Меҳнат шартномаси Ўзбекистон Республикаси Меҳнат кодексининг 100-моддасида назарда тутилган ҳолларда бекор қилингандан, ҳарбий хизматчи муддатли ҳарбий хизмат сафидан бўшатилгандан кейин бир ой ичида меҳнатга вақтинча лаёқатсизлик вужудга келган бўлса, меҳнатга лаёқатсизлик варақаси берилади.

(8-банднинг иккинчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

2-боб. Касаллик ва шикастланганлик бўйича меҳнатга лаёқатсизлик варақалари ёки меҳнатга лаёқатсизлик маълумотномалари бериш

9. Касаллик ва шикастланганлик бўйича меҳнатга лаёқатсизлик варақаси ёки меҳнатга лаёқатсизлик маълумотномаси меҳнатга лаёқатсиз шахс мурожаат қилган ёхуд даволанган даволаш-профилактика муассасаси томонидан меҳнатга лаёқатсизлик аниқланган кундан бошлаб берилади.

Олдинги таҳрирга қаранг.

Меҳнатга лаёқатсизлик варақаси ёки меҳнатга лаёқатсизлик маълумотномаси ўтказиб юборилган кунларга берилмайди. Мазкур Йўриқноманинг 14-банди, 15-бандининг биринчи хатбошиси, 25-банди, 37-банди ҳамда 46-бандида назарда тутилган ҳоллар бундан мустасно.

(9-банднинг иккинчи хатбошиси Ўзбекистон Республикаси соғлиқни сақлаш вазирининг 2020 йил 11 майдаги 117-сонли буйруғи (рўйхат рақами 2667-2, 15.06.2020 й.) таҳририда — Қонун ҳужжатлари маълумотлари миллий базаси, 15.06.2020 й., 10/20/2667-2/0765-сон)

Иш куни ёки ўқиш тугаганидан сўнг мурожаат қилинганда меҳнатга лаёқатсизлик аниқланса, меҳнатга лаёқатсизлик варақаси ёки меҳнатга лаёқатсизлик маълумотномаси мурожаат қилинган куни, лекин иш ёки ўқишдан кейинги календарь кунидан озод этилган ҳолда расмийлаштирилади.

Меҳнатга лаёқатсизлик варақаси ёки меҳнатга лаёқатсизлик маълумотномаси бемор шифокор томонидан шахсан кўрикдан ўтказилгандан сўнг меҳнатга лаёқатсизлик аниқланганда берилади. Ташхис клиник ва объектив маълумотлар (шикоятлар, объектив ҳолат) ҳамда лаборатор-инструментал текширувлар натижалари билан тасдиқланади ва тиббий ҳужжатларда қайд қилинади.

10. Амбулатория шароитида даволанишда даволовчи шифокор якка ўзи беш календарь кунигача меҳнатга лаёқатсизлик варақаси ёки меҳнатга лаёқатсизлик маълумотномаси бериш ҳуқуқига эга.

Вақтинча меҳнатга лаёқатсизлик беш календарь кунидан ошганда меҳнатга лаёқатсизлик варақаси ёки меҳнатга лаёқатсизлик маълумотномасининг муддати даволовчи шифокор ва бўлим мудири томонидан ҳар сафар ўн календарь кундан ортиқ бўлмаган муддатга узайтирилади.

11. Меҳнатга лаёқатли шахсларга текширув ва даво муолажалари ишдан (ўқишдан) бўш вақтларда амалга оширилади. Ушбу ҳолатда меҳнатга лаёқатсизлик варақаси ёки меҳнатга лаёқатсизлик маълумотномаси берилмайди.

Иш (ўқиш) вақтида айрим текширувни кечиктириб бўлмайдиган ҳолатларда ёки мураккаб текширувлар (эндоскопия, колоноскопия ва бошқалар) ўтказилганда меҳнатга лаёқатсизлик варақаси текширув ўтказилган кунга (кунларга) берилади.

Олдинги таҳрирга қаранг.

12. Хизмат сафари, меҳнат таътили ва бошқа сабабларга кўра яшаш жойида бўлмаган шахсларга меҳнатга лаёқатсизлик варақаси ёки меҳнатга лаёқатсизлик маълумотномаси бемор вақтинча бўлган жойдаги даволаш-профилактика муассасаси томонидан бош шифокор рухсати билан берилади. Беморнинг аҳволи яхшилангач, даволанганлиги тўғрисида амбулатор картасидан кўчирма берилган ҳолда яшаш жойига юборилади.

(12-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

13. Травматологик ва шошилинч тиббий ёрдам пунктлари, шунингдек вазирликлар, идоралар ва бошқа ташкилотлардаги тиббий врачлик пунктлари шифокорлари уч календарь кунигача меҳнатга лаёқатсизлик варақаси ёки меҳнатга лаёқатсизлик маълумотномаси бериш ҳуқуқига эга. Ушбу шифокорлар томонидан берилган меҳнатга лаёқатсизлик варақаси ёки меҳнатга лаёқатсизлик маълумотномаси ҳудудий ёки мазкур ташкилотга хизмат кўрсатувчи даволаш-профилактика муассасаси томонидан узайтирилиши мумкин.

14. Бемор тунги вақтда тиббий пунктдаги фельдшерга мурожаат қилганда, унга бирламчи тиббий ёрдам кўрсатилганлиги тўғрисида эркин шаклда маълумотнома берилади ва тегишли даволаш-профилактика муассасасига юборилади. Ушбу ҳолатда вақтинча меҳнатга лаёқатсизлик ҳолати аниқланганда, тегишли даволаш-профилактика муассасаси томонидан бемор тиббий пунктга мурожаат қилган кундан бошлаб меҳнатга лаёқатсизлик варақаси ёки меҳнатга лаёқатсизлик маълумотномаси берилади.

15. Стационар ёки унинг қошидаги кундузги стационарда даволанган беморларга меҳнатга лаёқатсизлик варақаси ёки меҳнатга лаёқатсизлик маълумотномаси даволовчи шифокор ҳамда бўлим мудири томонидан даволанишнинг барча даври учун беморнинг шифохонадан чиқиш пайтида бир йўла берилади.

Стационар ёки унинг қошидаги кундузги стационарда даволанган беморнинг меҳнат қобилияти тикланмаган тақдирда даволовчи шифокор ҳамда бўлим мудири томонидан беморга ҳудудий ёки бошқа даволаш-профилактика муассасаларига мурожаат қилиши учун уч календарь кунидан ортиқ бўлмаган муддатга узайтирилган ва ёпилмаган ҳолда меҳнатга лаёқатсизлик варақаси ёки меҳнатга лаёқатсизлик маълумотномаси берилади.

Поликлиника қошидаги кундузги ҳамда уйдаги стационарда вақтинча меҳнатга лаёқатсизлик варақаси умумий асосда расмийлаштирилади.

Олдинги таҳрирга қаранг.

16. Тез-тез ва узоқ касалланувчи беморларга меҳнатга лаёқатсизлик варақаси ёки меҳнатга лаёқатсизлик маълумотномаси даволаш-профилактика муассасаси бош шифокорининг буйруғи асосида бириктирилган шифокор томонидан берилади ва бу ҳақда беморга ва унинг иш (ўқиш) жойига маълум қилинади. Бириктирилган шифокорнинг соҳасига тегишли бўлмаган касаллик аниқланганда, меҳнатга лаёқатсизлик варақаси ёки меҳнатга лаёқатсизлик маълумотномаси тегишли мутахассис билан биргаликда берилади (узайтирилади).

(16-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Бириктирилган шифокор ишда бўлмаганда беморга меҳнатга лаёқатсизлик варақаси ёки меҳнатга лаёқатсизлик маълумотномаси бошқа шифокор томонидан бўлим мудири ёки бош шифокор билан биргаликда берилади.

17. ОИТСга қарши курашиш марказлари ва сил, руҳий-асаб, наркология, тери-таносил касалликлари диспансерлари шифокорлари томонидан меҳнатга лаёқатсизлик варақалари вақтинча меҳнатга лаёқатсизликнинг барча даврига берилади.

ОИВ инфекцияси, сил, руҳий-асаб, наркология, тери-таносил касалликларига чалинган беморлар умумий йўналишдаги даволаш-профилактика муассасаларига мурожаат қилганда, меҳнатга лаёқатсизлик варақаси уч календарь кунигача расмийлаштирилади ва ихтисослиги бўйича тегишли даволаш-профилактика муассасасига юборилади.

18. Йиллик асосий ва қўшимча таътиллар, ўқиш билан боғлиқ таътиллар ва ижодий таътиллар вақтида, шунингдек ишлайдиган пенсионерларнинг вақтинча меҳнатга лаёқатсизлик даври учун меҳнатга лаёқатсизлик варақаси умумий асосларда берилади.

Олдинги таҳрирга қаранг.

Ишдан ажралмаган ҳолда ўқиётган ёки ўқишдан бўш вақтда ишлаётган шахсларга бир вақтнинг ўзида меҳнатга лаёқатсизлик варақаси ва таълим олаётган шахслар учун меҳнатга лаёқатсизлик маълумотномаси берилади.

(18-банднинг иккинчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

(19-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғига (рўйхат рақами 2667-4, 08.10.2025 й.) асосан ўз кучини йўқотган — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

20. Алкоголга қарамлик натижасида келиб чиқадиган касалликлар ва жароҳатларда, шунингдек беморнинг мастлиги натижасида олинган жароҳатларда мастлик ҳолати бўйича меҳнатга лаёқатсизлик маълумотномаси расмийлаштирилади.

Жароҳат беморнинг мастлигига боғлиқ бўлмаган ҳолда олинганлиги (етказилганлиги) суднинг қонуний кучга кирган қарори билан тасдиқланганда мастлик ҳолати бўйича меҳнатга лаёқатсизлик маълумотномаси меҳнатга лаёқатсизлик варақасига алмаштирилади.

Мастлик ҳолати бўйича меҳнатга лаёқатсизлик маълумотномасининг амал қилиш даврида ўз хусусиятига кўра оғирроқ бошқа касаллик (миокард инфаркти, хавфли ўсма касаллиги, сил ва бошқалар) вужудга келганда, янги касаллик аниқланган кундан бошлаб меҳнатга лаёқатсизлик варақаси расмийлаштирилади.

(20-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

21. Алкогол маҳсулотларини истеъмол қилиш меҳнатга вақтинча лаёқатсизликнинг давом этишига сабаб бўлаётганлиги аниқланганда, меҳнатга лаёқатсизлик варақасининг «Тартиб бузилганлиги тўғрисида қайдлар» сатрига тегишли ёзув киритилган ҳолда унинг муддати шу кундан бошлаб тўхтатилади ва беморга мастлик ҳолати бўйича меҳнатга лаёқатсизлик маълумотномаси расмийлаштирилади.

(21-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

22. Ўзбекистон Республикаси Вазирлар Маҳкамасининг 2022 йил 8 февралдаги 62-сон қарори билан тасдиқланган Тиббий-ижтимоий эксперт комиссиялари тўғрисидаги низомнинг 11-иловасидаги Фуқароларни тиббий-ижтимоий эксперт комиссияларига йўллашдан олдин даволаниш лозим бўлган муддатлар, ногиронликка олиб келувчи асосий касалликлар рўйхати ва ушбу касалликларда ногиронликни электрон белгилаш мезонлари асосида бемор тегишли тиббий-ижтимоий эксперт комиссиясига (бундан буён матнда ТИЭК деб юритилади) юборилади.

Ногиронлик белгилари аниқ кўриниб турган шахслар, анатомик нуқсонлари бўлган, шунингдек нохуш клиник прогнозли беморлар юқоридаги Фуқароларни тиббий-ижтимоий эксперт комиссияларига йўллашдан олдин даволаниш лозим бўлган муддатлар, ногиронликка олиб келувчи асосий касалликлар рўйхати ва ушбу касалликларда ногиронликни электрон белгилаш мезонларида кўрсатиб ўтилган муддатлар ўтмасдан туриб ҳам тиббий-ижтимоий эксперт комиссиясига юборилиши мумкин. Ушбу шахсларни тиббий кўрикдан ўтказишга қабул қилиш тўғрисидаги қарор ТИЭК раиси томонидан қабул қилинади.

(22-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

23. Ишлайдиган ногиронлиги бўлган шахсларга меҳнатга лаёқатсизлик варақаси касаллик узлуксиз кечганда икки ойгача, танаффус билан кечганда ўн икки ой мобайнида жами уч ойгача бўлган муддатга берилади.

(23-банднинг биринчи хатбошиси Ўзбекистон Республикаси соғлиқни сақлаш вазирининг 2019 йил 6 декабрдаги 104-сонли буйруғи (рўйхат рақами 2667-1, 25.12.2019 й.) таҳририда — Қонун ҳужжатлари маълумотлари миллий базаси, 25.12.2019 й., 10/19/2667-1/4230-сон)

Ўзбекистон Республикаси Олий Кенгаши Раёсати ва Вазирлар Маҳкамасининг 1992 йил 6 апрелдаги 170-сон «Чернобиль ҳалокатидан зиён кўрган Ўзбекистон Республикасида истиқомат қилувчи фуқароларни ижтимоий ҳимоялаш ҳақида»ги қарорига асосан, ишловчи Чернобиль АЭСдаги ҳалокат оқибатини бартараф этиш билан боғлиқ ҳолда ногирон бўлганларга меҳнатга лаёқатсизлик варақаси ёки меҳнатга лаёқатсизлик маълумотномаси узлуксиз тўрт ойгача, танаффус билан ўн икки ой мобайнида жами беш ойгача берилади.

Олдинги таҳрирга қаранг.

24. Бемор ТИЭКга юборилганда меҳнатга лаёқатсизлик варақаси ёки меҳнатга лаёқатсизлик маълумотномасининг муддати бемор ТИЭКга юборилган кундан бошлаб тўхтатилади. Мазкур беморлар ҳужжатлари ТИЭКда қабул қилинган кундан бошлаб йигирма календар кун муддат ичида тиббий кўрик ўтказилади.

(24-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

ТИЭК томонидан ногиронлик белгиланмаган, лекин вақтинча меҳнатга лаёқатсиз деб топилган шахсларнинг меҳнатга лаёқатсизлик варақаси даволаш-профилактика муассасаси томонидан беморнинг ҳужжатлари ТИЭКда қабул қилинган кундан бошлаб унинг меҳнат қобилияти тиклангунга қадар, аммо икки ойдан ортиқ бўлмаган муддатга узайтирилади.

(24-банд Ўзбекистон Республикаси соғлиқни сақлаш вазирининг 2021 йил 2 июлдаги 9-сонли буйруғи (рўйхат рақами 2667-3, 15.07.2021 й.) таҳририда — Қонунчилик маълумотлари миллий базаси, 15.07.2021 й., 10/21/2667-3/0675-сон)

25. Чет элда вақтинча бўлган вақтда касалланганлик ёки чет элда даволанганлик тўғрисидаги ҳужжатларнинг давлат ёки рус тилидаги нотариал тасдиқланган таржимаси тақдим қилинганда, меҳнатга лаёқатсизликни тасдиқловчи асосларни инобатга олиб, беморнинг яшаш ёки иш жойидаги даволаш-профилактика муассасасининг врачлик маслаҳат комиссияси томонидан меҳнатга лаёқатсизлик варақаси расмийлаштирилади.

26. Ўзбекистон Республикасида ишлайдиган ёки ўқийдиган чет эл фуқароларига меҳнатга лаёқатсизлик варақаси ёки меҳнатга лаёқатсизлик маълумотномаси умумий асосда берилади. Ишламайдиган ёки ўқимайдиган чет эл фуқароларига тиббий хизмат кўрсатилганда, уларга даволаш-профилактика муассасаси раҳбари томонидан имзоланган ва муҳрланган касаллик тарихи ёки амбулатор картадан батафсил кўчирма берилади.

3-боб. Ҳомиладорлик ва туғиш бўйича меҳнатга лаёқатсизлик варақалари бериш

27. Ҳомиладорлик ва туғиш бўйича меҳнатга лаёқатсизлик варақаси ҳомиладорликнинг ўттизинчи ҳафтасидан бошлаб ҳудудий амбулатор-поликлиникаларнинг, акушер-гинеколог (умумий амалиёт шифокори) томонидан бош шифокор ўринбосари билан биргаликда бир йўла бир юз йигирма олти календарь кунига берилади.

Туғиш қийин кечган ёки икки ва ундан ортиқ бола туғилган ҳолларда ҳомиладорлик ва туғиш таътилини узайтириш учун туғруқ муассасаси томонидан яна ўн тўрт календарь кунига меҳнатга лаёқатсизлик варақаси берилади.

28. Ҳомиладорликнинг ўттизинчи ҳафтасидан илгари туғиш ҳолатларида меҳнатга лаёқатсизлик варақаси туғруқ муассасаси томонидан бола туғилган кундан бошлаб қуйидаги муддатларга берилади:

бола тирик туғилганда — бир юз йигирма олти календарь кунга;

бола ўлик туғилган ёки туғруқ муассасасидан чиққунга қадар нобуд бўлганда — етмиш календарь кунга.

Ҳомиладорликнинг ўттизинчи ҳафтасидан кейин мурожаат қилинганда туғишга қадар неча кун қолганидан қатъи назар, меҳнатга лаёқатсизлик варақаси мурожаат қилган кундан тўлиқ бир юз йигирма олти календарь кунига берилади.

29. Туғиш вақтида ёки туғишдан кейинги даврда она вафот этган кундан бошлаб, туғилган болани (болаларни) парвариш қилувчи шахсга, бола туғилган кунидан эътиборан эллик олти календарь куни, икки ёки ундан ортиқ бола туғилганда етмиш календарь кунигача ҳудудий амбулатор поликлиникаси томонидан меҳнатга лаёқатсизлик варақаси берилади.

Бевосита туғруқ муассасаси ёки бошқа муассасадан янги туғилган болани фарзандликка олган ёки болага васий қилиб белгиланган шахсга бола фарзандликка олинган (васийлик белгиланган) кундан бошлаб бола туғилган кундан эътиборан эллик олти календарь кунгача, икки ёки ундан ортиқ бола асраб олинган тақдирда эса, етмиш календарь кунгача ҳудудий амбулатор поликлиника томонидан меҳнатга лаёқатсизлик варақаси берилади.

Бола икки ва уч ёшга тўлгунга қадар парваришлаш учун бериладиган таътил ёки иш ҳақи сақланмаган ҳолда қўшимча таътилда бўлган аёлларнинг такрорий ҳомиладорлиги учун меҳнатга лаёқатсизлик варақаси умумий асосда берилади.

30. Даволаш-профилактика муассасасида ҳомила сунъий туширилганда, шунингдек ҳомила тушганда меҳнатга лаёқатсизлик варақаси меҳнатга лаёқатсизликнинг бутун даврига берилади.

4-боб. Оиланинг бетоб аъзосини парваришлаганлик бўйича меҳнатга лаёқатсизлик варақалари ва меҳнатга лаёқатсизлик маълумотномалари бериш

31. Амбулатория шароитида парваришга муҳтож бўлган ўн тўрт ёшдан катта беморни парваришлаш учун етти календарь кунидан ошмаган муддатга меҳнатга лаёқатсизлик варақаси берилади.

Ушбу ҳолатда меҳнатга лаёқатсизлик варақаси бемор билан бирга яшаш ёки яшамаслиги ҳамда меҳнат таътилида эканлигидан қатъи назар, беморнинг оила аъзолари ёки қариндошларидан бирига берилади.

32. Амбулатория шароитида парваришга муҳтож бўлган ўн тўрт ёшга етмаган бемор болани парваришлаш учун унинг онасига ўн тўрт календарь кунидан ошмаган муддатга меҳнатга лаёқатсизлик варақаси берилади.

Она бўлмаган ёки бетоб бўлганда меҳнатга лаёқатсизлик варақаси бемор билан бирга яшаш ёки яшамаслигидан қатъи назар, бошқа оила аъзоларига берилади.

Олдинги таҳрирга қаранг.

33. Амбулатория шароитида ўн тўрт ёшга тўлмаган боланинг парваришга муҳтожлик даври ўн тўрт календарь кунидан ошганда бола соғайган ёки сурункали касалликнинг ремиссия даврига ўтганга қадар бемор болани парваришлаганлик бўйича меҳнатга лаёқатсизлик маълумотномаси берилади.

(33-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Ушбу ҳолатда боланинг олдинги касаллигига боғлиқ бўлмаган янги касаллик юзага келса ёки оиланинг бошқа фарзанди касал бўлиб қолса, умумий асосларда меҳнатга лаёқатсизлик варақаси расмийлаштирилади.

Олдинги таҳрирга қаранг.

34. Бола стационарга юборилганда меҳнатга лаёқатсизлик варақаси ёки бемор болани парваришлаганлик бўйича меҳнатга лаёқатсизлик маълумотномаси бола стационарга қабул қилинган кундан ёпилади. Агарда бола стационардан чиққандан кейин унинг парваришга муҳтожлиги давом этса, стационарга қабул қилинган кунга қадар берилган меҳнатга лаёқатсизлик варақасининг кунлари чегирилган ҳолда меҳнатга лаёқатсизлик варақаси ёки бемор болани парваришлаганлик бўйича меҳнатга лаёқатсизлик маълумотномаси берилади.

(34-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

34¹. Стационар шароитда фаолият юритаётган даволаш-профилактика муассасаларида ногиронлиги бўлган болани парваришлаётган унинг отаси ёки онасига (уларнинг ўрнини босувчи шахсга) ёхуд оиланинг бошқа аъзосига мазкур давр учун меҳнатга лаёқатсизлик варақаси берилади.

(34¹-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғига (рўйхат рақами 2667-4, 08.10.2025 й.) асосан киритилган — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

35. Оилада бир вақтнинг ўзида икки ва ундан ортиқ ўн тўрт ёшга тўлмаган бола касалликка чалинса, уларни амбулатория шароитида парвариш қилиш бўйича битта меҳнатга лаёқатсизлик варақаси ёки бемор болани парваришлаганлик бўйича меҳнатга лаёқатсизлик маълумотномаси берилади.

(35-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

Оилада икки ва ундан ортиқ ўн тўрт ёшга тўлмаган бола навбатма-навбат касалликка чалинса, меҳнатга лаёқатсизлик варақаси ёки бемор болани парваришлаганлик бўйича меҳнатга лаёқатсизлик маълумотномаси уларнинг ҳар бири бўйича алоҳида берилади.

(35-банднинг иккинчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Агар биринчи боланинг касаллиги даврида бошқа бола касалликка чалинса, кейинги болани парвариш қилиш бўйича меҳнатга лаёқатсизлик варақаси биринчи бола учун берилган меҳнатга лаёқатсизлик варақаси ёпилганидан кейин, ушбу варақа бўйича мос тушган кунлар чиқариб ташланган ҳолда берилади.

Олдинги таҳрирга қаранг.

36. Она ёки унинг ўрнини босувчи шахс касал бўлганда ёки бошқа фарзанди билан стационарда бўлганда уч ёшга тўлмаган соғлом болани парваришлаш учун қариндошларига ҳудудий поликлиникаси врачлик маслаҳат комиссияси томонидан она бўлмаган муддат учун бир йўла ўн тўрт кунгача меҳнатга лаёқатсизлик варақаси берилади.

(36-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

37. Мактабгача таълим ташкилотида ёки олти ёшга тўлмаган болага ўрнатилган карантин даврида болага қараш учун ота-онасидан бирига ёки оиланинг бошқа аъзосига карантин белгиланган муддатга Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг ҳудудий бўлинмалари томонидан меҳнатга лаёқатсизлик варақаси берилади.

(37-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

38. Стационар шароитда уч ёшга тўлмаган болани парваришлаш учун қаровни таъминлайдиган шахсга даволашнинг барча даврига меҳнатга лаёқатсизлик варақаси берилади.

Стационарда даволаниш вақтида боланинг касаллиги оғир кечган ҳолларда даволовчи шифокор ҳамда бўлим мудирининг бемор бола қўшимча парваришга муҳтожлиги тўғрисидаги хулосасига асосан, ота-онасидан бирига ёки оиланинг бошқа аъзосига қаровни таъминлаш учун меҳнатга лаёқатсизлик варақаси берилади.

ОИВ инфекциясини юқтирган боланинг ота-онасидан бирига ёки оиланинг бошқа аъзосига бола шифохонада ётган барча давр учун бир йўла меҳнатга лаёқатсизлик варақаси берилади.

39. Оиланинг бетоб аъзосини парваришлаш бўйича меҳнатга лаёқатсизлик варақаси ходим меҳнат таътилида бўлган даврда ҳам умумий асосда берилади.

5-боб. Протез қўйдирганлик учун меҳнатга лаёқатсизлик варақалари бериш

Олдинги таҳрирга қаранг.

40. Ўзбекистон Республикаси Президенти ҳузурида Ижтимоий ҳимоя миллий агентлигининг Ногиронлиги бўлган шахсларни реабилитация қилиш ва протезлаш миллий маркази, ногиронлиги бўлган шахсларни реабилитиция қилиш ва протезлаш ҳудудий марказларида протез қўйдирган шахсларга беморнинг марказда бўлган барча даври учун меҳнатга лаёқатсизлик варақаси берилади.

(40-банд Ўзбекистон Республикаси адлия вазирининг 2024 йил 13 августдаги 18-мҳ-сонли буйруғи (рўйхат рақами 3552, 15.08.2024 й.) таҳририда — Қонунчилик маълумотлари миллий базаси, 19.08.2024 й., 10/24/3552/0630-сон)

6-боб. Санаторий-курортда даволанганлик учун меҳнатга лаёқатсизлик варақалари бериш

Олдинги таҳрирга қаранг.

41. 1941 — 1945 йиллардаги уруш қатнашчилари ва урушдан ногиронлиги бўлган шахсларга, собиқ байналминалчи жангчиларига, Чернобиль АЭС ҳалокати оқибатларини тугатишда қатнашган шахсларга, сил касаллиги билан оғриган беморларга, шунингдек даволаниш ва якка парваришга муҳтожлиги тўғрисида тиббий хулоса мавжуд бўлганда ўн олти ёшга тўлмаган ногиронлиги бўлган болага ҳамроҳ бўлиб борадиган ишловчи ота-оналаридан бирига (васийга) врачлик маслаҳат комиссияси томонидан санаторий-курортда даволанишнинг барча даврига (бориш-келиш вақтини ҳисобга олган ҳолда) меҳнатга лаёқатсизлик варақаси берилади.

(41-банд Ўзбекистон Республикаси соғлиқни сақлаш вазирининг 2021 йил 2 июлдаги 9-сонли буйруғи (рўйхат рақами 2667-3, 15.07.2021 й.) таҳририда — Қонунчилик маълумотлари миллий базаси, 15.07.2021 й., 10/21/2667-3/0675-сон)

42. Санаторий-курортда даволаниш даврида касаллик (жароҳат) туфайли вақтинча меҳнатга лаёқатсизлик юзага келса, ушбу муассаса шифокорининг тавсияси асосида санаторий жойлашган ҳудуддаги даволаш-профилактика муассасаси томонидан вақтинча лаёқатсизликнинг барча даврига меҳнатга лаёқатсизлик варақаси берилади.

7-боб. Соғлиғи ҳолатига кўра бошқа ишга ўтказиш учун меҳнатга лаёқатсизлик варақалари бериш

Олдинги таҳрирга қаранг.

43. Сил касаллиги ёки касб касаллигига чалинганлиги сабабли меҳнат қобилиятини вақтинча йўқотган шахс даволаниш тартибини бузмаган ҳолда бошқа ишни бажариш имконига эга бўлса, унга врачлик маслаҳат комиссияси томонидан Ўзбекистон Республикаси Меҳнат кодексининг 364-моддасига асосан икки ойдан ортиқ бўлмаган муддатга меҳнатга лаёқатсизлик варақаси берилади.

(43-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

44. Чернобиль АЭС ҳалокатидан зиён кўрган меҳнат қобилиятини вақтинча йўқотган шахс даволаниш тартибини бузмаган ҳолда бошқа ишни бажариш имконига эга бўлса, врачлик маслаҳат комиссияси томонидан беморнинг иш қобилияти тикланган ёки ногиронлик белгиланган кунгача бўлган муддатга меҳнатга лаёқатсизлик варақаси берилади.

8-боб. Карантинда вақтинча меҳнатга лаёқатсизлик варақалари бериш

45. Бажараётган ишининг хусусиятига кўра юқумли, паразитар касалликларни тарқатиш хавфини туғдирадиган шахслар ишдан четлаштирилиб, иш берувчи томонидан мумкин бўлган иш билан таъминланмаганда, даволаниш даврига меҳнатга лаёқатсизлик варақаси берилади.

Олдинги таҳрирга қаранг.

46. Бажараётган ишининг хусусиятига кўра юқумли, паразитар касалликларни тарқатиш хавфини туғдирадиган шахслар ишдан четлаштирилганда ёки атрофдагилар учун хавфли бўлган юқумли ва паразитар касалликлар билан оғриган беморларга, паразитар касалликлар билан зарарланган деб гумон қилиниши муносабати билан тиббиёт муассасасида карантинга олинган шахсларга меҳнатга лаёқатсизлик варақаси карантинда бўлган тўлиқ кунларигa тегишли даволаш-профилактика муассасаси томонидан берилади.

Олдинги таҳрирга қаранг.

Юқумли, паразитар касалликлар билан зарарланиши ёки зарарланган деб гумон қилиниши муносабати билан вақтинчалик карантинда сақлашга мослаштирилган мажмуада карантинга олинган шахсларга меҳнатга лаёқатсизлик варақаси карантинда бўлган тўлиқ кунларига Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг ҳудудий бўлинмалари эпидемиологи ёки санитар врачи томонидан берилади.

(46-банднинг иккинчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Уй шароитида карантинга олинган шахсларга ҳамда карантинга олинган шахсларнинг 14 ёшгача бўлган боласини парвариш қилаётган шахсларга меҳнатга лаёқатсизлик варақаси карантинда бўлган тўлиқ кунларига уларнинг яшаш жойидаги поликлиника томонидан берилади.

(46-банд Ўзбекистон Республикаси соғлиқни сақлаш вазирининг 2020 йил 11 майдаги 117-сонли буйруғи (рўйхат рақами 2667-2, 15.06.2020 й.) таҳририда — Қонун ҳужжатлари маълумотлари миллий базаси, 15.06.2020 й., 10/20/2667-2/0765-сон)

Олдинги таҳрирга қаранг.

47. Карантин даврида мазкур Йўрикноманинг 46-бандида назарда тутилган шахслар томонидан меҳнатга лаёкатсизлик варақаси иш берувчига электрон шаклда юборилиши мумкин.

(47-банд Ўзбекистон Республикаси соғлиқни сақлаш вазирининг 2020 йил 11 майдаги 117-сонли буйруғи (рўйхат рақами 2667-2, 15.06.2020 й.) таҳририда — Қонун ҳужжатлари маълумотлари миллий базаси, 15.06.2020 й., 10/20/2667-2/0765-сон)

9-боб. Меҳнатга лаёқатсизлик варақалари ҳамда меҳнатга лаёқатсизлик маълумотномаларини расмийлаштириш

48. Меҳнатга лаёқатсизлик варақалари мазкур Йўриқноманинг 1-иловасига мувофиқ шаклда расмийлаштирилади.

Олдинги таҳрирга қаранг.

Мастлик ҳолати бўйича меҳнатга лаёқатсизлик маълумотномаси мазкур Йўриқноманинг 2-иловасига, таълим олаётган шахслар учун меҳнатга лаёқатсизлик маълумотномаси 3-иловасига, бемор болани парваришлаш учун меҳнатга лаёқатсизлик маълумотномаси 4-иловасига мувофиқ шаклда расмийлаштирилади. Ушбу Йўриқноманинг2-бандида назарда тутилган бошқа ҳолатлар бўйича меҳнатга лаёқатсизлик маълумотномалари тиббий ҳужжатлар асосида эркин шаклда берилади.

(48-банднинг иккинчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

49. Меҳнатга лаёқатсизлик варақалари ва меҳнатга лаёқатсизлик маълумотномалари паспорт ёки идентификация ID-картаси, туғилганлик гувоҳномаси (вояга етмаган шахслар учун) асосида қисқартиришларсиз расмийлаштирилади.

(49-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

50. Якуний ташхис (Номи ва КХТ-10 коди) сатрида меҳнатга вақтинча лаёқатсизликка сабаб бўлувчи касаллик синдром ва симптомларсиз кўрсатилиши лозим.

(50-банднинг биринчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

Меҳнатга лаёқатсизлик варақаси ва меҳнатга лаёқатсизлик маълумотномасининг шифр рақамининг кетма-кетлиги ҳар йили янгидан бошланади ва Тиббий ахборот тизимига қуйидаги кўринишда киритилади:

1) Тошкент шаҳри — 01TSН XXXXXX25 (шрифт охиридаги иккита сон меҳнатга лаёқатсизлик варақаси расмийлаштирилган йил);

2) Қорақалпоғистон Республикаси — 02QR XXXXXX25;

3) Андижон вилояти — 03AV XXXXXX25;

4) Бухоро вилояти — 04BV XXXXXX25;

5) Жиззах вилояти — 05JV XXXXXX25;

6) Қашқадарё вилояти — 06QV XXXXXX25;

7) Навоий вилояти — 07NvV XXXXXX25;

8) Наманган вилояти — 08NmV XXXXXX25;

9) Самарқанд вилояти — 09SaV XXXXXX25;

10) Сирдарё вилояти — 10SiV XXXXXX25;

11) Сурхондарё вилояти — 11SuV XXXXXX25;

12) Тошкент вилояти — 12TV XXXXXX25;

13) Фарғона вилояти — 13FV XXXXXX25;

14) Хоразм вилояти — 14XV XXXXXX25.

(50-банднинг иккинчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

«Тартиб» сатрида бемор даволанаётган тегишли тартиб (амбулатор, стационар, санатор ва бошқа) кўрсатилади.

Олдинги таҳрирга қаранг.

Тартиб бузилганлиги тўғрисидаги қайдлар сатрида белгиланган тартиб бузилганлиги (қабулга белгиланган вақтда келмаслик, мастлик, ман этилган ишни бажариш, вақтинча меҳнатга лаёқатсизлик даврида рухсатсиз бошқа жойга жўнаб кетиш ёки ишга чиқиш ва бошқалар) ҳақидаги маълумотлар, тартибнинг бузилишининг сабаби ва санаси қайд қилинади.

(50-банднинг тўртинчи хатбошиси Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Меҳнатга вақтинча лаёқатсизлиги давом этаётган бемор шифокор томонидан белгиланган муддатда унинг қабулига келмаса, меҳнатга лаёқатсизлик варақаси ёки меҳнатга лаёқатсизлик маълумотномаси ўтказиб юборилган кунлар ҳисобга олинмаган ҳолда мурожаат қилган кундан узайтирилади.

Бемор шифокор қабулига келмаган кунларда унинг меҳнат қобилияти тикланган бўлса, меҳнатга лаёқатсизлик варақаси ёки меҳнатга лаёқатсизлик маълумотномаси у қабулга келган сана билан ёпилади.

Олдинги таҳрирга қаранг.

51. Меҳнатга лаёқатсизлик варақаси ва меҳнатга лаёқатсизлик маълумотномаси даволовчи шифокор томонидан расмийлаштирилганидан сўнг, даволаш-профилактика муассасасининг ваколатли шахси (бош шифокор, бош шифокор ўринбосари ёки мудир) томонидан электрон имзо билан тасдиқланади.

Меҳнатга вақтинча лаёқатсизлик даври узайтирилганда тиббий ахборот тизими орқали меҳнатга вақтинча лаёқатсизлик даври ҳам узайтирилади ҳамда узайтиришнинг сабаблари кўрсатилади.

Фуқаро шахсий маълумотлар ёки унга қўйилган ташхисдаги техник хатолик юзасидан мазкур меҳнатга лаёқатсизлик варақалари ва меҳнатга лаёқатсизлик маълумотномалари расмийлаштирилган даволаш-профилактика муассасасига ёзма ёки электрон тарзда мурожаат қилганда, мазкур мурожаат даволаш-профилактика муассасасига келиб тушган кундан эътиборан бир иш куни ичида тиббий ахборот тизими орқали меҳнатга лаёқатсизлик варақалари ва меҳнатга лаёқатсизлик маълумотномаларига тузатишлар киритилади ҳамда бу ҳақда тиббий ахборот тизимига тегишли маълумотлар киритилади.

(51-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

(52-банд Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғига (рўйхат рақами 2667-4, 08.10.2025 й.) асосан ўз кучини йўқотган — Қонунчилик маълумотлари миллий базаси, 08.10.2025 й., 10/25/2667-4/0909-сон)

53. Меҳнатга лаёқатсизлик варақаси ёки меҳнатга лаёқатсизлик маълумотномасининг реквизитлари боланинг ривожланиш тарихида, беморнинг касаллик тарихида ҳамда меҳнатга лаёқатсизлик варақаларини рўйхатга олиш ва врачлик маслаҳат комиссияси хулосаларини қайд қилиш китобида қайд этилади.

Олдинги таҳрирга қаранг.

(10-боб Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғига (рўйхат рақами 2667-4, 08.10.2025 й.) асосан ўз кучини йўқотган — Қонунчилик маълумотлари миллий базаси, 08.10.2025 й., 10/25/2667-4/0909-сон)

11-боб. Шифокорларнинг жавобгарлиги ва уларнинг фаолияти устидан шикоят қилиш

Олдинги таҳрирга қаранг.

59. Меҳнатга лаёқатсизлик варақаси ёки меҳнатга лаёқатсизлик маълумотномасини нотўғри расмийлаштирган, асоссиз берган ходимлар қонунчилик ҳужжатларида белгиланган тартибда жавобгарликка тортилади.

LexUZ шарҳи

Қаранг: Ўзбекистон Республикаси Маъмурий жавобгарлик тўғрисидаги кодексининг 49-моддаси.

60. Меҳнатга вақтинча лаёқатсизликни экспертиза қилишда қонунчилик ҳужжатлари талабларига риоя этилиши учун жавобгарлик даволаш-профилактика муассасалари раҳбарларига юклатилади.

61. Соғлиқни сақлаш вазирлиги барча даволаш профилактика муассасалари томонидан меҳнатга вақтинча лаёқатсизликни экспертиза қилишда қонунчилик ҳужжатлари талабларига риоя этилиши устидан назоратни амалга оширади.

62. Меҳнатга лаёқатсизлик варақаси ёки меҳнатга лаёқатсизлик маълумотномасини бериш масалалари бўйича шикоят қонунчилик ҳужжатларида белгиланган тартибда юқори турувчи ташкилот ёки суд томонидан кўриб чиқилади.

(59, 60, 61 ва 62-бандлар Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)

LexUZ шарҳи

Қаранг: Ўзбекистон Республикасининг «Жисмоний ва юридик шахсларнинг мурожаатлари тўғрисида»ги Қонуни.

12-боб. Якуний қоида

63. Мазкур Йўриқнома Ўзбекистон Республикаси Молия вазирлиги ҳамда Меҳнат ва аҳолини ижтимоий муҳофаза қилиш вазирлиги билан келишилган.

Молия вазири Р. АЗИМОВ

2015 йил 20 март

Меҳнат ва аҳолини ижтимоий муҳофаза қилиш вазири А. АБДУҲАКИМОВ

2015 йил 20 март

Олдинги таҳрирга қаранг.

Меҳнатга лаёқатсизлик варақаларини бериш тартиби тўғрисидаги йўриқномага
1-ИЛОВА

Ўзбекистон Республикаси Соғлиқни сақлаш вазирлиги				Ўзбекистон Республикаси Соғлиқни сақлаш вазирлиги

Меҳнатга лаёқатсизлик варақаси Рўйхатга олинган сана: __-_____ 20___-йил № __XXXXXX__

Тиббий муассаса номи: _____________________________________________
^{______________________}^{(қайси муассаса томонидан берилган)}

1.	Вақтинча меҳнатга лаёқатсиз фуқаро ҳақидаги маълумотлар: __________________________ Ф.И.О: ________________________________ Жинси: _________________________________ ЖШШИР: ____________________________ Ёши: ________________________________ Беморга қариндошлиги: __________________	1а.	Бемор бола ҳақидаги маълумотлар: Ф.И.О: ________________________________ Жинси: _________________________________ Туғилганлик ҳақидаги гувоҳноманинг серияси ва рақами: ______________________________ Ёши: _________________________________

2.	Яшаш манзили: _______________________	3.	Иш/ўқиш жойи: ___________________________

4.	Бириктирилган тиббий муассаса: ____________	5.	Меҳнатга лаёқатсизлик сабаби: _____________

6.	Ташхис (КХТ-10 коди ва номи): ______________________________________ ______________________________________ ______________________________________ ______________________________________	7.	Даволовчи шифокор Ф.И.О: _______________________________________ Бўлим бошлиғи (масъул шахс) Ф.И.О: _______________________________________

8.	Якуний ташхис (КХТ-10 коди ва номи): ______________________________________ ______________________________________ ______________________________________ ______________________________________	9.	ВМК раисининг Ф.И.О: _______________________________________

10.	Юқумли касалликларга чалинган беморлар билан контактда бўлганлиги ҳақидаги маълумотлар: ______________________________________ ______________________________________ ______________________________________	11.	ТИЭК маълумотлари: ______________________ Кўрикдан ўтган санаси: __________________ Хулоса: _________________________________ _______________________________________ ТИЭК раиси Ф.И.О:________________________

12.	Тартиб: _______________________________ Тартиб бузилганлиги тўғрисида қайдлар: ______________________________________	13.	Ишдан озод этилган кунлар: ________________ ________________________________________ ________________________________________ ________________________________________

14.	Вақтинча бошқа ишга ўтказилсин: _____________________________________ _____________________________________	15.	Бошқа давлатдан келган беморга меҳнатга лаёқатсизлик варақасини бериш учун рухсат этилади:


	Ҳужжат Ягона тиббий ахборот тизимида яратилган. Ҳужжатнинг ҳаққонийлигини https://docs.dmed.uz сайтида ҳужжатнинг ID кодини киритиш, ёки QR-код орқали текшириш мумкин.	Ҳужжатнинг ҳаққонийлигини тасдиқловчи QR-код

(1-илова Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

Меҳнатга лаёқатсизлик варақаларини бериш тартиби тўғрисидаги йўриқномага
2-ИЛОВА

Ўзбекистон Республикаси Соғлиқни сақлаш вазирлиги				Ўзбекистон Республикаси Соғлиқни сақлаш вазирлиги

Мастлик ҳолати бўйича меҳнатга лаёқатсизлик маълумотномаси
Рўйхатга олинган сана: __-_____ 20___-йил
№ __XXXXXX__

Тиббий муассаса номи: _____________________________________________
^{_________________________}^{(қайси муассаса томонидан берилган)}

1.	Вақтинча меҳнатга лаёқатсиз фуқаро ҳақидаги маълумотлар: __________________________ Ф.И.О: ________________________________ Жинси: _________________________________ ЖШШИР: ____________________________ Ёши: ________________________________ Беморга қариндошлиги: __________________	1а.	Бемор бола ҳақидаги маълумотлар: Ф.И.О: ________________________________ Жинси: _________________________________ Туғилганлик ҳақидаги гувоҳноманинг серияси ва рақами: ______________________________ Ёши: _________________________________

2.	Яшаш манзили: _______________________	3.	Иш/ўқиш жойи: ___________________________

4.	Бириктирилган тиббий муассаса: ____________	5.	Меҳнатга лаёқатсизлик сабаби: _____________

6.	Ташхис (КХТ-10 коди ва номи): ______________________________________ ______________________________________ ______________________________________ ______________________________________	7.	Даволовчи шифокор Ф.И.О: _______________________________________ Бўлим бошлиғи (масъул шахс) Ф.И.О: _______________________________________

8.	Якуний ташхис (КХТ-10 коди ва номи): ______________________________________ ______________________________________ ______________________________________ ______________________________________	9.	ВМК раисининг Ф.И.О: _______________________________________

10.	Юқумли касалликларга чалинган беморлар билан контактда бўлганлиги ҳақидаги маълумотлар: ______________________________________ ______________________________________ ______________________________________	11.	ТИЭК маълумотлари: ______________________ Кўрикдан ўтган санаси: __________________ Хулоса: _________________________________ _______________________________________ ТИЭК раиси Ф.И.О: ________________________

12.	Тартиб: _______________________________ Тартиб бузилганлиги тўғрисида қайдлар: ______________________________________	13.	Ишдан озод этилган кунлар: ________________ ________________________________________ ________________________________________ ________________________________________

14.	Вақтинча бошқа ишга ўтказилсин: _____________________________________ _____________________________________	15.	Бошқа шаҳардан келган беморга меҳнатга лаёқатсизлик варақасини бериш учун рухсат этилади:


	Ҳужжат Ягона тиббий ахборот тизимида яратилган. Ҳужжатнинг ҳаққонийлигини https://docs.dmed.uz сайтида ҳужжатнинг ID кодини киритиш, ёки QR-код орқали текшириш мумкин.	Ҳужжатнинг ҳаққонийлигини тасдиқловчи QR-код

(2-илова Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

Меҳнатга лаёқатсизлик варақаларини бериш тартиби тўғрисидаги йўриқномага
3-ИЛОВА

Ўзбекистон Республикаси Соғлиқни сақлаш вазирлиги				Ўзбекистон Республикаси Соғлиқни сақлаш вазирлиги

Таълим олаётган шахслар учун меҳнатга лаёқатсизлик маълумотномаси
Рўйхатга олинган сана: __-_____ 20___-йил
№ __XXXXXX__

Тиббий муассаса номи: _____________________________________________
^{___________________________}^{(қайси муассаса томонидан берилган)}

1.	Вақтинча меҳнатга лаёқатсиз фуқаро ҳақидаги маълумотлар: __________________________ Ф.И.О: ________________________________ Жинси: _________________________________ ЖШШИР: ____________________________ Ёши: ________________________________ Беморга қариндошлиги: __________________	1а.	Бемор бола ҳақидаги маълумотлар: Ф.И.О: ________________________________ Жинси: _________________________________ Туғилганлик ҳақидаги гувоҳноманинг серияси ва рақами: ______________________________ Ёши: _________________________________

2.	Яшаш манзили: _______________________	3.	Иш/ўқиш жойи: ___________________________

4.	Бириктирилган тиббий муассаса: ___________	5.	Меҳнатга лаёқатсизлик сабаби: _____________

6.	Ташхис (КХТ-10 коди ва номи): ______________________________________ ______________________________________ ______________________________________ ______________________________________	7.	Даволовчи шифокор Ф.И.О: _______________________________________ Бўлим бошлиғи (масъул шахс) Ф.И.О: _______________________________________

8.	Якуний ташхис (КХТ-10 коди ва номи): ______________________________________ ______________________________________ ______________________________________ ______________________________________	9.	ВМК раисининг Ф.И.О: _______________________________________

10.	Юқумли касалликларга чалинган беморлар билан контактда бўлганлиги ҳақидаги маълумотлар: ______________________________________ ______________________________________ ______________________________________	11.	ТИЭК маълумотлари: ______________________ Кўрикдан ўтган санаси: __________________ Хулоса: _________________________________ _______________________________________ ТИЭК раиси Ф.И.О: ________________________

12.	Тартиб: _______________________________ Тартиб бузилганлиги тўғрисида қайдлар: ______________________________________	13.	Таълимдан озод этилган кунлар: ________________ ________________________________________ ________________________________________ ________________________________________

14.	Вақтинча бошқа ишга ўтказилсин: _____________________________________ _____________________________________	15.	Бошқа давлатдан келган беморга меҳнатга лаёқатсизлик варақасини бериш учун рухсат этилади:

16.	Ушбу маълумотнома берилган муассаса: ____________________________________	17.	Муассаса номи: _______________________________________


	Ҳужжат Ягона тиббий ахборот тизимида яратилган. Ҳужжатнинг ҳаққонийлигини https://docs.dmed.uz сайтида ҳужжатнинг ID кодини киритиш, ёки QR-код орқали текшириш мумкин.	Ҳужжатнинг ҳаққонийлигини тасдиқловчи QR-код

(3-илова Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

Олдинги таҳрирга қаранг.

Меҳнатга лаёқатсизлик варақаларини бериш тартиби тўғрисидаги йўриқномага
4-ИЛОВА

Ўзбекистон Республикаси Соғлиқни сақлаш вазирлиги				Ўзбекистон Республикаси Соғлиқни сақлаш вазирлиги

Бемор болани парваришлаш учун меҳнатга лаёқатсизлик маълумотномаси
Рўйхатга олинган сана: __-_____ 20___-йил
№ __XXXXXX__

Тиббий муассаса номи: _____________________________________________
^{___________________________}^{(қайси муассаса томонидан берилган)}

1.	Вақтинча меҳнатга лаёқатсиз фуқаро ҳақидаги маълумотлар: __________________________ Ф.И.О: ________________________________ Жинси: _________________________________ ЖШШИР: ____________________________ Ёши: ________________________________ Беморга қариндошлиги: __________________	1а.	Бемор бола ҳақидаги маълумотлар: Ф.И.О: ________________________________ Жинси: _________________________________ Туғилганлик ҳақидаги гувоҳноманинг серияси ва рақами: ______________________________ Ёши: _________________________________

2.	Яшаш манзили: _______________________	3.	Иш/ўқиш жойи: ___________________________

4.	Бириктирилган тиббий муассаса: ____________	5.	Меҳнатга лаёқатсизлик сабаби: _____________

6.	Ташхис (КХТ-10 коди ва номи): ______________________________________ ______________________________________ ______________________________________ ______________________________________	7.	Даволовчи шифокор Ф.И.О: _______________________________________ Бўлим бошлиғи (масъул шахс) Ф.И.О: _______________________________________

8.	Якуний ташхис (КХТ-10 коди ва номи): ______________________________________ ______________________________________ ______________________________________ ______________________________________	9.	ВМК раисининг Ф.И.О: _______________________________________

10.	Юқумли касалликларга чалинган беморлар билан контактда бўлганлиги ҳақидаги маълумотлар: ______________________________________ ______________________________________ ______________________________________	11.	ТИЭК маълумотлари: ______________________ Кўрикдан ўтган санаси: __________________ Хулоса:_________________________________ _______________________________________ ТИЭК раиси Ф.И.О: ________________________

12.	Тартиб: _______________________________ Тартиб бузилганлиги тўғрисида қайдлар: ______________________________________	13.	Ишдан озод этилган кунлар: ________________ ________________________________________ ________________________________________ ________________________________________

14.	Вақтинча бошқа ишга ўтказилсин: _____________________________________ _____________________________________	15.	Бошқа давлатдан келган беморга меҳнатга лаёқатсизлик варақасини бериш учун рухсат этилади:


	Ҳужжат Ягона тиббий ахборот тизимида яратилган. Ҳужжатнинг ҳаққонийлигини https://docs.dmed.uz сайтида ҳужжатнинг ID кодини киритиш, ёки QR-kod орқали текшириш мумкин.	Ҳужжатнинг ҳаққонийлигини тасдиқловчи QR-код

(4-илова Ўзбекистон Республикаси соғлиқни сақлаш вазирининг 2025 йил 15 сентябрдаги 9-сонли буйруғи (рўйхат рақами 2667-4, 08.10.2025 й.) таҳририда — Қонунчилик маълумотлари миллий базаси, 08.10.2025 й., 10/25/2667-4/0909-сон)

(Ўзбекистон Республикаси қонун ҳужжатлари тўплами, 2015 й., 15-сон, 194-модда; Қонун ҳужжатлари маълумотлари миллий базаси, 25.12.2019 й., 10/19/2667-1/4230-сон; 15.06.2020 й., 10/20/2667-2/0765-сон; Қонунчилик маълумотлари миллий базаси, 15.07.2021 й., 10/21/2667-3/0675-сон, 28.07.2021 й., 10/21/3313/0724-сон; 19.08.2024 й., 10/24/3552/0630-сон; 08.10.2025 й., 10/25/2667-4/0909-сон)