1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.03.00 Aholiga davolash-profilaktika yordami koʻrsatish / 14.01.03.02 Tez tibbiy yordam]
[TSZ:
1.Ijtimoiy-madaniy masalalar / Sogʻliqni saqlash. Sanitariyaga oid qonun hujjatlari]
Oʻzbekiston Respublikasi Prezidentining
Qarori
Oʻzbekiston Respublikasida tez tibbiy yordam xizmatini takomillashtirish chora-tadbirlari toʻgʻrisida
Sogʻliqni saqlash tizimini takomillashtirish yuzasidan koʻrilayotgan chora-tadbirlarga qaramasdan, tez tibbiy yordam koʻrsatish sohasida qoʻyilgan vazifalarni toʻliq bajarishga toʻsqinlik qilayotgan bir qator tizimli muammolar va kamchiliklar saqlanib qolayotganligi qayd etilsin.
Jumladan, respublikada tez tibbiy yordam xizmatini boshqarishning avtomatlashtirilgan tizimini yaratish yuzasidan qabul qilingan bir nechta qarorlarning natijalari bugungi kunga qadar sezilmayapti. Tez tibbiy yordam chaqiruvlarini qabul qilish va ularga xizmat koʻrsatish eskicha, qoʻl mexanizmlari yordamida bajarilmoqda.
Tez tibbiy yordam koʻrsatish vaqtida bemorlarning kasalxonaga yetib borgunga qadar vafot etishi koʻpayib bormoqda, Toshkent, Sirdaryo va Fargʻona viloyatlarida esa oʻlim soni ikki baravardan toʻrt baravargacha oshgan.
Murojaatlarni saralashning amaldagi tartibi mavjud kuch va vositalarni eng muhim chaqiruvlarga xizmat koʻrsatish uchun yoʻnaltirish imkonini bermaydi, natijada yolgʻon chaqiruvlar soni oshmoqda yoki surunkali kasalliklari avj olgan, biroq hayoti xavf ostida boʻlmagan bemorlarga xizmat koʻrsatilmoqda.
Ajratilayotgan budjet mablagʻlari zarur sifatda tez tibbiy yordam koʻrsatish va uning moddiy-texnika bazasini mustahkamlash imkonini bermayapti.
Tez tibbiy yordam xizmatini jadal rivojlantirish, uning moliyaviy barqarorligini taʼminlash, bu yoʻnalishda tezkor, texnologik va samarali faoliyat koʻrsatishga erishish maqsadida:
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.03.00 Aholiga davolash-profilaktika yordami koʻrsatish / 14.01.03.02 Tez tibbiy yordam]
1. Shoshilinch yordamga muhtoj har bir kishiga yuqori sifatli tibbiy xizmatlarni oʻz vaqtida koʻrsatish tez tibbiy yordam xizmatining ustuvor vazifasi deb hisoblansin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.03.00 Aholiga davolash-profilaktika yordami koʻrsatish / 14.01.03.02 Tez tibbiy yordam;
2.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.04.00 Sogʻliqni saqlash muassasalarini, aholini medikamentlar, dori-darmon vositalari va tibbiy buyumlar bilan taʼminlash. Dorixona]
2. Tez tibbiy yordam xizmatini rivojlantirishga amaliy koʻmaklashish va uning moddiy-texnika bazasini yaxshilash uchun Oʻzbekiston Respublikasi Sogʻliqni saqlash vazirligi huzurida yuridik shaxs maqomiga ega boʻlmagan Tez tibbiy yordamni rivojlantirish jamgʻarmasi (keyingi oʻrinlarda — Jamgʻarma) tashkil etilsin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.01.00 Umumiy qoidalar / 14.01.01.02 Sogʻliqni saqlashni moliyalashtirish va taʼminoti]
3. Quyidagilar 2019-yil 1-yanvardan boshlab Jamgʻarma mablagʻlarini shakllantirish manbalari etib belgilansin:
(3-bandning ikkinchi xatboshisi Oʻzbekiston Respublikasi Prezidentining 2022-yil 22-avgustdagi PF-194-sonli Farmoniga asosan chiqarilgan — Qonunchilik maʼlumotlari milliy bazasi, 23.08.2022-y., 06/22/194/0766-son)
xalqaro va xorijiy moliya institutlarining, hukumat va nohukumat tashkilotlarning grantlari va texnik koʻmak mablagʻlari;
Jamgʻarmaning vaqtincha boʻsh turgan mablagʻlarini joylashtirishdan tushgan daromadlar;
jismoniy va yuridik shaxslarning, shu jumladan Oʻzbekiston Respublikasi norezidentlarining xayriya mablagʻlari;
qonun hujjatlarida taqiqlanmagan boshqa mablagʻlar.
Jamgʻarmaning mablagʻlari quyidagilarga sarflanishi belgilab qoʻyilsin:
tez tibbiy yordam xizmatining maxsus avtotransportini xarid qilish va transport parkini oʻz vaqtida yangilash, shuningdek, ularni zamonaviy tibbiyot uskunalari bilan jihozlash, ehtiyot qismlar va sarflanadigan materiallarni xarid qilish;
tez tibbiy yordam xizmatining xodimlarini oʻqitish, malakasini oshirish va amaliyot oʻtashini, shu jumladan xorijiy davlatlarning ilmiy-tadqiqot, taʼlim va boshqa muassasalarida amaliyot oʻtashini tashkil etish;
tez tibbiy yordam xizmati xodimlariga ustamalar, mukofot pullari va boshqa ragʻbatlantiruvchi toʻlovlarni toʻlash;
tez tibbiy yordam xizmati faoliyatiga zamonaviy axborot-kommunikatsiya texnologiyalarini joriy etish.
Tez tibbiy yordam xizmatini Oʻzbekiston Respublikasi Davlat budjeti va davlat maqsadli jamgʻarmalari budjetlaridan moliyalashtirishning amaldagi tartibi va hajmlari saqlab qolinsin.
Jamgʻarmaning mablagʻlarini boshqarish va taqsimlash Oʻzbekiston Respublikasi Sogʻliqni saqlash vazirligi (keyingi oʻrinlarda — Vazirlik) hayʼati qarori asosida amalga oshirilishi belgilab qoʻyilsin.
[OKOZ:
1.09.00.00.00 Tadbirkorlik va xoʻjalik faoliyati / 09.12.00.00 Qurilish / 09.12.13.00 Mavjud korxona, bino, inshootlarni kapital taʼmirlash, texnik qayta jihozlash, kengaytirish va rekonstruksiyalash;
2.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.04.00 Sogʻliqni saqlash muassasalarini, aholini medikamentlar, dori-darmon vositalari va tibbiy buyumlar bilan taʼminlash. Dorixona]
4. Vazirlik belgilangan tartibda shakllantiriladigan roʻyxatlar boʻyicha maxsus avtotransport vositalari va ularning ehtiyot qismlari, tibbiyot uskunalari va sarflanadigan materiallar, kompyuter texnikasi, aloqa vositalari, texnik oʻqitish vositalari, adabiyotlar va tez tibbiy yordam xizmati uchun zarur boshqa moddiy-texnika resurslar uchun 2022-yil 1-yanvargacha boʻlgan muddatda bojxona toʻlovlaridan ozod etilsin (bojxona yigʻimlari bundan mustasno).
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.02.00 Vazirliklar;
2.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.01.00 Umumiy qoidalar / 14.01.01.01 Sogʻliqni saqlash sohasida boshqaruv;
3.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.01.00 Umumiy qoidalar / 14.01.01.02 Sogʻliqni saqlashni moliyalashtirish va taʼminoti]
5. Vazirlik Oʻzbekiston Respublikasi Moliya vazirligi bilan birgalikda ikki oy muddatda:
Jamgʻarma toʻgʻrisidagi nizomni hamda Jamgʻarma daromadlarini shakllantirish va mablagʻlarini sarflash tartibini;
Jamgʻarmaning 2019-yilga moʻljallangan xarajatlar smetasini, shu jumladan, ushbu qarorni ijro etish uchun zarur mablagʻlarni nazarda tutgan holda, tasdiqlasin.
[OKOZ:
1.02.00.00.00 Davlat boshqaruvi asoslari / 02.08.00.00 Iqtisodiyot, ijtimoiy-madaniy qurilish sohasidagi davlat boshqaruvining umumiy masalalari / 02.08.01.00 Davlat dasturlari, konsepsiyalar va boshqalar]
6. Quyidagilar:
2019 — 2021-yillarda Oʻzbekiston Respublikasida tez tibbiy yordam xizmatini takomillashtirishga doir chora-tadbirlar dasturi 1-ilovaga muvofiq;
Tez tibbiy yordam xizmati faoliyati samaradorligini baholashning namunaviy indikatorlari 2-ilovaga muvofiq tasdiqlansin.
Belgilab qoʻyilsinki:
tez tibbiy yordam xizmati faoliyatining samaradorligi va natijadorligi muntazam baholanishi va Vazirlikning veb-saytida eʼlon qilib borilishi lozim;
baholash natijalari tez tibbiy yordam xizmati xodimlarini moddiy ragʻbatlantirish uchun asos boʻladi, shuningdek, xizmat muassasalarini rahbar kadrlar bilan toʻldirishda hisobga olinadi.
[OKOZ:
1.02.00.00.00 Davlat boshqaruvi asoslari / 02.03.00.00 Respublika ijro etuvchi hokimiyat organlari va xoʻjalik boshqaruvi organlari / 02.03.01.00 Umumiy masalalar]
7. Vazirlik:
Oʻzbekiston Respublikasi Innovatsion sogʻliqni saqlash milliy palatasi (keyingi oʻrinlarda — Milliy palata) bilan birgalikda ikki oy muddatda Tez tibbiy yordam xizmati faoliyati samaradorligini baholashning namunaviy indikatorlarini hisobga olgan holda tez tibbiy yordam xizmati faoliyatining samaradorligi va natijadorligini baholash tartibi va metodikasini tasdiqlasin;
Oʻzbekiston Respublikasi Moliya vazirligi, Favqulodda vaziyatlar vazirligi, Mudofaa vazirligi, Parvozlar xavfsizligini nazorat qilish davlat inspeksiyasi va “Oʻzbekiston havo yoʻllari” MAK bilan birgalikda tez tibbiy yordam xizmatini 2020-yildan boshlab aviatsiya texnikasi bilan jihozlash va (yoki) aviatsiya xizmatlarini xarid qilish, shu jumladan davlat-xususiy sheriklik asosida xarid qilish boʻyicha takliflarni 2019-yil 1-martga qadar Oʻzbekiston Respublikasi Vazirlar Mahkamasiga kiritsin;
chaqiruvlar tuzilmasidan, tez tibbiy yordam brigadalari tomonidan koʻrsatiladigan yordam hajmi va xususiyatidan kelib chiqib, feldsherlik brigadalari ulushini oshirgan holda tez tibbiy yordam xizmatini 2019-yil yakuniga qadar qayta tuzib chiqsin;
ikki oy muddatda respublikaning ayrim hududlardagi tez tibbiy yordam xizmatini boshqarish huquqini davlat-xususiy sherikchiligi asosida investorlarga oʻtkazish boʻyicha aniq takliflarni Oʻzbekiston Respublikasi Vazirlar Mahkamasiga kiritsin.
[OKOZ:
1.13.00.00.00 Taʼlim. Fan. Madaniyat / 13.01.00.00 Taʼlim / 13.01.08.00 Taʼlim turlari / 13.01.08.06 Kadrlarni qayta tayyorlash va ularning malakasini oshirish;
2.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.02.00 Tibbiyot muassasalari va xodimlari / 14.01.02.01 Tibbiyot muassasalariga qoʻyiladigan talablar]
8. Vazirlikning Shoshilinch tibbiy yordam oʻquv markazini Respublika shoshilinch tibbiy yordam oʻquv-mashgʻulot markazi etib (keyingi oʻrinlarda — Markaz) qayta tashkil etish toʻgʻrisidagi taklifiga rozilik berilsin.
Belgilansinki, Markaz tibbiyot xodimlari yetib kelguniga qadar yordam koʻrsatish sohasida kadrlarni oʻqitish, qayta tayyorlash va ularning malakasini oshirish boʻyicha bazaviy metodik muassasa hisoblanadi.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.03.00 Aholiga davolash-profilaktika yordami koʻrsatish / 14.01.03.02 Tez tibbiy yordam]
9. Quyidagilar Markazning asosiy vazifalari va faoliyat yoʻnalishlari etib belgilansin:
avariya-qutqaruv xizmatlari, davlat organlari va tashkilotlari, boshqa yuridik shaxslar xodimlarini, shuningdek, fuqarolarni shoshilinch tibbiy va tibbiyot xodimlari yetib kelguniga qadar yordam koʻrsatish koʻnikmalariga oʻqitish, qayta oʻqitish va ularning malakasini oshirish;
shifoxonagacha tibbiy yordam koʻrsatish shakllari va metodlarini ishlab chiqish hamda takomillashtirish;
shoshilinch tibbiy hamda tibbiyot xodimlari yetib kelguniga qadar yordam koʻrsatish sohasida ilmiy-tadqiqot ishlarini olib borish;
shoshilinch tibbiy hamda tibbiyot xodimlari yetib kelguniga qadar yordam koʻrsatish sohasida kadrlarni tayyorlash, qayta tayyorlash va ularning malakasini oshirish dasturlarini takomillashtirish;
shoshilinch tibbiy hamda tibbiyot xodimlari yetib kelguniga qadar yordam koʻrsatish sohasida kadrlarni tayyorlash, qayta tayyorlash va ularning malakasini oshirish boʻyicha boshqa muassasalarning ilmiy-tadqiqot faoliyatida metodik yordam koʻrsatish;
shoshilinch tibbiy hamda tibbiyot xodimlari yetib kelguniga qadar yordam koʻrsatish sohasida seminar-treninglar, master-klasslar, vebinarlar va telekoʻpriklar tashkil etish, shu jumladan yetuk xorijiy mutaxassislarni jalb qilgan holda tashkil etish;
shoshilinch tibbiy hamda tibbiyot xodimlari yetib kelguniga qadar yordam koʻrsatish sohasida xorijiy ilmiy-tadqiqot va oʻquv markazlari bilan hamkorlik aloqalarini rivojlantirish, ushbu yoʻnalishda grantlar va texnik koʻmak mablagʻlarini jalb qilish.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.02.00 Tibbiyot muassasalari va xodimlari / 14.01.02.01 Tibbiyot muassasalariga qoʻyiladigan talablar]
10. Yuklatilgan vazifalar doirasida Markazga quyidagi huquqlar berilsin:
davlat hokimiyati va boshqaruvi organlaridan, davlat tibbiyot tashkilotlaridan Markaz vakolatiga kiradigan masalalar boʻyicha zarur axborotni, statistik va arxiv maʼlumotlarini belgilangan tartibda soʻrash va olish;
Qoraqalpogʻiston Respublikasida, viloyatlar va Toshkent shahrida filiallarni tashkil etish;
davlat organlari, ilmiy-tadqiqot muassasalari va tashkilotlar mutaxassislarini, shuningdek, boshqa ekspertlarni, shu jumladan xorijiy ekspertlarni taʼlim jarayoniga shartnoma asosida jalb qilish.
[OKOZ:
1.13.00.00.00 Taʼlim. Fan. Madaniyat / 13.01.00.00 Taʼlim / 13.01.08.00 Taʼlim turlari / 13.01.08.06 Kadrlarni qayta tayyorlash va ularning malakasini oshirish;
2.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.03.00 Aholiga davolash-profilaktika yordami koʻrsatish / 14.01.03.01 Umumiy masalalar]
11. Shoshilinch tibbiy hamda tibbiyot xodimlari yetib kelguniga qadar yordam koʻrsatish koʻnikmalari oʻqitiladigan kurslardan oʻtish uchun Respublika shoshilinch tibbiy yordam oʻquv-mashgʻulot markaziga yuboriladigan davlat organlari va davlat ulushiga ega boʻlgan tashkilotlar xodimlarining kontingenti 3-ilovaga muvofiq tasdiqlansin.
12. Oʻzbekiston Respublikasi Davlat budjeti mablagʻlari hisobidan taʼminlab turiladigan vazirliklar, idoralar va boshqa tashkilotlar oʻz xodimlarini Markazda oʻqitish uchun har yilgi budjetdan mablagʻ ajratilishini nazarda tutsin.
“Oʻzbekiston havo yoʻllari” MAK, “Oʻzbekiston temir yoʻllari” AJ, “Oʻzbekneftegaz” AJ va “Toshshahartransxizmat” AJ oʻz xodimlari va instruktorlarini oʻz mablagʻlari hisobidan har yili oʻqishga yuborsin.
Tez tibbiy yordam xizmati brigadalarining haydovchilari Markazda shoshilinch tibbiy hamda tibbiyot xodimlari yetib kelguniga qadar yordam koʻrsatish koʻnikmalari oʻqitiladigan kurslardan Jamgʻarma mablagʻlari hisobidan oʻtishi belgilab qoʻyilsin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.02.00 Tibbiyot muassasalari va xodimlari / 14.01.02.02 Tibbiyot muassasalarining ilmiy-tadqiqot va taʼlim faoliyati]
13. Oʻzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspeksiyasi Vazirlik bilan birgalikda Markazdagi taʼlim jarayoni, kadrlarni qayta tayyorlash va malakasini oshirish sifati ustidan muntazam nazorat va monitoring oʻrnatsin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.13.00 Sanatoriya-kurort davolanish]
14. Vazirlik Toshkent viloyati hokimligi va “Chorvoq” erkin turistik zonasi direksiyasi bilan birgalikda 2019-yil 1-aprelga qadar “Chorvoq” erkin turistik zonasi hududida tez tibbiy yordam xizmati paramediklari faoliyatini tashkil etish boʻyicha quyidagilarni nazarda tutgan sinov loyihasini amalga oshirsin:
paramediklar tomonidan fuqarolarga kecha-kunduz uzluksiz yuqori malakali tez tibbiy yordam koʻrsatish;
tez tibbiy yordam xizmatining aholiga imkon qadar yaqinlashtirilishini hisobga olib, paramediklar kuchlarini muvofiqlashtirilgan holda joylashtirish va boshqarishning samarali mexanizmini joriy etish;
fuqarolarning yoki ichki ishlar, favqulodda vaziyatlar organlarining tegishli xizmatlari, davlat organlari va tashkilotlari, mulkchilik shaklidan qatʼi nazar xoʻjalik yurituvchi subyektlarning chaqiruvlari boʻyicha voqea joyiga tez yetib kelishni taʼminlash;
tez tibbiy yordam xizmatining boshqa brigadalari bilan operativ hamkorlik qilish mexanizmini joriy etgan holda fuqarolar va turistlar toʻplanadigan joylarda paramediklar patrullik qatnovlarni yoʻlga qoʻyish.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.02.00 Tibbiyot muassasalari va xodimlari / 14.01.02.01 Tibbiyot muassasalariga qoʻyiladigan talablar]
15. Vazirlik:
2019-yil 1-fevralga qadar paramediklar tomonidan tez tibbiy yordam koʻrsatish tartibini ishlab chiqsin va tasdiqlasin;
2019-yil 1-aprelga qadar Markazda zarur miqdordagi feldsherlarni paramediklar ixtisosligiga oʻqitishni, shu jumladan shoshilinch tibbiy yordam koʻrsatish sohasidagi yetuk xorijiy mutaxassislarni jalb qilgan holda oʻqitishni taʼminlasin;
2019-yil yakuni boʻyicha tez tibbiy yordam xizmatida paramediklar faoliyatini kengaytirish boʻyicha asoslantirilgan takliflarni Oʻzbekiston Respublikasi Vazirlar Mahkamasiga kiritsin.
[OKOZ:
1.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.16.00 Boshqa masalalar]
16. Vazirlik Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Moliya vazirligi bilan birgalikda:
a) 2019-yil 1-apreldan boshlab Toshkent shahrida, 2019-yil 1-oktabrdan boshlab respublikaning qolgan hududlarida tez tibbiy yordam boshqarmasining quyidagi imkoniyatlarga ega avtomatlashtirilgan tizimini (keyingi oʻrinlarda — avtomatlashtirilgan tizim) yaratsin va foydalanishga topshirsin:
aholining chaqiruvlarini qabul qilish va roʻyxatga olish, ustunlik tartibida xizmat koʻrsatish lozim boʻlgan chaqiruvlarni avtomatik belgilash;
maxsus avtotransport harakatini boshqarish, shu jumladan GPS-navigatsiyadan foydalangan holda, keyinchalik bosqichma-bosqich raqamli radioaloqaga oʻtish orqali avtotransport harakatini monitoring qilish;
tez tibbiy yordam soʻrab murojaat qilgan shaxslar joylashgan joyni telefon (mobil) aloqasi orqali avtomatik aniqlash;
tez tibbiy yordam yordam brigadalarini mobil ilovalar yordamida, shu jumladan imkoniyatlari cheklangan shaxslar uchun chaqirish;
foydalaniladigan dori vositalari va tibbiyot buyumlarini hisobga olish;
vazirliklar, idoralar va boshqa tashkilotlarni shoshilinch xizmatlarining axborot tizimlari bilan birlashtirish;
fuqarolar tomonidan tez tibbiy yordam stansiyalari faoliyati samaradorligini baholash va ularning reytingini yuritish.
b) Tez tibbiy yordam xizmati stansiyalarining Sall-markazlarini normativlarga muvofiq toʻliq jihozlash uchun 2018-yil yakuniga qadar Qoraqalpogʻiston Respublikasi va viloyatlar budjetlari mablagʻlari hisobidan qoʻshimcha telefon liniyalari (raqamlari) ajratilishini taʼminlasin.
Belgilab qoʻyilsinki:
avtomatlashtirilgan tizimni ishlab chiqish va unga xizmat koʻrsatish, texnik qoʻllab-quvvatlash va keyinchalik modernizatsiyalash boʻyicha buyurtmachining funksiyalari Vazirlikka yuklatiladi;
avtomatlashtirilgan tizimning texnik va loyihaoldi hujjatlari Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan tayyorlanadi;
ushbu bandda nazarda tutilgan tadbirlar Oʻzbekiston Respublikasi Prezidentining “Shoshilinch tibbiy yordam xizmatining faoliyatini tashkil etishni yanada takomillashtirish va moddiy-texnika bazasini mustahkamlash chora-tadbirlari toʻgʻrisida” 2017-yil 16-martdagi PQ-2838-son qarorida belgilangan hajmlar va manbalarda moliyalashtiriladi.
Vazirlik Jamgʻarma mablagʻlari hisobidan avtomatlashtirilgan tizimni foydalanishga topshirish nazarda tutilgan muddatlarda ichki lokal-hisoblash tarmoqlari yaratilishini hamda tez tibbiy yordam xizmati boʻlinmalarini zarur uskunalar va anjomlar, shu jumladan GPS-navigatorlar va aloqa vositalari bilan jihozlanishini taʼminlasin.
Qoraqalpogʻiston Respublikasi Vazirlar Kengashi va viloyatlar hokimliklari Axborot texnologiyalari va kommunikatsiyalarini rivojlantirish vazirligi hamda (yoki) uning hududiy boʻlinmalari buyurtmanomalari boʻyicha tez tibbiy yordam xizmati stansiyalarining Sall-markazlarini telefon liniyalari (raqamlari) bilan taʼminlash uchun mahalliy budjetdan zarur mablagʻlar ajratilishini taʼminlasin.
[OKOZ:
1.09.00.00.00 Tadbirkorlik va xoʻjalik faoliyati / 09.12.00.00 Qurilish / 09.12.13.00 Mavjud korxona, bino, inshootlarni kapital taʼmirlash, texnik qayta jihozlash, kengaytirish va rekonstruksiyalash;
2.14.00.00.00 Sogʻliqni saqlash. Jismoniy tarbiya. Sport. Turizm / 14.01.00.00 Sogʻliqni saqlash / 14.01.04.00 Sogʻliqni saqlash muassasalarini, aholini medikamentlar, dori-darmon vositalari va tibbiy buyumlar bilan taʼminlash. Dorixona]
17. Belgilab qoʻyilsinki:
Oʻzbekiston Respublikasi sogʻliqni saqlash vaziri A.K. Shadmanov — tez tibbiy yordam xizmati faoliyatini samarali tashkil etish, maxsus avtotransport xarid qilish va transport parkini oʻz vaqtida yangilash, shuningdek zamonaviy tibbiyot uskunalari bilan jihozlash uchun;
Oʻzbekiston Respublikasi axborot texnologiyalari va kommunikatsiyalarini rivojlantirish vaziri Sh.M. Sadikov — avtomatlashtirilgan tizimning texnik va loyihaoldi hujjatlarini sifatli va oʻz vaqtida tayyorlash, ushbu tizimni yaratish va foydalanishga topshirish, shuningdek, tez tibbiy yordam xizmati ehtiyojlari uchun telefon liniyalari (raqamlari) ajratish uchun;
Oʻzbekiston Respublikasi Bosh vaziri oʻrinbosari A.A. Abduhakimov — vazirlik va idoralarni ular zimmasiga yuklangan vazifalarni lozim darajada bajarishi uchun samarali muvofiqlashtirish, shuningdek, ushbu qarorni amalga oshirish jarayonini muntazam ravishda koʻrib borish uchun shaxsan javobgar hisoblanadi.
[OKOZ:
1.13.00.00.00 Taʼlim. Fan. Madaniyat / 13.01.00.00 Taʼlim / 13.01.08.00 Taʼlim turlari / 13.01.08.06 Kadrlarni qayta tayyorlash va ularning malakasini oshirish]
18. Vazirlik Oʻzbekiston Respublikasi Innovatsion sogʻliqni saqlash milliy palatasi, boshqa manfaatdor vazirlik va idoralar bilan birgalikda:
a) ilgʻor xorijiy tajribani hisobga olgan holda ikki oy muddatda:
tez tibbiy yordam brigadalari uchun feldsherlarni tayyorlash, qayta tayyorlash va ularning malakasini oshirish boʻyicha maxsus oʻquv dasturlarini;
tez tibbiy yordam chaqiruvlarining shoshilinchliligiga qarab joylashtirish tartibini ishlab chiqsin va tasdiqlasin;
b) 2019-yil 1-yanvarga qadar:
2019/2020 oʻquv yilidan boshlab respublikaning tibbiy kasb-hunar kollejlarida tez tibbiy yordam brigadalari uchun feldsherlarni tayyorlash boʻyicha maxsus oʻquv dasturlarini joriy etish choralarini koʻrsin;
sanitar aviatsiya shaklida shoshilinch tibbiy yordam koʻrsatish tartibini tasdiqlasin;
v) qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida bir oy muddatda Oʻzbekiston Respublikasi Vazirlar Mahkamasiga takliflar kiritsin.
19. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-oktabr,
PQ-3973-son
Oʻzbekiston Respublikasi Prezidentining 2018-yil 16-oktabrdagi PQ-3973-son qaroriga 1-ILOVA
2019 — 2021-yillarda Oʻzbekiston Respublikasida tez tibbiy yordam xizmatini takomillashtirishga oid
I. Tez tibbiy yordam xizmati faoliyatini tashkil etish tizimini takomillashtirish
1.
Tez tibbiy yordam koʻrsatish tartibi va qoidalarini quyidagilar orqali takomillashtirish:
tez tibbiy yordam brigadalarini oilaviy poliklinikalar va qishloq vrachlik punktlarida joylashtirish;
aholi gavjum tumanlarda va tez tibbiy yordam mobil brigadalari zimmasiga ish koʻp yuklangan soatlarda patrullikni tashkil etish;
sanitar aviatsiya shaklida tibbiy yordam koʻrsatish;
sanitar aviatsiya shaklida tibbiy xizmatlar koʻrsatish uchun havo transportidan (vertolyot, samolyotdan) foydalanish;
qabul qilinayotgan chaqiruvlarni shoshilinchliligiga qarab joylashtirish;
IIV va FVVning tegishli boʻlinmalari, shuningdek, “Oʻzbekneftgaz” AJ va “Oʻzbekenergo” AJ shoshilinch yordam koʻrsatish xizmatlari bilan hamkorlik qilish.
Sogʻliqni saqlash vaziri buyrugʻi
—
—
2019-yil
1-yanvargacha
Sogʻliqni saqlash vazirligi (A. Shadmanov),
IIV (P. Bobojonov),
FVV (A. Kuldashev),
“Oʻzbekneftgaz” AJ (B. Ashrafxanov),
“Oʻzbekenergo” AJ (U. Mustafoyev)
2.
Tez tibbiy yordam koʻrsatish standartlari va bayonnomalarini xalqaro standartlarga muvofiqlashtirish, shu jumladan:
yurakni va oʻpkani reanimatsiya qilishni;
kattalar va bolalarda nafas siqishi yuz berganda shoshilinch yordam koʻrsatishni;
kattalar va bolalarda yurak-qon tomir faoliyati jiddiy buzilganda intensiv terapiya algoritmlarini bajarish;
jarohat olganda kasalxonagacha shoshilinch yordam koʻrsatishni;
neonatal reanimatsiyani nazarda tutadi.
Sogʻliqni saqlash vaziri buyrugʻi
—
—
2019-yil
1-aprelgacha
Sogʻliqni saqlash vazirligi,
(A. Shadmanov), Innovatsion sogʻliqni saqlash milliy palatasi (R. Izamov)
3.
Tez tibbiy yordam xizmati faoliyati samaradorligini baholashning namunaviy indikatorlarini hisobga olgan holda tez tibbiy yordam xizmati faoliyatining samaradorligi va natijadorligini baholash tartibi hamda uslubiyatlarini ishlab chiqish va tasdiqlash.
Sogʻliqni saqlash vaziri buyrugʻi
—
—
2019-yil
1-yanvargacha
Sogʻliqni saqlash vazirligi,
(A. Shadmanov), Innovatsion sogʻliqni saqlash milliy palatasi (R. Izamov)
4.
Chaqiruvlar xususiyatlarini, tez tibbiy yordam brigadalari tomonidan koʻrsatiladigan yordam hajmi va xarakterini hisobga olgan holda feldsherlik brigadalari ulushini koʻpaytirib, tez tibbiy yordam xizmatlarini qayta tuzib chiqish.
Sogʻliqni saqlash vaziri buyrugʻi
—
—
2019-yil
1-dekabrgacha
Sogʻliqni saqlash vazirligi,
(A. Shadmanov),
Moliya vazirligi (D. Sultanov)
5.
Yoritish-ovoz berish signalizatsiyasi yoqilganda tez tibbiy yordam avtotransporti oʻtib ketishi uchun toʻsqinlik qilganlik va xalaqit berganlik uchun xalqaro amaliyotni hisobga olgan holda yoʻl harakati ishtirokchilari javobgarligini kuchaytirish.
Qonun loyihasi
—
—
2019-yil
1-avgustgacha
Sogʻliqni saqlash vazirligi (A. Shadmanov), Adliya vazirligi (R. Davletov),
Oliy sud (K. Kamilov)
II. Tez tibbiy yordam xizmatining moddiy-texnik bazasini takomillashtirish
6.
Tez tibbiy yordam xizmati uchun maxsus avtotransport xarid qilish, shu jumladan:
Tashkiliy-amaliy chora-tadbirlar
Tez tibbiy yordamni rivojlantirish jamgʻarmasi mablagʻlari
Sogʻliqni saqlash vazirligi
(A. Shadmanov)
a) 2019-yilda:
25 ta “S” klassga mansub avtomobil;
harakatlanishi qiyin boʻlgan yoʻllardan yura oladigan 50 ta avtomobil;
25 000,0
7 500,0
2019-yil
1-iyulgacha
50 ta “S” klassga mansub avtomobil;
50 000,0
2019
1-oktabrgacha
b) 2020-yilda:
50 ta “V” klassga mansub avtomobil
25 000,0
2020-yil
1-martgacha
100 ta “V” klassga mansub avtomobil
50 000,0
2020-yil
1-oktabrgacha
v) 2021-yilda:
200 ta “V” klassga mansub avtomobil
100 000,0
2021-yil
1-sentabrgacha
7.
Tez tibbiy yordam xizmati paramediklari brigadalari uchun 5 dona skuter (elektrskuter) xarid qilish.
Tashkiliy-amaliy chora-tadbirlar
55,0
Tez tibbiy yordamni rivojlantirish jamgʻarmasi mablagʻlari
2019-yil
1-martgacha
Sogʻliqni saqlash vazirligi
(A. Shadmanov)
8.
Tez tibbiy yordam xizmatining maxsus avtotransport vositalarini zarur ehtiyot qismlar (moy, filtrlar, avtoshinalar, akkumulyatorlar va hokazolar) bilan taʼminlash.
Tashkiliy-amaliy chora-tadbirlar
24 948,0
Tez tibbiy yordamni rivojlantirish jamgʻarmasi mablagʻlari
2019 — 2021-yillar davomida
Sogʻliqni saqlash vazirligi
(A. Shadmanov)
9.
Tez tibbiy yordam xizmati avtomobillarini toʻliq jihozlash uchun 2144 ta tovushli sirena va 2500 ta videoregistrator xarid qilish.
Tashkiliy-amaliy chora-tadbirlar
6 000,0
Tez tibbiy yordamni rivojlantirish jamgʻarmasi mablagʻlari
2019-yil
1-sentabrgacha
Sogʻliqni saqlash vazirligi
(A. Shadmanov)
10.
Tez tibbiy yordam xizmatining maxsus avtotransport vositalarini tibbiyot uskunalari komplektlari (EKG, transportda oʻpkani sunʼiy ventilyatsiya qilish vositasi, elektr soʻrgich, defibrillyator va hokazolar) bilan jihozlash (toʻliq jihozlash).
Tashkiliy-amaliy chora-tadbirlar
47 250,0
Tez tibbiy yordamni rivojlantirish jamgʻarmasi mablagʻlari
2019 — 2021-yillar davomida
Sogʻliqni saqlash vazirligi
(A. Shadmanov)
11.
Tez tibbiy yordam xizmatining brigadalarini 1600 ta GPS-treker va 2500 ta planshet bilan jihozlash (toʻliq jihozlash).
Tashkiliy-amaliy chora-tadbirlar
11 500,0
Tez tibbiy yordamni rivojlantirish jamgʻarmasi mablagʻlari
2019-yil
1-aprelgacha
Sogʻliqni saqlash vazirligi
(A. Shadmanov)
12.
Tez tibbiy yordam xizmatining avtotransporti ustidan monitoring olib boruvchi GPS tizimini joriy etish. Bu tizim:
tez tibbiy yordam xizmatining avtotransporti joylashgan joyni;
yoqilgʻi darajasi datchigidan foydalangan holda yoqilgʻi sarfini;
transport vositasi yurgan masofani;
belgilangan geozonalarga borganini;
tezlik rejimiga amal qilganini;
haydovchilar faoliyatini nazorat qilish imkonini beradi.
Xizmatlar yetkazib beruvchilari bilan kontraktlar tuzish
Har yili ajratiladigan budjet mablagʻlari doirasida
2019-yil
1-aprelgacha
Sogʻliqni saqlash vazirligi
(A. Shadmanov)
III. Tez tibbiy yordam xizmati tibbiyot xodimlari mehnatiga haq toʻlash, ularni tayyorlash, qayta tayyorlash va malakasini oshirish
tizimini takomillashtirish
13.
Tez tibbiy yordam xizmati tibbiyot xodimlarining mehnatiga ushbu xizmat faoliyati samaradorligini baholash indikatorlariga asoslangan tabaqalashgan tarzda haq toʻlash va moddiy ragʻbatlantirish mexanizmlarini joriy etish.
Sogʻliqni saqlash vaziri buyrugʻi
70 000,0
Tez tibbiy yordamni rivojlantirish jamgʻarmasi mablagʻlari
2019-yil davomida
Sogʻliqni saqlash vazirligi (A. Shadmanov),
Innovatsion sogʻliqni saqlash milliy palatasi (R. Izamov),
Moliya vazirligi (D. Sultanov)
90 000,0
2020-yil davomida
90 000,0
2021-yil davomida
14.
Tez tibbiy yordam xizmati vrachlari va oʻrta tibbiyot xodimlarini muntazam qayta tayyorlash va ularning malakasini oshirishni, ularni tez yordam koʻrsatish xalqaro standartlariga (ACLS, PALS, PNTLS) oʻqitishni, shu jumladan xorijiy mamlakatlarning ixtisoslashgan oʻquv yurtlari negizida oʻqitishni tashkil etish.
Sogʻliqni saqlash vaziri buyrugʻi
7 000,0
Tez tibbiy yordamni rivojlantirish jamgʻarmasi mablagʻlari
2019 — 2021-yillar davomida
Sogʻliqni saqlash vazirligi
(A. Shadmanov),
Innovatsion sogʻliqni saqlash milliy palatasi (R. Izamov)
15.
Tez tibbiy yordam xizmati xodimlarining malakasini oshirish uchun hududlarga safarlarni tashkil etish.
Jadval rejasi
Ijro etuvchilar va tez tibbiy yordamni rivojlantirish jamgʻarmasi mablagʻlari
2019 — 2021-yillar davomida
Sogʻliqni saqlash vazirligi,
(A. Shadmanov), Respublika shoshilinch tibbiy yordam oʻquv-mashgʻulot markazi (V. Avakov)
16.
Tez tibbiy yordamni rivojlantirishni takomillashtirish muammolari boʻyicha yillik ilmiy-amaliy konferensiyalar, seminarlar, mahorat-darslari va telekoʻpriklar oʻtkazish.
Tashkiliy-amaliy chora-tadbirlar
Ijro etuvchilar va tez tibbiy yordamni rivojlantirish jamgʻarmasi mablagʻlari
2019 — 2021-yillar davomida
Respublika shoshilinch tibbiy yordam ilmiy markazi (A. Xadjibayev) va uning hududiy filiallari
Izohlar:
* ushbu dasturda nazarda tutilgan tadbirlar ijrosining yakuniy summasi 604,2 mlrd. soʻmni tashkil etadi;
** asbob-uskunalarning va ushbu dasturda nazarda tutilgan boshqa xarajatlarning yakuniy summasi (qiymati) davlat xaridlari toʻgʻrisidagi qonun hujjatlarida belgilangan tartib-taomillar yakunlari boʻyicha aniqlanadi.
Oʻzbekiston Respublikasi Prezidentining 2018-yil 16-oktabrdagi PQ-3973-son qaroriga 2-ILOVA
Tez tibbiy yordam xizmati faoliyati samaradorligini baholashning
Kadrlar bilan toʻldirilganlik (tasdiqlangan shtat normativlariga muvofiq)
Vrachlar
Feldsherlar
2.
Tez tibbiy yordam koʻrsatish operativligi
Tez tibbiy yordam mashinasi joʻnaydigan oʻrtacha vaqt
Bemorning oldiga yetib kelishga ketadigan oʻrtacha vaqt
Tez tibbiy yordam brigadasiga bir sutkada tushadigan oʻrtacha yuklama
Asossiz chaqiruvlar
3.
Oxirgi natija boʻyicha tez tibbiy yordam koʻrsatish sifati
Tez tibbiy yordam kelguniga qadar oʻlim
Tez tibbiy yordam brigadasi borligida oʻlim
Takroriy chaqiruvlar (tez tibbiy yordam brigadasi aybi bilan)
Davolash-profilaktika muassasalarining daʼvolari va fuqarolar shikoyatlari
Indikatorlar tez tibbiy yordam xizmatining ish hajmlaridan va rivojlanish surʼatlaridan kelib chiqib, Oʻzbekiston Respublikasi sogʻliqni saqlash vaziri tomonidan toʻldirilishi mumkin.
Oʻzbekiston Respublikasi Prezidentining 2018-yil 16-oktabrdagi PQ-3973-son qaroriga 3-ILOVA
Shoshilinch tibbiy hamda tibbiyot xodimlari yetib kelguniga qadar yordam koʻrsatish koʻnikmalari oʻrgatiladigan kurslardan oʻtish uchun Respublika shoshilinch tibbiy yordam oʻquv-mashgʻulot markaziga yuboriladigan davlat organlari va davlat ulushiga ega boʻlgan tashkilotlar xodimlarining
Axborot texnologiyalari va kommunikatsiyalarini rivojlantirish vazirligi
50
50
50
7.
Sogʻliqni saqlash vazirligi
100
100
100
8.
Davlat bojxona qoʻmitasi
50
60
70
9.
Davlat soliq qoʻmitasi
160
160
160
10.
Transport vazirligi
50
60
70
11.
“Oʻzbekiston havo yoʻllari” MAK
150
160
170
12.
“Oʻzbekiston temir yoʻllari” AJ
200
210
220
13.
“Oʻzbekneftgaz” AJ
50
60
70
14.
“Toshshahartransxizmat” AJ
100
110
120
15.
Tez tibbiy yordam brigadalari haydovchilari
2000
2000
2000
Jami:
3360
3455
3550
(3-ilova Oʻzbekiston Respublikasi Prezidentining 2020-yil 20-martdagi PF-5971-sonli Farmoni tahririda — Qonun hujjatlari maʼlumotlari milliy bazasi, 20.03.2020-y., 06/20/5971/0348-son)
(Qonun hujjatlari maʼlumotlari milliy bazasi, 17.10.2018-y., 07/18/3973/2064-son; 20.03.2020-y., 06/20/5971/0348-son; Qonunchilik maʼlumotlari milliy bazasi, 23.08.2022-y., 06/22/194/0766-son)
