O‘zbekiston Respublikasi Oliy Kengashining “Fuqarolarning Davlat pensiya ta’minoti to‘g‘risida” O‘zbekiston Respublikasi Qonunini amalga kiritish tartibi haqida”gi qarorini bajarish yuzasidan Vazirlar Mahkamasi qaror qiladi:

1. Quyidagilar tasdiqlansin:

Mehnat va aholini ijtimoiy muhofaza qilish vazirligi Sog‘liqni saqlash vazirligi va Moliya vazirligi bilan birgalikda ikki hafta muddatda TMEK ishini yaxshilash to‘g‘risida Vazirlar Mahkamasiga taklif kiritsin.

Mehnatda mayiblanganlik yoki kasb kasalligi tufayli tayinlangan pensiyalarni boshqa davlatlarga o‘tkazish tartibi to‘g‘risidagi Nizom 2-ilovaga muvofiq.

2. O‘zbekiston SSR Ministrlar Soveti va O‘zbekiston kasaba soyuzlari respublika Sovetining 1985-yil 4-martdagi 121-son qarori o‘z kuchini yo‘qotgan deb hisoblansin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S.Azimov zimmasiga yuklansin.

Ushbu Nizom doimiy yashash uchun chet elga jo‘nab ketgan va “Fuqarolarning davlat pensiya ta’minoti to‘g‘risida” 1993-yil 3-sentabrdagi O‘zbekiston Respublikasining Qonuniga muvofiq pensiya olish huquqiga ega bo‘lgan fuqarolarga mehnatda mayiblanganlik yoki kasb kasalligi tufayli tayinlagan pensiyalarni o‘tkazish tartibini belgilab beradi.

1. Ushbu Nizomning amal qilishi mehnatda mayiblanganlik yoki kasb kasalligi tufayli pensiya tayinlangan O‘zbekiston Respublikasi fuqarolariga, chet elliklarga va fuqaroligi bo‘lmagan shaxslarga, ular doimiy yashash uchun chet elga jo‘nab ketgan taqdirda, tatbiq etiladi.

2. Ushbu Nizomning 1-bandida sanab o‘tilgan chet elga vaqtincha ketayotgan shaxslarga pensiya “Fuqarolarning davlat pensiya ta’minoti to‘g‘risida” O‘zbekiston Respublikasi Qonunida belgilangan umumiy asoslarda to‘lanadi.

3. Ushbu Nizomning 1-bandida sanab o‘tilgan shaxslarga pensiya o‘tkazish bilan bog‘liq xarajatlar O‘zbekiston Respublikasining Moliya vazirligi huzuridagi budjetdan tashqari Pensiya jamg‘armasining mablag‘lari hisobiga amalga oshiriladi.

4. Pensiya quyidagi hujjatlar asosida o‘tkaziladi:

pensiyani o‘tkazish to‘g‘risidagi ariza;

pensiya oluvchi turgan mamlakatdagi O‘zbekiston Respublikasi konsullik muassasasining pensiya oluvchining doimiy yashash joyi ko‘rsatilgan ma’lumotnomasi.

5. O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining tuman (shahar) bo‘limi pensiya oluvchi doimiy yashash uchun chet elga jo‘nab ketgandan keyin uning pensiya yig‘majildini O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining Ijro etuvchi apparatiga beradi.

7. Pensiyalarni chet elga o‘tkazish tomonlarning savdoga bog‘liq bo‘lmagan operatsiyalar to‘g‘risidagi Hukumatlararo bitimiga muvofiq tomonlarning banklari tomonidan belgilanadigan korrespondentlik schyotlari orqali vazirliklar va idoralarning ikki tomonlama bitimlarida qayd etilgan muddatlarda amalga oshiriladi.

Pensiyalarni milliy valyutada qayta hisoblab chiqish O‘zbekiston Respublikasi Markaziy banki tomonidan belgilangan, operatsiyalar bajarilgan kunda amalda bo‘lgan kurs bo‘yicha amalga oshiriladi.

8. Pensiyalarni o‘tkazish chet elga jo‘nab ketishgacha pensiya to‘langan oydan keyingi oydan boshlab amalga oshiriladi.

9. Chet elga o‘tkaziladigan pensiyalar summasi O‘zbekiston Respublikasi pensiya qonunchiligida nazarda tutilgan tartibda, agar davlatlararo bitimlar (shartnomalar) bilan o‘zgacha qoida belgilanmagan bo‘lsa, qayta hisoblab chiqiladi.

10. O‘zbekiston Respublikasi Moliya vazirligi huzuridagi budjetdan tashqari Pensiya jamg‘armasining Ijro etuvchi apparati mehnatda mayiblanganlik yoki kasb kasalligi tufayli tayinlangan hamda chet elga o‘tkazilishi kerak bo‘lgan pensiya pullarining o‘z vaqtida erkin muomaladagi valyutaga almashtirilishini va jo‘natilishini O‘zbekiston Respublikasi Tashqi iqtisodiy faoliyat milliy banki orqali ta’minlaydi. Erkin muomaladagi valyutaga almashtirish uchun resurslar Respublika valyuta jamg‘armasi tomonidan taqdim etiladi.