Норасмий таржима

Ўзбекистон Республикаси Президентининг

Қарори

Халқаро ўзбек пахта ярмаркасини ҳар йили ташкил этиш тўғрисида

[Кўчирма]

Пахта толаси экспортини кенгайтириш ва оптималлаштириш, уни сотиш самарадорлигини ошириш, контрактлар тузишнинг шаффоф механизмини таъминлаш мақсадида ҳамда I Халқаро ўзбек пахта ярмаркасини ўтказиш натижаларини инобатга олиб:

1. «Ўзпахтасаноатекспорт» холдинг компанияси, Ўзбекистон Республикаси Ташқи иқтисодий алоқалар, инвестициялар ва савдо вазирлиги, «Ўзбекенгилсаноат» АЖ, жаҳоннинг етакчи ўзбек пахта толаси ва тўқимачилик маҳсулотлари ишлаб чиқарувчилари ва истеъмолчиларининг Тошкент шаҳрида ҳар йили Халқаро ўзбек пахта ва тўқимачилик ярмаркасини ўтказиш тўғрисидаги таклифига розилик берилсин.

пахтани қайта ишловчи хорижий компанияларни ва пахтанинг якуний истеъмолчиларини жалб этишни ҳисобга олган ҳолда узоқ муддатли ҳамкорликни кенгайтириш;

ўзбек пахта толасини сотиш бўйича тан олинган халқаро савдо стандартларини жорий этишни давом эттириш;

узоқ муддатли асосда пахта толасини давлат томонидан харид қилишга буюртмани шакллантириш;

жаҳон пахта толаси бозорининг ривожланиш истиқболлари ва тенденцияларини чуқур таҳлил қилиш ва кўриб чиқиш, глобал миқёсда пахта толасини ишлаб чиқариш ва қайта ишлашни ривожлантириш масалалари бўйича мунтазам равишда халқаро форум ўтказиш.

3. I Халқаро ўзбек пахта ярмаркаси давомида тузилган контрактларни амалга ошириш чора-тадбирлари дастури 1-иловага мувофиқ тасдиқлансин.

Ўзбекистон Республикаси Иқтисодиёт вазирлиги 2006 йил январ — июль даврида пахта толасини ишлаб чиқариш ва ундан фойдаланиш балансини тайёрлашда I Халқаро ўзбек пахта ярмаркаси натижаларини ҳисобга олсин.

4. «Ўзпахтасаноат» АЖ, Ўзбекистон Республикаси Ташқи савдо вазирлиги, «Ўзбекенгилсаноат» АЖ Халқаро пахта ассоциацияси, Пахта бўйича халқаро маслаҳат қўмитаси ва «Cotton Outok» журнали, шунингдек, Тўқимачилик ишлаб чиқарувчилари халқаро федерацияси билан ҳамкорликда Ўзбекистон пахта ва тўқимачилик ярмаркасининг халқаро мақомини сақлаб қолиш ва уни октябр ойининг иккинчи ўн кунлигида жаҳон пахта ва тўқимачилик тадбирларининг ҳар йилги жадвалига киритиш билан боғлиқ комплекс чора-тадбирларни амалга оширсин.

5. Халқаро ўзбек пахта ва тўқимачилик ярмаркасини ўтказиш бўйича ташкилий қўмита ҳамда Халқаро ўзбек пахта ва тўқимачилик ярмаркасининг доимий фаолият кўрсатувчи ярмарка қўмитаси таркиблари 2 ва 3-иловаларга* мувофиқ тасдиқлансин.

Қуйидагилар Халқаро ўзбек пахта ва тўқимачилик ярмаркасининг доимий фаолият кўрсатувчи ярмарка қўмитасининг асосий вазифалари этиб белгилансин:

ярмарка савдоларига қўйиладиган пахта толаси ва тўқимачилик маҳсулотлари ҳажмлари бўйича таклифлар киритиш;

ярмарка иши даврида савдоларни тайёрлаш ва ўтказишни ташкил этиш;

йил давомида тузилган ярмарка контрактларининг амалга оширилиши мониторингини олиб бориш;

реклама кампаниясини ўтказиш ҳамда Халқаро ўзбек пахта ва тўқимачилик ярмаркаси фаолияти билан боғлиқ материалларнинг хорижий ва маҳаллий оммавий ахборот воситаларида ёритилишини таъминлаш;

Халқаро ўзбек пахта ва тўқимачилик ярмаркасининг асосий тадбирларини ташкил этиш дастурини ишлаб чиқиш ва келишиш.

тўқимачилик маҳсулотлари ишлаб чиқарувчилари ва истеъмолчиларини жалб этиш.

*3-илова рус тили матнида берилган.

6. Ўзбекистон Республикаси Ташқи иқтисодий алоқалар, инвестициялар ва савдо вазирлиги ташқи савдо компаниялари билан биргаликда 2005 йилги ҳосилнинг қолган ҳажмини контрактация қилсин ва унинг белгиланган тартибда сотилишини таъминласин.

7. Мазкур қарорнинг ижросини назорат қилиш Ўзбекистон Республикасининг Бош вазири Ш.М. Мирзиёев зиммасига юклансин.

Ўзбекистон Республикаси Президенти И. КАРИМОВ

Тошкент ш.,

2005 йил 8 ноябрь,

ПҚ-217-сон

Ўзбекистон Республикаси Президентининг 2005 йил 8 ноябрдаги ПҚ-217-сон қарорига
1-ИЛОВА

I халқаро ўзбек пахта ярмаркаси давомида тузилган контрактларни амалга ошириш чора-тадбирлари дастури

Т/р	Чора-тадбирлар номи	Амалга ошириш муддатлари	Масъул ижрочилар
1.	Ваколатли органларда контрактларни расмийлаштириш ва рўйхатдан ўтказиш	2005 йил ноябрь	Ташқи савдо компаниялари, Ташқи иқтисодий алоқалар, инвестициялар ва савдо вазирлиги, Ташқи иқтисодий фаолият миллий банки, Асака банк, Давлат божхона қўмитаси
2.	Бўнак тўловини қайтариш бўйича банк кафолатларини расмийлаштириш ва бериш	2005 йил ноябрь — 2006 йил январь	Ташқи савдо компаниялари, Ташқи иқтисодий фаолият миллий банки, Асака банк
3.	Пахта толасини ишлаб чиқариш ва ихтисослаштирилган минтақавий пахта терминалларига юклаб жўнатиш учун «Пахтасаноат» ҳудудий акциядорлик бирлашмасига буюртманома бериш	2005 йил ноябрь — 2006 йил май	Ташқи савдо компаниялари, ТИАИСВ
4.	Пахта толасини сертификатлаш ва юклаб жўнатиш партияларини шакллантириш	2005 йил ноябрь — 2006 йил май	Ўзбекистон «Сифат» маркази, «Пахтасаноат» АЖ
5.	Пахта тозалаш корхоналари томонидан пахта толасини ихтисослаштирилган минтақавий пахта терминалларига жўнатиш	2005 йил ноябрь — 2006 йил май	«Пахтасаноат» АЖ, «Пахтасаноат» ҲАБ, Ташқи иқтисодий алоқалар, инвестициялар ва савдо вазирлиги, «Ўрта Осиё Транс» МАК, «Ўзбекистон темир йўллари» ДАК
6.	Ихтисослаштирилган минтақавий пахта терминалларининг ярмаркада тузилган контрактларга мувофиқ харидорларга жами 656,85 минг тонна пахта толасини юклаб жўнатиш	2005 йил ноябрь — 2006 йил май	Ташқи савдо компаниялари, ихтисослаштирилган минтақавий пахта терминаллари, «Ўзташқитранс» ДАК, «Ўзбекистон темир йўллари» ДАК
	в том числе:
	290,3	2005 йил IV чорак
	265,7	2006 йил I чорак
	100,9	2006 йил II чорак
7.	Ярмарка контрактларининг амалга оширилиши юзасидан мониторингни амалга ошириш	доимий	Халқаро ўзбек пахта ярмаркасининг ярмарка қўмитаси

Ўзбекистон Республикаси Президентининг 2005 йил 8 ноябрдаги ПҚ-217-сон қарорига
2-ИЛОВА

Халқаро ўзбек пахта ва тўқимачилик ярмаркасини ўтказиш бўйича ташкилий қўмита таркиби

Ш.М. Мирзиёев	—	Ўзбекистон Республикаси Бош вазири, ташкилий қўмита раиси
В.А. Голйшев	—	Ўзбекистон Республикаси Бош вазири ўринбосари, иқтисодиёт вазири
Р.С. Азимов	—	Ташқи иқтисодий алоқалар, инвестициялар ва савдо вазири
С.У. Исмоилов	—	Қишлоқ ва сув хўжалиги вазири
С.Б. Рахимов	—	Молия вазири
Э.М. Ғаниев	—	Ташқи ишлар вазири
Б.М. Мустафаев	—	Адлия вазири
Б.А. Матлюбов	—	Давлат божхона қўмитаси раиси
А.Д. Хўжаев	—	«Ўзбектелевиденерадиокомпанияси» бошқаруви раиси
Я.С. Хидиров	—	«Ўзпактасаноат» АЖ бош директори
А.Э. Шайхов	—	Савдо-саноат палатаси раиси
А.Х. Қулдошев	—	Ички ишлар вазири ўринбосари
А.Х. Тўхтаев	—	Тошкент шаҳри ҳокими
Т.Р. Тўхтабоев	—	Ўзбекистон Республикаси товар-хом ашё биржаси раиси
Р.А. Ғуломов	—	Ташқи иқтисодий фаолият миллий банки бошқаруви раисининг биринчи ўринбосари
У.И. Барноев	—	Вазирлар Маҳкамаси департаменти бошлиғи, ташкилий қўмита котиби