300-сон 15.09.2016. Surxondaryo viloyatida boʻsh turgan davlat mulki obyektlaridan kelgusida yanada samarali foydalanish, ularga salohiyatli investorlarni jalb etish chora-tadbirlari toʻgʻrisida

Hujjat kuchini yo‘qotgan " " 16.08.2024

Oʻzbekiston Respublikasi Vazirlar Mahkamasining

qarori

Surxondaryo viloyatida boʻsh turgan davlat mulki obyektlaridan kelgusida yanada samarali foydalanish, ularga salohiyatli investorlarni jalb etish chora-tadbirlari toʻgʻrisida

LexUZ sharhi

Mazkur qaror Oʻzbekiston Respublikasi Prezidentining 2024-yil 16-avgustdagi PF-111-sonli “Ijtimoiy munosabatlarni huquqiy tartibga solishning barqarorligini taʼminlash, sifati va samaradorligini oshirish chora-tadbirlari toʻgʻrisida”gi Farmoniga asosan oʻz kuchini yoʻqotgan.

Oʻzbekiston Respublikasi Vazirlar Mahkamasining “2015 — 2017-yillarda Surxondaryo viloyatining sanoat salohiyatini rivojlantirish dasturi toʻgʻrisida” 2015-yil 29-maydagi 142-son qaroriga muvofiq boʻsh turgan va foydalanilmayotgan davlat mulki obyektlaridan (keyingi oʻrinlarda obyektlar deb yuritiladi) kelgusida samarali foydalanish, salohiyatli investorlarni jalb etishni taʼminlash maqsadida Vazirlar Mahkamasi qaror qiladi:

1. Surxondaryo viloyati hokimligi, Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi, Iqtisodiyot vazirligi, Xalq taʼlimi vazirligi, Sogʻliqni saqlash vazirligi hamda “Oʻzbekkino” milliy agentligining oʻtkazilgan xatlov natijasida aniqlangan obyektlardan kelgusida samarali foydalanish va ularni tasarruf etishga doir takliflari maʼlumot uchun qabul qilinsin.

2. Quyidagilar:

oʻrnatilgan tartibda buzilishi belgilangan davlat mulki obyektlari roʻyxati 1-ilovaga muvofiq;

xususiylashtiriladigan davlat mulki obyektlari roʻyxati 2-ilovaga muvofiq;

investitsiya kiritish majburiyati bilan “nol” xarid qiymatida xususiylashtiriladigan davlat mulki obyektlari roʻyxati 3-ilovaga muvofiq;

davlat mulki obyektlaridan oqilona foydalanish va ularni tasarruf etish boʻyicha chora-tadbirlar 4-ilovaga muvofiq tasdiqlansin.

3. Belgilab qoʻyilsinki:

mazkur qarorga 1-ilovada nazarda tutilgan obyektlarni buzish Surxondaryo viloyatining tegishli tuman hokimliklari va balansda saqlovchilar tomonidan maxsus komissiya tuzilgan holda amalga oshiriladi hamda buzish natijasida olingan yaroqli qurilish materiallari dalolatnoma tuzilgan holda hisobga olinadi;

mazkur qarorga 2 va 3-ilovalarda nazarda tutilgan obyektlar xususiylashtirilib, yangi mulkdorlarga berilgunga qadar ularning daxlsizligi va butligini taʼminlash uchun balansda saqlovchilar masʼul hisoblanadi.

4. Quyidagilar obyektlarni buzish bilan bogʻliq xarajatlarni qoplash manbalari etib belgilansin:

obyektlarni buzish natijasida olingan yaroqli qurilish materiallarini sotishdan tushadigan mablagʻlar;

balansda saqlovchilarning budjetdan tashqari mablagʻlari hamda ularning xarajatlar smetasi doirasidagi budjet mablagʻlari.

5. Surxondaryo viloyati hokimligi tegishli shahar va tuman hokimliklari bilan birgalikda:

mazkur qarorga 1-ilovada qayd etilgan obyektlarning buzilishi natijasida boʻshaydigan yer maydonlarini hudud talabidan kelib chiqqan holda, tadbirkorlik faoliyatini amalga oshirish uchun belgilangan tartibda tanlov asosida ajratilishini taʼminlasin;

mazkur qarorga 2 va 3-ilovalarda nazarda tutilgan obyektlarni xususiylashtirish jarayonida ushbu obyektlarga yer uchastkalarining asoslangan holda biriktirilishiga alohida eʼtibor qaratsin.

6. Belgilab qoʻyilsinki:

mazkur qarorga 2-ilovada koʻrsatilgan davlat mulki obyektlarini sotishdan tushadigan mablagʻlar, istisno tariqasida, Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi ixtiyorida qoldiriladigan mablagʻlarni, shuningdek baholovchi tashkilot va savdo tashkilotchisi xizmatlari uchun xarajatlarni chegirgan holda, Termiz shahar hokimligining maxsus hisob raqamida jamlanadi;

Termiz shahar hokimligining maxsus hisob raqamida jamlangan mablagʻlar Surxondaryo viloyati hokimligi tomonidan tasdiqlanadigan manzilli roʻyxat asosida koʻp kvartirali uylarning hududlarini obodonlashtirishga, umumiy foydalanish joylarini, ularning ichki va tashqi muhandislik tarmoqlarini, tomlarini, fasad qismini, mavzelar hududidagi yoritish tizimlarini tiklashga, kommunal xizmat koʻrsatish tashkilotlari va xususiy uy-joy mulkdorlari shirkatlarining moddiy-texnika bazasini mustahkamlashga, shu jumladan ushbu ishlarni bajarish maqsadida olingan kreditlarni qoplashga yoʻnaltiriladi.

7. Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi Surxondaryo viloyati hokimligi bilan birgalikda bir oy muddatda:

mazkur qarorga 2-ilovada nazarda tutilgan obyektlarni baholash va savdoga qoʻyish jadvalini;

mazkur qarorga 3-ilovada nazarda tutilgan obyektlarni “nol” xarid qiymatida sotish boʻyicha tanlovlarni oʻtkazish jadvalini tasdiqlasin.

8. Surxondaryo viloyat hokimligi Oʻzbekiston milliy teleradiokompaniyasi bilan birgalikda, obyektlardan kelgusida samarali foydalanish va ularni tasarruf etish chora-tadbirlari yuzasidan amalga oshirilayotgan ishlar toʻgʻrisida telekoʻrsatuv va radioeshittirishlar tayyorlanishi hamda eʼlon qilinishini taʼminlasin.

9. Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi Termiz shahar hokimligining maxsus hisob raqamida jamlanadigan mablagʻlardan ushbu qarorning 6-bandida koʻrsatilgan maqsadlarda foydalanilishi yuzasidan har choraklik nazorat oʻrnatsin.

(9-band Oʻzbekiston Respublikasi Vazirlar Mahkamasining 2022-yil 5-avgustdagi 431-sonli qarori tahririda — Qonunchilik maʼlumotlari milliy bazasi, 06.08.2022-y., 09/22/431/0716-son)

10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2016-yil 15-sentabr,

300-son

Vazirlar Mahkamasining 2016-yil 15-sentabrdagi 300-son qaroriga
1-ILOVA

Oʻrnatilgan tartibda buzilishi belgilangan davlat mulki obyektlari

ROʻYXATI

T/r	T/r	Obyektning nomi	Joylashgan manzili	Qurilgan yili	Obyektni buzish natijasida boʻshaydigan yer maydonlari (ga)*	Balansda saqlovchi	Idoraviy mansubligi
Denov tumani
1.	1.	Teri-tanosil kasalliklari dispanseri bino-inshootlari	“Denov” QFY, “Doʻstlik” MFY	1950	0,77	Denov tumani hokimligi	Surxondaryo viloyati hokimligi
2.	2.	Qozonxona binosi	“Yangi hayot” MFY, Mustaqillik koʻchasi	1978	0,04	Denov tumani hokimligi	Surxondaryo viloyati hokimligi
3.	3.	Tez tibbiy yordam binosi	Registon koʻchasi, 30-uy	1959	0,02	Denov tumani tibbiyot birlashmasi	Sogʻliqni saqlash vazirligi
Oltinsoy tumani
4.	1.	Foydalanilmayotgan avtomobillarni saqlash binosi	“Qorliq” QFY, “Boʻston” MFY	1968	0,02	Oltinsoy tumani hokimligi	Surxondaryo viloyati hokimligi
5.	2.	Foydalanilmayotgan qozonxona binosi	“Qorliq” QFY, “Boʻston” MFY	1985	0,04	Oltinsoy tumani hokimligi	Surxondaryo viloyati hokimligi
Qumqoʻrgʻon tumani
6.	1.	Foydalanilmayotgan oʻquv binolari	“Jaloir” QFY, “Jaloir” MFY	1940	0,03	Qumqoʻrgʻon tumani 9-son umumiy oʻrta taʼlim maktabi	Xalq taʼlimi vazirligi
7.	2.	Sobiq oʻquv binosi	“Qumqoʻrgʻon” QFY, “Toʻgʻon” MFY	1980	0,018	Qumqoʻrgʻon tumani 42-son umumiy oʻrta taʼlim maktabi	Xalq taʼlimi vazirligi

* Obyektlarni buzish natijasida boʻshaydigan yer maydonlariga kadastr hujjatlariga asosan aniqlik kiritiladi.

Vazirlar Mahkamasining 2016-yil 15-sentabrdagi 300-son qaroriga
2-ILOVA

Xususiylashtiriladigan davlat mulki obyektlari

ROʻYXATI

T/r	T/r	Obyektning nomi	Joylashgan manzili	Balansda saqlovchi	Idoraviy mansubligi
Angor tumani
1.	1.	24-son umumiy oʻrta taʼlim maktabining foydalanilmayotgan omborxona binosi*	“Istiqlol” QFY, “Farovon” MFY	Angor tumani 24-son umumiy oʻrta taʼlim maktabi	Xalq taʼlimi vazirligi
Jarqoʻrgʻon tumani
2.	1.	“Quyoshcha” bolalar bogʻchasi filialining foydalanilmayotgan binosi*	“Surxon” QFY, “Porloq yulduzi” MFY	Jarqoʻrgʻon tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
3.	2.	“8-mart kinoteatri” binosi*	“Doʻstlik” MFY, Oʻzbekiston koʻchasi	Surxondaryo viloyati “Kinovideoxizmati” DUK	“Oʻzbekkino” milliy agentligi
4.	3.	Sobiq “Nodira” maktabgacha taʼlim muassasasining foydalanilmayotgan binosi*	“Istiqlol” MFY	Jarqoʻrgʻon tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
Qiziriq tumani
5.	1.	Aholiga maishiy xizmat koʻrsatish markazi binosi	“Sariq” SHFY, “Yangi turmush” MFY	Qiziriq tumani hokimligi	Surxondaryo viloyati hokimligi
6.	2.	Sobiq Bandixon tumani Qishloq va suv xoʻjaligi boʻlimining 2 qavatli binosi	“Bandixon” QFY, “Bandixon” MFY	Qiziriq tumani hokimligi	Surxondaryo viloyati hokimligi
7.	3.	Sobiq Bandixon tumani prokuraturasi binosi	“Bandixon” QFY, “Bandixon” MFY	Qiziriq tumani hokimligi	Surxondaryo viloyati hokimligi
8.	4.	Sobiq 35-son umumiy oʻrta taʼlim maktabining foydalanilmayotgan 1-oʻquv binosi*	“Yangiyoʻl” QFY, “Istiqlol” MFY	Qiziriq tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
9.	5.	Sobiq 35-son umumiy oʻrta taʼlim maktabining foydalanilmayotgan 2-oʻquv binosi*	“Yangiyoʻl” QFY, “Istiqlol” MFY	Qiziriq tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
10.	6.	Sobiq 35-son umumiy oʻrta taʼlim maktabining foydalanilmayotgan 3-oʻquv binosi*	“Yangiyoʻl” QFY, “Istiqlol” MFY	Qiziriq tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
11.	7.	Sobiq 35-son umumiy oʻrta taʼlim maktabining foydalanilmayotgan 4-oʻquv binosi*	“Yangiyoʻl” QFY, “Istiqlol” MFY	Qiziriq tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
Muzrabot tumani
12.	1.	Sobiq Xalq banki maxsus kassa binosi	“Beshqoʻton” QFY, “Obi Hayot” MFY	Muzrabot tumani hokimligi	Surxondaryo viloyati hokimligi
Oltinsoy tumani
13.	1.	5-son umumiy oʻrta taʼlim maktabining foydalanilmayotgan oshxona binosi	“Qorliq” QFY, “Qorliq” MFY	Oltinsoy tumani hokimligi	Surxondaryo viloyati hokimligi
14.	2.	Xizmat koʻrsatish va servis uyi binosi	“Chep” QFY, “Ipoq” MFY	Oltinsoy tumani hokimligi	Surxondaryo viloyati hokimligi
15.	3.	Budjetdan tashqari pensiya jamgʻarmasining eski binosi	“Qorliq” QFY, “Markaz” MFY, Ibn-Sino koʻchasi 4-uy	Oltinsoy tumani hokimligi	Surxondaryo viloyati hokimligi
16.	4.	Sobiq yuqumli kasalliklar shifoxonasi binolari*	“Oqarbuloq” QFY, “A.Boʻtayev” MFY	Oltinsoy tumani tibbiyot birlashmasi	Sogʻliqni saqlash vazirligi
Sariosiyo tumani
17.	1.	Sobiq qishloq vrachlik punkti binosi	“Toqchiyon” QFY, “Lochin” MFY	Sariosiyo tumani hokimligi	Surxondaryo viloyati hokimligi
18.	2.	Foydalanilmayotgan oqova suvlarni tozalash bino va inshootlari	“Toqchiyon” QFY, “Birlik” MFY	Surxondaryo viloyati “Suvoqova” ishlab chiqarish boshqarmasi	Surxondaryo viloyati hokimligi
19.	3.	Sobiq budjetdan tashqari pensiya jamgʻarmasining bino-inshootlari	“A.Navoiy” MFY, Marvarid koʻchasi, 110-uy	Sariosiyo tumani hokimligi	Surxondaryo viloyati hokimligi
Termiz shahri
20.	1.	Sobiq “Yosh sayyohlar” markazi binosi*	Tohariston koʻchasi, 45-uy	Surxondaryo viloyati xalq taʼlimi boshqarmasi	Xalq taʼlimi vazirligi
22.	3.	Qurilishi tugallanmagan Temir yoʻl shifoxonasining xoʻjalik bino va inshootlari	Ibn Sino koʻchasi	Termiz shahar hokimligi	Surxondaryo viloyati hokimligi
23.	4.	Maʼmuriy va xoʻjalik binolari	Toxariy koʻchasi	Termiz shahar hokimligi	Surxondaryo viloyati hokimligi
Termiz tumani
24.	1.	Foydalanilmayotgan dam olish maskani binosi	“Uchqizil” QFY, “Uchqizil” MFY	Termiz tumani hokimligi	Surxondaryo viloyati hokimligi
25.	2.	Foydalanilmayotgan yozgi klub binosi	“Uchqizil” QFY, “Yangi hayot” MFY	Termiz tumani hokimligi	Surxondaryo viloyati hokimligi
26.	3.	Sobiq “Doʻstlik” jamoa xoʻjaligining foydalanilmayotgan idora binosi	“Pattakesar” QFY, “Manguzar” MFY	Termiz tumani hokimligi	Surxondaryo viloyati hokimligi
27.	4.	Foydalanilmayotgan “Doʻstlik” mehmonxonasi va xoʻjalik binolari	“Pattakesar” QFY, “Manguzar” MFY	Termiz tumani hokimligi	Surxondaryo viloyati hokimligi
Uzun tumani
28.	1.	Sobiq muzey binosi*	“Telpakchinor” QFY, “Qarashiq” MFY	Uzun tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
29.	2.	Qishloq vrachlik punktining foydalanilmayotgan bino va inshootlari*	“Jonchekka” QFY, “Chaqar” MFY	Uzun tumani tibbiyot birlashmasi	Sogʻliqni saqlash vazirligi
30.	3.	Foydalanilmayotgan yozgi kinoteatr binosi*	“Telpakchinor” QFY, “Qarashiq” MFY	Uzun tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
31.	4.	Sobiq bolalar poliklinikasi binosi*	“Uzun” QFY, “Bahoriston” MFY	Uzun tumani tibbiyot birlashmasi	Sogʻliqni saqlash vazirligi
32.	5.	Foydalanilmayotgan musiqa maktabi binosi*	“Uzun” QFY, “Oʻzbekiston” MFY, N.Jabborov koʻchasi	Uzun tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
Sherobod tumani
33.	1.	Foydalanilmayotgan yozgi kinoteatr binosi*	“Katta hayot” MFY, 8-mart koʻchasi	Surxondaryo viloyati “Kinovideoxizmati” DUK	“Oʻzbekkino” milliy agentligi
34.	2.	Sobiq klub binosi	“Sariqamish” QFY, “Oltin voha” MFY	Sherobod tumani hokimligi	Surxondaryo viloyati hokimligi
35.	3.	Foydalanilmayotgan “Saodat” maktabgacha taʼlim muassasasi bino va inshootlari*	“Oqqoʻrgʻon” QFY, “Oqtepa” MFY	Sherobod tumani xalq taʼlimi muassasalari faoliyatini metodik taʼminlash va tashkil etish boʻlimi	Xalq taʼlimi vazirligi
36.	4.	Qurilishi tugallanmagan aholiga maishiy xizmat koʻrsatish markazi binosi	“Doʻstlik” MFY, Mustaqillik koʻchasi	Sherobod tumani hokimligi	Surxondaryo viloyati hokimligi
Shoʻrchi tumani
37.	1.	Sobiq “Oynakoʻl” kichik korxonasiga tegishli bino va inshootlar	“Shoʻrchi” QFY, “Oynakoʻl” MFY	Shoʻrchi tumani hokimligi	Surxondaryo viloyati hokimligi
38.	2.	Foydalanilmayotgan 2 ta bostirma va omborxona binolari	“Koʻklam” MFY, Mustaqillik koʻchasi	Shoʻrchi tumani hokimligi	Surxondaryo viloyati hokimligi

* Ushbu obyektlarni xususiylashtirish ular Surxondaryo viloyatining tegishli tuman va shahar hokimliklariga belgilangan tartibda berilgandan keyin amalga oshiriladi.

(2-ilova Oʻzbekiston Respublikasi Vazirlar Mahkamasining 2017-yil 5-apreldagi 182-sonli qarori tahririda)

Vazirlar Mahkamasining 2016-yil 15-sentabrdagi 300-son qaroriga
3-ILOVA

Investitsiya kiritish majburiyati bilan “nol” xarid qiymatida xususiylashtiriladigan davlat mulki obyektlari

ROʻYXATI

T/r	T/r	Obyektning nomi	Joylashgan manzili	Balansda saqlovchi	Idoraviy mansubligi
Termiz tumani
1.	1.	Sobiq 34-son harbiy shaharchaning foydalanilmayotgan tozalash bino-inshootlari	“Yangiariq” QFY, “Doʻstlik” MFY	Termiz tumani hokimligi	Surxondaryo viloyati hokimligi
2.	2.	Sobiq 34-A-son harbiy shaharcha 21-son yer uchastkasidagi bino va inshootlar	“Yangiariq” QFY, “Qoraxon” MFY	Termiz tumani hokimligi	Surxondaryo viloyati hokimligi
3.	3.	Sobiq 49-son harbiy shaharcha bino va inshootlari	“Uchqizil” QFY, “Parrandachilik” MFY	Termiz tumani hokimligi	Surxondaryo viloyati hokimligi
Sherobod tumani
4.	1.	Foydalanilmayotgan omborxona binosi	“Doʻstlik” MFY, Mustaqillik koʻchasi	Sherobod tumani hokimligi	Surxondaryo viloyati hokimligi
5.	2.	Sobiq “Kampirtepa Granit marmar” AJ foydalanilmayotgan bino va inshootlari	“Koʻxitang” QFY, “Qizil olma” MFY	Sherobod tumani hokimligi	Surxondaryo viloyati hokimligi

Vazirlar Mahkamasining 2016-yil 15-sentabrdagi 300-son qaroriga
4-ILOVA

Boʻsh turgan va foydalanilmayotgan davlat mulki obyektlaridan oqilona foydalanish va ularni tasarruf etish boʻyicha chora-tadbirlar

DASTURI

T/r	T/r	Obyektning nomi	Joylashgan manzili	Qurilgan yili	Balansda saqlovchi	Idoraviy mansubligi	Obyektni balansiga qabul qilib oluvchi tashkilot	Samarali foydalanish chora-tadbirlari
Angor tumani
1.	1.	Yotoqxona binosi	“Tallimaron” QFY, “Guliston” MFY	1986	Angor tumani hokimligi	Surxondaryo viloyati hokimligi	Angor tumani davlat arxivi	Angor tumani Davlat arxivini bino bilan taʼminlash uchun, operativ boshqaruv huquqi bilan berish
Jarqoʻrgʻon tumani
2.	1.	Foydalanilmayotgan Bolalar sil kasalliklari shifoxonasining yashash uyi	“Oqqoʻrgʻon” QFY, “Qorayogʻoch” MFY	1989	Surxondaryo viloyati sogʻliqni saqlash boshqarmasi	Sogʻliqni saqlash vazirligi	Jarqoʻrgʻon tumani hokimligi	Bino tuman hokimligiga berilgandan soʻng undan samarali foydalanish
3.	2.	Foydalanilmayotgan Bolalar sil kasalliklari shifoxonasining oshxona binosi	“Oqqoʻrgʻon” QFY, “Qorayogʻoch” MFY	1989	Surxondaryo viloyati sogʻliqni saqlash boshqarmasi	Sogʻliqni saqlash vazirligi	Jarqoʻrgʻon tumani hokimligi	Bino tuman hokimligiga berilgandan soʻng undan samarali foydalanish
Termiz shahri
4.	1.	Sobiq 26-son maktabgacha taʼlim muassasasining maʼmuriy oʻquv taʼlim va oshxona binolari	Saroymulkxonim koʻchasi, 35-uy	1985	Termiz shahar hokimligi	Surxondaryo viloyati hokimligi	Termiz shahar xalq taʼlimi muassasalari faoliyatini metodik taʼminlash va tashkil etish boʻlimi	Mazkur obyektdan kelgusida maktabgacha taʼlim muassasasi sifatida foydalanishga ehtiyoj mavjudligini inobatga olib, obyektni mukammal taʼmirlash masalasini xalq taʼlimi vazirligi tomonidan navbatdagi investitsiya dasturiga kiritgan holda hal etish
Sherobod tumani
5.	1.	Sobiq “Sharq” kinoteatri bino va inshootlari	“Buyuk ipak yoʻli” MFY, A.Navoiy koʻchasi	1989	Surxondaryo viloyati “Kinovideoxizmati” DUK	“Oʻzbekkino” milliy agentligi	Sherobod tumani hokimligi	Tuman hokimligiga berib, homiylik xayriyalari hisobidan sport majmuasi tashkil etish
6.	2.	Sobiq tuman Tibbiyot birlashmasining umumiy xirurgiya binosi	“Qoʻrgʻon” MFY	1984	Sherobod tumani hokimligi	Surxondaryo viloyati hokimligi	Sherobod tumani “Yer tuzish va koʻchmas mulk kadastri xizmati” davlat korxonasi	Sherobod tumani “Yer tuzish va koʻchmas mulk kadastri xizmati” davlat korxonasiga operativ boshqaruv huquqi bilan samarali foydalanishga berish

(Oʻzbekiston Respublikasi qonun hujjatlari toʻplami, 2016-y., 37-son, 435-modda; Qonunchilik maʼlumotlari milliy bazasi, 06.08.2022-y., 09/22/431/0716-son)