Ўзбекистон Республикаси Президентининг «Банкларнинг капиталлашувини янада ошириш ва иқтисодиётни модернизациялашдаги инвестиция жараёнларида уларнинг иштирокини фаоллаштириш чора-тадбирлари тўғрисида» 2007 йил 12 июлдаги ПҚ-670-сон қарорига мувофиқ Вазирлар Маҳкамаси қарор қилади:

1. Вазирлар Маҳкамасининг «Пластик карточкалар асосида ҳисоб-китоб қилиш тизимини янада ривожлантириш чора-тадбирлари тўғрисида» 2004 йил 24 сентябрдаги 445-сон қарорига (Ўзбекистон Республикаси ҚТ, 2004 й., 9-сон, 94-модда) иловага мувофиқ ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов ва Ўзбекистон Республикаси Марказий банки раиси Ф.М. Муллажонов зиммасига юклансин.

1. 7-бандда:

а) иккинчи хатбошидаги «2005 йил 1 январдан бошлаб 3 йил муддатга» сўзлари «2005 йил 1 январдан 2010 йил 1 январгача» сўзлари билан алмаштирилсин;

б) учинчи хатбошидаги «2007» рақами «2010» рақами билан алмаштирилсин;

в) қуйидаги мазмундаги тўртинчи хатбоши қўшилсин:

«2007 йил 12 июлдан бошлаб 2010 йил 1 январгача ўзига ўзи хизмат кўрсатиш ахборот киоскларига оид қисми бўйича мулк солиғидан, шунингдек улар импорт қилинганда божхона тўловлари тўлашдан»;

тўртинчи хатбоши бешинчи хатбоши деб ҳисоблансин.

2. Тижорат банклари ва Ягона умумреспублика процессинг маркази томонидан тўловларни пластик карточкалар бўйича амалга ошириш учун фойдаланиладиган мол-мулкдан солиқ тўлаш бўйича имтиёзларни қўллаш тартиби тўғрисида Низомда:

а) 1 ва 2-бандлар қуйидаги таҳрирда баён қилинсин:

«1. Мазкур Низом тижорат банклари ва Ягона умумреспублика процессинг маркази томонидан банкоматлар, тўлов терминаллари, ўзига ўзи хизмат кўрсатиш ахборот киосклари, коммутация ускуналаридан ва тўловларни пластик карточкалар бўйича амалга ошириш учун фойдаланиладиган бошқа ускуналардан мулк солиғи бўйича имтиёзларни қўллаш, шунингдек уларни бухгалтерия ҳисобида акс эттириш тартибини белгилайди.

2. Тижорат банклари ва Ягона умумреспублика процессинг маркази:

2005 йил 1 январдан бошлаб 2010 йил 1 январгача — банкоматлар, терминаллар, коммутация ускуналарига ва тўловларни пластик карточкалар бўйича амалга ошириш учун фойдаланиладиган бошқа ускуналарга, шунингдек дастурий таъминлашга оид қисми бўйича;

2007 йил 12 июлдан бошлаб 2010 йил 1 январгача — ўзига ўзи хизмат кўрсатиш ахборот киоскларига оид қисми бўйича мулк солиғи тўлашдан озод этилган»;

б) 3-банддаги «терминаллар» сўзидан кейин «ўзига ўзи хизмат кўрсатиш ахборот киосклари» сўзлари қўшилсин;

в) 4-бандга қуйидаги мазмундаги тўртинчи хатбоши қўшилсин:

«ўзига ўзи хизмат кўрсатиш ахборот киосклари»;

г) 8-банд қуйидаги таҳрирда баён қилинсин:

«8. Бўшаб қоладиган маблағларнинг бухгалтерия ҳисоби Ўзбекистон Республикаси Молия вазирлигининг 29-сон, Ўзбекистон Республикаси Давлат солиқ қўмитасининг 2005-25-сон ва Давлат божхона қўмитасининг 01-02/8-3-сон қарори билан тасдиқланган (Ўзбекистон Республикаси Адлия вазирлигида 2005 йил 2 апрелда 1463 рақами билан рўйхатдан ўтказилган) Юридик шахсларга солиқлар, божхона тўловлари ва бюджетга мажбурий тўловлар бўйича берилган имтиёзларни расмийлаштириш ва бухгалтерия ҳисобида акс эттириш тартиби тўғрисидаги Низомга мувофиқ амалга оширилади»;

д) тижорат банклари ва Ягона умумреспублика процессинг марказининг тўловларни пластик карточкалар билан амалга ошириш учун фойдаланадиган мол-мулки рўйхатига қуйидаги мазмундаги банд қўшилсин:

«9. Ўзига ўзи хизмат кўрсатиш ахборот киосклари».