Ҳужжат кучини йўқотган " " 07.04.2021
Ўзбекистон Республикаси Президентининг
Қарори
Ўзбекистон Республикаси Сув хўжалиги вазирлиги фаолиятини такомиллаштириш бўйича қўшимча чора-тадбирлар тўғрисида
 LexUZ шарҳи
Мазкур қарор Ўзбекистон Республикаси Президентининг 2021 йил 6 апрелдаги ПҚ-5055-сонли «Ўзбекистон Республикаси Сув хўжалиги вазирлиги фаолиятини янада такомиллаштириш чора-тадбирлари тўғрисида»ги қарорига асосан ўз кучини йўқотган.
Мамлакатимизда сув хўжалиги объектларининг ҳолатини яхшилаш, сувдан оқилона фойдаланиш, шунингдек, унинг ҳудудий таъминотига алоҳида эътибор қаратилмоқда.
Ҳозирги кунда мавжуд сув хўжалиги объектларининг миқдори, каналлар узунлиги ва сув ресурсларини тақсимлаш майдонлари сув ресурсларини оқилона бошқаришга алоҳида ёндашувни шакллантиришни талаб қилади.
Шу билан бирга, ҳозирда мавжуд вазият сув хўжалиги объектларининг техник ҳолати устидан тезкор назорат тизимини яратиш, уларни ўз вақтида реконструкция ва модернизация қилиш, шунингдек, мазкур соҳада лойиҳа ва қурилиш-монтаж ишларини яхшилаш бўйича чоралар қабул қилинишини тақозо этади.
Сув хўжалиги соҳасида давлат бошқаруви самарадорлигини ошириш, шунингдек, сув хўжалиги объектлари ҳолатини яхшилашда таъсирчан тизимни яратиш мақсадида:
1. Ўзбекистон Республикаси Фавқулодда вазиятлар вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси Ўзбекистон Республикаси Сув хўжалиги вазирлиги тизимига берилсин.
Белгилансинки, Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси мавжуд штат бирлиги ва моддий-техника базаси билан тўлиқ, амалдаги молиялаштириш тартиби, меҳнатга ҳақ тўлаш ва моддий рағбатлантириш тартиби сақланган ҳолда ўтказилади.
2. Ўзбекистон Республикаси Сув хўжалиги вазирлиги тузилмасида умумий штат бирлиги доирасида қуйидаги бошқармалар ташкил этилсин:
Аму-Сурхон ирригация тизимлари ҳавза бошқармаси ҳузуридаги «Сурхондарё» магистрал тизими;
Чирчиқ-Оҳангарон ирригация тизимлари ҳавза бошқармаси ҳузуридаги Тошкент магистрал канали;
Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармалари ҳузуридаги ирригация тизимлари.
3. Ўзбекистон Республикаси Сув хўжалиги вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Сув хўжалиги вазирлигини давлат номидан «ЎзГИП» МЧЖ иштирокчиси функцияларини амалга оширувчи орган қилиб белгилаш тўғрисидаги таклифи маъқуллансин.
4. Ўзбекистон Республикаси Президентининг айрим қарорларига иловага мувофиқ ўзгартириш ва қўшимчалар киритилсин.
5. Ўзбекистон Республикаси Сув хўжалиги вазирлиги бир ой муддатда:
Ўзбекистон Республикаси Сув хўжалиги вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси тўғрисидаги Низомнинг янгиланган лойиҳасини;
қонун ҳужжатларига мазкур қарордан келиб чиқадиган ўзгартириш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Бош прокурори О.Б. Муродов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 29 ноябрь,
ПҚ-4039-сон
Ўзбекистон Республикаси Президентининг 2018 йил 29 ноябрдаги ПҚ-4039-сон қарорига
ИЛОВА
Ўзбекистон Республикаси Президентининг айрим қарорларига киритиладиган
ўзгартириш ва қўшимчалар
Олдинги таҳрирга қаранг.
(1-банд Ўзбекистон Республикаси Президентининг 2021 йил 23 февралдаги ПФ-6176-сон Фармонига асосан ўз кучини йўқотган — Қонун ҳужжатлари маълумотлари миллий базаси, 24.02.2021 й., 06/21/6176/0156-сон)
2. Ўзбекистон Республикаси Президентининг 2018 йил 17 апрелдаги «Ўзбекистон Республикаси Сув хўжалиги вазирлиги фаолиятини ташкил этиш чора-тадбирлари тўғрисида»ги ПҚ-3672-сон қарорининг:
бешинчи хатбоши қуйидаги таҳрирда баён этилсин:
«туманлар ирригация бўлимлари, Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармалари ҳузуридаги насос станциялари ва энергетика бошқармалари, мелиоратив экспедициялар, ирригация тизим бошқармалари, магистрал каналлар (тизимлар) бошқармалари аппаратининг намунавий тузилмаси ҳамда бошқарув ходимларининг чекланган сони 5 — 5д иловаларга мувофиқ»;
қуйидаги мазмундаги еттинчи хатбоши билан тўлдирилсин:
«Ўзбекистон Республикаси Сув хўжалиги вазирлиги ҳузуридаги Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси тузилмаси 6а-иловага мувофиқ»;
еттинчи — тўққизинчи хатбошилар тегишлича саккизинчи — ўнинчи хатбошилар деб ҳисоблансин;
б) 1-илова матни қуйидаги таҳрирда баён этилсин:
«Ўзбекистон Республикаси Сув хўжалиги вазирлигининг
ТАШКИЛИЙ ТУЗИЛМАСИ
в) қуйидаги таҳрирдаги 5г ва 5д иловалари билан тўлдирилсин:
«Ўзбекистон Республикаси Президентининг 2018 йил 17 апрелдаги ПҚ-3672-сон қарорига
5г-ИЛОВА
Ирригация тизимлари ҳавза бошқармалари ҳузуридаги магистрал каналлар (тизимлар) бошқармаси аппаратининг
НАМУНАВИЙ ТУЗИЛМАСИ
Бошқарув ходимларининг умумий чекланган сони:
Аму-Сурхон ирригация тизимлари ҳавза бошқармаси ҳузуридаги «Сурхондарё» магистрал тизими бошқармаси — 10 бирлик;
Чирчиқ-Оҳангарон ирригация тизимлари ҳавза бошқармаси ҳузуридаги Тошкент магистрал канали бошқармаси — 6 бирлик.
Ўзбекистон Республикаси Президентининг 2018 йил 17 апрелдаги ПҚ-3672-сон қарорига
5д-ИЛОВА
Қорақалпоғистон Республикаси Сув хўжалиги вазирлиги ҳамда ирригация тизимлари ҳавза бошқармалари ҳузуридаги ирригация тизими бошқармалари аппаратининг
НАМУНАВИЙ ТУЗИЛМАСИ
Бошқарув ходимларининг умумий чекланган сони:
Қорақалпоғистон Республикаси Сув хўжалиги вазирлиги ҳузуридаги «Каттагар-Бўзатов» (6 бирлик), «Қуаришжарма» (8 бирлик), «Қизкеткен-Кегейли» (10 бирлик), «Пахтаарна-Найман» (11 бирлик), «Суенли» (14 бирлик) ва Орол бўйи дельта бошқармаси (4 бирлик) ирригация тизими бошқармалари;
Норин-Қорадарё ирригация тизимлари ҳавза бошқармаси ҳузуридаги «Андижонсой» (6 бирлик), «Қорадарё-Майлисой» (5 бирлик), «Савай-Оқбурасой» (5 бирлик), «Улуғнор-Мазгилсой»(7 бирлик), «Шаҳрихонсой» (7 бирлик) ирригация тизими бошқармалари;
Аму-Бухоро ирригация тизимлари ҳавза бошқармаси ҳузуридаги «Аму-Қоракўл» (9 бирлик), «Тошработ-Жилвон» (7 бирлик), «Хархур-Дуоба» (8 бирлик), «Шохруд-Дўстлик» (8 бирлик) ирригация тизими бошқармалари;
Сирдарё-Зарафшон ирригация тизимлари ҳавза бошқармаси ҳузуридаги «Зомин» (8 бирлик), «Туятортар-Қли» (5 бирлик), «Учтом» (6 бирлик) ирригация тизими бошқармалари;
Аму-Қашқадарё ирригация тизимлари ҳавза бошқармаси ҳузуридаги «Қарши магистрал канали» (18 бирлик), «Миришкор» (12 бирлик), «Оқсув» (9 бирлик), «Эски анҳор» (9 бирлик), «Яккабоғ-Ғузор» (8 бирлик) ирригация тизими бошқармалари;
Қуйи-Зарафшон ирригация тизимлари ҳавза бошқармаси ҳузуридаги «Кармана-Конимех» (6 бирлик), «Тошработ-Ўртачўл» (6 бирлик) ирригация тизими бошқармалари;
Норин-Сирдарё ирригация тизимлари ҳавза бошқармаси ҳузуридаги «Зардарё» (8 бирлик); «Норин-Ҳаққулобод» (6 бирлик), «Подшоота-Чодак» (8 бирлик) ирригация тизими бошқармалари;
Зарафшон ирригация тизимлари ҳавза бошқармаси ҳузуридаги «Оқ-Қорадарё» (9 бирлик), «Дарғом» (12 бирлик), «Мианкал-Тос» (5 бирлик), «Мирза-Пай» (10 бирлик), «Нарпай» (9 бирлик) ирригация тизими бошқармалари;
Аму-Сурхон ирригация тизимлари ҳавза бошқармаси ҳузуридаги «Аму-Занг» (12 бирлик), «Сурхон-Шеробод» (10 бирлик), «Тўпаланг-Қоратоғ» (12 бирлик) ирригация тизими бошқармалари;
Қуйи-Сирдарё ирригация тизимлари ҳавза бошқармаси ҳузуридаги «Боёвут» (15 бирлик), «Шўрўзак-Сирдарё» (12 бирлик) ирригация тизими бошқармалари;
Чирчиқ-Оҳангарон ирригация тизимлари ҳавза бошқармаси ҳузуридаги «Оҳангарон-Далварзин» (13 бирлик), «Бўзсув» (11 бирлик), «Паркент-Қорасув» (14 бирлик) ирригация тизими бошқармалари;
Сирдарё-Сўх ирригация тизимлари ҳавза бошқармаси ҳузуридаги «Исфайрам-Шоҳимардон» (10 бирлик), «Исфара-Сирдарё» (8 бирлик), «Норин-Фарғона» (10 бирлик), «Сўх-Оқтепа» (8 бирлик) ирригация тизими бошқармалари;
Чапқирғоқ Амударё ирригация тизимлари ҳавза бошқармаси ҳузуридаги «Қарамази-Қиличбай» (6 бирлик), «Полвон-Ғазоват» (9 бирлик), «Тошсақа» (9 бирлик), «Шовот-Қуловат» (11 бирлик) ирригация тизими бошқармалари»;
г) қуйидаги мазмундаги 6а-илова билан тўлдирилсин:
«Ўзбекистон Республикаси Президентининг 2018 йил 17 апрелдаги ПҚ-3672-сон қарорига
6а-ИЛОВА
Катта ва алоҳида муҳим сув хўжалиги объектларининг техник ҳолатини ҳамда бехатар ишлашини назорат қилиш давлат инспекцияси
ТУЗИЛМАСИ
Умумий чекланган сони — 51 бирлик, шундан бошқарув ходимлари сони — 24 бирлик».
(Қонун ҳужжатлари маълумотлари миллий базаси, 30.11.2018 й., 07/18/4039/2244-сон; 24.02.2021 й., 06/21/6176/0156-сон)