O‘zbekiston Respublikasining qonuni
Madaniy boyliklarning olib chiqilishi va olib kirilishi to‘g‘risida
1-modda. Mazkur Qonunning maqsadi
Mazkur Qonunning maqsadi O‘zbekiston xalqining madaniy merosini asrash, madaniy boyliklarni qonunga xilof ravishda olib chiqilishi va olib kirilishidan muhofaza qilish bilan bog‘liq munosabatlarni tartibga solishdan, ularning O‘zbekiston Respublikasidan olib chiqilishi va O‘zbekiston Respublikasiga olib kirilishining yagona tartibini belgilashdan, shuningdek xalqaro madaniy hamkorlikni rivojlantirishga ko‘maklashishdan iborat.
Oldingi tahrirga qarang.
2-modda. Madaniy boyliklarning olib chiqilishi va olib kirilishi to‘g‘risidagi qonunchilik
Madaniy boyliklarning olib chiqilishi va olib kirilishi to‘g‘risidagi O‘zbekiston Respublikasining qonunchiligi ushbu Qonun va boshqa qonunchilik hujjatlaridan iboratdir.
Qoraqalpog‘iston Respublikasida madaniy boyliklarning olib chiqilishi va olib kirilishi Qoraqalpog‘iston Respublikasi qonunchiligi bilan ham tartibga solinadi.
Agar O‘zbekiston Respublikasining xalqaro shartnomasida madaniy boyliklarning olib chiqilishi va olib kirilishi to‘g‘risidagi O‘zbekiston Respublikasining qonunchiligida nazarda tutilganidan boshqacha qoidalar belgilangan bo‘lsa, xalqaro shartnoma qoidalari qo‘llaniladi.
(2-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
3-modda. Asosiy tushunchalar
Mazkur Qonunda quyidagi asosiy tushunchalar qo‘llaniladi:
madaniy boyliklar — moddiy dunyoning milliy, tarixiy, badiiy, ilmiy-ma’rifiy, ma’naviy-axloqiy va boshqa madaniy ahamiyatga molik ko‘char ashyolari;
madaniy boyliklarning olib chiqilishi — madaniy boyliklarni O‘zbekiston Respublikasi hududidan tashqariga ularni qaytarib olib kirish majburiyatisiz bojxona chegarasi orqali olib o‘tish;
madaniy boyliklarning olib kirilishi — madaniy boyliklarni O‘zbekiston Respublikasi hududiga ularni qaytarib olib chiqish majburiyatisiz bojxona chegarasi orqali olib o‘tish;
madaniy boyliklarning vaqtincha olib chiqilishi — madaniy boyliklarni O‘zbekiston Respublikasi hududidan tashqariga ularni shartlashib qo‘yilgan muddatda qaytarib olib kirish majburiyati bilan bojxona chegarasi orqali olib o‘tish;
madaniy boyliklarning vaqtincha olib kirilishi — madaniy boyliklarni O‘zbekiston Respublikasi hududiga ularni shartlashib qo‘yilgan muddatda qaytarib olib chiqish majburiyati bilan bojxona chegarasi orqali olib o‘tish.
4-modda. Mazkur Qonunning ta’siri ostida bo‘ladigan madaniy boyliklar
Quyidagilar mazkur Qonunning ta’siri ostida bo‘ladi:
O‘zbekiston Respublikasi fuqarolari tomonidan yaratilgan madaniy boyliklar;
chet ellik fuqarolar va fuqaroligi bo‘lmagan shaxslar tomonidan O‘zbekiston Respublikasi hududida yaratilgan madaniy boyliklar;
O‘zbekiston Respublikasi hududida topilgan madaniy boyliklar;
Oldingi tahrirga qarang.
muzeylarda, axborot-kutubxona muassasalarida, arxivlarda, idoraviy arxivlarda, kino-, foto-, fonotekalarda, suratlar galereyalarida va boshqa saqlash joylarida to‘plangan madaniy boyliklar;
(4-moddaning beshinchi xatboshisi O‘zbekiston Respublikasining 2018-yil 18-apreldagi O‘RQ-476-sonli Qonuni tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)
qaysi davlatlarga mansub bo‘lsa, o‘sha davlatlarning vakolatli organlari roziligi bilan arxeologik, etnologik va tabiiy-ilmiy ekspeditsiyalar tomonidan qo‘lga kiritilgan madaniy boyliklar;
ixtiyoriy ravishda ayirboshlashlar natijasida olingan madaniy boyliklar;
qaysi davlatlarga mansub bo‘lsa, o‘sha davlatlarning vakolatli organlari roziligi bilan meros, hadya sifatida olingan yoki qonuniy qo‘lga kiritilgan madaniy boyliklar;
chet ellik yuridik va jismoniy shaxslar tomonidan O‘zbekiston Respublikasi hududiga olib kirilayotgan madaniy boyliklar.
5-modda. Davlat organlarining madaniy boyliklarning olib chiqilishi va olib kirilishi sohasidagi vakolatlari
Oldingi tahrirga qarang.
Madaniy boyliklarning olib chiqilishi va olib kirilishini davlat tomonidan tartibga solishni O‘zbekiston Respublikasi Madaniy meros agentligi hamda O‘zbekiston Respublikasi Iqtisodiyot va moliya vazirligi huzuridagi Bojxona qo‘mitasi amalga oshiradi.
(5-moddaning birinchi qismi O‘zbekiston Respublikasining 2026-yil 23-iyuldagi O‘RQ-1160-sonli Qonuni tahririda — Qonunchilik ma’lumotlari milliy bazasi, 27.07.2026-y., 03/26/1160/0786-son)
Oldingi tahrirga qarang.
Oldingi tahrirga qarang.
O‘zbekiston Respublikasi Madaniy meros agentligi:
(5-modda ikkinchi qismining birinchi xatboshisi O‘zbekiston Respublikasining 2026-yil 23-iyuldagi O‘RQ-1160-sonli Qonuni tahririda — Qonunchilik ma’lumotlari milliy bazasi, 27.07.2026-y., 03/26/1160/0786-son)
O‘zbekiston Respublikasi Vazirlar Mahkamasi tasdiqlagan tartibda madaniy boyliklar sirasiga kiruvchi ashyolarning toifasini aniqlaydi;
madaniy boyliklarning olib chiqilishi, vaqtincha olib chiqilishi mumkinligi to‘g‘risida qarorlar qabul qiladi;
olib chiqilayotgan va olib kirilayotgan, shuningdek vaqtincha olib chiqilayotgan va vaqtincha olib kirilayotgan madaniy boyliklarni ro‘yxatga oladi;
olib chiqiladi, vaqtincha olib chiqiladi deb e’lon qilingan, shuningdek vaqtincha olib chiqilganidan keyin qaytarib olib kelingan madaniy boyliklarni ekspertizadan o‘tkazishni ta’minlaydi;
Oldingi tahrirga qarang.
madaniy boyliklarning olib chiqilishi va vaqtincha olib chiqilishi huquqini beruvchi sertifikatlar beradi;
(5-modda ikkinchi qismining oltinchi xatboshisi O‘zbekiston Respublikasining 2014-yil 4-sentabrdagi O‘RQ-373-sonli Qonuni tahririda — O‘R QHT, 2014-y., 36-son, 452-modda)
ushlab qolingan yoki musodara qilingan madaniy boyliklarni tegishli davlat organlaridan qabul qilib oladi, ularni ekspertizadan o‘tkazadi hamda ulardan foydalanish tartibini belgilaydi.
Oldingi tahrirga qarang.
O‘zbekiston Respublikasi Davlat bojxona qo‘mitasi qonunchilikka muvofiq madaniy boyliklarning olib chiqilishi va olib kirilishi tartibi ustidan nazoratni amalga oshiradi.
(5-moddaning uchinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: Vazirlar Mahkamasining 1999-yil 23-martdagi 131-son qarori bilan tasdiqlangan Madaniy boyliklarning olib chiqilishi va olib kirilishi tartibi to‘g‘risida nizom.
Madaniy boyliklarni ekspertizadan o‘tkazish hamda ularning olib chiqilishi va olib kirilishini nazorat qilish tartibi O‘zbekiston Respublikasi Vazirlar Mahkamasi tomonidan belgilanadi.
LexUZ sharhiMadaniy boyliklarni ekspertizadan o‘tkazish hamda ularning olib chiqilishi va olib kirilishini nazorat qilish tartibi, O‘zbekiston Respublikasi Vazirlar Mahkamasining 1999-yil 23-martda 131-son qarori bilan tasdiqlangan “Madaniy boyliklarning olib chiqilishi va olib kirilishi tartibi to‘g‘risida”gi Nizomda nazarda tutilgan (III. Bo‘lim) .
6-modda. Olib chiqilayotgan va olib kirilayotgan madaniy boyliklarga bo‘lgan mulk huquqi
Olib chiqilayotgan va olib kirilayotgan madaniy boyliklarga davlat mulki huquqi hamda yuridik va jismoniy shaxslarning mulk huquqi yuzaga kelishiga quyidagilar asos bo‘ladi:
madaniy boyliklar davlat budjeti hisobiga yaratilganligi;
madaniy boyliklar yuridik va jismoniy shaxslarning o‘z faoliyati hisobiga yaratilganligi;
madaniy boylik yaratilishi yoki qo‘lga kiritilishiga asos bo‘lgan bitimlar;
meros olish.
Oldingi tahrirga qarang.
Ayni paytda intellektual mulk obyekti ham bo‘lgan madaniy boyliklarga mulk huquqi qonunchilik bilan tartibga solinadi.
(6-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Fuqarolik kodeksining II bo‘limi.
7-modda. Mulkdorning madaniy boyliklarning olib chiqilishiga bo‘lgan huquqi
Oldingi tahrirga qarang.
Madaniy boyliklarning o‘z mulkdori yoki u vakolat bergan shaxs tomonidan olib chiqilishi qonunchilikda belgilangan tartibda O‘zbekiston Respublikasi Madaniy meros agentligi tomonidan beriladigan olib chiqish huquqini beruvchi sertifikat asosida amalga oshiriladi.
(7-moddaning birinchi qismi O‘zbekiston Respublikasining 2026-yil 23-iyuldagi O‘RQ-1160-sonli Qonuni tahririda — Qonunchilik ma’lumotlari milliy bazasi, 27.07.2026-y., 03/26/1160/0786-son)
LexUZ sharhiO‘zbekiston Respublikasi Vazirlar Mahkamasining 1999-yil 23-martda 131-son qarori bilan tasdiqlangan “Madaniy boyliklarning olib chiqilishi va olib kirilishi tartibi to‘g‘risida”gi Nizomga qarang.
Muallif o‘zi yaratgan, o‘z mulki bo‘lgan madaniy boyliklarni olib chiqishga haqli.
8-modda. O‘zbekiston Respublikasidan olib chiqilishi mumkin bo‘lmagan madaniy boyliklar
Quyidagilar O‘zbekiston Respublikasidan olib chiqilishi mumkin emas:
ellik yil muqaddam va undan ham oldinroq yaratilgan madaniy boyliklar;
davlat tomonidan muhofaza ro‘yxatlari va reyestrlariga kiritilgan madaniy boyliklar;
Oldingi tahrirga qarang.
muzeylar, axborot-kutubxona muassasalari, arxivlar, idoraviy arxivlar va boshqa saqlash joylarida doimiy saqlanayotgan madaniy boyliklar.
(8-moddaning to‘rtinchi xatboshisi O‘zbekiston Respublikasining 2018-yil 18-apreldagi O‘RQ-476-sonli Qonuni tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)
LexUZ sharhiQarang: O‘zbekiston Respublikasi Fuqarolik kodeksining 82-moddasi.
9-modda. Madaniy boyliklarning vaqtincha olib chiqilishi
Madaniy boyliklarning vaqtincha olib chiqilishi yuridik va jismoniy shaxslar tomonidan quyidagi hollarda amalga oshirilishi mumkin:
ko‘rgazmalar tashkil etish uchun;
qayta tiklash-ta’mirlash ishlarini va ilmiy tadqiqotlarni amalga oshirish uchun;
teatr, konsert va boshqa san’atkorlik faoliyati munosabati bilan;
O‘zbekiston Respublikasining elchixonalari va vakolatxonalarini jihozlash uchun;
Oldingi tahrirga qarang.
qonunchilikda nazarda tutilgan boshqa hollarda.
(9-modda birinchi qismining oltinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Vaqtincha olib chiqilayotgan madaniy boyliklar kreditni ta’minlash vositasi sifatida ishlatilishi yoki garov narsasi bo‘lib xizmat qilishi mumkin emas.
10-modda. Madaniy boyliklarning vaqtincha olib chiqilishi shartlari
Oldingi tahrirga qarang.
Madaniy boyliklarning vaqtincha olib chiqilishi uchun O‘zbekiston Respublikasi Madaniy meros agentligi tomonidan beriladigan sertifikat asos bo‘ladi.
(10-moddaning birinchi qismi O‘zbekiston Respublikasining 2026-yil 23-iyuldagi O‘RQ-1160-sonli Qonuni tahririda — Qonunchilik ma’lumotlari milliy bazasi, 27.07.2026-y., 03/26/1160/0786-son)
Oldingi tahrirga qarang.
Madaniy boyliklarning vaqtincha olib chiqilishi huquqini beruvchi sertifikatni berish tartibi O‘zbekiston Respublikasi Vazirlar Mahkamasi tomonidan tasdiqlanadi.
LexUZ sharhiQo‘shimcha ma’lumot uchun O‘zbekiston Respublikasi Vazirlar Mahkamasining 1999-yil 23-martda 131-son qarori bilan tasdiqlangan “Madaniy boyliklarning olib chiqilishi va olib kirilishi tartibi to‘g‘risida”gi Nizomga qarang.
(10-moddaning ikkinchi qismi O‘zbekiston Respublikasining 2014-yil 4-sentabrdagi O‘RQ-373-sonli Qonuni tahririda — O‘R QHT, 2014-y., 36-son, 452-modda)
Oldingi tahrirga qarang.
11-modda. Madaniy boyliklarning vaqtincha olib chiqilishi to‘g‘risidagi sertifikatni olish uchun taqdim etiladigan hujjatlar
(11-moddaning nomi O‘zbekiston Respublikasining 2014-yil 4-sentabrdagi O‘RQ-373-sonli Qonuni tahririda — O‘R QHT, 2014-y., 36-son, 452-modda)
Oldingi tahrirga qarang.
Muzeylar, axborot-kutubxona muassasalari, arxivlar, idoraviy arxivlar va boshqa saqlash joylari tomonidan madaniy boyliklarni vaqtincha olib chiqish to‘g‘risida sertifikat olish uchun ariza berilib, unga quyidagilar ilova qilinadi:
(11-moddaning birinchi qismi birinchi xatboshisi O‘zbekiston Respublikasining 2018-yil 18-apreldagi O‘RQ-476-sonli Qonuni tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)
madaniy boyliklarning vaqtincha olib chiqilishining maqsadlari, muddatlari va shartlari to‘g‘risida qabul qiluvchi tomon bilan tuzilgan shartnoma;
sug‘urta xavflarining barcha hollari ta’minlangan holda vaqtincha olib chiqilayotgan madaniy boyliklar mulkiy sug‘urta shartnomasining sug‘urta polisi (guvohnoma, sertifikat, kvitansiya);
qabul qiluvchi tomon davlat organlarining vaqtincha olib chiqilayotgan madaniy boyliklarning saqlanishi va o‘z vaqtida qaytarilishi xususidagi yozma kafolatlari.
Oldingi tahrirga qarang.
Boshqa yuridik shaxslar tomonidan madaniy boyliklarning vaqtincha olib chiqilishi to‘g‘risidagi sertifikatni olish uchun arizaga ushbu moddaning birinchi qismi ikkinchi va uchinchi xatboshisida ko‘rsatilgan hujjatlar ilova qilinadi.
(11-moddaning ikkinchi qismi O‘zbekiston Respublikasining 2014-yil 4-sentabrdagi O‘RQ-373-sonli Qonuni tahririda — O‘R QHT, 2014-y., 36-son, 452-modda)
Oldingi tahrirga qarang.
Jismoniy shaxslar tomonidan madaniy boyliklarning vaqtincha olib chiqilishi to‘g‘risidagi sertifikatni olish uchun arizaga ushbu moddaning birinchi qismi uchinchi xatboshisida ko‘rsatilgan hujjatlar ilova qilinadi.
(11-moddaning uchinchi qismi O‘zbekiston Respublikasining 2014-yil 4-sentabrdagi O‘RQ-373-sonli Qonuni tahririda — O‘R QHT, 2014-y., 36-son, 452-modda)
Oldingi tahrirga qarang.
12-modda. Madaniy boyliklarning vaqtincha olib chiqilishi to‘g‘risidagi sertifikat berishni rad etish
(12-moddaning nomi O‘zbekiston Respublikasining 2014-yil 4-sentabrdagi O‘RQ-373-sonli Qonuni tahririda — O‘R QHT, 2014-y., 36-son, 452-modda)
Oldingi tahrirga qarang.
Madaniy boyliklarning vaqtincha olib chiqilishi to‘g‘risidagi sertifikat quyidagi hollarda berilmaydi, agar:
(12-moddaning birinchi qismi birinchi xatboshisi O‘zbekiston Respublikasining 2014-yil 4-sentabrdagi O‘RQ-373-sonli Qonuni tahririda — O‘R QHT, 2014-y., 36-son, 452-modda)
ushbu Qonunning 11-moddasida nazarda tutilgan hujjatlar taqdim etilmagan bo‘lsa;
vaqtincha olib chiqiladi deb e’lon qilingan madaniy boyliklarning holati ularni saqlash sharoitlarini o‘zgartirish imkoniyatini bermasa;
vaqtincha olib chiqiladi deb e’lon qilingan madaniy boyliklarning mulkdori aniqlanmagan bo‘lsa;
madaniy boyliklar mulk huquqi to‘g‘risidagi nizo mavzuyi bo‘lsa;
madaniy boyliklarni vaqtincha olib chiqishga mo‘ljallanayotgan mamlakatda vaqtincha olib chiqilayotgan madaniy boyliklarning saqlanishini ta’minlashga to‘sqinlik qiladigan tabiiy ofat sodir bo‘lgan yoki boshqa holatlar yuzaga kelgan bo‘lsa.
Oldingi tahrirga qarang.
(12-moddaning ikkinchi qismi O‘zbekiston Respublikasining 2018-yil 18-apreldagi O‘RQ-476-sonli Qonuniga asosan o‘z kuchini yo‘qotgan — Qonun hujjatlari ma’lumotlari milliy bazasi, 19.04.2018-y., 03/18/476/1087-son)
13-modda. Vaqtincha olib chiqilgan madaniy boyliklarni muhofaza qilish
O‘zbekiston Respublikasidan vaqtincha olib chiqilgan madaniy boyliklarni muhofaza qilish O‘zbekiston Respublikasining tegishli mamlakatdagi diplomatiya vakolatxonalari tomonidan amalga oshiriladi.
14-modda. Vaqtincha olib kirilgan madaniy boyliklar saqlanishining kafolatlari
Davlat O‘zbekistonga vaqtincha olib kirilgan madaniy boyliklarning O‘zbekiston Respublikasi Vazirlar Mahkamasi tomonidan belgilanadigan tartibda saqlanishini kafolatlaydi.
LexUZ sharhiQarang: Vazirlar Mahkamasining 1999-yil 23-martdagi 131-son qarori bilan tasdiqlangan Madaniy boyliklarning olib chiqilishi va olib kirilishi tartibi to‘g‘risidagi nizom.
15-modda. Ashyolarning madaniy boyliklar niqobi ostida olib kirilishini taqiqlash
Konstitutsiyaviy tuzum va davlat mustaqilligiga putur yetkazishga, hududiy yaxlitlikni buzishga qaratilgan, urushni, terrorchilikni, zo‘ravonlikni, diniy ekstremizmni, irqchilikni targ‘ib qiluvchi ashyolarning, shuningdek pornografik mazmundagi materiallarning madaniy boyliklar niqobi ostida olib kirilishi taqiqlanadi.
16-modda. Madaniy boyliklarning qonunga xilof ravishda olib kirilishi va qo‘lga kiritilishining oldini olish
Madaniy boyliklarga nisbatan qidiruv e’lon qilingan bo‘lsa, ular keyinchalik qonuniy mulkdorlariga qaytarish maqsadida ushlab qolinishi kerak.
Oldingi tahrirga qarang.
Boshqa mamlakatlardan qonunga xilof ravishda olib chiqilgan, o‘g‘irlangan yoki qonunga xilof ravishda qo‘lga kiritilgan madaniy boyliklarni qo‘lga kiritishning oldini olish maqsadida muzeylar, axborot-kutubxona muassasalari, arxivlar, idoraviy arxivlar va boshqa saqlash joylari ularning kelib chiqishi to‘g‘risida zarur axborotga ega bo‘lishi shart.
(16-moddaning ikkinchi qismi O‘zbekiston Respublikasining 2018-yil 18-apreldagi O‘RQ-476-sonli Qonuni tahririda — Qonun hujjatlari ma’lumotlari milliy bazasi, 19.04.2018-y., 03/18/476/1087-son)
17-modda. Madaniy boyliklarni realizatsiya qilish
Olib chiqilishi mumkin bo‘lmagan madaniy boyliklarni realizatsiya qilish bu boyliklarning O‘zbekiston Respublikasidan tashqariga olib chiqilishi mumkin emasligi to‘g‘risida xaridor yozma ravishda ogohlantirilganidan keyingina amalga oshiriladi.
Oldingi tahrirga qarang.
Madaniy boyliklarni kimoshdi savdosiga (auksionga) qo‘yish O‘zbekiston Respublikasi Madaniy meros agentligi bilan kelishuvga ko‘ra amalga oshiriladi. Madaniy boyliklarni realizatsiya qilishda ishtirok etuvchi yuridik shaxslar o‘z faoliyatini belgilangan tartibda O‘zbekiston Respublikasi Madaniy meros agentligini xabardor qilgan holda amalga oshiradi.
(17-moddaning ikkinchi qismi O‘zbekiston Respublikasining 2026-yil 23-iyuldagi O‘RQ-1160-sonli Qonuni tahririda — Qonunchilik ma’lumotlari milliy bazasi, 27.07.2026-y., 03/26/1160/0786-son)
LexUZ sharhiQarang: O‘zbekiston Respublikasining “Litsenziyalash, ruxsat berish va xabardor qilish tartib-taomillari to‘g‘risida”gi Qonuni.
18-modda. Madaniy boyliklar tranziti va ularni pochta jo‘natmalarida yuborish
Oldingi tahrirga qarang.
Madaniy boyliklarni O‘zbekiston Respublikasi hududi orqali tranzit tartibida olib o‘tishda O‘zbekiston Respublikasi bojxona organlariga madaniy boyliklar faqat tranzit tartibida olib o‘tish maqsadida O‘zbekiston Respublikasining bojxona to‘g‘risidagi qonunchiligida va xalqaro shartnomalarida belgilanadigan shartlarda olib kirilayotganligidan dalolat beruvchi hujjat taqdim etiladi.
LexUZ sharhiQarang: O‘zbekiston Respublikasi Bojxona kodeksining 118-moddasi.
Madaniy boyliklarni pochta jo‘natmalarida yuborish qonunchilikda belgilangan tartibda amalga oshiriladi.
(18-moddaning birinchi va ikkinchi qismlaridagi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: “Pochta aloqasi xizmatlarini ko‘rsatish qoidalari” (ro‘yxat raqami 2219, 18.04.2011-y.).
Oldingi tahrirga qarang.
19-modda. Madaniy boyliklarni insofli egallovchining huquqlari
(19-moddaning nomi O‘zbekiston Respublikasining 2011-yil 21-dekabrdagi O‘RQ-311-sonli Qonuni tahririda — O‘R QHT, 2011-y., 51-son, 542-modda)
Oldingi tahrirga qarang.
Boshqa mamlakatlardan qonunga xilof ravishda olib chiqilgan, boshqa davlatlarda o‘g‘irlangan yoki yo‘qolgan madaniy boyliklarni insofli egallovchi ularni qonuniy mulkdoriga qaytarishi lozim. Bunday hollarda insofli egallovchiga belgilangan tartibda kompensatsiya to‘lanadi.
(19-moddaning birinchi qismi O‘zbekiston Respublikasining 2011-yil 21-dekabrdagi O‘RQ-311-sonli Qonuni tahririda — O‘R QHT, 2011-y., 51-son, 542-modda)
Ushbu moddaning birinchi qismiga muvofiq qaytarilgan madaniy boyliklar bojxona to‘lovlari va boshqa yig‘imlardan ozod qilinadi. Talab qiluvchi taraf qaytarishga doir boshqa xarajatlarni ko‘taradi.
LexUZ sharhiQarang: O‘zbekiston Respublikasi Fuqarolik kodeksining 229-moddasi.
20-modda. Madaniy boyliklarni qaytarish
Davlat qonunga xilof ravishda olib chiqilgan va O‘zbekiston Respublikasiga qaytarilishi lozim bo‘lgan madaniy boyliklarni talab qilib olish choralarini ko‘radi.
O‘zbekiston Respublikasi hududidan uning mustaqilligi e’lon qilingunga qadar qonunga xilof ravishda olib chiqilgan madaniy boyliklarni qaytarish to‘g‘risidagi talablarga nisbatan da’vo muddati tatbiq etilmaydi.
LexUZ sharhiQarang: O‘zbekiston Respublikasi Fuqarolik kodeksining 163-moddasi.
Qaytarilgan madaniy boyliklarning mulkdorlari ularni qaytarib olib kirishda bojxona to‘lovlari va maxsus yig‘imni to‘lashdan ozod qilinadi.
LexUZ sharhiQarang: O‘zbekiston Respublikasi Bojxona kodeksi 299-moddasi birinchi qismining beshinchi va oltinchi bandlari.
21-modda. Madaniy boyliklarni badiiy ekspertizadan o‘tkazganlik uchun maxsus yig‘im
Madaniy boyliklarni badiiy ekspertizadan o‘tkazganlik uchun maxsus yig‘im to‘lanadi.
Madaniy boyliklarni badiiy ekspertizadan o‘tkazganlik uchun maxsus yig‘imning miqdori va uni to‘lash tartibi O‘zbekiston Respublikasi Vazirlar Mahkamasi tomonidan belgilanadi.
LexUZ sharhiMadaniy boyliklarni badiiy ekspertizadan o‘tkazganlik uchun maxsus yig‘imning miqdori va uni to‘lash tartibi, O‘zbekiston Respublikasi Vazirlar Mahkamasining 1999-yil 23-martda 131-son qarori bilan tasdiqlangan, Madaniy boyliklarning olib chiqilishi va olib kirilishi tartibi to‘g‘risidagi nizomning VI bo‘limida belgilangan.
22-modda. Madaniy boyliklar uchun bojxona to‘lovlari
Oldingi tahrirga qarang.
Madaniy boyliklarning olib kirilishi va olib chiqilishida qonunchilikda belgilangan tartibda bojxona to‘lovlari olinadi.
(22-moddaning matni O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: Vazirlar Mahkamasining 2025-yil 31-yanvardagi 55-son “Bojxona yig‘imlari stavkalarini tasdiqlash to‘g‘risida”gi qarori.
Oldingi tahrirga qarang.
23-modda. Madaniy boyliklarning olib chiqilishi va olib kirilishi to‘g‘risidagi qonunchilikni buzganlik uchun javobgarlik
Madaniy boyliklarning olib chiqilishi va olib kirilishi to‘g‘risidagi qonunchilikni buzishda aybdor shaxslar belgilangan tartibda javobgar bo‘ladilar.
(23-modda O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhiQarang: O‘zbekiston Respublikasi Jinoyat kodeksining 182-moddasi, O‘zbekiston Respublikasi Ma’muriy javobgarlik to‘g‘risidagi kodeksining 22716 va 22721-moddalari, O‘zbekiston Respublikasi Oliy sudi plenumining “Bojxona to‘g‘risidagi qonunchilikni buzish va kontrabandaga oid ishlar bo‘yicha sud amaliyoti to‘g‘risida”gi qarori 4-bandining uchinchi xatboshisi.
O‘zbekiston Respublikasining Prezidenti I. KARIMOV
Toshkent sh.,
1998-yil 29-avgust,
678-I-son
(O‘zbekiston Respublikasi Oliy Majlisining Axborotnomasi, 1998-y., 9-son, 178-modda; O‘zbekiston Respublikasi qonun hujjatlari to‘plami, 2005-y., 37-38-son, 277-modda; 2011-y., 51-son, 542-modda; 2013-y., 18-son, 233-modda; 2014-y., 36-son, 452-modda; 2017-y., 24-son, 487-modda; Qonun hujjatlari ma’lumotlari milliy bazasi, 19.04.2018-y., 03/18/476/1087-son; Qonunchilik ma’lumotlari milliy bazasi, 21.04.2021-y., 03/21/683/0375-son, 12.10.2021-y., 03/21/721/0952-son; 27.07.2026-y., 03/26/1160/0786-son)
