлиги (Бекенов), Ташқи ишлар вазирлиги (Асадов),
Қурилиш вазирлиги (Тўхтаев), манфаатдор вазирлик ва идоралар
III. Атроф табиий муҳит муҳофазасини ва радиация ҳимоясини таъминлаш
22.
Миллий ядро-энергетика дастурининг ривожлантирилиши муносабати билан атроф-муҳит муҳофазаси ва радиация ҳимояси соҳасидаги тадбирларни Ўзбекистон Республикаси қонун ҳужжатларига мувофиқ амалга оширилади.
Миллий ядро-энергетика дастурини амалга ошириш давомида атроф-муҳит муҳофазаси ва радиация ҳимояси соҳасида давлат назоратини амалга ошириш
белгиланган тартибда
Давлат экология қўмитаси (Кучкаров), Соғлиқни сақлаш вазирлиги (Шадманов), ФВВ (Худайбергенов), Саноат хавфсизлиги давлат қўмитаси (Гулямов)
IV. Хавфсиз ва иқтисодий самарали ядро иссиқлиги циклини ташкил этиш
23.
Ишлатиб бўлинган ядро ёқилғисини қайта ишлаш учун чиқариш ёки ишлатиб бўлинган ядро ёқилғисини қимматбаҳо энергетик материал сифатида узоқ вақт сақлашни ташкил қилиш.
Радиоактив чиқиндилар, ишлатиб бўлинган ёқилғи билан боғлиқ ишларни амалга ошириш стратегияси ва АЭСни эксплуатациядан чиқариш бўйича норматив-ҳуқуқий ҳужжатни тайёрлаш ва киритиш
Ишлатиб бўлинган ядро ёқилғиси билан ишлашни тартибга солувчи нормалар ва қоидаларни, шунингдек хавфсизлик бўйича қўлланмаларни ишлаб чиқиш ва қабул қилиш
2020 — 2028 йиллар
Энергетика вазирлиги (Мирзамахмудов), Давлат экология қўмитаси (Кучкаров), Соғлиқни сақлаш вазирлиги (Шадманов), Саноат хавфсизлиги давлат қўмитаси (Гулямов), ФВВ (Худайбергенов), ИИВ (Бобожонов)
V. Атом энергетикасини узоқ муддатли ривожлантиришни таъминлаш
25.
Атом илм-фани ва ядро технологияларини ривожлантириш.
Атом илм-фани ва ядро технологияларини ривожлантириш дастурларини ишлаб чиқиш
ҳар йили
Фанлар академияси (Юлдашев), Олий ва ўрта махсус таълим вазирлиги (Маджидов), Энергетика вазирлиги (Мирзамахмудов)
26.
Иқтисодиёт ва ижтимоий соҳа тармоқлари учун ноэнергетик ядро технологияларини, шу жумладан материалшуносликни (ядро ва термоядро реакторлар, микроэлектроника, авиация ва космик техника учун янги материаллар олиш), ядро тиббиётини (ташхис қўйиш ва даволаш учун радиофарм препаратлар ишлаб чиқариш, нейтрон-тутувчи ва протон терапия, позитрон-эмиссион томографияни ривожлантириш), ядро таҳлили ва радиокимё ҳамда Республика учун аҳамиятли бўлиши мумкин бошқа йўналишларни ривожлантириш.
Иқтисодиёт тармоқлари ва ижтимоий соҳа учун ноэнергетик ядро технологияларини ривожлантириш бўйича комплекс чора-тадбирларни ишлаб чиқиш
Иқтисодиёт ва саноат вазирлиги (Гулямов), Молия вазирлиги (Хайдаров)
VI. Чора-тадбирларнинг амалга оширилишини мониторинг ва назорат қилиш
27.
Ўзбекистон Республикаси Энергетика вазирлиги ва «Ўзатом» агентлигининг Ўзбекистон Республикаси Вазирлар Маҳкамаси, Бош вазир ва Ўзбекистон Республикаси Президенти олдида ҳисобот беришини таъминлаш.
1. Концепция амалга оширилиши тўғрисида «Ўзатом» агентлиги томонидан Вазирлар Маҳкамасига тезкор ахборот киритиш.
2. Концепциянинг амалга оширилиши тўғрисида Ўзбекистон Республикаси Энергетика вазирлиги томонидан Ўзбекистон Республикаси Бош вазирига ҳисобот бериш.
3. Ядро-энергетика дастурини ривожлантиришнинг стратегик ва долзарб йўналишлари бўйича Ўзбекистон Республикаси Энергетика вазирлиги томонидан Ўзбекистон Республикаси Президентига ҳисобот бериш.
ҳар ҳафтада
кейинги ойнинг 5 санасигача
ҳар чоракда, кейинги ойнинг 10 санасигача
Энергетика вазирлиги (Султанов), «Ўзатом» агентлиги (Мирзамахмудов), Саноат хавфсизлиги давлат қўмитаси (Гулямов), манфаатдор вазирлик ва идоралар,
(Қонун ҳужжатлари маълумотлари миллий базаси, 08.02.2019 й., 07/19/4165/2592-сон; Қонунчилик маълумотлари миллий базаси, 25.05.2024 й., 06/24/79/0363-сон)
LexUZ шарҳи