|
Ҳужжат кучини йўқотган " " 20.03.2019
|
Ўзбекистон Республикаси Вазирлар Маҳкамасининг
қарори
Божхона омбори, эркин омбор ва бож олинмайдиган савдо дўкони фаолиятини лицензиялаш тўғрисидаги низомларни тасдиқлаш ҳақида
LexUZ шарҳиМазкур қарор Ўзбекистон Республикаси Вазирлар Маҳкамасининг 2018 йил 18 декабрдаги 1028-сонли «Божхона омбори, эркин омбор ва бож олинмайдиган савдо дўкони фаолиятини лицензиялаш тўғрисидаги низомларни тасдиқлаш ҳақида»ги қарорига асосан 2019 йил 20 мартидан ўз кучини йўқотади.
«Фаолиятнинг айрим турларини лицензиялаш тўғрисида»ги Ўзбекистон Республикаси Қонунини бажариш юзасидан Ўзбекистон Республикаси Вазирлар Маҳкамаси қарор қилади:
1. Қуйидагилар:
Божхона омбори фаолиятини лицензиялаш тўғрисидаги низом 1-иловага мувофиқ;
Эркин омбор фаолиятини лицензиялаш тўғрисидаги низом 2-иловага мувофиқ;
Бож олинмайдиган савдо дўкони фаолиятини лицензиялаш тўғрисидаги низом 3-иловага мувофиқ тасдиқлансин.
2. Ўзбекистон Республикаси Давлат божхона қўмитаси икки ҳафта муддатда:
лицензиялар бериш тўғрисидаги хулосаларни тайёрлаш бўйича тегишли эксперт комиссиялари таркибини ва улар тўғрисидаги низомларни тасдиқласин;
Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда идоравий норматив-ҳуқуқий ҳужжатларни мазкур қарорга мувофиқлаштирсин.
3. Ўзбекистон Республикаси Вазирлар Маҳкамасининг «Божхона йиғимлари ставкалари тўғрисида» 1999 йил 30 апрелдаги 204-сон қарорига илованинг 12—14, 18—21-бандлари ўз кучини йўқотган деб ҳисоблансин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Э.М. Ғаниев зиммасига юклансин.
Ўзбекистон Республикасининг Бош вазири Ў. Султонов
Тошкент ш.,
2003 йил 20 ноябрь,
523-сон
Божхона омбори фаолиятини лицензиялаш тўғрисида
НИЗОМ
I. Умумий қоидалар
1. Ушбу Низом Ўзбекистон Республикаси Давлат божхона кодексининг 54—59, 65, 69, 70—72-моддаларига ва «Фаолиятнинг айрим турларини лицензиялаш тўғрисида»ги Ўзбекистон Республикаси Қонунига мувофиқ ишлаб чиқилган ва божхона омбори фаолиятини лицензиялаш тартибини белгилайди.
LexUZ шарҳи2. Божхона омбори – махсус жиҳозланган ва белгиланган жой бўлиб, биноларнинг ҳудудини ва (ёки) очиқ майдончаларни ўз ичига олади ҳамда товарларни вақтинча сақлаш ва (ёки) божхона омбори режимларида божхона назорати остида сақлашга мўлжалланган.
3. Божхона омборида:
Ўзбекистон Республикасига олиб келиш ва Ўзбекистон Республикасидан олиб чиқиш тақиқланган товарларни сақлашга рухсат берилмайди, божхона органлари томонидан олиб қўйилган ва божхона органлари томонидан таъсис этилган божхона омборига жойлаштирилган товарлар бундан мустасно;
Ўзбекистон Республикаси ҳудудида айланиши ва сотилиши тақиқланган товарларни сақлашга рухсат берилмайди.
4. Божхона омборининг нормал фаолият кўрсатишини таъминлаш учун фойдаланиладиган товарлар (масалан, ортиш-тушириш техникаси, совутиш ускунаси, компьютер техникаси, махсус кийим-бош ва ҳоказолар) божхона режими остида жойлаштирилмайди.
5. Божхона омборида ва унга туташиб кетган ҳудудда товарлар билан ишлаб чиқариш операциялари ва бошқа тижорат операциялари амалга оширилишига йўл қўйилмайди, тегишли божхона режимида назарда тутилган операциялар бундан мустасно.
6. Божхона омбори очиқ ёки ёпиқ турда бўлиши мумкин.
Очиқ турдаги божхона омбори — ҳар қандай шахслар фойдаланиши мумкин бўлган божхона омбори.
Ёпиқ турдаги божхона омбори — муайян шахсларнинг, қоидага кўра, омбор эгасининг товарларини сақлашга ёки муайян товарларни, шу жумладан айланиши чекланган товарларни сақлаш учун мўлжалланган божхона омбори. Бундай шахслар ва товарлар божхона омборини таъсис этишда божхона органи билан келишув бўйича божхона омбори эгаси томонидан белгиланиши мумкин.
Очиқ ва ёпиқ турдаги божхона омборларидан сақлашнинг алоҳида шарт-шароитларини талаб этувчи ёки бошқа товарларга зарар етказиши мумкин бўлган товарларнинг айрим турларини сақлаш учун фойдаланилиши мумкин (ихтисослаштирилган божхона омборлари).
Ўзбекистон Республикаси божхона органлари томонидан таъсис этиладиган божхона омборлари очиқ турдаги божхона омборлари ҳисобланади.
7. Божхона омборида сақланаётган товарларнинг божхона расмийлаштируви ариза берилган божхона режимларига мувофиқ тегишли божхона режимлари учун Ўзбекистон Республикаси қонун ҳужжатларида белгиланган тартибда амалга оширилади.
Божхона омборида сақлашни назарда тутмайдиган ўзгача божхона режими остида ариза берилган товарларни божхона омборидан амалда олиб чиқиш танланган божхона режимига мувофиқ бундай товарлар чиқарилиши пайтдан бошлаб уч кундан кечикмай амалга оширилиши керак.
8. Божхона омбори фаолиятини амалга оширишга лицензия (кейинги ўринларда лицензия деб аталади) Ўзбекистон Республикаси Давлат божхона қўмитаси томонидан (кейинги ўринларда лицензияловчи орган деб аталади) омбор ҳудуди, шунингдек, божхона омбори сифатида фойдаланиш мўлжалланаётган омбор ва қўшимча хоналар эгалигида бўлган Ўзбекистон Республикаси юридик шахсига эгаси, божхона омбори ҳудуди ва хонаси ушбу Низом талаблари ва шартларига мувофиқ бўлиши шарти билан берилади.
(8-банд Ўзбекистон Республикаси Вазирлар Маҳкамасининг 2018 йил 18 июлдаги 553-сонли қарори таҳририда — Қонун ҳужжатлари маълумотлари миллий базаси, 19.07.2018 й., 09/18/553/1538-сон)
9. Агар божхона омбори божхона органи томонидан таъсис этилса, лицензия олиш талаб қилинмайди. Бундай божхона омборини таъсис этиш ва унда товарларни сақлаш тартиби мазкур Низомда белгиланган талаблар ва шартларга мувофиқ Ўзбекистон Республикаси Давлат божхона қўмитаси томонидан белгиланади.
10. Божхона омбори фаолиятини амалга оширишга намунавий (оддий) лицензия берилади.
11. Лицензияни ёки у бўйича ҳуқуқларни бошқа шахсларга бериш тақиқланади.
II. Божхона омбори жойлашган жойга, унинг жиҳозланишига ва асбоб-ускуналарига қўйиладиган талаблар
12. Божхона омбори ҳудуди божхона назорати зонаси ҳисобланади.
Божхона омбори ҳудудига мазкур Низомнинг 21-бандида белгиланган тартибда қўриқланадиган ва белгиланган товарларни божхона назорати остида етказиб беришни тугаллаш учун зарур бўлган вақтда товарларни ташиётган транспорт воситалари тўхтаб туриши учун жиҳозланган ҳудуд туташиб кетиши керак. Кўрсатиб ўтилган ҳудуд шунингдек божхона назорати зонаси ҳам ҳисобланади. Божхона назорати остидаги товарларни ташийдиган транспорт воситалари божхона назоратининг кўрсатиб ўтилган зонасига сутканинг исталган вақтида кириши мумкин.
Божхона омборлари имкони борича транспорт узеллари ва транспорт магистралларининг яқинида жойлаштирилиши керак.
13. Божхона омбори сифатида фойдаланиш мўлжалланган бинолар ва (ёки) очиқ майдончалар сақланаётган товарлар ва транспорт воситаларига нисбатан божхона назорати амалга оширилиши, уларнинг сақланиши таъминланадиган тарзда жойлаштирилиши, жиҳозланиши ва асбоб-ускуналар билан таъминланиши керак ҳамда қуйидагиларни истисно этиши лозим:
божхона омбори ҳудудига ва товарларга бегона шахсларнинг (омбор ходимлари бўлмаган, товарларга нисбатан ваколатларга эга бўлмаган шахсларнинг) яқинлашиши;
товарларнинг божхона назоратидан ташқарига туширилиши ва олиб қўйилиши.
Божхона омбори биноси эшиги иккита қулф билан қулфланиши, улардан бири божхона органи ихтиёрида бўлиши керак.
Агар бинонинг ёки иншоотнинг бир қисми божхона омбори ҳисобланса, унга бориш йўлларидаги асбоб-ускуналар ва жиҳозлар ҳамда туташиб кетадиган тушириш майдончалари божхона назорати остидаги товарларга бегона шахсларнинг яқинлашишини истисно этиши керак.
14. Божхона омбори ҳудуди ва бинолари майдони мазкур Низомда назарда тутилган талаблар ҳисобга олинган ҳолда божхона омборининг нормал фаолият кўрсатиши учун етарли бўлиши керак.
15. Божхона омбори бинолари:
ер устидаги иморатларда ёки иншоотларда жойлаштирилиши;
Ўзбекистон Республикаси қонун ҳужжатларида белгиланган техник, санитария, ёнғинга қарши ва бошқа талабларга жавоб бериши;
қўриқлаш ва ёнғин назорати сигнализациялари билан жиҳозланган бўлиши;
ёнғинни ўчиришнинг ёнғин хавфсизлигининг тегишли талабларига мувофиқ бўлган тизими ва воситаларига эга бўлиши керак.
16. Тез бузиладиган товарлар божхона омборида бундай товарлардан ўз вазифасига кўра фойдаланиш имконини берувчи уларнинг сифати сақланиб қолиши муддати доирасида, бироқ танланган божхона режимига мувофиқ белгиланган муддатдан ортиқ бўлмаган муддатда сақланиши мумкин.
17. Бошқа товарларга зарар етказиши мумкин бўлган ёки алоҳида шарт-шароитларда сақланиши талаб этиладиган товарлар омборларда ёки божхона омборининг бир қисми ҳисобланган ва бундай товарларни сақлаш учун махсус мослаштирилган алоҳида биноларда Ўзбекистон Республикаси қонун ҳужжатларига мувофиқ белгиланган мажбурий талабларга риоя қилинган ҳолда сақланиши керак.
18. Божхона омборининг эгаси:
божхона омборининг умумий майдонини, яъни фақат вақтинча сақлаш божхона режими ва божхона омборининг божхона режими остида жойлаштирилган товарларни ва уларга нисбатан божхона омбори ва вақтинча сақлашнинг божхона режими бошқа режимга ўзгартирилган товарларни сақлаш учун бевосита мўлжалланган ва фойдаланиладиган майдонни;
товарларни ташувчи транспорт воситаларига товарлар ортиладиган ва тушириладиган участкада божхона омборига туташиб кетадиган божхона омбори ва/ёки туташиб кетадиган божхона омбори атрофида жойлашган ҳудудни (кейинги ўринларда «божхона омборига бевосита туташиб кетган ҳудуд» деб юритилади);
божхона омборида товарни сақлаш мўлжалланган товарлар номенклатурасини белгилайди.
19. Битта юк божхона декларацияси бўйича божхона омборига жойлаштирилган товарларни ёки битта юк божхона декларацияси бўйича бошқача божхона режими остида жойлаштиришга ариза берилган товарларни (божхона омборидан товарларни чиқаришда) сақлаш учун божхона омбори эгаси томонидан божхона омбори майдонининг бир қисми махсус ажратилади ва белгиланади (кейинги ўринларда «омбор ўрни» деб юритилади).
20. Божхона омбори ҳудуди ва биноси мазкур Низомнинг 22-бандига мувофиқ:
вақтинча сақлашнинг божхона режими остида жойлаштирилган товарларни;
божхона омборининг божхона режими остида жойлаштирилган товарларни;
уларга нисбатан вақтинча сақлаш ва божхона омборининг божхона режими тугалланган ва божхона омборидан олиб чиқиш мўлжалланган товарларни;
экспортнинг божхона режимига мувофиқ олиб чиқиш мўлжалланган товарларни сақлаш учун махсус ажратилган, тўсиб қўйилган ва тегишли равишда белгиланган майдонларга (зоналарга) эга бўлиши керак.
Зоналар товарни бир зонадан бошқа зонага ўтказишга тўсқинлик қилувчи яхлит ёки тўрсимон тўсиқлар билан ажратилиши, бундай зоналарга кириш эса (эшиклар, дарвоза) мустақил (алоҳида) бўлиши мумкин. Божхона омборини зоналарга ажратиш усули ва ушбу зоналарга кириш алоҳидалиги мустақиллиги тўғрисидаги қарорни лицензияловчи орган божхона омборида сақлашга мўлжалланган товарлар номенклатурасидан келиб чиқиб қабул қилади.
21. Божхона омборига бевосита туташиб кетган ва божхона назорати зонаси ҳисобланган ҳудуд қуйидаги талабларга мувофиқ бўлиши керак:
божхона омборига туташиб кетган бутун ҳудуд периметри бўйича махсус белгиланган (тўсилган);
ичкарисида божхона омборининг бир қисми ҳисобланмаган ўзга иморатлар ва иншоотларга эга бўлмаслиги;
кўп юк кўтарадиган транспортнинг манёвр қилиши имкониятини таъминлаши;
эшик ўрни томонидан божхона омбори иморатига бевосита туташиб кетган бўлиши;
ўзбек, рус ва инглиз тилларида «божхона назорати зонаси» деган белги қўйилган бўлиши керак.
22. Божхона омбори ва божхона назорати зонаси ҳисобланган, божхона омборига бевосита туташиб кетган ҳудуд:
умумий периметр бўйича бир-биридан ажратилмаган;
яхлит тўсиқлар билан айлантириб тўсилган ва барча чиқиш (кириш) ва/ёки чиқиш (кириш)нинг жойларида ўзбек, рус ва инглиз тилларида «божхона омбори» белгиси қўйилган ҳолда назорат-ўтказиш пунктларига эга бўлиши керак.
23. Божхона омбори доимий равишда соз, ишлаш ҳолатида ва унинг нормал фаолият кўрсатиш учун етарлича бўлган ва қуйидагиларни ўз ичига олувчи жиҳозларга:
ортиш-тушириш ва транспорт воситаларига;
омбор асбоб-ускуналарига;
аниқлиги ва ўлчаш чегаралари божхона омборида сақлаш мўлжалланаётган товарларнинг хусусиятига мувофиқ бўлган товарларнинг оғирлигини тортиш воситаларига;
алоқа воситаларига (шу жумладан телефон, факс);
ташкилий техникага;
мебелга;
агар бу унинг нормал фаолият кўрсатиши учун зарур бўлса, асбоб-ускуналарнинг бошқа турларига эга бўлиши керак.
24. Божхона омборига жойлаштирилган товарлар устидан божхона назоратини таъминлаш учун лицензияловчи орган сақлашга мўлжалланаётган товарларнинг хусусиятини, шунингдек божхона омборини таъсис этиш учун мўлжалланаётган бинонинг (биноларнинг ёки бошқа жойнинг) жойлашишини ҳисобга олган ҳолда божхона омбори ва унга бевосита туташиб кетган ҳудуднинг жойлашиши, ажратилиши ёки жиҳозланишига аниқ талаблар қўйишга ҳақлидир.
Лицензияловчи органнинг қарорига кўра корхоналар ҳудудидаги ва эгаси ишлаб чиқариш фаолиятини амалга оширувчи шахслар бўлган ёпиқ турдаги божхона омборларини жиҳозлаш ва уларни асбоб-ускуналар билан таъминлашга нисбатан мазкур Низомда назарда тутилган айрим талаблар қўлланилмаслиги мумкин.
25. Божхона омборида ва божхона назорати зоналари ҳисобланган божхона омборига бевосита туташиб кетувчи ҳудудда ҳар қандай турдаги чиқиндилар ёки бошқа маиший ахлат тўпланиши мумкин эмас.
26. Божхона органи ходимлари учун божхона назоратини ва божхона расмийлаштирувини амалга ошириш учун зарур бўлган жиҳозланган бинолар, алоқа воситалари ажратилиши керак.
27. Божхона омборини таъсис этиш ва унинг фаолият кўрсатиши Ўзбекистон Республикасининг атроф табиий муҳитни муҳофаза қилиш тўғрисидаги қонун ҳужжатлари талабларига риоя қилинган ҳолда амалга оширилиши керак.
28. Божхона омборини асбоб-ускуналар билан қўшимча равишда таъминлаш (қўшимча равишда жиҳозлаш), тартибни сақлаш ҳамда қўриқлаш ва ўтказиш режимини таъминлаш лицензияловчи орган билан келишган ҳолда божхона омборининг эгаси томонидан ва унинг ҳисобига амалга оширилади.
29. Мазкур Низомнинг 22—24-бандларида белгиланган талаблар божхона омборини таъсис этиш учун берилган аризани кўриб чиқиш босқичида божхона органи томонидан белгиланиши ва божхона омборидан фойдаланиш тартиб-қоидасида акс эттирилиши керак.
III. Божхона омборининг эгасига қўйиладиган талаблар
30. Ўзбекистон Республикасининг юридик шахси ёки Ўзбекистон Республикасининг божхона органи божхона омборининг эгаси бўлиши мумкин.
31. Божхона омборининг эгаси қуйидагиларга мажбурдир:
вақтинча сақлашнинг божхона режими ва божхона омборининг божхона режими шартларига мувофиқ божхона назорати остида товарлар сақланишини тартибга солувчи қонун ҳужжатларига риоя қилиш;
берилган лицензия шартларига, шу жумладан унинг божхона омборини жиҳозлаш ва уни асбоб-ускуналар билан таъминлаш талабларига оид қисмига риоя қилиш;
божхона омбори сифатида фойдаланиш учун мўлжалланган ва белгиланган талабларга жавоб берадиган бинолар ва (ёки) очиқ майдончаларга эгалик қилиш (ўз мулкида бўлиши ёки хўжалик юритишида, оператив бошқарувида бўлиши ва ижарага олган бўлиши). Агар хоналарга ва (ёки) очиқ майдончаларга эгалик қилиш ижара шартномаси асосида амалга оширилса, у ҳолда бундай шартноманинг амал қилиш муддати лицензия бериш тўғрисида ариза берилган санадан бошлаб бир йилдан кам бўлмаслиги керак;
(31-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарори таҳририда — ЎР ҚҲТ, 2015 й., 1-сон, 9-модда)
Ўзбекистон Республикаси Божхона кодексининг 111-моддасига мувофиқ божхона тўловлари тўланишини таъминлаш;
LexUZ шарҳимазкур Низомнинг II бўлимида белгиланган талабларга риоя этилишини таъминлаш;
божхона омборига жойлаштирилган товарларни фақат божхона омбори ҳудудида ва омбор биноларида сақлаш;
божхона омборига жойлаштириладиган товарлардан сақлашдан бошқа мақсадларда фойдаланилиши имкониятини истисно этиш ва кўрсатиб ўтилган товарлар билан ариза берилган божхона режимига мувофиқ операциялар содир этилишини таъминлаш;
божхона назоратини амалга оширишда божхона органлари ходимларига ёрдам бериш;
божхона омборига тушувчи ва божхона омборидан олиб чиқиладиган товарлар ҳисобини юритиш (шу жумладан автоматлаштирилган ҳисобини юритиш) ва ушбу товарлар тўғрисида Ўзбекистон Республикаси Давлат божхона қўмитаси томонидан белгиланган тартибда божхона органларига ҳисобот тақдим этиш;
божхона органининг талаби бўйича божхона омборидаги товарларни божхона органининг мансабдор шахси иштирокида хатловдан ўтказиш;
санитария қоидаларига, омборга жойлаштириш нормаларига, товарларнинг ёнма-ён қўйилиши қоидаларига ва сақлаш режимига, давлат стандартларининг мажбурий талабларига риоя қилиш, Ўзбекистон Республикасининг божхона иши соҳасидаги муносабатларни тартибга солувчи қонун ҳужжатларида белгиланган бошқа талаблар ва шартларни бажариш;
вақтинча сақлашнинг божхона режими ва божхона омборининг божхона режими амал қилиши тугаллангандан кейин аҳамиятли бўлиши мумкин бўлган божхона омборида сақланаётган товарлар билан юз берган ўзгаришлар тўғрисида божхона органига имкони борича қисқа муддатларда маълум қилиш;
божхона омборида сақланаётган товарлар билан амалга оширилиши мўлжалланаётган операциялар тўғрисида божхона органини барвақт хабардор қилиш ва божхона органининг ёзма рухсатномасисиз бундай операциялар содир этилишига йўл қўймаслик;
божхона омборида сақланаётган истеъмол товарларига махсус марка ёпиштириш учун шарт-шароитлар яратиш ва кўрсатиб ўтилган товарларни омбордан фақат уларга мана шундай марка ёпиштирилган тақдирда чиқариш;
мазкур Низомнинг 77-бандида белгиланган ҳолларда божхона тўловлари тўлаш;
божхона омбори ҳудудини ва биноларини ҳамда божхона омборига бевосита туташиб кетувчи ҳудудни ижарага олиш муддати тамом бўлишидан икки ой олдин лицензияловчи органни, агар бинолар ва (ёки) очиқ майдончаларга эгалик қилиш унинг асосида амалга оширилса, ижара шартномаси узайтирилганлиги тўғрисида тегишли ҳужжатларни тақдим этган ҳолда, хабардор қилиш;
божхона органини таъсис ҳужжатларига ўзгартириш ва қўшимчалар киритилганлиги, божхона омборига киришга рухсати бўлган ўз ходимлари рўйхатига ўзгартириш ва қўшимчалар киритилганлиги тўғрисида ўз вақтида хабардор қилиш;
лицензия бекор қилинган ёки унинг амал қилиши тўхтатилган тақдирда, ёхуд божхона омбори тугатилган тақдирда бу ҳақда лицензияловчи органни хабардор қилиш, товарларнинг сақланишини таъминлаш, божхона омбори тугатилиши тартиб-қоидасини бажариш ва Ўзбекистон Республикаси Божхона кодексининг 59-моддасида белгиланган муддатларда омборда сақланаётган товарлар чиқарилиши чора-тадбирларини кўриш;
LexUZ шарҳиЎзбекистон Республикаси божхона органларининг қонуний талабларини бажариш, шу жумладан божхона органлари мансабдор шахсларининг товарлар сақланаётган божхона омборига киришини таъминлаш;
божхона назорати ва божхона расмийлаштирувини амалга ошириш учун божхона омборидаги жиҳозланган бинолар ва алоқа воситаларини божхона органлари ходимларига бепул тақдим этиш.
32. Божхона омборининг эгаси божхона органини божхона омбори очилиши муддати тўғрисида олдиндан хабардор қилади. Товарларнинг божхона расмийлаштируви ва уларнинг кейинчалик божхона омборига жойлаштирилишига бундай билдиришнома олингандан кейин йўл қўйилади.
33. Вақтинчалик сақлаш омбори эгасининг товарларни сақлаш учун жойлаштирувчи шахслар билан муносабатлари шартнома асосида қурилади.
34. Давлат божхона қўмитасининг норматив-ҳуқуқий ҳужжатлари билан божхона омбори эгасининг таркибий бўлинма фаолиятини амалга оширишига қўйиладиган талаблар ва унинг тартиби назарда тутилиши мумкин, лицензия талаблари ва шартлари таркибий бўлинмага ҳам татбиқ этилади.
IV. Божхона омбори фаолиятини амалга оширишга лицензия олиш учун зарур ҳужжатлар
35. Лицензия олиш учун лицензия талабгори лицензияловчи органга қуйидаги ҳужжатларни тақдим этади:
юридик шахснинг номи ва ташкилий-ҳуқуқий шакли, унинг жойлашган жойи (почта манзили), банк муассасасининг номи ва банкдаги ҳисоб рақами кўрсатилган лицензия бериш тўғрисидаги ариза;
LexUZ шарҳиОлдинги таҳрирга қаранг.
(35-банднинг учинчи хатбошиЎзбекистон Республикаси Вазирлар Маҳкамасининг 2016 йил 20 июндаги 211-сонли қарорига асосан ўз кучини йўқотган — ЎР ҚҲТ, 2016 й., 25-сон, 308-модда)
Олдинги таҳрирга қаранг.
(35-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан чиқарилган — ЎР ҚҲТ, 2015 й., 1-сон, 9-модда)
божхона омборининг тури тўғрисидаги маълумотлар (ёпиқ турдаги омбор учун шунингдек бундай турдаги омбор танланишининг зарурлиги ва мақсадга мувофиқлиги асосланиши керак);
ариза берувчининг эгалигида бўлган ва божхона омбори сифатида фойдаланиш учун мўлжалланган бинолар ва (ёки) очиқ майдончалар, улар жойлашган жой, уларнинг жиҳозланиши, асбоб-ускуналар билан таъминланиши ва моддий-техник жиҳозланиши тўғрисидаги маълумотлар;
автомобиль ва темир йўллар кўрсатилган ҳолда божхона омбори учун мўлжалланган ҳудуд ва биноларнинг тарҳи ва чизмаси;
талабгорнинг божхона омборига киришга рухсат берилган ходимларидан бўлган шахсларнинг рўйхати (фамилияси, исми ва отасининг исми ҳамда лавозими кўрсатилган ҳолда);
давлат ёнғин назорати органларининг божхона омбори ҳудуди ва биноларининг ёнғин хавфсизлиги талабларига мувофиқлиги тўғрисидаги хулосаси;
давлат санитария назорати органларининг божхона омбори ҳудуди ва биноларининг ариза берилган товарларни, шу жумладан озиқ-овқат товарларини — лицензиат бундай товарларни сақлаш ниятида бўлса — сақлаш учун зарур шарт-шароитларга мувофиқлиги тўғрисидаги хулосаси;
божхона омборида сақлаш мўлжалланаётган товарлар рўйхати;
Ўзбекистон Республикаси Божхона кодексининг 111-моддасига мувофиқ божхона тўловлари тўлаш таъминланганлигини тасдиқловчи ҳужжат;
LexUZ шарҳиОлдинги таҳрирга қаранг.
(35-банднинг ўн учинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарорига асосан чиқарилган — ЎР ҚҲТ, 2014 й., 31-сон, 380-модда)
Божхона омбори сифатида фойдаланиш мўлжалланган ҳар бир ҳудудий алоҳида бинога ва (ёки) ҳар бир ҳудудий алоҳида очиқ майдончага алоҳида ариза тақдим этилади.
Лицензия талабгоридан ушбу Низомда назарда тутилмаган ҳужжатларни тақдим этишни талаб қилишга йўл қўйилмайди.
Лицензияловчи орган лицензия бериш учун бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади, ушбу бандда назарда тутилган ҳужжатлар ва ахборотлар бундан мустасно;
(35-банд Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан хатбоши билан тўлдирилган — ЎР ҚҲТ, 2015 й., 1-сон, 9-модда)
36. Ҳужжатлар лицензияловчи органга лицензия талабгори томонидан бевосита ёхуд уларнинг олинганлиги тўғрисидаги билдиришнома билан почта алоқаси воситаси орқали етказиб берилади.
LexUZ шарҳи37. Ҳужжатлар лицензияловчи органнинг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилиб олинган сана тўғрисида белги қўйилган ҳолда ариза берувчига юборилади (топширилади).
38. Ишончли бўлмаган ёки бузилган маълумотлар тақдим этилганлиги учун лицензия талабгори қонун ҳужжатларига мувофиқ жавоб беради.
V. Аризани кўриб чиқиш ва лицензия бериш ёки лицензия беришни рад этиш тўғрисида қарор қабул қилиш
39. Лицензия бериш мазкур Низомга илова қилинаётган схемага мувофиқ амалга оширилади.
40. Лицензия бериш тўғрисидаги ариза кўриб чиқилганлиги учун йиғим ундирилмайди.
(40-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
41. Лицензия бериш ёки лицензия беришни рад этиш тўғрисидаги қарор барча зарур ҳужжатлар билан биргаликда лицензия талабгорининг аризаси олинган кундан бошлаб ўттиз кундан ортиқ бўлмаган муддатда қабул қилинади.
42. Лицензия бериш, лицензияларнинг амал қилиш муддатини узайтириш тўғрисидаги ҳужжатларни кўриб чиқиш, улар бўйича хулосалар тайёрлаш учун лицензияловчи органда эксперт комиссияси ташкил этилади. Эксперт комиссиясининг таркиби ва у тўғрисидаги низом лицензияловчи орган томонидан тасдиқланади.
43. Лицензия талабгорининг аризаси барча зарур ҳужжатлар билан биргаликда улар қабул қилинган кунда кўриб чиқиш учун эксперт комиссиясига киритилади.
Эксперт комиссияси йигирма кундан ортиқ бўлмаган муддатда тақдим этилган ҳужжатларни кўриб чиқади ва улар бўйича лицензия бериш ёки лицензия беришни рад этиш тўғрисида эксперт хулосаси тайёрлайди.
44. Лицензияловчи орган беш кун муддатда эксперт комиссияси хулосаси асосида лицензия бериш ёки лицензия беришни рад этиш тўғрисида қарор қабул қилади.
Лицензияловчи орган лицензия талабгорини қабул қилинган қарор тўғрисида тегишли қарор қабул қилингандан кейин уч кун мобайнида хабардор қилади.
Лицензия беришга қарор қилинганлиги тўғрисидаги билдиришнома лицензия талабгорига банк ҳисоб рақами реквизитлари ва давлат божи тўлаш муддати кўрсатилган ҳолда ёзма шаклда юборилади (топширилади).
LexUZ шарҳи45. Лицензия махсус бланкада расмийлаштирилади ва унда қуйидагилар бўлиши керак:
божхона омбори эгасининг номи, унинг ташкилий-ҳуқуқий шакли ва жойлашган жойи кўрсатилиши керак;
божхона омбори сифатида фойдаланиладиган бинолар ва (ёки) очиқ майдончаларга эгалик ҳуқуқи тўғрисидаги маълумотлар;
божхона тўловлари миқдорлари ва уларни тўлашни таъминлаш шакли тўғрисидаги маълумотлар;
божхона омборининг тури;
божхона омбори жойлашган жой;
божхона назоратини амалга ошириш учун зарур бўлган ва Ўзбекистон Республикаси қонун ҳужжатларида белгиланадиган бошқа маълумотлар.
Бланкалар намунаси Ўзбекистон Республикаси Вазирлар Маҳкамасининг 2000 йил 20 декабрдаги 488-сон қарорига мувофиқ Ўзбекистон Республикаси Давлат божхона қўмитаси томонидан тасдиқланади.
Лицензиялар бланкалари қатъий ҳисобот бериладиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади. Лицензия бланкалари лицензияловчи органнинг буюртмаси бўйича «Давлат белгиси» давлат-ишлаб чиқариш бирлашмасида босмахона усулида тайёрланади.
46. Лицензиялар лицензия талабгори томонидан давлат божи тўланганини тасдиқловчи ҳужжат тақдим этилгандан кейин уч кун муддатда расмийлаштирилади ва берилади.
47. Агар лицензиат лицензия бериш тўғрисида қарор қабул қилинганлиги ҳақидаги билдиришнома юборилган (топширилган) вақтдан бошлаб уч ой мобайнида лицензияловчи органга лицензия берилганлиги учун давлат божи тўланганлигини тасдиқловчи ҳужжатни тақдим этмаса, лицензияловчи орган лицензияни бекор қилиш тўғрисида қарор қабул қилишга ҳақлидир.
48. Лицензия бериш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 17-моддасида назарда тутилган асослар бўйича рад этилиши мумкин.
Бошқа асослар бўйича, шу жумладан лицензия бериш мақсадга мувофиқ эмаслиги сабаби билан лицензия бериш рад этилишига йўл қўйилмайди.
49. Лицензия беришни рад этиш тўғрисида қарор қабул қилинган тақдирда рад этиш тўғрисидаги билдиришнома лицензия талабгорига рад этишнинг аниқ сабаблари ва лицензия талабгори кўрсатиб ўтилган сабабларни бартараф этиб ҳужжатларни такроран кўриб чиқишга тақдим этиши учун етарли бўлган муддат кўрсатилган ҳолда ёзма шаклда юборилади (топширилади). Лицензия беришни рад этиш ҳақидаги хабарномада кўрсатилган муддат камчиликларни бартараф этиш учун зарур бўлган вақтга мутаносиб бўлиши керак.
(49-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)
LexUZ шарҳи50. Лицензия беришни рад этиш учун асос бўлган сабаблар лицензия талабгори томонидан бартараф этилган тақдирда, ҳужжатларни такроран кўриб чиқиш лицензия талабгорининг аризаси барча зарур ҳужжатлар билан биргаликда олинган кундан бошлаб ўн кундан ортиқ бўлмаган муддатда амалга оширилади.
Бунда такроран тақдим этилган ҳужжатлар эксперт комиссиясининг кўриб чиқиши учун улар қабул қилган кунда киритилади.
Эксперт комиссияси олти кундан ортиқ бўлмаган муддатда тақдим этилган ҳужжатларни такроран кўриб чиқади ва улар бўйича лицензия бериш ёки лицензия беришни рад этиш тўғрисида эксперт хулосаси тайёрлайди.
Лицензияловчи орган тўрт кун муддатда эксперт комиссиясининг хулосаси асосида лицензия бериш ёки лицензия беришни рад этиш тўғрисида қарор қабул қилади.
51. Лицензия талабгорининг аризаси қайта кўриб чиқилганлиги учун йиғим ундирилмайди.
Лицензия талабгорининг аризасини қайта кўриб чиқишда илгари лицензия беришни рад этиш тўғрисидаги билдиришномада кўрсатилмаган янги асослар бўйича лицензия беришни рад этишга йўл қўйилмайди;
Лицензия беришни рад этиш тўғрисидаги билдиришномада кўрсатилган муддат ўтгандан кейин берилган ариза янгидан берилган ариза ҳисобланади.
(51-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарори таҳририда — ЎР ҚҲТ, 2012 й., 44-сон, 507-модда)
VI. Лицензияни қайта расмийлаштириш, унинг амал қилиш муддатини узайтириш, дубликат бериш
52. Лицензиат ўзгартирилган, унинг номи ёки жойлашган жойи (почта манзили) ўзгарган тақдирда, лицензиат ёки унинг ҳуқуқий вориси қайта рўйхатдан ўтказилгандан кейин бир ой муддатда лицензияловчи органга кўрсатиб ўтилган маълумотларни тасдиқловчи тегишли ҳужжатлар илова қилинган ҳолда лицензияни қайта расмийлаштириш тўғрисида ариза бериши шарт.
(52-банд Ўзбекистон Республикаси Вазирлар Маҳкамасининг 2018 йил 29 октябрдаги 884-сонли қарори таҳририда — Қонун ҳужжатлари маълумотлари миллий базаси, 30.10.2018 й., 09/18/884/2128-сон)
Янгидан вужудга келган юридик шахсни давлат рўйхатидан ўтказиш санасида божхона омбори фаолиятини амалга ошириш ҳуқуқини берувчи лицензияга эга бўлган лицензиатлар қўшиб юборилган тақдирда, лицензияни ушбу банднинг биринчи хатбошида назарда тутилган тартибда қайта расмийлаштиришга йўл қўйилади.
(52-банд Ўзбекистон Республикаси Вазирлар Маҳкамасининг 2018 йил 29 октябрдаги 884-сонли қарорига асосан хатбоши билан тўлдирилган — Қонун ҳужжатлари маълумотлари миллий базаси, 30.10.2018 й., 09/18/884/2128-сон)
53. Лицензиат лицензия қайта расмийлаштирилгунга қадар унда кўрсатилган фаолиятни илгари берилган лицензия асосида амалга оширади.
54. Лицензияни қайта расмийлаштириш лицензияловчи орган томонидан тегишли ҳужжатлар илова қилинган ҳолда лицензияни қайта расмийлаштириш тўғрисида ариза олинган кундан бошлаб беш кун мобайнида амалга оширилади.
Қайта расмийлаштирилган лицензиянинг асл нусхаси лицензияловчи орган томонидан лицензиатга олдинги лицензиянинг асл нусхаси олиб қўйилган ҳолда берилади. Эски нусха лицензия бериш тўғрисидаги аризага тикиб қўйилади ва лицензияловчи органда сақланади.
Лицензияларни қайта расмийлаштиришда йиғим ундирилмайди.
(54-банднинг учинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
55. Лицензиянинг амал қилиш муддатини узайтириш лицензиатнинг аризасига кўра амалга оширилади. Лицензиянинг амал қилиш муддатини узайтириш тўғрисидаги ариза лицензияловчи органга лицензиянинг амал қилиш муддати ўтгунга қадар икки ойдан кечикмай берилиши керак. Лицензиянинг амал қилиш муддатини узайтириш лицензия бериш учун назарда тутилган тартибда амалга оширилади.
56. Амал қилиш муддати ўтмаган йўқолган ёки яроқсиз ҳолга келган лицензия ўрнига лицензиатнинг аризасига кўра дубликат берилиши мумкин.
Лицензия дубликатини беришда йиғим ундирилмайди.
(56-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
VII. Лицензия талаблари ва шартларига риоя этилишини назорат қилиш
57. Лицензиат томонидан лицензия талаблари ва шартларига риоя этилиши қонун ҳужжатларида белгиланган тартибда лицензияловчи орган томонидан назорат қилинади.
58. Лицензия талаблари ва шартларига риоя этилиши устидан назоратни амалга оширишда лицензияловчи орган ўз ваколатлари доирасида:
лицензиат томонидан лицензия талаблари ва шартларига риоя этилишини қонун ҳужжатларида белгиланган тартибда режали текшириш;
лицензия талаблари ва шартлари лицензиат томонидан бузилганлигидан далолат берувчи ҳолатлар мавжуд бўлган тақдирда лицензиатнинг уларга риоя этишини қонунда белгиланган тартибда режадан ташқари текшириш;
лицензия талаблари ва шартларига риоя этилишини текшириш чоғида пайдо бўладиган масалалар юзасидан лицензиатдан зарур ахборотни сўраш ва олиш;
текширишлар натижалари асосида, лицензиат томонидан лицензия талаблари ва шартларининг аниқ бузилишларини кўрсатган ҳолда далолатномалар (маълумотномалар) тузиш;
лицензиатга аниқланган бузилишларни бартараф этиш мажбуриятини юкловчи қарорлар чиқариш, бундай бузилишларни бартараф этиш муддатларини белгилаш;
Олдинги таҳрирга қаранг.
лицензиянинг амал қилишини тўхтатиб туриш, тўхтатиш ёки лицензияни бекор қилиш тўғрисида қонун ҳужжатларида белгиланган тартибда қарор чиқариш ёки судга мурожаат қилиш.
(58-банднинг еттинчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сон қарори таҳририда — Ўзбекистон Республикаси Қонун ҳужжатлари тўплами, 2006 й., 46-47-сон, 458-модда)
59. Лицензия талаблари ва шартларига риоя этилишини текшириш чоғида лицензияловчи органнинг мансабдор шахслари томонидан икки нусхада далолатнома тузилади, унинг бир нусхаси лицензиатда қолади.
VIII. Лицензиянинг амал қилишини тўхтатиб туриш, тўхтатиш, лицензияни бекор қилиш
60. Лицензиянинг амал қилишини тўхтатиб туриш, тўхтатиш ва лицензияни бекор қилиш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 22—24-моддаларида назарда тутилган ҳолларда ва тартибда Комиссия қарорига кўра амалга оширилади.
61. Лицензиянинг амал қилиш муддати тўхтатиб турилиши ёки божхона омборининг тугатилиши тўғрисида қарор қабул қилинган санадан бошлаб божхона омборига товарларнинг янги туркумларини жойлаштиришга йўл қўйилмайди.
62. Божхона омборини тугатиш тўғрисида қарор қабул қилган санадан бошлаб божхона омборининг божхона режими остида жойлаштирилган ва бундай омборда сақланаётган товарлар вақтинча сақланаётган товарлар сифатида қаралади.
Тугатилаётган божхона омборида товарлар ва транспорт воситаларининг вақтинча сақлаш режимида бўлишининг умумий муддати икки ойдан ортиқ бўлиши мумкин эмас.
63. Божхона омборининг эгаси лицензияловчи органнинг лицензиянинг амал қилиши тўхтатилиши ёки унинг бекор қилиниши тўғрисидаги қарори олинган санадан бошлаб уч кун муддатда лицензияловчи органга лицензиянинг бекор қилиниши ёки амал қилишининг тўхтатилиши кунида тугатилаётган божхона омборида сақланаётган товарлар тўғрисида тўлиқ ҳисобот тақдим этади.
64. Лицензияловчи орган лицензиянинг амал қилишини тўхтатиш ёки уни бекор қилиш тўғрисида қарор қабул қилинган санадан бошлаб етти кун муддатдан кечикмай тугатилаётган божхона омборида сақланаётган товарларни хатловдан ўтказади.
65. Божхона омбори тугатилган тақдирда божхона омборининг божхона режими остида жойлаштирилган ва божхона омборидаги товарлар товарни божхона омборига жойлаштирган шахс, ёхуд унинг ваколатли шахси томонидан танланган божхона режимига мувофиқ:
лицензия бекор қилинганда — товарлар омборларга жойлаштирилган санадан бошлаб;
бошқа ҳолларда — тугатиш тўғрисида қарор қабул қилинган санадан бошлаб такроран божхона расмийлаштирувидан ўтиши керак.
66. Лицензия бекор қилинганлиги муносабати билан божхона омбори тугатилган тақдирда унинг эгаси товарлар сақлаш учун жойлаштирилган санадан бошлаб товарлар тугатилаётган божхона омборида бўлган бутун давр учун Ўзбекистон Республикаси божхона органлари томонидан таъсис этилган омборлар учун белгиланган миқдорларда товарлар сақланганлиги учун йиғим тўлайди.
67. Товарларни вақтинча сақлаш Ўзбекистон Республикасининг божхона тўғрисидаги қонун ҳужжатларига мувофиқ амалга оширилади.
Вақтинча сақланаётган товарлар ҳисоби товарлар уларга мувофиқ божхона омборининг божхона режими остида жойлаштирилган божхона юк декларацияларидан фойдаланилган ҳолда амалга оширилади.
68. Лицензияловчи органнинг лицензиянинг амал қилишини тўхтатиб туриш, тўхтатиш ва лицензияни бекор қилиш тўғрисидаги қарори юзасидан судга шикоят қилиниши мумкин. Лицензиянинг амал қилиши тўхтатиб турилиши, тўхтатилиши ва лицензиянинг бекор қилиниши асоссиз эканлиги суд томонидан эътироф этилган тақдирда, лицензияловчи орган лицензиат олдида лицензиат кўрган зарар миқдорида жавоб беради.
IX. Лицензиялар реестри
69. Лицензияловчи орган божхона омборлари эгалари реестрини юритади.
Лицензиялар реестрида лицензиатлар тўғрисидаги қуйидаги асосий маълумотлар кўрсатилиши керак:
номи, ташкилий-ҳуқуқий шакли, почта манзили;
лицензияларнинг берилган санаси ва тартиб рақами;
лицензияларнинг амал қилиш муддати;
лицензияларни қайта расмийлаштириш, уларнинг амал қилишини тўхтатиб туриш ва тиклашнинг асослари ва санаси;
лицензияларнинг амал қилишини тўхтатиш асослари ва санаси;
лицензияларни бекор қилишнинг асослари ва санаси;
дубликат бериш асослари ва санаси.
Эгаси божхона органлари ҳисобланган божхона омборлари Божхона омборлари эгалари реестрига киритилмайди.
70. Ўзбекистон Республикаси Давлат божхона қўмитаси олти ойда камида бир марта божхона органларининг расмий нашрларида Божхона омборлари эгалари реестри, эгаси божхона органлари ҳисобланган божхона омборлари рўйхати, шунингдек Реестрга ва рўйхатга киритилаётган ўзгартиришлар эълон қилинишини таъминлайди.
71. Лицензияларнинг реестрларида мавжуд бўлган маълумотлар лицензияловчи органнинг веб-сайтига жойлаштирилади ва танишиб чиқиш учун очиқ бўлади.
(71-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)
Олдинги таҳрирга қаранг.
(72-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарорига асосан ўз кучини йўқотган — ЎР ҚҲТ, 2012 й., 6-сон, 57-модда)
Х. Давлат божини тўлаш тартиби
73. Лицензия берилганлиги ва унинг амал қилиш муддати узайтирилганлиги учун энг кам ойлик иш ҳақининг беш баравари миқдорида давлат божи ундирилади ва у давлат бюджетига ўтказилади.
Олдинги таҳрирга қаранг.
(74-банд Ўзбекистон Республикаси Вазирлар Маҳкамасининг 2006 йил 22 майдаги 92-сон қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2006 й., 20-21-сон, 181-модда)
XI. Божхона омбори эгасининг жавобгарлиги. Божхона тўловлари тўланишини таъминлаш
75. Божхона омборида товарлар сақланиши талаблари ва шартларига риоя этилиши учун божхона омборининг эгаси товар божхона омборида сақлаш учун қабул қилиб олинган пайтдан бошлаб жавоб беради, бу омборхона ҳужжати (омбор гувоҳномаси, товарларни қабул қилиш-топшириш далолатномаси ва ҳоказолар) расмийлаштирилиши билан тасдиқланади.
76. Ўзбекистон Республикаси Божхона кодексининг 58-моддасига мувофиқ божхона омборида сақланаётган товарларга нисбатан божхона божлари, солиқлар ва бошқа божхона тўловлари тўланиши учун божхона омборининг эгаси ёхуд товарларни сақлаш учун божхона омборига жойлаштирган шахс жавоб беради.
LexUZ шарҳи77. Божхона омбори эгаси томонидан божхона тўловлари тўланишини таъминлаш белгиланган талабларга мувофиқ бўлиши ва қуйидаги ҳолларда божхона тўловлари тўланиши таъминланишини назарда тутиши керак:
божхона органининг рухсатисиз бериш ёки божхона омборида сақланаётган товарларнинг йўқолиши;
лицензиянинг амал қилиш муддати тамом бўлгандан кейин, эгасининг хоҳишига кўра ёхуд лицензия бекор қилингач ёки лицензиянинг амал қилиши тўхтатилгач божхона омборининг тугатилиши;
божхона тўловлари тўланиши учун божхона омбори эгаси жавоб берадиган, божхона ҳақидаги қонун ҳужжатларида назарда тутиладиган бошқа ҳолларда.
78. Агар божхона омбори сифатида очиқ майдонча ёки божхона омбори сифатида ариза бериладиган бинонинг ҳажми (бошқа жой) ҳақида ариза берилса, божхона омборини таъсис этиш пайтида божхона тўловлари тўланишини таъминлаш суммаси майдончадан келиб чиқиб ҳисоблаб чиқилади ва 1 кв. м майдон учун 5 энг кам ойлик иш ҳақи миқдорида ёки 1 куб. м бино ҳажми учун 1 энг кам иш ҳақи миқдорида тегишлича, бироқ энг кам ойлик иш ҳақининг 2000 бараваридан кам бўлмаган миқдор ҳисобида ҳисоблаб чиқилади.
Олдинги таҳрирга қаранг.
(78-банднинг иккинчи — бешинчи хатбошлари Ўзбекистон Республикаси Вазирлар Маҳкамасининг 2016 йил 20 июндаги 211-сонли қарорига асосан ўз кучини йўқотган — ЎР ҚҲТ, 2016 й., 25-сон, 308-модда)
79. Божхона омборининг эгаси, агар товарлар енгиб бўлмас куч таъсири оқибатида ёки сақлаш ва сотишнинг нормал шароитларида табиий камайиш туфайли йўқ қилинган ёки қайтариб бўлмайдиган тарзда қўлдан кетган тақдирдагина божхона божлари, солиқлар тўланиши учун жавоб бермайди.
Божхона омбори фаолиятини лицензиялаш
схемаси
Эркин омбор фаолиятини лицензиялаш тўғрисида
НИЗОМ
I. Умумий қоидалар
1. Ушбу Низом Ўзбекистон Республикаси Давлат божхона кодексининг 54—59, 65, 69, 70—72-моддаларига ва «Фаолиятнинг айрим турларини лицензиялаш тўғрисида»ги Ўзбекистон Республикаси Қонунига мувофиқ ишлаб чиқилган ва эркин омбор фаолиятини лицензиялаш тартибини белгилайди.
LexUZ шарҳи2. Эркин омбор — махсус жиҳозланган ва белгиланган жой бўлиб, биноларнинг ҳудудини ва (ёки) очиқ майдончаларни ўз ичига олади ҳамда товарларни эркин омбор режимида божхона назорати остида сақлашга мўлжалланган.
3. Ўзбекистон Республикасидан олиб чиқиш ва Ўзбекистон Республикасига олиб кириш тақиқланган товарларни эркин омборда сақлашга рухсат берилмайди.
4. Эркин омборнинг нормал фаолият кўрсатишини таъминлаш учун фойдаланиладиган товарлар (масалан, ортиш-тушириш техникаси, совутиш ускунаси, компьютер техникаси, махсус кийим-бош ва ҳоказолар) божхона режими остида жойлаштирилмайди.
5. Эркин омборларда товарлар билан ишлаб чиқариш операциялари ва бошқа тижорат операциялари амалга оширилишига йўл қўйилади, уларни чакана сотиш бундан мустасно.
6. Эркин омборда сақланаётган товарларнинг божхона расмийлаштируви ариза берилган божхона режимларига мувофиқ тегишли божхона режимлари учун Ўзбекистон Республикаси қонун ҳужжатларида белгиланган тартибда амалга оширилади.
Эркин омборда сақлашни назарда тутмайдиган ўзгача божхона режими остида ариза берилган товарларни эркин омбордан амалда олиб чиқиш танланган божхона режимига мувофиқ бундай товарлар чиқарилиши пайтидан бошлаб уч кундан кечикмай амалга оширилиши керак.
7. Эркин омбор фаолиятини амалга ошириш учун лицензия (кейинги ўринларда «лицензия» деб юритилади) Ўзбекистон Республикаси Давлат божхона қўмитаси (кейинги ўринларда «лицензияловчи орган» деб юритилади) томонидан эркин омборнинг эгаси, ҳудуди ва бинолари мазкур Низом талаблари ва шартларига мувофиқ бўлиши ва уларни қондириши шарти билан эгалигида омбор ҳудуди, шунингдек эркин омбор сифатида фойдаланиш мўлжалланаётган омбор ва ёрдамчи бинолар бўлган Ўзбекистон Республикасининг юридик шахсига беш йилга берилади.
Олдинги таҳрирга қаранг.
(7-банднинг иккинчи хатбошиси Ўзбекистон Республикаси Вазирлар Маҳкамасининг 2006 йил 22 майдаги 92-сон қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2006 й., 20-21-сон, 181-модда)
8. Эркин омбор фаолиятини амалга оширишга намунавий (оддий) лицензия берилади.
9. Лицензияни ёки у бўйича ҳуқуқларни бошқа шахсларга бериш тақиқланади.
II. Эркин омбор жойлашган жойга, унинг жиҳозланишига ва асбоб-ускуналарига қўйиладиган талаблар
10. Эркин омбор ҳудуди божхона назорати зонаси ҳисобланади.
Эркин омбор ҳудудига мазкур Низомнинг 18-бандида белгиланган тартибда қўриқланадиган ва белгиланган товарларни божхона назорати остида етказиб беришни тугаллаш учун зарур бўлган вақтда товарларни ташиётган транспорт воситалари тўхтаб туриши учун жиҳозланган ҳудуд туташиб кетиши керак. Кўрсатиб ўтилган ҳудуд, шунингдек, божхона назорати зонаси ҳам ҳисобланади. Божхона назорати остидаги товарларни ташийдиган транспорт воситалари божхона назоратининг кўрсатиб ўтилган зонасига сутканинг исталган вақтида кириши мумкин.
Эркин омборлар имкони борича транспорт узеллари ва транспорт магистралларининг яқинида жойлашиши керак.
11. Эркин омбор сифатида фойдаланиш мўлжалланган бинолар ва (ёки) очиқ майдончалар сақланаётган товарлар ва транспорт воситаларига нисбатан божхона назорати амалга оширилиши, уларнинг сақланиши таъминланадиган тарзда жойлаштирилиши, жиҳозланиши ва асбоб-ускуналар билан таъминланиши керак ҳамда қуйидагиларни истисно этиши лозим:
эркин омбор ҳудудига ва товарларга бегона шахсларнинг (омбор ходимлари бўлмаган, товарларга нисбатан ваколатларга эга бўлмаган шахсларнинг) яқинлашиши,
товарларнинг божхона назоратидан ташқарига туширилиши ва олиб қўйилиши.
Эркин омбор биноси эшиги иккита қулф билан қулфланиши, улардан бири божхона органи ихтиёрида бўлиши керак.
Агар бинонинг ёки иншоотнинг бир қисми эркин омбор ҳисобланса, унга бориш йўлларининг асбоб-ускуналари ва жиҳозларига ҳамда туташиб кетадиган тушириш майдончалари божхона назорати остидаги товарларга бегона шахсларнинг яқинлашишини истисно этиши керак.
12. Эркин омбор ҳудуди ва бинолари майдони мазкур Низомда назарда тутилган талаблар ҳисобга олинган ҳолда эркин омборнинг нормал фаолият кўрсатиши учун етарли бўлиши керак.
13. Эркин омбор бинолари:
ер устидаги иморатларда ёки иншоотларда жойлаштирилиши;
Ўзбекистон Республикаси қонун ҳужжатларида белгиланган техник, санитария, ёнғинга қарши ва бошқа талабларга жавоб бериши;
қўриқлаш ва ёнғин назорати сигнализациялари билан жиҳозланган бўлиши;
ёнғин хавфсизлигининг тегишли талабларига мувофиқ ёнғинни ўчириш тизими ва воситаларига эга бўлиши керак.
14. Бошқа товарларга зарар етказиши мумкин бўлган ёки алоҳида шарт-шароитларда сақланиши талаб этиладиган товарлар омборларда ёки эркин омборнинг бир қисми ҳисобланган ва бундай товарларни сақлаш учун махсус мослаштирилган алоҳида биноларда Ўзбекистон Республикаси қонун ҳужжатларига мувофиқ белгиланган мажбурий талабларга риоя қилинган ҳолда сақланиши керак.
15. Эркин омборнинг эгаси:
эркин омборнинг умумий майдонини, яъни фақат вақтинча сақлаш божхона режими ва эркин омборнинг божхона режими остида жойлаштирилган товарларни ва уларга нисбатан эркин омборнинг божхона режими бошқа режимга ўзгартирилган товарларни сақлаш учун бевосита мўлжалланган ва фойдаланиладиган майдонни;
товарларни ташувчи транспорт воситаларига товарлар ортиладиган ва тушириладиган участкада эркин омборга туташиб кетадиган эркин омбор ва/ёки туташиб кетадиган эркин омбор атрофида жойлашган ҳудудни (кейинги ўринларда «эркин омборга бевосита туташиб кетган ҳудуд» деб юритилади);
божхона омборида товарни сақлаш мўлжалланган товарлар номенклатурасини белгилайди.
16. Битта юк божхона декларацияси бўйича эркин омборга жойлаштирилган товарларни ёки битта юк божхона декларацияси бўйича бошқача божхона режими остида жойлаштиришга ариза берилган товарларни (эркин омбордан товарларни чиқаришда) сақлаш учун эркин омбор эгаси томонидан эркин омбор майдонининг бир қисми махсус ажратилади ва белгиланади (кейинги ўринларда «омбор ўрни» деб юритилади).
17. Эркин омбор ҳудуди ва биноси мазкур Низомнинг 19-бандига мувофиқ:
уларга нисбатан эркин омборнинг божхона режими тугалланган ва эркин омбордан олиб чиқиш мўлжалланган товарларни;
экспортнинг божхона режимига мувофиқ олиб чиқиш мўлжалланган товарларни сақлаш учун махсус ажратилган, тўсиб қўйилган ва тегишли равишда белгиланган майдонларга (зоналарга) эга бўлиши керак.
Зоналар товарни бир зонадан бошқа зонага ўтказишга тўсқинлик қилувчи яхлит ёки тўрсимон тўсиқлар билан ажратилиши, бундай зоналарга кириш эса (эшиклар, дарвоза) мустақил (алоҳида) бўлиши мумкин. Эркин омборни зоналарга ажратиш усули ва ушбу зоналарга кириш алоҳидалиги, мустақиллиги тўғрисидаги қарорни лицензияловчи орган эркин омборда сақлашга мўлжалланган товарлар номенклатурасидан келиб чиқиб қабул қилади.
18. Эркин омборга бевосита туташиб кетган ва божхона назорати зонаси ҳисобланган ҳудуд қуйидаги талабларга мувофиқ бўлиши керак:
божхона омборига туташиб кетган бутун ҳудуд периметри бўйича махсус белгиланган (тўсилган);
ичкарисида эркин омборнинг бир қисми ҳисобланмаган ўзга иморатлар ва иншоотларга эга бўлмаслиги;
кўп юк кўтарадиган транспортнинг манёвр қилиши имкониятини таъминлаши;
эшик ўрни томонидан эркин омбор иморатига бевосита туташиб кетган бўлиши;
ўзбек, рус ва инглиз тилларида «божхона назорати зонаси» деган белги қўйилган бўлиши керак.
19. Эркин омбор ва божхона назорати зонаси ҳисобланган, эркин омборга бевосита туташиб кетган ҳудуд:
умумий периметр бўйича бир-биридан ажратилмаган;
яхлит тўсиқлар билан айлантириб тўсилган ва барча чиқиш (кириш) ва/ёки чиқиш (кириш)нинг жойларида ўзбек, рус ва инглиз тилларида «эркин омбор» белгиси қўйилган ҳолда назорат-ўтказиш пунктларига эга бўлиши керак.
20. Эркин омбор доимий равишда соз, ишлаш ҳолатида ва унинг нормал фаолият кўрсатиш учун етарлича бўлган ва қуйидагиларни ўз ичига олувчи жиҳозларга:
ортиш-тушириш ва транспорт воситаларига;
омбор асбоб-ускуналарига;
аниқлиги ва ўлчаш чегаралари эркин омборда сақлаш мўлжалланаётган товарларнинг хусусиятига мувофиқ бўлган товарларнинг оғирлигини тортиш воситаларига;
алоқа воситаларига (шу жумладан телефон, факс);
ташкилий техникага;
мебелга;
агар бу унинг нормал фаолият кўрсатиши учун зарур бўлса, асбоб-ускуналарнинг бошқа турларига эга бўлиши керак.
21. Эркин омборга жойлаштирилган товарлар устидан божхона назоратини таъминлаш учун лицензияловчи орган сақлашга мўлжалланаётган товарларнинг хусусиятини, шунингдек эркин омборни таъсис этиш учун мўлжалланаётган бинонинг (биноларнинг ёки бошқа жойнинг) жойлашишини ҳисобга олган ҳолда эркин омбор ва унга бевосита туташиб кетган ҳудуднинг жойлашиши, ажратилиши ёки жиҳозланишига аниқ талаблар қўйишга ҳақлидир.
22. Эркин омборда ва божхона назорати зоналари ҳисобланган эркин омборга бевосита туташиб кетувчи ҳудудда ҳар қандай турдаги чиқиндилар ёки бошқа маиший ахлат тўпланиши мумкин эмас.
23. Божхона органи ходимлари учун божхона назоратини ва божхона расмийлаштирувини амалга ошириш учун зарур бўлган жиҳозланган бинолар, алоқа воситалари ажратилиши керак.
24. Эркин омборни таъсис этиш ва унинг фаолият кўрсатиши Ўзбекистон Республикасининг атроф табиий муҳитни муҳофаза қилиш тўғрисидаги қонун ҳужжатлари талабларига риоя қилинган ҳолда амалга оширилиши керак.
25. Эркин омборни асбоб-ускуналар билан қўшимча равишда таъминлаш (қўшимча равишда жиҳозлаш), тартибни сақлаш ҳамда қўриқлаш ва ўтказиш режимини таъминлаш лицензияловчи орган билан келишган ҳолда эркин омборнинг эгаси томонидан ва унинг ҳисобига амалга оширилади.
26. Мазкур Низомнинг 19—21-бандларида белгиланган талаблар эркин омборни таъсис этиш учун берилган аризани кўриб чиқиш босқичида божхона органи томонидан белгиланиши ва эркин омбордан фойдаланиш тартиб-қоидасида акс эттирилиши керак.
III. Эркин омборнинг эгасига қўйиладиган талаблар
27. Ўзбекистон Республикасининг юридик шахси эркин омборнинг эгаси бўлиши мумкин.
28. Эркин омборнинг эгаси қуйидагиларга мажбурдир:
эркин омборнинг божхона режими шартларига мувофиқ божхона назорати остида товарлар сақланишини тартибга солувчи қонун ҳужжатларига риоя қилиш;
берилган лицензия шартларига, шу жумладан унинг эркин омборни жиҳозлаш ва уни асбоб-ускуналар билан таъминлаш талабларига оид қисмига риоя қилиш;
эркин омбор сифатида фойдаланиш учун мўлжалланган ва белгиланган талабларга жавоб берадиган бинолар ва (ёки) очиқ майдончаларга эгалик қилиш (ўз мулкида бўлиши ёки хўжалик юритишида, оператив бошқарувида бўлиши ва ижарага олган бўлиши). Агар хоналарга ва (ёки) очиқ майдончаларга эгалик қилиш ижара шартномаси асосида амалга оширилса, у ҳолда бундай шартноманинг амал қилиш муддати лицензия бериш тўғрисида ариза берилган санадан бошлаб бир йилдан кам бўлмаслиги керак;
(28-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарори таҳририда — ЎР ҚҲТ, 2015 й., 1-сон, 9-модда)
Ўзбекистон Республикаси Божхона кодексининг 111-моддасига мувофиқ божхона тўловлари тўланишини таъминлаш;
LexUZ шарҳимазкур Низомнинг 3-бўлимида белгиланган талабларга риоя этилишини таъминлаш;
эркин омборга жойлаштирилган товарларни фақат эркин омбор ҳудудида ва омбор биноларида сақлаш;
эркин омборга жойлаштириладиган товарлардан эркин омбор божхона режимига мувофиқ кўрсатиб ўтилган товарларни сақлаш ва улар билан операциялар содир этишдан бошқа мақсадларда фойдаланилиши имкониятини истисно этиш;
божхона назоратини амалга оширишда божхона органлари ходимларига ёрдам бериш;
эркин омборга тушувчи ва эркин омбордан олиб чиқилувчи товарлар ҳисобини юритиш (шу жумладан автоматлаштирилган ҳисобини юритиш) ва Ўзбекистон Республикаси Давлат божхона қўмитаси томонидан белгиланган тартибда божхона органларига ушбу товарлар тўғрисида ҳисобот тақдим этиш;
божхона органининг талаби бўйича эркин омбордаги товарларни божхона органининг мансабдор шахси иштирокида хатловдан ўтказиш;
санитария қоидаларига, омборга жойлаштириш нормаларига, товарларнинг ёнма-ён қўйилиши қоидаларига ва сақлаш режимига, давлат стандартларининг мажбурий талабларига риоя қилиш, Ўзбекистон Республикасининг божхона иши соҳасидаги муносабатларни тартибга солувчи қонун ҳужжатларида белгиланган бошқа талаблар ва шартларни бажариш;
эркин божхона зонаси ва эркин омборнинг божхона режими амал қилиши тугаллангандан кейин аҳамиятли бўлиши мумкин бўлган эркин омборда сақланаётган товарлар билан юз берган ўзгаришлар тўғрисида божхона органига имкони борича қисқа муддатларда маълум қилиш;
эркин омборда сақланаётган товарлар билан амалга оширилиши мўлжалланаётган операциялар тўғрисида божхона органини барвақт хабардор қилиш ва божхона органининг ёзма рухсатномасисиз бундай операциялар содир этилишига йўл қўймаслик;
мазкур Низомнинг 73-бандида назарда тутилган ҳолларда божхона божлари тўловлари тўлаш;
эркин омбор ҳудудини ва биноларини ҳамда эркин омборга бевосита туташиб кетувчи ҳудудни ижарага олиш муддати тамом бўлишидан икки ой олдин божхона органини, агар биноларни ва (ёки) очиқ майдончаларга эгалик қилиш унинг асосида амалга оширилса, ижара шартномаси узайтирилганлиги тўғрисида тегишли ҳужжатларни тақдим этган ҳолда, хабардор қилиш;
божхона органини таъсис ҳужжатларига ўзгартириш ва қўшимчалар киритилганлиги, эркин омборга киришга рухсати бўлган ўз ходимлари рўйхатига ўзгартириш ва қўшимчалар киритиш тўғрисида ўз вақтида хабардор қилиш;
лицензия бекор қилинган ёки унинг амал қилиши тўхтатилган тақдирда, ёхуд эркин омбор тугатилган тақдирда бу ҳақда лицензияловчи органни хабардор қилиш, товарларнинг сақланишини таъминлаш, эркин омбор тугатилиши тартиб-қоидасини бажариш ва Ўзбекистон Республикаси Божхона кодексининг 59-моддасида белгиланган муддатларда омборда сақланаётган товарлар чиқарилиши чора-тадбирларини кўриш;
LexUZ шарҳиЎзбекистон Республикаси божхона органларининг қонуний талабларини бажариш, шу жумладан божхона органлари мансабдор шахсларининг товарлар сақланаётган эркин омборга киришини таъминлаш;
божхона назорати ва божхона расмийлаштирувини амалга ошириш учун эркин омбордаги жиҳозланган бинолар, асбоб-ускуналар ва алоқа воситаларини божхона органлари ходимларига бепул тақдим этиш.
29. Эркин омборнинг эгаси божхона органини эркин омбор очилиши муддати тўғрисида олдиндан хабардор қилади. Товарларнинг божхона расмийлаштируви ва уларнинг кейинчалик эркин омборга жойлаштирилишига бундай билдиришнома олингандан кейин йўл қўйилади.
30. Вақтинчалик сақлаш омбори эгасининг товарларни сақлаш учун жойлаштирувчи шахслар билан муносабатлари шартнома асосида қурилади.
IV. Лицензия олиш учун зарур ҳужжатлар
31. Лицензия олиш учун лицензия талабгори лицензияловчи органга қуйидаги ҳужжатларни тақдим этади:
юридик шахснинг номи ва ташкилий-ҳуқуқий шакли, унинг жойлашган жойи (почта манзили), банк муассасасининг номи ва банкдаги ҳисоб рақами кўрсатилган лицензия бериш тўғрисидаги ариза;
LexUZ шарҳиОлдинги таҳрирга қаранг.
(31-банднинг учинчи хатбошиси Ўзбекистон Республикаси Вазирлар Маҳкамасининг 2016 йил 20 июндаги 211-сонли қарорига асосан чиқарилган — ЎР ҚҲТ, 2016 й., 25-сон, 308-модда)
Олдинги таҳрирга қаранг.
(31-банднинг тўртинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан чиқарилган — ЎР ҚҲТ, 2015 й., 1-сон, 9-модда)
ариза берувчининг эгалигида бўлган ва эркин омбор сифатида фойдаланиш учун мўлжалланган бинолар ва (ёки) очиқ майдончалар, улар жойлашган жой, уларнинг жиҳозланиши, асбоб-ускуналар билан таъминланиши ва моддий-техник жиҳозланиши тўғрисидаги маълумотлар;
автомобиль ва темир йўллар кўрсатилган ҳолда эркин омбор учун мўлжалланган ҳудуд ва биноларнинг тарҳи ва чизмаси;
талабгорнинг эркин омборга киришга рухсат берилган ходимларидан бўлган шахсларнинг рўйхати (фамилияси, исми ва отасининг исми ҳамда лавозими кўрсатилган ҳолда);
давлат ёнғин назорати органларининг эркин омбор ҳудуди ва биноларнинг ёнғин хавфсизлиги талабларига мувофиқлиги тўғрисидаги хулосаси;
давлат санитария назорати органларининг эркин омбор ҳудуди ва биноларининг ариза берилган товарларни, шу жумладан озиқ-овқат товарларини — лицензиат бундай товарларни сақлаш ниятида бўлса — сақлаш учун зарур шарт-шароитларга мувофиқлиги тўғрисидаги хулосаси;
эркин омборда сақлаш мўлжалланаётган товарлар рўйхати;
Ўзбекистон Республикаси Божхона кодексининг 111-моддасига мувофиқ божхона тўловлари тўлаш таъминланганлигини тасдиқловчи ҳужжат;
LexUZ шарҳиОлдинги таҳрирга қаранг.
(31-банднинг ўн иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарорига асосан чиқарилган — ЎР ҚҲТ, 2014 й., 31-сон, 380-модда)
Эркин омбор сифатида фойдаланиш мўлжалланган ҳар бир ҳудудий алоҳида бинога ва (ёки) ҳар бир ҳудудий алоҳида очиқ майдончага алоҳида ариза тақдим этилади.
Лицензия талабгоридан ушбу Низомда назарда тутилмаган ҳужжатларни тақдим этишни талаб қилишга йўл қўйилмайди.
Лицензияловчи орган лицензия бериш учун бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади, ушбу бандда назарда тутилган ҳужжатлар ва ахборотлар бундан мустасно;
(31-банд Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан хатбоши билан тўлдирилган — ЎР ҚҲТ, 2015 й., 1-сон, 9-модда)
32. Ҳужжатлар лицензияловчи органга лицензия талабгори томонидан бевосита ёхуд уларнинг олинганлиги тўғрисидаги билдиришнома билан почта алоқаси воситаси орқали етказиб берилади.
LexUZ шарҳи33. Ҳужжатлар лицензияловчи органнинг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилиб олинган сана тўғрисида белги қўйилган ҳолда ариза берувчига юборилади (топширилади).
34. Ишончли бўлмаган ёки бузилган маълумотлар тақдим этилганлиги учун лицензия талабгори қонун ҳужжатларига мувофиқ жавоб беради.
V. Аризани кўриб чиқиш ва лицензия бериш ёки лицензия беришни рад этиш тўғрисида қарор қабул қилиш
35. Лицензия бериш мазкур Низомга илова қилинаётган схемага мувофиқ амалга оширилади.
36. Лицензия талабгорининг лицензия бериш тўғрисидаги аризаси кўриб чиқилганлиги учун йиғим ундирилмайди.
(36-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
37. Лицензия бериш ёки лицензия беришни рад этиш тўғрисидаги қарор барча зарур ҳужжатлар билан биргаликда лицензия талабгорининг аризаси олинган кундан бошлаб ўттиз кундан ортиқ бўлмаган муддатда қабул қилинади.
38. Лицензия бериш, лицензияларнинг амал қилиш муддатини узайтириш тўғрисидаги ҳужжатларни кўриб чиқиш, улар бўйича хулосалар тайёрлаш учун лицензияловчи органда эксперт комиссияси ташкил этилади. Эксперт комиссиясининг таркиби ва у тўғрисидаги низом лицензияловчи орган томонидан тасдиқланади.
39. Лицензия талабгорининг аризаси барча зарур ҳужжатлар билан биргаликда улар қабул қилинган кунда кўриб чиқиш учун эксперт комиссиясига киритилади.
Эксперт комиссияси йигирма кундан ортиқ бўлмаган муддатда тақдим этилган ҳужжатларни кўриб чиқади ва улар бўйича лицензия бериш ёки лицензия беришни рад этиш тўғрисида эксперт хулосаси тайёрлайди.
40. Лицензияловчи орган уч кун муддатда эксперт комиссияси хулосаси асосида лицензия бериш ёки лицензия беришни рад этиш тўғрисида қарор қабул қилади.
Лицензияловчи орган лицензия талабгорини қабул қилинган қарор тўғрисида тегишли қарор қабул қилингандан кейин уч кун мобайнида хабардор қилади.
Лицензия беришга қарор қилинганлиги тўғрисидаги билдиришнома лицензия талабгорига банк ҳисоб рақами реквизитлари, давлат божи тўлаш муддати кўрсатилган ҳолда ёзма шаклда юборилади (топширилади).
LexUZ шарҳи41. Лицензия махсус бланкада расмийлаштирилади ва унда қуйидагилар бўлиши керак:
эркин омбор эгасининг номи, унинг ташкилий-ҳуқуқий шакли ва жойлашган жойи кўрсатилиши керак;
эркин омбор сифатида фойдаланиладиган бинолар ва (ёки) очиқ майдончаларга эгалик ҳуқуқи тўғрисидаги маълумотлар;
божхона тўловлари миқдорлари ва уларни тўлашни таъминлаш шакли тўғрисидаги маълумотлар;
эркин омбор жойлашган жой;
божхона назоратини амалга ошириш учун зарур бўлган ва Ўзбекистон Республикаси қонун ҳужжатларида белгиланадиган бошқа маълумотлар.
Бланкалар намунаси Ўзбекистон Республикаси Вазирлар Маҳкамасининг 2000 йил 20 декабрдаги 488-сон қарорига мувофиқ Ўзбекистон Республикаси Давлат божхона қўмитаси томонидан тасдиқланади.
Лицензиялар бланкалари қатъий ҳисобот бериладиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади. Лицензия бланкалари лицензияловчи органнинг буюртмаси бўйича «Давлат белгиси» давлат-ишлаб чиқариш бирлашмасида босмахона усулида тайёрланади.
42. Лицензиялар лицензия талабгори томонидан давлат божи тўланганини тасдиқловчи ҳужжат тақдим этилгандан кейин уч кун муддатда расмийлаштирилади ва берилади.
43. Агар лицензиат лицензия бериш тўғрисида қарор қабул қилинганлиги ҳақидаги билдиришнома юборилган (топширилган) вақтдан бошлаб уч ой мобайнида лицензияловчи органга лицензия берилганлиги учун давлат божи тўланганлигини тасдиқловчи ҳужжатни тақдим этмаса, лицензияловчи орган лицензияни бекор қилиш тўғрисида қарор қабул қилишга ҳақлидир.
44. Лицензия бериш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 17-моддасида назарда тутилган асослар бўйича рад этилиши мумкин.
Бошқа асослар бўйича, шу жумладан лицензия бериш мақсадга мувофиқ эмаслиги сабаби билан лицензия бериш рад этилишига йўл қўйилмайди.
45. Лицензия беришни рад этиш тўғрисида қарор қабул қилинган тақдирда рад этиш тўғрисидаги билдиришнома лицензия талабгорига рад этишнинг аниқ сабаблари ва лицензия талабгори кўрсатиб ўтилган сабабларни бартараф этиб ҳужжатларни такроран кўриб чиқишга тақдим этиши учун етарли бўлган муддат кўрсатилган ҳолда ёзма шаклда юборилади (топширилади). Лицензия беришни рад этиш ҳақидаги хабарномада кўрсатилган муддат камчиликларни бартараф этиш учун зарур бўлган вақтга мутаносиб бўлиши керак.
(45-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)
LexUZ шарҳи46. Лицензия беришни рад этиш учун асос бўлган сабаблар лицензия талабгори томонидан бартараф этилган тақдирда, ҳужжатларни такроран кўриб чиқиш лицензия талабгорининг аризаси барча зарур ҳужжатлар билан биргаликда олинган кундан бошлаб ўн кундан ортиқ бўлмаган муддатда амалга оширилади.
Бунда такроран тақдим этилган ҳужжатлар эксперт комиссиясининг кўриб чиқиши учун улар қабул қилган кунда киритилади.
Эксперт комиссияси олти кундан ортиқ бўлмаган муддатда тақдим этилган ҳужжатларни такроран кўриб чиқади ва улар бўйича лицензия бериш ёки лицензия беришни рад этиш тўғрисида эксперт хулосаси тайёрлайди.
Лицензияловчи орган уч кун муддатда эксперт комиссиясининг хулосаси асосида лицензия бериш ёки лицензия беришни рад этиш тўғрисида қарор қабул қилади.
47. Лицензия талабгорининг аризаси қайта кўриб чиқилганлиги учун йиғим ундирилмайди.
Лицензия талабгорининг аризасини қайта кўриб чиқишда илгари лицензия беришни рад этиш тўғрисидаги билдиришномада кўрсатилмаган янги асослар бўйича лицензия беришни рад этишга йўл қўйилмайди;
Лицензия беришни рад этиш тўғрисидаги билдиришномада кўрсатилган муддат ўтгандан кейин берилган ариза янгидан берилган ариза ҳисобланади.
(47-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарори таҳририда — ЎР ҚҲТ, 2012 й., 44-сон, 507-модда)
VI. Лицензияни қайта расмийлаштириш, унинг амал қилиш муддатини узайтириш, дубликат бериш
48. Лицензиат ўзгартирилган, унинг номи ёки жойлашган жойи (почта манзили) ўзгарган тақдирда, лицензиат ёки унинг ҳуқуқий вориси қайта рўйхатдан ўтказилгандан кейин бир ой муддатда лицензияловчи органга кўрсатиб ўтилган маълумотларни тасдиқловчи тегишли ҳужжатлар илова қилинган ҳолда лицензияни қайта расмийлаштириш тўғрисида ариза бериши шарт.
(48-банд Ўзбекистон Республикаси Вазирлар Маҳкамасининг 2018 йил 29 октябрдаги 884-сонли қарори таҳририда — Қонун ҳужжатлари маълумотлари миллий базаси, 30.10.2018 й., 09/18/884/2128-сон)
Янгидан вужудга келган юридик шахсни давлат рўйхатидан ўтказиш санасида эркин омбор фаолиятини амалга ошириш ҳуқуқини берувчи лицензияга эга бўлган лицензиатлар қўшиб юборилган тақдирда, лицензияни ушбу банднинг биринчи хатбошида назарда тутилган тартибда қайта расмийлаштиришга йўл қўйилади.
(48-банд Ўзбекистон Республикаси Вазирлар Маҳкамасининг 2018 йил 29 октябрдаги 884-сонли қарорига асосан хатбоши билан тўлдирилган — Қонун ҳужжатлари маълумотлари миллий базаси, 30.10.2018 й., 09/18/884/2128-сон)
49. Лицензиат лицензия қайта расмийлаштирилгунга қадар унда кўрсатилган фаолиятни илгари берилган лицензия асосида амалга оширади.
50. Лицензияни қайта расмийлаштириш лицензияловчи орган томонидан тегишли ҳужжатлар илова қилинган ҳолда лицензияни қайта расмийлаштириш тўғрисида ариза олинган кундан бошлаб беш кун мобайнида амалга оширилади.
Қайта расмийлаштирилган лицензиянинг асл нусхаси лицензияловчи орган томонидан эркин омборнинг эгасига олдинги лицензиянинг асл нусхаси олиб қўйилган ҳолда берилади. Эски нусха лицензия бериш тўғрисидаги аризага тикиб қўйилади ва лицензияловчи органда сақланади.
Лицензияларни қайта расмийлаштиришда йиғим ундирилмайди.
(50-банднинг учинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
51. Лицензиянинг амал қилиш муддатини узайтириш лицензиатнинг аризасига кўра амалга оширилади. Лицензиянинг амал қилиш муддатини узайтириш тўғрисидаги ариза лицензияловчи органга лицензиянинг амал қилиш муддати ўтгунга қадар икки ойдан кечикмай берилиши керак. Лицензиянинг амал қилиш муддатини узайтириш лицензия бериш учун назарда тутилган тартибда амалга оширилади.
52. Амал қилиш муддати ўтмаган йўқолган ёки яроқсиз ҳолга келган лицензия ўрнига лицензиатнинг аризасига кўра дубликат берилиши мумкин.
Лицензия дубликатини беришда йиғим ундирилмайди.
(52-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
VII. Лицензия талаблари ва шартларига риоя этилишини назорат қилиш
53. Лицензиат томонидан лицензия талаблари ва шартларига риоя этилиши қонун ҳужжатларида белгиланган тартибда лицензияловчи орган томонидан назорат қилинади.
54. Лицензия талаблари ва шартларига риоя этилиши устидан назоратни амалга оширишда лицензияловчи орган ўз ваколатлари доирасида:
лицензиат томонидан лицензия талаблари ва шартларига риоя этилишини қонун ҳужжатларида белгиланган тартибда режали текшириш;
лицензия талаблари ва шартлари лицензиат томонидан бузилганлигидан далолат берувчи ҳолатлар мавжуд бўлган тақдирда лицензиатнинг уларга риоя этишини қонунда белгиланган тартибда режадан ташқари текшириш;
лицензия талаблари ва шартларига риоя этилишини текшириш чоғида пайдо бўладиган масалалар юзасидан лицензиатдан зарур ахборотни сўраш ва олиш;
текширишлар натижалари асосида, лицензиат томонидан лицензия талаблари ва шартларининг аниқ бузилишларини кўрсатган ҳолда далолатномалар (маълумотномалар) тузиш;
лицензиатга аниқланган бузилишларни бартараф этиш мажбуриятини юкловчи қарорлар чиқариш, бундай бузилишларни бартараф этиш муддатларини белгилаш;
Олдинги таҳрирга қаранг.
лицензиянинг амал қилишини тўхтатиб туриш, тўхтатиш ёки лицензияни бекор қилиш тўғрисида қонун ҳужжатларида белгиланган тартибда қарор чиқариш ёки судга мурожаат қилиш.
(54-банднинг еттинчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сон қарори таҳририда — Ўзбекистон Республикаси Қонун ҳужжатлари тўплами, 2006 й., 46-47-сон, 458-модда)
55. Лицензия талаблари ва шартларига риоя этилишини текшириш чоғида лицензияловчи органнинг мансабдор шахслари томонидан икки нусхада далолатнома тузилади, унинг бир нусхаси лицензиатда қолади.
VIII. Лицензиянинг амал қилишини тўхтатиб туриш, тўхтатиш, лицензияни бекор қилиш
56. Лицензиянинг амал қилишини тўхтатиб туриш, тўхтатиш ва лицензияни бекор қилиш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 22—24-моддаларида назарда тутилган ҳолларда ва тартибда Комиссия қарорига кўра амалга оширилади.
57. Лицензиянинг амал қилиш муддати тўхтатиб турилиши ёки эркин омборнинг тугатилиши тўғрисида қарор қабул қилинган санадан бошлаб эркин омборга товарларнинг янги туркумларини жойлаштиришга йўл қўйилмайди.
58. Эркин омборни тугатиш тўғрисида қарор қабул қилган санадан бошлаб эркин омборнинг божхона режими остида жойлаштирилган ва бундай омборда сақланаётган товарлар вақтинча сақланаётган товарлар сифатида қаралади.
Тугатилаётган эркин омборда товарлар ва транспорт воситаларининг вақтинча сақлаш режимида бўлишининг умумий муддати икки ойдан ортиқ бўлиши мумкин эмас.
59. Эркин омборнинг эгаси лицензияловчи органнинг лицензиянинг амал қилиши тўхтатилиши ёки унинг бекор қилиниши тўғрисидаги қарори олинган санадан бошлаб уч кун муддатда лицензияловчи органга Ўзбекистон Республикаси Давлат божхона қўмитаси томонидан белгиланадиган шакл бўйича у фаолият кўрсатишининг бутун даври учун тугатилаётган эркин омборда сақланаётган товарлар тўғрисида тўлиқ ҳисобот тақдим этади.
60. Лицензияловчи орган лицензиянинг амал қилишини тўхтатиш ёки уни бекор қилиш тўғрисида қарор қабул қилинган санадан бошлаб етти кун муддатдан кечикмай тугатилаётган эркин омборда сақланаётган товарларни хатловдан ўтказади.
61. Эркин омбор тугатилган тақдирда эркин омборнинг божхона режими остида жойлаштирилган ва эркин омбордаги товарлар товарни эркин омборга жойлаштирган шахс, ёхуд унинг ваколатли шахси томонидан танланган божхона режимига мувофиқ:
лицензия бекор қилинганда — товарлар омборларга жойлаштирилган санадан бошлаб;
бошқа ҳолларда — тугатиш тўғрисида қарор қабул қилинган санадан бошлаб такроран божхона расмийлаштирувидан ўтиши керак.
62. Лицензия бекор қилинганлиги муносабати билан эркин омбор тугатилган тақдирда унинг эгаси товарлар сақлаш учун жойлаштирилган санадан бошлаб товарлар тугатилаётган эркин омборда бўлган бутун давр учун омборлар учун белгиланган миқдорларда товарлар сақланганлиги учун йиғим тўлайди.
63. Товарларни вақтинча сақлаш Ўзбекистон Республикасининг божхона тўғрисидаги қонун ҳужжатларига мувофиқ амалга оширилади.
Вақтинча сақланаётган товарлар ҳисоби товарлар уларга мувофиқ эркин омборнинг божхона режими остида жойлаштирилган божхона юк декларацияларидан фойдаланилган ҳолда амалга оширилади.
64. Лицензияловчи органнинг лицензиянинг амал қилишини тўхтатиб туриш, тўхтатиш ва лицензияни бекор қилиш тўғрисидаги қарори юзасидан судга шикоят қилиниши мумкин. Лицензиянинг амал қилиши тўхтатиб турилиши, тўхтатилиши ва лицензиянинг бекор қилиниши асоссиз эканлиги суд томонидан эътироф этилган тақдирда, лицензияловчи орган лицензиат олдида лицензиат кўрган зарар миқдорида жавоб беради.
IX. Лицензиялар реестри
65. Лицензияловчи орган божхона омборлари эгалари реестрини юритади.
Лицензиялар реестрида лицензиатлар тўғрисидаги қуйидаги асосий маълумотлар кўрсатилиши керак:
номи, ташкилий-ҳуқуқий шакли, почта манзили;
лицензияларнинг берилган санаси ва тартиб рақами;
лицензияларнинг амал қилиш муддати;
лицензияларни қайта расмийлаштириш, уларнинг амал қилишини тўхтатиб туриш ва тиклашнинг асослари ва санаси;
лицензияларнинг амал қилишини тўхтатиш асослари ва санаси;
лицензияларни бекор қилишнинг асослари ва санаси;
дубликат бериш асослари ва санаси.
Эгаси божхона органлари ҳисобланган божхона омборлари Божхона омборлари эгалари реестрига киритилмайди.
66. Ўзбекистон Республикаси Давлат божхона қўмитаси олти ойда камида бир марта божхона органларининг расмий нашрларида Божхона омборлари эгалари реестри, эгаси божхона органлари ҳисобланган божхона омборлари рўйхати, шунингдек Реестрга ва рўйхатга киритилаётган ўзгартиришлар эълон қилинишини таъминлайди.
67. Лицензияларнинг реестрларида мавжуд бўлган маълумотлар лицензияловчи органнинг веб-сайтига жойлаштирилади ва танишиб чиқиш учун очиқ бўлади.
(67-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)
Олдинги таҳрирга қаранг.
(68-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарорига асосан ўз кучини йўқотган — ЎР ҚҲТ, 2012 й., 6-сон, 57-модда)
Х. Давлат божини тўлаш тартиби
69. Лицензия берилганлиги ва унинг амал қилиш муддати узайтирилганлиги учун энг кам ойлик иш ҳақининг беш баравари миқдорида давлат божи ундирилади ва у давлат бюджетига ўтказилади.
Олдинги таҳрирга қаранг.
(70-банд Ўзбекистон Республикаси Вазирлар Маҳкамасининг 2006 йил 22 майдаги 92-сон қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2006 й., 20-21-сон, 181-модда)
XI. Эркин омбор эгасининг жавобгарлиги. Божхона тўловлари тўланишини таъминлаш
71. Эркин омборда товарлар сақланиши талаблари ва шартларига риоя этилиши учун эркин омборнинг эгаси товар эркин омборда сақлаш учун қабул қилиб олинган пайтдан бошлаб жавоб беради, бу омборхона ҳужжати (омбор гувоҳномаси, товарларни қабул қилиш-топшириш далолатномаси ва ҳоказолар) расмийлаштирилиши билан тасдиқланади.
72. Ўзбекистон Республикаси Божхона кодексининг 58-моддасига мувофиқ эркин омборнинг божхона режими остида жойлаштирилган ва эркин омборда сақланаётган товарларга нисбатан божхона божлари, солиқлар тўланиши ва бошқа божхона тўловлари тўланиши учун эркин омборнинг эгаси ёхуд товарларни сақлаш учун божхона омборига жойлаштирган шахс жавоб беради.
LexUZ шарҳи73. Эркин омбор эгаси томонидан божхона тўловлари тўланишини таъминлаш белгиланган талабларга мувофиқ бўлиши ва қуйидаги ҳолларда божхона тўловлари тўланиши таъминланишини назарда тутиши керак:
божхона органининг рухсатисиз бериш ёки эркин омборда сақланаётган товарларнинг йўқолиши;
лицензиянинг амал қилиш муддати тамом бўлгандан кейин, эгасининг хоҳишига кўра ёхуд лицензия бекор қилингач ёки лицензиянинг амал қилиши тўхтатилгач эркин омборнинг тугатилиши;
божхона тўловлари тўланиши учун эркин омбор эгаси жавоб берадиган, божхона ҳақидаги қонун ҳужжатларида назарда тутиладиган бошқа ҳолларда белгиланган талабларга мувофиқ бўлиши.
74. Агар эркин омбор сифатида очиқ майдонча ёки эркин омбор сифатида ариза бериладиган бинонинг ҳажми (бошқа жой) ҳақида ариза берилса, эркин омборни таъсис этиш пайтида божхона тўловлари тўланишини таъминлаш суммаси майдончадан келиб чиқиб ҳисоблаб чиқилади ва 1 кв м майдон учун 5 энг кам ойлик иш ҳақи миқдорида ёки 1 куб м бино ҳажми учун 1 энг кам иш ҳақи миқдорида тегишлича, бироқ энг кам ойлик иш ҳақининг 2000 бараваридан кам бўлмаган миқдор ҳисобида ҳисоблаб чиқилади.
Олдинги таҳрирга қаранг.
(74-банднинг иккинчи хатбошиси Ўзбекистон Республикаси Вазирлар Маҳкамасининг 2016 йил 20 июндаги 211-сонли қарорига асосан чиқарилган — ЎР ҚҲТ, 2016 й., 25-сон, 308-модда)
Олдинги таҳрирга қаранг.
(74-банднинг учинчи хатбошиси Ўзбекистон Республикаси Вазирлар Маҳкамасининг 2016 йил 20 июндаги 211-сонли қарорига асосан чиқарилган — ЎР ҚҲТ, 2016 й., 25-сон, 308-модда)
75. Эркин омборнинг эгаси, агар товарлар енгиб бўлмас куч таъсири оқибатида ёки сақлаш ва сотишнинг нормал шароитларида табиий камайиш туфайли йўқ қилинган ёки қайтариб бўлмайдиган тарзда қўлдан кетган тақдирдагина божхона божлари, солиқлар тўланиши учун жавоб бермайди.
Эркин омбор фаолиятини лицензиялаш
схемаси
Бож олинмайдиган савдо дўкони фаолиятини лицензиялаш тўғрисида
НИЗОМ
I. Умумий қоидалар
1. Ушбу Низом Ўзбекистон Республикаси Давлат божхона кодексининг 29-моддасига ва «Фаолиятнинг айрим турларини лицензиялаш тўғрисида»ги Ўзбекистон Республикаси Қонунига мувофиқ ишлаб чиқилган ва бож олинмайдиган савдо дўкони фаолиятини лицензиялаш тартибини белгилайди.
LexUZ шарҳи2. Бож олинмайдиган савдо дўкони икки турга бўлинади:
а) Ўзбекистон Республикаси Давлат чегарасини кесиб ўтадиган жисмоний шахслар учун бож олинмайдиган савдо дўкони — Ўзбекистон Республикасининг божхона ҳудудига кириб келаётган ва Ўзбекистон Республикаси божхона ҳудуди доирасидан чиқиб кетаётган жисмоний шахслар томонидан Ўзбекистон Республикаси божхона ҳудудига олиб келинган хорижий товарларни ёки Ўзбекистон Республикаси ҳудудидан чиқадиган товарларни эркин алмаштириладиган валютада сотиш, шу жумладан жойнинг ўзида истеъмол қилиш учун чакана сотиш учун мўлжалланган;
LexUZ шарҳиб) Ўзбекистон Республикаси Ташқи ишлар вазирлигида аккредитация қилинган хорижий шахслар учун бож олинмайдиган савдо дўкони — хорижий давлатларнинг дипломатик ваколатхоналари ва консуллик муассасаларига, халқаро ташкилотлар ва уларга тенглаштирилган ушбу ташкилотларнинг ваколатхоналарига, хорижий ходимларига, шунингдек улар билан бирга яшайдиган ва Ўзбекистон Республикаси фуқаролари ҳисобланмайдиган, Ўзбекистон Республикаси Ташқи ишлар вазирлигида белгиланган тартибда аккредитация қилинган уларнинг оила аъзоларига Ўзбекистон Республикаси божхона ҳудудига олиб келинган хорижий товарларни эркин алмаштириладиган валютага сотишга (шахсий фойдаланишга) мўлжалланган.
LexUZ шарҳиРеспубликага жисмоний шахслар томонидан божхона тўловлари солинмайдиган товарларни олиб киришнинг чекланган нормалари жисмоний шахс томонидан Ўзбекистон Республикаси ташқарисидан ушбу шахс томонидан олиб кириладиган ва унинг томонидан Ўзбекистон Республикасининг божхона ҳудудига киришда бож олинмайдиган савдо дўконларидан сотиб олинган товарларнинг жамига нисбатан қўлланилади.
(2-банднинг «б» кичик банди иккинчи хатбошиси Ўзбекистон Республикаси Вазирлар Маҳкамасининг 2018 йил 26 мартдаги 235-сонли қарори таҳририда — Қонун ҳужжатлари маълумотлари миллий базаси, 27.03.2018 й., 09/18/235/0452-сон)
Ўзбекистон Республикаси Ташқи ишлар вазирлигида аккредитация қилинган хорижий шахслар учун бож олинмайдиган савдо дўконларида акциз остидаги товарларни харид қилишнинг чекланган нормалари Ўзбекистон Республикаси Молия вазирлиги билан келишган ҳолда Давлат божхона қўмитаси томонидан белгиланади.
(2-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
3. Ўзбекистон Республикасининг давлат чегарасини кесиб ўтадиган жисмоний шахслар учун Бож олинмайдиган савдо дўкони халқаро алоқа учун очилган аэропортларда, портларда ва жисмоний шахслар томонидан чегарани кесиб ўтишга мўлжалланган Ўзбекистон Республикаси давлат чегараси орқали ўтказишнинг бошқа манзилларида очилиши ва фаолият кўрсатиши мумкин.
Ўзбекистон Республикасининг давлат чегарасини кесиб ўтадиган жисмоний шахслар учун Бож олинмайдиган савдо дўконини очиш Ўзбекистон Республикасининг Давлат чегараси орқали ўтказиш манзилларида режим белгиланиши тартибига мувофиқ ва Ўзбекистон Республикаси Давлат хавфсизлик хизмати Чегара қўшинлари билан келишган ҳолда амалга оширилади.
(3-банднинг иккинчи хатбошиси Ўзбекистон Республикаси Вазирлар Маҳкамасининг 2018 йил 20 сентябрдаги 748-сонли қарори таҳририда — Қонун ҳужжатлари маълумотлари миллий базаси, 21.09.2018 й., 09/18/748/2024-сон)
Ўзбекистон Республикаси Ташқи ишлар вазирлигида аккредитация қилинган хорижий шахслар учун бож олинмайдиган савдо дўконлари Тошкент шаҳрида ва давлат божхона хизмати органлари томонидан белгиланадиган жойларда очилиши ва фаолият кўрсатиши мумкин.
(3-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
4. Бож олинмайдиган савдо дўконида товарларни сотиш бож олинмайдиган савдо дўконининг божхона режими шартлари ва талабларига мувофиқ божхона назорати остида амалга оширилади.
Бож олинмайдиган савдо дўкони фаолият кўрсатишини таъминлаш учун фойдаланиладиган товарлар бож олинмайдиган савдо дўконида божхона режими остида жойлаштирилиши мумкин эмас.
LexUZ шарҳи5. Ўзбекистон Республикаси ҳудудида сотилиши чекланган товарлар бож олинмайдиган савдо дўкони режимида қонун ҳужжатларида белгиланган тартибда сотилиши мумкин.
Ўзбекистон Республикаси Давлат чегарасини кесиб ўтадиган жисмоний шахслар учун бож олинмайдиган савдо дўконларида товарларни сотиш фақат харидорнинг шахсини тасдиқлайдиган ҳужжат тақдим этилгандан кейин амалга оширилади. Бунда Назорат-касса машиналари давлат реестрига киритилган фискал хотирали назорат-касса машинасининг товар сотилганлигини тасдиқлайдиган чекида қуйидаги маълумотлар бўлиши керак:
касса чеки рақами;
рейснинг рақами ва харидорнинг самолётдаги жойи рақами (ҳавода ташишда);
харид қилинган вақт ва сана;
сотиладиган товарнинг номи, нархи ва миқдори;
сотувчи томонидан олинган хорижий валюта суммаси;
касса аппарати рақами;
бож олинмайдиган савдо дўконининг номи;
солиқ тўловчининг — бож олинмайдиган савдо дўкони эгасининг солиқ тўловчининг индивидуал рақами.
LexUZ шарҳиЎзбекистон Республикаси Ташқи ишлар вазирлигида аккредитация қилинган хорижий жисмоний шахслар учун бож олинмайдиган савдо дўконида товарларни сотиш фақат Ўзбекистон Республикаси Ташқи ишлар вазирлигида белгиланган тартибда берилган аккредитация карточкаси тақдим этилганидан кейин амалга оширилади. Бунда Назорат-касса машиналари давлат реестрига киритилган фискал хотирали назорат-касса машинасининг товар сотилганлигини тасдиқлайдиган чекида қуйидаги маълумотлар бўлиши керак:
касса чеки рақами;
бож олинмайдиган савдо дўкони эгаси — юридик шахснинг номи, унинг юридик манзили;
Ўзбекистон Республикаси Ташқи ишлар вазирлигида берилган аккредитация карточкасининг тоифаси, рақами, ходимнинг ёки унинг оила аъзосининг фамилияси, исми ва отасининг исми, лавозими, карточка ким томонидан берилганлиги ва унинг амал қилиш муддати кўрсатилиши керак;
харид қилинган вақт ва сана;
товарнинг номи, миқдори, биттасининг қиймати, умумий қиймати;
касса аппарати рақами;
солиқ тўловчининг — бож олинмайдиган савдо дўкони эгасининг солиқ тўловчининг индивидуал рақами.
(5-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
51. Хорижий давлатларнинг дипломатик ваколатхоналари ва консуллик муассасалари, халқаро ташкилотларнинг ваколатхоналари ва уларга тенглаштирилган ваколатхоналар бож олинмайдиган савдо дўконларидан ушбу Низомга 1-иловага мувофиқ шакл бўйича икки нусхада тузиладиган буюртманомалар асосида Ўзбекистон Республикаси Ташқи ишлар вазирлигида аккредитация қилинган хорижий шахслар учун товарларни сотиб олишлари мумкин.
Буюртманоманинг бир нусхаси бож олинмайдиган савдо дўконида сақланади, иккинчи нусхаси харидорга қайтарилади.
Буюртманомада қуйидаги маълумотлар бўлиши керак:
хорижий давлатнинг дипломатик ваколатхонаси ёки консуллик муассасасининг, халқаро ташкилот ваколатхонасининг ва унга тенглаштирилган ваколатхонанинг номи;
хорижий давлатнинг дипломатик ваколатхонаси ёки консуллик муассасасининг, халқаро ташкилот ваколатхонаси ва унга тенглаштирилган ваколатхонанинг харидни амалга ошириш ваколати берилган шахсининг фамилияси, исми, отасининг исми, тоифаси, шунингдек аккредитация карточкаси рақами;
товарнинг номи, миқдори, биттасининг қиймати, умумий қиймати;
буюртманома тузилган сана;
хорижий давлатнинг дипломатик ваколатхонаси ёки консуллик муассасаси, халқаро ташкилот ваколатхонаси ва унга тенглаштирилган ваколатхона бошлиғининг фамилияси, исми, отасининг исми, имзоси;
товарларни сотиб олиш мақсади.
(51-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори билан киритилган — ЎР ҚҲТ, 2010 й., 47-сон, 425-модда)
6. Бож олинмайдиган савдо дўконида:
Ўзбекистон Республикасининг божхона ҳудудига олиб келиш ва ундан олиб чиқиш тақиқланган товарлар, шу жумладан олиб чиқилишига лицензия талаб этиладиган товарлар, рангли ва қора металлардан тайёрланган юксак даражада қайта ишланган тайёр буюмлар бундан мустасно;
Олдинги таҳрирга қаранг.
(6-банднинг учинчи хатбоши Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори билан чиқарилган — ЎР ҚҲТ, 2010 й., 47-сон, 425-модда)
чакана сотиш учун ўралган дори-дармон воситалари (шу жумладан провитаминлар, витаминлар, гормонлар ва антибиотиклар), агар улар врачнинг рецептисиз (тайинлашувисиз) сотилиши мумкин бўлмаса;
давлат асиллик тамғасига эга бўлмаган қимматбаҳо металлар ва тошлардан ясалган;
(6-банднинг тўртинчи хатбошиси Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
Ўзбекистон Республикаси ҳудудида айланиши ва сотилиши тақиқланган товарлар;
бошқа давлат органларининг назоратидан ўтиши керак бўлган товарлар, ушбу органларнинг рухсатномаси мавжуд бўлмаган тақдирда;
жисмоний шахсларнинг шахсий фойдаланиш ёки истеъмол қилиши учун мўлжалланмаган товарлар;
вазни оғир товарлар (20 килограммдан ортиқ оғирликда) ва ўлчами катта товарлар (узунлиги, кенглиги ва баландлиги ўлчамлари жами 200 сантиметрдан ортиқ бўлганда) сотилишига рухсат берилмайди.
Ўзбекистон Республикаси Давлат чегарасини кесиб ўтмайдиган жисмоний шахсларга ва Ўзбекистон Республикаси Ташқи ишлар вазирлигида аккредитация қилинмаган хорижий шахсларга бож олинмайдиган савдо дўконларида товарлар сотишга (сотиб олишга) рухсат берилмайди.
(6-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарорига мувофиқ тўққизинчи хатбоши билан тўлдирилган — ЎР ҚҲТ, 2010 й., 47-сон, 425-модда)
7. Бож олинмайдиган савдо дўкони фаолиятини амалга оширишга лицензия, кейинги ўринларда «лицензия» деб юритилади, (мулк ҳуқуқи билан ёки бошқа ашёвий ҳуқуқ билан) эгалигида бож олинмайдиган савдо дўкони сифатида фойдаланиш мўлжалланган ва мазкур Низом талабларига мувофиқ бўлган савдо заллари, ёрдамчи бинолар ва омбор бўлган Ўзбекистон Республикасининг юридик шахсига Ўзбекистон Республикаси Давлат божхона қўмитаси (кейинги ўринларда «лицензияловчи орган» деб юритилади) томонидан беш йилга берилади.
(7-банд Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарори таҳририда — ЎР ҚҲТ, 2015 й., 1-сон, 9-модда)
Олдинги таҳрирга қаранг.
(7-банднинг иккинчи хатбошиси Ўзбекистон Республикаси Вазирлар Маҳкамасининг 2006 йил 22 майдаги 92-сон қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2006 й., 20-21-сон, 181-модда)
8. Бож олинмайдиган савдо дўкони фаолиятини амалга оширишга намунавий (оддий) лицензия берилади.
9. Лицензияни ёки у бўйича ҳуқуқларни бошқа шахсларга бериш тақиқланади.
II. Бож олинмайдиган савдо дўкони жойлашган жойга, унинг жиҳозланишига ва асбоб-ускуналарига қўйиладиган талаблар
10. Бож олинмайдиган савдо дўкони ҳудуди савдо заллари ҳудудини, ёрдамчи бинолар ва дўкон омборини ўз ичига олади ҳамда божхона назорати зонаси ҳисобланади.
11. Бож олинмайдиган савдо дўконининг савдо зали, ёрдамчи биноси ва омбори:
товарлар фақат бож олинмайдиган савдо дўконининг савдо залларида сотилишини ҳамда уларга нисбатан божхона назорати ўтказиш имкониятини таъминлайдиган тарзда жиҳозланиши;
мазкур Низомда назарда тутилган талаблар ҳисобга олинган ҳолда бож олинмайдиган савдо дўконининг нормал фаолият кўрсатиши учун етарли бўлган майдонга эга бўлиши;
бир-бирига бевосита яқин жойга жойлаштирилиши (божхона назорати зонасида) керак.
(11-банднинг тўртинчи хатбошиси Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
12. Агар бож олинмайдиган савдо дўконининг савдо заллари, ёрдамчи бинолари ва омбори мазкур Низомнинг 11-банди талабларига риоя қилинганда бир-биридан йироқда (500 метрдан ортиқ) жойлашган бўлса, товарларни омбордан савдо заллари ва ёрдамчи биноларга олиб ўтиш Ўзбекистон Республикаси Божхона кодексининг 61-моддаси 5-қисмида белгиланган ҳолларда божхона кузатувида амалга оширилиши мумкин. Божхона кузатуви учун божхона йиғимлари белгиланган миқдорда ундирилади.
Товарларнинг бир бож олинмайдиган савдо дўконидан бошқа бож олинмайдиган савдо дўконига кўчирилиши фақат товарларнинг бир божхона омборидан бошқа божхона омборига кўчирилиши учун назарда тутилган тартибда давлат божхона хизмати органининг рухсати билан амалга оширилади.
(12-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарорига мувофиқ иккинчи хатбоши билан тўлдирилган — ЎР ҚҲТ, 2010 й., 47-сон, 425-модда)
LexUZ шарҳи13. Ўзбекистон Республикаси Давлат чегараси орқали ўтказиш манзилларидан ташқарида жойлашган бож олинмайдиган савдо дўкони омбори қонун ҳужжатларида божхона омборлари учун назарда тутилган тартибга татбиқан жиҳозланиши керак.
14. Бож олинмайдиган савдо дўконининг савдо заллари товарлар сақланиши таъминланадиган ва қуйидагиларни:
Ўзбекистон Республикаси Давлат чегарасини кесиб ўтадиган жисмоний шахслар учун бож олинмайдиган савдо дўконидан сотиб олинган товарлар Ўзбекистон Республикаси божхона ҳудудида қолдирилишини, шу жумладан ушбу ҳудудда қолаётган жисмоний шахсларга бериш йўли билан қолдирилишини;
(14-банднинг иккинчи хатбошиси Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
товарларнинг божхона назоратидан ташқари тушиши ва олиб қўйилишини;
товарларга бегона шахсларнинг яқинлашишини истисно этадиган тарзда жойлаштирилиши ва жиҳозланиши керак.
15. Ўзбекистон Республикаси Давлат чегарасини кесиб ўтадиган жисмоний шахслар учун бож олинмайдиган савдо дўконининг савдо заллари божхона назорати зонасида жойлаштирилиши керак (паспорт назорати линияси ташқарисида божхона назорати линиясигача алоҳида — Ўзбекистон Республикаси ҳудудига кириб келадиган жисмоний шахслар учун, шунингдек паспорт назорати линияси ташқарисида — Ўзбекистон Республикаси ҳудудидан чиқиб кетаётган жисмоний шахслар учун).
Кўрсатиб ўтилган бож олинмайдиган савдо дўконининг савдо заллари Ўзбекистон Республикаси Давлат чегарасини кесиб ўтмайдиган жисмоний шахсларнинг ушбу залларга киришини истисно этадиган тарзда жойлаштирилиши керак.
Ўзбекистон Республикаси Ташқи ишлар вазирлигида аккредитация қилинган хорижий шахслар учун бож олинмайдиган савдо дўконининг савдо заллари бож олинмайдиган савдо дўкони жойлашган божхона органи фаолияти зонасида бўлиши керак.
(15-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
16. Бож олинмайдиган савдо дўконининг савдо зали биноси, ёрдамчи биноси ва омбори Ўзбекистон Республикаси қонун ҳужжатларида белгиланган техник, санитария, ёнғинга қарши талабларга ва бошқа талабларга жавоб бериши керак.
III. Бож олинмайдиган савдо дўконининг эгасига қўйиладиган талаблар
17. Бож олинмайдиган савдо дўконининг эгаси қуйидагиларга мажбурдир:
божхона ҳақидаги қонун ҳужжатларига риоя қилиш;
берилган лицензия шартларига ҳамда мазкур Низомнинг II бўлимида белгиланган бож олинмайдиган савдо дўконини жиҳозлаш ва асбоб-ускуналар билан таъминлаш талабларига риоя қилиш;
бож олинмайдиган савдо дўконига сотиш учун тушувчи товарлардан бошқа мақсадларда фойдаланиш имкониятини истисно этиш;
бож олинмайдиган савдо дўконига жойлаштирилган товарларни фақат ёрдамчи биноларда ва бож олинмайдиган савдо дўконининг омборларда сақлаш;
бож олинмайдиган савдо дўконига тушувчи ва бож олинмайдиган савдо дўконидан олиб чиқиладиган товарлар ҳисобини юритиш, шу жумладан автоматлаштирилган ҳисобини юритиш ва ушбу товарлар тўғрисида лицензияловчи орган томонидан белгиланган тартибда божхона органларига ҳисобот тақдим этиш;
божхона органининг талаби бўйича божхона омборидаги товарларни божхона органининг мансабдор шахси иштирокида хатловдан ўтказиш;
божхона назоратини амалга оширишда божхона органлари ходимларига ёрдам бериш;
санитария қоидаларига, омборга жойлаштириш нормаларига, товарларнинг ёнма-ён қўйилиши қоидаларига ва сақлаш режимига, давлат стандартларининг мажбурий талабларига риоя қилиш, мазкур Низомда белгиланган талабларни ҳисобга олган ҳолда Ўзбекистон Республикасининг савдо соҳасидаги муносабатларни тартибга солувчи қонун ҳужжатларида белгиланган бошқа талаблар ва шартларни бажариш;
нақд хорижий валюта ва хорижий валютадаги банк пластик ва кредит карточкалари ёки хорижий валютадаги банк ўтказмалари тўлов ҳужжатлари билан ишлашга татбиқан касса операциялари юритишнинг амалдаги тартиби талабларига, шунингдек Ўзбекистон Республикаси қонун ҳужжатларида белгиланган валюта операцияларини амалга оширишнинг бошқа қоидаларига риоя қилиш;
(17-банднинг ўнинчи хатбошиси Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
LexUZ шарҳифаолиятнинг тегишли турига рўйхатдан ўтказиш ёки рухсат бериш ҳужжатларига эга бўлиш, башарти уларни олиш мажбурийлиги Ўзбекистон Республикаси қонун ҳужжатларида, жойлардаги давлат ҳокимияти органларининг норматив ҳуқуқий ҳужжатларида назарда тутилган бўлса;
бож олинмайдиган савдо дўкони омборида товарларни махсус маркалаш ва бож олинмайдиган савдо дўконининг савдо залларида товарларни фақат улар мана шу тарзда маркаланган тақдирда сотиш;
мазкур Низомнинг 18-бандида белгиланган ҳолларда божхона божлари, солиқлар ва йиғимлар тўлаш;
бож олинмайдиган савдо дўкони ёпилган тақдирда бу ҳақда лицензияловчи органни хабардор қилиш;
таъсис ҳужжатларига ўзгартириш ва қўшимчалар киритилганлиги, божхона омборига кириш ҳуқуқига эга бўлган ўз ходимлари рўйхатига ўзгартириш ва қўшимчалар киритилганлиги тўғрисида лицензияловчи органни ўз вақтида хабардор қилиш:
божхона органларининг қонуний талабларини бажариш.
18. Бож олинмайдиган савдо дўкони эгаси божхона органини бож олинмайдиган савдо дўконини очиш санаси тўғрисида олдиндан хабардор қилади. Бож олинмайдиган савдо дўконининг божхона режимига мувофиқ товарларнинг божхона расмийлаштирувига мана шундай билдиришнома олингандан кейин йўл қўйилади.
LexUZ шарҳи19. Бож олинмайдиган савдо дўконининг эгаси:
бож олинмайдиган савдо дўконининг божхона режими остида жойлаштирилган товарлар йўқотилган тақдирда ёхуд улардан бож олинмайдиган савдо дўконида Ўзбекистон Республикаси божхона ҳудудига кириб келаётган ва Ўзбекистон Республикаси божхона ҳудудидан чиқиб кетаётган жисмоний шахсларга, шунингдек Ўзбекистон Республикаси Ташқи ишлар вазирлигида аккредитация қилинмаган хорижий шахсларга чаканалаб сотилгандан бошқа мақсадларда фойдаланилганда бундай товарларга нисбатан қонун ҳужжатларида белгиланган талаблар ва шаклларга мувофиқ божхона божлари тўланиши учун;
(19-банднинг иккинчи хатбошиси Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
бож олинмайдиган савдо дўконининг божхона режими остида жойлаштирилмаган товарлар сотилиши учун белгиланган тартибда жавоб беради.
LexUZ шарҳи20. Бож олинмайдиган савдо дўкони эгаси, агар товарлар енгиб бўлмас куч таъсири оқибатида ёки сақлаш ва сотишнинг нормал шароитларида табиий камайиш туфайли йўқ қилинган ёки қайтариб бўлмайдиган тарзда қўлдан кетган тақдирдагина божхона божлари, солиқлар тўланиши учун жавоб бермайди.
21. Божхона назорати ва божхона расмийлаштирувини амалга ошириш учун, зарурат бўлганда, бож олинмайдиган савдо дўкони эгаси божхона органининг мансабдор шахсларига бож олинмайдиган савдо дўконида бино ва алоқа воситалари беради.
IV. Бож олинмайдиган савдо дўкони фаолиятини амалга оширишга лицензия олиш учун зарур ҳужжатлар
22. Лицензия олиш учун лицензия талабгори лицензияловчи органга қуйидаги ҳужжатларни тақдим этади:
юридик шахснинг номи ва ташкилий-ҳуқуқий шакли, унинг жойлашган жойи (почта манзили), банк муассасасининг номи ва банкдаги ҳисоб рақами кўрсатилган лицензия бериш тўғрисидаги ариза;
LexUZ шарҳиОлдинги таҳрирга қаранг.
(22-банднинг учинчи хатбошиси Ўзбекистон Республикаси Вазирлар Маҳкамасининг 2016 йил 20 июндаги 211-сонли қарорига асосан чиқарилган — ЎР ҚҲТ, 2016 й., 25-сон, 308-модда)
ариза берувчининг эгалигида бўлган ва бож олинмайдиган савдо дўкони сифатида фойдаланиш учун мўлжалланган савдо заллари, ёрдамчи бинолар ва омборлар, улар жойлашган жой, уларнинг жиҳозланиши, асбоб-ускуналар билан таъминланиши ва моддий-техник жиҳозланиши тўғрисидаги маълумотлар;
бож олинмайдиган савдо дўконига кириш ҳуқуқига эга бўлган шахслар рўйхати (фамилияси, исми ва отасининг исми ҳамда лавозими кўрсатилган ҳолда);
бож олинмайдиган савдо дўконининг савдо зали, ёрдамчи биноси ва омборининг тарҳи ва чизмаси;
Олдинги таҳрирга қаранг.
(22-банднинг еттинчи хатбошиси Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан чиқарилган — ЎР ҚҲТ, 2015 й., 1-сон, 9-модда)
давлат ёнғин назорати органларининг бож олинмайдиган савдо дўкони савдо зали, ёрдамчи биноси ва омборининг ёнғин хавфсизлиги талабларига мувофиқлиги тўғрисидаги хулосаси;
давлат санитария назорати органларининг бож олинмайдиган савдо дўкони савдо зали, ёрдамчи биноси ва омборининг товарларни сақлаш учун зарур шарт-шароитларга мувофиқлиги тўғрисидаги хулосаси;
бож олинмайдиган савдо дўконида сотиш мўлжалланаётган товарлар рўйхати ва бож олинмайдиган савдо дўконида унинг ёрдамчи бинолари ва омборида туриши мумкин бўлган барча товарларнинг максимал қиймати;
бож олинмайдиган савдо дўконида унинг ёрдамчи бинолари ва омборларида эркин айланишга чиқариш режимида турган барча товарлар бир вақтда божхона расмийлаштирувидан ўтказилганда тўланиши мумкин бўлган божхона тўловлари суммасига божхона тўловлари тўланишини таъминлашни тасдиқлайдиган ҳужжат;
LexUZ шарҳиОлдинги таҳрирга қаранг.
(22-банднинг ўн иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарорига асосан чиқарилган — ЎР ҚҲТ, 2014 й., 31-сон, 380-модда)
Лицензия талабгоридан ушбу Низомда назарда тутилмаган ҳужжатларни тақдим этишни талаб қилишга йўл қўйилмайди.
Лицензияловчи орган лицензия бериш учун бошқа ваколатли органларда мавжуд бўлган зарур ҳужжатлар ва ахборотларни белгиланган тартибда ўзаро ахборот ҳамкорлиги йўли билан, шу жумладан электрон тарзда мустақил равишда олади, ушбу бандда назарда тутилган ҳужжатлар ва ахборотлар бундан мустасно.
(22-банд Ўзбекистон Республикаси Вазирлар Маҳкамасининг 2014 йил 31 декабрдаги 377-сонли қарорига асосан хатбоши билан тўлдирилган — ЎР ҚҲТ, 2015 й., 1-сон, 9-модда)
23. Ҳужжатлар лицензияловчи органга лицензия талабгори томонидан бевосита ёхуд уларнинг олинганлиги тўғрисидаги билдиришнома билан почта алоқаси воситаси орқали етказиб берилади.
LexUZ шарҳи24. Ҳужжатлар лицензияловчи органнинг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилиб олинган сана тўғрисида белги қўйилган ҳолда ариза берувчига юборилади (топширилади).
25. Ишончли бўлмаган ёки бузилган маълумотлар тақдим этилганлиги учун лицензия талабгори қонун ҳужжатларига мувофиқ жавоб беради.
V. Аризани кўриб чиқиш ва лицензия бериш ёки лицензия беришни рад этиш тўғрисида қарор қабул қилиш
26. Лицензия бериш мазкур Низомга 2-иловадаги схемага биноан амалга оширилади.
(26-банд Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
27. Лицензия талабгорининг лицензия бериш тўғрисидаги аризаси кўриб чиқилганлиги учун йиғим ундирилмайди.
(27-банд Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
28. Лицензия бериш ёки лицензия беришни рад этиш тўғрисидаги қарор барча зарур ҳужжатлар билан биргаликда лицензия талабгорининг аризаси олинган кундан бошлаб ўттиз кундан ортиқ бўлмаган муддатда қабул қилинади.
29. Лицензия бериш, лицензияларнинг амал қилиш муддатини узайтириш тўғрисидаги ҳужжатларни кўриб чиқиш, улар бўйича хулосалар тайёрлаш учун лицензияловчи органда эксперт комиссияси ташкил этилади. Эксперт комиссиясининг таркиби ва у тўғрисидаги низом лицензияловчи орган томонидан тасдиқланади.
30. Лицензия талабгорининг аризаси барча зарур ҳужжатлар билан биргаликда улар қабул қилинган кунда кўриб чиқиш учун эксперт комиссиясига киритилади.
Эксперт комиссияси йигирма кундан ортиқ бўлмаган муддатда тақдим этилган ҳужжатларни кўриб чиқади ва улар бўйича лицензия бериш ёки лицензия беришни рад этиш тўғрисида эксперт хулосаси тайёрлайди.
31. Лицензияловчи орган беш кун муддатда эксперт комиссияси хулосаси асосида лицензия бериш ёки лицензия беришни рад этиш тўғрисида қарор қабул қилади.
Лицензияловчи орган лицензия талабгорини қабул қилинган қарор тўғрисида тегишли қарор қабул қилингандан кейин уч кун мобайнида хабардор қилади.
Лицензия беришга қарор қилинганлиги тўғрисидаги билдиришнома лицензия талабгорига банк ҳисоб рақами реквизитлари ва давлат божи тўлаш муддати кўрсатилган ҳолда ёзма шаклда юборилади (топширилади).
LexUZ шарҳи32. Лицензия махсус бланкада расмийлаштирилади ва унда қуйидагилар бўлиши керак:
бож олинмайдиган савдо дўкони эгасининг номи, унинг ташкилий-ҳуқуқий шакли ва жойлашган жойи кўрсатилиши керак;
бож олинмайдиган савдо дўконининг савдо зали, ёрдамчи биноси ва омборига эгалик ҳуқуқи тўғрисидаги маълумотлар;
божхона тўловлари миқдорлари ва уларни тўлашни таъминлаш шакли тўғрисидаги маълумотлар;
бож олинмайдиган савдо дўконининг савдо зали, ёрдамчи биноси ва омбори жойлашган жой;
божхона назоратини амалга ошириш учун зарур бўлган ва Ўзбекистон Республикаси Давлат божхона қўмитаси томонидан белгиланадиган бошқа маълумотлар.
33. Лицензиялар бланкалари намунаси Ўзбекистон Республикаси Вазирлар Маҳкамасининг 2000 йил 20 декабрдаги 488-сон қарорига мувофиқ лицензияловчи орган томонидан тасдиқланади.
Лицензиялар бланкалари қатъий ҳисобот бериладиган ҳужжатлар ҳисобланади, ҳисобга олиш сериясига, тартиб рақамига ва ҳимояланганлик даражасига эга бўлади. Лицензия бланкалари лицензияловчи органнинг буюртмаси бўйича «Давлат белгиси» давлат-ишлаб чиқариш бирлашмасида босмахона усулида тайёрланади.
34. Лицензиялар лицензия талабгори томонидан давлат божи тўланганини тасдиқловчи ҳужжат тақдим этилгандан кейин уч кун муддатда расмийлаштирилади ва берилади.
35. Агар лицензиат лицензия бериш тўғрисида қарор қабул қилинганлиги ҳақидаги билдиришнома юборилган (топширилган) вақтдан бошлаб уч ой мобайнида лицензияловчи органга лицензия берилганлиги учун давлат божи тўланганлигини тасдиқловчи ҳужжатни тақдим этмаса, лицензияловчи орган лицензияни бекор қилиш тўғрисида қарор қабул қилишга ҳақлидир.
36. Лицензия бериш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 17-моддасида назарда тутилган асослар бўйича рад этилиши мумкин.
Бошқа асослар бўйича, шу жумладан лицензия бериш мақсадга мувофиқ эмаслиги сабаби билан лицензия бериш рад этилишига йўл қўйилмайди.
37. Лицензия талабгори лицензияловчи органнинг лицензия беришни рад этиш тўғрисидаги қарори, шунингдек лицензияловчи органнинг мансабдор шахси хатти-ҳаракати (ҳаракатсизлиги) устидан қонун ҳужжатларида белгиланган тартибда шикоят қилиш ҳуқуқига эгадир.
38. Лицензия беришни рад этиш тўғрисида қарор қабул қилинган тақдирда рад этиш тўғрисидаги билдиришнома лицензия талабгорига рад этишнинг аниқ сабаблари ва лицензия талабгори кўрсатиб ўтилган сабабларни бартараф этиб ҳужжатларни такроран кўриб чиқишга тақдим этиши учун етарли бўлган муддат кўрсатилган ҳолда ёзма шаклда юборилади (топширилади). Лицензия беришни рад этиш ҳақидаги хабарномада кўрсатилган муддат камчиликларни бартараф этиш учун зарур бўлган вақтга мутаносиб бўлиши керак.
(38-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)
LexUZ шарҳи39. Лицензия беришни рад этиш учун асос бўлган сабаблар лицензия талабгори томонидан бартараф этилган тақдирда, ҳужжатларни такроран кўриб чиқиш лицензияловчи орган томонидан лицензия талабгорининг аризаси барча зарур ҳужжатлар билан биргаликда олинган кундан бошлаб ўн кундан ортиқ бўлмаган муддатда амалга оширилади.
Бунда такроран тақдим этилган ҳужжатлар эксперт комиссиясининг кўриб чиқиши учун улар қабул қилган кунда киритилади.
Эксперт комиссияси олти кундан ортиқ бўлмаган муддатда тақдим этилган ҳужжатларни такроран кўриб чиқади ва улар бўйича лицензия бериш ёки лицензия беришни рад этиш тўғрисида эксперт хулосаси тайёрлайди.
Лицензияловчи орган тўрт кун муддатда эксперт комиссиясининг хулосаси асосида лицензия бериш ёки лицензия беришни рад этиш тўғрисида қарор қабул қилади.
40. Лицензия талабгорининг аризаси қайта кўриб чиқилганлиги учун йиғим ундирилмайди.
Лицензия талабгорининг аризасини қайта кўриб чиқишда илгари лицензия беришни рад этиш тўғрисидаги билдиришномада кўрсатилмаган янги асослар бўйича лицензия беришни рад этишга йўл қўйилмайди;
Лицензия беришни рад этиш тўғрисидаги билдиришномада кўрсатилган муддат ўтгандан кейин берилган ариза янгидан берилган ариза ҳисобланади.
(40-банд Ўзбекистон Республикаси Вазирлар Маҳкамасининг 2012 йил 1 ноябрдаги 313-сонли қарори таҳририда — ЎР ҚҲТ, 2012 й., 44-сон, 507-модда)
VI. Лицензияни қайта расмийлаштириш, унинг амал қилиш муддатини узайтириш, дубликат бериш
41. Лицензиат ўзгартирилган, унинг номи ёки жойлашган жойи (почта манзили) ўзгарган тақдирда, лицензиат ёки унинг ҳуқуқий вориси қайта рўйхатдан ўтказилгандан кейин бир ой муддатда лицензияловчи органга кўрсатиб ўтилган маълумотларни тасдиқловчи тегишли ҳужжатлар илова қилинган ҳолда лицензияни қайта расмийлаштириш тўғрисида ариза бериши шарт.
(41-банд Ўзбекистон Республикаси Вазирлар Маҳкамасининг 2018 йил 29 октябрдаги 884-сонли қарори таҳририда — Қонун ҳужжатлари маълумотлари миллий базаси, 30.10.2018 й., 09/18/884/2128-сон)
Янгидан вужудга келган юридик шахсни давлат рўйхатидан ўтказиш санасида бож олинмайдиган савдо дўкони фаолиятини амалга ошириш ҳуқуқини берувчи лицензияга эга бўлган лицензиатлар қўшиб юборилган тақдирда, лицензияни ушбу банднинг биринчи хатбошида назарда тутилган тартибда қайта расмийлаштиришга йўл қўйилади.
(41-банд Ўзбекистон Республикаси Вазирлар Маҳкамасининг 2018 йил 29 октябрдаги 884-сонли қарорига асосан хатбоши билан тўлдирилган — Қонун ҳужжатлари маълумотлари миллий базаси, 30.10.2018 й., 09/18/884/2128-сон)
42. Лицензиат лицензия қайта расмийлаштирилгунга қадар унда кўрсатилган фаолиятни илгари берилган лицензия асосида амалга оширади.
43. Лицензияни қайта расмийлаштириш лицензияловчи орган томонидан тегишли ҳужжатлар илова қилинган ҳолда лицензияни қайта расмийлаштириш тўғрисида ариза олинган кундан бошлаб беш кун мобайнида амалга оширилади.
Қайта расмийлаштирилган лицензиянинг асл нусхаси лицензияловчи орган томонидан лицензиатга олдинги лицензиянинг асл нусхаси олиб қўйилган ҳолда берилади. Эски нусха лицензия бериш тўғрисидаги аризага тикиб қўйилади ва лицензияловчи органда сақланади.
Лицензияларни қайта расмийлаштиришда йиғим ундирилмайди.
(43-банднинг учинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
44. Лицензиянинг амал қилиш муддатини узайтириш лицензиатнинг аризасига кўра амалга оширилади. Лицензиянинг амал қилиш муддатини узайтириш тўғрисидаги ариза лицензияловчи органга лицензиянинг амал қилиш муддати ўтгунга қадар икки ойдан кечикмай берилиши керак. Лицензиянинг амал қилиш муддатини узайтириш лицензия бериш учун назарда тутилган тартибда амалга оширилади.
45. Амал қилиш муддати ўтмаган йўқолган ёки яроқсиз ҳолга келган лицензия ўрнига лицензиатнинг аризасига кўра дубликат берилиши мумкин.
Лицензия дубликатини беришда йиғим ундирилмайди.
(45-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
VII. Лицензия талаблари ва шартларига риоя этилишини назорат қилиш
46. Лицензиат томонидан лицензия талаблари ва шартларига риоя этилиши қонун ҳужжатларида белгиланган тартибда лицензияловчи орган томонидан назорат қилинади.
47. Лицензия талаблари ва шартларига риоя этилиши устидан назоратни амалга оширишда лицензияловчи орган ўз ваколатлари доирасида:
лицензиат томонидан лицензия талаблари ва шартларига риоя этилишини қонун ҳужжатларида белгиланган тартибда режали текшириш;
лицензия талаблари ва шартлари лицензиат томонидан бузилганлигидан далолат берувчи ҳолатлар мавжуд бўлган тақдирда лицензиатнинг уларга риоя этишини қонунда белгиланган тартибда режадан ташқари текшириш;
лицензия талаблари ва шартларига риоя этилишини текшириш чоғида пайдо бўладиган масалалар юзасидан лицензиатдан зарур ахборотни сўраш ва олиш;
текширишлар натижалари асосида, лицензиат томонидан лицензия талаблари ва шартларининг аниқ бузилишларини кўрсатган ҳолда далолатномалар (маълумотномалар) тузиш;
лицензиатга аниқланган бузилишларни бартараф этиш мажбуриятини юкловчи қарорлар чиқариш, бундай бузилишларни бартараф этиш муддатларини белгилаш;
Олдинги таҳрирга қаранг.
лицензиянинг амал қилишини тўхтатиб туриш, тўхтатиш ёки лицензияни бекор қилиш тўғрисида қонун ҳужжатларида белгиланган тартибда қарор чиқариш ёки судга мурожаат қилиш.
(47-банднинг еттинчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сон қарори таҳририда — Ўзбекистон Республикаси Қонун ҳужжатлари тўплами, 2006 й., 46-47-сон, 458-модда)
48. Лицензия талаблари ва шартларига риоя этилишини текшириш чоғида лицензияловчи органнинг текширувчи ходимлари томонидан икки нусхада далолатнома тузилади, унинг бир нусхаси лицензиатга берилади, иккинчи нусхаси лицензияловчи органда қолади.
VIII. Лицензиянинг амал қилишини тўхтатиб туриш, тўхтатиш, лицензияни бекор қилиш
49. Лицензиянинг амал қилишини тўхтатиб туриш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 22-моддасида назарда тутилган ҳолларда ва тартибда амалга оширилади.
Лицензияловчи органнинг лицензиянинг амал қилишини тўхтатиб туриш тўғрисидаги қарори юзасидан судга шикоят қилиниши мумкин. Лицензиянинг амал қилишини тўхтатиб туриш асоссиз эканлиги суд томонидан эътироф этилган тақдирда, лицензияловчи орган лицензиат олдида лицензиат кўрган зарар миқдорида жавоб беради.
(49-банднинг биринчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сон қарори таҳририда — Ўзбекистон Республикаси Қонун ҳужжатлари тўплами, 2006 й., 46-47-сон, 458-модда)
50. Лицензиянинг амал қилишини тўхтатиш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 23-моддасида назарда тутилган ҳолларда ва тартибда амалга оширилади.
(50-банднинг биринчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сонли қарори таҳририда — ЎР ҚҲТ, 2006 й., 46-47-сон, 458-модда)
Лицензияловчи органнинг лицензиянинг амал қилишини тўхтатиш тўғрисидаги қарори юзасидан судга шикоят қилиниши мумкин. Лицензиянинг амал қилишини тўхтатиш асоссиз эканлиги суд томонидан эътироф этилган тақдирда, лицензияловчи орган лицензиат олдида лицензиат кўрган зарар миқдорида жавоб беради.
51. Лицензияни бекор қилиш «Фаолиятнинг айрим турларини лицензиялаш тўғрисида»ги Ўзбекистон Республикаси Қонунининг 24-моддасида назарда тутилган ҳолларда ва тартибда амалга оширилади.
(51-банднинг биринчи хатбошиси Ўзбекистон Республикаси Вазирлар Маҳкамасининг 2006 йил 10 ноябрдаги 235-сонли қарори таҳририда — ЎР ҚҲТ, 2006 й., 46-47-сон, 458-модда)
Лицензияловчи органнинг лицензияни бекор қилиш тўғрисидаги қарори юзасидан судга шикоят қилиниши мумкин. Лицензиянинг бекор қилиниши асоссиз эканлиги суд томонидан эътироф этилган тақдирда, лицензияловчи орган лицензиат олдида лицензиат кўрган зарар миқдорида жавоб беради.
IX. Лицензиялар реестри
52. Лицензияловчи орган берилган лицензиялар реестрини юритади.
53. Лицензиялар реестрида лицензиатлар тўғрисидаги қуйидаги асосий маълумотлар кўрсатилиши керак:
юридик шахснинг номи, ташкилий-ҳуқуқий шакли, почта манзили, телефони;
лицензияларнинг берилган санаси ва тартиб рақами;
лицензияларнинг амал қилиш муддати;
лицензияларни қайта расмийлаштириш, уларнинг амал қилишини тўхтатиб туриш ва тиклашнинг асослари ва санаси;
лицензияларнинг амал қилишини тўхтатиш асослари ва санаси;
лицензияларни бекор қилишнинг асослари ва санаси;
дубликат бериш асослари ва санаси.
54. Лицензияларнинг реестрларида мавжуд бўлган маълумотлар лицензияловчи органнинг веб-сайтига жойлаштирилади ва танишиб чиқиш учун очиқ бўлади.
(54-банд Ўзбекистон Республикаси Вазирлар Маҳкамасининг 2012 йил 1 февралдаги 26-сонли қарори таҳририда — ЎР ҚҲТ, 2012 й., 6-сон, 57-модда)
Х. Давлат божини тўлаш тартиби
55. Лицензия берилганлиги ёки унинг амал қилиш муддати узайтирилганлиги учун энг кам ойлик иш ҳақининг беш баравари миқдорида давлат божи ундирилади.
Олдинги таҳрирга қаранг.
(56-банд Ўзбекистон Республикаси Вазирлар Маҳкамасининг 2006 йил 22 майдаги 92-сон қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2006 й., 20-21-сон, 181-модда)
Бож олинмайдиган савдо дўкони фаолиятини лицензиялаш тўғрисидаги низомга
1-ИЛОВА
1-ИЛОВА
Бож олинмайдиган савдо дўконларида товарларни сотиб олишга
БУЮРТМАНОМА
| ________________________________________________________________ |
|
(хорижий давлатнинг дипломатик ваколатхонаси ёки консуллик муассасаси, халқаро ташкилот |
| ________________________________________________________________ |
|
ваколатхонасининг ва унга тенглаштирилган ваколатхонанинг номи) |
| ________________________________________________________________ |
| ______________________________________________ваколатини бераман |
|
(хорижий давлатнинг дипломатик ваколатхонаси ёки консуллик муассасаси, халқаро ташкилот ваколатхонаси ва унга тенглаштирилган ваколатхонанинг харидни амалга ошириш ваколати берилган шахсининг фамилияси, исми, отасининг исми, тоифаси, шунингдек аккредитация карточкаси рақами) |
| Қуйидаги товарларни ______________________________ сотиб олиш учун |
|
(товарларни сотиб олишнинг мақсади) |
|
Т/р |
Товарнинг номи |
Миқдори |
Биттасининг қиймати |
Умумий қиймати |
| 1. | | | | |
| 2. | | | | |
| 3. | | | | |
| 4. | | | | |
|
__________________ |
____________________________________________ | |||
| (буюртманома тузилган сана) |
хорижий давлатнинг дипломатик ёки консуллик муассасаси, халқаро ташкилот ваколатхонаси ва унга тенглаштирилган ваколатхона бошлиғининг фамилияси, исми, отасининг исми, имзоси). | |||
(1-илова Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори билан киритилган — ЎР ҚҲТ, 2010 й., 47-сон, 425-модда)
Бож олинмайдиган савдо дўкони фаолиятини лицензиялаш тўғрисидаги низомга
2-ИЛОВА
2-ИЛОВА
(низомга илова грифи Ўзбекистон Республикаси Вазирлар Маҳкамасининг 2010 йил 19 ноябрдаги 253-сонли қарори таҳририда — ЎР ҚҲТ, 2010 й., 47-сон, 425-модда)
Бож олинмайдиган савдо дўкони фаолиятини лицензиялаш
схемаси
(Ўзбекистон Республикаси қонун ҳужжатлари тўплами, 2003 й., 22-сон, 224-модда; 2006 й., 20-21-сон, 181-модда, 46-47-сон, 458-модда; 2010 й., 47-сон, 425-модда; 2012 й., 6-сон, 57-модда, 44-сон, 507-модда; 2014 й., 31-сон, 380-модда; 2015 й., 1-сон, 9-модда; 2016 й., 25-сон, 308-модда; Қонун ҳужжатлари маълумотлари миллий базаси, 27.03.2018 й., 09/18/235/0452-сон, 19.07.2018 й., 09/18/553/1538-сон, 21.09.2018 й., 09/18/748/2024-сон, 30.10.2018 й., 09/18/884/2128-сон)
