ПҚ-312-сон 27.03.2006. «Ўзбекистон Республикаси умумтаълим мактабларини ахборотлаштириш» лойиҳасини амалга ошириш учун Корея Республикаси Ҳукумати томонидан бериладиган имтиёзли кредитдан самарали фойдаланиш чора-тадбирлари тўғрисида

Норасмий таржима

Ўзбекистон Республикаси Президентининг

Қарори

«ЎЗБЕКИСТОН РЕСПУБЛИКАСИ УМУМТАЪЛИМ МАКТАБЛАРИНИ АХБОРОТЛАШТИРИШ» ЛОЙИҲАСИНИ АМАЛГА ОШИРИШ УЧУН КОРЕЯ РЕСПУБЛИКАСИ ҲУКУМАТИ ТОМОНИДАН бериладиган ИМТИЁЗЛИ КРЕДИТДАН САМАРАЛИ ФОЙДАЛАНИШ ЧОРА-ТАДБИРЛАРИ ТЎҒРИСИДА

Корея Республикаси Ҳукумати Иқтисодий ҳамкорликни ривожлантириш жамғармаси (EDCF)нинг имтиёзли кредитини жалб этиш ҳисобидан молиялаштириладиган «Ўзбекистон Республикасида умумтаълим мактабларини ахборотлаштириш» лойиҳасини амалга ошириш мақсадида:

1. Корея Республикаси Ҳукумати томонидан «Ўзбекистон Республикасида умумтаълим мактабларини ахборотлаштириш» лойиҳасини (кейинги ўринларда — лойиҳа деб юритилади) амалга ошириш учун Ўзбекистон Республикасига 30,0 млн. АҚШ доллари эквивалентига тенг миқдорда, ўн йиллик имтиёзли даврни ҳисобга олган ҳолда 30 йил муддатга 1(бир) фоиз йиллик ставка бўйича корейс вонидан кредит бериш тўғрисида қарор қабул қилинганлиги маълумот учун қабул қилинсин.

2. Қуйидагилар белгилансин:

Ўзбекистон Республикаси Молия вазирлиги EDCF кредити бўйича Ўзбекистон Республикаси Ҳукумати номидан қарз олувчи ҳисобланади;

Ўзбекистон Республикаси Ташқи иқтисодий фаолият миллий банки EDCF кредитига хизмат кўрсатиш бўйича молиявий агент ҳисобланади;

Ўзбекистон Республикаси Халқ таълими вазирлиги лойиҳани амалга ошириш бўйича ижро этувчи агентлик ҳисобланади.

кредит бўйича асосий қарзни қайтариш, комиссиялар, фоизлар ва бошқа тўловларни тўлаш билан боғлиқ харажатлар давлат бюджети маблағлари ҳисобидан қопланади.

3. Лойиҳани молиялаштириш схемаси 1-иловага мувофиқ;

лойиҳани амалга ошириш учун EDCF кредити бўйича бериладиган асосий қарзни қайтариш ва фоизларини тўлаш жадвали 2-иловага мувофиқ тасдиқлансин.

4. Молия вазирига Ўзбекистон Республикаси Ҳукумати номидан Корея Республикаси Ҳукумати билан Ўзбекистон Республикаси Ҳукумати ўртасида EDCF кредитини бериш тўғрисидаги Битимни ҳамда Ўзбекистон Республикаси Ҳукумати билан Корея Республикасининг Экспорт-импорт банки ўртасида кредити битимини имзолаш ваколати берилсин.

5. Ўзбекистон Республикаси Ташқи иқтисодий фаолият миллий банки Корея Республикасининг вакил қилиб тайинланган банки билан Корея Республикаси Ҳукумати томонидан ажратилган кредит маблағларидан фойдаланиш, хизмат кўрсатиш ва уларни қайтариш бўйича Агентлик битимини тузсин.

6. Ўзбекистон Республикаси Адлия вазирлиги Ўзбекистон Республикаси Ҳукумати билан Корея Республикаси Экспорт-импорт банки ўртасидаги кредит битими бўйича белгиланган тартибда юридик хулоса берсин.

7. Ўзбекистон Республикаси Инвестициялар бўйича давлат қўмитаси белгиланган тартибда мазкур кредит битими доирасида, ўтказиладиган тендер савдолари натижалари асосида тузиладиган импорт шартномалари бўйича хулосалар берилишини таъминласин.

8. Ўзбекистон Республикаси Халқ таълими вазирлиги:

Ўзбекистон Республикаси Иқтисодиёт вазирлиги, Молия вазирлиги ҳамда Ташқи иқтисодий алоқалар, инвестициялар ва савдо вазирлигига EDCF кредити маблағларидан мақсадли ва самарали фойдаланиш бўйича зарур ҳужжатлар ва иқтисодий асосларни, жумладан ускуналар харид қилиш ва хизматлар кўрсатишга тендер ҳужжатларини келишиб олишга белгиланган тартибда тақдим этсин;

бир ой муддатда Мультимедиа умумтаълим дастурларини ривожлантириш марказини ташкил этиш ва унга лойиҳани амалга ошириш, жумладан кредит маблағларидан ҳукуматлараро битимлар ва Ўзбекистон Республикасининг қонун ҳужжатлари талабларига мувофиқ фойдаланишни назорат қилиш ва ҳисобга олиш вазифаларини юклаш тўғрисидаги таклифни Вазирлар Маҳкамасига киритсин;

EDCF кредити маблағларидан мақсадли ва самарали фойдаланишни, шунингдек, мактабларга асбоб-ускуналар ўрнатишга ва улардан авайлаб фойдаланишга ўз вақтида тайёрланишни таъминласин.

9. Ўзбекистон Республикаси Иқтисодиёт вазирлиги, Ташқи иқтисодий алоқалар, инвестициялар ва савдо вазирлигига мазкур лойиҳанинг белгиланган тартибда Ўзбекистон Республикасининг 2006 йил ва кейинги йиллардаги Инвестиция дастурига киритилишини таъминласин.

10. Ўзбекистон Республикаси Молия вазирлиги лойиҳа бўйича Ўзбекистон Республикасининг ҳиссасини улушли молиялаштириш учун 2007 — 2009 йилларда Халқ таълими вазирлигига зарур маблағлар ажратилишини назарда тутсин.

11. Лойиҳани амалга ошириш даврида:

EDCF кредити маблағлари ҳисобидан тендер асосида сотиб олинадиган асбоб-ускуналар божхона тўловларидан (божхона расмийлаштируви учун йиғимлардан ташқари);

Корея Республикаси Ҳукумати кредити ҳисобидан лойиҳани амалга ошириш доирасида Корея Республикасининг вакил қилиб тайинланган банклари ва бошқа хорижий иштирокчилари Ўзбекистон Республикаси ҳудудидаги тўлов манбаларидан олинадиган фойда солиғи тўлашдан озод этилсин.

12. Ўзбекистон Республикаси Ташқи ишлар вазирлиги Халқ таълими вазирлигининг талабномаларига кўра лойиҳани амалга оширишда қатнашадиган хорижий мутахассисларга белгиланган тартибда кириш-чиқиш визаларини лойиҳа амалга ошириладиган давр мобайнида консуллик ва бошқа йиғимлар ундирилмаган ҳолда расмийлаштирилишини таъминласин.

13. Ўзбекистон Республикаси Ички ишлар вазирлиги Халқ таълими вазирлигининг талабномаларига кўра лойиҳани амалга оширишда иштирок этадиган хорижий мутахассисларнинг вақтинча рўйхатда туриши давлат божлари ундирилмаган ҳолда расмийлаштирилишини таъминласин.

14. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари В.А. Голишев ва Р.С. Қосимов зиммаларига юклансин.

Ўзбекистон Республикаси Президенти И. КАРИМОВ

Тошкент ш.,

2006 йил 27 март,

ПҚ-312-сон

Ўзбекистон Республикаси Президентининг 2006 йил 27 мартдаги ПҚ-312-сон қарорига
1-ИЛОВА

«Ўзбекистон Республикасида умумтаълим мактабларини ахборотлаштириш» лойиҳасини молиялаштириш

СХЕМАСИ

минг АҚШ доллари
Т/р	Компонентлар номи	Умумий миқдор	Шу жумладан:
Т/р	Компонентлар номи	Умумий миқдор	EDCF кредити маблағлари	Ўзбекистон Республикаси улуши
I.	Лойиҳанинг умумий қиймати	37 502,03	30 000,0	7 502,03*
	шу жумладан:
1.	Компьютер синфларга эга бўлиш	23 715,56	23 335,56	380,0
2.	Мультимедиа таълим дастурларини ривожлантириш марказини жиҳозлаш	1 570,52	1 570,52
3.	Е-портални ишлаб чиқиш	1 143,77	1 143,77
4.	Экспертлар фаолияти	924,39	924,39
5.	Кореяда ўқитувчилар, ишлаб чиқувчилар ва администраторларни ўқитиш	798,75	798,75
6.	Жиҳозларни харид қилиш ва ўрнатиш бўйича маслаҳат хизматлари	703,3	703,3
7.	2 йил мобайнида 1 518 та мактаблар ўртасида ягона компьютер тармоқларини шакллантириш	1 040,25		1 040,25
8.	Махсус компьютер жиҳозларини сотиб олиш	1 758,4		1 758,4
9.	Компьютер синфларни техник тайёрлаш	1 373,84		1 373,84
10.	Ўқитувчиларни компьютер технологиялари орқали фойдаланиш ва ўқитиш кўникмаларига тайёрлаш ва ўқитиш	2 100,0		2 100,0
11.	Юкларнинг божхона расмийлаштируви бўйича харажатлари	418,24		418,24
12.	Мультимедиа таълим дастурларини ривожлантириш марказининг операцион харажатлари	431,30		431,3
13.	Хизмат бўйича комиссия (олинган ҳар бир миқдордан 0,1 фоиз)	30,0	30,0
14.	Кўзда тутилмаган харажатлар	1 493,71	1 493,71
II.	Лойиҳа билан қамраб олинадиган мактаблар сони	1 518 та мактаб
III.	Етказиб бериладиган компьютерларнинг умумий сони	22 770 та

Изоҳ: * Ҳисоб-китоб қиймати 2007 — 2009 йилларда мактабларнинг манзилли рўйхатини шакллантириш натижаларига кўра белгиланади.

Ўзбекистон Республикаси Президентининг 2006 йил 27 мартдаги ПҚ-312-сон қарорига
2-ИЛОВА

«Ўзбекистон Республикасида умумтаълим мактабларини ахборотлаштириш» лойиҳасини амалга ошириш учун EDCF кредити бўйича бериладиган асосий қарзни қайтариш ва фоизларини тўлаш

ЖАДВАЛИ

Кредит суммаси	— 30,0 млн АҚШ доллари эквивалентида
Кредитни қайтариш муддати	— 30 йил
Имтиёзли давр	— 10 йил
Фоиз ставкаси	— йиллик 1,0 фоиз
Хизмат учун комиссия	— кредит бўйича танлаб олиш миқдоридан 0,1фоиз *
минг АҚШ доллари эквивалентида
Тўлов санаси	Асосий қарзни тўлаш суммаси	**Фоизларни тўлаш суммаси	Тўланиши лозим бўлган умумий сумма
20 февраль 2007 йил	-
20 август 2007 йил	-	22 315	22 315
20 февраль 2008 йил	-	45 370	45 370
20 август 2008 йил	-	74 795	74 795
20 февраль 2009 йил	-	105 863	105 863
20 август 2009 йил	-	126 452	126 452
20 февраль 2010 йил	-	151 233	151 233
20 август 2010 йил	-	148 767	148 767
20 февраль 2011 йил	-	151 233	151 233
20 август 2011 йил	-	148 767	148 767
20 февраль 2012 йил	-	151 233	151 233
20 август 2012 йил	-	149 589	149 589
20 февраль 2013 йил	-	151 233	151 233
20 август 2013 йил	-	148 767	148 767
20 февраль 2014 йил	-	151 233	151 233
20 август 2014 йил	-	148 767	148 767
20 февраль 2015 йил	-	151 233	151 233
20 август 2015 йил	-	148 767	148 767
20 февраль 2016 йил	-	151 233	151 233
20 август 2016 йил	750 000	149 589	899 589
20 февраль 2017 йил	750 000	147 452	897 452
20 август 2017 йил	750 000	141 329	891 329
20 февраль 2018 йил	750 000	139 890	889 890
20 август 2018 йил	750 000	133 890	883 890
20 февраль 2019 йил	750 000	132 329	882 329
20 август 2019 йил	750 000	126 452	876 452
20 февраль 2020 йил	750 000	124 767	874 767
20 август 2020 йил	750 000	119 671	869 671
20 февраль 2021 йил	750 000	117 205	867 205
20 август 2021 йил	750 000	111 575	861 575
20 февраль 2022 йил	750 000	109 644	859 644
20 август 2022 йил	750 000	104 137	854 137
20 февраль 2023 йил	750 000	102 082	852 082
20 август 2023 йил	750 000	96 699	846 699
20 февраль 2024 йил	750 000	94 521	844 521
20 август 2024 йил	750 000	89 753	839 753
20 февраль 2025 йил	750 000	86 959	836 959
20 август 2025 йил	750 000	81 822	831 822
20 февраль 2026 йил	750 000	79 397	829 397
20 август 2026 йил	750 000	74 384	824 384
20 февраль 2027 йил	750 000	71 836	821 836
20 август 2027 йил	750 000	66 945	816 945
20 февраль 2028 йил	750 000	64 274	814 274
20 август 2028 йил	750 000	59 836	809 836
20 февраль 2029 йил	750 000	56 712	806 712
20 август 2029 йил	750 000	52 068	802 068
20 февраль 2030 йил	750 000	49 151	799 151
20 август 2030 йил	750 000	44 630	794 630
20 февраль 2031 йил	750 000	41 589	791 589
20 август 2031 йил	750 000	37 192	787 192
20 февраль 2032 йил	750 000	34 027	784 027
20 август 2032 йил	750 000	29 918	779 918
20 февраль 2033 йил	750 000	26 466	776 466
20 август 2033 йил	750 000	22 315	772 315
20 февраль 2034 йил	750 000	18 904	768 904
20 август 2034 йил	750 000	14 877	764 877
20 февраль 2035 йил	750 000	11 342	761 342
20 август 2035 йил	750 000	7 438	757 438
20 февраль 2036 йил	750 000	3 781	753 781
Жами:	30 000 000	5 403 698	35 403 698

Изоҳ: * Қарз маблағларини ўзлаштириш даврида кредит суммаси ҳисобидан тўлаб берилади.

** Фоизларни тўлаш суммаси кредитни ўзлаштиришнинг амалдаги саналарга қараб аниқланади.