Oʻzbekiston Respublikasi Prezidentining “Oʻzbekiston Respublikasi Prezidentining “Tadbirkorlik faoliyatini rivojlantirishni qoʻllab-quvvatlash davlat jamgʻarmasini tashkil etish toʻgʻrisida” 2017-yil 17-avgustdagi PQ-3225-son qaroriga oʻzgartirish va qoʻshimchalar kiritish toʻgʻrisida” 2018-yil 29-martdagi PQ-3634-son qarorini bajarish yuzasidan hamda kichik tadbirkorlik subyektlarining davlat moliyaviy koʻmagidan foydalanishini kengaytirish va Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi faoliyatini takomillashtirish maqsadida Vazirlar Mahkamasi qaror qiladi:

1. Vazirlar Mahkamasining “Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi faoliyatini tashkil etish chora-tadbirlari toʻgʻrisida” 2017-yil 8-sentabrdagi 704-son qaroriga (Oʻzbekiston Respublikasi QXT, 2017-y., 37-son, 991-modda) ilovaga muvofiq oʻzgartirishlar va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov va Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasining ijrochi direktori A.A. Kamalov zimmasiga yuklansin.

1. 2-banddagi “Furqat koʻchasi, 1-uyda (7 va 8-qavatlar)” soʻzlari “Qoratosh koʻchasi, 1-uy (7-qavat)” soʻzlari bilan almashtirilsin.

2. Ilovada:

a) 4-banddagi “Furqat” soʻzi “Qoratosh” soʻzi bilan almashtirilsin;

b) 5-bandda:

beshinchi xatboshidagi “joylarini” soʻzidan keyin “xususiy uy-joy mulkdorlari shirkatlari va” soʻzlari qoʻshilsin;

oltinchi xatboshidagi “Oʻzbekiston Respublikasi Vazirlar Mahkamasi” soʻzlari “Tadbirkorlik faoliyatini rivojlantirishni qoʻllab-quvvatlash davlat jamgʻarmasini boshqarish kengashi (keyingi oʻrinlarda Kengash deb ataladi) belgilaydigan hamda Oʻzbekiston Yoshlar ittifoqi tashabbus bilan chiqqan” soʻzlari bilan almashtirilsin;

v) 6-bandda:

“a” kichik band oʻz kuchini yoʻqotgan deb hisoblansin;

“v” kichik bandda:

ikkinchi xatboshi quyidagi tahrirda bayon qilinsin:

“milliy valyutada, qayta moliyalashtirish stavkasining 1,5 baravaridan oshmaydigan foiz stavkasida — 5 foiz punkti miqdorida”;

quyidagi mazmundagi uchinchi xatboshi qoʻshilsin:

“milliy valyutada — jamgʻarib boriladigan pensiya tizimi mablagʻlari hisobiga ajratiladigan imtiyozli kreditlar boʻyicha, Oʻzbekiston Yoshlar ittifoqining tavsiyalari asosida yosh tadbirkorlar tashabbus bilan chiqqan loyihalarni amalga oshirishga — banklarning xarajatlarini qoplash uchun 3 foizli stavka miqdorida”;

uchinchi xatboshi toʻrtinchi xatboshi deb hisoblansin;

g) 9-banddagi “(keyingi oʻrinlarda Kengash deb ataladi)” soʻzlari chiqarib tashlansin;

d) 12-bandning uchinchi xatboshidagi “resurslari” soʻzi chiqarib tashlansin;

e) 13-bandning oltinchi xatboshidagi “resurslar” soʻzi chiqarib tashlansin;

j) 21-bandning ikkinchi xatboshi chiqarib tashlansin;

z) 5-bob oʻz kuchini yoʻqotgan deb hisoblansin;

i) 35-bandda:

ikkinchi xatboshi quyidagi tahrirda bayon etilsin:

“milliy valyutada, qayta moliyalashtirish stavkasining 1,5 baravaridan oshmaydigan foiz stavkasida — 5 foiz punkti miqdorida”;

quyidagi mazmundagi uchinchi xatboshi qoʻshilsin:

“milliy valyutada — jamgʻarib boriladigan pensiya tizimi mablagʻlari hisobiga ajratiladigan imtiyozli kreditlar boʻyicha, Oʻzbekiston Yoshlar ittifoqining tavsiyalari asosida yosh tadbirkorlar tashabbus bilan chiqqan loyihalarni amalga oshirishga — banklarning xarajatlarini qoplash uchun 3 foizli stavka miqdorida”;

uchinchi xatboshi toʻrtinchi xatboshi deb hisoblansin;

k) 36-band quyidagi tahrirda bayon etilsin:

“36. Milliy valyutada qayta moliyalashtirish stavkasining 1,5 baravaridan oshmaydigan foiz stavkasida kreditlar, shuningdek, qonun hujjatlarida belgilangan tartibda xorijiy valyutada kreditlar ajratadigan tijorat banklari Jamgʻarmaning kompensatsiyalarini oluvchilar hisoblanadi”;

l) 38-bandda:

toʻqqizinchi xatboshi quyidagi tahrirda bayon etilsin:

“budjetga toʻlovlar boʻyicha muddati oʻtkazib yuborilgan qarzlari boʻlgan jismoniy va yuridik shaxslarga;

oʻninchi xatboshi chiqarib tashlansin;

quyidagi mazmundagi xatboshi bilan toʻldirilsin:

“ushbu bandning toʻrtinchi va beshinchi xatboshilarda koʻrsatilgan cheklovlar, Oʻzbekiston Yoshlar ittifoqi tashabbus koʻrsatgan loyihalarga tatbiq etilmaydi”;

m) 50-banddagi “hisobot davridan keyingi” soʻzlari chiqarib tashlansin;

n) 53-bandning beshinchi xatboshi quyidagi tahrirda bayon etilsin:

“kichik tadbirkorlik subyektlarining va/yoki tijorat bankining taqdim etgan hujjatlarida ishonchsiz yoki notoʻgʻri maʼlumotlar taqdim etilganligi aniqlanganda”;

o) 62-band quyidagi tahrirda bayon etilsin:

“62. Kafillik berish boʻyicha Jamgʻarma xizmatlari pulli hisoblanadi. Jamgʻarmaning kafilligi berilganligi uchun kichik tadbirkorlik subyektlaridan milliy valyutada kafolat summasining 1 (bir) foizi miqdorida bir marttalik vositachilik haqi undiriladi”;

p) 64-bandning ikkinchi xatboshidagi “foizdan” soʻzidan keyin “(oilaviy tadbirkorlik subyektlari loyihalaridan tashqari)” soʻzlari qoʻshilsin;

r) 69-bandning toʻrtinchi xatboshidagi “xulosani rasmiylashtiradi va unga kichik tadbirkorlik subyekti toʻgʻrisidagi umumlashtirilgan maʼlumotni ilova qiladi” soʻzlari “bankni ijobiy qaror qabul qilinganligi toʻgʻrisida xabardor qiladi” soʻzlari bilan almashtirilsin;

s) 72-bandning uchinchi xatboshi quyidagi tahrirda bayon qilinsin:

“Jamgʻarma tomonidan kafillik boʻyicha toʻlovlar amalga oshirilganda”;

t) 83-bandning birinchi xatboshidagi “yoki ushbu hujjatlar kafolat muddati tugagandan soʻng taqdim etilgan” soʻzlari chiqarib tashlansin;

u) 90-banddagi “taqdim etilgan resurslar” soʻzlari chiqarib tashlansin;

f) 91-banddagi “resurslar” soʻzi chiqarib tashlansin;

x) 94-banddagi “Jamgʻarma tomonidan ajratiladigan resurslardan maqsadli foydalanish, shuningdek” soʻzlari chiqarib tashlansin.