Oʻzbekiston Respublikasi Prezidentining
Qarori
Bolalar musiqa va sanʼat maktablari faoliyatini yanada takomillashtirish boʻyicha 2016 — 2020-yillarga moʻljallangan Davlat dasturi toʻgʻrisida
Qayd etib oʻtilsinki, Bolalar musiqa va sanʼat maktablarining moddiy-texnik bazasini mustahkamlash va ularning faoliyatini yanada yaxshilash boʻyicha 2009 — 2014-yillarga moʻljallangan Davlat dasturining amalga oshirilishi natijasida respublika mintaqalarida zamonaviy oʻquv uskunalari va musiqa asboblari bilan jihozlangan 278 ta bolalar musiqa va sanʼat maktablari ishga tushirildi. Natijada 2008-yilga nisbatan bolalar musiqa va sanʼat maktablarining quvvati 1,2 barobarga, oʻqituvchilar tarkibi — 1,3 barobarga, oʻquvchilar soni 1,5 barobarga ortdi. Mazkur davr mobaynida respublikaning yosh isteʼdodli musiqachilari va ijrochilari tomonidan ijro mahorati boʻyicha nufuzli xalqaro tanlovlarda 441 sovrinli oʻrinlar qoʻlga kiritildi.
Bolalar musiqa va sanʼat maktablarini qurish va hududiy jihatdan maqbul joylashtirish boʻyicha boshlangan ishlarni mantiqiy davom ettirish, oʻsib kelayotgan yosh avlodning umumiy oʻrta taʼlimi va ularni har tomonlama maʼnaviy-axloqiy tarbiyalashning bir-biriga bogʻlangan yaxlit tizimini shakllantirish, bolalarning ijodiy salohiyatini yanada keng ochib berish, musiqa va sanʼatning boshqa turlarini chuqurroq tushunishi hamda ularga nisbatan mehr-muhabbat uygʻotish, musiqa va tasviriy sanʼat sohalarida jahon buyuk merosini oʻrganib bilishlari uchun shart-sharoitlar yaratish maqsadida:
1 Quyidagilarni oʻz ichiga olgan Bolalar musiqa va sanʼat maktablari faoliyatini yanada takomillashtirish boʻyicha 2016 — 2020-yillarga moʻljallangan Davlat dasturi:
2016 — 2020-yillarda Qoraqalpogʻiston Respublikasi, viloyatlar va Toshkent shahrida bolalar musiqa va sanʼat maktablarini yangitdan qurish, mukammal rekonstruksiya qilish va jihozlashning asosiy parametrlari 1-ilovaga muvofiq;
2016 — 2020-yillarda bolalar musiqa va sanʼat maktablari faoliyatini yanada takomillashtirish boʻyicha chora-tadbirlar kompleksi 2-ilovaga muvofiq tasdiqlansin.
2. Bolalar musiqa va sanʼat maktablari faoliyatini yanada takomillashtirish boʻyicha 2016 — 2020-yillarga moʻljallangan Davlat dasturining asosiy vazifalari va yoʻnalishlari etib quyidagilar belgilansin:
bolalar musiqa va sanʼat maktablari faoliyatini yangi sifatli mazmun bilan boyitish, ularni bolalarning umumiy oʻrta taʼlimi va maʼnaviy-axloqiy tarbiyasi butun tizimining ajralmas tarkibiy qismi sifatida shakllantirish, maʼlum bir asbobni chalish texnikasini egallash bilan bir qatorda, jahon mumtoz musiqasini, dunyoga tanilgan buyuk bastakorlar va rassomlarning ijodini chuqur oʻrganish, oʻquvchilarning musiqiy va umumiy madaniyatini oshirish, bolalarda butun umri davomida hamroh boʻladigan musiqa hamda sanʼatning boshqa turlariga qiziqishni kuchaytirish va muhabbatni har tomonlama singdirish;
bolalar musiqa va sanʼat maktablarini namunaviy loyihalar boʻyicha yangitdan qurish va mukammal rekonstruksiya qilish orqali ularning tarmogʻini yanada rivojlantirish, umum taʼlim maktablari joylashuvini hisobga olgan holda aholi zich yashaydigan massiv va qishloqlarda oqilona va qulay joylashtirilishini nazarda tutgan holda respublikaning barcha mintaqalarida, shu jumladan qishloq joylarda ularni maqbul hududiy joylashtirish va buning asosida musiqa hamda sanʼatning boshqa turlari bilan shugʻullanishni istayotgan bolalarni yanada toʻliq qamrab olishni taʼminlash;
bolalar musiqa va sanʼat maktablarida butun oʻquv-tarbiya jarayonini tubdan yaxshilash, ilgʻor xorijiy tajribani hisobga olgan holda yangi oʻquv dasturlari va oʻqitish metodikalarini ishlab chiqish hamda joriy etish, mukammal oʻquv-pedagogik va axborot-kommunikatsiya texnologiyalaridan keng foydalanish;
bolalar musiqa va sanʼat maktablarining moddiy-texnik bazasini yanada mustahkamlash hamda foydalanish samaradorligini oshirish, ularni yangi avlod zamonaviy oʻquv uskunalari va anjomlari, shu jumladan multimediya shaklidagi oʻquv adabiyoti va metodik qoʻllanmalar, mahalliy va xorijiy kompozitorlar ijodiga doir nota toʻplamlari va klavirlar, shuningdek sifatli koʻrgazmali materiallar bilan taʼminlash;
Oʻzbekiston Davlat konservatoriyasi, Glier nomidagi respublika ixtisoslashtirilgan musiqa akademik litseyi hamda mintaqalardagi musiqa va sanʼat kasb-hunar kollejlari imkoniyatlaridan keng foydalangan holda bolalar musiqa va sanʼat maktablari oʻqituvchilari, konsertmeysterlari va sozlovchilarini tayyorlash va malakasini uzluksiz oshirish tizimini takomillashtirish.
Oldingi tahrirga qarang.
(3-band Oʻzbekiston Respublikasi Prezidentining 2024-yil 25-oktabrdagi PF-168-sonli Farmoniga asosan oʻz kuchini yoʻqotgan)
4. Bolalar musiqa va sanʼat maktablarini qurish, mukammal rekonstruksiya qilish va jihozlashni moliyalashtirish manbalari quyidagilardan iborat:
Oldingi tahrirga qarang.
(4-bandning ikkinchi xatboshisi Oʻzbekiston Respublikasi Prezidentining 2017-yil 17-maydagi PF–5043-sonli Farmoniga asosan chiqarilgan — OʻR QHT, 2017-y., 20-son, 354-modda)
Oldingi tahrirga qarang.
Oʻzbekiston Respublikasi Moliya vazirligi huzuridagi Budjetdan tashqari Taʼlim va tibbiyot muassasalarining moddiy-texnika bazasini rivojlantirish jamgʻarmasi mablagʻlari;
(4-bandning ikkinchi xatboshisi Oʻzbekiston Respublikasi Prezidentining 2017-yil 24-avgustdagi PQ-3242-sonli qarori tahririda — OʻR QHT, 2017-y., 35-son, 923-modda)
imtiyozli xorijiy kreditlar va grantlar, yuridik va jismoniy shaxslarning xayriya qoʻyilmalari, shuningdek, qonun hujjatlari bilan taqiqlanmagan boshqa manbalar.
5. Belgilansinki:
mintaqalarda yangi bolalar musiqa va sanʼat maktablarini qurish faqat ularni hududiy joylashtirishning ishlab chiqilgan sxemalariga muvofiq, tasdiqlangan namunaviy loyihalar boʻyicha amalga oshiriladi;
bolalar musiqa va sanʼat maktablarini qurish va mukammal rekonstruksiya qilishni tashkillashtirish boʻyicha buyurtmachi vazifasi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyasi zimmasiga yuklatiladi;
Oldingi tahrirga qarang.
bolalar musiqa va sanʼat maktablarini jihozlash boʻyicha buyurtmachi vazifasi Oʻzbekiston Respublikasi Madaniyat vazirligi zimmasiga yuklatiladi;
(5-bandning toʻrtinchi xatboshisi Oʻzbekiston Respublikasi Prezidentining 2017-yil 17-maydagi PF–5043-sonli Farmoni tahririda — OʻR QHT, 2017-y., 20-son, 354-modda)
bolalar musiqa va sanʼat maktablarini yangitdan qurish uchun shaharlar va tumanlarda yer uchastkalarini tanlash umumtaʼlim maktablari yaqin boʻlgan aholi zich yashaydigan massiv va qishloqlarda oqilona va qulay joylashtirilishini nazarda tutgan holda amalga oshiriladi;
yangi qurilgan va mukammal rekonstruksiya qilingan bolalar musiqa va sanʼat maktablari obyektlarini foydalanish uchun qabul qilish 4-ilovaga muvofiq tarkibdagi Davlat komissiyasi tomonidan amalga oshiriladi.
6. Oʻzbekiston Respublikasi Davlat arxitektura va qurilish qoʻmitasi bolalar musiqa va sanʼat maktablarining yangi qurilishi va mukammal rekonstruksiya qilinishini tasdiqlangan namunaviy loyihalar va loyiha yechimlariga qatʼiy muvofiq holda amalga oshirish talablarining soʻzsiz bajarilishi, shuningdek bajarilayotgan qurilish-montaj ishlari sifati, qurilish meʼyorlari va qoidalariga rioya qilinishi ustidan arxitektura- qurilish nazoratini oʻrnatsin.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Xalq taʼlimi vazirligi huzuridagi Bolalar sportini rivojlantirish jamgʻarmasi, Davlat arxitektura va qurilish qoʻmitasi bir oy muddatda 2016-yil uchun bolalar musiqa va sanʼat maktablarini yangitdan qurish va mukammal rekonstruksiya qilish obyektlari boʻyicha loyiha-smeta hujjatlarini ishlab chiqish, Qurilish-pudrat tashkilotlari roʻyxatiga kirgan tashkilotlarni jalb qilgan holda pudratchilarni saralab olish boʻyicha tanlov tender savdolarini oʻtkazish, tanlov savdolari gʻoliblari bilan pudrat shartnomalari tuzishni taʼminlasin.
Oldingi tahrirga qarang.
8. Oʻzbekiston Respublikasi Iqtisodiyot vazirligi, Moliya vazirligi, Madaniyat vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari har yili Investitsiya dasturi loyihasi va qurilishning manzilli roʻyxatini shakllantirishda Davlat dasturida nazarda tutilgan 2016 — 2020-yillarda bolalar musiqa va sanʼat maktablarini yangitdan qurish va mukammal rekonstruksiya qilishning asosiy parametrlarini hisobga olsin.
(8-band Oʻzbekiston Respublikasi Prezidentining 2017-yil 17-maydagi PF–5043-sonli Farmoni tahririda — OʻR QHT, 2017-y., 20-son, 354-modda)
9. Vazirlar Mahkamasi tomonidan tasdiqlanadigan roʻyxatlar boʻyicha Bolalar musiqa va sanʼat maktablari faoliyatini yanada takomillashtirish boʻyicha 2016 — 2020-yillarga moʻljallangan Davlat dasturi doirasida bolalar musiqa va sanʼat maktablarining moddiy-texnik bazasini mustahkamlash uchun olib kiriladigan musiqa asboblari va maxsus uskunalar 2021-yilning 1-yanvarigacha bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri Sh. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2015-yil 20-noyabr,
PQ-2435-son
Oʻzbekiston Respublikasi Prezidentining 2015-yil 20-noyabrdagi PQ-2435-son qaroriga
1-ILOVA
2016 — 2020-yillarda bolalar musiqa va sanʼat maktablarini yangitdan qurish, mukammal rekonstruksiya qilish va jihozlashning
ASOSIY PARAMETRLARI

birlik

Joyi va qurilish turi

Jami

Shundan:

2016 yil

2017 yil

2018 yil

2019 yil

2020 yil

Respublika boʻyicha jami

98

18

20

20

20

20

shundan:

yangi qurilish

40

7

8

8

9

8

mukammal rekonstruksiya

58

11

12

12

11

12

Qoraqalpogʻiston Respublikasi

4

1

1

1

1

shundan:

yangi qurilish

4

1

1

1

1

mukammal rekonstruksiya

Andijon viloyati

10

2

2

2

2

2

shundan:

yangi qurilish

4

1

1

1

1

mukammal rekonstruksiya

6

1

2

1

1

1

Buxoro viloyati

4

1

1

1

1

shundan:

yangi qurilish

3

1

1

1

mukammal rekonstruksiya

1

1

Jizzax viloyati

3

1

1

1

shundan:

yangi qurilish

mukammal rekonstruksiya

3

1

1

1

Qashqadaryo viloyati

13

2

3

3

3

2

shundan:

yangi qurilish

4

1

1

1

1

mukammal rekonstruksiya

9

1

2

2

2

2

Navoiy viloyati

2

1

1

shundan:

yangi qurilish

mukammal rekonstruksiya

2

1

1

Namangan viloyati

12

2

3

3

2

2

shundan:

yangi qurilish

4

1

1

1

1

mukammal rekonstruksiya

8

2

2

2

1

1

Samarqand viloyati

15

2

3

3

4

3

shundan:

yangi qurilish

6

1

2

1

1

1

mukammal rekonstruksiya

9

1

1

2

3

2

Surxondaryo viloyati

11

2

2

2

2

3

shundan:

yangi qurilish

6

1

1

1

1

2

mukammal rekonstruksiya

5

1

1

1

1

1

Sirdaryo viloyati

1

1

shundan:

yangi qurilish

1

1

mukammal rekonstruksiya

Toshkent viloyati

4

1

1

1

1

shundan:

yangi qurilish

1

1

mukammal rekonstruksiya

3

1

1

1

Fargʻona viloyati

10

2

2

2

2

2

shundan:

yangi qurilish

4

1

1

1

1

mukammal rekonstruksiya

6

1

1

1

1

2

Xorazm viloyati

7

1

1

2

1

2

shundan:

yangi qurilish

1

1

mukammal rekonstruksiya

6

1

1

2

1

1

Toshkent shahri

2

1

1

shundan:

yangi qurilish

2

1

1

mukammal rekonstruksiya

 LexUZ sharhi
1-ilova norasmiy tarjima
Oʻzbekiston Respublikasi Prezidentining 2015-yil 20-noyabrdagi PQ-2435-son qaroriga
2-ILOVA
2016 — 2020-yillarda bolalar musiqa va sanʼat maktablari faoliyatini yanada takomillashtirish boʻyicha
CHORA-TADBIRLAR KOMPLEKSI
Oldingi tahrirga qarang.

T/r

Chora-tadbirlar

Ijro muddatlari

Masʼul ijrochilar

I. Bolalar musiqa va sanʼat maktablarini respublikaning barcha hududlarida, shu jumladan qishloq joylarda ularni keyinchalik qurish, rekonstruksiya qilish va jihozlash asosida hududiy joylashtirilishini takomillashtirish

1.

14,7 ming oʻquv joylariga ega 98 ta qoʻshimcha bolalar musiqa va sanʼat maktablarini qurish, rekonstruksiya va modernizatsiya qilish.

2016 — 2020 yy.

Madaniyat vazirligi, Davarxitektqurilish,
Moliya vazirligi,

Iqtisodiyot vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

2.

Bolalar musiqa va sanʼat maktablarini qurish va mukammal rekonstruksiya qilish manzilli dasturiga kiritiladigan obyektlarning loyiha-smeta hujjatlarini ishlab chiqish, pudratchilarni tanlash boʻyicha savdo tenderlarini oʻz vaqtida oʻtkazishni taʼminlash, bunda Qurilish-pudrat tashkilotlar roʻyxatiga kirgan tashkilotlarni jalb qilish.

Har yili 1-dekabrga qadar qurilish yili boshlanishidan oldin

Davarxitektqurilish,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

3.

Bolalar musiqa va sanʼat maktablari faoliyatini yanada takomillashtirish boʻyicha 2016 — 2020-yillarga moʻljallangan Davlat dasturiga muvofiq bolalar musiqa va sanʼat maktablarini yangidan qurish va mukammal rekonstruksiya qilish hududiy manzilli dasturlarini ishlab chiqish.

Manzilli dasturlarni ishlab chiqishda bolalar musiqa va sanʼat maktablarini yangidan qurishga zich boʻlgan shahar va tumanlarda yer uchastkalarini tanlashni, aholi zich yashaydigan massiv va qishloqlarda oqilona va qulay joylashtirilishini nazarda tutgan holda amalga oshirish hamda umumtaʼlim maktablari yaqiniga joylashtirish.

Har yili
1-iyunga qadar qurilish yili boshlanishidan oldin

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Madaniyat vazirligi,

Iqtisodiyot vazirligi, Moliya vazirligi

4.

Bolalar musiqa va sanʼat maktablarini qurish va mukammal rekonstruksiya qilish obyektlarida qurilish-montaj ishlarini olib borishda namunaviy loyihalar talablari hamda tasdiqlangan qurilish meʼyor va qoidalariga rioya etilishini taʼminlash.

2016 — 2020 yy.

Davarxitektqurilish

5.

Qurilishi yakunlangan va mukammal rekonstruksiya qilingan bolalar musiqa va sanʼat maktablarini oʻz vaqtida va sifatli qabul qilinishini taʼminlash.

2016 — 2020 yy.

Yangi qurilgan va mukammal rekonstruksiya qilingan bolalar musiqa va sanʼat maktablari obyektlarini foydalanish uchun qabul qilish davlat komissiyasi, Madaniyat vazirligi,

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

II. Bolalar musiqa va sanʼat maktablarining moddiy-texnik bazasini yanada mustahkamlash, ularni zamonaviy oʻquv uskunalari va anjomlari, yangi avlod oʻquv adabiyoti va metodik qoʻllanmalar, mahalliy va xorijiy bastakorlar ijodiga doir nota toʻplamlari, shuningdek, sifatli koʻrgazmali materiallar bilan taʼminlash

6.

Yangidan qurilayotgan va mukammal rekonstruksiya qilinayotgan bolalar musiqa va sanʼat maktablarini 28,2 mingta oʻquv uskunalari va anjomlari, 11,7 ming musiqa asboblari va 57,2 mingta kompyuter va boshqa orgtexnika va mebel bilan jihozlash.

2016 — 2020 yy.

Madaniyat vazirligi, Iqtisodiyot vazirligi,

Budjetdan tashqari umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasi

7.

Musiqa va sanʼat sohasida yetakchi professor-oʻqituvchilar tarkibini jalb qilgan holda bolalar musiqa va sanʼat maktablari oʻquvchilari uchun yangi avlod kitoblari va oʻquv qoʻllanmalari, nota toʻplamlarini yaratish.

2016 — 2020 yy.

Madaniyat vazirligi,

Oʻzbekiston bastakorlar uyushmasi,

Oʻzbekiston Badiiy akademiyasi,
Oʻzbekiston Davlat konservatoriyasi

8.

Takomillashtirilgan oʻquv dasturlari asosida bolalar musiqa va sanʼat maktablarini 176, 6 ming nusxada 72 nomdagi yangi avlod darslik va oʻquv qoʻllanmalari, 236,0 ming nota toʻplamlari, 15,8 mingta koʻrgazma materiallari va 3,8 mingta multimedia vositalari bilan bosqichma-bosqich taʼminlash dasturini ishlab chiqish va amalga oshirish.

Ishlab chiqish —

2015 yil IV chorak,

2015 — 2020 yy.

Xalq taʼlimi vazirligi,

Madaniyat vazirligi,
Moliya vazirligi,

Oʻzbekiston Badiiy akademiyasi

9.

Chet davlatlardan jahon mumtoz musiqasining oʻquv qoʻllanmalari va nota toʻplamlarini sotib olish, ular bilan bolalar musiqa va sanʼat maktablarini taʼminlash.

2016 — 2020 yy.

Madaniyat vazirligi,

Moliya vazirligi

10.

Milliy musiqa sanʼatining tarixiy merosini oʻrganish uchun bolalar musiqa va sanʼat maktablarini milliy mumtoz musiqa asarlari yozuvlari toʻplamlari bilan taʼminlash.

2016 — 2020 yy.

Madaniyat vazirligi,

Oʻzbekiston bastakorlar uyushmasi,

Oʻzbekiston Milliy teleradiokompaniyasi

11.

Respublika ixtisoslashtirilgan musiqa va sanʼat akademik litseyining moddiy-texnika bazasini xatlovdan oʻtkazish va uni zamonaviy musiqa asboblari va anjomlari bilan jihozlash.

2016 yil

1-sentabrgacha

Xalq taʼlimi vazirligi, Bolalar sportini rivojlantirish jamgʻarmasi,

Budjetdan tashqari umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasi

12.

Davlat dasturiga kiritilgan bolalar musiqa va sanʼat maktablarining moddiy-texnika bazasini rivojlantirish va mustahkamlash shu jumladan jihozlash uchun imtiyozli shartlarda xorijiy kreditlarni va grantlarni jalb qilish ishlarini faollashtirish.

doimiy

Madaniyat vazirligi,

Investitsiyalar boʻyicha davlat qoʻmitasi,

Iqtisodiyot vazirligi,

Moliya vazirligi

III. Bolalar musiqa va sanʼat maktablarida jahon mumtoz musiqasini chuqur oʻrganishga yoʻnaltirilgan oʻquv dasturlari va dars oʻtish metodikasini tubdan yaxshilash, oʻquvchilarning musiqiy va umumiy madaniyatini oshirish, taʼlim jarayoniga rivojlangan oʻquv-pedagogik va axborot-kommunikatsiya texnologiyalarini joriy etish

13.

Bolalar musiqa va sanʼat maktablari toʻgʻrisidagi nizomning yangi tahririni ishlab chiqish va tasdiqlash uchun Vazirlar Mahkamasiga kiritish.

2015 yil
IV chorak

Xalq taʼlimi vazirligi,

Madaniyat va sport ishlari vazirligi,

Iqtisodiyot vazirligi,

Moliya vazirligi,

Adliya vazirligi

14.

2015-yil oxirigacha ilgʻor xorijiy tajribani, rivojlangan oʻquv-pedagogik va axborot-kommunikatsiya texnologiyalarini qoʻllagan holda bolalar musiqa va sanʼat maktablarining takomillashgan oʻquv dasturlarini ishlab chiqish va tasdiqlash hamda 2016-2017 oʻquv yilida aprobatsiyadan oʻtkazish.

2015 yil
IV chorak

Xalq taʼlimi vazirligi,

Madaniyat va sport ishlari vazirligi,

Oʻzbekiston Badiiy akademiyasi

15.

Aprobatsiya natijalariga koʻra 2016-2017 oʻquv yilida koʻrib chiqilgan oʻquv dasturlarini nashr qilish, ularni bolalar musiqa va sanʼat maktablarining oʻquv jarayoni amaliyotiga joriy etish.

2016 yil

1-sentabrgacha

Xalq taʼlimi vazirligi,

Madaniyat va sport ishlari vazirligi,

Oʻzbekiston Badiiy akademiyasi

16.

Oʻquv rejalarining barcha yoʻnalishlarini, shu jumladan musiqa va sanʼat sohasida dars berishning ilgʻor xorijiy tajribasi asosida intensiv taʼlimni joriy etishni hisobga olgan holda qayta koʻrib chiqish va takomillashtirish

2015 yil
IV chorak

Xalq taʼlimi vazirligi,

Madaniyat va sport ishlari vazirligi,

Iqtisodiyot vazirligi,
Moliya vazirligi, Adliya vazirligi

17.

Taʼlim sifati va samaradorligini oshirish talablarini hisobga olgan holda, bolalar musiqa va sanʼat maktablariga tegishli qismi boʻyicha maktabdan tashqari taʼlimga qoʻyiladigan Davlat talablarini qayta koʻrib chiqish, takomillashtirish va tasdiqlash.

2015 yil
IV chorak

Xalq taʼlimi vazirligi,

Madaniyat va sport ishlari vazirligi,

Oʻzbekiston Badiiy akademiyasi

18.

Takomillashgan oʻquv dasturlarini hisobga olgan holda zamonaviy pedagogika texnologiyalarini qoʻllash asosida bolalar musiqa va sanʼat maktablari oʻqituvchilari uchun yangi metodik qoʻllanmalarni ishlab chiqish.

2016 yil

I chorak

Xalq taʼlimi vazirligi,

Madaniyat va sport ishlari vazirligi, Oʻzbekiston Badiiy akademiyasi

19.

Bolalar musiqa va sanʼat maktablarining oliy va oʻrta maxsus, kasb-hunar taʼlim muassasalarining musiqa va sanʼat yoʻnalishlari boʻyicha ijodiy hamkorligini taʼminlash.

doimiy

Madaniyat vazirligi,

Oliy va oʻrta maxsus taʼlim vazirligi, Oʻzbekiston Badiiy akademiyasi

20.

Bolalar musiqa va sanʼat maktablari va respublika ixtisoslashtirilgan musiqa akademik litseylarining iqtidorli oʻquvchilarini jalb qilgan holda jahon va milliy mumtoz sanʼat yoʻnalishida yosh ijrochilarning xalqaro tanlovlarini tashkil qilish.

ikki yilda
bir marta

Madaniyat vazirligi,

Oʻzbekiston bastakorlar uyushmasi,

Moliya vazirligi

21.

Iqtidorli oʻquvchilarni aniqlash, ularning iqtidori va ijodiy yutuqlarini ragʻbatlantirish maqsadida yosh ijrochilarning respublika tanlovlarini muntazam ravishda tashkil etish.

doimiy

Madaniyat vazirligi,

Oʻzbekiston Badiiy akademiyasi

22.

Oʻquvchilarning ijrochilik mahoratini oshirishni ragʻbatlantirish va oʻzini oʻstirishni qoʻllash maqsadida taniqli mahalliy va xorijiy musiqa va sanʼat arboblarini jalb qilgan holda doimiy mahorat darslarini tashkil qilish uchun har bir hududda bittadan bazaviy bolalar musiqa va sanʼat maktablarini belgilash.

doimiy

Madaniyat vazirligi,

Oʻzbekiston Badiiy akademiyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

IV. Bolalar musiqa va sanʼat maktablari oʻqituvchilari, konsertmeysterlari va sozlovchilarini tayyorlash va ularning malakasini uzluksiz oshirish tizimini takomillashtirish

23.

R. Glier nomidagi Respublika ixtisoslashtirilgan musiqa akademik litseyi va hududlardagi musiqa va sanʼat kollejlari negizida bolalar musiqa va sanʼat maktablari oʻqituvchilari, konsertmeysterlari va sozlovchilarining malakasini oshirish kurslarini tashkil qilish boʻyicha Vazirlar Mahkamasining qarori loyihasini ishlab chiqish va kiritish.

2016 yil
I chorak

Xalq taʼlimi vazirligi,

Madaniyat va sport ishlari vazirligi,

Iqtisodiyot vazirligi,

Moliya vazirligi

24.

Har yili bolalar musiqa va sanʼat maktablarining qariyb 2 mingta oʻqituvchi va konsertmeysterlarini qayta tayyorlash va ularning malakasini oshirish.

2016 yildan boshlab har yili

Madaniyat vazirligi,

Moliya vazirligi

25.

2016/2017 oʻquv yilidan boshlab har yili bolalar musiqa va sanʼat maktablari uchun pedagogik kadrlarni tayyorlash yoʻnalishi boʻyicha Oʻzbekiston Davlat konservatoriyasi, Milliy rassomchilik va dizayn instituti, Davlat sanʼat va madaniyat instituti, Toshkent davlat milliy raqs va xoreografiya oliy maktabiga qabul kvotalarini belgilash.

2015 yildan boshlab har yili dekabrda

Iqtisodiyot vazirligi,

Oliy va oʻrta maxsus taʼlim vazirligi, Madaniyat vazirligi, Moliya vazirligi

26.

Oʻzbekiston Davlat konservatoriyasi, Milliy rassomchilik va dizayn instituti, Davlat sanʼat va madaniyat instituti, Toshkent davlat milliy raqs va xoreografiya oliy maktabida bolalar musiqa va sanʼat maktablari uchun pedagogik kadrlarni tayyorlash boʻyicha maxsus kafedralarni tashkil qilish.

2016 — 2020 yy.

Oliy va oʻrta maxsus taʼlim vazirligi,

Madaniyat vazirligi, Iqtisodiyot vazirligi,

Moliya vazirligi

27.

Bolalar musiqa va sanʼat maktablari oʻqituvchilariga qoʻyiladigan malaka talablarini yanada takomillashtirish.

2015 yil
IV chorak

Xalq taʼlimi vazirligi,

Oliy va oʻrta maxsus taʼlim vazirligi,

Mehnat va aholini ijtimoiy muhofaza qilish vazirligi

28.

Bolalar musiqa va sanʼat maktablarining oʻqituvchi va konsertmeysterlarning takomillashtirilgan malaka talablaridan kelib chiqqan holda bolalar musiqa va sanʼat maktablari uchun kadrlar tayyorlovchi oliy taʼlim muassasalarining oʻquv reja va dasturlarini qayta koʻrib chiqish va tasdiqlash.

2016 yil

I chorak

Oliy va oʻrta maxsus taʼlim vazirligi, Madaniyat va sport ishlari vazirligi,

Oʻzbekiston Badiiy akademiyasi,
Xalq taʼlimi vazirligi

V. Oʻquvchilar qamrovini yanada kengaytirish va bolalar musiqa va sanʼat maktablari quvvatlaridan foydalanish samaradorligini oshirish, barcha qatlamdagi aholining iqtidorli farzandlarini ijod bilan shugʻullanishga qoʻshimcha qulay shart-sharoitlar yaratishga yoʻnaltirilgan taʼlim toʻlovi tizimini takomillashtirish

29.

Bolalar musiqa va sanʼat maktablarida umumtaʼlim maktablarning oʻquvchilarini oʻqitish qamrovini respublikaning butun hududlari boʻyicha kamida 1,3 barobarga oshirish.

2016 — 2020 yy.

Madaniyat vazirligi,

Iqtisodiyot vazirligi,

Moliya vazirligi

30.

Musiqa va sanʼat maktablarida oʻqitishning differensiyalashgan toʻlov tizimini joriy etish, jumladan musiqa yoʻnalishlari boʻyicha Toshkent shahrida eng kam ish haqining 75 foizigacha, viloyat markazlarida 50 foizgacha, Qoraqalpogʻiston Respublikasi va boshqa aholi zich joylashgan punktlarda 30 foizgacha, sanʼat yoʻnalishi boʻyicha tegishlicha eng kam ish haqining 50 foiz, 30 foiz va 20 foizigacha tushirish.

Xalqaro (1 — 3 oʻrinlar) va respublika (1-oʻrin) tanlovlari gʻoliblarini yillik toʻlovlarni toʻlashdan ozod qilish, bir oiladan 2 yoki undan ortiq bolalar oʻqiganda har bir bolaning oʻqishiga belgilangan summaning 70 foiz miqdorida toʻlov belgilash.

2015 yil
IV chorak

Xalq taʼlimi vazirligi,

Madaniyat va sport vazirligi,

Moliya vazirligi,

Adliya vazirligi

31.

Bolalar musiqa va sanʼat maktablarida oʻquvchilar oʻqishiga toʻlanadigan toʻlov tizimiga kiritilgan oʻzgarishlar va imtiyozlar haqidagi maʼlumotlarni ommaviy axborot vositalarida yoritish va aholining keng qatlamiga yetkazish.

2015-2016 yy.

Oʻzbekiston Milliy teleradiokompaniyasi,

Oʻzbekiston Milliy axborot agentligi,

Xalq taʼlimi vazirligi

32.

Bolalarni musiqa va sanʼatga qiziqishini oshirish maqsadida ommaviy axborot vositalarida musiqa va sanʼat bilan shugʻullanishning oʻsib kelayotgan avlodni har tomonlama va yuqori zakovatli rivojlanishiga ijobiy taʼsirini, musiqa va sanʼat maktablarida bolalarni oʻqitish uchun yaratilgan qulay shart-sharoitlarni, oʻquvchilarning ijodiy yutuqlarini, ayniqsa xalqaro tanlovlardagi yutuqlarini keng targʻib qilish.

doimiy

Oʻzbekiston Milliy teleradiokompaniyasi,

Oʻzbekiston Milliy axborot agentligi, Madaniyat vazirligi
(2-ilova Oʻzbekiston Respublikasi Prezidentining 2017-yil 17-avgustdagi PF-5158-sonli Farmoni tahririda)
 LexUZ sharhi
2-ilova norasmiy tarjima
Oldingi tahrirga qarang.
(3-ilova Oʻzbekiston Respublikasi Prezidentining 2024-yil 25-oktabrdagi PF-168-sonli Farmoniga asosan oʻz kuchini yoʻqotgan)
Oʻzbekiston Respublikasi Prezidentining 2015-yil 20-noyabrdagi PQ-2435-son qaroriga
4-ILOVA
Yangi qurilgan va mukammal rekonstruksiya qilingan bolalar musiqa va sanʼat maktablari obyektlarini foydalanish uchun qabul qilish Davlat komissiyasi
TARKIBI

M.M. Muratov

—

madaniyat vaziri, komissiya raisi

M.I. Shodiyev

—

“Davarxitektqurilish” qoʻmitasi raisi oʻrinbosari, komissiya raisi oʻrinbosari

D.R. Turdiyev

—

iqtisodiyot vaziri oʻrinbosari

J.A. Qoʻchqorov

—

moliya vaziri oʻrinbosari

B.N. Kurbanov

—

ichki ishlar vaziri oʻrinbosari

S.S. Saydaliyev

—

sogʻliqni saqlash vaziri oʻrinbosari, Oʻzbekiston Respublikasi Bosh davlat sanitariya vrachi

A.T. Azizov

—

“ToshuyjoyLITI” AJ direktori

lavozimi boʻyicha

—

Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining kapital qurilish masalalari boʻyicha oʻrinbosarlari, hududiy madaniyat boshqarmalari, xalq taʼlimi va Bolalar sportini rivojlantirish jamgʻarmasi filiallarining rahbarlari

Izoh: Komissiya aʼzolari boshqa ishga oʻtganda uning tarkibiga ushbu lavozimga yangidan tayinlangan shaxslar yoki zimmasiga tegishli funksiyalarni bajarish yuklatilgan shaxslar kiritiladi.
 LexUZ sharhi
4-ilova norasmiy tarjima
(Oʻzbekiston Respublikasi qonun hujjatlari toʻplami, 2015-y., 47-son, 594-modda; 2017-y., 20-son, 354-modda, 35-son, 923-modda)