Ҳужжат кучини йўқотган " " 01.07.2021
Ўзбекистон Республикаси Вазирлар Маҳкамасининг
қарори
Вақтинчалик бир марталик иш билан таъминлаш бюроларини ташкил этиш тўғрисида
(қарор номи Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 1 июлдаги 410-сонли «Вақтинча, мавсумий ва бир марталик ишларда банд бўлган фуқароларнинг меҳнат фаолияти самарадорлигини ошириш чора-тадбирлари тўғрисида»ги қарорига асосан ўз кучини йўқотган.
Ўзбекистон Республикаси Президентининг 2000 йил 25 июлдаги Ф-1218-сон фармойиши билан ташкил этилган фуқароларнинг ёлланиб (кунбай) ишлаши тўғрисидаги масалани ўрганиш бўйича Республика комиссияси томонидан фуқаролар томонидан вақтинчалик бир марталик ишлар бажарилиши масалалари ўрганиб чиқилди.
Таҳлиллар вақтинчалик бир марталик ишларни бажарувчи кўпчилик шахслар, энг аввало ёшлар, ишга жойлашишда қийинчиликларга дуч келаётганлигини, зарур меҳнат кўникмалари, касблар ва малакага эга эмаслигини кўрсатди. Шу билан бирга фуқароларнинг муайян қисми вақтинчалик бир марталик ишларни бажариш баҳонаси билан ўз оилавий мажбуриятларини бажаришдан, ўз оилаларини моддий таъминлашдан бош тортишининг кўплаб ҳоллари мавжуд, улар паспорт тизими қоидаларини бузмоқдалар.
Жойлардаги ҳокимият ва бошқарув органлари томонидан кўрсатиб ўтилган ҳодисаларни туғдирувчи сабабларни ўрганиш бўйича ишлар жуда қониқарсиз олиб борилаётганлигини нормал ҳол деб ҳисоблаш мумкин эмас, кичик ва ўрта бизнесни, хизмат кўрсатиш соҳасини, касаначилик меҳнатини ҳамда аҳолини меҳнат фаолиятига жалб этишнинг бошқа шаклларини кенг ривожлантириш учун зарур шарт-шароитлар таъминланмаяпти.
Ишсизликнинг сабабларини ўрганиш ва уни бартараф этиш бўйича аниқ чора-тадбирларни амалга ошириш юзасидан Меҳнат ва аҳолини ижтимоий муҳофаза қилиш вазирлигининг ва унинг жойлардаги органларининг ишини қониқарли деб бўлмайди. Меҳнат, аҳолини иш билан таъминлаш ва ижтимоий муҳофаза қилиш маҳаллий органлари томонидан ўтказилаётган бўш иш ўринлари ярмаркалари зарур самара бермаяпти, уларда вақтинчалик бир марталик ишларни изловчи шахслар, шунингдек мулкчиликнинг барча шаклларидаги корхоналар ва ташкилотлар фаол қатнашмаяпти.
Иш билан машғул бўлмаган аҳоли билан ишлаш, фуқароларни ишга жойлаштириш учун зарур шарт-шароитлар яратиш юзасидан ички ишлар органлари, меҳнат, аҳолини иш билан таъминлаш ва ижтимоий муҳофаза қилиш органлари, фуқароларнинг ўзини ўзи бошқариш органларининг ўзаро ҳамкорлиги суст ташкил этилган.
Фуқаролар вақтинчалик бир марталик ишларга ёлланадиган ўз-ўзидан шаклланаётган жойларда зарур жамоат тартиби ва зарур ижтимоий-маиший шарт-шароитларнинг йўқлигига тоқат қилиб бўлмайди.
Вақтинчалик бир марталик ишларни бажарувчи фуқароларнинг меҳнат фаолиятини тартибга солиш, улар учун зарур ижтимоий-маиший шарт-шароитлар яратиш ва уларни ишга жойлаштиришга кўмаклашиш мақсадида Вазирлар Маҳкамаси қарор қилади:
1. Меҳнат ва аҳолини ижтимоий муҳофаза қилиш вазирлиги (Обидов), Ички ишлар вазирлиги (Алматов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига юқорида баён этилган салбий ҳолларни келтириб чиқарган сабабларни, шунингдек фуқароларни вақтинчалик бир марталик ишлар билан таъминлаш бозорини ташкил этишдаги жиддий камчиликларни бартараф этиш масъулияти юклансин.
2. Ўзбекистон Республикаси Бандлик ва меҳнат муносабатлари вазирлиги тузилмасида туман (шаҳар) Аҳоли бандлигига кўмаклашиш марказлари ҳузурида филиал шаклида Вақтинчалик бир марталик иш билан таъминлаш бюролари ташкил қилинсин.
(2-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
3. Қуйидагилар Вақтинчалик иш билан таъминлаш Бюроларнинг асосий вазифалари этиб белгилансин:
(3-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
вақтинчалик бир марталик ишларга ёлланишда фуқароларга кўмаклашиш;
вақтинчалик бир марталик ишларни бажарувчи фуқароларга янгидан ташкил этилган ва бўш иш жойларида ишга жойлашиш, касб-кор тайёргарлиги, ўз ишини ташкил этиш ва юритиш масалалари бўйича маслаҳат ва касбга йўллаш хизматлари кўрсатиш;
вақтинчалик бир марталик ишларни бажариш учун фуқароларни ёллашда иш берувчи хусусий шахсларга кўмаклашиш;
вақтинчалик бир марталик иш изловчи фуқароларни кенг хабардор қилиш учун хусусий иш берувчилар томонидан бериладиган иш турлари тўғрисидаги маълумотлар банкини шакллантириш;
вақтинчалик бир марталик ишга ёлланувчи фуқароларни вақтинчалик бир марталик ишларни бажаришда жамоат тартибига риоя қилиш, паспорт режими қоидалари, шунингдек меҳнат хавфсизлигининг асосий қоидалари тўғрисида хабардор қилиш;
манфаатдор иш берувчилар ва вақтинчалик бир марталик иш изловчи шахслар иштирокида бўш иш ўринлари ярмаркаларини мунтазам равишда ўтказиш;
вақтинчалик бир марталик иш изловчи фуқаролар учун зарур ижтимоий-маиший шарт-шароитлар яратиш, овқатланиш шохобчалари ташкил этиш;
жамоат тартибини сақлаш, вақтинчалик бир марталик ишларни бажарувчи фуқаролар томонидан қонун ҳужжатлари бузилишининг олдини олиш.
4. Қуйидагилар:
Вақтинчалик бир марталик иш билан таъминлаш Бюро тўғрисидаги Намунавий низом 1-иловага мувофиқ;
Вақтинчалик бир марталик иш билан таъминлаш Бюронинг намунавий ташкилий тузилмаси 2-иловага мувофиқ тасдиқлансин.
Белгилансинки:
Вақтинчалик бир марталик иш билан таъминлаш бюроси ҳузурида Вақтинчалик бир марталик иш билан таъминлаш бюроси ташкил этилаётган туман (шаҳар) Аҳоли бандлигига кўмаклашиш маркази директорининг расмий тавсияси асосида тегишли ҳудудий меҳнат органи раҳбари томонидан лавозимга тайинланадиган директор раҳбарлик қилади;
Вақтинчалик бир марталик иш билан таъминлаш бюроси ходимлари ва Вақтинчалик бир марталик иш билан таъминлаш бюросида доимий равишда бўладиган шаҳар (туман) ички ишлар бўлимининг масъул ходими меҳнатига ҳақ тўлаш тегишли равишда туман (шаҳар) Аҳоли бандлигига кўмаклашиш маркази ва ички ишлар бўлими томонидан амалга оширилади;
Бюроларни ташкил этиш ва сақлаб туриш, шу жумладан, Бюро ходимлари меҳнатига ҳақ тўлаш Ўзбекистон Республикаси Бандликка кўмаклашиш давлат жамғармаси маблағлари ҳисобидан амалга оширилади.
вақтинчалик бир марталик иш изловчи фуқароларга, шунингдек иш берувчи хусусий шахсларга хизматлар Бюро томонидан текин кўрсатилади.
Вақтинчалик бир марталик иш билан таъминлаш бюроси туман (шаҳар) Аҳоли бандлигига кўмаклашиш марказларининг Ўзбекистон Республикаси Бандлик ва меҳнат муносабатлари вазирлигининг қарори билан ўрнатиладиган ва уларни сақлаш харажатлари Бандликка кўмаклашиш давлат жамғармаси маблағлари ҳисобидан амалга ошириладиган қўшимча ходимлари ҳисобидан бутланади.
Ўзбекистон Республикаси Бандлик ва меҳнат муносабатлари вазирлиги, Ички ишлар вазирлиги Бюролар ходимлари ўз лавозим мажбуриятларини бажаришлари устидан қатъий назоратни таъминласинлар, уларнинг вақтинчалик бир марталик иш изловчи фуқароларга нисбатан ўз хизмат мавқеини суиистеъмол қилишларига йўл қўймасинлар.
(4-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
5. Ўзбекистон Республикаси Бандлик ва меҳнат муносабатлари вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
(5-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
фуқаролар вақтинчалик бир марталик ишларга ёлланадиган жойларни ҳисобга олган ҳолда икки ҳафта муддатда Марказларнинг жойлаштирилишини белгиласинлар ва бир ой муддатда ушбу Марказларни ташкил этсинлар;
Вақтинчалик бир марталик иш билан таъминлаш бюролари ҳузурида овқатланиш шохобчалари ташкил этилишини ва иш изловчи фуқаролар учун бошқа зарур ижтимоий-маиший шарт-шароитлар яратилишини таъминласинлар;
(5-банднинг учинчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
Олдинги таҳрирга қаранг.
Ўзбекистон Республикаси Иқтисодиёт вазирлиги, Давлат мулки қўмитаси билан биргаликда аҳолининг, биринчи навбатда касб тайёргарлигига эга бўлмаган ёшларнинг, аёлларнинг ва суднинг ҳукми билан жазони ўтаган шахсларнинг иш билан таъминланиши даражасини ошириш юзасидан дастурий мақсадли чора-тадбирларни ишлаб чиқсинлар ва амалга оширсинлар. Ушбу дастурларда кичик ва ўрта бизнесни, хусусий тадбиркорликни, касаначилик меҳнатини ривожлантириш, маиший хизматлар соҳасини кенгайтириш йўли билан фуқароларни доимий яшаш жойларида ишга жойлаштириш назарда тутилсин;
(5-банднинг тўртинчи хатбоши Ўзбекистон Республикаси Вазирлар Маҳкамасининг 2003 йил 28 февралдаги 112-сонли қарори таҳририда— ЎР ҚҲТ, 2003 й., 4-сон, 42-модда)
ички ишлар органлари, фуқароларнинг ўзини ўзи бошқариш органлари билан биргаликда вақтинчалик бир марталик ишларни бажариш учун доимий яшаш жойидан ташқарига мунтазам равишда кетиб қолаётган, оилани моддий таъминлашга оид мажбуриятларини бажаришдан бош тортиб юрган, жамоатга зид турмуш тарзи олиб бораётган шахсларни улар доимий яшайдиган жойларда иш билан таъминлаш мақсадида мониторинг олиб борсинлар.
6. Ўзбекистон Почта ва телекоммуникациялар агентлиги Ўзбекистон Республикаси Меҳнат ва аҳолини ижтимоий муҳофаза қилиш вазирлигининг буюртмалари бўйича Вақтинчалик бир марталик иш билан таъминлаш марказларини зарур телефон алоқаси билан жиҳозласин.
7. Ўзбекистон Республикаси Молия вазирлиги, Давлат солиқ қўмитаси, башарти вақтинчалик бир марталик ишлар Вақтинчалик бир марталик иш билан таъминлаш марказлари орқали бажарилса, бундай ишлардан олинган фуқароларнинг даромадларини солиқ солишдан озод қилишни назарда тутувчи амалдаги қонун ҳужжатларига ўзгартириш ва қўшимчалар киритиш тўғрисидаги таклифларни ўн кун муддатда ишлаб чиқсинлар ва Вазирлар Маҳкамасига киритсинлар.
8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Президентининг Давлат маслаҳатчиси Т.А. Худойберганов зиммасига юклансин.
Вазирлар Маҳкамасининг Раиси И. КАРИМОВ
Тошкент ш.,
2001 йил 18 май,
223-сон
Вазирлар Маҳкамасининг
2001 йил 18 майдаги 223-сон қарорига
1-ИЛОВА
Вақтинчалик бир марталик иш билан таъминлаш бюро тўғрисида
НАМУНАВИЙ НИЗОМ
(илова номи Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
1. Мазкур Низом Вақтинчалик бир марталик иш билан таъминлаш бюронинг вазифалари, функциялари ва фаолияти тартибини белгилаб беради.
(1-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
2. Вақтинчалик бир марталик иш билан таъминлаш бюроси Ўзбекистон Республикаси Бандлик ва меҳнат муносабатлари вазирлиги тузилмасида туман (шаҳар) Аҳоли бандлигига кўмаклашиш маркази ҳузурида фуқароларнинг вақтинчалик бир марталик меҳнат фаолиятини тартибга солиш мақсадида ташкил этилади.
(2-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
3. Бюро юридик шахс ҳуқуқлари билан ташкил этилади ва ўз фаолиятини амалдаги қонун ҳужжатларига мувофиқ амалга оширади.
(3-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
Бюроларни жойлаштириш вақтинчалик бир марталик ишларга ёллашнинг шаклланган жойлари ҳисобга олинган ҳолда Ўзбекистон Республикаси Бандлик ва меҳнат муносабатлари вазирлиги томонидан Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда белгиланади.
(3-банднинг иккинчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
4. Қуйидагилар Бюронинг асосий вазифалари ва фаолияти йўналишлари ҳисобланади:
(4-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
вақтинчалик бир марталик ишга ёлланишда фуқароларга кўмаклашиш;
вақтинчалик бир марталик ишларни бажарувчи фуқароларга янгидан ташкил этилган ва бўш иш жойларида ишга жойлашиш, касб-кор тайёргарлиги, ўз ишини ташкил этиш ва юритиш масалалари бўйича маслаҳат ва касбга йўллаш хизматлари кўрсатиш;
вақтинчалик бир марталик ишларни бажариш учун фуқароларни ёллашда иш берувчи хусусий шахсларга кўмаклашиш;
вақтинчалик бир марталик иш изловчи фуқароларни кенг хабардор қилиш учун хусусий иш берувчилар томонидан бериладиган иш турлари тўғрисидаги маълумотлар банкини шакллантириш;
вақтинчалик бир марталик ишга ёлланувчи фуқароларни вақтинчалик бир марталик ишларни бажаришда жамоат тартибига риоя қилиш, паспорт режими қоидалари, шунингдек меҳнат хавфсизлигининг асосий қоидалари тўғрисида хабардор қилиш;
манфаатдор иш берувчилар ва вақтинчалик бир марталик иш изловчи шахслар иштирокида бўш иш ўринлари ярмаркаларини мунтазам равишда ўтказиш;
Бюрода вақтинчалик бир марталик иш изловчи фуқаролар учун зарур ижтимоий-маиший шарт-шароитлар яратиш, овқатланиш шохобчалари ташкил этиш;
(4-банднинг саккизинчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
жамоат тартибини сақлаш, вақтинчалик бир марталик ишларни бажарувчи фуқаролар томонидан қонун ҳужжатлари бузилишининг олдини олиш.
5. Бюронинг иш вақти ва тартиби туман (шаҳар) Аҳоли бандлигига кўмаклашиш марказининг таклифлари бўйича шаҳар, туман ҳокимлиги томонидан мазкур жойда фуқаролар томонидан вақтинчалик бир марталик ишларнинг бажарилиши борасида юзага келган хусусиятлар эътиборга олинган ҳолда белгиланади. Қоидага кўра, Бюронинг иш вақти соат 6.00 да бошланади, ишни тугатиш вақти соат 16.00. Бюро дам олиш кунларисиз ишлайди.
Заруратга қараб, туман (шаҳар) Аҳоли бандлигига кўмаклашиш марказининг таклифига кўра туман (шаҳар) ҳокимлиги Бюронинг бошқача иш тартиби ва вақтини белгилаши мумкин.
(5-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
6. Вақтинчалик бир марталик иш билан таъминлаш бюроси ходимлари меҳнатига ҳақ тўлаш туман (шаҳар) Аҳоли бандлигига кўмаклашиш маркази томонидан амалга оширилади.
(6-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
7. Марказда ички ишлар органларининг бир нафар ходими доимий равишда ишлайди.
Марказнинг қўшимча ходимларига сарфланадиган харажатлар Бандликка кўмаклашиш давлат жамғармасининг маблағлари ҳисобига амалга оширилади.
Марказда доимий бўлувчи шаҳар (туман) ички ишлар бўлими ходимининг меҳнатига тегишли шаҳар (туман) ички ишлар бўлими томонидан ҳақ тўланади.
(7-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
8. Бюронинг штатдаги ходимлари:
(8-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
фуқароларга хусусий иш берувчилар ва юридик шахсларнинг вақтинчалик бир марталик ишларнинг муайян турларини бажаришга доир мавжуд буюртманомалари тўғрисида маълумотлар беришга;
хусусий иш берувчилар ва юридик шахсларнинг вақтинчалик бир марталик ишларни бажаришга доир буюртманомаларини қабул қилиш ва рўйхатдан ўтказишга;
вақтинчалик бир марталик ишларнинг аниқ турларига бўлган эҳтиёж тўғрисида маълумотлар банкини шакллантириш ва мунтазам равишда янгилаб туришга;
вақтинчалик бир марталик ишларни бажаришга ёлланишда, шунингдек янгидан ташкил этилаётган ва бўш иш ўринларига доимий асосда ишга киришда фуқароларга кўмаклашишга;
меҳнат тўғрисидаги қонунлар, касб-ҳунарга ўқитиш ва қайта ўқитиш, ўз ишини йўлга қўйишни ташкил этиш масалалари бўйича фуқароларга маслаҳат хизматлари кўрсатишга;
зарурат бўлганда аниқ масалаларни ҳал этиш учун меҳнат органларининг бошқа мутахассисларини жалб этишга ёки юзага келаётган масалаларни ҳал этишда ёрдам олиш учун фуқароларни тегишли маҳаллий органларга йўллашга;
(8-банднинг еттинчи хатбошиси Ўзбекистон Республикаси Вазирлар Маҳкамасининг 2017 йил 13 мартдаги 130-сон қарори таҳририда — ЎР ҚҲТ, 2017 й., 15-сон, 249-модда)
фуқароларни вақтинчалик бир марталик ишларни бажаришнинг асосий қоидалари билан таништиришга;
Бюро томонидан бўш иш ўринлари ярмаркаси мунтазам ўтказилишида бевосита иштирок этишга;
(8-банднинг тўққизинчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
юридик шахслар фуқароларни вақтинчалик бир марталик ишларга ёллаш масалалари юзасидан Марказга мурожаат қилган ҳолларда қонун ҳужжатларида белгиланган тартибда меҳнат шартномалари расмийлаштирилишида кўмаклашишга мажбурдирлар.
9. Бюрода доимий равишда бўлувчи ички ишлар органларининг ходими:
(9-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
вақтинчалик бир марталик ишларни бажараётган фуқаролар томонидан жамоат тартибига, паспорт режимига риоя этилишини таъминлашга;
вақтинчалик бир марталик иш қидираётган фуқаролар томонидан ҳуқуқни бузишларнинг олдини олиш юзасидан профилактика чора-тадбирларини ўтказишга мажбурдир.
10. Бюро орқали вақтинчалик бир марталик ишларга ёлланаётган фуқаролар Бюрода:
вақтинчалик бир марталик ишларга доир таклифлар ва туман (шаҳар) корхоналаридаги мавжуд бўш иш ўринлари тўғрисидаги маълумотларни;
Бюро ходимларининг меҳнат ва иш билан таъминлаш тўғрисида амалдаги қонун нормалари, шунингдек айрим иш турлари бўйича хавфсиз иш усуллари тўғрисидаги маслаҳатни;
юридик шахслар фуқароларни вақтинчалик бир марталик ишларга ёллаш масалалари юзасидан Бюрога мурожаат қилган ҳолларда меҳнат шартномаларини расмийлаштиришда кўмакни текин олиш ҳуқуқига эгадирлар.
(10-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
11. Вақтинчалик бир марталик иш изловчи фуқароларга ушбу Низомга 1-иловага мувофиқ шакл бўйича вақтинчалик бир марталик иш билан шуғулланиш ҳуқуқини берувчи гувоҳнома берилади.
Вақтинчалик бир марталик иш билан шуғулланиш ҳуқуқини берувчи гувоҳнома олишга ариза беришда фуқаролар вақтинча турган жойи ёки доимий яшаш жойи бўйича рўйхатга олинган бўлишлари, қонун ҳужжатларида белгиланган паспорт режимига ва жамоат тартибига риоя этишлари шарт.
(11-банднинг иккинчи хатбошиси Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
111. Бошқа минтақалардан келган фуқаролар учун вақтинчалик бир марталик иш билан шуғулланиш ҳуқуқини берувчи гувоҳнома Қорақалпоғистон Республикаси ва вилоятларда вақтинчалик рўйхатдан ўтиш муддатига, шунингдек Тошкент шаҳри ва Тошкент вилоятида вақтинча ҳисобга олиш муддатига берилади. Бунда вақтинчалик бир марталик иш билан шуғулланиш ҳуқуқини берувчи гувоҳнома муддати олти ойдан ортиқ бўлиши мумкин эмас.
112. Вақтинчалик бир марталик иш билан шуғулланиш ҳуқуқини берувчи гувоҳнома олиш учун фуқаро томонидан Вақтинчалик бир марталик иш билан таъминлаш бюрога:
(112-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
а) ариза;
Олдинги таҳрирга қаранг.
(112-банднинг «б» кичик банди Ўзбекистон Республикаси Вазирлар Маҳкамасининг 2021 йил 29 июндаги 402-сонли қарорига асосан чиқарилган — Қонунчилик маълумотлари миллий базаси, 30.06.2021 й., 09/21/402/0618-сон)
в) 3 x 4 см ўлчамли тўртта фотосурат;
Олдинги таҳрирга қаранг.
(112-банднинг «г» кичик банди Ўзбекистон Республикаси Вазирлар Маҳкамасининг 2021 йил 29 июндаги 402-сонли қарорига асосан чиқарилган — Қонунчилик маълумотлари миллий базаси, 30.06.2021 й., 09/21/402/0618-сон)
113. Вақтинчалик бир марталик иш билан шуғулланиш ҳуқуқини берувчи гувоҳнома ушбу Низомнинг 112-бандида назарда тутилган барча ҳужжатлар тақдим этилгандан кейин икки иш куни мобайнида берилади.
(111 — 113-бандлар Ўзбекистон Республикаси Вазирлар Маҳкамасининг 2016 йил 26 февралдаги 54-сонли қарорига асосан киритилган — ЎР ҚҲТ, 2016 й., 9-сон, 88-модда)
12. Фуқароларни вақтинчалик бир марталик ишларни бажаришга ёллаётган иш берувчилар:
ёлланган фуқароларга хавфсиз меҳнат шароитини яратиб беришга;
фуқаролар томонидан бажарилган ишлар учун иш ҳақини оғзаки келишувга мувофиқ тўлиқ ҳажмда ва ўз вақтида тўлашга;
фуқаролар вақтинчалик бир марталик ишни бажараётган вақтида уларга зарур ижтимоий-маиший шарт-шароитларни таъминлашга;
ёлланган ходим томонидан амалдаги қонун ҳужжатлари талаблари бузилиши ва ходим вақтинчалик бир марталик ишларни бажараётган вақтида у билан юз берган бахтсиз ҳодисалар тўғрисида Бюрога ёки ваколатли органларга зудлик билан хабар беришга мажбурдир.
(12-банднинг бешинчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
13. Қуйидагиларга:
Ўзбекистон Республикаси ҳудудида тақиқланган фаолият турларига киритилган вақтинчалик бир марталик ишларни бажариш учун фуқароларни ёллашга;
16 ёшга тўлмаган шахсларни вақтинчалик бир марталик ишларга мустақил равишда ёллашга йўл қўйилмайди.
14. Вақтинчалик бир марталик иш билан таъминлаш бюро кўргазмали ахборотлар ўрин олган стендлар билан жиҳозланади, уларда:
(14-банднинг биринчи хатбошиси Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
вақтинчалик бир марталик ишларга оид таклифлар тўғрисидаги маълумотлар;
туман (шаҳар) корхоналаридаги мавжуд бўш иш ўринлари тўғрисидаги маълумотлар;
меҳнат ва иш билан таъминлаш тўғрисидаги амалдаги қонун ҳужжатларидан кўчирмалар;
меҳнат хавфсизлиги қоидаларига доир йўриқномалар, бошқа зарур маълумотлар жойлаштирилади.
15. Вақтинчалик бир марталик иш қидираётган фуқароларни ижтимоий-маиший шарт-шароитлар билан таъминлаш мақсадида туман (шаҳар) Аҳоли бандлигига кўмаклашиш маркази директори тадбиркорлик субъектларига Бюро ҳудудидаги бўш турган бино ва майдонларда:
овқатланиш шохобчаси, санитария узеллари, шунингдек ўтирадиган жойларни;
вақтинчалик бир марталик ишларни бажариш учун керак бўладиган инвентарлар ва ускуналарни сотиш ва ижарага бериш шохобчасини ташкил этиш учун белгиланган минимал ижара ставкалари бўйича бериш ҳуқуқига эга.
(15-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
16. Бюрони барпо этиш ва уни жорий таъминлаш харажатлари Иш билан таъминлашга кўмаклашиш давлат жамғармасининг маблағлари ҳисобига амалга оширилади.
Вақтинчалик бир марталик иш қидираётган фуқароларга, шунингдек иш берувчи хусусий шахсларга Бюро бепул хизмат кўрсатади.
(16-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
17. Мазкур Низом фуқаролар ва иш берувчиларни Вақтинчалик бир марталик иш билан таъминлаш бюронинг фаолият кўрсатиш қоидалари билан таништириш мақсадида қулай ва кўринарли жойга жойлаштирилади.
(17-банд Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
Вақтинчалик бир марталик иш билан таъминлаш бюро тўғрисидаги намунавий низомга
1-ИЛОВА
(олд томони)

_____________________________________________________да
‎(Қорақалпоғистон Республикаси, вилоят ва Тошкент шаҳри)
‎ вақтинчалик бир марталик иш билан шуғулланиш ҳуқуқини берувчи
‎ _______-сон гувоҳнома

Фамилияси ‎‎‎
‎

Муҳр билан тасдиқланган
‎фотосурат учун
‎ жой

Исми ‎‎
‎
Отасининг исми ‎‎
‎
Туғилган йили ‎‎
Туғилган жойи ‎‎
Доимий яшаш жойи манзили ‎‎
Вақтинчалик яшаш жойи ёки вақтинча турган жойи бўйича рўйхатга олиш манзили ‎‎
Паспортнинг серияси ва рақами, ким томонидан ва қачон берилган ‎‎
‎‎
Гувоҳноманинг амал қилиш муддати ‎‎
Вақтинчалик бир марталик иш билан таъминлаш бюро раҳбарининг Ф.И.О. ‎‎

имзо ва муҳр

(Орқа томони)


‎Гувоҳнома эгасига эслатма

Гувоҳнома эгаси гувоҳномани паспорт билан биргаликда олиб юриши, зарур тарзда сақлаши ва уни учинчи шахсларга бермаслиги шарт.
‎Гувоҳнома эгасининг доимий ёки вақтинча яшаш жойи ёхуд турган жойи бўйича ҳисобга олиш манзили ўзгарган тақдирда, у 5 кеча-кундуз мобайнида бу ҳақда Вақтинчалик бир марталик иш билан таъминлаш бюрога маълум қилиш шарт.
‎Гувоҳноманинг амал қилиш муддатини узайтириш мақсадида гувоҳнома эгаси Вақтинчалик бир марталик иш билан таъминлаш бюрога гувоҳноманинг амал қилиш муддати тамом бўлишидан 5 сутка олдин мурожаат қилиши керак.
‎Агар Сизга нисбатан иш берувчи томонидан ноқонуний хатти-ҳаракатлар содир этилган тақдирда, Сиз Вақтинчалик бир марталик иш билан таъминлаш бюрога телефонлари орқали мурожаат қилишингиз мумкин.

(1-илова Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
Вақтинчалик бир марталик иш билан таъминлаш маркази тўғрисидаги намунавий низомга
2-ИЛОВА

СЎРОВНОМА
‎

Сўровноманинг тартиб рақами _________

Сўровнома тўлдирилган сана
‎20 йил «___» ____________

Исми ‎
Фамилияси ‎вававаыаываыаываываывааыва
Отасининг исми ‎
Туғилган санаси ‎
Туғилган жойи ‎
Жинси ‎
Доимий яшаш жойи манзили ‎

Вақтинчалик яшаш жойи ёки вақтинча турган жойи бўйича рўйхатга ‎олиш манзили

 ‎
Паспортнинг серияси ва рақами ‎
Ким томонидан ва қачон берилган ‎
Маълумоти ‎
Мутахассислиги ‎
Мутахассислик бўйича иш стажи ‎
Вақтинчалик бир марталик иш излаш сабаби ‎
Қачон ва қайси хорижий мамлакатларга чиққан ‎
Хорижий мамлакатларга чиқишнинг мақсади ‎
Жиноий жавобгарликка тортилганми ‎

Агар жиноий жавобгарликка тортилган бўлса, қачон ва ‎Жиноят кодексининг қайси моддаси бўйича жавобгарликка ‎ тортилган

 ‎
Сўровномани қабул қилган шахснинг Ф.И.О. ‎

Сўровномага киритилган маълумотларнинг ҳақиқийлигини кафолатлайман


‎Ариза берувчининг имзоси

(2-илова Ўзбекистон Республикаси Вазирлар Маҳкамасининг 2020 йил 28 сентябрдаги 593-сонли қарори таҳририда — Қонун ҳужжатлари маълумотлари миллий базаси, 29.09.2020 й., 09/20/593/1340-сон)
Вазирлар Маҳкамасининг
2001 йил 18 майдаги 223-сон қарорига
2-ИЛОВА
Вақтинчалик бир марталик иш билан таъминлаш бюросининг намунавий
ТАШКИЛИЙ ТУЗИЛМАСИ
* Вақтинчалик бир марталик иш билан таъминлаш бюроси маҳаллий меҳнат бозорининг конъюнктураси ва вақтинчалик бир марталик ишларнинг мавсумийлигини ҳисобга олган ҳолда Ўзбекистон Республикаси Бандлик ва меҳнат муносабатлари вазирлигининг қарори билан қўшимча ходимлар ҳисобидан бутланади.
(2-илова Ўзбекистон Республикаси Вазирлар Маҳкамасининг 2017 йил 8 сентябрдаги 703-сонли қарори таҳририда — ЎР ҚҲТ, 2017 й., 37-сон, 990-модда)
(Ўзбекистон Республикаси қонун ҳужжатлари тўплами, 2001 й., 10-сон, 61-модда; 2003 й., 4-сон, 42-модда; 2007 й., 19-20-сон, 195-модда; 2010 й., 13-сон, 96-модда; 2012 й., 17-сон, 191-модда; 2016 й., 9-сон, 88-модда; 2017 й., 15-сон, 249-модда, 37-сон, 990-модда; Қонун ҳужжатлари маълумотлари миллий базаси, 29.09.2020 й., 09/20/593/1340-сон; Қонунчилик маълумотлари миллий базаси, 30.06.2021 й., 09/21/402/0618-сон)