Ҳужжат кучини йўқотган " " 08.05.2018
Ўзбекистон Республикаси Вазирлар Маҳкамасининг
қарори
Маъмурий жазога тортилган шахсларни марказлаштирилган ҳисобга олиш тизимини ташкил этиш тўғрисида
 LexUZ шарҳи
Мазкур қарор Ўзбекистон Республикаси Вазирлар Маҳкамасининг 2018 йил 3 майдаги 322-сонли «Маъмурий ҳуқуқбузарлик содир этган шахслар ва жабрланувчиларни марказлаштирилган ҳисобга олиш тизимини такомиллаштириш тўғрисида»ги қарорига асосан ўз кучини йўқотган.
Статистик ахборотларнинг ягона тизимини янада ривожлантириш, маъмурий жазога тортилган шахсларни ҳисобга олиш тартибини такомиллаштириш ва уларнинг маъмурий ёки жиноий жавобгарликдан бош тортишига кўмаклашадиган шарт-шароитларни бартараф этиш мақсадида Вазирлар Маҳкамаси қарор қилади:
1. Маъмурий жазога тортилган шахсларни ҳисобга олиш тартиби тўғрисида низом иловага мувофиқ тасдиқлансин.
2. Ўзбекистон Республикаси Ички ишлар вазирлиги маъмурий жазога тортилган шахсларнинг марказлаштирилган ҳисобини юритиш юзасидан масъул орган этиб белгилансин.
3. Ўзбекистон Республикаси Ички ишлар вазирлиги:
а) бир ой муддатда Ўзбекистон Республикаси Бош прокуратураси, Ўзбекистон алоқа ва ахборотлаштириш агентлиги, Ўзбекистон Республикаси Молия вазирлиги ҳамда бошқа манфаатдор вазирликлар ва идоралар билан биргаликда маъмурий жазога тортилган шахслар тўғрисидаги маълумотларнинг марказлаштирилган электрон базасини жорий этишга доир ташкилий тадбирлар режасини тасдиқласин, унда қуйидагиларни назарда тутсин:
маълумотларнинг марказлаштирилган электрон базаси фаолияти концепциясини ишлаб чиқиш ва тасдиқлаш;
тегишли дастурий таъминотни яратиш юзасидан техник топшириқни ишлаб чиқиш ва тасдиқлаш;
маълумотларнинг марказлаштирилган электрон базасида ахборотларни тўплаш ва ишлашнинг ташкилий-функционал схемасини тасдиқлаш;
маълумотларнинг марказлаштирилган электрон базасини юритиш учун зарур бўлган келгусида уни такомиллаштириб бориш имкониятига эга дастурий таъминотни ишлаб чиқиш ва жорий этиш;
марказлаштирилган ҳисобга олиш тизимини яратиш ва келгусида қўллаб-қувватлаш бўйича тадбирларни молиялаштириш ҳажмини аниқлаш;
маъмурий ҳуқуқбузарликлар тўғрисидаги ишларни кўриб чиқишга ваколатли органлар томонидан марказлаштирилган ҳисобга олиш тизимини, шу жумладан муайян ҳудудда уни тажриба тестидан ўтказиш орқали босқичма-босқич жорий этиш;
маълумотларнинг марказлаштирилган электрон базасидан тўлиқ фойдаланишни бошлашни ушбу қарорда белгиланган муддатда таъминлайдиган бошқа тадбирларни амалга ошириш;
б) маълумотларнинг марказлаштирилган электрон базасини ва тажриба тестидан ўтказишни жорий этишга доир ташкилий тадбирларни амалга ошириш якунларига кўра, зарурат бўлганда, Маъмурий жазога тортилган шахсларни ҳисобга олиш тартиби тўғрисидаги Низом нормаларини такомиллаштириш бўйича таклифлар киритсин.
4. Маъмурий ҳуқуқбузарликлар тўғрисидаги ишларни кўриб чиқишга ваколатли органлар:
маъмурий жазога тортилган шахслар ҳисобининг ушбу қарор билан тасдиқланган Низом талабларига мувофиқ юритилишини таъминласинлар;
икки ой муддатда идоравий норматив-ҳуқуқий ҳужжатларни ушбу қарорга мувофиқлаштирсинлар.
5. Маъмурий ҳуқуқбузарликлар тўғрисидаги ишларни кўриб чиқишга ваколатли органларнинг бюджетдан ташқари маблағлари маъмурий жазога тортилган шахсларни марказлаштирилган ҳисобга олиш тизимини яратиш ва жорий этиш тадбирларини молиялаштириш манбаи этиб белгилансин.
6. Белгилаб қўйилсинки, 2012 йил 1 январдан бошлаб содир этилган ҳуқуқбузарликлар учун маъмурий жазога тортилган шахслар тасдиқланган Низомга мувофиқ ҳисобга олинади.
7. Ўзбекистон Республикаси Адлия вазирлиги Ўзбекистон Республикаси Адлия вазирлиги ҳузуридаги Юристлар малакасини ошириш марказида маъмурий ҳуқуқбузарликлар тўғрисидаги ишларни кўриб чиқиш ҳуқуқига эга бўлган мансабдор шахслар малакасини ошириш курсларини ташкил этсин.
8. Ўзбекистон Республикаси Ички ишлар вазирлиги Адлия вазирлиги билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифлар киритсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Н. Арипов ва Ўзбекистон Республикаси Ички ишлар вазири Б.А. Матлюбов зиммасига юклансин.
Ўзбекистон Республикасининг Бош вазири Ш. МИРЗИЁЕВ
Тошкент ш.,
2011 йил 17 февраль,
39-сон
Вазирлар Маҳкамасининг 2011 йил 17 февралдаги 39-сон қарорига
ИЛОВА
Маъмурий жазога тортилган шахсларни ҳисобга олиш тартиби тўғрисида
НИЗОМ
I. Умумий қоидалар
1. Ушбу Низом маъмурий ҳуқуқбузарликлар тўғрисидаги ишларни кўриб чиқишга ваколатли барча органлар (кейинги ўринларда ваколатли органлар деб аталади) учун маъмурий жазога тортилган шахсларни ҳисобга олишнинг ягона тартибини белгилайди.
2. Маъмурий жазога тортилган шахслар тўғрисидаги маълумотларни тўплаш, ишлаш, умумлаштириш, жамлаш, сақлаш ва уларни рухсатсиз фойдаланишдан ҳимоя қилиш, шунингдек уларни давлат органларига тақдим этиш ҳисобга олишнинг асосий вазифалари ҳисобланади.
3. Қуйидагилар ҳисобга олиш принциплари ҳисобланади:
қонунийлик;
ахборотларнинг холисоналиги, ишончлилиги ва таққосланувчанлиги;
ахборотларнинг ушбу Низомда ва Ўзбекистон Республикасининг бошқа қонун ҳужжатларида белгиланган доирада фойдаланилиши ва ошкоралиги;
ҳисобга олишнинг мажбурийлиги ва бир хилдалиги.
4. Ушбу Низомда қуйидаги асосий тушунчалардан фойдаланилади:
маълумотларнинг идоравий базаси — тегишли ҳудуддаги идоравий тааллуқли ҳуқуқбузарликлар бўйича битта ваколатли орган барча бўлинмаларининг (туман, шаҳар, вилоят, республика бўғинининг) қарорлари асосида маъмурий жазога тортилган шахслар тўғрисидаги маълумотлар мавжуд бўлган маълумотларнинг идоравий электрон базаси: Қорақалпоғистон Республикаси, вилоятлар, Тошкент шаҳри бўйича;
маълумотларнинг ҳудудий базаси — тегишли ҳудуддаги барча ваколатли органларнинг қарорлари асосида маъмурий жазога тортилган шахслар тўғрисидаги маълумотлар мавжуд бўлган маълумотларнинг ҳудудий электрон базаси: Қорақалпоғистон Республикаси, вилоятлар, Тошкент шаҳри бўйича;
маълумотларнинг ягона базаси — республика бўйича маъмурий жазога тортилган шахслар тўғрисидаги маълумотлар мавжуд бўлган маълумотларнинг ягона марказлаштирилган электрон базаси;
ваколатли органнинг ҳудудий бўлинмаси — вилоят (тенглаштирилган) бўғинининг (Қорақалпоғистон Республикаси) ваколатли органи бўлинмаси;
ваколатли органнинг марказий бўлинмаси — республика бўғинининг ваколатли органи бўлинмаси.
5. Маъмурий жазога тортилган шахсларнинг марказлаштирилган ҳисоби Ўзбекистон Республикаси Ички ишлар вазирлиги томонидан маълумотларнинг ягона базасини шакллантириш ва юритиш орқали амалга оширилади.
Маълумотларнинг ягона, ҳудудий ва идоравий базалари чекланган ҳолда фойдаланиладиган ахборот ресурслари ҳисобланади.
Маълумотларнинг ягона базаси маълумотларнинг ҳудудий базалари асосида шакллантирилади.
6. Маълумотларнинг ҳудудий базалари маълумотларнинг идоравий базалари асосида Қорақалпоғистон Республикаси Ички ишлар вазирлиги, Тошкент шаҳар ички ишлар бош бошқармаси, вилоятлар ички ишлар бошқармалари (кейинги ўринларда ички ишлар бошқармалари деб аталади) шакллантирилади.
7. Маълумотларнинг идоравий базалари ҳисобга олиш ҳужжатлари асосида ваколатли органларнинг ҳудудий бўлинмалари томонидан шакллантирилади.
Қуйидагилар ҳисобга олиш ҳужжатлари ҳисобланади:
ушбу Низомга 1-иловага мувофиқ шакл бўйича маъмурий жазога тортилган шахсларни ҳисобга олиш № 1-АП шаклидаги карточкаси, (кейинги ўринларда № 1-АП шаклидаги карточка деб аталади);
ушбу Низомга 2-иловага мувофиқ шакл бўйича маъмурий жазога тортилган (протокол тузилмасдан) шахсларни ҳисобга олиш № 2-АП шаклидаги карточкаси (кейинги ўринларда № 2-АП шаклидаги карточка деб аталади);
ушбу Низомга 3-иловага мувофиқ шакл бўйича маъмурий жазони қўллаш тўғрисидаги қарорни ижро қилиш ҳақидаги билдиришнома (кейинги ўринларда билдиришнома деб аталади).
Ҳисобга олиш ҳужжатлари ва маълумотлар базалари давлат тилида юритилади.
8. Ваколатли органларнинг барча бўғинлари (туман, шаҳар, республика) ушбу Низомда белгиланган тартибда ва муддатларда карточкалар ва билдиришномаларни ваколатли органнинг тегишли ҳудудий бўлинмаларига тақдим этадилар.
Вояга етмаганлар ишлари бўйича комиссиялар қарорлари асосида маъмурий жазога тортилган шахсларни ҳисобга олиш ички ишлар органлари томонидан амалга оширилади.
(8-банднинг иккинчи хатбошиси Ўзбекистон Республикаси Вазирлар Маҳкамасининг 2013 йил 11 декабрдаги 327-сонли қарори таҳририда — ЎР ҚҲТ, 2013 й., 50-сон, 654-модда)
Маъмурий жазони қўллаш тўғрисида уларга нисбатан қарор (ажрим) чиқарилган ёки Ўзбекистон Республикасининг Маъмурий жавобгарлик тўғрисидаги кодекси (МЖК) 283-моддасига мувофиқ ҳуқуқбузарлик содир этилган жойда жарима солинган шахслар ҳисобга олинади.
Маъмурий ҳуқуқбузарлик тўғрисидаги ишни кўриб чиқиш тугатилган тақдирда карточка тўлдирилмайди, шу жумладан Маъмурий жавобгарлик тўғрисидаги кодекснинг 21-моддаси асосида огоҳлантириш муносабати билан.
9. Маъмурий жазони қўллаш тўғрисида қарор чиқарган мансабдор шахс карточка ва билдиришномани ушбу Низомга қатъий мувофиқ электрон форматда (кейинги ўринларда электрон карточка ва электрон билдиришнома деб аталади) тўлдиради, сўнгра уларни белгиланган намунада бир нусхада қоғозга кўчиради (кейинги ўринларда қоғоз карточка ва қоғоз билдиришнома деб аталади) ва имзолайди.
Карточка ва билдиришномани имзолаган мансабдор шахс унинг ишончлилиги, тўлиқ тўлдирилганлиги ҳамда уларни тақдим этишнинг ушбу Низомда белгиланган тартиби ва муддатларига риоя қилинганлиги учун жавоб беради.
Карточка ва билдиришномалар ваколатли органларнинг ҳудудий бўлинмаларида ушбу Низомда белгиланган муддатларга мувофиқ сақланади.
Карточка ва билдиришномаларни кўчириш учун қўлланиладиган қоғоз сифатига қўйиладиган талаблар ваколатли органлар томонидан белгиланади.
10. Ҳисобга олишнинг тўлиқлигини таъминлаш мақсадида ваколатли органнинг барча бўғинлари ҳар чоракда бир марта (ҳисобот чорагидан кейинги ойнинг 10-санасигача) тақдим этилган карточка ва билдиришномаларни тегишли ҳудудий бўлинмада маълумотларнинг идоравий базаси билан солиштиради. Солиштиришни ўтказиш тартиби Ўзбекистон Республикаси Ички ишлар вазирлиги билан келишган ҳолда ваколатли органнинг марказий бўлинмаси томонидан белгиланади.
11. Ваколатли органнинг ҳудудий бўлинмалари мавжуд бўлмаган тақдирда маълумотларнинг идоравий базасини шакллантириш, карточка ва билдиришномаларни сақлаш ваколатли органнинг марказий бўлинмаси томонидан амалга оширилади, ушбу Низомнинг 8-банди иккинчи хатбошида назарда тутилган ҳолатлар бундан мустасно.
12. Қуйидагилар Ички ишлар вазирлигининг ҳисобга олишни таъминлаш бўйича ваколатига киради:
маъмурий жазога тортилган шахслар тўғрисидаги маълумотларнинг ягона базасини шакллантириш;
маъмурий жазога тортилган шахсларни ҳисобга олиш, маълумотларнинг ҳудудий базаларини шакллантириш ва юритиш бўйича ички ишлар органлари фаолиятини назорат қилиш;
ички ишлар органларида маъмурий жазога тортилган шахслар тўғрисидаги маълумотларнинг сақланишини ва уларни рухсатсиз фойдаланишдан ҳимоя қилишни таъминлаш;
ички ишлар органлари томонидан маъмурий жазога тортилган шахслар тўғрисидаги маълумотларни тақдим этиш тартибига риоя этилишини назорат қилиш;
13. Қуйидагилар ҳисобга олиш бўйича ваколатли органлар марказий ва ҳудудий бўлинмаларининг ваколатига киради:
маъмурий жазога тортилган шахсларни ҳисобга олиш, маълумотларнинг идоравий базаларини шакллантириш ва юритиш, маълумотларни ички ишлар органларига бериш бўйича идоравий бўйсунувчи органлар (мансабдор шахслар) фаолиятини назорат қилиш;
маъмурий жазога тортилган шахслар тўғрисидаги маълумотларнинг сақланишини ва уларни рухсатсиз фойдаланишдан ҳимоя қилишни таъминлаш.
II. Маъмурий ҳуқуқбузарликларни ва уларни содир этган шахсларни ҳисобга олиш дафтарини расмийлаштириш, юритиш, сақлаш
14. Ваколатли органлар томонидан Маъмурий ҳуқуқбузарликларни ва уларни содир этган шахсларни ҳисобга олиш дафтари (кейинги ўринларда Дафтар деб аталади) ушбу Низомга 4-иловага мувофиқ юритилади.
Дафтарга барча маъмурий ҳуқуқбузарликлар ва уларни содир этган шахслар тўғрисидаги маълумотлар ёзилади. Маъмурий ҳуқуқбузарлик тўғрисидаги иш тугатилган тақдирда Дафтарнинг 6-устунида тегишли ёзув қайд этилади.
15. Дафтар календарь йил бошидан эътиборан юритилади. У тартиб рақами қўйилган ва ип ўтказиб боғланган бўлиши керак. Охирги саҳифасида ипнинг боғланган жойига қоғоз елимланади, унга ваколатли орган муҳри туширилади ва унда мазкур орган Раҳбари тасдиқлаган ишонч ёзуви бўлади.
16. Дафтардаги барча ёзувлар аниқ ҳолда, кўк ёки қора рангли сиёҳлар (паста) билан қайд этилади. Унда ўчириб ёзишга, тузатишга ёки илгари қайд этилган ёзувларни тузатиш воситалари ёрдамида йўқотишга йўл қўйилмайди.
Зарур ҳолатларда, хато билан қайд этилган ёзувлар илгари қайд этилган матнни аниқ ўқиш мумкин бўлган ҳолда ўчирилади. Янги ёзув айнан шу устунда қайд этилади. Бу ҳолда Дафтарнинг юритилиши учун масъул бўлган мансабдор шахс тузатишни сана кўрсатилган ҳолдаги имзоси билан тасдиқлайди.
17. Дафтар 3 йил сақланади, сўнгра далолатномага мувофиқ йўқ қилинади.
18. Дафтарнинг сақланиши, ундаги маълумотларнинг ўз вақтида, тўлиқ ва ишончли ҳолда қайд этилганлиги учун жавобгарлик ҳисобга олиш-рўйхатдан ўтказиш бўлимлари бошлиқлари, улар бўлмаганда эса — ваколатли органнинг Раҳбари зиммасига юкланади.
III. Ҳисобга олиш ҳужжатларини тузиш ва ишлаш
1-§. Маъмурий жазога тортилган шахсларни ҳисобга олиш карточкалари, № 1-АП ва № 2-АП шакллари
19. Ваколатли органларнинг барча бўғинлари (туман, шаҳар, республика бўғинининг) № 1-АП ва № 2-АП шаклларидаги электрон карточкаларни қарор чиқарилгандан кейин бир сутка мобайнида маълумотларнинг идоравий базасига киритадилар.
Қоғоз карточкалар ҳар ўн кунда — ҳар қайси ойнинг 10, 20 ва 30-санасида ваколатли органнинг ҳудудий бўлинмасига юборилади. Агар кўрсатиб ўтилган саналар ишланмайдиган кунга (дам олиш, байрам кунларига) тўғри келса карточкалар ишланмайдиган кундан кейинги биринчи кунда жўнатилади.
20. Вояга етмаганлар ишлари бўйича комиссиялар карточкаларни ушбу Низомнинг 19-бандига мувофиқ туман (шаҳар бўғини) ички ишлар органларига юборадилар.
(20-банд Ўзбекистон Республикаси Вазирлар Маҳкамасининг 2013 йил 11 декабрдаги 327-сонли қарори таҳририда — ЎР ҚҲТ, 2013 й., 50-сон, 654-модда)
21. Агар карточкаларнинг ушбу Низом талаблари бузилган ҳолда тўлдирилганлиги аниқланса улар дарҳол ваколатли орган томонидан тузатилади. Тузатилган электрон карточкалар қоғоз карточкаларга мажбурий алмаштирилган ҳолда ушбу Низомнинг 19-бандига мувофиқ маълумотларнинг идоравий базасига киритилади.
22. Ваколатли органларнинг ҳудудий бўлинмалари ҳар куни, янги маълумотлар бўлмаган тақдирда эса — уларнинг идоравий базага тушишига кўра электрон карточкаларни маълумотларнинг ҳудудий базасига жўнатади.
Ваколатли органда ҳудудий бўлинмалар бўлмаган тақдирда электрон карточкаларни маълумотларнинг ҳудудий базасига жўнатиш ваколатли органнинг марказий бўлинмаси томонидан амалга оширилади.
23. Ички ишлар бошқармалари ҳар куни электрон карточкаларни маълумотларнинг ягона базасига жўнатади.
24. Маъмурий жазога тортилган шахслар тўғрисидаги маълумотлар жазони ижро этиш тугаган кундан бошлаб бир йил мобайнида сақланади. Сақлаш муддати тугагач электрон карточкалар маълумотлар базасидан чиқарилади, карточкалари чиқарилган шахслар тўғрисидаги қисқача маълумотлардан иборат бўлган ҳисобот ёзилади. Айни бир вақтда қоғоз карточкалар ва билдиришномалар далолатнома бўйича, йўқ қилинган ҳисобга олиш ҳужжатларининг умумий сони кўрсатилган ва ҳисоботга асосланган ҳолда йўқ қилинади. Йўқ қилинганлик тўғрисидаги ҳисоботлар ва далолатномалар 3 йил сақланади.
25. № 2-АП шаклидаги карточка Маъмурий жавобгарлик тўғрисидаги кодекснинг 283-моддасига мувофиқ, ҳуқуқбузарлик содир этилган жойда жарима солинган тақдирда тузилади.
2-§. № 1-АП шаклидаги карточка таркиби ва уни тўлдириш тартиби
26. № 1-АП шаклидаги электрон карточкани тўлдириш «Маъмурий жазога тортилган шахснинг фамилияси, исми, отасининг исми ва туғилган санаси» реквизитлари билан бошланади.
27. 1 ва 3-сатрларда ҳуқуқбузарликни аниқлаган (протокол тузган, маъмурий ҳуқуқбузарлик тўғрисида иш қўзғаган), шунингдек маъмурий ҳуқуқбузарлик тўғрисидаги ишни/протоколни кўриб чиққан ва қарор чиқарган ваколатли органнинг (мансабдор шахснинг) номи кўрсатилади, ушбу Низомга 5-иловага мувофиқ уларнинг коди қайд этилади.
Агар маъмурий ҳуқуқбузарликни аниқлаган (протокол тузган, ҳуқуқбузарлик тўғрисида иш қўзғаган), шунингдек маъмурий ҳуқуқбузарлик тўғрисидаги ишни/протоколни кўриб чиққан ва қарор чиқарган орган (мансабдор шахс) айнан битта орган бўлса 3-сатр тўлдирилмайди.
28. «Ҳуқуқбузарлик содир этилган жой» деб номланган 2-сатрда аҳоли пункти, туман, шаҳар, вилоят (республика) номи кўрсатилади, минтақа коди қайд этилади (ушбу Низомга 6-илова).
29. 4-сатрда ваколатли орган Дафтари бўйича ишнинг рўйхатдан ўтказиш тартиб рақами ёки маъмурий ҳуқуқбузарлик тўғрисидаги протоколнинг тартиб рақами ва унинг қўзғалган/тузилган санаси кўрсатилади.
Агар Ўзбекистон Республикаси Жиноят-процессуал кодексининг 272-моддасига ҳамда «Суд ҳужжатлари ва бошқа органлар ҳужжатларини ижро этиш тўғрисида»ги Ўзбекистон Республикаси Қонунининг 86-моддаси учинчи қисмига мувофиқ маъмурий ҳуқуқбузарлик тўғрисида протокол тузилмаган бўлса, у ҳолда «иш/протокол/тартиб рақами» устунига П/Т («протокол тузилмаган» сўзлари) ёзилади.
30. 5-сатрда маъмурий ҳуқуқбузарлик тўғрисидаги ишни кўриб чиққан ва қарор чиқарган шахснинг фамилияси, исми, отасининг исми ва лавозими, 6-сатрда иш кўриб чиқилган сана, 7-сатрда — карточкага тузатиш киритилган сана, 7.1-сатрда тузатиш киритиш сабаби: «1» — тўлдиришдаги хато; «2» — қарор қайта кўриб чиқилган сўзлари қайд этилади.
31. 8-сатрда Маъмурий жавобгарлик тўғрисидаги кодекс нормалари бўйича ҳуқуқбузарликнинг квалификацияси кўрсатилади.
8.1-сатрда маъмурий ҳуқуқбузарлик содир этилган (аниқланган) сана акс эттирилади.
32. 9-сатрда Маъмурий жавобгарлик тўғрисидаги кодекснинг 23 ва 24-моддаларига мувофиқ маъмурий жазо чоралари акс эттирилади.
9.1-сатрида қуйидаги кодларни қўйиш йўли билан асосий жазо чоралари кўрсатилади:
«1» — жарима;
«2» — маъмурий ҳуқуқбузарликни содир этиш учун қурол ҳисобланган ёки бевосита шундай нарса бўлган предметни ҳақини тўлаш шарти билан олиб қўйиш;
«3» — маъмурий ҳуқуқбузарликни содир этиш қуроли ҳисобланган ёки шундай нарса бўлган предметни мусодара қилиш;
«4» — мазкур шахсга берилган махсус ҳуқуқдан (транспорт воситаларини бошқариш ҳуқуқидан, ов қилиш ҳуқуқидан) маҳрум қилиш;
«5» — маъмурий қамоққа олиш.
9.2-сатрда жазони ижро этиш тугаган сана кўрсатилади.
Агар қўшимча жазо сифатида предметларни ҳақини тўлаш шарти билан олиб қўйиш ёки мусодара қилиш қўлланса, у ҳолда унга мувофиқ бўлган код 9.3-сатрига қўйилади. 9.4-сатрда «6»-кодни қўйиш йўли билан хорижий фуқароларни ёки фуқаролиги йўқ шахсларни мамлакатдан маъмурий тартибда чиқариб юбориш кўрсатилади.
33. 10.1 ва 10.2-сатрларда ёзилган ва ундирилган жарима миқдори сўмларда, 11.1 ва 11.2-сатрларда тегишли равишда ҳақини тўлаш шарти билан олиб қўйилган ва мусодара қилинган предмет қийматлари кўрсатилади.
34. 12-сатрда маъмурий ҳуқуқбузарликни содир этган шахс тўғрисидаги маълумотлар — фамилияси, исми, отасининг исми, шунингдек қуйидаги маълумотлар мавжуд бўлади:
12.1 ва 12.2-сатрларда — ҳуқуқбузарнинг туғилган санаси, ойи, йили ва яшаш жойи (қисқартирмасдан);
12.3-сатрда шахсини тасдиқловчи ҳужжат: «1» — паспорт, «2» — яшаш гувоҳномаси, «3» — фуқаролиги бўлмаган шахс гувоҳномаси, «4» — ҳайдовчилик гувоҳномаси, «5» — ҳарбий гувоҳномаси ёки шахсини тасдиқловчи гувоҳнома;
12.4-сатрда — солиқ тўловчининг идентификациялаш тартиб рақами;
12.5-сатрда — ҳуқуқбузарнинг жинси: «1» — эр, «2» — аёл;
12.6-сатрда — ҳуқуқбузарнинг фуқаролиги: «1» — Ўзбекистон Республикаси фуқароси, «2» — хорижий фуқаро, «3» — фуқаролиги бўлмаган шахс;
12.7-сатрда — машғулотларининг тури: «1» — ўқиш, «2» — иш, «3» — машғулотининг тури ноаниқ, шунингдек ўқиш, иш жойи ва лавозими;
12.8-сатрда — ҳуқуқбузарликни содир этиш вақтидаги ҳолати: «1» — алкоголли, «2» — гиёҳвандлик, «3» — бошқача ҳолатдаги мастлик.
35. Маъмурий ҳуқуқбузарлик тўғрисидаги иш юзасидан шикоят ёки протест билдириш 13-сатрда акс эттирилади. Қуйидаги кўриб чиқиш натижалари 13.1-сатрда кўрсатилади:
«1» — қарор ўзгаришсиз қолдирилган;
«2» — иш янгидан кўриб чиқишга жўнатилган;
«3» — ишни кўриб чиқиш тугатилган;
«4» — жазо чораси ўзгартирилган.
Маъмурий ҳуқуқбузарлик тўғрисидаги ишни кўриб чиқиш тугатилган тақдирда карточка маълумотлар базасидан чиқарилади.
Жазо чоралари ўзгартирилганда ёки ишни янгидан кўриб чиқиш натижалари бўйича бошқача қарор чиқарилганда карточкага ушбу Низомнинг 21-бандида назарда тутилган тартибга риоя қилинган ҳолда, якуний қарор қабул қилган орган томонидан тузатиш киритилади. Бунда 13-сатрда иш юзасидан шикоят ёки протест билдирилганлиги тўғрисида ёзув қайд этилади.
36. 14-сатрда карточка тўлдирилган сана кўрсатилади ва ишни кўриб чиққан шахснинг имзоси қўйилади.
37. Ушбу Низомнинг 26—36-бандлари қоидалари № 2-АП шаклидаги карточкани тегишли реквизитлар бўйича тўлдиришда қўлланади.
3-§. Маъмурий жазони қўллаш тўғрисидаги қарорни ижро этиш ҳақидаги билдиришнома
38. Ҳуқуқбузардан ёки қарорни ижро этиш зиммасига юкланган мансабдор шахсдан маъмурий жазони қўллаш тўғрисидаги қарорни (ажримни) ижро этиш ҳақидаги тасдиқловчи ҳужжатлар (квитанция, тўланганлик тўғрисидаги тўлов топшириқномаси, ижро этиш тугаганлиги тўғрисидаги қарор ва бошқалар) олинган тақдирда ваколатли орган ушбу Низомнинг 19-бандида назарда тутилган тартибда билдиришнома жўнатади.
Ваколатли орган томонидан жарима суммаси, уни № 1-АП шаклидаги карточканинг 10.2-сатрида кўрсатган ҳолда тўлиқ ундирилган тақдирда билдиришнома жўнатилмайди.
Маъмурий жавобгарлик тўғрисидаги кодекснинг 283-моддасига мувофиқ ҳуқуқбузарлик содир этилган жойда жарима солинган тақдирда ҳам билдиришнома тузилмайди.
39. Электрон билдиришномани маълумотларнинг ҳудудий ва ягона базасига жўнатиш ушбу Низомнинг 22 ва 23-бандларида назарда тутилган тартибда амалга оширилади.
40. Маъмурий жазони қўллаш тўғрисидаги қарорни мажбурий ижро этишни амалга оширувчи орган ҳуқуқбузардан маъмурий жазога тортиш тўғрисидаги қарор (ажрим)нинг ижро этилганлиги ҳақидаги тасдиқловчи ҳужжатлар (квитанция, тўлов тўғрисидаги тўлов топшириқномаси ва бошқалар) олинган тақдирда, амалга оширилган ундириш тўғрисидаги ёзувни қайд этган ҳолда, 3 иш куни мобайнида уларни маъмурий жазога тортиш тўғрисида қарор қабул қилган органга (мансабдор шахсга) қайтаради.
IV. Маълумотларнинг ягона базасига мурожаат қилиш тартиби
41. Шахсни маъмурий ҳуқуқбузарликни содир этганлик учун жавобгарликка тортишда, шунингдек Жиноят кодекси моддалари бўйича жиноий жавобгарликка тортишда шахснинг маъмурий жавобгарликка тортилганлигини текшириш тўғрисидаги талабнома жўнатилиши шарт (ушбу Низомга 7-илова).
42. Талабнома текширилаётган ҳар бир шахс учун алоҳида расмийлаштирилади.
Талабнома ушбу Низомга аниқ мувофиқ ҳолда тўлдирилади, ваколатли мансабдор шахс томонидан имзоланади ва ваколатли орган муҳри (штампи) билан тасдиқланади.
Электрон алоқа мавжуд бўлган тақдирда талабнома Ўзбекистон Республикаси Ички ишлар вазирлиги томонидан белгиланадиган автоматлаштирилган электрон форматда бажарилади.
Сўровсиз режимда зарур ахборот олиш учун ваколатли органнинг марказий бўлинмасида маълумотларнинг ягона базасидан электрон тартибида узоқдан туриб фойдаланишга йўл қўйилади.
43. Талабномани расмийлаштиришда текширилаётган шахснинг фамилияси, исми, отасининг исми, туғилган санаси ҳамда яшаш жойи бош келишикда, қисқартиришларсиз кўрсатилади.
44. Ушбу Низомни бузган ҳолда расмийлаштирилган талабнома ижро этилмасдан қайтарилади, бу ҳақда талабномада тегишли ёзув қайд этилади.
45. Талабнома у Ўзбекистон Республикаси Ички ишлар вазирлигига тушган вақтдан бошлаб бир сутка мобайнида ижро этилади ва сўровномани юборган органга почта орқали жўнатилади ёки шахсан тақдим этилади.
46. Маълумотлар базасида текширилаётган шахсга оид маълумот бўлмаса, талабноманинг орқа томонига «Маълумотларга эга эмасмиз», «Маълумотнома ЎзИИВ ходими (фамилияси, исми) томонидан берилди» матни билан штамп қўйилади ва текшириш санаси кўрсатилади.
Ҳисобга олиш ҳужжатида текширилаётган шахсга доир маълумотлар топилганда улар талабноманинг орқа томонида кўрсатилади ва «Маълумотнома ЎзИИВ ходими (фамилияси, исми) томонидан берилди» матни ёзилиб, штамп билан тасдиқланади ва текшириш санаси қайд этилади.
У ёки бу шахсни маъмурий жавобгарликка тортиш тўғрисида ахборот талаб қилган давлат органлари олинган ахборотни ошкор қилганлик учун қонунда белгиланган тартибда жавоб берадилар.
Маъмурий жазога тортилган шахсларни ҳисобга олиш тартиби тўғрисидаги низомга
1-ИЛОВА
Маъмурий жазоланган шахсларни ҳисобга олиш
КАРТОЧКАСИ

‎‎№ 1-АП шакли

1.___________________________________________________________
‎(протокол тузган, иш қўзғаган органнинг номи)

 1. /_/_/_/‎

2. ___________________________________________________________‎
‎(ҳуқуқбузарлик содир этилган жой)

 2. /_/_/_/_/_/‎

3. ___________________________________________________________
‎(ишни/протоколни кўриб чиққан ваколатли орган)

 3. /_/_/_/‎

4. ___________________________________________________________
‎(Дафтар бўйича ишнинг рўйхатдан ўтказиш/протокол тартиб рақами)

 4. /_/_/_/_//
‎/_/_/_/_//
‎/_/_/_/_//
4.1. Протокол тузилган/иш қўзғатилган сана:
‎_____ йил «___» ________________

5. ___________________________________________________________
‎__________________________‎___________________________________
(ишни кўриб чиққан шахснинг Ф.И.О. ва лавозими)
‎
‎
‎
‎
‎
‎
‎
‎7.1. /_/
6. Иш кўриб чиқилган сана:
‎_______ йил «____» __________________
7. Карточкага тузатиш киритилган сана:
‎_______ йил «____» _________________‎
7.1. Тузатиш киритиш сабаблари: «1» — тўлдиришдаги хато; «2» — қарорни қайта кўриб чиқиш‎

8. Ҳуқуқбузарликнинг квалификацияси:‎ МЖК ____ қисми____-моддаси
‎8.1. Ҳуқуқбузарлик содир этилган ‎(аниқланган сана):
‎‎_____ йил «____» ___________________

9. Маъмурий жазо чоралари (МЖКнинг 23, 24-моддалари):
‎9.1. асосийлари: «1» — жарима; «2» — предметни ҳақини тўлаш шарти билан олиб қўйиш; «3» — предметни мусодара қилиш; «4» — махсус ҳуқуқдан маҳрум қилиш; «5» — маъмурий қамоққа олиш.
‎9.2. муддати: ______ йил «____» _____________________гача
‎9.3. қўшимча равишда: «2» — предметни ҳақини тўлаш шарти билан олиб қўйиш; «3» — предметни мусодара қилиш;
‎9.4. хорижий фуқаролар ёки фуқаролиги бўлмаган шахсларни мамлакатдан маъмурий чиқариб юбориш — «6».
‎‎9.1. /_/

‎

‎‎‎9.3. /_/

‎‎9.4. /_/
10. Жарима миқдори:
‎10.1. қўлланилгани:______________ сўм;
‎10.2. ундирилгани:_______________сўм.		 ‎
11. Предметнинг қиймати:
‎11.1. ҳақини тўлаш шарти билан олиб қўйилганиники: _____ сўм;
‎11.2. мусодара қилинганиники:_____сўм.		 ‎

12. __________________________________________________________
‎__________________________‎___________________________________
‎(ҳуқуқбузарликни содир этган шахснинг Ф.И.О.)‎
12.1. Туғилган санаси:
‎______ йил «___» ___________________ ‎

12.2. ________________________________________________________
‎__________________________‎___________________________________
‎(ҳуқуқбузарликни содир этган шахснинг яшаш жойи)‎

12.3. Шахсини тасдиқловчи ҳужжат: «1» — паспорт, «2» — яшаш гувоҳномаси, «3» — фуқаролиги бўлмаган шахс гувоҳномаси, «4» — ҳайдовчилик гувоҳномаси, «5» — ҳарбий гувоҳнома ёки шахсни тасдиқловчи гувоҳномаси № _____________ _______ йил «___» _______________да берилган
‎_____________________________________________________________
‎__________________________‎___________________________________
‎(ким томонидан берилган)

 12.3. /_/‎‏
12.4. Солиқ тўловчининг идентификациялаш рақами: _______________‎
12.5. Ҳуқуқбузарнинг жинси : «1» — эр; «2» — аёл.‎ 12.5. /_/‎
12.6. Фуқаролиги: «1» — Ўзбекистон фуқароси; «2» — хорижий фуқаро; «3» — фуқаролиги бўлмаган шахс. 12.6. /_/‎
12.7. Машғулотларининг тури: «1» — ўқиш; «2» — иш; «3» — машғулотларининг тури ноаниқ.
‎Ўқиш, иш жойи, лавозими:___‎___________________________________
‎‎_____________________________________________________________		 12.7. /_/‎
12.8. Мастлик ҳолатидалиги: «1» — алкоголли; «2» — гиёҳвандлик; «3» — бошқача мастлик. 12.8. /_/‎
13. Қарор: «1» — шикоят билдирилган; «2» — протест билдирилган.‎ 13. /_/‎
13.1. Шикоят ёки протестни кўриб чиқиш натижаси: «1» — қарор ўзгаришсиз қолдирилган; «2» — иш янгидан кўриб чиқиш учун жўнатилган; «3» — ишни кўриб чиқиш тугатилган; «4» — жазо чораси ўзгартирилган.‎ 13.1. /_/‎

14. _______ йил «___» _____________ ____________
‎(иш кўриб чиқилган сана ва кўриб чиққан шахснинг имзоси)‎

 ‎
Маъмурий жазога тортилган шахсларни ҳисобга олиш тартиби тўғрисидаги низомга
2-ИЛОВА
Маъмурий жазоланган шахсларни ҳисобга олиш
КАРТОЧКАСИ
(протокол тузилмасдан)

‎‎Форма № 2-АП

1.___________________________________________________________
‎(ишни кўриб чиққан органнинг номи)

 1. /_/_/_/‎

2. ___________________________________________________________‎
‎(ҳуқуқбузарлик содир этилган жой)

 2. /_/_/_/_/_/‎

3. ___________________________________________________________
‎(Дафтар бўйича ишнинг рўйхатдан ўтказиш тартиб рақами)

 3. /_/_/_/_/_/_/
‎/_/_/_/_/_/_/_/
‎/_/_/_/_/_/_/_/

4. _____________________________________________________________
‎_______________________________________________________________
‎(ишни кўриб чиққан шахснинг Ф.И.О. ва лавозими)
‎
‎
‎
‎

‎‎
‎6.1. /_/
5. Иш кўриб чиқилган сана: _______ йил «____» ______________________
‎6. Карточкага тузатиш киритилган сана: ______ йил «____» _____________
‎6.1. Тузатиш киритиш сабаблари: «1» — тўлдиришдаги хато.
7. Ҳуқуқбузарликнинг квалификацияси: МЖК ____ қисми _____-моддаси
‎7.1. Ҳуқуқбузарлик содир этилган (аниқланган сана):
‎_____ йил «____» ___________________
8. Маъмурий жазо чоралари (МЖКнинг 23-моддаси):
‎8.1. асосийлари: «1» — жарима
‎8.1. /_/ ‎
9. Жарима миқдори ________________________________сўм.
10. ____________________________________________________________
‎_______________________________________________________________
‎(ҳуқуқбузарликни содир этган шахснинг Ф.И.О.)
10.1. Туғилган санаси: ______ йил «___» ___________________

11. Шахсини тасдиқловчи ҳужжат: «1» — паспорт, «2» — яшаш гувоҳномаси, «3» — фуқаролиги бўлмаган шахс гувоҳномаси, «4» — ҳайдовчилик гувоҳномаси, «5» — ҳарбий гувоҳнома ёки шахсни тасдиқловчи гувоҳномаси
‎№ _____________ _______ йил «___» _______________да берилган
‎_______________________________________________________________
‎_______________________________________________________________
‎(ким томонидан берилган)

 11. /_/
12. _______ йил «___» _____________ _____________________________
‎(иш кўриб чиқилган сана ва кўриб чиққан шахснинг имзоси)		 ‎
Маъмурий жазога тортилган шахсларни ҳисобга олиш тартиби тўғрисидаги низомга
3-ИЛОВА
Маъмурий жазони қўллаш тўғрисидаги қарорни ижро этиш ҳақида
БИЛДИРИШНОМА

________________________________________________________________

‎(билдиришнома юборган органнинг номи)

Фамилияси _____________________________________________________________‎
‎Исми __________________________________________________________________
‎Отасининг исми _________________________________________________________
Туғилган санаси _____ йил «___» _____________

‎Яшаш жойи _____________________________________________________________
‎_______________________________________________________________________
‎(қисқартиришларсиз)

‎‎Иш/протоколнинг тартиб рақами: 2___ йил ___________ «___»__________________

(керагининг остига чизилсин)

 (тузилган санаси)‎
‎‎Ҳуқуқбузарлик квалификацияси: МЖК (_____)____ қисми, _____-моддаси

‎‎(остига чизилсин ёки бошқа ҳужжат номи кўрсатилсин)‎

‎Қўлланилган жарима суммаси: ________________________ сўм.
‎Ундирилган жарима суммаси: _____________________ сўм.
Тўланган сана: 2____ йил «____» ________________‎‎‎
‎Ҳақини тўлаш шарти билан олиб қўйилган/мусодара қилинган сана:
2___ йил «___» _______________ ‎ ‎
___________________________________‎

____________________‎

(масъул мансабдор шахснинг Ф.И.О.)‎

(имзоси)‎

Сана: 2____ йил «___» ________________‎‎
Маъмурий жазога тортилган шахсларни ҳисобга олиш тартиби тўғрисидаги низомга
4-ИЛОВА

_______________________________________________________

(ваколатли органнинг номи)

Маъмурий ҳуқуқбузарликларни ва уларни содир этган шахсларни ҳисобга олиш

ДАФТАРИ
‎

‎

‎‎‎‎Бошланган: 20__ йил «___» ___________ № ___________дан

‎

Тугаган: 20__ йил «___» ______________ № ____________да


‎Дафтар реквизитлари
‎

Т/р‎ Маъмурий ҳуқуқбузарлик тўғрисида иш қўзғатилган сана, протоколни тузган, ишни қўзғаш тўғрисида қарор, ажрим чиқарган орган (мансабдор шахс)‎ Ҳуқуқбузарликни содир этган шахс тўғрисидаги маълумотлар: фамилияси, исми, отасининг исми, туғилган санаси ва жойи, фуқаролиги, яшаш жойи, манзили, иш жойи ва лавозими, паспорти маълумотлари‎ Олиб қўйилган буюмлар, ҳужжатлар, ушланган транспорт воситалари тўғрисидаги маълумотлар‎ Маъмурий ҳуқуқбузарлик тўғрисидаги иш бўйича қарор чиқарилган сана, қарор чиқарган ваколатли орган‎
1‎ 2‎ 3‎ 4‎ 5‎
‎‎жадвалнинг давоми ‎ ‎ ‎
Ҳуқуқбузарликнинг МЖК ёки бошқа норматив-ҳуқуқий ҳужжат нормалари (модда, қисм, банд) бўйича квалификацияси, ундириш тури ва миқдори‎ Олиб қўйилган буюмлар, ҳужжатлар, ушланган транспорт воситаларига нисбатан қабул қилинган қарор (шу жумладан қайтарилган санаси, ҳужжатнинг тури ва тартиб рақами)‎ Маъмурий ҳуқуқбузарлик тўғрисидаги иш бўйича юқори орган (суд) томонидан чиқарилган қарор Маъмурий жазо қўллаш тўғрисидаги қарорнинг кучга кириш санаси, уни ижро этиш тўғрисидаги маълумотлар, жазонинг ижроси тугаган сана № 1-АП шаклли карточкани киритган мансабдор шахс‎
1‎ 2‎ 3‎ 4‎ 5‎
Маъмурий жазога тортилган шахсларни ҳисобга олиш тартиби тўғрисидаги низомга
5-ИЛОВА
Маъмурий ҳуқуқбузарликлар тўғрисидаги ишни/протоколни кўриб чиқишга (маъмурий ҳуқуқбузарлик тўғрисидаги протоколни тузишга, иш қўзғашга) ваколатли органлар
КЛАССИФИКАТОРИ
Код Маъмурий ҳуқуқбузарликлар тўғрисидаги ишни кўриб чиқишга (иш бўйича кўриб чиқишни қўзғашга) ваколатли органлар
‎010 Маъмурий судлар
020‎ Иқтисодий судлар
030‎ Адлия органлари
040‎ Ўзбекистон Республикаси Адлия вазирлиги ҳузуридаги Суд қарорларини ижро этиш, судлар фаолиятини моддий-техника ва молиявий таъминлаш департаменти органлари
060‎ Вояга етмаганлар ишлари бўйича комиссиялар
070‎ Ички ишлар органлари (милиция)
071‎ Йўл ҳаракати хавфсизлиги бош бошқармаси
072‎ Патрул-пост хизмати ва жамоат тартибини сақлаш бош бошқармаси
073‎ Ҳуқуқбузарликларнинг олдини олиш бош бошқармаси
074‎ Ёнғин хавфсизлиги бош бошқармаси
075‎ Ўзбекистон Республикаси Ички ишлар вазирлигининг Хорижга чиқиш-кириш ва фуқароликни расмийлаштириш бошқармаси
076‎ (Қўриқлаш бош бошқармаси)
080‎ Темир йўл транспорти ва метрополитен органлари
090‎ Ҳаво транспорти органлари
100‎ Сув транспорти органлари
110‎ Кичик ҳажмли кемалар бўйича давлат инспекцияси органлари
120‎ Шаҳар ҳамда шаҳарлараро автомобиль транспорти ва электротранспортда йўловчилар ташиш органлари
130‎ Меҳнат бўйича давлат ҳуқуқ ва техника инспекторлари
140‎ Мудофаа вазирлиги органлари
150‎ Ўзбекистон Республикаси Давлат санитария назорати органлари
160‎ Ўзбекистон Республикаси Мудофаа вазирлигининг санитария назоратини амалга оширувчи тиббий хизматлари
170‎ Ўзбекистон Республикаси Ички ишлар вазирлигининг санитария назоратини амалга оширувчи тиббий хизматлари
180‎ Ўзбекистон Республикаси Миллий хавфсизлик хизматининг санитария назоратини амалга оширувчи тиббий хизматлари
190‎ Давлат ветеринария назорати органлари
200‎ Ўзбекистон Республикаси Вазирлар Маҳкамаси ҳузуридаги Ер ости бойликларини геологик ўрганиш, саноатда, кончиликда ва коммунал маиший секторда ишларнинг бехатар олиб борилишини назорат қилиш давлат инспекцияси органлари
210‎ Экология ва атроф муҳитни муҳофаза қилиш давлат органлари
220‎ Божхона органлари
230‎ Ўзбекистон Республикаси Ахборот технологиялари ва коммуникацияларини ривожлантириш вазирлигининг давлат инспекцияси органлари
240‎ Давлат солиқ органлари
250‎ Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий фаолиятдан олинган даромадларни легаллаштиришга қарши курашиш департаменти ҳамда унинг маҳаллий бўлинмалари
260‎ Ўзбекистон Республикаси Молия вазирлигининг Назорат-тафтиш бош бошқармаси органлари
270‎ Стандартлаштириш, метрология ва сертификатлаштириш органлари
280‎ Ўзбекистон Республикаси Қишлоқ ва сув хўжалиги вазирлигининг Машиналар ва асбоб-ускуналарнинг техник ҳолатини назорат қилиш бош давлат инспекцияси («Ўздавтехназорат» инспекцияси) органлари
290‎ Ўзбекистон Республикаси Ер ресурслари, геодезия, картография ва давлат кадастри давлат қўмитаси органлари
300‎ Ўзбекистон Республикаси Қишлоқ ва сув хўжалиги вазирлигининг «Ўзсувназорат» республика сув инспекцияси органлари
310‎ Ўзбекистон Республикаси Қишлоқ ва сув хўжалиги вазирлиги ҳузуридаги Қишлоқ хўжалиги экинлари уруғларини сертификатлаштириш ва сифатини назорат қилиш давлат маркази органлари
320‎ Давлат статистика органлари
330‎ Давлат пробир назорати органлари
340‎ Ўзбекистон Республикасининг Хусусийлаштирилган корхоналарга кўмаклашиш ва рақобатни ривожлантириш давлат қўмитаси органлари
350‎ Архитектура ва қурилиш органлари
360‎ Прокурор
(5-илова Ўзбекистон Республикаси Вазирлар Маҳкамасининг 2018 йил 19 январдаги 34-сонли қарори таҳририда — Қонун ҳужжатлари маълумотлари миллий базаси, 23.01.2018 й., 09/18/34/0605-сон)
Маъмурий жазога тортилган шахсларни ҳисобга олиш тартиби тўғрисидаги низомга
6-ИЛОВА
Минтақалар, туманлар (шаҳарлар)
КОДЛАРИ
Андижон вилояти 03000‎
Андижон тумани 03201‎
Булоқбоши тумани 03202‎
Балиқчи тумани 03206‎
Бўз тумани 03209‎
Жалолқудуқ тумани 03211‎
Избоскан тумани 03214‎
Улуғнор тумани 03216‎
Кўрғонтепа тумани 03220‎
Олтинкўл тумани 03223‎
Марҳамат тумани 03227‎
Шаҳрихон тумани 03230‎
Пахтаобод тумани 03232‎
Асака тумани 03234‎
Хўжаобод тумани 03236‎
Андижон шаҳри 03401‎
Хонобод шаҳри 03408‎
Бухоро вилояти 06000‎
Бухоро шаҳри 06212‎
Олот тумани 06215‎
Бухоро тумани 06218‎
Вобкент тумани 06221‎
Ғиждувон тумани 06224‎
Қоракўл тумани 06230‎
Қоровулбозор тумани 06232‎
Пешку тумани 06234‎
Ромитан тумани 06238‎
Жондор тумани 06242‎
Шофиркон тумани 06246‎
Когон тумани 06400‎
Когон шаҳри 06401‎
Жиззах вилояти 08000‎
Арнасой тумани 08201‎
Бахмал тумани 08204‎
Ғаллаорол тумани 08209‎
Жиззах тумани 08212‎
Дўстлик тумани 08215‎
Зомин тумани 08218‎
Зарбдор тумани 08220‎
Янгиобод тумани 08221‎
Мирзачўл тумани 08223‎
Зафаробод тумани 08225‎
Пахтакор тумани 08228‎
Фориш тумани 08235‎
Жиззах шаҳри 08401‎
Қашқадарё вилояти 10000‎
Ғузор тумани 10207‎
Шаҳрисабз тумани 10208‎
Деҳқонобод тумани 10212‎
Қамаши тумани 10220‎
Қарши тумани 10224‎
Муборак тумани 10226‎
Косон тумани 10229‎
Китоб тумани 10232‎
Нишон тумани 10235‎
Касби тумани 10237‎
Миришкор тумани 10239‎
Чироқчи тумани 10242‎
Яккабоғ тумани 10250‎
Қарши шаҳри 10401‎
Навоий вилояти 12000‎
Конимех тумани 12204‎
Қизилтепа тумани 12208‎
Кармана тумани 12214‎
Навбаҳор тумани 12215‎
Нурота тумани 12218‎
Томди тумани 12221‎
Хатирчи тумани 12224‎
Навоий шаҳри 12401‎
Зарафшан шаҳри 12404‎
Учқудуқ тумани 12406‎
Наманган вилояти 14000‎
Мингбулоқ тумани 14204‎
Косонсой тумани 14207‎
Наманган тумани 14212‎
Чортоқ тумани 14215‎
Норин тумани 14216‎
Поп тумани 14219‎
Тўрақўрғон тумани 14224‎
Уйчи тумани 14229‎
Учқўрғон тумани 14234‎
Янгиқўрғон тумани 14242‎
Наманган шаҳри 14401‎
Чуст тумани 14405‎
Самарқанд вилояти 18000‎
Оқдарё тумани 18203‎
Булунғур тумани 18206‎
Жомбой тумани 18209‎
Иштихон тумани 18212‎
Каттақўрғон тумани 18215‎
Нарпай тумани 18218‎
Қўшрабод тумани 18221‎
Пайариқ тумани 18224‎
Пастдарғом тумани 18227‎
Пахтачи тумани 18230‎
Самарқанд тумани 18233‎
Нуробод тумани 18235‎
Ургут тумани 18236‎
Тойлоқ тумани 18253‎
Самарқанд шаҳри 18360‎
Каттақўрғон шаҳри 18405‎
Сурхондарё вилояти 22000‎
Бойсун тумани 22204‎
Музработ тумани 22207‎
Денов тумани 22209‎
Жарқўрғон тумани 22212‎
Қизириқ тумани 22215‎
Сариосиё тумани 22217‎
Термиз тумани 22220‎
Шеробод тумани 22223‎
Шўрчи тумани 22224‎
Қумқўрғон тумани 22226‎
Ангор тумани 22229‎
Олтинсой тумани 22232‎
Узун тумани 22233‎
Термиз шаҳри 22401‎
Сирдарё вилояти 24000‎
Оқолтин тумани 24206‎
Боёвут тумани 24212‎
Сайхунобод тумани 24216‎
Гулистон тумани 24220‎
Сардоба тумани 24226‎
Мирзаобод тумани 24235‎
Ховос тумани 24255‎
Гулистон шаҳри 24401‎
Сирдарё тумани 24407‎
Ширин шаҳри 24410‎
Янгиер шаҳри 24413‎
Тошкент шаҳри 26000‎
Учтепа тумани 26263‎
Бектемир тумани 26264‎
Юнусобод тумани 26266‎
Миробод тумани 26273‎
Шайхонтоҳур тумани 26277‎
Олмазор тумани 26280‎
Сирғали тумани 26283‎
Яккасарой тумани 26287‎
Ҳамза тумани 26290‎
Чилонзор тумани 26294‎
М. Улуғбек тумани 26296‎
Тошкент вилояти 27000‎
Оққўрғон тумани 27206
Оҳангарон тумани 27212‎
Бекобод тумани 27220‎
Бўстонлиқ тумани 27224‎
Бўка тумани 27228‎
Юқори Чирчиқ тумани 27232‎
Зангиота тумани 27237‎
Қуйи Чирчиқ тумани 27242‎
Паркент тумани 27246‎
Қибрай тумани 27248‎
Пискент тумани 27250‎
Ўрта Чирчиқ тумани 27253‎
Чиноз тумани 27256‎
Янгийўл тумани 27259‎
Олмалиқ шаҳри 27404‎
Ангрен шаҳри 27407‎
Бекобод шаҳри 27413‎
Чирчиқ шаҳри 27419‎
Фарғона вилояти 30000‎
Олтиариқ тумани 30203‎
Қўштепа тумани 30206‎
Боғдод тумани 30209‎
Бувайда тумани 30212‎
Бешариқ тумани 30215‎
Қува тумани 30221‎
Учкўприк тумани 30221‎
Риштон тумани 30224‎
Тошлоқ тумани 30227‎
Ўзбекистон тумани 30230‎
Фарғона тумани 30233‎
Данғара тумани 30236‎
Ёзъёвон тумани 30241‎
Сўх тумани 30243‎
Фурқат тумани 30245‎
Фарғона шаҳри 30401‎
Қўқон шаҳри 30405‎
Қувасой шаҳри 30408‎
Марғилон шаҳри 30412‎
Хоразм вилояти 33000‎
Боғот тумани 33204‎
Гурлан тумани 33208‎
Қўшкўпир тумани 33212‎
Урганч тумани 33217‎
Ҳазорасп тумани 33220‎
Хонқа тумани 33223‎
Янгибозор тумани 33225‎
Шовот тумани 33230‎
Янгиариқ тумани 33233‎
Урганч шаҳри 33401‎
Хива тумани 33408‎
Қорақалпоғистон Республикаси 35000‎
Амударё тумани 35041‎
Қораўзак тумани 35208‎
Элликқалъа тумани 35210‎
Кегейли тумани 35212‎
Қонликўл тумани 35218‎
Мўйноқ тумани 35222‎
Нукус тумани 35225‎
Тахтакўпир тумани 35230‎
Тўрткўл тумани 35233‎
Чимбой тумани 35240‎
Шуманай тумани 35243‎
Нукус шаҳри 35401‎
Беруний тумани 35405‎
Қўнғирот тумани 35409‎
Тахиатош шаҳри 35411‎
Хўжайли тумани 35416‎
Транспортдаги ички ишлар бошқармаси 41000‎
Тошкент-шимол станциясидаги ички ишлар тармоқ бошқармаси (ИИТБ) 41101‎
Андижон станциясидаги ИИТБ 41103‎
Самарқанд станциясидаги ИИТБ 41104‎
Қўқон станциясидаги ИИТБ 41105‎
Ховос станциясидаги ИИТБ 41106‎
Бухоро станциясидаги ИИТБ 41107‎
Қарши станциясидаги ИИТБ 41208‎
Урганч станциясидаги ИИТБ 41209‎
Марғилон станциясидаги ИИТБ 41210‎
Қўнғрот станциясидаги ИИТБ 41211‎
Хўжайли станциясидаги ИИТБ 41212‎
Термиз станциясидаги ИИТБ 41215‎
Тошкент-жанубий станциясидаги ИИТБ 41216‎
Тошкент-аэропорт ИИТБ 41217‎
Нукус аэропортининг милиция тармоқ бўлими 41418‎
Урганч шаҳри аэропортининг милиция тармоқ бўлими 41421‎
Наманган шаҳри аэропортининг милиция тармоқ бўлими 41422‎
Маъмурий жазога тортилган шахсларни ҳисобга олиш тартиби тўғрисидаги низомга
7-ИЛОВА
Шахсларнинг маъмурий жавобгарликка тортилишини текшириш тўғрисида
ТАЛАБНОМА
№_______ ‎

2____ йил «___»____________


‎олинсин: почта орқали/ ИИВда‎		 ‎
(керагининг остига чизилсин)‎ ‎
‎1. Фамилияси: ___________________________________________________________
2. Исми: ________________________________________________________________
3. Отасининг исми: ______________________________________________________
4. Туғилган санаси: _____ йил «____» _______________ ‎
‎5. Яшаш жойи: __________________________________________________________
‎_______________________________________________________________________
6. Текширишнинг асоси: __________________________________________________
7. Давлат органи раҳбари: _________________________________________________
‎ (Ф.И.О, имзо)
‎8. Бажарувчи ____________________________________________________________

(Ф.И.О., лавозими)

‎9. Жўнатувчининг манзили: индекси /__/__/__/__/__/__/
__________________ вилояти‎

__________________ шаҳри

__________________ тумани‎

________________ қишлоғи

__________________ кўчаси‎

____________________ -уй‎

‎Давлат органи __________________________________________________________
‎_______________________________________________________________________

(тўлиқ номи, қисқартиришларсиз)

«М.Ў.»‎

(талабномани жўнатган орган муҳрининг ўрни)

(Ўзбекистон Республикаси қонун ҳужжатлари тўплами, 2011 й., 7-8-сон, 61-модда; 2013 й., 5-сон, 55-модда, 37-сон, 485-модда, 50-сон, 654-модда; 2014 й., 37-сон, 473-модда; 2015 й., 26-сон, 338-модда; 2017 й., 26-сон, 589-модда, 33-сон, 863-модда; Қонун ҳужжатлари маълумотлари миллий базаси, 15.11.2017 й., 09/17/915/0259-сон, 23.01.2018 й., 09/18/34/0605-сон)