Ўзбекистон Республикаси Вазирлар Маҳкамасининг
қарори
Халқаро ҳунармандчилик фестивалини ўтказишнинг ташкилий чора-тадбирлари тўғрисида
Ўзбекистон Республикаси Президентининг «Халқаро ҳунармандчилик фестивалини ўтказиш тўғрисида» 2018 йил 1 ноябрдаги ПҚ-3991-сон қарори ижросини сифатли ва белгиланган муддатларда таъминлаш мақсадида Вазирлар Маҳкамаси қарор қилади:
1. Қуйидагилар:
Халқаро ҳунармандчилик фестивалини ўтказиш тартиби тўғрисидаги низом 1-иловага мувофиқ;
2019 йилда Халқаро ҳунармандчилик фестивалини ўтказиш бўйича «йўл харитаси» 2-иловага мувофиқ тасдиқлансин.
2. Халқаро ҳунармандчилик фестивалига тайёргарлик кўриш ва уни ўтказиш бўйича Ташкилий қўмита мазкур қарорнинг 2-иловасига мувофиқ тасдиқланган «йўл харитаси»да белгиланган чора-тадбирларнинг сифатли ва ўз муддатларида бажарилишини таъминласин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 27 ноябрь,
960-сон
Ўзбекистон Республикаси Вазирлар Маҳкамасининг 2018 йил 27 ноябрдаги 960-сон қарорига
1-ИЛОВА
Халқаро ҳунармандчилик фестивалини ўтказиш тартиби тўғрисида
низом
1-боб. Умумий қоидалар
1. Ушбу Низом Халқаро ҳунармандчилик фестивалини (кейинги ўринларда Фестиваль деб аталади) ўтказиш тартибини белгилайди.
2. Фестиваль қуйидагиларни назарда тутган ҳолда ўтказилади:
Шарқ ва Ғарбни туташтирган Буюк Ипак йўлини очиб берган, барча халқларни бозор иқтисодиётида азалдан муҳим ҳисобланган ҳунармандчиликни кенг тарғиб қилиш, ҳунармандчилик анъаналари ва мактабларини сақлаш, қайта тиклаш, бу соҳадаги илмий ўрганиш ва изланишларни ҳамкорликда амалга ошириш, ўзаро тажриба алмашиш ва маҳорат дарслари ташкил этиш, ушбу соҳадаги иқтидорли ҳунармандларни рағбатлантириш;
ҳунармандчилик тарихи, мактаби ва услублари ҳамда мамлакатларнинг ижтимоий-иқтисодий ривожланишидаги ўрнини мукаммал ўрганиш, қадимий ҳунармандчилик ва амалий санъатга оид қўлёзма ва сир-асрорларни тўплаш, ёш авлод қалбида ҳунармандчилик санъатига бўлган қизиқишларни шакллантириш;
ҳунармандчилик йўналишларини янада ривожлантириш, ҳунармандчиликнинг шарқ ва ғарб маданияти, иқтисодиётидаги ўрни ҳамда аҳамиятини янада ошириш, ўзбек халқи ҳамда бошқа халқларнинг ҳунармандчилик анъаналарини қамраб олиш, улар билан илмий, ижодий мулоқотлар ўтказиш ва ҳамкорлик қилиш.
3. Фестиваль 2019 йилдан бошлаб, ҳар икки йилда бир маротаба сентябрь ойида Фарғона вилоятининг Қўқон шаҳрида ўтказилади.
Фестивални ўтказишнинг аниқ санаси ва вақти Халқаро ҳунармандчилик фестивалига тайёргарлик кўриш ва уни ўтказиш бўйича ташкилий қўмита (кейинги ўринларда Ташкилий қўмита деб аталади) томонидан белгиланади.
4. Фестиваль Савдо-саноат палатаси, «Ҳунарманд» уюшмаси ва Фарғона вилоят ҳокимлиги томонидан (кейинги ўринларда ташкилотчилар деб аталади) ташкил этилади ва ўтказилади.
2-боб. Фестивални ўтказиш тартиби ва шартлари
5. Фестиваль доирасида қуйидаги тадбирлар ўтказилади:
«Ҳунармандчилик ва халқ амалий санъатини ривожлантириш истиқболлари» мавзусида илмий-амалий конференция (кейинги ўринларда илмий-амалий конференция деб аталади);
ҳунармандларнинг кўрик-танлови (кейинги ўринларда кўрик-танлов деб аталади);
хорижий ва маҳаллий ҳунарманд усталарнинг маҳорат дарслари;
сайиллар, мамлакатимизнинг замонавий ва креатив усулда саҳналаштирилган дастур намойишлари;
ҳунармандчилик тарихига оид кўргазма, турли тилларда нашр этилган илмий-тадқиқот асарлари ҳамда илмий-маърифий адабиётлар намойиши;
Фестиваль кўрик-танлови ғолиблари ва совриндорларини тақдирлаш маросими ва гала-концерт.
6. Давлат тили, инглиз ва рус тиллари Фестивалнинг ишчи тиллари ҳисобланади.
7. Фестивалга Ташкилий қўмита томонидан тасдиқланган ҳайъат аъзолари ва иштирокчи сифатида ҳар бир мамлакатдан 15 нафаргача ижодий делегация (12 нафаргача ҳунармандлар ва 3 нафаргача ташкилий гуруҳ аъзолари) таклиф этилади ва уларнинг яшаш, овқатланиш, Ўзбекистонга келиб-кетиш (учинчи давлат орқали учишлари ҳам), ички транспорт ва йўл харажатлари ушбу Низомнинг 11-бандида белгиланган манбалар ҳисобидан молиялаштирилади.
Фестивалда ўз ҳисобидан иштирок этиш истагини билдирган (ижодий делегациянинг 15 нафаргача аъзоларидан ташқари) ҳунармандчилик ва амалий санъат ижодкорлари, таниқли олимлар, мутахассислар ва фахрий меҳмонлар ташкилотчилар таклифлари асосида қатнашиши мумкин.
8. Илмий-амалий конференцияда иштирок этишни истаган мутахассислар илмий-амалий конференция ўтказиладиган санадан уч ой аввал Ташкилий қўмитага қуйидаги материалларни тақдим этадилар:
маълумотнома (резюме);
3 дона 6x9 ўлчамдаги рангли фотосурат;
илмий-амалий конференция иштирокчисининг ҳажми 4-5 бетдан ва 300 сўздан кам бўлмаган маърузаси матни (инглиз ёки рус тилларида).
9. Кўрик-танловда иштирок этишни истаган ҳунармандлар кўрик-танлов ўтказиладиган санадан уч ой аввал Ташкилий қўмитага қуйидаги материалларни тақдим этадилар:
маълумотнома (резюме);
3 дона 6x9 ўлчамдаги рангли фотосурат;
ҳунармандчилик соҳасида етарли тажрибага эга эканлиги, ўз давлатида ёки бошқа давлатларда ўтказилган соҳага оид танлов ва фестивалларда иштирок этганлиги тўғрисида тегишли соҳа ташкилотларининг тавсияномаси;
ўзи ишлаб чиқарган маҳсулотларнинг 10 донадан кам бўлмаган фотосуратлари ва уларни ишлаб чиқариш жараёнлари акс эттирилган видеолавҳалар.
10. Кўрик-танлов ва илмий-амалий конференцияда иштирок этувчиларнинг рўйхати Ташкилий қўмита томонидан аниқланиб, Фестиваль ўтказиладиган санадан бир ой аввал иштирокчиларга маълум қилинади.
11. Фестивални тайёрлаш ва ўтказиш билан боғлиқ харажатлар Ташкилий қўмита томонидан ишлаб чиқилган ва белгиланган тартибда тасдиқланган смета асосида қуйидаги тартибда:
50 фоизи — Ўзбекистон Республикаси Вазирлар Маҳкамасининг захира жамғармаси маблағлари ҳисобига;
Олдинги таҳрирга қаранг.
50 фоизи — Фарғона вилояти маҳаллий бюджетининг қўшимча манбалари, юридик ва жисмоний шахсларнинг ҳомийлик хайриялари ва қонунчиликда тақиқланмаган бошқа манбалар ҳисобига қопланади.
(11-банднинг учинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
3-боб. Халқаро ҳайъат фаолиятини ташкил этиш
12. Кўрик-танлов иштирокчиларининг маҳоратларини баҳолаш учун Ташкилий қўмита томонидан етти кишидан иборат таркибда халқаро ҳайъат тузилади.
Халқаро ҳайъат таркибига юқори малакали мутахассислар, таниқли санъат ва маданият арбоблари, олимлар, тадқиқотчилар, амалиётчилар, шунингдек, иштирокчи давлатлардан тегишли соҳалар намояндалари таклиф этилади.
Халқаро ҳайъат аъзолари Халқаро ҳайъат раисини сайлайди.
Халқаро Ҳайъат раисига ва ҳайъат аъзоларининг ҳар бирига — 2000 АҚШ доллари миқдорида гонорар пули тўланади.
13. Қуйидагилар кўрик-танлов иштирокчиларининг маҳоратларини баҳолашда асосий мезон ҳисобланади:
ҳунармандчилик маҳсулотларининг анъанавий миллий хусусиятлари;
ҳунармандчилик йўналишининг жозибаси ва таровати, ўзига хос услуб ва мактабга эгалиги;
ҳунармандчилик маҳсулотининг тарихий илдизга эгалиги ҳамда ўз аҳамиятини йўқотмаганлиги.
Халқаро ҳайъат томонидан кўрик-танлов иштирокчиларининг маҳсулотлари кўргазмаси ва маҳорат дарслари 5 та номинация («Энг яхши ҳунарманд», «Энг ёш ҳунарманд», «Энг яхши ҳунармандчилик мактаби устаси», «Қадимий сулола давомчиси» ва «Қадимий ҳунармандчилик турини тиклаган ҳунарманд») бўйича баҳоланади.
Кўрик-танлов иштирокчиларининг маҳоратларини баҳолаш мезонлари Савдо-саноат палатаси ва «Ҳунарманд» уюшмаси томонидан манфаатдор ташкилотлар билан ҳамкорликда ишлаб чиқилади ҳамда Ташкилий қўмита томонидан тасдиқланади.
4-боб. Мукофотлаш тартиби
14. Фестиваль доирасида ўтказиладиган кўрик-танлов ғолиблари Ташкилий қўмита томонидан диплом, ҳайкалча ва қуйидаги миқдорда пул мукофотлари билан тақдирланади:
«Энг яхши ҳунарманд» номинацияси бўйича — 15 000 АҚШ доллари;
«Энг ёш ҳунарманд» номинацияси бўйича — 10 000 АҚШ доллари;
«Энг яхши ҳунармандчилик мактаби устаси» номинацияси бўйича — 10 000 АҚШ доллари;
«Қадимий сулола давомчиси» — 5 000 АҚШ доллари;
«Қадимий ҳунармандчилик турини тиклаган ҳунарманд» — 5 000 АҚШ доллари.
15. Ташкилотчилар, ижодий уюшмалар, жамғармалар ва бошқа ташкилотлар ҳайъат аъзолари ва мухлислар эътирофига сазовор бўлган моҳир ҳунармандларни тақдирлаш учун мустақил равишда махсус мукофотлар таъсис этишлари мумкин.
Фестивалнинг ҳар бир иштирокчисига Халқаро ҳунармандчилик фестивали иштирокчиси сертификати берилади.
5-боб. Ташкилотчиларнинг ҳуқуқлари
16. Ташкилотчилар:
Фестивални ўтказиш ва унинг якуни давомида тайёрланган барча турдаги аудио, видео, босма ва бошқа маҳсулотларни ишлаб чиқариш ва тарқатиш;
Фестивалда иштирок этишни истаган жисмоний ва юридик шахслар томонидан Ташкилий қўмитага юбориладиган материаллардан реклама мақсадида фойдаланиш;
Фестивалга жаҳондаги етакчи продюсер, менежерларни ва соҳа мутахассисларини жалб этиш ҳуқуқига эга.
6-боб. Якунловчи қоидалар
17. Фестивалнинг хорижлик иштирокчиси ўз тиббий суғуртасига эга бўлиши лозим.
Олдинги таҳрирга қаранг.
18. Давлат молиявий назорати инспекцияси Фестивални ташкил этиш ва ўтказиш учун ажратиладиган бюджет маблағларининг мақсадли ишлатилишини ва тўғри тўланишини назорат қилади.
(18-банд Ўзбекистон Республикаси Вазирлар Маҳкамасининг 2025 йил 1 мартдаги 135-сонли қарори таҳририда — Қонунчилик маълумотлари миллий базаси, 03.03.2025 й., 09/25/135/0208-сон)
Ўзбекистон Республикаси Вазирлар Маҳкамасининг 2018 йил 27 ноябрдаги 960-сон қарорига
2-ИЛОВА
2019 йилда Халқаро ҳунармандчилик фестивалини ўтказиш бўйича
«ЙЎЛ ХАРИТАСИ»

Т/р

Чора-тадбирлар

Амалга ошириш механизми

Бажариш муддати

Ижро учун масъуллар

вазирлик ва идоралар

Вазирлар Маҳкамаси

I. Ташкилий масалалар

1.

2019 йилнинг 10 — 15 сентябрь кунлари Қўқон шаҳрида Халқаро ҳунармандчилик фестивалини ўтказиш бўйича Ташкилий қўмитанинг йиғилишини ўтказиш.

1. Ушбу чора-тадбирлар ижросини таъминлаш бўйича тегишли вазирлик ва идоралар, ҳокимликлар бўйича масъул ижрочиларни белгилаш, молиялаштириш манбаларини аниқлаш масалаларини муҳокама қилиш юзасидан Ташкилий қўмитанинг йиғилишини ўтказиш.

2. Фестиваль доирасида:

иштирокчиларни кутиб олувчи ва кузатувчи;

иштирокчиларни меҳмонхонага жойлаштирувчи ва транспорт билан таъминловчи;

иштирокчиларни овқатлантиришни ташкил этувчи;

тадбирларни оммавий-ахборот воситаларида ёритувчи;

маданий дам олишни ташкил этувчи;

таржимонлар ва волонтёрлар билан ишларни ташкил қилувчи гуруҳлар тузиш.

2018 йил
декабрь

Ташкилий қўмита аъзолари

А. Абдуҳакимов,
Ж. Қўчқоров,
А. Джурабаев,
Р. Гулямов

2018 йил

декабрь

Фарғона вилояти ҳокимлиги,

Савдо-саноат палатаси,

Туризмни ривожлантириш давлат қўмитаси

А. Абдуҳакимов,
Ж. Қўчқоров,
А. Джурабаев,
Р. Гулямов

2.

Фестиваль ўтказиладиган жойни тайёрлаш (Қўқон шаҳридаги Худоёрхон Ўрдаси атрофидаги боғ ҳудудидан камида 17 гектар).

1. Фестиваль ўтказиладиган жойни (шу жумладан бино-иншоотларни) белгилаш тўғрисида Фарғона вилояти ҳокимининг тегишли қарорини қабул қилиш.

Бунда Фестивалда иштирок этадиган маҳаллий (республиканинг 14 та ҳудуди бўйича ҳар бирига алоҳида) ҳамда хорижлик ҳунармандлар учун алоҳида павильонлар ташкил этишни, шунингдек, кўнгилочар тадбирлар, овқатланиш шохобчалари, автотураргоҳлар ва эко-ҳожатхоналар учун алоҳида жой ажратишни назарда тутиш.

2. Нуфузли ландшафт дизайнерларини жалб қилган ҳолда Фестиваль доирасида Қўқон шаҳрида ободонлаштириш ва кўкаламзорлаштириш ишларини амалга ошириш.

3. Фестиваль ўтказиладиган ҳудудда муҳандислик-коммуникация тармоқларини соз ҳолатга келтириш ва узлуксиз таъминотини таъминлаш, шу жумладан тунги ёритиш чироқлари устунларини тартибга келтириш.

2018 йил
декабрь

Фарғона вилоят ҳокимлиги

Фарғона вилояти ҳокимлиги

Фарғона вилояти ҳокимлиги,

Уй-жой коммунал хизмат кўрсатиш вазирлиги, «Ўзбекэнерго» АЖ, «Ўзтрансгаз» АЖ

А. Раматов,

М. Жуманиязов,

Р. Гулямов,

И. Махкамов,

Б. Сидиқов

2018-2019 йиллар


2018-2019 йиллар

3.

Фестиваль иштирокчиларини меҳмонхоналар билан таъминлаш.

1. Қўқон шаҳри ва унга чегарадош туман (шаҳар)ларда мавжуд меҳмонхоналардаги ўринлар сонини хатловдан ўтказиш.

2. Меҳмонхоналарда меҳмонларни қабул қилиш қуввати етарли бўлмаган (шаҳар, туман миқёсида жами 2500 ўриндан кам) тақдирда ташаббускорларни жалб қилган ҳолда Қўқон, Марғилон, Риштон, Фарғона шаҳарларида 8 — 50 ўринли янги меҳмонхоналар қурилишини таъминлаш, ушбу шаҳарларда камида 100 тадан меҳмон уйлари ташкил қилиш.

2018 йил декабрь

Фарғона вилояти ҳокимлиги,

вазирлик ва идоралар, ташаббускор тадбиркорлик субъектлари

А. Раматов,

М. Жуманиязов,

Р. Гулямов,

И. Махкамов,

Б. Сидиқов


2018-2019 йиллар

4.

Фестивалнинг рамзи (логотипи)ни тайёрлаш.

1. Фестивалнинг рамзи (логотипи) бўйича танлов эълон қилиш ва ҳакамлар ҳайъати рўйхатини тасдиқлаш.

2. Фестиваль брендбуки ва памфлетини ишлаб чиқиш.

2018 йил декабрь

Савдо-саноат палатаси, «Ҳунарманд» уюшмаси, Бадиий академия, Туризмни ривожлантириш давлат қўмитаси, Миллий телерадиокомпания, Ўзбекистон матбуот ва ахборат агентлиги

А. Абдухакимов,

К. Ризаев,

Р. Гулямов,

А. Джурабаев


2019 йил январь

5.

Фестиваль давомида Қўқон шаҳрида умумий овқатланиш хизматлари тўлақонли кўрсатилишини таъминлаш.

1. Қўқон шаҳридаги мавжуд умумий овқатланиш корхоналарининг меҳмонларни қамраб олиш имкониятларини ўрганиб чиқиш.

2. Замон талаблари асосида миллий услубдаги умумий овқатланиш хизматлари кўрсатишни таъминлаш, заруратга кўра, янги кафе ва ресторанлар ташкил қилиш чораларини кўриш.

2018 йил декабрь

Фарғона вилояти ҳокимлиги,

вазирлик ва идоралар, ташаббускор тадбиркорлик субъектлари

А. Раматов,

М. Жуманиязов,

Р. Гулямов,

И. Махкамов

2018-2019 йиллар

6.

Фестиваль давомида такси хизматларини узлуксиз таъминлаш.

1. Қўқон шаҳридаги барча такси хизмати кўрсатувчи корхоналар паркини хатловдан ўтказиш, уларнинг техник тайёргарлик ҳолатини ўрганиб чиқиш.

2. Заруратга кўра Фарғона вилоятининг бошқа ҳудудларидан Қўқон шаҳрига такси хизмати кўрсатувчиларни сафарбар қилиш.

3. Ташаббускорларнинг таклифига биноан уларга йўловчи ташиш транспортларини имтиёзли шартларда сотиб олишга (шу жумладан кредит, лизинг асосида олишга) кўмаклашиш.

2018-2019 йиллар

Фарғона вилояти ҳокимлиги, Ўзбекистон автомобиль транспорти агентлиги

А. Раматов,

М. Жуманиязов,

Р. Гулямов,

И. Махкамов

Фестиваль кунлари


белгиланган муддатларда

7.

Маҳаллий темир йўллар бекатлари ва аэропортларда меҳмонларни муносиб кутиб олиш ва кузатиш.

1. Хориждан ташриф буюрадиган Фестиваль иштирокчиларини маҳаллий темирйўл бекатлари ва аэропортларда кутиб олиш ва кузатиш бўйича махсус штаблар ташкил қилиш.

2. Меҳмонларни кутиб олиш жойларида Фестиваль тўғрисида маълумотномаларни ўрнатиш;

3. Фестиваль кунлари Тошкент, Фарғона шаҳарлари ва Қўқон ўртасида шатл поездлари катновини йўлга қўйиш.

4. Фестивалга мўлжалланган алоҳида янги туризм маршрутларини ишлаб чиқиш.

Фестиваль кунлари

Фарғона вилояти ҳокимлиги,
Савдо-саноат палатаси,

Ташқи ишлар вазирлиги,

Туризмни ривожлантириш давлат қўмитаси, «Ўзбекистон темир йўллари» АЖ, «Ўзбекистон ҳаво йўллари» МАК,

туристик ташкилотлар

А. Раматов,

И. Махкамов,
Р. Гулямов

8.

Фестиваль доирасида хавфсизликни таъминлаш, тез тиббий ёрдам кўрсатишни ташкиллаштириш ва фавқулодда вазиятларни олдини олиш чораларини кўриш.

Фестиваль иштирокчилари хавфсизлигини таъминлаш, жамоат тартибини саклаш, тез тиббий ёрдам кўрсатилишини ташкил этиш ва фавқулодда вазиятларни олдини олиш чораларини кўриш.

Фестиваль кунлари

Ички ишлар вазирлиги,

Соғлиқни сақлаш вазирлиги, Фавқулодда вазиятлар вазирлиги, Фарғона вилояти ҳокимлиги

А. Раматов,

К. Ризаев,

Х. Бердибаев,

Р. Гулямов

II. Маданий-маърифий тадбирлар

9.

Фестивални юқори савияда ёритиш мақсадида Фестиваль сайтини яратиш.

Фестиваль сайтини яратиш ва ОАВ сифатида расмий рўйхатдан ўтказган ҳолда унда уч тилдаги ахборотларни мунтазам ёритиб бориш.

Бунда, Фестивалда иштирок этишни истаган хорижий давлатлар ҳунармандларининг ушбу сайт орқали онлайн тарзда ариза топширишлари ва рўйхатдан ўтишлари учун имконият яратиш.

2018 йил декабрь

Ахборот технологиялари ва коммуникацияларини ривожлантириш вазирлиги, Фарғона вилояти ҳокимлиги, Савдо-саноат палатаси, «Ҳунарманд» уюшмаси

А. Абдухакимов,

С. Абдуллаев,

Р. Гулямов

10.

Фестиваль тўғрисида тарғибот-ташвиқот ишларини кучайтириш.

1. Фестивални тарғиб этувчи камида 3 та реклама ролигини тайёрлаш ва барча маҳаллий телеканалларда мунтазам намойиш қилиш.

2. Ўзбекистон Республикасининг хорижий давлатлардаги элчихоналари ва консуллик идораларини фестивални тарғиб қилувчи фото ва видеоматериаллар билан таъминлаш, шунингдек, чет эл ОАВлари орқали сайёҳларни ва ҳунармандларни фестивалда иштирок этишга ундовчи тарғибот материалларини намойиш этиш.

3. Хорижлик сайёҳларнинг экскурсия маршрутига ушбу фестивални киритиш.

2018-2019 йиллар

Савдо-саноат палатаси, «Ҳунарманд» уюшмаси,

Ташқи ишлар вазирлиги,

Туризмни ривожлантириш давлат қўмитаси

А. Абдухакимов,

Р. Гулямов,

Д. Каландаров,

М. Жуманиязов

11.

Фестивалда миллий ҳунармандчилик намуналарининг кенг тақдимотини ташкил қилиш учун шароитлар яратиш.

1. Ҳар бир ҳудуднинг ўзига хос миллий ҳунармандчилиги ва маданий ҳаётини акс эттирувчи ҳунармандлар шаҳарчалари макетини тайёрлаш.

2. Республиканинг ҳар бир (14 та) ҳудудидан камида 60 нафардан ҳунармандлар иштирокини таъминлаш.

3. Фестиваль учун ажратилган майдон ҳудудида рассомлар хиёбони ташкил этиш ва Фестиваль иштирокчиларига маҳорат дарсларини намойиш этиш.

4. Республиканинг барча туман (шаҳар)ларида фестиваль рекламасини ташкил этиш (биллборд, ЛЭД панеллар, транспорт воситаларида ва ерости ўтиш жойларида, йирик савдо марказларида).

Фестиваль кунлари

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Савдо-саноат палатаси, «Ҳунарманд» уюшмаси

А. Раматов,

А. Абдухакимов,

Р. Гу�ямов,

М. Жуманиязов

12.

Хорижлик меҳмонларни Ўзбекистоннинг маданий-маърифий ҳаёти билан таништириш.

1. Хорижлик Фестиваль иштирокчилари ва меҳмонларни шаҳарнинг тарихий обидалари ва диққатга сазовор жойлари билан яқиндан таништириш мақсадида экскурсия маршрутини ишлаб чиқиш ва шу маршрутга киритилган жойларни таъмирлаш ва тайёрлаш.

2. Халқимизнинг маданий ва тарихий ҳаёти, ҳунармандлар турмуш тарзини ўзида акс эттирувчи театрлаштирилган очилиш ва ёпилиш маросимлари ва концерт дастурлари сценарийсини тайёрлаш ҳамда сценарийларни ёзиш ва саҳналаштириш жараёнларига тажрибали режиссёрлар, ёзувчи ва шоирлар, театр намоёндалари, санъат ва маданият арбоблари жалб этилишини таъминлаш.

3. Ўзбекистон ҳунармандчилиги ва амалий санъатининг тарихи ва бугунини акс эттирувчи махсус ҳужжатли фильмни суратга олиш ва барча миллий телеканаллар орқали уч тилда намойиш этиш.

Фестиваль кунлари

Маданият вазирлиги, Фарғона вилояти ҳокимлиги,
Ташқи ишлар вазирлиги,

Туризмни ривожлантириш давлат қўмитаси

А. Абдухакимов,

А. Джурабаев,

М. Жуманиязов,

Р. Гулямов

13.

Фестиваль кунлари бепул WI-FI ҳудудларини ташкил этиш.

Фестиваль ўтказиладиган ҳудудда бепул WI-FI ташкил этиш.

Фестиваль кунлари

Ахборот технологиялари ва коммуникацияларини ривожлантириш вазирлиги, Фарғона вилояти ҳокимлиги

А. Абдухакимов,

С. Абдуллаев,

Р. Гулямов

III. Фестиваль тадбирларини молиялаштириш

14.

Фестивални ўтказиш харажатларини молиялаштириш.

1. Фестиваль харажатлари сметасини ишлаб чиқиш ва тасдиқлаш учун Ташкилий қўмитага киритиш.

2. Тасдиқланган смета асосида харажатлар учун маблағларни олдиндан тўлаш чораларини кўриш.

3. Белгиланган тартибда муайян тадбирларни молиялаштиришга давлат-хусусий шериклик шартларида ташаббускор тадбиркорлик субъектларини кенг жалб қилиш.

2018 йил декабрь

Молия вазирлиги, Савдо-саноат палатаси, «Ҳунарманд уюшмаси»,

Фарғона вилояти ҳокимлиги,

манфаатдор вазирлик ва идоралар

Ж. Қўчқоров,
Р. Гулямов
А. Джурабаев,

М. Жуманиязов


Фестивалга тайёргарлик кўриш давомида

(Қонун ҳужжатлари маълумотлари миллий базаси, 28.11.2018 й., 09/18/960/2236-сон; Қонунчилик маълумотлари миллий базаси, 05.04.2022 й., 09/22/153/0266-сон; 06.08.2022 й., 09/22/431/0716-сон; 03.03.2025 й., 09/25/135/0208-сон)