Oʻzbekiston Respublikasi Vazirlar Mahkamasining
qarori
Jismoniy va yuridik shaxslar markaziy maʼlumotlar bazalarini shakllantirish va “Elektron hukumat” tizimi foydalanuvchilarini identifikatsiyalashning yagona axborot tizimini joriy etish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi Milliy axborot-kommunikatsiya tizimini yanada rivojlantirish chora-tadbirlari toʻgʻrisida” 2013-yil 27-iyundagi PQ-1989-son qaroriga muvofiq, jismoniy va yuridik shaxslar toʻgʻrisidagi axborotning yagona markazlashtirilgan manbaini shakllantirish, shuningdek davlat xizmatlarini koʻrsatishda va idoralararo elektron hamkorlik qilishda “Elektron hukumat” tizimining foydalanuvchilarini haqiqiy identifikatsiyalashni taʼminlash maqsadida Vazirlar Mahkamasi qaror qiladi:
1. Quyidagilar:
“Elektron hukumat” tizimining jismoniy va yuridik shaxslar markaziy maʼlumotlar bazalarini shakllantirish va yuritish tartibi toʻgʻrisidagi nizom 1-ilovaga muvofiq;
“Elektron hukumat” tizimi foydalanuvchilarini identifikatsiyalashning yagona axborot tizimi toʻgʻrisidagi nizom 2-ilovaga muvofiq tasdiqlansin.
2. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi:
ikki hafta muddatda Oʻzbekiston Respublikasi Ichki ishlar vazirligi, Davlat soliq qoʻmitasi, Davlat statistika qoʻmitasi va Vazirlar Mahkamasi huzuridagi Davlat personallashtirish markazi bilan birgalikda “Elektron hukumat” tizimining jismoniy va yuridik shaxslar markaziy maʼlumotlar bazalarini (keyingi oʻrinlarda markaziy maʼlumotlar bazalari deb yuritiladi) shakllantirish va yuritish jadvalini tasdiqlasin;
bir oy muddatda Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat” tizimini rivojlantirish markazi va Axborot xavfsizligini taʼminlash markazi tuzilmalarida xodimlarning belgilangan shtatdagi soni doirasida “Elektron hukumat” tizimining markaziy maʼlumotlar bazalarini va tizimdan foydalanuvchilarni identifikatsiyalashning yagona axborot tizimini (keyingi oʻrinlarda identifikatsiyalashning yagona axborot tizimi deb ataladi) texnik qoʻllab-quvvatlash va ularning axborot xavfsizligini taʼminlash boʻyicha guruhlarni tashkil etsin;
davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar axborot tizimlarining markaziy maʼlumotlar bazalari va identifikatsiyalashning yagona tizimi bilan integratsiyalashuviga qoʻyiladigan texnik talablarni ikki oy muddatda tasdiqlasin;
davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlarning axborot tizimlarida jismoniy va yuridik shaxslarning yagona identifikatorlarini joriy qilish hamda ularning markaziy maʼlumotlar bazalari bilan integratsiyalashuviga doir chora-tadbirlar rejasini ikki oy muddatda tasdiqlash uchun 2013 — 2020-yillarda Oʻzbekiston Respublikasi Milliy axborot-kommunikatsiya tizimini rivojlantirish kompleks dasturi amalga oshirilishini muvofiqlashtirish Respublika komissiyasiga kiritsin.
3. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirish va qoʻshimchalar kiritilsin.
4. Vazirliklar va idoralar ikki oy muddatda oʻz normativ-huquqiy hujjatlarini ushbu qarorga muvofiqlashtirsinlar.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2015-yil 17-dekabr,
365-son
Vazirlar Mahkamasining 2015-yil 17-dekabrdagi 365-son qaroriga
1-ILOVA
1-ILOVA
“Elektron hukumat” tizimining jismoniy va yuridik shaxslar markaziy maʼlumotlar bazalarini shakllantirish va yuritish tartibi toʻgʻrisida
NIZOM
I. Umumiy qoidalar
1. Ushbu Nizom “Elektron hukumat” tizimining jismoniy va yuridik shaxslar markaziy maʼlumotlar bazalarini (keyingi oʻrinlarda markaziy maʼlumotlar bazalari deb yuritiladi) shakllantirish, dolzarblashtirish, yuritish va ulardan foydalanish tartibini belgilaydi.
2. Markaziy maʼlumotlar bazalari davlat xizmatlarini koʻrsatish va davlat organlari hamda boshqa tashkilotlar (keyingi oʻrinlarda vakolatli organlar deb yuritiladi) bilan idoralararo elektron hamkorlik qilish uchun zarur boʻlgan jismoniy va yuridik shaxslar toʻgʻrisidagi axborot manbai hisoblanadigan davlat axborot resurslaridan iborat.
3. Markaziy maʼlumotlar bazalari quyidagi vazifalarni taʼminlash maqsadida shakllantiriladi va yuritiladi:
davlat xizmatlari koʻrsatish, shu jumladan elektron shaklda;
davlat xizmatlari koʻrsatish jarayonini avtomatlashtirish va muddatlarini qisqartirish;
davlat xizmatlari koʻrsatishda va idoralararo elektron hamkorlik qilishda zarur boʻlgan jismoniy va yuridik shaxslar toʻgʻrisidagi axborotni saqlash;
samarali idoralararo elektron hamkorlik qilish, shu jumladan uzatiladigan axborotni qisqartirish hisobiga;
davlat xizmatlari koʻrsatishda jismoniy va yuridik shaxslarni identifikatsiyalash;
vakolatli organlarning axborot tizimlarini “Elektron hukumat” tizimining yagona infratuzilmasiga integratsiyalash.
4. “Elektron hukumat” tizimining jismoniy va yuridik shaxslar markaziy maʼlumotlar bazalarini shakllantirish va yuritish ushbu Nizomga ilova qilingan sxemaga muvofiq amalga oshiriladi.
II. Markaziy maʼlumotlar bazalarini shakllantirish va dolzarblashtirish
5. Markaziy maʼlumotlar bazalari jismoniy va yuridik shaxslarning yagona identifikatorlaridan foydalanib vakolatli organlar tomonidan shakllantiriladi va dolzarblashtiriladi.
6. Berilayotganda bir marta generatsiyalanadigan, noyob va oʻzgartirilishi mumkin boʻlmagan raqamlar jismoniy va yuridik shaxslarning yagona identifikatorlari hisoblanadi.
7. Jismoniy shaxsning shaxsiy identifikatsiya raqami (keyingi oʻrinlarda JSH SHIR deb ataladi) jismoniy shaxsning yagona identifikatori hisoblanadi.
8. Soliq toʻlovchining identifikatsiya raqami (keyingi oʻrinlarda STIR deb ataladi) yuridik shaxsning yagona identifikatori hisoblanadi.
9. Quyidagilar jismoniy shaxslarning markaziy maʼlumotlar bazalarini shakllantirish va dolzarblashtirish boʻyicha vakolatli organlar hisoblanadi:
Oldingi tahrirga qarang.
1) Oʻzbekiston Respublikasi Ichki ishlar vazirligi:
yashash joyi boʻyicha roʻyxatdan oʻtgan manzili toʻgʻrisidagi maʼlumotlar yuzasidan;
turgan joyi boʻyicha roʻyxatdan oʻtganligi toʻgʻrisidagi maʼlumotlar yuzasidan.
(9-bandning 1-kichik bandi Oʻzbekiston Respublikasi Vazirlar Mahkamasining 2026-yil 5-maydagi 224-sonli qarori tahririda — Qonunchilik maʼlumotlari milliy bazasi, 06.05.2026-y., 09/26/224/0457-son)
2) Oʻzbekiston Respublikasi Davlat soliq qoʻmitasi — STIR toʻgʻrisidagi maʼlumotlar yuzasidan;
Oldingi tahrirga qarang.
3) Oʻzbekiston Respublikasi Adliya vazirligi huzuridagi Personallashtirish agentligi:
(9-band 3-kichik bandining birinchi xatboshisi Oʻzbekiston Respublikasi Vazirlar Mahkamasining 2025-yil 1-martdagi 135-sonli qarori tahririda — Qonunchilik maʼlumotlari milliy bazasi, 03.03.2025-y., 09/25/135/0208-son)
JSH SHIR toʻgʻrisidagi maʼlumotlar yuzasidan;
familiyasi, ismi, otasining ismi toʻgʻrisidagi maʼlumotlar yuzasidan, davlat tilidagi va agar mavjud boʻlsa boshqa tillardagi maʼlumotlar yuzasidan;
jinsi toʻgʻrisidagi maʼlumotlar yuzasidan;
tugʻilgan sanasi va joyi toʻgʻrisidagi maʼlumotlar yuzasidan;
pasport seriyasi, raqami, berilgan joyi va sanasi toʻgʻrisidagi maʼlumotlar yuzasidan;
pasport muddatining tugash sanasi toʻgʻrisidagi maʼlumotlar yuzasidan;
millati toʻgʻrisidagi maʼlumotlar yuzasidan;
fuqaroligi toʻgʻrisidagi maʼlumotlar yuzasidan.
10. Quyidagilar yuridik shaxslarning markaziy maʼlumotlar bazasini shakllantirish va dolzarblashtirish boʻyicha vakolatli organlar hisoblanadi:
1) Oʻzbekiston Respublikasi Davlat soliq qoʻmitasi:
toʻliq nomi toʻgʻrisidagi maʼlumotlar yuzasidan;
qisqartirilgan nomi toʻgʻrisidagi maʼlumotlar yuzasidan;
STIR toʻgʻrisidagi maʼlumotlar yuzasidan;
davlat roʻyxatiga olingan sana va raqami toʻgʻrisidagi maʼlumotlar yuzasidan;
tugatish sanasi toʻgʻrisidagi maʼlumotlar yuzasidan;
yuridik manzili toʻgʻrisidagi maʼlumotlar yuzasidan;
ustav fondi miqdori toʻgʻrisidagi maʼlumotlar yuzasidan;
rahbarga tegishli STIR toʻgʻrisidagi maʼlumotlar yuzasidan;
yuridik shaxs faoliyatining holati toʻgʻrisidagi maʼlumotlar yuzasidan;
murojaat qilinadigan telefon raqami toʻgʻrisidagi maʼlumotlar yuzasidan;
elektron pochta toʻgʻrisidagi maʼlumotlar yuzasidan;
Oldingi tahrirga qarang.
2) Oʻzbekiston Respublikasi Milliy statistika qoʻmitasi:
(10-band 2-kichik bandining birinchi xatboshisi Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik maʼlumotlari milliy bazasi, 07.10.2025-y., 09/25/627/0901-son)
yuridik shaxsning kodi (KTUT) toʻgʻrisidagi maʼlumotlar yuzasidan;
mulkchilik shaklining kodi toʻgʻrisidagi (MSH) maʼlumotlar yuzasidan;
tashkiliy-huquqiy shakl kodi (THSH) toʻgʻrisidagi maʼlumotlar yuzasidan;
joylashgan joy hududining kodi toʻgʻrisidagi (MHOBT) maʼlumotlar yuzasidan;
Oldingi tahrirga qarang.
yillik statistika hisoboti boʻyicha faoliyat asosiy turining kodi toʻgʻrisidagi (IFUT) maʼlumotlar yuzasidan.
(10-band 2-kichik bandining oltinchi xatboshisi Oʻzbekiston Respublikasi Vazirlar Mahkamasining 2016-yil 24-avgustdagi 275-sonli qarori tahririda — OʻR QHT, 2016-y., 34-son, 405-modda)
11. Markaziy maʼlumotlar bazalarida mavjud boʻlmagan va davlat xizmatlari koʻrsatish, shuningdek idoralararo elektron hamkorlik uchun zarur boʻlgan axborot jismoniy va yuridik shaxslarning yagona identifikatorlari asosida shakllantiriladigan tegishli vakolatli organlarning axborot resurslarida saqlanadi.
III. Markaziy maʼlumotlar bazalarini yuritish va ulardan foydalanish tartibi
12. Markaziy maʼlumotlar bazalarini yuritish Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan amalga oshiriladi. Axborot texnologiyalari va kommunikatsiyalarini rivojlantirish vazirligi:
markaziy maʼlumotlar bazalari dasturiy-apparat kompleksining ishlashini, texnik kuzatuvini va yanada takomillashtirilishini;
belgilangan tartibda markaziy maʼlumotlar bazalaridagi axborotning saqlanishini va axborot xavfsizligini taʼminlash choralari koʻrilishini;
vakolatli organlar bilan kelishgan holda markaziy maʼlumotlar bazalarini shakllantirish va dolzarblashtirish jadvallari tasdiqlanishini;
markaziy maʼlumotlar bazalarida saqlanadigan axborot vakolatli organlar tomonidan oʻz vaqtida dolzarblashtirilishi ustidan nazorat qilinishini;
markaziy maʼlumotlar bazalaridagi maʼlumotlarning toʻliqligi tekshirilishini;
vakolatli organlar axborot tizimlarining markaziy maʼlumotlar bazalari bilan integratsiyalashuviga qoʻyiladigan texnik talablar tasdiqlanishini;
markaziy maʼlumotlar bazalarida mavjud boʻlgan axborotning takrorlanishini istisno etish maqsadida vakolatli organlarning yangidan tashkil qilinayotgan axborot resurslaridagi maʼlumotlarning tahlili amalga oshirilishini taʼminlaydi.
13. Axborot texnologiyalari va kommunikatsiyalarini rivojlantirish vazirligi shakllantirilgan markaziy maʼlumotlar bazalarining nusxalarini ulardan foydalanish huquqiga ega boʻlmagan shaxslarga taqdim etish huquqiga ega emas.
14. Vakolatli organlar tomonidan markaziy maʼlumotlar bazalariga taqdim etiladigan maʼlumotlar taqdim etilayotgan paytda ishonchli, toʻliq va dolzarb boʻlishi kerak.
15. Vakolatli organlar markaziy maʼlumotlar bazalariga maʼlumotlarni “Elektron hukumat” tizimi idoralararo integratsiyalashuv platformasi orqali jismoniy va yuridik shaxslarning yagona identifikatorlaridan foydalanib taqdim etadilar.
16. Markaziy maʼlumotlar bazalaridan maʼlumotlar olish jismoniy va yuridik shaxslarning yagona identifikatorlaridan foydalanish orqali amalga oshiriladi.
Oldingi tahrirga qarang.
161. Davlat xizmatlari koʻrsatish jarayonidagi idoralararo elektron hamkorlik qilishda jismoniy va yuridik shaxslarning boshqa identifikatorlaridan foydalanishga yoʻl qoʻyilmaydi.
(161-band Oʻzbekiston Respublikasi Vazirlar Mahkamasining 2018-yil 19-noyabrdagi 934-sonli qaroriga asosan kiritilgan — Qonun hujjatlari maʼlumotlari milliy bazasi, 21.11.2018-y., 09/18/934/2197-son)
17. Markaziy maʼlumotlar bazalaridagi maʼlumotlardan foydalanganda jismoniy va yuridik shaxslarni identifikatsiyalash faqat “Elektron hukumat” tizimi foydalanuvchilarini identifikatsiyalashning yagona axborot tizimi orqali amalga oshiriladi.
18. Davlat xizmatlari koʻrsatishda va idoralararo elektron hamkorlik qilishda markaziy maʼlumotlar bazalaridagi maʼlumotlardan foydalanish “Elektron hukumat” tizimining idoralararo integratsiyalashuv platformasi yordamida amalga oshiriladi.
Oldingi tahrirga qarang.
19. Davlat xizmatlari koʻrsatishda jismoniy va yuridik shaxslardan markaziy maʼlumotlar bazalari va tegishli vakolatli organlarning axborot resurslarida mavjud boʻlgan maʼlumotlarni hamda boshqa identifikatorli qoʻshimcha hujjatlarni talab qilish taqiqlanadi.
(19-band Oʻzbekiston Respublikasi Vazirlar Mahkamasining 2018-yil 19-noyabrdagi 934-sonli qarori tahririda — Qonun hujjatlari maʼlumotlari milliy bazasi, 21.11.2018-y., 09/18/934/2197-son)
20. Markaziy maʼlumotlar bazalarida mavjud boʻlmagan axborotning saqlanishini taʼminlovchi davlat axborot resurslarini yaratishda tegishli ravishda jismoniy va yuridik shaxslarning yagona identifikatorlaridan foydalaniladi.
IV. Yakunlovchi qoidalar
21. Markaziy maʼlumotlar bazalaridagi maʼlumotlarning ishonchliligi va dolzarbligi uchun vakolatli organlar javob beradi.
Oldingi tahrirga qarang.
22. Ushbu Nizom talablari buzilishida aybdor boʻlgan shaxslar qonunchilikka muvofiq javob beradi.
(22-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
“Elektron hukumat” tizimining jismoniy va yuridik shaxslar markaziy maʼlumotlar bazalarini shakllantirish va yuritish tartibi toʻgʻrisidagi nizomga
ILOVA
ILOVA
“Elektron hukumat” tizimining jismoniy va yuridik shaxslar markaziy maʼlumotlar bazalarini shakllantirish va yuritish
SXEMASI
Oldingi tahrirga qarang.
Bosqichlar | Xatti-harakatlar | Subyektlar | Muddatlar |
I. Tashkiliy chora-tadbirlar | |||
1-bosqich | “Elektron hukumat” tizimining jismoniy va yuridik shaxslar markaziy maʼlumotlar bazalarini shakllantirish va yuritish jadvalini tasdiqlash | Raqamli texnologiyalar vazirligi, IIV, Soliq qoʻmitasi, Milliy statistika qoʻmitasi, IIV huzuridagi Migratsiya va personallashtirish departamenti | ikki hafta muddatda |
2-bosqich | Vakolatli organlar axborot tizimlarining markaziy maʼlumotlar bazalari bilan integratsiyalashuviga qoʻyiladigan texnik talablarni tasdiqlash. | Axborot texnologiyalari va kommunikatsiyalarini rivojlantirish vazirligi | ikki oy muddatda |
II. Texnik chora-tadbirlar | |||
3-bosqich | “Elektron hukumat” tizimining jismoniy va yuridik shaxslar markaziy maʼlumotlar bazalarini yuritish, texnik qoʻllab-quvvatlash va yanada takomillashtirish. | Axborot texnologiyalari va kommunikatsiyalarini rivojlantirish vazirligi | jadvalga muvofiq |
4-bosqich | “Elektron hukumat” tizimining jismoniy shaxslar markaziy maʼlumotlar bazalarini shakllantirish. | IIV, DSQ, DPM, Axborot texnologiyalari va kommunikatsiyalarini rivojlantirish vazirligi | jadvalga muvofiq |
5-bosqich | “Elektron hukumat” tizimining yuridik shaxslar markaziy maʼlumotlar bazalarini shakllantirish. | Soliq qoʻmitasi, Milliy statistika qoʻmitasi, Raqamli texnologiyalar vazirligi | jadvalga muvofiq |
6-bosqich | Markaziy maʼlumotlar bazalarining davlat xizmatlari koʻrsatish uchun vakolatli organlarning axborot tizimlari va resurslari bilan integratsiyalashuvi. | Vakolatli organlar, | jadvalga muvofiq |
7-bosqich | Davlat xizmatlari koʻrsatish va idoralararo elektron hamkorlik qilishda jismoniy va yuridik shaxslarning yagona identifikatorlaridan foydalanish orqali markaziy maʼlumotlar bazalari axborotidan foydalanish. | Vakolatli organlar | doimo |
8-bosqich | “Elektron hukumat” tizimi jismoniy shaxslarining markaziy maʼlumotlar bazalarini dolzarblashtirish va yuritish. | IIV, DSQ, DPM, Axborot texnologiyalari va kommunikatsiyalarini rivojlantirish vazirligi | doimo |
9-bosqich | “Elektron hukumat” tizimi yuridik shaxslarining markaziy maʼlumotlar bazalarini dolzarblashtirish va yuritish. | Soliq qoʻmitasi, Milliy statistika qoʻmitasi, Raqamli texnologiyalar vazirligi | doimo |
(ilova Oʻzbekiston Respublikasi Vazirlar Mahkamasining 2025-yil 6-oktabrdagi 627-sonli qarori tahririda — Qonunchilik maʼlumotlari milliy bazasi, 07.10.2025-y., 09/25/627/0901-son)
Vazirlar Mahkamasining 2015-yil 17-dekabrdagi 365-son qaroriga
2-ILOVA
2-ILOVA
“Elektron hukumat” tizimi foydalanuvchilarini identifikatsiyalashning yagona axborot tizimi toʻgʻrisida
NIZOM
I. Umumiy qoidalar
1. Ushbu Nizom “Elektron hukumat” tizimi foydalanuvchilarini identifikatsiyalash yagona axborot tizimining (keyingi oʻrinlarda identifikatsiyalashning yagona tizimi deb yuritiladi) vazifalari, funksiyalari, ishlashi va undan foydalanish tartibini belgilaydi.
Oldingi tahrirga qarang.
2. Jismoniy va yuridik shaxslarning (keyingi oʻrinlarda foydalanuvchilar deb ataladi) “Elektron hukumat” tizimi doirasida idoralararo elektron hamkorlik orqali interaktiv davlat xizmatlarini hamda bank, moliya va boshqa subyektlarning xizmatlarini koʻrsatish identifikatsiyalashning yagona tizimi yordamida amalga oshiriladi.
(2-band Oʻzbekiston Respublikasi Vazirlar Mahkamasining 30-oktabrdagi 679-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
II. Identifikatsiyalash yagona tizimining vazifalari va funksiyalari
3. Identifikatsiyalashning yagona tizimi quyidagi vazifalarni bajaradi:
interaktiv davlat xizmatlari koʻrsatishda va idoralararo elektron hamkorlik qilishda foydalanuvchilarning haqiqiy identifikatsiyalanishini taʼminlash;
Oldingi tahrirga qarang.
bank, moliya va boshqa subyektlarning xizmatlarini koʻrsatishda foydalanuvchilarning haqiqiy identifikatsiyalanishini taʼminlash;
(3-band Oʻzbekiston Respublikasi Vazirlar Mahkamasining 2020-yil 30-oktabrdagi 679-sonli qaroriga asosan uchinchi xatboshi bilan toʻldirilgan — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
“Elektron hukumat” tizimi foydalanuvchilarini roʻyxatga olish, identifikatsiyalash, autentifikatsiyalash va avtorizatsiyalashning yagona mexanizmini taʼminlash;
idoralararo elektron hamkorlik qilishda davlat xizmatlari koʻrsatuvchi davlat organlari va boshqa tashkilotlarning (keyingi oʻrinlarda vakolatli organlar deb ataladi) axborot tizimlaridan ruxsat etilgan holda foydalanishni taʼminlash.
4. Yuklangan vazifalarni bajarish uchun identifikatsiyalashning yagona tizimi quyidagi funksiyalarni amalga oshiradi:
foydalanuvchilarni roʻyxatga olish, identifikatsiyalash, autentifikatsiyalash va avtorizatsiyalashni;
“Elektron hukumat” tizimi jismoniy va yuridik shaxslarining markaziy maʼlumotlar bazalari bilan oʻzaro hamkorlik qilishi;
foydalanuvchilarning ishonchli shaxsiy maʼlumotlarini identifikatsiyalashning yagona tizimiga ulangan vakolatli organlarning axborot tizimlariga ruxsat etilgan holda uzatish;
Oldingi tahrirga qarang.
davlat xizmatlari koʻrsatishda bank moliya va boshqa subyektlarning xizmatlari va idoralararo elektron hamkorlik qilishda foydalanuvchilarning vakolatlarini saqlash va boshqarish.
(4-bandning beshinchi xatboshisi Oʻzbekiston Respublikasi Vazirlar Mahkamasining 30-oktabrdagi 679-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
III. Identifikatsiyalash yagona tizimining ishlashi va undan foydalanish tartibi
5. Identifikatsiyalash yagona tizimining ishlashi Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan amalga oshiriladi, ushbu Vazirlik quyidagilarni taʼminlaydi:
identifikatsiyalash yagona tizimining dasturiy-apparat kompleksini texnik qoʻllab-quvvatlash va yanada takomillashtirish;
belgilangan tartibda foydalanuvchilarning shaxsiy maʼlumotlari saqlanishi va axborot xavfsizligini taʼminlash choralarini koʻrish;
vakolatli organlar axborot tizimlarining identifikatsiyalashning yagona tizimi bilan integratsiyalashuviga qoʻyiladigan texnik talablarni tasdiqlash;
davlat organlari axborot tizimlarining identifikatsiyalashning yagona tizimi bilan integratsiyalashuviga koʻmaklashish;
Oldingi tahrirga qarang.
bank, moliya va boshqa subyektlar axborot tizimlarini identifikatsiyalashning yagona tizimi bilan integratsiyalashuviga koʻmaklashish;
(5-band Oʻzbekiston Respublikasi Vazirlar Mahkamasining 2020-yil 30-oktabrdagi 679-sonli qaroriga asosan oltinchi xatboshi bilan toʻldirilgan — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
vakolatli organlar axborot tizimlarini identifikatsiyalashning yagona tizimiga ulash (roʻyxatga olish);
identifikatsiyalashning yagona tizimida foydalanuvchilar harakatlarini qayd qilish va doimiy monitoringini olib borish;
ushbu Nizom talablari buzilgan taqdirda foydalanuvchilar va vakolatli organlar axborot tizimlarining identifikatsiyalash yagona tizimidan foydalanishini blokirovka qilish.
6. Identifikatsiyalash yagona tizimining ishlashi ushbu Nizomga ilova qilingan sxemaga muvofiq amalga oshiriladi.
7. Foydalanuvchilarni identifikatsiyalashning yagona tizimida roʻyxatga olish bepul asosda amalga oshiriladi.
8. Foydalanuvchilarni identifikatsiyalashning yagona tizimiga ulangan vakolatli organlarning axborot tizimlarida identifikatsiyalash jismoniy shaxsning shaxsiy identifikatsiya raqami va yuridik shaxsning soliq toʻlovchining identifikatsiya raqami asosida amalga oshiriladi.
Oldingi tahrirga qarang.
9. Foydalanuvchilarni identifikatsiyalashning yagona tizimida autentifikatsiyalash elektron raqamli imzo (keyingi oʻrinlarda ERI deb ataladi) vositalari, mobil telefon raqamlari, shaxslarning biometrik maʼlumotlari, shuningdek boshqa usullar bilan belgilangan tartibda amalga oshiriladi.
(9-band Oʻzbekiston Respublikasi Vazirlar Mahkamasining 30-oktabrdagi 679-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
10. ERI quyidagi maqsadlarda qoʻllaniladi:
interaktiv davlat xizmatlaridan foydalanish uchun, shuningdek idoralararo elektron hamkorlik qilishda foydalanuvchilar arizasining yuridik kuchini taʼminlash;
foydalanuvchilar interaktiv davlat xizmatlaridan foydalanish uchun ariza berganda axborotni buzib koʻrsatishdan himoya qilish;
foydalanuvchilarning interaktiv davlat xizmatlaridan foydalanish uchun bergan arizasini ruxsatsiz koʻrishdan himoya qilish.
11. Foydalanuvchilarning interaktiv davlat xizmatlaridan foydalanish uchun bergan arizasidagi ERI bir vaqtning oʻzida quyidagi shartlarga rioya qilinganda:
ERI haqiqiyligi tasdiqlanganda;
ERI haqiqiyligini tasdiqlash vaqtida yoxud imzolash vaqtini belgilovchi isbotlar mavjud boʻlganda elektron arizani imzolash vaqtida ERI kalitining sertifikati amal qilganda qogʻoz koʻrinishdagi yozma arizaga qoʻl bilan qoʻyilgan imzo bilan bir xil ahamiyatga ega.
12. Foydalanuvchi interaktiv davlat xizmatlaridan foydalanish uchun identifikatsiyalashning yagona tizimi orqali avtorizatsiyalanishi kerak.
13. Foydalanuvchi toʻgʻrisidagi maʼlumotlar vakolatli organlarning tegishli axborot tizimlariga muvaffaqiyatli autentifikatsiyalanishdan soʻng yuboriladi.
Oldingi tahrirga qarang.
14. Identifikatsiyalashning yagona tizimidan olingan foydalanuvchilar toʻgʻrisidagi maʼlumotlar ishonchli hisoblanadi va davlat xizmatlarini koʻrsatish, bank moliya va boshqa subyektlarning xizmatlari hamda idoralararo elektron hamkorlik qilish uchun moʻljallangan.
(14-band Oʻzbekiston Respublikasi Vazirlar Mahkamasining 30-oktabrdagi 679-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
15. Foydalanuvchilarning axborotni ruxsatsiz foydalanishdan himoya qilishga doir belgilangan choralarni buzishga qaratilgan xatti-harakatlariga yoʻl qoʻyilmaydi.
Oldingi tahrirga qarang.
16. Davlat xizmatlaridan va boshqa xizmatlardan foydalanishda foydalanuvchiga xizmatlarni koʻrsatish va tegishli xizmatlardan foydalanish uchun arizalarni yuborish tartibi va talablari bilan tanishish imkoniyati beriladi.
(16-band Oʻzbekiston Respublikasi Vazirlar Mahkamasining 30-oktabrdagi 679-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
Oldingi tahrirga qarang.
17. Davlat xizmatidan va boshqa xizmatlardan foydalanish uchun foydalanuvchi arizasining yuborilishi foydalanuvchining uning tegishli xizmatlarni koʻrsatish uchun zarur boʻlgan shaxsiy maʼlumotlarini yuborish va ulardan foydalanishga roziligi boʻlib hisoblanadi.
(17-band Oʻzbekiston Respublikasi Vazirlar Mahkamasining 30-oktabrdagi 679-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
IV. Vakolatli organlarning axborot tizimlarini identifikatsiyalashning yagona tizimiga ulash
Oldingi tahrirga qarang.
18. Muayyan jismoniy shaxsga taalluqli boʻlgan yoki uni identifikatsiya qilish imkonini beradigan shaxsga doir maʼlumotlarni uchinchi shaxslarga taqdim etish Oʻzbekiston Respublikasining “Shaxsga doir maʼlumotlar toʻgʻrisida”gi Qonuniga muvofiq amalga oshiriladi.
(18-band Oʻzbekiston Respublikasi Vazirlar Mahkamasining 30-oktabrdagi 679-sonli qarori tahririda — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
19. Vakolatli organlarning axborot tizimlarini identifikatsiyalashning yagona tizimiga ulash integratsiyalashuvga qoʻyiladigan texnik talablarga muvofiq amalga oshiriladi.
Oldingi tahrirga qarang.
191. Identifikatsiyalashning yagona tizimi orqali shaxslarni identifikatsiyalash (autentifikatsiyalash) xizmatlari davlat xizmatlari koʻrsatuvchi vakolatli organlarga bepul asosda, qolgan xoʻjalik yurituvchi subyektlarga oʻrnatilgan tartibda toʻlov-shartnoma asosida koʻrsatiladi.
(191-band Oʻzbekiston Respublikasi Vazirlar Mahkamasining 30-oktabrdagi 679-sonli qaroriga asosan kiritilgan — Qonun hujjatlari maʼlumotlari milliy bazasi, 31.10.2020-y., 09/20/679/1444-son)
V. Idoralararo elektron hamkorlikni amalga oshirish
20. Hujjatlar va axborot bilan avtomatlashtirilgan tarzda ayirboshlash maqsadida vakolatli organlar axborot tizimlarining integratsiyalashuvi “Elektron hukumat” tizimi idoralararo integratsiyalashuv platformasi orqali amalga oshiriladi.
21. “Elektron hukumat” tizimi idoralararo integratsiyalashuv platformasiga ulanadigan vakolatli organlarning axborot tizimlari ham hujjatlar va axborotni taqdim etish uchun murojaat qilgan maʼlumotlarni yetkazib beruvchilar, ham hujjatlar va axborotni soʻragan maʼlumotlarning isteʼmolchilari boʻlishi mumkin.
22. Idoralararo elektron hamkorlik qilishda foydalanuvchilarning foydalanishini va vakolatlarini taʼminlash ustidan nazorat qilish identifikatsiyalashning yagona tizimi orqali amalga oshiriladi.
VI. Yakunlovchi qoidalar
23. Identifikatsiyalashning yagona tizimida foydalanuvchilarning shaxsiy maʼlumotlaridan ruxsatsiz foydalanganlik uchun vakolatli organlar — axborot tizimlarining egalari va Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi javob beradi.
Oldingi tahrirga qarang.
24. Ushbu Nizom talablari buzilishida aybdor boʻlgan shaxslar qonunchilikka muvofiq javob beradi.
(24-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
“Elektron hukumat” tizimi foydalanuvchilarini identifikatsiyalashning yagona axborot tizimi toʻgʻrisidagi nizomga
ILOVA
ILOVA
Identifikatsiyalash yagona tizimining ishlash
SXEMASI
|
Bosqichlar |
Xatti-harakatlar |
Subyektlar |
Muddatlar |
|
I. Tashkiliy chora-tadbirlar | |||
|
1-bosqich |
Vakolatli organlar axborot tizimlarining “Elektron hukumat” tizimi foydalanuvchilarini identifikatsiyalashning yagona axborot tizimi bilan integratsiyalashuvining texnik talablarini tasdiqlash. |
Axborot texnologiyalari va kommunikatsiyalarini rivojlantirish vazirligi, DSQ |
ikki oy muddatda |
|
2-bosqich |
Vakolatli organlarning axborot tizimlarida jismoniy va yuridik shaxslarning yagona identifikatorlarini joriy etish boʻyicha tadbirlar rejasini tasdiqlash uchun 2013 — 2020-yillarda Oʻzbekiston Respublikasi Milliy axborot-kommunikatsiya tizimini rivojlantirish kompleks dasturining amalga oshirilishini muvofiqlashtirish Respublika komissiyasiga kiritish. |
Axborot texnologiyalari va kommunikatsiyalarini rivojlantirish vazirligi, DSQ, DPM |
ikki oy muddatda |
|
II. Identifikatsiyalash yagona tizimining ishlashi | |||
|
3-bosqich |
“Elektron hukumat” tizimi foydalanuvchilarini identifikatsiyalashning yagona tizimini yaratish, joriy etish va ishlashini taʼminlash |
Axborot texnologiyalari va kommunikatsiyalarini rivojlantirish vazirligi, DSQ, DPM |
uch oy muddatda |
|
4-bosqich |
Foydalanuvchilarni identifikatsiyalashning yagona tizimida roʻyxatga olish. |
Axborot texnologiyalari va kommunikatsiyalarini rivojlantirish vazirligi, DSQ |
soʻrovga koʻra |
|
5-bosqich |
Davlat xizmatlari koʻrsatishda va idoralararo elektron hamkorlik qilishda foydalanuvchilarni haqiqiy identifikatsiyalash. |
Axborot texnologiyalari va kommunikatsiyalarini rivojlantirish vazirligi, vakolatli organlar |
soʻrovga koʻra |
|
6-bosqich |
Davlat xizmatlari koʻrsatishda va idoralararo elektron hamkorlik qilishda foydalanuvchilarni ERI vositasida identifikatsiyalash yagona tizimida autentifikatsiyalash. |
DSQ, Axborot texnologiyalari va kommunikatsiyalarini rivojlantirish vazirligi, vakolatli organlar |
soʻrovga koʻra |
|
7-bosqich |
Interaktiv davlat xizmatlaridan foydalanish, shuningdek idoralararo elektron hamkorlik qilish uchun foydalanuvchilarni identifikatsiyalashning yagona tizimida avtorizatsiya qilish. |
Axborot texnologiyalari va kommunikatsiyalarini rivojlantirish vazirligi, vakolatli organlar |
soʻrovga koʻra |
|
8-bosqich |
Idoralararo elektron hamkorlik qilishda davlat xizmatlarini koʻrsatuvchi vakolatli organlarning axborot tizimlaridan ruxsat etilgan foydalanish. |
Axborot texnologiyalari va kommunikatsiyalarini rivojlantirish vazirligi, vakolatli organlar |
soʻrovga koʻra |
Vazirlar Mahkamasining 2015-yil 17-dekabrdagi 365-son qaroriga
3-ILOVA
3-ILOVA
Oʻzbekiston Respublikasi Hukumatining ayrim qarorlariga kiritiladigan oʻzgartirish va qoʻshimchalar
1. Vazirlar Mahkamasining “Axborotlashtirish sohasida normativ-huquqiy bazani takomillashtirish toʻgʻrisida” 2005-yil 22-noyabrdagi 256-son qarorida (Oʻzbekiston Respublikasi Hukumati Qarorlari toʻplami, 2005-yil, 11-son, 62-modda):
a) 1-ilovada:
11-banddagi “Kompyuterlashtirish va axborot-kommunikatsiya texnologiyalarini rivojlantirish boʻyicha muvofiqlashtiruvchi kengashning” soʻzlari “2013-2020-yillarda Oʻzbekiston Respublikasi Milliy axborot-kommunikatsiya tizimini rivojlantirish kompleks dasturi amalga oshirilishini muvofiqlashtirish Respublika komissiyasining” soʻzlari bilan almashtirilsin;
quyidagi mazmundagi ikkinchi va uchinchi xatboshilar qoʻshilsin:
“Yaratiladigan davlat axborot resurslari davlat organlarining boshqa davlat axborot resurslari va axborot tizimlaridan axborot olishni nazarda tutmasligi kerak, agar ushbu axborot “Elektron hukumat” tizimi jismoniy va yuridik shaxslarining markaziy maʼlumotlar bazalarida mavjud boʻlsa.
“Elektron hukumat” tizimi jismoniy va yuridik shaxslarining markaziy maʼlumotlar bazalarida mavjud boʻlmagan jismoniy va yuridik shaxslar toʻgʻrisidagi axborot saqlanishini taʼminlaydigan davlat axborot resurslari tegishli ravishda jismoniy va yuridik shaxslarning yagona identifikatorlaridan foydalanishlari kerak”;
ikkinchi xatboshi toʻrtinchi xatboshi deb hisoblansin;
b) 2-ilovada:
quyidagi mazmundagi toʻrtinchi xatboshi qoʻshilsin:
“ochiq maʼlumotlar toʻplamlarini generatsiya qilish imkoniyatini”;
toʻrtinchi — sakkizinchi xatboshilar tegishli ravishda beshinchi — toʻqqizinchi xatboshilar deb hisoblansin;
13-band quyidagi tahrirda bayon qilinsin:
“13. Davlat organlari axborot tizimlarining texnik hujjatlari 2013 — 2020-yillarda Oʻzbekiston Respublikasi Milliy axborot-kommunikatsiya tizimini rivojlantirish kompleks dasturi amalga oshirilishini muvofiqlashtirish Respublika komissiyasining ishchi organi — Oʻzbekiston Respublikasi Axborot texnologiyalari va kommunikatsiyalarini rivojlantirish vazirligiga ekspertizaga taqdim etiladi.
Davlat organlari axborot tizimlarining texnik hujjatlari avtomatlashtirish va elektron shaklga oʻtkazish rejalashtiriladigan, bajariladigan maʼmuriy tartib-taomillar toʻgʻrisidagi axborot, ishlab chiquvchi bilan buyurtmachi tomonidan birgalikda avtomatlashtiriladigan faoliyat sohasining funksional va operatsion jarayonlarini qayta tashkil qilish va maqbullashtirish oʻtkazilganligi yoki oʻtkazish rejalashtirilganligi toʻgʻrisidagi axborot, shuningdek uni oʻtkazish yakunlari boʻyicha samaradorlik koʻrsatkichlarini oʻz ichiga olishi kerak”;
14 va 18-bandlardagi “Kompyuterlashtirish va axborot-kommunikatsiya texnologiyalarini rivojlantirish boʻyicha muvofiqlashtiruvchi kengashning” soʻzlari “2013 — 2020-yillarda Oʻzbekiston Respublikasi Milliy axborot-kommunikatsiya tizimini rivojlantirish kompleks dasturi amalga oshirilishini muvofiqlashtirish Respublika komissiyasining” soʻzlari bilan almashtirilsin;
quyidagi mazmundagi uchinchi xatboshi qoʻshilsin:
“jarayonlarni elektron shaklga oʻtkazish uchun yoʻnaltirilgan davlat xizmatlarini taqdim etishda funksional va operatsion jarayonlarning qayta tashkil qilinishi va maqbullashtirilishini oʻtkazish zarurati, muddatlar va asoslanmagan xarajatlarni qisqartirish va boshqalar;
uchinchi — beshinchi xatboshilar tegishli ravishda toʻrtinchi — oltinchi xatboshilar deb hisoblansin;
17-bandga quyidagi mazmundagi xatboshi qoʻshilsin:
“Davlat organlarining yaratiladigan axborot tizimlari davlat organlarining boshqa davlat axborot resurslaridan va axborot tizimlaridan axborot olishni nazarda tutmasligi kerak, agar ushbu axborot “Elektron hukumat” tizimi jismoniy va yuridik shaxslarining markaziy maʼlumotlar bazalarida mavjud boʻlsa”.
2. Vazirlar Mahkamasining “Axborot-kommunikatsiya texnologiyalarini joriy qilish va rivojlantirish boʻyicha loyihalarni amalga oshirish uchun davlat buyurtmasini shakllantirish va moliyalashtirish tartibi toʻgʻrisidagi Nizomni va vazirliklar, idoralar va boshqa tashkilotlarning zamonaviy axborot-kommunikatsiya texnologiyalarini joriy qilish va rivojlantirish uchun masʼul boʻlgan ixtisoslashtirilgan tarkibiy boʻlinmalarining shtatdagi xodimlarini moddiy ragʻbatlantirish toʻgʻrisidagi Namunaviy nizomni tasdiqlash haqida” 2013-yil 25-yanvardagi 18-son qarorida (Oʻzbekiston Respublikasi Hukumati Qarorlari toʻplami, 2013-yil, 1-son, 4-modda):
a) 1-ilovada:
24-banddagi “fevralgacha” soʻzi “avgustgacha” soʻzi bilan almashtirilsin;
ikkinchi xatboshidagi “1-avgustidan 1-oktabrigacha” soʻzlari “1-sentabrigacha” soʻzlari bilan almashtirilsin;
uchinchi xatboshidagi “20-oktabrigacha” soʻzlari “1-oktabrigacha” soʻzlari bilan almashtirilsin;
toʻrtinchi xatboshidagi “10-noyabridan” soʻzlari “15-oktabridan” soʻzlari bilan almashtirilsin;
toʻqqizinchi xatboshidagi “15-noyabridan” soʻzlari “20-oktabridan” soʻzlari bilan almashtirilsin;
oʻninchi xatboshidagi “dekabridan” soʻzi “noyabridan” soʻzi bilan almashtirilsin;
28-bandning ikkinchi xatboshidagi “yetkazib beruvchilar hamda tizim integratorlari” soʻzlari “tizim integratorlari va/yoki tovarlarni (ishlar va xizmatlarni) yetkazib beruvchilar” soʻzlari bilan almashtirilsin;
ilova matni quyidagi tahrirda bayon qilinsin:
Axborot-kommunikatsiya texnologiyalarini joriy qilish va rivojlantirish boʻyicha loyihalarni amalga oshirish uchun davlat buyurtmasini shakllantirish
SXEMASI
SXEMASI
|
Bosqichlar |
Tadbirlar |
Muddatlar |
Masʼullar |
|
1-bosqich |
Ishchi organ davlat buyurtmasiga kiritish uchun takliflarni tayyorlash boʻyicha metodik koʻrsatmalarni davlat organlariga yuboradi. |
har yili 1-avgustgacha |
Ishchi organ |
|
2-bosqich |
Loyiha tashabbuskorlari loyihalar boʻyicha takliflar va dastlabki axborotni tayyorlaydilar, yillik davr uchun davlat buyurtmasiga kiritish uchun ishchi organning koʻrib chiqishi uchun kiritadilar. |
1-sentabrgacha |
Loyihalar tashabbuskorlari, ishchi organ |
|
3-bosqich |
Ishchi organ axborotlashtirish sohasida rivojlantirish ustuvorliklariga muvofiq loyihalarni oʻrganib chiqadi va ularni Komissiyaning koʻrib chiqishi uchun taqdim etadi. |
1-oktabrgacha |
Ishchi organ, Komissiya |
|
4-bosqich |
Komissiya davlat buyurtmasi loyihalarini belgilangan tartibda koʻrib chiqadi, tanlab olingan va butlangan loyihalar davlat buyurtmasining manzilli qismiga kiritish uchun taqdim etiladi. |
15-oktabrgacha |
Komissiya |
|
5-bosqich |
Ishchi organ davlat buyurtmasining loyihasini tasdiqlash uchun Respublika komissiyasiga kiritadi. |
20-oktabrgacha |
Ishchi organ, Respublika komissiyasi |
|
6-bosqich |
Davlat buyurtmasining loyihasi Respublika komissiyasining protokoli qarori bilan tasdiqlanadi. |
1-noyabrgacha |
Respublika komissiyasi |
|
7-bosqich |
Davlat buyurtmasini amalga oshirishning birinchi yiliga kiritiladigan yangi boshlanadigan loyihalar boʻyicha tanlov (tender) savdolari oʻtkaziladi. |
noyabr — yanvar |
Ishchi organ, loyihalar tashabbuskorlari |
|
8-bosqich |
Tasdiqlangan davlat buyurtmasi va oʻtkazilgan tanlov (tender) savdolariga muvofiq belgilangan tartibda loyihalarni amalga oshirish uchun shartnomalar tuziladi. |
yanvar-fevral |
Ishchi organ, loyihalar tashabbuskorlari, axborot-kommunikatsiya texnologiyalari sohasidagi tizim integratorlari, tovarlarni (ishlar va xizmatlarni) yetkazib beruvchilar |
b) 2-ilovaning 8-bandi quyidagi tahrirda bayon qilinsin:
“8. Oʻzbekiston Respublikasi Davlat budjeti mablagʻlari hisobidan moliyalashtiriladigan ixtisoslashtirilgan boʻlinmalarning shtatdagi xodimlariga ustamalar xodim lavozim maoshining 50 foizigacha miqdorda belgilanadi. Zamonaviy axborot-kommunikatsiya texnologiyalarini joriy etish va rivojlantirish uchun masʼul boʻlgan boshqa tashkilotlar oʻzlarining moliyaviy holatidan kelib chiqqan holda shtatdagi xodimlariga ustamalarni mustaqil belgilaydilar”.
(Oʻzbekiston Respublikasi qonun hujjatlari toʻplami, 2015-y., 50-son, 628-modda; 2016-y., 34-son, 405-modda; Qonun hujjatlari maʼlumotlari milliy bazasi, 21.11.2018-y., 09/18/934/2197-son; 29.09.2020-y., 09/20/593/1340-son, 31.10.2020-y., 09/20/679/1444-son; Qonunchilik maʼlumotlari milliy bazasi, 05.04.2022-y., 09/22/153/0266-son; 03.03.2025-y., 09/25/135/0208-son; 07.10.2025-y., 09/25/627/0901-son; 06.05.2026-y., 09/26/224/0457-son)
