O‘zbekiston Respublikasi Prezidentining “Toshkent moliya-qurilish korporatsiyasi (“Toshkentuyjoyinvestqurilish”)ni tashkil qilish to‘g‘risida”gi Farmonni bajarish yuzasidan Vazirlar Mahkamasi qaror qiladi:

1.“Farois” firmasining “Toshkentuyjoyinvestqurilish” korporatsiyasiga ixtiyoriy ravishda kirish to‘g‘risidagi taklifi qabul qilinsin.

2. Toshkent moliya-qurilish korporatsiyasining tuzilmasi 1-ilovaga muvofiq tasdiqlansin.

3. Toshkent moliya-qurilish korporatsiyasi ijroiya apparatining tuzilmasiga 2 va 2a-ilovalarga* muvofiq va uning xodimlarining cheklangan soni 84 nafardan iborat bo‘lishiga rozilik berilsin.

“Toshkentuyjoyinvestqurilish” korporatsiyasiga raisining to‘rt nafar o‘rinbosari, shu jumladan bir nafar birinchi o‘rinbosari bo‘lishi tavsiya qilinsin.

Korporatsiya raisi va uning o‘rinbosarlariga O‘zbekiston Respublikasi vazirlari va vazirlarning o‘rinbosarlari uchun belgilangan moddiy-maishiy va tibbiy xizmat ko‘rsatish shart-sharoitlari saqlab qolinsin.

6. “Toshkentuyjoyinvestqurilish” korporatsiyasi, O‘zbekiston Respublikasi Davlat mulki qo‘mitasi, Toshkent shahar hokimligi:

O‘zbekiston Respublikasi Moliya vazirligi bilan birgalikda ikki hafta muddatda uy-joy obligatsiyasi va uy-joy obligatsiyalariga egalik qilish to‘g‘risidagi guvohnoma namunalarini tasdiqlash uchun Vazirlar Mahkamasiga kiritsinlar;

bir oy muddatda uy-joy obligatsiyasi zayomi emissiya prospektini ishlab chiqsinlar va uni O‘zbekiston Respublikasi Moliya vazirligida belgilangan tartibda ro‘yxatdan o‘tkazsinlar. Zayom emissiyasi prospekti ro‘yxatga olingandan keyin uy-joy obligatsiyalari va uy-joy obligatsiyalariga egalik qilish to‘g‘risidagi guvohnomalar nusxalari “Goznak” fabrikasida tayyorlanishiga buyurtma bersinlar va uning haqini to‘lasinlar.

7. Toshkent shahar hokimligiga “Toshkentuyjoyinvestqurilish” korporatsiyasining uy-joy obligatsiyasi egasiga Toshkent shahri hududida kvartira berish bo‘yicha majburiyatlari yuzasidan kafil bo‘lishga ruxsat berilsin.

8. O‘zbekiston Respublikasi Tashqi iqtisodiy faoliyat milliy banki “Toshkentuyjoyinvestqurilish” korporatsiyasiga xorijiy investitsiyalarni jalb etishda, “O‘zbekinvest” milliy sug‘urta kompaniyasi esa ularning sug‘urta qilinishini ta’minlashda ko‘maklashsinlar.

9. Xorijiy investitsiyalar jalb etilishini ta’minlash uchun garov sifatida foydalanish mumkin bo‘lgan obyektlar ro‘yxati 4-ilovaga muvofiq tasdiqlansin.

Toshkent shahar hokimligi ko‘rsatib o‘tilgan asosiy fondlari tasarruf etish huquqini “Toshkentuyjoyinvestqurilish” korporatsiyasiga bersin;

O‘zbekiston Respublikasi Adliya vazirligi va Toshkent shahar hokimligi garov shartnomasi tuzilishi va amalga oshirilishi bo‘yicha tashkiliy-huquqiy masalalarni belgilangan tartibda hal etsinlar.

11. Pul-kredit siyosati bo‘yicha komissiya “Toshkentuyjoyinvestqurilish” korporatsiyasiga o‘zini tiklab olish davrida ishlab chiqarish faoliyatini ta’minlash uchun belgilangan tartibda kredit ajratishni nazarda tutsin.

12. “Toshkentuyjoyinvestqurilish” korporatsiyasining Toshkent shahri, O‘zbekiston ko‘chasi, 16-uyga joylashishi belgilab qo‘yilsin.

13. Vazirlar Mahkamasining 1993-yil 15-fevraldagi 83-son va 1993-yil 21-iyundagi 299-son qarorlari o‘z kuchini yo‘qotgan deb hisoblansin.

14. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R. R. Yunusov zimmasiga yuklansin.

1. Sirg‘ali-8 mikrorayonidagi 16 qavatli 124 kvartirali uy

2. Chorbog‘dagi uchta mehmonxona

3. Xo‘jayev ko‘chasidagi rigelsiz sinchli 16 qavatli uy

4. “Boshliq” mikrorayonidagi Jamoatchilik markazi

5. Algoritm-2 mikrorayoni (II-navbati) 16-18 ming kishiga xizmat ko‘rsatadigan savdo markazi

6. Markaz-15 mikrorayonidagi 16 qavatli 124 kvartirali 1-uy

7. Chimyonsoydagi 52-oromgoh

8. Chimyonsoydagi 4-oromgoh

9. Chotqoldagi sog‘lomlashtirish kompleksi

10. Baqacho‘ldagi jamoatchilik markazi

11. “Rossiya” mehmonxonasi

12. “Zarafshon” mehmonxonasi

13. Yangi-O‘zbekiston ko‘chasidagi 14 qavatli bino

14. “Turon” mehmonxonasi

15. Shahar arxitektura bosh boshqarmasining Navoiy ko‘chasi, 2-uydagi ma’muriy binosi

16. H.Olimjon maydonidagi kompleks

17. “Shodlik” kafesi

18. Furqat ko‘chasi, 1-uydagi ma’muriy bino

19. “Olmazor” restorani

20. “Bahor” restorani

21. Xalqlar do‘stligi ko‘chasidagi 12 qavatli 55 kvartirali 1-uy

22. Xalqlar do‘stligi ko‘chasidagi 12 qavatli 55 kvartirali 2-uy