Hujjat kuchini yo‘qotgan " " 29.01.2026
Oʻzbekiston Respublikasi Vazirlar Mahkamasining
qarori
Umumiy oʻrta taʼlim muassasalarida maʼnaviy-maʼrifiy hamda tarbiyaviy ishlar samaradorligini oshirish konsepsiyasini tasdiqlash toʻgʻrisida
 LexUZ sharhi
Mazkur qaror Oʻzbekistan Respublikasi Vazirlar Mahkamasining 2026-yil 28-yanvardagi 34-sonli “Uzluksiz taʼlim tizimida yoshlarni milliy qadriyatlarga sadoqat va vatanparvarlik ruhida tarbiyalash samaradorligini oshirish dasturini tasdiqlash toʻgʻrisida”gi qaroriga asosan oʻz kuchini yoʻqotgan.
Oʻzbekiston Respublikasi Prezidentining “Xalq taʼlimini rivojlantirishga oid qoʻshimcha chora-tadbirlar toʻgʻrisida” 2022-yil 11-maydagi PQ-241-son qarori ijrosini taʼminlash, shuningdek umumiy oʻrta taʼlim muassasalarida maʼnaviy-maʼrifiy ishlarni tizimli tashkil etish, ayniqsa yoshlarning intellektual salohiyati, ongu tafakkuri va dunyoqarashini yuksaltirish, mafkuraviy immunitetini mustahkamlash, vatanparvarlik, xalqqa muhabbat va sadoqat tuygʻusi bilan yashaydigan barkamol avlodni tarbiyalash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Xalq taʼlimini rivojlantirishga oid qoʻshimcha chora-tadbirlar toʻgʻrisida” 2022-yil 11-maydagi PQ-241-son qarori 3-bandining beshinchi xatboshisiga muvofiq Vazirlar Mahkamasi tomonidan Umumiy oʻrta taʼlim muassasalarida maʼnaviy-maʼrifiy hamda tarbiyaviy ishlar samaradorligini oshirish konsepsiyasini tasdiqlash belgilanganligi maʼlumot uchun qabul qilinsin.
2. Quyidagi asosiy yoʻnalishlarni nazarda tutuvchi Umumiy oʻrta taʼlim muassasalarida maʼnaviy-maʼrifiy hamda tarbiyaviy ishlar samaradorligini oshirish konsepsiyasi (keyingi oʻrinlarda — Konsepsiya) 1-ilovaga muvofiq tasdiqlansin:
maktab taʼlimini umummilliy harakatga aylantirish borasida amalga oshirilayotgan ishlarni mazmunan yangi bosqichga koʻtarish;
maktab oʻquvchilarining kitob mutolaasi va kitobxonlik madaniyatini oshirish, xalqimizning maʼnaviy qudrati va milliy qadriyatlarini asrab-avaylash, ularga nisbatan faxr tuygʻusini rivojlantirish;
oʻsib kelayotgan yosh avlod ongida maʼnaviy immunitetni mustahkamlash maqsadida buyuk ajdodlarimizning boy ilmiy-maʼnaviy merosini chuqur oʻrganish, harbiy vatanparvarlik hamda buyuk ajdodlar jasoratini targʻib etish, oʻrganish, ularning sharafli faoliyatini doimiy harakatdagi hayotiy dasturga aylantirish;
uzluksiz taʼlim tizimida maʼnaviy tarbiya asoslarini kuchaytirish, Vatan taraqqiyotiga beqiyos hissa qoʻshib kelayotgan zamonamiz qahramonlarining hayoti va faoliyatini ibrat timsoli sifatida yoshlar oʻrtasida keng targʻib qilish;
oʻquvchilarni zamonaviy bilim va tajriba, milliy va umuminsoniy qadriyatlar asosida tarbiyalash jarayonida maktab, mahalla va oila hamkorligini mustahkamlash.
3. Maktab taʼlimini umummilliy harakatga aylantirish, oʻquvchilarda kitob mutolaasi va kitobxonlik madaniyatini oshirish, buyuk ajdodlar jasorati hamda harbiy vatanparvarlik, maktab, mahalla va oila hamkorligini mustahkamlash yoʻnalishlarida belgilangan chora-tadbirlarni amalga oshirishni nazarda tutuvchi Umumiy oʻrta taʼlim muassasalarida maʼnaviy-maʼrifiy ishlar samaradorligini oshirish konsepsiyasini amalga oshirish yuzasidan “yoʻl xaritasi” (keyingi oʻrinlarda — “Yoʻl xaritasi”) 2-ilovaga muvofiq tasdiqlansin.
4. Oʻzbekiston Respublikasi Xalq taʼlimi vazirligi:
masʼul vazirlik va idoralar, mahalliy ijro etuvchi hokimiyat organlari bilan birgalikda Konsepsiya va “Yoʻl xaritasi”da belgilangan tadbirlarning oʻz vaqtida va sifatli amalga oshirilishini taʼminlasin;
2022-yil 10-oktabrga qadar Konsepsiya va “Yoʻl xaritasi”da belgilangan vazifalar ijrosini taʼminlash yuzasidan umumiy oʻrta taʼlim muassasalarining maʼnaviy-maʼrifiy ishlar boʻyicha direktor oʻrinbosarlari uchun oʻquv-seminarlar tashkil etsin;
Respublika Maʼnaviyat va maʼrifat markazi, Vazirlar Mahkamasi huzuridagi Taʼlim sifatini nazorat qilish davlat inspeksiyasi bilan birgalikda 2022-yil 20-dekabrga qadar xalq taʼlimi boshqaruv organlarining maʼnaviy-maʼrifiy sohaga masʼul boʻlgan xodimlari hamda umumiy oʻrta taʼlim muassasalarining maʼnaviy-maʼrifiy ishlar boʻyicha direktor oʻrinbosarlariga qoʻyilgan malaka talablarini ishlab chiqib, tasdiqlasin va mazkur lavozimni malakali kadrlar bilan taʼminlash chorasini koʻrsin;
Konsepsiya va “Yoʻl xaritasi”ni bajarish yuzasidan vazirliklar, idoralar, mahalliy ijro etuvchi hokimiyat organlari va boshqa tashkilotlarning faoliyatini muvofiqlashtirish hamda ularning oʻz vaqtida va sifatli bajarilishi yuzasidan tizimli monitoring olib borilishini taʼminlasin.
5. 2022/2023 oʻquv yilidan boshlab davlat umumiy oʻrta taʼlim muassasalarida oʻquvchilar uchun tasdiqlangan shakllardagi yagona maktab formasini toʻliq joriy etish talabi bekor qilinsin.
6. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirishlar kiritilsin.
7. Oʻzbekiston Milliy teleradiokompaniyasi, Oʻzbekiston Milliy axborot agentligiga ushbu qarorning mazmun-mohiyati va ahamiyatini ommaviy axborot vositalarida keng yoritish tavsiya etilsin.
8. Mazkur qarorning bajarilishini nazorat qilish Oʻzbekiston Respublikasi xalq taʼlimi vaziri B.O. Saidov zimmasiga hamda Vazirlar Mahkamasining Taʼlim, sogʻliqni saqlash va sport masalalari kotibiyatiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2022-yil 3-oktabr,
558-son
Vazirlar Mahkamasining 2022-yil 3-oktabrdagi 558-son qaroriga
1-ILOVA
Umumiy oʻrta taʼlim muassasalarida maʼnaviy-maʼrifiy hamda tarbiyaviy ishlar samaradorligini oshirish
KONSEPSIYASI
1-bob. Umumiy qoidalar
1. Taʼlim tizimini rivojlantirish, yoshlarning intellektual salohiyati, dunyoqarashini yuksaltirish, vatanparvarlik, sadoqat tuygʻusi bilan yashaydigan avlodni tarbiyalash jamiyatda sogʻlom maʼnaviy muhitni taʼminlashda muhim ahamiyat kasb etadi.
Uchinchi Renessans poydevori barpo etilayotgan hozirgi tarixiy jarayonda sogʻlom maʼnaviy muhit barqarorligini taʼminlash asosiy shartlardan biridir.
2. Hozirgi paytda xalq taʼlimi tizimida “Yangi Oʻzbekiston maktab ostonasidan boshlanadi” degan ezgu gʻoya asosida taʼlim-tarbiyaga zamonaviy pedagogik texnologiyalarni joriy etish, oʻquvchilarning bilimi va iqtidori, ijodkorlik qobiliyatini rivojlantirish boʻyicha tizimli ishlar amalga oshirilmoqda.
Shu bilan birga, oʻquvchilar tarbiyasi va ongiga salbiy taʼsir koʻrsatadigan buzgʻunchi va zararli gʻoyalar, jinoyatchilik, giyohvandlik, loqaydlik va boshqa tahdidlar tobora kuchayib bormoqda. Buning oqibatida sohadagi ishlarni zamonaviy va taʼsirchan yondashuvlar, samarali usullar asosida yanada takomillashtirish ehtiyoji yuzaga kelmoqda.
3. “Yangi Oʻzbekistonning yangi maktabi” gʻoyasi asosida Umumiy oʻrta taʼlim muassasalarida maʼnaviy-maʼrifiy hamda tarbiyaviy ishlar samaradorligini oshirish konsepsiyasi (keyingi oʻrinlarda — Konsepsiya) maktablardagi ijtimoiy muhitni yaxshilashga qaratilgan chora-tadbirlarni amaliyotga tatbiq etishni nazarda tutadi.
2-bob. Konsepsiyaning maqsadi va asosiy vazifalari
4. Konsepsiyaning maqsadi oʻquvchilarni milliy va umuminsoniy qadriyatlarga hurmat, yuksak axloqiy fazilatlar ruhida tarbiyalash hisoblanadi.
5. Konsepsiyada belgilangan maqsadga erishish uchun quyidagi asosiy vazifalar amalga oshiriladi:
maktablardagi ijtimoiy-maʼnaviy muhitni yaxshilashda rahbar va pedagog xodimlar, oʻquvchilar hamda ota-onalarning hamkorligi va masʼuliyatini oshirish;
taʼlim-tarbiya jarayoniga mustaqil bilim shakllantirish metodikasini joriy qilish orqali oʻquvchilarning oʻz ustida ishlashi hamda tashabbuskorligini oshirish;
mustaqil bilim shakllantirish metodikasi orqali oʻquvchilarda sogʻlom qadriyatlarni shakllantirish;
oʻquvchilarda axborotlarni tahlil qilish hamda bilimiga tayangan holda xolis xulosa qilish koʻnikmasini rivojlantirish;
taqdimotlar tayyorlash koʻnikmasi orqali oʻquvchilarning kitobxonlik madaniyatini, huquqiy savodxonligini oshirish hamda turli gʻayriijtimoiy xatti-harakatlarning oldini olish immunitetini shakllantirish;
oʻquvchi tarbiyasida maktab, oila, mahalla va huquqni muhofaza qiluvchi organlar hamkorligini yanada kuchaytirish;
oilalarda farzand tarbiyasi va ularni mustaqil hayotga tayyorlashga boʻlgan eʼtibor va masʼuliyatni kuchaytirish hamda oʻquvchilarda namunaviy tarbiyaviy fazilatlarni shakllantirishga qaratilgan media mahsulotlarni yaratish va amaliyotga tatbiq etish.
3-bob. Maktablarda maʼnaviy-maʼrifiy ishlar samaradorligini oshirishning asosiy yoʻnalishlari
1-§. Maktab taʼlimini umummilliy harakatga aylantirish yoʻnalishi
6. Maktab jamoasi, ota-onalar hamda jamoatchilikning oʻzaro munosabatlarida odob-axloq va ichki tartib-qoidalarga rioya qilinishi maktabning ijtimoiy-maʼnaviy muhitini belgilab beradi. Bunda:
“Oʻzbekiston — Vatanim manim” mavzusida tashkil etiladigan ijodiy ishlar tanlovi orqali oʻquvchilarda Vatanga sadoqat, milliy gʻurur va iftixor tuygʻularini yanada kuchaytirish;
“Davlat ramzlari — faxrim, gʻururim” mavzusidagi tadbirlar orqali oʻquvchilar ongida Vatanimiz ramzlarini ulugʻlash va ardoqlash tuygʻusini tarbiyalash;
“Davlat tili — millat ruhi” gʻoyasi asosida turkum maʼnaviy-maʼrifiy, adabiy-badiiy tadbirlar tashkil qilish;
tizimli tahlillar asosida “Namunali maktab direktori”, “Namunali ustoz”, “Namunali oʻquvchi” va “Namunali ota-ona” modellarini ishlab chiqish;
maktabdagi mavjud holatni oʻrganish va tahlil qilish mezonlarini ishlab chiqish hamda shu asosda ijtimoiy-maʼnaviy muhitni baholash orqali maktablarni “qizil”, “sariq” va “yashil” toifalarga ajratish;
“qizil” toifadagi maktablarda ijtimoiy-maʼnaviy muhitni sogʻlomlashtirish maqsadida idoralararo hamda keng jamoatchilik hamkorligini samarali tashkil etish;
“sariq” toifadagi maktablarda aniqlangan kamchiliklarni bartaraf etish choralarini koʻrish;
“yashil” toifadagi maktablar tajribasini keng targʻib qilish va ommalashtirish;
taʼlim standartlari, oʻquv dasturlari hamda darsliklarning yangi avlodini yaratish orqali oʻquvchilarni maʼnaviy yetuk va erkin fikrlaydigan shaxs qilib tarbiyalash;
maktablarda “Vazir soati”, “Olim va yoshlar”, “Shifokor va yoshlar”, “Tadbirkor va yoshlar”, “Ustoz va yoshlar”, “Hunarmand va yoshlar”, “Hokim va yoshlar”, “Prokuror va yoshlar”, “Senator va yoshlar”, “Deputat va yoshlar”, “Ichki ishlar organi xodimi va yoshlar”, “Harbiy va yoshlar” kabi uchrashuvlarni tashkil etish;
oʻquvchilar orasida oʻqituvchilik kasbiga boʻlgan qiziqishni yanada oshirish maqsadida fidoyi oʻqituvchi-murabbiylar faoliyatiga bagʻishlangan yangi badiiy asarlar, filmlar va boshqa ijod namunalarini yaratish hamda ommaviy axborot vositalari, Internet jahon axborot tarmogʻida keng yoritish.
2-§. Oʻquvchilarda kitob mutolaasi va kitobxonlik madaniyatini oshirish yoʻnalishi
7. Oʻquvchilar ongida xalqimizning maʼnaviy qudrati va boqiy qadriyatlariga nisbatan faxr tuygʻusini shakllantirishda, ularning mustaqil fikr yuritish koʻnikmasiga ega boʻlishida kitobxonlik madaniyatini yuksaltirish muhim vosita boʻlib xizmat qiladi.
Buning uchun quyidagi ishlarni amalga oshirish nazarda tutiladi:
oʻquvchilarga kitob mutolaasi jarayonida “oddiydan murakkabga” tamoyili asosida badiiy asarlarni tanlash va sinchiklab oʻqish malakasini hosil qilish boʻyicha uslubiy tavsiyalar ishlab chiqish;
oʻquvchilarning kitobxonlikka boʻlgan qiziqishlarini qoʻllab-quvvatlash maqsadida xalq taʼlimi vazirining “Kitobxon oʻquvchi” tanlovini tashkil etish;
maktab yoshidagi oʻquvchilarga moʻljallangan yangi badiiy, ilmiy-ommabop adabiyotlarni yaratish va tarjima qilish ishlarini jadallashtirish hamda ularning mualliflarini ragʻbatlantirish;
“Maktab kutubxonasi”, “Jahon bolalar adabiyoti durdonalari” ruknida yuz jildlik kitoblar toʻplamining nashrini yoʻlga qoʻyish;
oʻquvchilar orasida mutolaa madaniyatini rivojlantirish maqsadida “Kitobxonlik haftaligi”ni tashkil etib, bolalar va oʻsmirlar adabiyoti masalalariga bagʻishlangan adabiy uchrashuvlar va kitob festivallarini oʻtkazish;
oʻquvchilarning mustaqil fikrini ogʻzaki va yozma ravishda bayon etish malakasini oshirish maqsadida ular oʻqigan kitoblari boʻyicha “Notiq oʻquvchi” hamda insholar tanlovlarini oʻtkazish;
boshlangʻich sinf oʻquvchilarini “Jajji akademik” toʻgaraklariga jalb etish hamda ularga mutolaa sirlari va kitobxonlik madaniyati boʻyicha tushunchalar berib borish;
bolalarga kitob sovgʻa qilishni anʼanaga aylantirish maqsadida “Farzandimga kitob sovgʻa qilaman” va “Maktab kutubxonasiga kitob sovgʻasi” ijtimoiy aksiyalarini oʻtkazib borish;
bosma va elektron nashrlarda bolalar ijodi namunalarini muntazam ravishda eʼlon qilib borish, isteʼdodli ijodkor oʻquvchilarni ragʻbatlantirish tizimini yoʻlga qoʻyish;
bolalarning bilim doirasi va dunyoqarashini kengaytirish, shuningdek, turli fan sohalari va kasb-hunarlarga boʻlgan qiziqishlarini oshirishga qaratilgan ensiklopedik asarlar, lugʻat va albomlar, badiiy asarlar, toʻla va qisqa metrajli badiiy filmlar, videoroliklar va telefilmlar, multfilmlar yaratish.
3-§. Buyuk ajdodlar jasorati hamda harbiy vatanparvarlik yoʻnalishi
8. Oʻquvchilarning maʼnaviy immunitetini mustahkamlash, oʻz Vatani va xalqi taqdiri uchun masʼuliyat va javobgarlik hissini oshirishda buyuk ajdodlarimizning jasorati hamda harbiy vatanparvarlikni keng targʻib etish muhim ahamiyatga ega.
Quyidagilar bu borada ustuvor jihatlar hisoblanadi:
“Afsonaga aylangan jasorat” gʻoyasi asosida Alpomish, Shiroq, Toʻmaris kabi milliy qahramonlarning jasorati aks ettirilgan multimedia mahsulotlarini tayyorlash va maktablarda ularning taqdimotlarini oʻtkazish;
Birinchi Sharq Uygʻonish davri — IX — XII asrlarda mintaqamizda yuz bergan “Maʼrifiy Renessans” davrida buyuk allomalar, qomusiy bilim sohiblari, mashhur mutafakkirlar, jumladan aniq fanlar sohasida Muhammad Xorazmiy, Abu Bakr Roziy, Abu Rayhon Beruniy, Ahmad Fargʻoniy, Umar Hayyom, Mirzo Ulugʻbek, falsafa sohasida Abu Nasr Forobiy, Ibn Rushd, Muhammad Gʻazzoliy, Aziziddin Nasafiy, tibbiyot sohasida Abu Ali ibn Sino, tilshunoslikda Mahmud Zamaxshariy, sheʼriyatda Abu Abdullo Rudakiy, Abulqosim Firdavsiy, Hofiz Sheroziy, Nizomiy Ganjaviy, Abdurahmon Jomiy, Alisher Navoiy, rassomchilikda Kamoliddin Behzodlarning jahonshumul ilmiy-ijodiy kashfiyotlarini oʻquvchi-yoshlar oʻrtasida targʻib qilish;
“Kim yurtiga sodiq boʻlsa, mendirman oʻsha!” shiori ostida Vatan ozodligi yoʻlida mardona kurash olib borgan buyuk sarkarda Jaloliddin Manguberdining mardligi va jasorati, shonli hayotini targʻib qilish orqali oʻquvchilarda Vatanga sadoqat, shijoat va qatʼiyat tuygʻularini mustahkamlash;
“Sohibqiron Amir Temur — markazlashgan milliy davlatchilik asoschisi” gʻoyasi asosida oʻquvchilar ongida yurt ozodligi uchun kurash, xalqparvarlik, adolatparvarlik va bunyodkorlik tuygʻularini tarbiyalash;
milliy mustaqillik va maʼrifatparvarlik gʻoyalarini ilgari surgan ajdodlar merosini keng oʻrgatishga qaratilgan “Jadidchilik saboqlari” onlayn resurslarni yaratish va ularning targʻibotini yoʻlga qoʻyish, “Millat oydinlari” turkum maʼnaviy-maʼrifiy telekoʻrsatuvlarni tayyorlash;
“Ajdodlar jasorati unutilmaydi!” shiori ostida oʻquvchilar ongida Vatanga sadoqat, milliy gʻurur, mardlik va jasorat, burch va masʼuliyat tuygʻularini mustahkamlash;
maktab oʻquvchilarining milliy davlatchilik, ilm-fan, madaniyat, sanʼat va meʼmorchilik tarixi va milliy qadriyatlarimiz haqidagi bilimlarini yanada oshirish maqsadida tarixiy obida, muzey va teatrlarda sayyor mashgʻulotlar uyushtirish;
“Harbiy qismda bir kun” va “Vatanga qasam” turkum tadbirlar orqali oʻquvchilar ongida milliy armiyamizga jismonan baquvvat va maʼnan yetuk yoshlar zarurligi, harbiy xizmat Oʻzbekiston fuqarosining muqaddas burchi ekanligi haqidagi tushunchani mustahkamlash;
“Men yurt posboni boʻlaman”, “Alpomish izdoshlari”, “Toʻmaris qizlari”, “Mendirman Jaloliddin!” kabi mavzularda tanlov, musobaqa va uchrashuvlar oʻtkazish, “Boʻlgʻusi askarga sovgʻa” ruknida harbiy-vatanparvarlik mavzusidagi kitoblar, badiiy va hujjatli filmlar targʻiboti va namoyishini tashkil etish.
4-§. Zamonamiz qahramonlari — yoshlarga ibrat timsoli yoʻnalishi
9. Zamonamiz qahramonlarining erishgan yutuqlarini keng targʻib etish, ularga nisbatan ehtirom tuygʻusini shakllantirish oʻquvchilarda chin insoniy fazilatlarni kamol toptirishda muhim ahamiyat kasb etadi.
Ushbu maqsadlarga erishish uchun quyidagi vazifalar belgilanadi:
“Zamonamiz qahramonlari” ruknida turkum risolalar, animatsion, hujjatli va badiiy filmlar, roliklar yaratish va taʼlim-tarbiya jarayoniga joriy etish;
maktab kutubxonalarini Oʻzbekiston Qahramonlari, ilm-fan, madaniyat, adabiyot va sanʼat namoyandalarining ibratli faoliyati yoritilgan adabiyotlar bilan boyitib borish;
“Muvaffaqiyatga erishish sirlari” loyihasi doirasida oʻz sohasida yuqori natijalarga erishgan yurtdoshlarimiz bilan doimiy muloqotlar tashkil etish;
ilmiy va ijodiy maktab yaratgan atoqli olim va ijodkorlarning uy-muzeylari hamda ishxonalarida sayohat-darslar oʻtkazish;
“Beruniy izdoshlari”, “Ulugʻbek avlodlari”, “Navoiy vorislari”, “Zulfiyaxonim qizlari” kabi mavzularda oʻtkaziladigan ijodiy tanlovlar samaradorligini oshirish;
“Yangi Oʻzbekistonning maʼnaviyat maskanlari” rukni ostida turkum tadbirlar va sayohatlar uyushtirish, oʻquvchilar oʻrtasida ijodiy ishlar va multimedia ishlanmalari tanlovlarini tashkil etish.
5-§. Maktab, mahalla va oila hamkorligini mustahkamlash yoʻnalishi
10. Maktab, mahalla va oila hamkorligini mustahkamlash, keng jamoatchilik va ota-onalarning farzand tarbiyasiga eʼtiborini oshirishga qaratilgan taʼsirchan chora-tadbirlar rejasini ishlab chiqish va amaliyotga joriy qilish maktablardagi ijtimoiy-maʼnaviy muhit barqarorligini taʼminlashda muhim ahamiyatga ega.
Makbta, mahalla va oila hamkorligini mustahkamlash uchun quyidagilar amalga oshiriladi:
mahallalardagi yoshlar yetakchilari tomonidan oʻquvchilarning boʻsh vaqtini mazmunli oʻtkazish yuzasidan tashkil qilinadigan tadbirlarning taʼsirchanligini oshirish choralarini koʻrish;
“Yoshlar daftari”, “Ayollar daftari”, “Temir daftar”ga kiritilgan oilalar farzandlarini moddiy va maʼnaviy qoʻllab-quvvatlash maqsadida ularni bepul maktab formasi va darsliklar bilan taʼminlash;
muammoli oilalardagi muhitni sogʻlomlashtirish hamda notinch oilalar farzandlarini psixologik qoʻllab-quvvatlashning taʼsirchan choralarini qoʻllash boʻyicha maxsus treninglar tashkil etish;
oʻquvchilarni mahallalarda tashkil etiladigan xalq sayillari, umumxalq bayramlari, oʻyinlar va sport musobaqalariga keng jalb qilish orqali ularni milliy qadriyat va anʼanalarga hurmat ruhida tarbiyalash;
farzand tarbiyasida ota-onaning masʼuliyati mavzusidagi aforizmlarni “Kun hikmati” ruknida mobil aloqa operatorlari orqali yetkazishni tizimli yoʻlga qoʻyish;
ota-onalarning farzand tarbiyasidagi masʼuliyatini oshirish maqsadida “Eng namunali ota-ona” tanlovini oʻtkazish;
oʻquvchilarning yosh psixologiyasiga bogʻliq feʼl-atvori hamda ruhiy olamidagi salbiy oʻzgarishlarni oila va maktab jamoasi bilan hamkorlikda bartaraf etish boʻyicha tizimli ishlarni amalga oshirish;
maktablarda olib boriladigan tarbiyaviy ishlar samaradorligini oshirishda ota-ona, mahalla, maktab, huquqni muhofaza qilish organlari hamkorligini tubdan yaxshilash.
“Uch avlod uchrashuvi” loyihasida maktab va mahallalarda turli avlod vakillari va oʻquvchilar ishtirokida muloqotlar tashkil etish;
“Maʼnaviy barkamol avlod — barqaror jamiyat bunyodkori” tamoyili asosida oʻquvchilarda turli gʻoyaviy xavf-xatarlardan himoyalanish immunitetini shakllantirish;
respublikamizdagi milliy madaniy markazlar vakillari ishtirokida oʻquvchilarda milliy va umuminsoniy qadriyatlarga hurmatning hayotimizdagi oʻrni va ahamiyati haqida madaniy-maʼrifiy tadbirlar oʻtkazish.
4-bob. Maʼnaviy-maʼrifiy ishlar samaradorligini oshirishning usul va shakllari
11. Maktablarda maʼnaviy-maʼrifiy ishlar samaradorligini oshirish usullari — oʻquvchilarda hayotiy zarur koʻnikmalar, maʼnaviy-axloqiy fazilatlarni shakllantiradigan vositalar majmuidir.
Maʼnaviy-maʼrifiy ishlar samaradorligini oshirishda quyidagi metodik usullardan foydalaniladi:
mustaqil taʼlim olish koʻnikmasini shakllantirishga qaratilgan metodika orqali “Tengdosh — tengdosh bilan” tamoyili asosida oʻquvchilarning tarbiyaviy fazilatlarini shakllantirish;
nutq madaniyati, kitobxonlik hamda izlanish koʻnikmalarini rivojlantirish maqsadida dolzarb mavzular doirasida taqdimotlar oʻtkazish;
fikrlash hamda dunyoqarashini kengaytirish maqsadida intellektual oʻyin va tanlovlar oʻtkazish;
oʻqituvchi va oʻquvchilar yaratgan media mahsulotlari orqali ularni salbiy tahdidlardan himoya qilish va ulardan maʼnaviy immunitetni shakllantirish;
ommaviy axborot vositalari, internet tarmoqlarida tarbiyaviy fazilatlarni shakllantirishga qaratilgan videorolik, badiiy film hamda shiorlarni tayyorlash va amaliyotga tatbiq etish;
taʼlim muassasalarida sportni qadriyat sifatida rivojlantirish, yoshlar oʻrtasida sogʻlom turmush tarzini ommalashtirish boʻyicha chora-tadbirlar ishlab chiqish va amalga oshirish;
vatanparvarlik tuygʻusini yanada takomillashtirish uchun geografiya, biologiya, IT, tarbiya fanlari doirasida videoroliklar va boshqa media-mahsulotlar tayyorlash, taqdimotlarini tashkil qilish va baholash tizimini yoʻlga qoʻyish, ularni ijtimoiy tarmoqlar orqali keng namoyish qilish.
Maʼnaviy-maʼrifiy ishlar davra suhbatlari, ijodiy uchrashuv va kechalar, koʻrik-tanlovlar, taqdimotlar, intellektual oʻyinlar, virtual klublar va boshqa shakllarda tashkil etiladi.
Mazkur usullar maʼnaviy-maʼrifiy ishlarning rang-barangligini taʼminlaydi. Pirovard natijada bu maktabda sogʻlom ijtimoiy-maʼnaviy muhitni shakllantirishga xizmat qiladi.
5-bob. Erishiladigan natijalar
12. Mazkur Konsepsiya “Yangi Oʻzbekistonning yangi maktabi” gʻoyasi asosida mamlakatimizda maktab taʼlimini umummilliy harakatga aylantirish borasida amalga oshirilayotgan ishlarni mazmunan yangi bosqichga koʻtarishda muhim rol oʻynaydi.
Jumladan:
oʻquvchilar qalbida xalqimizga xos boʻlgan yuksak maʼnaviy fazilatlarni shakllantirish va rivojlantirishga qaratilgan saʼy-harakatlar muvofiqlashtiriladi;
maktablarda maʼnaviy-maʼrifiy ishlarning taʼsirchanligini oshirish va ularni bugungi kun talablari bilan uygʻunlashtirish orqali oʻquvchilar ongida maʼnaviy immunitet mustahkamlanadi;
jahon xalqlari taraqqiyotiga ulkan hissa qoʻshgan buyuk allomalarimizning ilmiy va madaniy merosi, ularning ibratli hayot yoʻli taʼlim-tarbiya jarayonlariga keng singdiriladi;
mamlakatimiz hayotining turli jabhalarida alohida oʻrnak koʻrsatib, yuksak natijalarga erishgan, Vatanimiz taraqqiyotiga beqiyos hissa qoʻshib kelayotgan zamonamiz qahramonlarining hayoti va faoliyatini keng targʻib qilish orqali oʻquvchilar ongida zamonaviy ideallar shakllantiriladi;
darslik va metodik adabiyotlarni yangilash, pedagoglarni kasbiy faoliyati va tarbiyaviy ishlardagi yuqori natijalariga koʻra ragʻbatlantirishning yangi tizimi joriy etiladi;
ota-onalarning huquqiy ongi va madaniyatini rivojlantirish orqali ularning farzand taʼlim-tarbiyasiga masʼuliyati oshiriladi;
taʼlim-tarbiya jarayonida maktab direktori, pedagog xodimlar, oʻquvchilar hamda ota-onalar oʻrtasidagi oʻzaro hamkorlikning yangi mexanizmi joriy etilishi natijasida maktablardagi maʼnaviy-maʼrifiy ishlar samaradorligiga erishiladi.
Vazirlar Mahkamasining 2022-yil 3-oktabrdagi 558-son qaroriga
2-ILOVA
Umumtaʼlim maktablarida maʼnaviy-maʼrifiy ishlar samaradorligini oshirish konsepsiyasini amalga oshirish yuzasidan
“YOʻL XARITASI”

T/r

Chora-tadbirlar

Amalga oshirish mexanizmi

Bajarish muddati

Moliyalashtirish manbai

Ijro uchun masʼullar

I. Maktab taʼlimini umummilliy harakatga aylantirish yoʻnalishi boʻyicha

1.

Oʻquvchilarda Vatanga sadoqat, milliy gʻurur va iftixor tuygʻularini yanada kuchaytirish hamda “Oʻzbekiston — Vatanim manim” mavzusida ijodiy ishlar tanlovini tashkil qilish.

1. Qoʻshma qaror loyihasini tasdiqlash.

2022-yil oktabr

Ijrochilarning budjetdan tashqari mablagʻlari hisobidan

Xalq taʼlimi vazirligi,

Respublika Maʼnaviyat va maʼrifat markazi,

Oʻzbekiston Yozuvchilar uyushmasi

2. Barcha umumiy oʻrta taʼlim muassasalarida oʻquv yilining birinchi kunida “Men — Yangi Oʻzbekiston farzandiman!” mavzusida darslar oʻtilishini yoʻlga qoʻyish.

2022-yil oktabr

3.Oʻquvchilardamilliy gʻurur va iftixor tuygʻularini kuchaytirishga xizmat qiladigan “Vatanga sadoqat — oliy maqsadim” shiori ostidasuhbatlar va boshqa tadbirlar tashkil qilish.

har yili noyabr-dekabr

4. “Oʻzbekiston — Vatanim manim mavzusida ijodiy ishlar tanlovlarini oʻtkazish.

reja asosida

2.

Oʻquvchilar ongida Vatanimiz ramzlarini ulugʻlash va ardoqlash tuygʻusini tarbiyalash maqsadida “Davlat ramzlari — faxrim, gʻururim” mavzusida tadbirlarni tashkil qilish.

1. “Davlat ramzlari — faxrim, gʻururim” mavzusidagi tadbirlar turkumini ishlab chiqish va tasdiqlash.

2022-yil oktabr

-

Xalq taʼlimi vazirligi,

Respublika Maʼnaviyat va maʼrifat markazi,

Oʻzbekiston Yozuvchilar uyushmasi

2. Har bir oʻquv haftasini maktabda Davlat bayrogʻini koʻtarish va madhiyani joʻrlikda ijro etish bilan boshlash.

har oʻquv yili davomida,

3. Davlat ramzlari qabul qilingan kunlarda maʼnaviy-maʼrifiy tadbirlar, insholar tanlovlarini tashkil etish.

har yili iyul, noyabr-dekabr oylarida

3.

“Davlat tili — millat ruhi” gʻoyasi asosida turkum maʼnaviy-maʼrifiy, adabiy-badiiy tadbirlarni tashkil qilish.

1. Maʼnaviy-maʼrifiy, adabiy-badiiy tadbirlarni tashkil qilish boʻyicha idoralararo reja-jadvalni tasdiqlash.

Har yili sentabr

Ijrochilarning budjetdan tashqari mablagʻlari hisobidan

Oʻzbekiston Yozuvchilar uyushmasi,

Respublika Maʼnaviyat va maʼrifat markazi,

Xalq taʼlimi vazirligi

2. Reja-jadvalga muvofiq, “Davlat tili — millat ruhi” gʻoyasi asosida taniqli olim va ijodkorlar ishtirokida oʻzbek tilining tarixi, ifoda imkoniyatlari va jamiyat hayotidagi ahamiyatiga bagʻishlangan adabiy-maʼrifiy uchrashuv va suhbatlar oʻtkazish.

oʻquv yili davomida muntazam

3. “Qadring baland boʻlsin, ona tilim!” shiori ostida “Bilimdonlar bahsi” intellektual tok-shoularni tayyorlash,“Ona tili — millat ruhi”, “Navoiyni anglash — oʻzlikni anglash” mavzularida insholar, ijodiy ishlar, maqolalar va notiqlik tanlovlarini oʻtkazish va gʻoliblarni munosib taqdirlashni nazarda tutish.

4.

Umumiy oʻrta taʼlim muassasalarining ijtimoiy-maʼnaviy muhitini baholash mezonlarini ishlab chiqish va amaliyotga joriy etish.

1. Umumiy oʻrta taʼlim muassasalarida maʼnaviy-maʼrifiy faoliyatni baholash mezonlari va talablarini ishlab chiqish. Bunda:

a) ijtimoiy kompetentli (jamiyat va davlat oldidagi oʻz burchi va majburiyatlarini toʻliq anglagan, yaxshi xulq-atvor, keng dunyoqarash, bilim hamda ijodiy salohiyatga ega, vatanparvar) shaxsni tarbiyalash;

b) baholash natijalari asosida ijtimoiy-maʼnaviy muhiti nosogʻlom boʻlgan maktablarda aniqlangan kamchiliklarni bartaraf etish boʻyicha manzilli chora-tadbirlar ishlab chiqish;

v) ijtimoiy-maʼnaviy muhitni baholash orqali Oʻzbekiston Respublikasi Prezidentining “Xalq taʼlimini rivojlantirishga oid qoʻshimcha chora-tadbirlar toʻgʻrisida” 2022-yil 11-maydagi PQ-241-son qaroriga muvofiq “qizil” (qoniqarsiz) va “sariq” (qoniqarli) toifalarga ajratilgan maktablarda aniqlangan kamchiliklarni bartaraf etish uchun uslubiy tavsiyalar ishlab chiqish;

g) ijtimoiy-maʼnaviy muhiti namunali boʻlgan maktablar tajribasini keng targʻib qilish va ommalashtirish.

2022/2023 oʻquv yilidan boshlab

Ijrochilarning budjetdan tashqari mablagʻlari hisobidan

Respublika Maʼnaviyat va maʼrifat markazi,

Xalq taʼlimi vazirligi,

Ichki ishlar vazirligi,

Milliy gvardiya,

Mahalla va nuroniylarni qoʻllab-quvvatlash vazirligi

2. Tizimli tahlillar asosida “Namunali maktab direktori”, “Namunali ustoz”, “Namunali oʻquvchi” va “Namunali ota-ona” modellarini ishlab chiqish.

2022/2023 oʻquv yilidan boshlab

3. Mahalla faollari va ota-onalar tomonidan taʼlim muassasalaridagi taʼlim-tarbiya sifatini oʻrganish va ularni yanada takomillashtirishga doir tadbirlarni amalga oshirish yuzasidan tegishli chora-tadbirlar belgilash.

5.

Umumiy oʻrta taʼlim muassasalaridagi maʼnaviy-maʼrifiy ishlar boʻyicha direktor oʻrinbosarlari faoliyatini takomillashtirish choralarini koʻrish.

1. Maʼnaviy-maʼrifiy ishlar boʻyicha direktor oʻrinbosarlari faoliyatini baholash indikatorlarini ishlab chiqish.

2022-yil oktabr

-

Respublika Maʼnaviyat va maʼrifat markazi,

Xalq taʼlimi vazirligi

2. Indikatorlar asosida umumiy oʻrta taʼlim muassasalarida baholash ishlarini tashkil etish.

2022-yil oktabr

3. Baholash ishlari yakunlariga koʻra, boʻshagan ish joylariga munosib kadrlarni tanlov asosida ishga qabul qilish.

2022-2023 oʻquv yilidan

6.

Ijodiy-madaniy masalalar boʻyicha targʻibotchi faoliyatini samarali tashkil etish choralarini koʻrish.

1. Ijodiy-madaniy masalalar boʻyicha targʻibotchilar faoliyati monitoringini amalga oshirish.

2022-yil oktabr

Maʼnaviyat va ijodni qoʻllab-quvvatlash maqsadli jamgʻarmasi mablagʻlari hisobidan

Respublika Maʼnaviyat va maʼrifat markazi,Oʻzbekiston Yozuvchilar uyushmasi,

Xalq taʼlimi vazirligi

2. Aniqlangan muammolar asosida Ijodiy-madaniy masalalar boʻyicha targʻibotchi faoliyatini tartibga soladigan metodik tavsiya ishlab chiqish.

2022-yil oktabr-noyabr,

3. Metodik tavsiyani nashr etish va maktablarga yetkazish.

dekabr

4. Ijodiy-madaniy masalalar boʻyicha targʻibotchilarning malakasini tizimli ravishda oshirib borish choralarini koʻrish.

reja asosida

7.

Taʼlim standartlari, oʻquv dasturlari hamda darsliklarning yangi avlodini yaratish orqali oʻquvchilarni maʼnaviy yetuk va erkin fikrlaydigan shaxs qilib tarbiyalash.

1. Mavjud taʼlim standartlari, oʻquv dasturlarini tahliliy oʻrganib chiqish.

2022-2023-yillar davomida

Ijrochilarning budjetdan tashqari mablagʻlari hisobidan

Xalq taʼlimi vazirligi,

Respublika Maʼnaviyat va maʼrifat markazi, manfaatdor vazirlik va idoralar

2. Oʻrganish yakunlari boʻyicha asoslangan takliflarni koʻrib chiqish.

3. 1 — 11-sinf oʻquvchilari hamda ota-onalar uchun “Oʻquvchining maʼnaviy dunyoqarashi va kamoloti” haqidagi qoʻllanma yaratish.

2022-yil oktabr

8.

Umumiy oʻrta taʼlim muassasalarda davlat organlari rahbar kadrlari hamda oʻz sohasida yuqori natijalarga erishgan tadbirkorlar, madaniyat, sanʼat va fan arboblari ishtirokida uchrashuvlarini tashkil etish.

“Senator va yoshlar”, “Deputat va yoshlar”, “Olim va yoshlar”, “Ustoz va yoshlar”, “Vazir soati”, “Hokim va yoshlar”, “Prokuror va yoshlar”, “Ichki ishlar organi xodimi va yoshlar”, “Harbiy va yoshlar”, “Shifokor va yoshlar”, “Tadbirkor va yoshlar”, “Hunarmand va yoshlar” va boshqa shu kabi uchrashuvlarni tashkil etish.

2022 — 2026-yillar davomida reja asosida

-

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

Bosh prokuratura,

Ichki ishlar vazirligi,

Xalq taʼlimi vazirligi, tegishli vazirlik va idoralar

9.

Yoshlarning oʻqituvchilik kasbiga boʻlgan qiziqishini yanada oshirish.

1. Tuman (shahar)lardagi markaziy koʻchalar boʻylab oʻqituvchi va murabbiylar faoliyati aks ettirilgan bannerlarni tayyorlab, posterlarga joylashtirish.

2023-yildan boshlab

Ijrochilarning budjetdan tashqari mablagʻlari hisobidan

Kinematografiya agentligi,

Oʻzbekiston Milliy axborot agentligi,

MTRK, Axborot va ommaviy kommunikatsiyalar agentligi,

Xalq taʼlimi vazirligi,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

2. Oʻqituvchi va murabbiylar, iqtidorli oʻquvchilar faoliyatiga bagʻishlangan ijtimoiy videoroliklar va maqolalar tayyorlab, ommaviy axborot vositalari, ijtimoiy tarmoqlarda yoritish.

3. Taʼlim sohasi fidoyilari va oʻqituvchilarning mavqeyini oshirishga qaratilgan eng yaxshi videoroliklar tanlovini tashkil etish.

muntazam

II. Oʻquvchilarda kitob mutolaasi va kitobxonlik madaniyatini oshirish yoʻnalishi boʻyicha

10.

Oʻquvchilarga kitob mutolaasi jarayonida “oddiydan murakkabga” tamoyili asosida badiiy asarlarni tanlash va sinchiklab oʻqish malakasini hosil qilish boʻyicha uslubiy tavsiyalar ishlab chiqish.

1. Maktab oʻquvchilarning yoshiga mos ravishda badiiy asarlarni tanlash va ularning roʻyxatini shakllantirish.

2. Shakllantirilgan roʻyxat asosida maktab kutubxonalarini badiiy adabiyotlar bilan toʻldirish.

3. “Kitob haqida kitobnoma” nomi ostida mutolaa madaniyati haqida uslubiy tavsiyalar ishlab chiqish.

2023/2024 oʻquv yilidan

Ijrochilarning budjetdan tashqari mablagʻlari hisobidan

Oʻzbekiston Yozuvchilar uyushmasi,

Xalq taʼlimi vazirligi,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

11.

Xalq taʼlimi vazirining “Kitobxon oʻquvchi” tanlovini tashkil etish

1. Tanlov tartibini ishlab chiqish.

2. Tanlovni 3 bosqichda oʻtkazilishiga hamda gʻolib oʻquvchilarni munosib taqdirlanishiga alohida eʼtibor qaratish.

2022/2023 oʻquv yilidan

Ijrochilarning budjetdan tashqari mablagʻlari hisobidan

Xalq taʼlimi vazirligi,

Oʻzbekiston Yozuvchilar uyushmasi

12.

Maktab yoshidagi oʻquvchilarga moʻljallangan yangi badiiy, ilmiy-ommabop adabiyotlarni yaratish hamda ularning mualliflarini ragʻbatlantirish.

1. Bolalarga moʻljallangan yangi badiiy, maʼrifiy, dunyoqarashini kengaytiradigan ilmiy-ommabop yangi asarlarni yaratish boʻyicha yozuvchi va shoirlarga ijtimoiy buyurtmalar berish hamda nashr etishni tizimli joriy etish.

2. Yaratilgan yangi badiiy va tarjima asarlarni qardosh tillarda taʼlim oladigan bolalar uchun nashr etish.

3. Koʻzi ojiz va zaif koʻruvchi bolalar maktab-internatlarini maxsus brayl yozuvidagi bolalar adabiyoti bilan taʼminlash.

4. Bolalar adabiyoti yoʻnalishiga ixtisoslashayotgan yosh isteʼdod egalarini qoʻllab-quvvatlash hamda asar mualliflarini ragʻbatlantirish.

2022/2023 oʻquv yilidan

Ijrochilarning budjetdan tashqari mablagʻlari hisobidan

Xalq taʼlimi vazirligi, Respublika maʼnaviyat va maʼrifat markazi,

Oʻzbekiston Yozuvchilar uyushmasi, Moliya vazirligi,

Axborot va ommaviy kommunikatsiyalar agentligi

13.

“Maktab kutubxonasi”, “Jahon bolalar adabiyoti durdonalari” ruknida yuz jildlik kitoblar toʻplamining nashrini yoʻlga qoʻyish hamda bolalar uchun filmlar yaratish.

1. Bolalar uchun moʻljallangan jahon adabiyoti namunalarini tarjima qilish va nashr etish boʻyicha Ishchi guruh tuzish.

2. Jahon bolalari adabiyoti namunalari tarjima qilish va nashr etishni qoʻllab-quvvatlash boʻyicha davlat buyurtmasini shakllantirish, grant va subsidiyalar ajratish tizimini joriy etish.

3. Ishchi guruh tomonidan tarjima asarlar roʻyxatini shakllantirish, mazkur roʻyxat asosida tarjima qilish hamda nashr etish ishlarini tashkil qilish.

4. Nashr etilgan adabiyotlarni targʻib qilish, shuningdek kitobxonlikni keng ommalashtirish maqsadida maktab hamda taʼlim muassasalarida targʻibot-tashviqot ishlarini tizimli olib borish.

5. Bolalar adabiyotini keng targʻib qilish uchun teleradiokanallar va internet saytlarida imtiyozlar joriy etish.

2023 — 2026-yillar davomida

Ijrochilarning budjetdan tashqari mablagʻlari hisobidan

Oʻzbekiston Yozuvchilar uyushmasi, Xalq taʼlimi vazirligi,

Respublika Maʼnaviyat va maʼrifat markazi, Moliya vazirligi, Kinematografiya agentligi,

Axborot va ommaviy kommunikatsiyalar agentligi, MTRK, Oʻzbekiston Milliy axborot agentligi

14.

Bolalarga kitob sovgʻa qilishni anʼanaga aylantirish boʻyicha ijtimoiy aksiyalarni oʻtkazish.

1. “Farzandimga kitob sovgʻa qilaman”, “Maktab kutubxonasiga kitob sovgʻasi” ijtimoiy aksiyalarini oʻtkazish tartibini ishlab chiqish va muddatini belgilash.

2. Aksiyalar doirasida sayyor kitob savdolarini tashkil qilish.

3. Tadbirda faol ishtirok etgan ota-onalar va oʻquvchilarning faoliyatini ibrat tariqasida keng targʻib qilish.

har yili mart-may oylarida

-

Qoraqalpogʻiston Respublikasi Vazirlar Kengashi,

viloyatlar va Toshkent shahar hokimliklari,

Xalq taʼlimi vazirligi

15.

Bosma va elektron nashrlarida bolalar ijodi namunalarini muntazam ravishda eʼlon qilish.

1. Maktab oʻquvchilari oʻrtasida ijodiy ishlar tanlovini (sheʼr, hikoya, tasviriy sanʼat va boshqa) oʻtkazish.

2. Tanlov natijasiga koʻra, gʻolib oʻquvchilarning ijod namunalarini “Yoshlik”, “Gulxan”, “Gʻuncha”, “Tong yulduzi”, “Yosh kuch” kabi bolalar davriy nashrlarida chop etish.

3. Isteʼdodli ijodkor oʻquvchilarni ragʻbatlantirish tizimini yoʻlga qoʻyish.

2022/2023 oʻquv yilidan boshlab muntazam

Mahalliy budjet mablagʻlari hisobidan

Xalq taʼlimi vazirligi,

Oʻzbekiston Yozuvchilar uyushmasi,

Axborot va ommaviy kommunikatsiyalar agentligi

16.

Bolalarning bilim doirasi va dunyoqarashini kengaytirish, shuningdek, turli fan sohalari va kasb-hunarlarga boʻlgan qiziqishlarini oshirish.

1. Umumiy oʻrta taʼlim muassasalarida kasb-hunarga yoʻnaltiruvchi tadbirlar rejasini ishlab chiqish.

2. Tadbir davomida oʻquvchilarga mashgʻulot oʻtkazish uchun uslubiy materiallarni tayyorlash (maʼruza matni, taqdimot, badiiy va hujjatli filmlar).

3. Tadbirlarni yuqori saviyada tashkil etish va OAV hamda ijtimoiy tarmoqlarda yoritish choralarini koʻrish.

2022 — 2026-yillar davomida

Ijrochilarning budjetdan tashqari mablagʻlari hisobidan

Xalq taʼlimi vazirligi,

Kinematografiya agentligi,

MTRK, Axborot va ommaviy kommunikatsiyalar agentligi

III. Buyuk ajdodlar jasorati hamda harbiy vatanparvarlik yoʻnalishi boʻyicha

17.

“Afsonaga aylangan jasorat” gʻoyasi asosida milliy qahramonlarning jasorati aks ettirilgan multimedia mahsulotlarini tayyorlash.

1. Maktab kutubxonalarini Alpomish, Shiroq, Toʻmaris kabi buyuk ajdodlarimizning jasoratiga bagʻishlangan ilmiy, badiiy adabiyotlar bilan taʼminlash.

2. Umumiy oʻrta taʼlim muassasalarida buyuk ajdodlarimiz matonati aks ettirilgan sahna asarlari yaratish.

3. Umumiy oʻrta taʼlim muassasalarida milliy qahramonlarning jasoratlari boʻyicha intellektual oʻyinlar tashkil qilish.

4. Alpomish, Shiroq, Toʻmaris kabi buyuk ajdodlarimiz jasorati aks ettirilgan multimedia mahsulotlarini tayyorlash, taqdimotlarini oʻtkazish va baholash tizimini yoʻlga qoʻyish.

oʻquv yili davomida muntazam

Ijrochilarning budjetdan tashqari mablagʻlari hisobidan

Respublika Maʼnaviyat va maʼrifat markazi,

Oʻzbekiston Yozuvchilar uyushmasi,

Xalq taʼlimi vazirligi,

Qoraqalpogʻiston Respublikasi Vazirlar Kengashi,

viloyatlar va Toshkent shahar hokimliklari

18.

“Kim yurtiga sodiq boʻlsa, mendirman oʻsha!” shiori ostida Vatan ozodligi yoʻlida mardona kurash olib borgan buyuk sarkarda Jaloliddin Manguberdining mardligi va jasorati, shonli hayotini targʻib qilish orqali oʻquvchilarda Vatanga sadoqat, shijoat va qatʼiyat tuygʻularini mustahkamlash.

1. Oʻquvchilarni Jaloliddin Manguberdining hayoti, Vatan himoyasi yoʻlida koʻrsatgan mardligi va jasoratiga bagʻishlangan badiiy va sanʼat asarlari bilan yaqindan tanishtirish.

2. Jaloliddin Manguberdi haqidagi asarlar asosida sahna koʻrinishlari tayyorlash, ijodiy ishlar tanlovi va koʻrik-tanlovlar tashkil qilish.

oʻquv yili davomida muntazam

Ijrochilarning budjetdan tashqari mablagʻlari hisobidan

Xalq taʼlimi vazirligi,

Mudofaa vazirligi,

Milliy gvardiya,

Oʻzbekiston Yozuvchilar uyushmasi

3. Umumiy oʻrta taʼlim muassasalarida “Alpomish avlodlari” va “Barchinoy oʻyinlari” toʻgaraklarini tashkil qilish, chavandozlik va kamondan oʻq otish oʻyinlarini oʻtkazish tizimini yoʻlga qoʻyish.

har chorakda bir marta

19.

“Sohibqiron Amir Temur — markazlashgan milliy davlatchilik asoschisi” gʻoyasi asosida oʻquvchilar ongida yurt ozodligi uchun kurash, xalqparvarlik, va bunyodkorlik tuygʻularini tarbiyalash.

1.“Amir Temur — oʻzbek davlatchiligining iftixori” mavzusida insholar tanlovini oʻtkazish va gʻoliblarni munosib taqdirlash.

2. “Amir Temur va Temuriylar ibrati” mavzusidadavra suhbatlari tashkil qilish.

oʻquv yili davomida muntazam

Ijrochilarning budjetdan tashqari mablagʻlari hisobidan

Xalq taʼlimi vazirligi,

Oʻzbekiston Yozuvchilar uyushmasi,

Mudofaa vazirligi,

Milliy gvardiya

3. “Temur tuzuklari” asari asosida oʻquvchilar oʻrtasida “Zakovat” intellektual oʻyinlarini oʻtkazish.

har yili aprel oyi davomida

20.

Mustaqillik va maʼrifatparvarlik gʻoyalarini ilgari surgan ajdodlar merosini keng oʻrgatishga qaratilgan “Jadidchilik saboqlari” onlayn resurslarni yaratish va ularning targʻibotini yoʻlga qoʻyish, “Millat oydinlari” mavzusida koʻrsatuvlarni tayyorlash.

1. Jadidchilik namoyandalarining maʼnaviy‑axloqiy tarbiyaga oid qarashlarini pedagogik amaliyotga joriy etish boʻyicha seminar va davra suhbatlarini tashkil etish.

2. “Jadidchilik saboqlari” onlayn resurslarni yaratish va ularning targʻibotini yoʻlga qoʻyish.

3. Jadidmaʼrifatparvarlarining hayoti va adabiy-maʼrifiy merosini targʻib etishga moʻljallangan “Millat oydinlari” turkum telekoʻrsatuvlarni tayyorlash va mamlakatimiz telekanallarida keng namoyish qilish.

2023-yildan muntazam

Ijrochilarning budjetdan tashqari mablagʻlari hisobidan

Xalq taʼlimi vazirligi,

Oʻzbekiston Yozuvchilar uyushmasi,

Respublika Maʼnaviyat va maʼrifat markazi,

MTRK,

Oʻzbekiston Milliy media assotsiatsiyasi

21.

Milliy gʻurur, Vatanga muhabbat tuygʻularini shakllantirishda Qoraqalpoq adabiyoti asoschilari Ajiniyoz Qusiboy oʻgʻli, Berdaq, Tulepbergen Kaipbergenov, Ibroyim Yusupovlarning ilm-maʼrifat kalitiga qoʻshgan hissalarini targʻibotiga bagʻishlangan “ochiq dars”lar hamda maʼrifiy tadbirlar tashkil etish.

1. Hududdagi buyuk ajdodlarimiz nomlari bilan bogʻliq muqaddas ziyoratgohlarga oʻquvchilarning tashriflari rejasini ishlab chiqish.

2. Reja asosida oʻquvchilarning ziyoratgohlarga tashriflarini tegishli fan oʻqituvchilari, sinf rahbarlari (ota-onalar) kuzatuvida xavfsizlik qoidalariga rioya qilgan holda tashkil etish.

3. Ziyoratlar davomida oʻquvchilarga soha mutaxassislari ishtirokida ulugʻ ajdodlarimizning bebaho merosini targʻib etishga bagʻishlangan davra suhbatlari va “ochiq darslar” tashkil etish.

2023-yildan muntazam

Ijrochilarning budjetdan tashqari mablagʻlari hisobidan

Xalq taʼlimi vazirligi,

Oʻzbekiston Yozuvchilar uyushmasi,

Respublika Maʼnaviyat va maʼrifat markazi,

Yoshlar ishlari agentligi

22.

“Ajdodlar jasorati unutilmaydi!” shiori ostida oʻquvchilar ongida Vatanga sadoqat, milliy gʻurur, mardlik va jasorat, burch va masʼuliyat tuygʻularini mustahkamlash.

1. Tadbirlarni oʻtkazish boʻyicha dastur ishlab chiqishda hamkorlik qilish.

2. Oʻquvchilarda Vatanga sadoqat, mardlik va jasurlik xislatlarini tarbiyalash maqsadida harbiy qismlar va harbiy taʼlim muassasalari bilan maʼnaviy-maʼrifiy yoʻnalishlarda hamkorlikni yoʻlga qoʻyish.

3. Vatan ozodligi va yurtimiz tinchligi yoʻlida kurashgan ajdodlarimiz jasoratiga bagʻishlangan ijodiy ishlar tanlovlarini tashkil etish.

oʻquv yili davomida muntazam

Ijrochilarning budjetdan tashqari mablagʻlari hisobidan

Xalq taʼlimi vazirligi,

Mudofaa vazirligi,

Milliy gvardiya

23.

Maktab oʻquvchilarining milliy davlatchilik, ilm-fan, madaniyat, sanʼat va meʼmorchilik tarixi va milliy qadriyatlarimiz haqidagi bilimlarini yanada oshirish maqsadida tarixiy obida, muzey va teatrlarda sayyor mashgʻulotlar uyushtirish.

1. Har bir maktab kesimida yil davomida oʻquvchilarning muzey, teatr yoki boshqa madaniyat muassasalarda sayyor mashgʻulotlarni tashkil qilish boʻyicha reja-jadvallarni ishlab chiqish va amalga oshirish.

2. Oʻquvchilarning madaniyat muassasalari va tarixiy obidalarga tashrifini tashkil qilish reja-jadvallarini tasdiqlash.

3. “Vatan boʻylab sayohat” shiori ostida tarixiy joylar, muqaddas qadamjolar va madaniyat maskanlariga tashriflar uyushtirish.

2022 — 2026-yillar davomida

Jismoniy va yuridik shaxslarning homiylik xayriyalari hisobidan

Turizm va madaniy meros vazirligi,

Xalq taʼlimi vazirligi,

Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

24.

“Harbiy qismda bir kun” va “Vatanga qasam” turkum tadbirlari orqali oʻquvchilar ongida milliy armiyamizga jismonan baquvvat va maʼnan yetuk yoshlar zarurligi, harbiy xizmat Oʻzbekiston fuqarosining muqaddas burchi ekanligi haqidagi tushunchani mustahkamlash.

1. Umumiy oʻrta taʼlim muassasalarida “Vatan himoyachilari kuni”ga bagʻishlangan harbiy‑vatanparvarlik oyligi doirasida maʼnaviy-maʼrifiy tadbirlarni oʻtkazish.

2022/2023 oʻquv yilidan boshlab doimiy

-

Xalq taʼlimi vazirligi,

Mudofaa vazirligi,

Milliy gvardiya

2. Oʻquvchilarning harbiy qismlarga tashrifini uyushtirish. Tashrif davomida ularni harbiy qismda askar va ofitserlarga yaratilgan shart-sharoitlar bilan yaqindan tanishtirish.

3. Umumiy oʻrta taʼlim muassasalari Qurolli Kuchlar faxriylari ishtirokida “ochiq dars”lar va davra suhbatlari tashkil etish.

oʻquv yili davomida muntazam

25.

Harbiy-vatanparvarlik tadbirlarini oʻtkazish, shuningdek, kitoblar, badiiy va hujjatli filmlar targʻiboti hamda namoyishini tashkil etish.

1. Umumiy oʻrta taʼlim muassasalarida “Vatan himoyachilari kuni”ga bagʻishlangan harbiy vatanparvarlik oyligi doirasida maʼnaviy-maʼrifiy tadbirlarni amalga oshirish.

2022-yil dekabr

Ijrochilarning budjetdan tashqari mablagʻlari hisobidan

Xalq taʼlimi vazirligi,

Mudofaa vazirligi,

Oʻzbekiston Yozuvchilar uyushmasi,

Respublika Maʼnaviyat va maʼrifat markazi,

Mahalla va nuroniylarni qoʻllab-quvvatlash vazirligi

2. “Men yurt posboni boʻlaman”, “Alpomish izdoshlari”, “Toʻmaris qizlari”, “Mendirman Jaloliddin!” kabi mavzularda tanlov va musobaqalarni oʻtkazish.

3. Oʻquvchilarga “Boʻlgʻusi askarga sovgʻa” ruknida harbiy-vatanparvarlik mavzusidagi kitoblarni sovgʻa qilish.

4. Oʻquvchilarning harbiy qismlarga tashrifini uyushtirish. Tashrif davomida ularni harbiy qismda askar va ofitserlarga yaratilgan shart-sharoitlar bilan yaqindan tanishtirish.

5. Umumiy oʻrta taʼlim muassasalarida Qurolli Kuchlar faxriylari ishtirokida “ochiq dars”lar va davra suhbatlari tashkil etish.

oʻquv yili davomida muntazam

IV. “Zamonamiz qahramonlari — yoshlarga ibrat timsoli” yoʻnalishi boʻyicha

26.

“Zamonamiz qahramonlari” ruknida turkum risolalar, animatsion, hujjatli va badiiy filmlar, roliklar yaratish va taʼlim-tarbiya jarayoniga joriy etish.

1. Tarixiy, adabiy hamda zamonamiz qahramonlari haqida turkum risolalar, animatsion, hujjatli va badiiy filmlar, roliklar yaratish.

2. Umumiy oʻrta taʼlim muassasalarida zamonamiz qahramonlarining serqirra faoliyatiga bagʻishlangan asarlar, hujjatli filmlar va roliklarning taqdimotlarini oʻtkazish.

3.Internetning milliy segmentiga moʻljallangan qiziqarli formatdagi kontentlarni koʻpaytirish.

2022 — 2026-yillar davomida muntazam

Ijrochilarning budjetdan tashqari mablagʻlari hisobidan

Oʻzbekiston Yozuvchilar uyushmasi,

Respublika Maʼnaviyat va maʼrifat markazi,

Kinematografiya agentligi, MTRK,

Xalq taʼlimi vazirligi

27.

Umumiy oʻrta taʼlim muassasalari kutubxonalarini Oʻzbekiston Qahramonlari, ilm-fan, madaniyat, adabiyot va sanʼat namoyandalarining ibratli faoliyati yoritilgan adabiyotlar bilan boyitib borish.

1. Umumiy oʻrta taʼlim muassasalari kutubxonalarini Oʻzbekiston Qahramonlari, ilm-fan, madaniyat, adabiyot va sanʼat namoyandalarining ibratli faoliyati yoritilgan adabiyotlar bilan toʻldirilganlik holatini oʻrganib chiqish.

2. Ushbu mavzuda yozilgan asarlar roʻyxatini shakllantirish, yangi ijodiy buyurtmalar berish va chop etish.

3. Oʻrganish yakunlaridan kelib chiqqan holda, mahalliy hokimliklar tomonidan tuman hokimliklarining qoʻshimcha manbalari hisobidan barcha maktablarni mazkur adabiyotlar bilan taʼminlash.

2022 — 2026-yillar davomida

Ijrochilarning budjetdan tashqari mablagʻlari hisobidan

Oʻzbekiston Yozuvchilar uyushmasi,

Respublika Maʼnaviyat va maʼrifat markazi,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

28.

“Muvaffaqiyatga erishish sirlari” loyihasi doirasida oʻz sohasida yuqori natijalarga erishgan yurtdoshlarimiz bilan doimiy uchrashuv va muloqotlar tashkil etish.

1. “Muvaffaqiyatga erishish sirlari” mavzusida oʻz sohasida yuqori natijalarga erishgan madaniyat, adabiyot, sanʼat va fan arboblari, tadbirkorlar ishtirokida “maktabbay” tizimidauchrashuvlar oʻtkazish.

2. Oʻquvchilarga uchrashuvlar taassurotlari asosida insholar yozdirish.

2022/2023 oʻquv yilidan boshlab muntazam

-

Xalq taʼlimi vazirligi,

Oʻzbekiston Yozuvchilar uyushmasi,

Respublika Maʼnaviyat va maʼrifat markazi

29.

Ilmiy va ijodiy maktab yaratgan atoqli olim va ijodkorlarning uy-muzeylari hamda ishxonalarida sayohat-darslar oʻtkazish.

1. Oʻquvchilarni mamlakatimizda ilmiy va ijodiy maktab yaratgan atoqli olim va ijodkorlarning uy-muzey hamda ishxonalariga sayohatga olib borish.

2. Mamlakatimizdagi atoqli olim va ijodkorlar bilan davra suhbatlari, uchrashuvlar, madaniy-maʼrifiy tadbirlar oʻtkazish.

2023/2024 oʻquv yilidan boshlab muntazam

Ijrochilarning budjetdan tashqari mablagʻlari hisobidan

Xalq taʼlimi vazirligi,

Oʻzbekiston Yozuvchilar uyushmasi,

Respublika Maʼnaviyat va maʼrifat markazi

30.

Ijodiy tanlovlar orqali iqtidorli oʻquvchilarni aniqlash va ularni munosib ragʻbatlantirish.

1. “Beruniy izdoshlari”, “Ulugʻbek vorislari”, “Navoiy avlodlari”, “Zulfiyaxonim qizlari” kabi mavzularda ijodiy ishlar tanlovlarini oʻtkazish tartibini ishlab chiqish.

2. Tanlovlarni belgilangan muddatlarda hamkor tashkilotlar bilan oʻtkazish.

3. Tanlov gʻoliblarini munosib ragʻbatlantirish.

2023 — 2026-yillarda muntazam

Mahalliy budjet mablagʻlari hisobidan

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

Xalq taʼlimi vazirligi

31.

“Yangi Oʻzbekistonning maʼnaviyat maskanlari” rukni ostida sayohatlar uyushtirish, oʻquvchilar oʻrtasida ijodiy ishlar va multimedia ishlanmalari tanlovlarini tashkil etish.

1. Yangi Oʻzbekistonning maʼnaviyat maskanlariga sayohatlar uyushtirish boʻyicha reja-jadvalni ishlab chiqish.

2. Reja-jadval asosida maʼnaviyat maskanlariga sayohatlar uyushtirish.

3. “Vatan manzaralari” mavzusida ijodiy ishlar tanlovini tashkil etish.

2023 — 2026-yillarda muntazam

Mahalliy budjet mablagʻlari hisobidan

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

Xalq taʼlimi vazirligi

V. Maktab, mahalla va oila hamkorligini mustahkamlash yoʻnalishi boʻyicha

32.

Oʻquvchilarning boʻsh vaqtini mazmunli oʻtkazish yuzasidan tashkil qilinadigan tadbirlarning taʼsirchanligini oshirish choralarini koʻrish.

1. Umumiy oʻrta taʼlim muassasalarida tashkil etilgan mavjud toʻgaraklarni tahlil qilish.

2. Tahlil natijasiga koʻra, boʻsh turgan binolarda “Barkamol avlod” bolalar maktablari tarmoq toʻgaraklarini tashkil etish.

3. Tashkil etilgan toʻgaraklar doirasida maktablararo tanlovlar oʻtkazish.

2022/2023 oʻquv yilidan boshlab muntazam

-

Xalq taʼlimi vazirligi,

Mahalla va nuroniylarni qoʻllab-quvvatlash vazirligi

33.

“Yoshlar daftari”, “Ayollar daftari”, “Temir daftar”ga kiritilgan oilalar farzandlarini moddiy va maʼnaviy qoʻllab-quvvatlash boʻyicha mahalla, maktab va oila hamkorligini mustahkamlash.

1. “Yoshlar daftari”, “Ayollar daftari”, “Temir daftar”ga kiritilgan oilalar farzandlari roʻyxatini shakllantirish.

2. Ularni moddiy va maʼnaviy qoʻllab-quvvatlash boʻyicha tegishli choralar koʻrish.

3. Ushbu toifadagi oilalar farzandlarini doimiy nazorat ostiga olish.

2022/2023 oʻquv yilidan boshlab muntazam

Jamgʻarma mablagʻlari hisobidan

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari,

Mahalla va nuroniylarni qoʻllab-quvvatlash vazirligi,

Yoshlar ishlari agentligi

34.

Muammoli oilalardagi muhitni sogʻlomlashtirish hamda notinch oilalar farzandlarini psixologik qoʻllab-quvvatlashning taʼsirchan choralarini qoʻllash boʻyicha maxsus treninglar tashkil etish.

1. Oʻquvchilar oʻrtasida ijtimoiy soʻrovlar oʻtkazish.

2. Soʻrov natijasida aniqlangan muammoli oila farzandlarini aniqlash.

3. Aniqlangan oʻquvchilarga maktab psixologlarini biriktirish va maʼnaviy sogʻlomlashtirishga qaratilgan treninglar tashkil etish

2022/2023 oʻquv yilidan boshlab muntazam

Xalq taʼlimi vazirligi,

Mahalla va nuroniylarni qoʻllab-quvvatlash vazirligi,

Ichki ishlar vazirligi, Yoshlar ishlari agentligi

35.

Oʻquvchilarni mahallalarda tashkil etiladigan xalq sayillari, umumxalq bayramlari, oʻyinlar va sport musobaqalariga keng jalb qilish orqali ularni milliy qadriyat va anʼanalarga hurmat ruhida tarbiyalash.

1. Mahallalarda tashkil etiladigan xalq sayillari, milliy oʻyinlar va sport musobaqalariga keng jalb qilish orqali oʻquvchilarni milliy qadriyat va anʼanalarga hurmat ruhida tarbiyalash.

2. Tadbirlarda faollik koʻrsatgan oʻquvchilarning ota-onasini ragʻbatlantirish va ularga minnatdorchilik xatlarini yuborish.

2022/2023 oʻquv yilidan boshlab muntazam

Ijrochilarning budjetdan tashqari mablagʻlari hisobidan

Yoshlar ishlari agentligi, Mahalla va nuroniylarni qoʻllab-quvvatlash vazirligi,

Respublika Maʼnaviyat va maʼrifat markazi,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

36.

Farzand tarbiyasida ota-onaning masʼuliyati mavzusidagi aforizmlarni “Kun hikmati” ruknida mobil aloqa operatorlari orqali yetkazishni tizimli yoʻlga qoʻyish.

1. Farzand tarbiyasiga oid aforizmlar bazasini shakllantirish.

2. “Kun hikmati” ruknida aforizmlarni mobil aloqa operatorlari orqali yetkazish.

2022/2023 oʻquv yilidan boshlab muntazam

Ijrochilarning budjetdan tashqari mablagʻlari hisobidan

Xalq taʼlimi vazirligi,

Axborot texnologiyalari va kommunikatsiyalarini rivojlantirish vazirligi

37.

Ota-onalarning farzand tarbiyasidagi masʼuliyatini oshirish maqsadida “Eng namunali ota-ona” tanlovini oʻtkazish va ularni munosib ragʻbatlantirish.

1. Tanlovni tashkil etish va oʻtkazish boʻyicha Nizom ishlab chiqish.

2022-yil dekabr

Ijrochilarning budjetdan tashqari mablagʻlari hisobidan

Mahalla va nuroniylarni qoʻllab-quvvatlash vazirligi,

Yoshlar ishlari agentligi,

Xalq taʼlimi vazirligi

2. Farzandi maktabda taʼlim olayotgan ota-onalarga tanlov toʻgʻrisida maʼlumot berish va tanlovda qatnashish istagini bildirgan ota-onalar roʻyxatini shakllantirish.

3.Tanlovni tashkil etish va gʻoliblarni ragʻbatlantirish, OAV orqali targʻibot qilish.

har yili oktabr oyida

38.

Oʻquvchilarning yosh psixologiyasiga bogʻliq feʼl-atvori hamda ruhiy olamidagi salbiy oʻzgarishlarni oila va maktab jamoasi bilan hamkorlikda bartaraf etish boʻyicha tizimli ishlarni amalga oshirish.

1. Yosh psixologiyasiga bogʻliq feʼl-atvori hamda ruhiy olamida salbiy oʻzgarishlar boʻlgan oʻquvchilar roʻyxatini shakllantirish.

2. Ular bilan psixologik treninglar oʻtkazish tartibi va muddatlarini belgilash.

3. Belgilangan tadbirlarni sifatli oʻtkazish va natijasini muntazam tahlil qilib borish.

4. Tahlil natijalariga koʻra aniq choralarni belgilash.

2022 — 2026-yillarda

-

Xalq taʼlimi vazirligi,

Ichki ishlar vazirligi

39.

Umumiy oʻrta taʼlim muassasalarida olib boriladigan tarbiyaviy ishlar samaradorligini oshirishda ota-ona, mahalla, maktab, huquqni muhofaza qilish organlari hamkorligini tubdan yaxshilash.

1. Umumiy oʻrta taʼlim muassasalarida olib boriladigan tarbiyaviy ishlar samaradorligini oshirishga qaratilgan qoʻshma chora-tadbirlar rejasini ishlab chiqish.

2. Chora-tadbirlar rejasi doirasida belgilangan vazifalarning ijrosini taʼminlash.

3. Oʻquvchi tarbiyasida mahalla faollari va huquqni muhofaza qilish organlari xodimlarining tizimli ishtirokini taʼminlash.

2022 — 2026-yillarda

-

Mahalla va nuroniylarni qoʻllab-quvvatlash vazirligi,

Ichki ishlar vazirligi,

Xalq taʼlimi vazirligi

40.

“Uch avlod uchrashuvi” loyihasida maktab va mahallalarda turli avlod vakillari va oʻquvchilar ishtirokida muloqotlar tashkil etish.

1. Urush va mehnat faxriylari, isteʼfodagi harbiylar ishtirokida uch avlod uchrashuvlarini tashkil etish.

2. “14-yanvar — Vatan himoyachilari kuni” arafasida oʻquvchilarning harbiy qismlarga sayohatlarini tashkil etish.

3. “9-may — Xotira va qadrlash kuni” munosabati bilan “Eʼzoz” loyihasini amalga oshirish.

4. “Sinf soati” doirasida oʻquvchilar ongida vatanparvarlik hissini rivojlantirish maqsadida “ochiq dars”lar tashkil etish.

2022 — 2026-yillar davomida

Ijrochilarning budjetdan tashqari mablagʻlari hisobidan

Mahalla va nuroniylarni qoʻllab quvvatlash vazirligi,

Xalq taʼlimi vazirligi,

Mudofaa vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

41.

“Maʼnaviy barkamol avlod — barqaror jamiyat bunyodkori” tamoyili asosida oʻquvchilarda turli gʻoyaviy xavf-xatarlardan himoyalanish immunitetini shakllantirish.

1. “Bir tahdidga besh zarba” texnologiyasi asosida oʻquvchilarda Internet jahon axborot tarmogʻidan foydalanish madaniyatini shakllantirishga qaratilgan oʻquv-seminarlar, treninglar tashkil qilish.

2. Oʻquvchilarda yot taʼsirlarga qarshi mustahkam immunitetni shakllantirish maqsadida “Jaholatga qarshi maʼrifat” mavzusida taniqli diniy ulamo va mutaxassislar bilan uchrashuvlar uyushtirish.

3. Oʻquvchilarni mamlakatimizda diniy-maʼrifiy sohalarda amalga oshirilayotgan ishlar bilan yaqindan tanishtirish, ular oʻrtasida diniy bagʻrikenglik gʻoyasini keng targʻib qilish maqsadida Oʻzbekistondagi Islom sivilizatsiyasi markazi, Bahouddin Naqshband, Imom Buxoriy, Imom Termiziy singari yirik diniy-maʼrifiy majmualarga oʻquvchilarning tashriflarini tashkil qilish.

2023 — 2026-yillar davomida

Ijrochilarning budjetdan tashqari mablagʻlari hisobidan

Xalq taʼlimi vazirligi,

Axborot va ommaviy kommunikatsiyalar agentligi,

Madaniyat vazirligi,

Respublika Maʼnaviyat va maʼrifat markazi, Oʻzbekiston Yozuvchilar uyushmasi,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Vazirlar Mahkamasining 2022-yil 3-oktabrdagi 558-son qaroriga
3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Davlat umumiy oʻrta taʼlim muassasalari oʻquvchilarini zamonaviy yagona maktab formasi bilan taʼminlash chora-tadbirlari toʻgʻrisida” 2018-yil 15-avgustdagi 666-son qarorida:
a) 3-band quyidagi tahrirda bayon etilsin:
“3. Belgilansinki, oʻquvchilarning davlat umumiy oʻrta taʼlim muassasasiga 1-ilovaga muvofiq tasdiqlangan shakllardagi yagona maktab formasi bosqichma-bosqich joriy etiladi”;
b) 7-bandda:
uchinchi xatboshi chiqarib tashlansin;
toʻrtinchi xatboshi uchinchi xatboshi deb hisoblansin;
v) 2-ilovaning 6-bandi uchinchi xatboshisidagi “5 — 15 sm” soʻzlari “kamida 5 — 15 sm” soʻzlari bilan almashtirilsin.
2. Vazirlar Mahkamasining “Bolalarni boshlangʻich taʼlimga majburiy bir yillik tayyorlash tizimini yanada rivojlantirish chora-tadbirlari toʻgʻrisida” 2020-yil 9-martdagi 132-son qarorida:
a) 3-bandning toʻrtinchi xatboshisi quyidagi tahrirda bayon etilsin:
“Maktabgacha taʼlim vazirligining “Bolalar bogʻchasi” axborot tizimidagi davlat va nodavlat maktabgacha taʼlim tashkilotlari tomonidan hamda ulardan tashqari tashkil etilgan tayyorlov guruhlarida boshlangʻich taʼlimga majburiy bir yillik tayyorgarlikdan oʻtgan bolalar haqidagi maʼlumotlar Xalq taʼlimi vazirligining Yagona elektron tizimiga avtomatik tarzda yuboriladi (kiritiladi)”;
b) 5-bandda:
toʻrtinchi xatboshidagi “3-ilovaga muvofiq” soʻzlari “3-ilovaga muvofiq tasdiqlansin” soʻzlari bilan almashtirilsin;
beshinchi xatboshi chiqarib tashlansin;
v) 9 va 10-bandlar oʻz kuchini yoʻqotgan deb hisoblansin;
g) 4-ilova oʻz kuchini yoʻqotgan deb hisoblansin.
3. Vazirlar Mahkamasining “Davlat umumiy oʻrta taʼlim muassasalari oʻquvchilarini zamonaviy yagona maktab formasi bilan taʼminlashning qoʻshimcha chora-tadbirlari toʻgʻrisida” 2022-yil 19-maydagi 271-son qarorida:
a) 1-bandning “b”-kichik bandidan “, 2024/2025 oʻquv yilidan boshlab esa majburiy” soʻzlari chiqarib tashlansin;
b) 2-band oʻz kuchini yoʻqotgan deb hisoblansin.
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilova 801-bandining “b” kichik bandi oʻz kuchini yoʻqotgan deb hisoblansin.
(Qonunchilik maʼlumotlari milliy bazasi, 04.10.2022-y., 09/22/558/0887-son)