1.11.00.00.00 Atrof tabiiy muhit va tabiiy resurslar / 11.02.00.00 Atrof tabiiy muhitni muhofaza qilish va ekologik xavfsizlikni taʼminlash / 11.02.04.00 Muhofaza qilinadigan tabiiy hududlar / 11.02.04.10 Boshqa muhofaza etiladigan tabiiy hududlar]
[TSZ:
1.Tabiiy resurslar / Atrof tabiiy muhitni muhofaza qilish]
Oʻzbekiston Respublikasi Prezidentining
Farmoni
Yaylovlarni muhofaza qilish va ulardan oqilona foydalanishning zamonaviy mexanizmlarini joriy etish chora-tadbirlari toʻgʻrisida
Yaylovlarni muhofaza qilish, ulardan samarali va oqilona foydalanishni tashkil etish, yaylov xoʻjaligini rivojlantirishni yangi bosqichga olib chiqish, sohada boshqaruvning ixcham va samarali tizimini joriy etish, chorvachilik xoʻjaliklarining yer uchastkalariga boʻlgan huquqlarini eʼtirof etish maqsadida:
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.01.00 Umumiy masalalar]
1. Qishloq xoʻjaligi vazirligi huzuridagi Ipakchilik va jun sanoatini rivojlantirish qoʻmitasi (keyingi oʻrinlarda — Ipakchilik qoʻmitasi) tugatilsin.
Ipakchilik qoʻmitasining:
yaylovlarni boshqarishga oid vazifa va funksiyalari — Veterinariya va chorvachilikni rivojlantirish qoʻmitasiga (keyingi oʻrinlarda — Veterinariya qoʻmitasi);
pilla yetishtirish va ipakchilik sohasini rivojlantirishga oid vazifa va funksiyalari — Yengil sanoatni rivojlantirish agentligi hamda “Oʻzbekipaksanoat” uyushmasiga;
(1-bandning toʻrtinchi xatboshisi Oʻzbekiston Respublikasi Prezidentining 2025-yil 19-sentabrdagi PF-174-sonli Farmoni tahririda — Qonunchilik maʼlumotlari milliy bazasi, 22.09.2025-y., 06/25/174/0858-son)
Qorakoʻlchilik va choʻl ekologiyasi ilmiy-tadqiqot instituti hamda Buxoro choʻl-yaylov ozuqabop oʻsimliklar urugʻchiligi ilmiy-ishlab chiqarish markazi — Veterinariya qoʻmitasi tizimiga;
Ipakchilik ilmiy-tadqiqot instituti va Oʻzbekiston tabiiy tolalar ilmiy-tadqiqot instituti — Yengil sanoatni rivojlantirish agentligi tizimiga oʻtkazilsin;
(1-bandning oltinchi xatboshisi Oʻzbekiston Respublikasi Prezidentining 2025-yil 19-sentabrdagi PF-174-sonli Farmoni tahririda — Qonunchilik maʼlumotlari milliy bazasi, 22.09.2025-y., 06/25/174/0858-son)
Ipakchilik qoʻmitasi balansida boʻlgan moddiy-texnik baza (davlat aktivlari) Yengil sanoatni rivojlantirish agentligiga foydalanish uchun beriladi.
(1-band Oʻzbekiston Respublikasi Prezidentining 2025-yil 19-sentabrdagi PF-174-sonli Farmoniga asosan yettinchi xatboshi bilan toʻldirilgan — Qonunchilik maʼlumotlari milliy bazasi, 22.09.2025-y., 06/25/174/0858-son)
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.03.00 Qoʻmitalar;
2.11.00.00.00 Atrof tabiiy muhit va tabiiy resurslar / 11.02.00.00 Atrof tabiiy muhitni muhofaza qilish va ekologik xavfsizlikni taʼminlash / 11.02.04.00 Muhofaza qilinadigan tabiiy hududlar / 11.02.04.10 Boshqa muhofaza etiladigan tabiiy hududlar]
2. Veterinariya qoʻmitasi raisining chorvachilik va yaylov xoʻjaligini rivojlantirish masalalari boʻyicha oʻrinbosari lavozimi kiritilsin va quyidagilar uning asosiy vazifalari etib belgilansin:
yaylov yerlaridan samarali va maqsadli foydalanish, ularni muhofaza qilish, oʻsimliklar tabiiy plantatsiyalarini yaratishga qaratilgan chora-tadbirlar ishlab chiqish;
yaylovlarda oʻsimliklar urugʻchiligini rivojlantirish, yaylov yerlarini ijaraga berishni tashkil etish, shartnomaviy munosabatlarni monitoring qilish;
qorakoʻl zotining genofondini saqlash, takror koʻpaytirish va takomillashtirish, seleksiya-naslchilik rejalarini amaliyotga tatbiq etish hamda infratuzilmalarni yaxshilash boʻyicha takliflar ishlab chiqish.
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.03.00 Qoʻmitalar;
2.11.00.00.00 Atrof tabiiy muhit va tabiiy resurslar / 11.02.00.00 Atrof tabiiy muhitni muhofaza qilish va ekologik xavfsizlikni taʼminlash / 11.02.04.00 Muhofaza qilinadigan tabiiy hududlar / 11.02.04.10 Boshqa muhofaza etiladigan tabiiy hududlar]
3. Quyidagilar:
Veterinariya qoʻmitasi muassisligida davlat muassasasi shaklida Qoraqalpogʻiston, Buxoro, Jizzax, Qashqadaryo, Navoiy, Samarqand va Surxondaryo yaylov xoʻjaliklari (keyingi oʻrinlarda — hududiy yaylov xoʻjaliklari);
Veterinariya qoʻmitasi markaziy apparati tuzilmasida Yaylov xoʻjaligini rivojlantirish boshqarmasi tashkil etilsin.
Ipakchilik qoʻmitasiga berilgan yaylov yerlari doimiy foydalanish huquqi bilan 1-ilovaga muvofiq hududiy yaylov xoʻjaliklariga oʻtkazilsin.
Veterinariya qoʻmitasi, Kadastr agentligi, “Oʻzbekkosmos” agentligi, Qishloq xoʻjaligi vazirligi Qoraqalpogʻiston Respublikasi Vazirlar Kengashi hamda viloyatlar hokimliklari bilan birgalikda 2025-yil oxiriga qadar yaylov yerlarini xatlovdan oʻtkazib, ularning amaldagi va davlat roʻyxatidan oʻtkazilgan maydoni oʻzaro muvofiq boʻlishini taʼminlasin.
4. Yaylov yerlaridan samarali foydalanishni tashkil etish va ularni muhofaza qilish, qorakoʻlchilik, teri va jun sanoati sohalarini yanada rivojlantirish boʻyicha respublika komissiyasi (keyingi oʻrinlarda — Respublika komissiyasi) tashkil etilsin va uning tarkibi 2-ilovaga muvofiq tasdiqlansin.
[OKOZ:
1.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.09.00 Qishloq xoʻjaligi tarmoqlari / 09.14.09.07 Chorvachilik. Qorakoʻlchilik;
2.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.10.00 Naslchilik. Seleksiya. Ilgʻor xoʻjaliklar;
3.11.00.00.00 Atrof tabiiy muhit va tabiiy resurslar / 11.02.00.00 Atrof tabiiy muhitni muhofaza qilish va ekologik xavfsizlikni taʼminlash / 11.02.04.00 Muhofaza qilinadigan tabiiy hududlar / 11.02.04.10 Boshqa muhofaza etiladigan tabiiy hududlar]
Quyidagilar Respublika komissiyasining asosiy vazifalari etib belgilansin:
yaylov yerlaridan samarali va oqilona foydalanishni tashkil etish, qorakoʻlchilik sohasida davlat va xoʻjalik boshqaruvi organlari, mahalliy davlat hokimiyati organlari, ushbu yoʻnalishdagi tadbirkorlik subyektlarining oʻzaro hamkorligini taʼminlash;
qorakoʻlchilik sohasini rivojlantirish bilan bogʻliq masalalarni muntazam ravishda muhokama qilib borish hamda bu boradagi mavjud muammolarni hal qilishga qaratilgan choralar koʻrib borish;
qorakoʻlchilik sohasini qoʻllab-quvvatlash boʻyicha takliflar ishlab chiqish hamda yaylov ozuqabop ekinlar urugʻchiligini rivojlantirishga doir chora-tadbirlarni belgilash;
soha faoliyatini ilmiy asosda yoʻlga qoʻyish, ilmiy-tadqiqotlar, innovatsion ishlanmalar va seleksiya-naslchilik ishlari natijalari amaliyotga keng koʻlamda joriy etilishini taʼminlash.
[OKOZ:
1.07.00.00.00 Moliya va kredit toʻgʻrisidagi qonunchilik. Bank faoliyati / 07.09.00.00 Soliq qonunchiligi / 07.09.05.00 Soliqlar va yigʻimlar boʻyicha imtiyozlar hamda preferensiyalar;
2.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.08.00 Qishloq xoʻjaligida ijara;
3.11.00.00.00 Atrof tabiiy muhit va tabiiy resurslar / 11.02.00.00 Atrof tabiiy muhitni muhofaza qilish va ekologik xavfsizlikni taʼminlash / 11.02.04.00 Muhofaza qilinadigan tabiiy hududlar / 11.02.04.10 Boshqa muhofaza etiladigan tabiiy hududlar;
4.11.00.00.00 Atrof tabiiy muhit va tabiiy resurslar / 11.03.00.00 Yerdan foydalanish va muhofaza qilish / 11.03.09.00 Yer uchastkasiga nisbatan huquqlarning vujudga kelishi / 11.03.09.03 Auksion va shartnomalar va boshqa bitimlarga asosan yerga boʻlgan huquqlarning paydo boʻlishi]
5. Belgilab qoʻyilsinki:
a) hududiy yaylov xoʻjaliklari yaylov yerlarini boshqarish va ulardan foydalanish, oʻzlariga doimiy foydalanish huquqi bilan berilgan yaylovlarni ijaraga berish sohasida oʻrmon xoʻjaliklari uchun belgilangan huquq va majburiyatlardan foydalanadi;
b) yaylovlar chorvachilik va boshqa xoʻjaliklarga Respublika komissiyasining qaroriga asosan toʻgʻridan-toʻgʻri ijaraga berilishi mumkin, bunda:
talabgor mazkur Farmon kuchga kirgan sanada yoki 2020-yil 1-sentabr holatida tegishli yaylov yeriga nisbatan ijara, doimiy foydalanish yoki doimiy egalik qilish huquqiga ega boʻlishi lozim;
talabgor tegishli yaylovdan uzoq yillar samarali va oqilona foydalangan boʻlishi, mazkur holat joyiga chiqqan holda tuziladigan dalolatnoma bilan tasdiqlanishi kerak;
Respublika komissiyasining mazkur masaladagi barcha qarorlari 2025-yil oxirigacha boʻlgan muddatda qabul qilinishi va jamoatchilik tanishishi uchun eʼlon qilinishi kerak;
qolgan yaylovlar jismoniy va yuridik shaxslarga oʻrmon fondi yerlari uchun belgilangan tartibda “E-auksion” savdo platformasida elektron onlayn auksion savdolari orqali yoki Veterinariya qoʻmitasi bilan qonunchilikda belgilangan tartibda tuziladigan davlat-xususiy sheriklik shartnomalariga muvofiq ijaraga beriladi;
LexUZ sharhi
Qarang: Oʻzbekiston Respublikasining “Davlat-xususiy sheriklik toʻgʻrisida”gi Qonuni.
v) yaylovlar qirq toʻqqiz yilgacha ijaraga beriladi;
g) ijara shartnomalari Respublika komissiyasining qarori yoki elektron onlayn auksion savdolari natijalari toʻgʻrisidagi bayonnomaga asosan hududiy yaylov xoʻjaliklari bilan tuziladi va kadastr organlarida oʻrmon fondi yerlari uchun belgilangan tartibda roʻyxatdan oʻtkaziladi;
d) yaylov yerlari uchun ijara toʻlovlari hamda elektron onlayn auksion savdolari natijalariga koʻra yaylovlarga ijara huquqini olish uchun toʻlanadigan mablagʻlar operator xarajatlari chegirib tashlangan holda Veterinariya xizmati va chorvachilikni rivojlantirish jamgʻarmasiga oʻtkazilib, uning alohida hisobi yuritiladi;
e) hududiy yaylov xoʻjaliklarining doimiy foydalanishdagi yaylov yer maydonlari soliq solinadigan bazaga kiritilmaydi.
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.02.00 Vazirliklar]
6. Iqtisodiyot va moliya vazirligi ikki oy muddatda ushbu Farmonning 5-bandi “e” kichik bandidan kelib chiqib Soliq kodeksiga oʻzgartirish va qoʻshimchalar kiritishni nazarda tutuvchi qonun loyihasini Vazirlar Mahkamasiga kiritsin.
[OKOZ:
1.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.02.00 Axborot tizimlari, texnologiyalari va ularni taʼminlash vositalari]
7. Veterinariya qoʻmitasi Raqamli texnologiyalar vazirligi, Qishloq xoʻjaligi vazirligi bilan birgalikda 2025-yil 1-dekabrga qadar yaylovlardan samarali foydalanishni nazarda tutuvchi “E-yaylov” elektron platformasini ishga tushirsin.
Bunda Respublika komissiyasi (J. Xodjayev) Raqamli texnologiyalar vazirligi bilan birgalikda Qishloq xoʻjaligi vazirligi, Ekologiya, atrof-muhitni muhofaza qilish va iqlim oʻzgarishi vazirligi, Togʻ-kon sanoati va geologiya vazirligi, Kadastr agentligi, Oʻzgidromet va “Oʻzbekkosmos” agentligining yaylov yer maydonlariga doir avtomatlashtirilgan axborot tizimlari Veterinariya qoʻmitasining “E-yaylov” elektron platformasiga integratsiya qilinishini taʼminlasin.
[OKOZ:
1.11.00.00.00 Atrof tabiiy muhit va tabiiy resurslar / 11.02.00.00 Atrof tabiiy muhitni muhofaza qilish va ekologik xavfsizlikni taʼminlash / 11.02.04.00 Muhofaza qilinadigan tabiiy hududlar / 11.02.04.10 Boshqa muhofaza etiladigan tabiiy hududlar;
2.12.00.00.00 Axborot va axborotlashtirish / 12.04.00.00 Axborotlashtirish. Axborot tizimlari, texnologiyalari va ularni taʼminlash vositalari / 12.04.02.00 Axborot tizimlari, texnologiyalari va ularni taʼminlash vositalari]
8. Veterinariya qoʻmitasi, Qishloq xoʻjaligi vazirligi tegishli vazirlik va idoralar bilan birgalikda 2025 — 2027-yillarda mavjud geobotanik tadqiqotlarni amalga oshirib, qayta baholashni va yerlarning haqiqiy normativ qiymati aniqlanishini taʼminlasin.
Bunda yaylov yerlarining konturlar va foydalanuvchilar kesimidagi elektron xaritalari ishlab chiqilsin va Qishloq xoʻjaligi vazirligining yagona geoaxborot tizimiga kiritilsin.
[OKOZ:
1.09.00.00.00 Tadbirkorlik va xoʻjalik faoliyati / 09.14.00.00 Qishloq xoʻjaligi / 09.14.13.00 Kimyolashtirish. Oʻsimliklarni zararkunanda va kasalliklardan himoya qilish]
9. Respublika komissiyasi (J Xodjayev) ikki oy muddatda 2025 — 2027-yillarga moʻljallangan yaylov yerlarini degradatsiyadan chiqarish va ulardan barqaror foydalanishni taʼminlash boʻyicha milliy dasturni tasdiqlash uchun Hukumatga kiritsin. Bunda quyidagilar nazarda tutilsin:
yaylovlardan oqilona foydalanish va ularni muhofaza qilish, saqlash va takror koʻpaytirish maqsadida yaylov almashinuvini taʼminlash;
yer egalari tomonidan yaylovlarda qimmatli ozuqabop oʻsimlik turlaridan boʻlgan izen, teresken, quyrovuq, kamforosma, choʻgʻon, erkak oʻt, oq (qora) saksovul ekilishini tashkil qilish;
yaylov yerlari boʻyicha yaylovlar almashinishining kalendar rejasi va chorva mollarini oʻtlatishning eng koʻp yoʻl qoʻyiladigan foydalanish normalarini tasdiqlash va monitoring qilish tizimini joriy etish;
qishloq xoʻjaligiga moʻljallangan yerlarning ijara huquqini auksion orqali sotishdan tushgan tushumning bir qismini oʻsimliklarga kimyoviy va biologik ishlov berish, oʻsimliklarni himoya qilish, ozuqabop oʻsimliklarni yetishtirish va yaylov degradatsiyasining oldini olish tadbirlariga yoʻnaltirish tizimini joriy qilish.
10. Belgilansinki:
Veterinariya qoʻmitasi Ipakchilik qoʻmitasining barcha huquqlari, majburiyatlari va shartnomalari boʻyicha huquqiy vorisi hisoblanadi, bundan pilla yetishtirish va ipakchilik sohasini rivojlantirishga oid huquqlar, majburiyatlar va shartnomalar mustasno;
yangi kiritilayotgan Veterinariya qoʻmitasi raisining oʻrinbosari lavozimi, Yaylov xoʻjaligini rivojlantirish boshqarmasi va hududiy yaylov xoʻjaliklarining shtat birliklari tugatilayotgan Ipakchilik qoʻmitasining 26 ta shtat birligi hamda Veterinariya qoʻmitasining mavjud shtat birliklari doirasida shakllantiriladi.
Toshkent shahri Yakkasaroy tumani Shohjahon koʻchasi 1b-uy manzilidagi bino Veterinariya qoʻmitasiga operativ boshqaruv huquqi asosida oʻtkaziladi.
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.02.00 Vazirliklar]
11. Qishloq xoʻjaligi vazirligi:
a) bir oy muddatda Veterinariya qoʻmitasi va Davlat aktivlarini boshqarish agentligi bilan birgalikda Ipakchilik qoʻmitasini tugatish bilan bogʻliq tashkiliy vazifalarni yakuniga yetkazsin;
[OKOZ:
1.01.00.00.00 Konstitutsiyaviy tuzum / 01.14.00.00 Davlat organlarining huquq ijodkorligi faoliyati / 01.14.03.00 Normativ-huquqiy hujjatlar loyihalarini tayyorlash va koʻrib chiqish tartibi]
b) quyidagilarni:
ikki oy muddatda “Oʻzbekipaksanoat” uyushmasi bilan birgalikda Ipakchilik qoʻmitasiga berilgan tutzorlardan samarali foydalanish boʻyicha takliflarni;
ikki oy muddatda Adliya vazirligi va boshqa manfaatdor vazirlik va idoralar bilan birgalikda hududiy yaylov xoʻjaliklari faoliyatini tashkil etish chora-tadbirlari toʻgʻrisidagi Hukumat qarori loyihasini;
uch oy muddatda yaylovlarni ijaraga berish tartibini, ijarachilarning yaylovlardan oqilona foydalanishi, yaylov degradatsiyasining oldini olish va oʻsimlik dunyosini takror koʻpaytirish sohasidagi majburiyatlarini belgilovchi normativ-huquqiy hujjat loyihasini;
uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida takliflarni;
olti oy muddatda “Yaylovlar toʻgʻrisida”gi Qonunning yangi tahriri loyihasini Vazirlar Mahkamasiga kiritsin.
[OKOZ:
1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.02.00.00 Oʻzbekiston Respublikasi Prezidentining farmon va qarorlari]
12. Oʻzbekiston Respublikasi Prezidentining ayrim farmonlariga 3-ilovaga muvofiq oʻzgartirish va qoʻshimchalar kiritilsin.
13. Mazkur Farmonning ijrosini samarali tashkil qilishga masʼul etib Bosh vazir oʻrinbosari J.A. Xodjayev, qishloq xoʻjaligi vaziri I.Yu. Abdurahmonov hamda Veterinariya va chorvachilikni rivojlantirish qoʻmitasi raisi B.T. Norqobilov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 30-yanvar,
PF-15-son
Oʻzbekiston Respublikasi Prezidentining 2025-yil 30-yanvardagi PF-15-son Farmoniga 1-ILOVA
Veterinariya va chorvachilikni rivojlantirish qoʻmitasining Qoraqalpogʻiston, Buxoro, Jizzax, Qashqadaryo, Navoiy, Samarqand va Surxondaryo yaylov xoʻjaliklariga doimiy foydalanish huquqi asosida oʻtkazilayotgan yaylov yer maydonlari
Hududiy yaylov xoʻjaliklari
Tumanlar nomi
Yaylov yer maydoni, ming gektar
Qoraqalpogʻiston Respublikasi
Qoraqalpogʻiston yaylov xoʻjaligi
Beruniy tumani
264,9
Toʻrtkoʻl tumani
549
Amudaryo tumani
6
Ellikqalʼa tumani
317,4
Qoraoʻzak tumani
373,8
Chimboy tumani
39
Taxtakoʻpir tumani
1 353,7
Kegeyli tumani
15,3
Nukus tumani
10
Boʻzatov tumani
70,2
Taxiatosh tumani
0,7
Xoʻjayli tumani
6
Shumanay tumani
18,5
Qonlikoʻl tumani
8,7
Qoʻngʻirot tumani
1 294,6
Moʻynoq tumani
120
Jami:
16 ta
4 447,8
Buxoro viloyati
Buxoro yaylov xoʻjaligi
Olot tumani
133,1
Qorovulbozor tumani
107,8
Kogon tumani
5,1
Buxoro tumani
24,8
Qorakoʻl tumani
319,8
Jondor tumani
326,6
Gʻijduvon tumani
268,1
Peshku tumani
766,5
Shofirkon tumani
149,9
Romitan tumani
179,5
Vobkent tumani
2
Jami:
11 ta
2 283,2
Jizzax viloyati
Jizzax yaylov xoʻjaligi
Forish tumani
366,6
Gʻallaorol tumani
62,1
Baxmal tumani
38,6
Zomin tumani
85,1
Zarbdor tumani
2,3
Arnasoy tumani
3,8
Mirzachoʻl tumani
3,49
Zafarobod tumani
4,6
Yangiobod tumani
21,6
Sharof Rashidov tumani
29,7
Jizzax shahar
1,6
Jami:
11 ta
619,5
Qashqadaryo viloyati
Qashqadaryo yaylov xoʻjaligi
Mirishkor tumani
209,6
Kasbi tumani
4,7
Muborak tumani
222,5
Koson tumani
59,3
Nishon tumani
94,5
Qarshi tumani
8,02
Chiroqchi tumani
27
Koʻkdala tumani
54
Kitob tumani
39,1
Shahrisabz tumani
21,8
Yakkabogʻ tumani
39,1
Qamashi tumani
56,7
Gʻuzor tumani
166,03
Dehqonobod tumani
177
Jami:
14 ta
1 179,75
Navoiy viloyati
Navoiy yaylov xoʻjaligi
Tomdi tumani
1 914,3
Uchquduq tumani
2263
Konimex tumani
1 066,5
Nurota tumani
386,6
Gʻozgʻon shahar
51,5
Navbahor tumani
99,2
Xatirchi tumani
53,6
Karmana tumani
45,2
Qiziltepa tumani
120,6
Jami:
9 ta
6 000,3
Samarqand viloyati
Samarqand yaylov xoʻjaligi
Nurobod tumani
336,9
Paxtachi tumani
85,5
Narpay tumani
4,7
Kattaqoʻrgʻon tumani
42,9
Pastdargʻom tumani
7
Qoʻshrabot tumani
129,4
Payariq tumani
40,9
Urgut tumani
40,9
Jami:
8 ta
688,2
Surxondaryo viloyati
Surxondaryo yaylov xoʻjaligi
Jarqoʻrgʻon tumani
22
Qumqoʻrgʻon tumani
123
Shoʻrchi tumani
42,4
Oltinsoy tumani
19,4
Denov tumani
30,1
Uzun tumani
35,1
Termiz tumani
11
Bandixon tumani
40,3
Sherobod tumani
116,3
Boysun tumani
167
Jami:
10 ta
606,6
Respublika boʻyicha jami:
79 ta
15 824,6
Oʻzbekiston Respublikasi Prezidentining 2025-yil 30-yanvardagi PF-15-son Farmoniga 2-ILOVA
Yaylov yerlaridan samarali foydalanishni tashkil etish va ularni muhofaza qilish, qorakoʻlchilik, teri va jun sanoati sohalarini yanada rivojlantirish boʻyicha respublika komissiyasi
TARKIBI
J. Xodjayev
—
Oʻzbekiston Respublikasi Bosh vazirining oʻrinbosari, Respublika komissiyasi raisi
B. Norqobilov
—
Veterinariya va chorvachilikni rivojlantirish qoʻmitasi raisi, Respublika komissiyasi raisining oʻrinbosari
J. Xatamov
—
Bosh prokuror oʻrinbosari
I. Abdurahmonov
—
qishloq xoʻjaligi vaziri
A. Abduxakimov
—
ekologiya, atrof-muhitni muhofaza qilish va iqlim oʻzgarishi vaziri
L. Kudratov
—
investitsiyalar, sanoat va savdo vaziri
B. Zaxidov
—
kambagʻallikni qisqartirish va bandlik vaziri
B. Islamov
—
togʻ-kon sanoati va geologiya vaziri
Sh. Xamrayev
—
suv xoʻjaligi vaziri
I. Norqulov
—
iqtisodiyot va moliya vazirining birinchi oʻrinbosari
F. Poʻlatov
—
Kadastr agentligi direktori
Sh. Kadirov
—
“Oʻzbekkosmos” agentligi direktori
Sh. Ayupov
—
Oʻzbekiston Fanlar akademiyasi prezidenti
E. Xaitov
—
Yaylov xoʻjaligini rivojlantirish uyushmasi raisi
Lavozimiga koʻra
—
Qoraqalpogʻiston Respublikasi Vazirlar Kengashi Raisi, Buxoro, Jizzax, Qashqadaryo, Navoiy, Samarqand va Surxondaryo viloyatlari hokimlarining qishloq va suv xoʻjaligi masalalari boʻyicha oʻrinbosarlari
Lavozimiga koʻra
—
Veterinariya va chorvachilikni rivojlantirish qoʻmitasi raisi oʻrinbosari, Respublika komissiyasi kotibi
Izoh: Respublika komissiyasi aʼzolari boshqa ishga oʻtgan taqdirda uning tarkibiga ushbu lavozimga yangidan tayinlangan yoki zimmasiga tegishli funksiyalar yuklangan shaxslar kiritiladi.
Oʻzbekiston Respublikasi Prezidentining 2025-yil 30-yanvardagi PF-15-son Farmoniga 3-ILOVA
Oʻzbekiston Respublikasi Prezidentining ayrim Farmonlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2020-yil 2-sentabrdagi “Oʻzbekiston Respublikasida pillachilik va qorakoʻlchilikni yanada rivojlantirish chora-tadbirlari toʻgʻrisida”gi PF-6059-son Farmonining 1 — 8, 14-bandlari hamda Farmonga 2, 2.1, 2.3 — 2.6, 2.8, 2.9, 2.13 va 4-ilovalar oʻz kuchini yoʻqotgan deb hisoblansin.
2. Oʻzbekiston Respublikasi Prezidentining 2022-yil 27-apreldagi “Respublikada kavrak yetishtirishni rivojlantirish va sanoatlashtirishni ragʻbatlantirishga doir qoʻshimcha chora-tadbirlar toʻgʻrisida”gi PF-116-son Farmonining 2, 8 va 9-bandlari oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi PF-14-son Farmonida:
“Veterinariya va chorvachilikni rivojlantirish qoʻmitasi” pozitsiyasi quyidagi tahrirda bayon etilsin:
“
1.
Veterinariya va chorvachilikni rivojlantirish qoʻmitasi
1 241
1 241
shu jumladan, rais oʻrinbosarlari soni
3
3
”;
2-pozitsiya chiqarib tashlansin;
izohlar qismi quyidagi mazmundagi 5.21-kichik band bilan toʻldirilsin:
“5.21. Veterinariya va chorvachilikni rivojlantirish qoʻmitasi huzuridagi Hayvonlarni identifikatsiya qilish, roʻyxatga olish va kuzatish markazi”;
b) 2-ilovaning 4.2-kichik bandi oʻz kuchini yoʻqotgan deb hisoblansin;
v) 2a-ilovaning 4.2-pozitsiyasi chiqarib tashlansin.
4. Oʻzbekiston Respublikasi Prezidentining 2023-yil 16-fevraldagi “Yaylovlarni muhofaza qilish va ulardan oqilona foydalanishni taʼminlashga doir qoʻshimcha chora-tadbirlar toʻgʻrisida”gi PF-24-son Farmonining 4 va 6-bandlari oʻz kuchini yoʻqotgan deb hisoblansin.
5. Oʻzbekiston Respublikasi Prezidentining 2023-yil 10-iyundagi “Maʼmuriy islohotlar doirasida qishloq xoʻjaligi va oziq-ovqat sohasida davlat boshqaruvini samarali tashkil qilish chora-tadbirlari toʻgʻrisida”gi PF-90-son Farmonining 3-ilovasi quyidagi tahrirda bayon etilsin:
“Oʻzbekiston Respublikasi Prezidentining 2023-yil 10-iyundagi PF-90-son Farmoniga 3-ILOVA
Veterinariya va chorvachilikni rivojlantirish qoʻmitasining
TASHKILIY TUZILMASI
Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi
Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahar veterinariya va chorvachilikni rivojlantirish boshqarmalari
Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi *
Veterinariya dori vositalari va mahsulotlarni sinovdan oʻtkazish davlat ilmiy nazorat markazi *
Samarqand davlat veterinariya meditsinasi, chorvachilik va biotexnologiyalar universiteti
“Parrandasanoat” uyushmasi ***
“Oʻzbekbaliqsanoat” uyushmasi ***
Tumanlar (shaharlar) veterinariya va chorvachilikni rivojlantirish boʻlimlari
Qoraqalpogʻiston Respublikasi va viloyatlar hayvonlar kasalliklari tashxisi va oziq-ovqat mahsulotlari xavfsizligi davlat markazlari **
Davlat chegarasi va transportda davlat veterinariya nazorati boshqarmasi *
Veterinariya ilmiy-tadqiqot instituti
“Oʻzbekiston asalarichilari” uyushmasi ***
Chorvachilik va parrandachilik ilmiy-tadqiqot instituti
“Yaylov xoʻjaligini rivojlantirish” uyushmasi ***
Tumanlar (shaharlar) hayvonlar kasalliklari tashxisi va oziq-ovqat mahsulotlari xavfsizligi davlat markazlari **
Naslchilik ilmiy-ishlab chiqarish markazi
Qorakoʻlchilik va choʻl ekologiyasi ilmiy-tadqiqot instituti
Hayvonlarni identifikatsiya qilish, roʻyxatga olish va kuzatish markazi *
Baliqchilik ilmiy-tadqiqot instituti
Hududiy yaylov xoʻjaliklari **
Buxoro choʻl-yaylov ozuqabop oʻsimliklar urugʻchiligi ilmiy-ishlab chiqarish markazi
* Respublika tizim tashkilotlari hisoblanadi.
** Hududiy tizim tashkilotlari hisoblanadi.
*** Qoʻmita oʻz faoliyatini mazkur uyushmalar bilan hamkorlikda olib boradi”.
(Qonunchilik maʼlumotlari milliy bazasi, 31.01.2025-y., 06/25/15/0095-son; 22.09.2025-y., 06/25/174/0858-son)
LexUZ sharhi