Oʻzbekiston Respublikasi Prezidentining

Qarori

Tomorqadan foydalanish samaradorligini oshirish, shuningdek, aholining tadbirkorlik tashabbuslarini moliyaviy qoʻllab-quvvatlash boʻyicha qoʻshimcha chora-tadbirlar toʻgʻrisida

Tomorqa xoʻjaliklarida mahsulot yetishtirishni koʻpaytirish orqali aholi daromadini oshirish, ichki bozorni oziq-ovqat mahsulotlari bilan toʻldirish, tomorqada yetishtirilgan mahsulotlarni kafolatli xarid qilish tizimini yaratish, shuningdek, har bir tumanda tomorqa yer egalari va ishlab chiqaruvchilar oʻrtasida kooperatsiya aloqalarini rivojlantirish maqsadida:

Oldingi tahrirga qarang.

1. Tomorqada mahsulot yetishtirishni qoʻllab-quvvatlash maqsadida Tiklanish va taraqqiyot jamgʻarmasi mablagʻlari hisobidan 100 million AQSH dollari ekvivalenti miqdoridagi qarz mablagʻlari quyidagi bosqichlarda Kambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasiga (keyingi oʻrinlarda — Jamgʻarma) milliy valyutada 4 yillik imtiyozli davr bilan 11 yil muddatga yillik 2 foiz stavkada yoʻnaltirilsin:

(1-bandning birinchi xatboshisi Oʻzbekiston Respublikasi Prezidentining 2026-yil 5-fevraldagi PQ-49-sonli qarori tahririda — Qonunchilik maʼlumotlari milliy bazasi, 09.02.2026-y., 07/26/49/0121-son)

1-bosqichda — 50 million AQSH dollari ekvivalenti miqdoridagi mablagʻlar 2022-yil 1-yanvarga qadar;

Oldingi tahrirga qarang.

2-bosqichda — 17,2 million AQSH dollari ekvivalenti miqdoridagi mablagʻlar 1-bosqich mablagʻlaridan foydalanish samaradorligi natijalariga koʻra 2022-yil 1-iyunga qadar.

(1-bandning uchinchi xatboshisi Oʻzbekiston Respublikasi Prezidentining 2024-yil 25-dekabrdagi PQ-455-sonli qarori tahririda — Qonunchilik maʼlumotlari milliy bazasi, 30.12.2024-y., 07/24/455/1092-son. Kuchga kirish sanasi — 2025-yil 1-yanvar)

2. Mazkur qarorning 1-bandida belgilangan mablagʻlar tijorat banklariga resurs sifatida yoʻnaltirilgan holda, tomorqachilik loyihalarini kreditlash uchun oilaviy tadbirkorlikni rivojlantirish dasturlarida belgilangan shartlar asosida:

a) tomorqa yer egalariga:

qoida tariqasida, 100 bosh parranda, 5 — 10 bosh kurka, 20 bosh quyon, 5-6 bosh qoʻy va echki, 5 ta asalari uyasi, intensiv usulda baliq boqishni yoʻlga qoʻyish, shuningdek, ixcham issiqxonalar, “dala doʻkonlari” qurish, artezian quduqlarini qazish;

kichik intensiv bogʻdorchilik, limonchilik va uzumchilik;

poliz, dukkakli, moyli ekinlar, kartoshka yetishtirish va sabzavotchilik uchun kredit ajratiladi;

b) tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimi yordamchisining (keyingi oʻrinlarda — hokim yordamchisi) tavsiyasiga koʻra “Tomorqa xizmati” MCHJlarga urugʻlik va koʻchat, motokultivator va minitraktor, inkubator xarid qilish hamda aylanma mablagʻ uchun 300 million soʻmgacha garovsiz kredit ajratiladi.

Bunda, “Tomorqa xizmati” MCHJlarga beriladigan kreditlar boʻyicha Jamgʻarma mablagʻlari garov taʼminoti sifatida qabul qilinadi;

Oldingi tahrirga qarang.

Mazkur garovsiz kreditlar qaytmasligi xavfi tashabbuskor hisobidan kredit olishdan oldin sugʻurtalanadi, tashabbuskor tomonidan kredit evaziga olingan asosiy vositalarga tijorat banki tomonidan taqiq qoʻyiladi.

Jamgʻarmaning Vasiylik kengashi qaroriga asosan “Tomorqa xizmati” MCHJlarga 300 million soʻmgacha ajratilgan garovsiz kredit uchun Jamgʻarmaning tijorat banklari tomonidan garovga (depozit) olingan mablagʻlarining akseptsiz undirilgan qismini qoplash maqsadida, mablagʻlarni tijorat banklariga joylashtirishdan olinadigan Jamgʻarmaning daromadlari hisobidan zaxira yaratiladi hamda Jamgʻarmaning tijorat banklari tomonidan garovga (depozit) olingan mablagʻlarining akseptsiz undirilgan qismi mazkur zaxira mablagʻlari hisobidan qoplab boriladi.

(2-bandning “b” kichik bandi Oʻzbekiston Respublikasi Prezidentining 2022-yil 12-oktabrdagi PQ-394-sonli qaroriga asosan xatboshilar bilan toʻldirilgan — Qonunchilik maʼlumotlari milliy bazasi, 13.10.2022-y., 07/22/394/0920-son)

v) yetakchi tadbirkorlik subyektlariga aholi tomorqalarida qishloq xoʻjaligi mahsulotlarini kooperatsiya asosida yetishtirish va yetishtirilgan mahsulotlarni xarid qilish uchun aylanma mablagʻlarni toʻldirishga kreditlar ajratiladi.

Oldingi tahrirga qarang.

3. Belgilansinki, Jamgʻarma tomonidan:

(3-bandning birinchi xatboshisi Oʻzbekiston Respublikasi Prezidentining 2026-yil 5-fevraldagi PQ-49-sonli qarori tahririda — Qonunchilik maʼlumotlari milliy bazasi, 09.02.2026-y., 07/26/49/0121-son)

Oldingi tahrirga qarang.

(3-bandning ikkinchi xatboshisi Oʻzbekiston Respublikasi Prezidentining 2026-yil 5-fevraldagi PQ-49-sonli qaroriga asosan chiqarilgan — Qonunchilik maʼlumotlari milliy bazasi, 09.02.2026-y., 07/26/49/0121-son)

Oldingi tahrirga qarang.

suv taʼminoti ogʻir tomorqa va ijara yer maydonlarini sugʻorish uchun tik quduqlarni burgʻilash va quvvati 10 kVt soatdan kam boʻlmagan quyosh panelini oʻrnatish uchun xarajatlarning 70 foizi, biroq 200 mln soʻmdan oshmagan miqdorda subsidiya ajratiladi.

(3-bandning ikkinchi xatboshisi Oʻzbekiston Respublikasi Prezidentining 2026-yil 5-fevraldagi PQ-49-sonli qarori tahririda — Qonunchilik maʼlumotlari milliy bazasi, 09.02.2026-y., 07/26/49/0121-son)

Oldingi tahrirga qarang.

joriy yilda burgʻilangan vertikal sugʻorish quduqlarini ishga tushirish bilan bogʻliq xarajatlarni qoplash boʻyicha tegishli hujjatlar keyingi yilning ikkinchi choragiga qadar qabul qilinadi hamda ushbu xarajatlar hujjatlar qabul qilingan yil mablagʻlari hisobidan qoplab beriladi.

(3-band Oʻzbekiston Respublikasi Prezidentining 2022-yil 12-oktabrdagi PQ-394-sonli qaroriga asosan toʻrtinchi xatboshi bilan toʻldirilgan — Qonunchilik maʼlumotlari milliy bazasi, 13.10.2022-y., 07/22/394/0920-son)

Bunda:

Oldingi tahrirga qarang.

suv taʼminoti ogʻir tomorqa va ijara yer maydonlarini sugʻorish uchun tik quduqlarni burgʻilash va quyosh panelini oʻrnatish xarajatlarini qoplash uchun har yili Davlat budjetidan Jamgʻarmaga tegishli mablagʻ yoʻnaltiriladi;

(3-bandning beshinchi xatboshisi Oʻzbekiston Respublikasi Prezidentining 2026-yil 5-fevraldagi PQ-49-sonli qarori tahririda — Qonunchilik maʼlumotlari milliy bazasi, 09.02.2026-y., 07/26/49/0121-son)

suv taʼminoti ogʻir tomorqa yerlari va foydalanishdan chiqqan maydonlarni sugʻorish uchun vertikal sugʻorish quduqlarini burgʻulash, daryolar, kanallar va boshqa suv obyektlaridan suv chiqarish vositalarini sotib olish va oʻrnatish xarajatlarining bir qismini qoplash uchun 2026-yil 1-yanvarga qadar har yili Davlat budjetidan Jamgʻarmaga mablagʻ yoʻnaltiriladi;

omborxonalarni jihozlash, sotib olinayotgan quritish, saralash va qadoqlash uskunalari yuzasidan Iqtisodiy taraqqiyot va kambagʻallikni qisqartirish vazirligi huzuridagi “Loyihalarni va import kontraktlarini kompleks ekspertiza qilish markazi” DUK tomonidan xulosa beriladi.

Vazirlar Mahkamasi bir oy muddatda tomorqa yer egalari bilan kooperatsiya asosida ish tashkil etgan tadbirkorlik subyektlariga omborxonalarni jihozlash, shuningdek, quritish, saralash va qadoqlash uskunalarini xarid qilish xarajatlarining bir qismiga subsidiya ajratish tartibini tasdiqlasin.

Oldingi tahrirga qarang.

3¹. 2022-yil 1-apreldan 2024-yil 1-yanvarga qadar motokultivatorlar (TIF TN kodi — 8432 29 100 0) va minitraktorlarni (TIF TN kodi — 8701 91 100 0 — 8701 94 100) olib kirishda bojxona bojining nol stavkalari belgilansin.

(3¹-band Oʻzbekiston Respublikasi Prezidentining 2022-yil 1-apreldagi PF-95-sonli Farmoniga asosan kiritilgan — Qonunchilik maʼlumotlari milliy bazasi, 01.04.2022-y., 06/22/95/0267-son)

4. Qoraqalpogʻiston Respublikasi Vazirlar Kengashi Raisi, viloyatlar hokimlariga hokim yordamchilari bilan birgalikda quyidagi yangi vazifalar yuklatilsin:

tomorqa xoʻjaliklari bilan agrosanoat klasterlari, tayyorlov, qayta ishlash va eksportyor korxonalarni jalb etgan holda kooperatsiya aloqalarini tashkil etishga koʻmaklashish;

aholi xonadonlarida, qoida tariqasida, 100 bosh parranda, 5 — 10 bosh kurka, 20 bosh quyon, 5-6 bosh qoʻy va echki, 5 ta asalari uyasi boqishni tashkil etish;

mahsulot yetkazib beruvchi va xizmatlar koʻrsatuvchi tashkilotlar roʻyxatini shakllantirgan holda, joylarda “tarqatish va mahsulotlarni yigʻib olish boʻyicha mobil xizmatlar” faoliyatini yoʻlga qoʻyish;

“xonadonbay” ishlash asosida hududlarning tuproq-iqlim sharoiti va hudud aholisining tajribasidan kelib chiqqan holda tomorqa xoʻjaliklarini “Bir mahalla — bir mahsulot” tamoyili asosida mahsulot yetishtirishga ixtisoslashtirish;

har bir mahallada kooperatsiya asosida parranda, quyonchilik, qoʻy-echkichilik, asalarichilik va boshqa qishloq xoʻjaligi mahsulotlarini yetishtirish bilan shugʻullanish istagini bildirgan yetakchi tadbirkorlarni aniqlash.

5. Quyidagilar:

2022-yilda faoliyati klaster usulida tashkil etiladigan “Tomorqa xizmati” MCHJlar roʻyxati 1-ilovaga muvofiq;

Oldingi tahrirga qarang.

2022-yilda suv taʼminoti ogʻir hududlardagi aholi tomorqa yerlari va dehqon xoʻjaliklarini sugʻorish uchun vertikal sugʻorish quduqlarini ishga tushirishning prognoz koʻrsatkichlari 2-ilovaga muvofiq tasdiqlansin.

(5-bandning uchinchi xatboshisi Oʻzbekiston Respublikasi Prezidentining 2022-yil 12-oktabrdagi PQ-394-sonli qarori tahririda — Qonunchilik maʼlumotlari milliy bazasi, 13.10.2022-y., 07/22/394/0920-son)

6. Tuman fermer, dehqon xoʻjaliklari va tomorqa yer egalari kengashlari huzuridagi Fermer xoʻjaliklarida buxgalteriya hisobi va hisobotini yuritish markazlarining mavjud shtatlari doirasida aholi xonadonlarida tomorqadan samarali foydalanish boʻyicha bittadan agronom shtati tashkil etilsin.

7. “Agrobank” ATB shaxsiy tomorqalardan samarali foydalanishni targʻib qilish maqsadida 2022-yil 1-aprelga qadar jismoniy shaxslar uchun moʻljallangan, aholi tomorqalarida yetishtirilgan qishloq xoʻjaligi mahsulotlarini marketpleys usulida sotishni yoʻlga qoʻyish, qishloq xoʻjaligi mahsulotlari yetishtirish boʻyicha onlayn maslahatlar koʻrsatuvchi maxsus platformani ishga tushirsin.

Bunda, “Agrobank” ATBning platformaga ulanish va xizmatlardan foydalanishni bepul qilib belgilash toʻgʻrisidagi taklifi maʼqullansin.

8. Belgilansinki, har bir tumanda Veterinariya va chorvachilikni rivojlantirish davlat qoʻmitasi hamda boshqa manfaatdor idoralarning masʼul xodimlaridan iborat (ish haqi saqlangan holda) xonadonlarda parrandachilikni yoʻlga qoʻyish boʻyicha yuridik shaxs maqomiga ega boʻlmagan doimiy loyiha ofisi tashkil etiladi.

Qoraqalpogʻiston Respublikasi Vazirlar Kengashi va viloyatlar hokimliklari Bandlik va mehnat munosabatlari vazirligi (N.B. Xusanov), Veterinariya va chorvachilikni rivojlantirish davlat qoʻmitasi (B.T. Norqobilov), “Parrandasanoat” uyushmasi (B.I. Isayev), manfaatdor idoralar bilan birgalikda:

bir oy muddatda xonadonlarda parrandachilikni yoʻlga qoʻyish boʻyicha loyiha ofislarini tashkil etish choralarini koʻrsin;

ikki oy muddatda hudud ehtiyojidan kelib chiqib, xonaki parrandalar naslchiligi korxonalarini tashkil etsin;

2022-yilda joylardagi ehtiyojni oʻrganib va hududlarning iqlim sharoitidan kelib chiqib, Xitoy, Rossiya va boshqa mamlakatlardan xonaki parranda tuxumlarini olib kelish hamda aholiga tarqatish choralarini koʻrsin.

9. Davlat soliq qoʻmitasi (Sh.D. Kudbiyev), Bandlik va mehnat munosabatlari vazirligi (N.B. Xusanov) hokim yordamchilari bilan birgalikda mazkur qaror doirasida ajratilgan kredit resurslari hisobiga doimiy va barqaror daromad manbaiga ega boʻlgan fuqarolarga qonunchilikda belgilangan tartibda oʻzini oʻzi band qilgan shaxs sifatida roʻyxatdan oʻtishlariga koʻmaklashsin.

LexUZ sharhi

Qarang: Vazirlar Mahkamasining 2020-yil 23-dekabrdagi 806-son qarori bilan tasdiqlangan Oʻzini oʻzi band qilgan shaxs sifatida faoliyatni amalga oshirish tartibi toʻgʻrisidagi nizom.

Oldingi tahrirga qarang.

10. Hokim yordamchilariga tuman kambagʻallikni qisqartirish va bandlikka koʻmaklashish boʻlimi, tomorqa yer egalari, “Tomorqa xizmati” MCHJ va boshqa tadbirkorlik subyektlari bilan hamkorlikni yoʻlga qoʻygan holda, quyidagi vazifalar yuklansin:

(10-bandning birinchi xatboshisi Oʻzbekiston Respublikasi Prezidentining 2025-yil 14-fevraldagi PF-22-sonli Farmoni tahririda — Qonunchilik maʼlumotlari milliy bazasi, 18.02.2025-y., 06/25/22/0156-son)

uyma-uy yurish orqali tomorqa yer egalarining yer uchastkalaridan maqsadli va samarali foydalanilishini, shu jumladan yerni tayyorlash, urugʻ, koʻchat va daraxtlar ekish, issiqxonalar qurish, chorva va parrandalarni koʻpaytirish holatini, ushbu qaror doirasida tomorqa yer egalari, “Tomorqa xizmati” MCHJ va boshqa tadbirkorlik subyektlariga ajratilgan kreditlarning maqsadli ishlatilishini, shuningdek, mazkur shaxslar oʻrtasidagi shartnoma munosabatlariga rioya etilishini davriy monitoring qilib borish;

tomorqa yerlaridan samarali foydalanish, aholi tomorqalarini xizmatlar bilan qamrab olish darajasini oshirish, shuningdek, mahsulotlarni eksport qilish imkoniyatlarini yanada koʻpaytirish.

11. Quyidagilar:

a) Oʻzbekiston Respublikasi Bosh vazirining oʻrinbosari Sh.M. Gʻaniyev, Oʻzbekiston fermer, dehqon xoʻjaliklari va tomorqa yer egalari kengashi raisi A.A. Xaitov, qishloq xoʻjaligi vaziri J.A. Xodjayev:

Qoraqalpogʻiston Respublikasi Vazirlar Kengashi Raisi, viloyatlar va tumanlar hokimlari bilan birgalikda tomorqa yer uchastkalaridan samarali foydalanilishi boʻyicha ishlarni manzilli tashkil etsin;

bir oy muddatda tomorqa yer egalari va kooperatsiyalarni mahsulot ishlab chiqarishning yangi texnologiyalariga oʻrgatish, kooperatsiya aʼzolarining yerlarida agrotexnik tadbirlar monitoringini oʻtkazish, ishlab chiqariladigan mahsulotlarning tashqi bozorlarda marketing tadqiqotlarini oʻtkazish boʻyicha qisqa muddatli amaliy oʻquv mashgʻulotlarini tashkil etish boʻyicha reja ishlab chiqsin;

bir oy muddatda tomorqa yerlarida kichik intensiv bogʻdorchilik, limonchilik va uzumchilik, poliz, dukkakli, moyli ekinlar, kartoshka va boshqa qishloq xoʻjaligi mahsulotlarini yetishtirish boʻyicha namunaviy texnologik xaritalarni, parranda, quyon, qoʻy va echki, asalari uyalari, intensiv usulda baliq boqish, shuningdek, ixcham issiqxonalar tashkil etish boʻyicha texnologik tavsiyalarni ishlab chiqsin va ushbu yoʻnalishlarda internet tarmogʻi orqali onlayn maslahat berib borilishini yoʻlga qoʻysin. Tijorat banklari kreditni rasmiylashtirish jarayonida qarz oluvchilarning haqiqiy ehtiyojini aniqlash va kreditni qaytarish muddatlarini belgilashda texnologik xarita va tavsiyalarni inobatga olsin;

b) Qoraqalpogʻiston Respublikasi Vazirlar Kengashi va viloyatlar hokimliklari Veterinariya va chorvachilikni rivojlantirish davlat qoʻmitasi (B.T. Norqobilov), “Oʻzbekchorvanasl” agentligi (B.T. Atamuratov), “Parrandasanoat” uyushmasi (B.I. Isayev) bilan birgalikda bir oy muddatda har bir tumanda veterinariya xizmatlarini koʻrsatish va ozuqa-yem tarqatish, aholini oʻqitish markazlarini tashkil etsin;

v) Bosh prokuratura (Sh.J. Raximov), Korrupsiyaga qarshi kurashish agentligi (A.E. Burxanov), Hisob palatasi (B.T. Turabov) mazkur qaror doirasida ajratilayotgan mablagʻlarning ochiqlik va oshkoralik tamoyili asosida maqsadli ajratilishi va sarflanishi ustidan doimiy nazorat oʻrnatsin hamda har yarim yilda Oʻzbekiston Respublikasi Prezidenti Administratsiyasiga axborot kiritib borsin.

12. Oʻzbekiston Milliy axborot agentligi, Oʻzbekiston Milliy teleradiokompaniyasi Oʻzbekiston fermer, dehqon xoʻjaliklari va tomorqa yer egalari kengashi bilan birgalikda “Oʻzbekiston 24” va “Mahalla” telekanallarida tomorqa xoʻjaliklarida ochiq va yopiq usulda qishloq xoʻjaligi mahsulotlari yetishtirish borasida aholining bilim va koʻnikmalarini oshirishga qaratilgan telekoʻrsatuvlar namoyish etilishini tizimli tashkil etsin.

13. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston fermer, dehqon xoʻjaliklari va tomorqa yer egalari kengashi, Qishloq xoʻjaligi vazirligi bilan birgalikda har bir hududda ochiq va yopiq usulda sabzavot mahsulotlari yetishtirish hamda ularning eksportini rivojlantirish maqsadida oilaviy tadbirkorlikni rivojlantirish dasturlari doirasida loyihalar sonini koʻpaytirish uchun mahallalarda taqdimotlar va seminarlar oʻtkazilishini taʼminlasin.

14. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga 3-ilovaga muvofiq oʻzgartirish va qoʻshimchalar kiritilsin.

15. Oʻzbekiston Fermer, dehqon xoʻjaliklari va tomorqa yer egalari kengashi Qishloq xoʻjaligi vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

16. Mazkur qaror ijrosini samarali tashkil qilishga masʼul va shaxsiy javobgar etib Oʻzbekiston fermer, dehqon xoʻjaliklari va tomorqa yer egalari kengashi raisi A.A. Xaitov, iqtisodiy taraqqiyot va kambagʻallikni qisqartirish vazirining birinchi oʻrinbosari S.M. Xolxoʻjayev, Bogʻdorchilik va issiqxona xoʻjaligini rivojlantirish agentligi direktori X.M. Karimov hamda Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.

Qaror ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari Sh.M. Gʻaniyev va J.A. Qoʻchqorov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 16-dekabr,

PQ-54-son

Oʻzbekiston Respublikasi Prezidentining 2021-yil 16-dekabrdagi PQ-54-son qaroriga
1-ILOVA

2022-yilda faoliyati klaster usulida tashkil etiladigan “Tomorqa xizmati” MCHJlar

ROʻYXATI*

T/r	Nomlanishi	Tumani
	Qoraqalpogʻiston Respublikasi
1.	“Beruniy agrobusines tomorqa xizmati” MCHJ	Beruniy
2.	“El agro tomorqa klaster” MCHJ	Ellikqalʼa
	Andijon viloyati
3.	“Oltinkoʻl tomorqa xizmatlari” MCHJ	Oltinkoʻl
4.	“Obod Diyor tomorqa xizmati” MCHJ	Asaka
	Buxoro viloyati
5.	“Tomorqa xizmati klaster agrokapital” MCHJ	Buxoro
6.	“Gʻijduvon agro tomorqa xizmat klasteri” MCHJ	Gʻijduvon
	Jizzax viloyati
7.	“Doʻstlik tomorqa xizmat koʻrsatish” MCHJ	Doʻstlik
8.	“Boʻston agrosnap tomorqa xizmati” MCHJ	Sharof Rashidov
	Qashqadaryo viloyati
9.	“Dilziyo tomorqa xizmati” MCHJ	Qarshi
10.	“Azamat Sattarov Garden Services” MCHJ	Shahrisabz
11.	“Chiroqchi sifatli tomorqa xizmati koʻrsatish” MCHJ	Chiroqchi
	Navoiy viloyati
12.	“Lochin baraka tomorqa xizmati” MCHJ	Karmana
13.	“Yangirabod tomorqa xizmati klasteri” MCHJ	Xatirchi
14.	“Shavkat bobo tomorqa xizmati klasteri 2021” MCHJ	Konimex
15.	“Qiziltepa tomorqa xizmati klasteri” MCHJ	Qiziltepa
	Namangan viloyati
16.	“Kosonsoy klaster tomorqa xizmati” MCHJ	Kosonsoy
17.	“Norin tomorqa xizmat” MCHJ	Norin
	Samarqand viloyati
18.	“Qayroqli tezkor tomorqa xizmati” MCHJ	Urgut
19.	“Dilbar sifat urugʻ tomorqa xizmat” MCHJ	Bulungʻur
20.	“Paxtachi agrohamkor tomorqa xizmati” MCHJ	Paxtachi
21.	“Oqoltin bogʻbonlari tomorqa xizmati” MCHJ	Pastdargʻom
	Sirdaryo viloyati
22.	“Sayxun Eldorbek tomorqa xizmati”	Sayxunobod
23.	“Forish sunrise Foods tomorqa xizmati” MCHJ	Sardoba
	Surxondaryo viloyati
24.	“Grand Garden tomorqa xizmati” MCHJ	Boysun
25.	“Buyuk kelajak agro tomorqa xizmati” MCHJ	Qumqoʻrgʻon
26.	“Oftobqoʻrgʻon tomorqa xizmati” MCHJ	Jarqoʻrgʻon
27.	“Baqtriya agro tomorqa xizmati” MCHJ	Angor
	Toshkent viloyati
28.	“Dry Garden tomorqa xizmati” MCHJ	Ohangaron
29.	“Parkent ziyo nur tomorqa xizmat” MCHJ	Parkent
	Fargʻona viloyati
30.	“Xan gurup tomorqa xizmati” MCHJ	Quvasoy sh.
31.	“Taʼminot tomorqa xizmati” MCHJ	Bagʻdod
32.	“Roshidon tomorqa xizmati” MCHJ	Rishton
33.	“Green valleys star tomorqa xizmati” MCHJ	Furqat
34.	“Nuriddinjon kelajagi tomorqa xizmati” MCHJ	Oʻzbekiston
	Xorazm viloyati
35.	“Yangibozor tomorqa xizmat” MCHJ	Yangibozor
36.	“Xorazm agro tomorqa xizmati” MCHJ	Urganch

Izoh: mazkur klasterlarda koʻchatchilik issiqxonasi, texnika parki, yuk saqlash omborxonasi, sovitkichli omborxona, urugʻ, koʻchat, oʻgʻit, kimyoviy vositalar doʻkoni, ixcham issiqxonalar qurish sexi, mevani quritish va qayta ishlash sexi, inkubator, sunʼiy qochirish punkti, sutni qabul qilish punkti, yem ishlab chiqarish sexi, saralash va qadoqlash sexi faoliyati yoʻlga qoʻyiladi.

* Mazkur roʻyxatga Qoraqalpogʻiston Respublikasi Vazirlar Kengashi hamda viloyatlar hokimliklari tomonidan Oʻzbekiston fermer, dehqon xoʻjaliklari va tomorqa yer egalari kengashi bilan kelishgan holda oʻzgartirish kiritilishi mumkin.

Oʻzbekiston Respublikasi Prezidentining 2021-yil 16-dekabrdagi PQ-54-son qaroriga
2-ILOVA

Oldingi tahrirga qarang.

2022-yilda suv taʼminoti ogʻir hududlardagi aholi tomorqa yerlari va dehqon xoʻjaliklarini sugʻorish uchun vertikal sugʻorish quduqlarini ishga tushirishning

PROGNOZ KOʻRSATKICHLARI*

T/r	Hududlar nomi	Tumanlar soni	Mahallalar soni	Jami quduqlar soni	Shundan:
T/r	Hududlar nomi	Tumanlar soni	Mahallalar soni	Jami quduqlar soni	kichik quduqlar soni	katta quduqlar soni
1.	Qoraqalpogʻiston Respublikasi	15	89	337	331	6
2.	Andijon viloyati	10	37	54	17	37
3.	Buxoro viloyati	7	107	145	42	103
4.	Jizzax viloyati	9	64	207	134	73
5.	Qashqadaryo viloyati	7	104	333	268	65
6.	Navoiy viloyati	7	112	407	224	183
7.	Namangan viloyati	9	68	90	20	70
8.	Samarqand viloyati	12	72	128	11	117
9.	Surxondaryo viloyati	11	87	133	88	45
10.	Sirdaryo viloyati	4	18	29		29
11.	Toshkent viloyati	7	16	51	30	21
12.	Fargʻona viloyati	17	125	149	59	90
13.	Xorazm viloyati	7	49	100		100
Respublika boʻyicha:		122	948	2 163	1 224	939

* Mazkur prognoz koʻrsatkichlariga Qoraqalpogʻiston Respublikasi Vazirlar Kengashi va viloyatlar hokimliklarining takliflariga asosan Oʻzbekiston fermer, dehqon xoʻjaliklari va tomorqa yer egalari kengashi tomonidan Mahalla va nuroniylarni qoʻllab-quvvatlash vazirligi hamda Suv xoʻjaligi vazirligi bilan kelishilgan holda oʻzgartirishlar kiritilishi mumkin.

(2-ilova matni Oʻzbekiston Respublikasi Prezidentining 2022-yil 12-oktabrdagi PQ-394-sonli qarori tahririda — Qonunchilik maʼlumotlari milliy bazasi, 13.10.2022-y., 07/22/394/0920-son)

Oʻzbekiston Respublikasi Prezidentining 2021-yil 16-dekabrdagi PQ-54-son qaroriga
3-ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Oʻzbekiston Respublikasi Prezidentining 2018-yil 2-iyuldagi “Fermer xoʻjaliklarida hisob tizimini tubdan yaxshilash va ularga bank xizmatlari koʻrsatishni takomillashtirishning qoʻshimcha chora-tadbirlari toʻgʻrisida”gi PQ-3824-son qarorida:

a) 1-bandning uchinchi xatboshisi quyidagi mazmundagi uchinchi — beshinchi xatboshilar bilan almashtirilsin:

“Belgilab qoʻyilsinki:

markazlar yuridik shaxs sifatida tashkil etiladi, bankda hisob raqamlariga, shaxsiy gʻazna hisob raqamlariga, oʻz nomi davlat tilida yozilgan muhrga ega boʻladi;

Markaz direktori egallab turgan lavozimiga koʻra tuman kengashi raisi oʻrinbosari hisoblanadi, lavozimga hududiy fermer, dehqon xoʻjaliklari va tomorqa yer egalari kengashi raisining buyrugʻi bilan tayinlanadi”;

b) 2-bandning yettinchi xatboshi quyidagi mazmundagi yettinchi — toʻqqizinchi xatboshilar bilan almashtirilsin:

“fermer xoʻjaligining yil yakuniga koʻra daromadlari va xarajatlarini tahlil qilish, tijorat banklaridan kredit olishi uchun zarur hujjatlarni tayyorlash va keyingi yil uchun biznes reja tuzish, moliyaviy hisobotlarni xalqaro standartlarga muvofiqlashtirish;

Kengashga aʼzolik badallari hisoblanishi va toʻlanishini tashkillashtirish;

agronomlar tomonidan fermer, dehqon xoʻjaliklari va tomorqa yer egalariga yer uchastkalaridan samarali foydalanish boʻyicha maslahatlar berish, sifatli urugʻ va koʻchatlar bilan taʼminlash, agrotexnik tadbirlarning oʻz vaqtida oʻtkazilishida amaliy yordam berish”;

v) 3-band quyidagi tahrirda bayon etilsin:

“3. Markazlarning joylashuvi ular tomonidan xizmat koʻrsatiladigan fermer xoʻjaliklarining sonidan va fermer xoʻjaliklari uchun qulayligidan kelib chiqqan holda tuman fermer, dehqon xoʻjaliklari va tomorqa yer egalari kengashlari tavsiyasiga koʻra tuman hokimliklari tomonidan belgilanadi”;

g) 5-bandda:

uchinchi xatboshidan “Oʻzbekiston Respublikasi Vazirlar Mahkamasining zaxira jamgʻarmasi hamda” degan soʻzlar chiqarib tashlansin;

quyidagi mazmundagi xatboshi bilan toʻldirilsin:

“Bunda, markazlarning moddiy-texnika bazasi toʻlaqonli tashkil etilishi uchun tuman hokimlari shaxsan masʼul ekanligi koʻrsatib oʻtilsin”;

d) 1-ilovaning matni quyidagi tahrirda bayon etilsin:

“Tuman fermer, dehqon xoʻjaliklari va tomorqa yer egalari kengashlari huzuridagi Fermer xoʻjaliklarida buxgalteriya hisobi va hisobotini yuritish markazlarining

NAMUNAVIY TASHKILIY TUZILMASI

Direktor

Buxgalter*

Soliq va statistika hisobotlari boʻyicha maslahatchi

Agronom

* 20 — 25 ta fermer xoʻjaligiga bitta buxgalter biriktiriladi, bunda agronom shtati fermer xoʻjaliklariga biriktiriladigan buxgalterni qisqartirish hisobidan tashkil etiladi”;

e) 2-ilova quyidagi mazmundagi 4-pozitsiya bilan toʻldirilsin:

“
4.	Agronom	9
		”.

2. Vazirlar Mahkamasining 2019-yil 15-fevraldagi 131-son qarori bilan tasdiqlangan Tuman fermer, dehqon xoʻjaliklari va tomorqa yer egalari kengashlari huzuridagi Fermer xoʻjaliklarida buxgalteriya hisobi va hisobotini yuritish markazlari tomonidan bepul konsalting xizmatlari koʻrsatish tartibi toʻgʻrisidagi nizomda:

a) 2-band quyidagi mazmundagi xatboshi bilan toʻldirilsin:

“aholi xonadonlarida tomorqadan samarali foydalanish boʻyicha agronom — oliy maʼlumotli agronom yoki agronom mutaxassisligi boʻyicha oʻrta-maxsus maʼlumotga ega boʻlgan yoki maxsus oʻquv kurslarini tamomlagan hamda markazlarning shtat jadvalida turadigan jismoniy shaxs”;

b) 6-band quyidagi tahrirda bayon etilsin:

“6. Markazlar tuman fermer, dehqon xoʻjaliklari va tomorqa yer egalari kengashlari tomonidan muassasa shaklida tashkil etiladi. Markaz direktori egallab turgan lavozimiga koʻra tuman kengashi raisi oʻrinbosari hisoblanadi, lavozimiga hududiy fermer, dehqon xoʻjaliklari va tomorqa yer egalari kengashi raisining buyrugʻi bilan tayinlanadi”;

v) 7-bandning yettinchi xatboshisi quyidagi mazmundagi yettinchi — toʻqqizinchi xatboshilar bilan almashtirilsin:

“daromadlar va xarajatlarni tahlil qilish, tijorat banklaridan kredit olish uchun zarur hujjatlarni tayyorlash va kelgusi yil uchun biznes reja tuzish, moliyaviy hisobotlarni xalqaro standartlarga muvofiqlashtirish;

Oʻzbekiston fermer, dehqon xoʻjaliklari va tomorqa yer egalari kengashiga aʼzolik badallari hisoblanishi va toʻlanishini tashkillashtirish;

agronom tomonidan aholiga oʻz xonadonlaridagi tomorqadan samarali foydalanish boʻyicha, shuningdek fermer, dehqon xoʻjaliklari va tomorqa yer egalariga yer uchastkalaridan samarali foydalanish boʻyicha maslahatlar berish, sifatli urugʻ va koʻchatlar bilan taʼminlash, agrotexnik tadbirlarning oʻz vaqtida oʻtkazilishida amaliy yordam berish”.

(Qonunchilik maʼlumotlari milliy bazasi, 17.12.2021-y., 07/21/54/1169-son, 01.04.2022-y., 06/22/95/0267-son, 13.10.2022-y., 07/22/394/0920-son; 30.12.2024-y., 07/24/455/1092-son; 18.02.2025-y., 06/25/22/0156-son; 09.02.2026-y., 07/26/49/0121-son)