|
Hujjat kuchini yo‘qotgan " " 02.03.2026
|
Oʻzbekiston Respublikasi Mehnat va aholini ijtimoiy muhofaza qilish vazirining
buyrugʻi
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga oʻzgartirishlar kiritish haqida
[Oʻzbekiston Respublikasi Adliya vazirligi tomonidan 2013-yil 28-yanvarda roʻyxatdan oʻtkazildi, roʻyxat raqami 2173-2]
LexUZ sharhiMazkur buyruq Oʻzbekiston Respublikasi kambagʻallikni qisqartirish va bandlik vazirining 2026-yil 23-fevraldagi 34-2025/V-sonli ““Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomni tasdiqlash haqida”gi buyruq, shuningdek unga oʻzgartirish va qoʻshimchalarni oʻz kuchini yoʻqotgan deb topish toʻgʻrisida”gi buyrugʻiga (roʻyxat raqami 2173-3, 28.02.2026-y.) asosan oʻz kuchini yoʻqotgan.
Oʻzbekiston Respublikasi Prezidentining 2010-yil 24-dekabrdagi PQ–1449-son “Oʻzbekiston Respublikasining 2011-yilgi asosiy makroiqtisodiy koʻrsatkichlari prognozi va davlat budjeti parametrlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2010-y., 52-son, 513-modda, 2011-y., 17-son, 169-modda) 8-bandiga muvofiq buyuraman:
1. Oʻzbekiston Respublikasi mehnat va aholini ijtimoiy muhofaza qilish vazirining 2010-yil 3-dekabrdagi 193-Q-son buyrugʻi (roʻyxat raqami 2173, 2010-yil 28-dekabr) (Oʻzbekiston Respublikasi qonun hujjatlari toʻplami, 2010-y., 52-son, 527-modda) bilan tasdiqlangan Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur buyruq rasmiy eʼlon qilingan kundan eʼtiboran kuchga kiradi.
Vazir A. XAITOV
Toshkent sh.,
2012-yil 28-dekabr,
76-B-son
Oʻzbekiston Respublikasi mehnat va aholini ijtimoiy muhofaza qilish vazirining 2012-yil 28-dekabrdagi 76-B-son buyrugʻiga
ILOVA
ILOVA
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga kiritilayotgan oʻzgartirishlar
1. 6-bandidagi “(kamaytirish koeffitsiyenti 0,8 dan kam boʻlmasligi kerak)” degan soʻzlar “(kamaytirish koeffitsiyenti 0,8 dan, qishloq hududlarida 0,6 dan kam boʻlmasligi kerak)” degan soʻzlar bilan almashtirilsin.
3. Mazkur oʻzgartirishlar Oʻzbekiston Respublikasi Moliya vazirligi, Iqtisodiyot vazirligi, Davlat arxitektura va qurilish qoʻmitasi hamda Savdo-sanoat palatasi bilan kelishilgan.
Moliya vaziri R. AZIMOV
2012-yil 28-dekabr
Iqtisodiyot vaziri G. SAIDOVA
2012-yil 28-dekabr
Davlat arxitektura va qurilish qoʻmitasi raisi B. ZAKIROV
2012-yil 28-dekabr
Savdo-sanoat palatasi raisi A. SHAYXOV
2012-yil 28-dekabr
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga kiritilayotgan oʻzgartirishlarga
1-ILOVA
1-ILOVA
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga
1-ILOVA
1-ILOVA
Olti kunlik ish haftasini har kungi ish muddati 12 soatni (haftasiga jami 72 soatni) tashkil etgan chakana savdo tashkilotlarida asosiy xodimlar sonining eng kam
MEʼYORLARI
|
Savdo maydoni, m. kv. |
Xodimlar sonining eng kam meʼyori, kishi | |
| shaharlarda | boshqa aholi punktlarida | |
| 25 gacha | 2 | 1 |
| 26—50 | 3 | 1 |
| 51—75 | 4 | 2 |
| 76—100 | 5 | 3 |
| 101—125 | 6 | 4 |
| 126—150 | 7 | |
| 151—175 | 8 | 5 |
| 176—200 | 9 | |
| 200 m. kv.dan oshgan har 50 m. kv. ga | 1 | 1 |
Izoh:
1. Yirik oʻlchamli tovarlarni sotuvchi va ushbu tovarlarni namuna sifatida koʻrgazmaga qoʻyuvchi (mebel va avtomototransport vositalarini sotish doʻkonlari, yirik oʻlchamli maishiy va boshqa texnikalarni namoyish qilish uchun koʻrgazma maydonlari, savdo zallari, qurilish mollari doʻkonlari) savdo zali maydoni 200 kvadrat metrdan ortiq boʻlgan chakana savdo tashkilotlari uchun savdo zali maydoni 176 dan 200 kvadrat metrgacha boʻlgan chakana savdo tashkilotlariga belgilangan asosiy xodimlar sonining eng kam meʼyori qoʻllaniladi.
2. Avtoyoqilgʻi quyish shoxobchalarida yoqilgʻi quyish kolonkalariga xizmat koʻrsatuvchi asosiy xodimlar sonining eng kam meʼyori yoqilgʻi quyish kolonkasining texnik tavsifnomasida belgilangan meʼyorlardan kelib chiqib aniqlanadi. Bunday meʼyorlar mavjud boʻlmagan taqdirda, asosiy xodimlar sonining eng kam meʼyori yoqilgʻi quyish kolonkalari sonidan kelib chiqqan holda quyidagicha aniqlanadi:
Toshkent shahrida — bitta yoqilgʻi quyish kolonkasi uchun 1 ta xodim;
boshqa aholi punktlarida — ikkita yoqilgʻi quyish kolonkasi uchun 1 ta xodim.
Avtoyoqilgʻi quyish shoxobchalari qoshidagi qoʻshimcha (yoʻldosh) tovarlar bilan chakana savdo qiluvchi doʻkonlar (pavilyonlar, salonlar) asosiy xodimlari sonining eng kam meʼyori mazkur Nizomning 5 va 6-bandlarida belgilangan tartibda aniqlanadi.
3. Chakana savdo tashkilotlari uchun belgilangan asosiy xodimlar sonining eng kam meʼyori mahalliy davlat hokimiyati organlari tomonidan maxsus ajratilgan joylarda koʻchma (sayyor) savdoni amalga oshirish uchun vaqtincha tashkil etilgan chakana savdo shoxobchalariga nisbatan tatbiq etilmaydi.
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga kiritilayotgan oʻzgartirishlarga
2-ILOVA
2-ILOVA
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga
2-ILOVA
2-ILOVA
Yetti kunlik ish haftasini har kungi ish muddati 12 soatni (haftasiga jami 84 soatni) tashkil etgan umumiy ovqatlanish tashkilotlarida asosiy xodimlar sonining eng kam
MEʼYORLARI
|
Umumiy ovqatlanish tashkilotlarining shakli (turi) |
1 stolga (4 oʻringa moʻljallangan standart stol) xizmat koʻrsatish uchun moʻljallangan xizmat koʻrsatuvchi xodimlar (ofitsiantlarni oʻz ichiga olgan holda) soni | Barmen (bar mavjud boʻlganda) | Oshpaz | Tarqatishda xizmat qiladigan xodimlar | Oshxona ishchisi | ||
| Toshkent shahri | Boshqa shahar | Boshqa aholi punkti | |||||
| Restoran | 0,35 | 0,25 | 0,2 | 1 | 3 | — | 2 |
| Kafe | 0,25 | 0,2 | 0,1 | 1 | 2 | — | 1 |
| Kafe (oʻziga oʻzi xizmat koʻrsatish yoʻnalishi mavjud boʻlgan) | 0,2 | 0,15 | 0,1 | 1 | 2 | 1 | 1 |
| Choyxona | — | — | — | — | 2 | 1 | 1 |
| Oshxona | — | — | — | — | 2 | 1 | 1 |
| Kafeteriy, kichik oshxona, bufet | — | — | — | — | 1 | 1 | 1 |
| Boshqa turdagi tashkilotlar (oshxona mavjud boʻlmaganda) | 0,2 | 0,15 | 0,1 | 1 | — | — | — |
Izoh:
1. Agar tashkilotdagi oshxonalar mustaqil yuridik shaxs maqomiga ega boʻlganda ushbu meʼyorlar qoʻllaniladi.
2. Banket zallariga ega xizmat koʻrsatuvchi stollar soni 50 tadan ortiq boʻlgan kafe va restoranlar uchun 50 ta stolga xizmat koʻrsatuvchi umumiy ovqatlanish tashkilotlari uchun belgilangan asosiy xodimlar sonining eng kam meʼyori qoʻllaniladi.
3. Umumiy ovqatlanish tashkilotlari uchun belgilangan asosiy xodimlar sonining eng kam meʼyori mahalliy davlat hokimiyati organlari tomonidan maxsus ajratilgan joylarda koʻchma (sayyor) savdoni amalga oshirish uchun vaqtincha tashkil etilgan obyektlarga nisbatan tatbiq etilmaydi.
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga kiritilayotgan oʻzgartirishlarga
3-ILOVA
3-ILOVA
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga
5-ILOVA
5-ILOVA
Chakana savdo va umumiy ovqatlanish tashkilotlarida ishning oʻrtacha razryadi
|
Tashkilot nomi |
Yagona tarif setkasi boʻyicha ishning oʻrtacha razryadi |
| Chakana savdo tashkiloti uchun | 2 |
| Umumiy ovqatlanish tashkilotlari uchun: | |
| Restoran | 4 |
| Kafe | 3 |
| Choyxona | 2 |
| Oshxona | 2 |
| Boshqa turdagi tashkilotlar (oshxona mavjud boʻlmaganda) | 2 |
| Kafeteriy, kichik oshxona, bufet | 2 |
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga kiritilayotgan oʻzgartirishlarga
4-ILOVA
4-ILOVA
Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomga
6-ILOVA
6-ILOVA
Chakana savdo va umumiy ovqatlanish tashkilotlarida mehnatga haq toʻlash fondining eng kam meʼyorlarini hisoblashning shartli namunalari
1-misol.
Minimarket boʻyicha quyidagi maʼlumotlar mavjud:
savdo zalining maydoni –126 kv. m;
ish vaqtining rejimi–haftasiga 84 soat;
Savdo zali maydoni 126 kv.m boʻlgan minimarketda asosiy xodimlarning eng kam soni meʼyori 7 ta xodimdan iborat (Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomning 1-ilovasiga muvofiq).
Minimarketda ish vaqti rejimi haftasiga 72 soatdan (haftasiga 84 soat) ortib ketganini hisobga olib, belgilangan eng kam meʼyorlardagi asosiy xodimlar sonidan kelib chiqib asosiy xodimlarga koʻpaytirish (oshirish) koeffitsiyenti qoʻllaniladi = 84/72 = 1,17.
Shunday qilib, minimarketda asosiy xodimlarning eng kam soni meʼyori = 7 × 1,17 = 8 ta xodimni tashkil qiladi.
Minimarketda ishlarning oʻrtacha razryadi yagona tarif setkasi boʻyicha 2-razryadni tashkil qiladi. Yagona tarif setkasi boʻyicha hisob uchun olinadigan 2-razryadli ishning tarif koeffitsiyenti 2,725 ni tashkil qiladi.
Belgilangan ish haqining eng kam miqdori (IHEKM) = 79 590 soʻm.
Belgilangan formulaga muvofiq (MHTFmin = XS × Tk × IHEKM) minimarketda mehnatga haq toʻlash fondining eng kam meʼyori = 8 × 2,725 × 79590 = 1 735 062 soʻmni tashkil qiladi.
2-misol.
Kafeda quyidagi maʼlumotlar mavjud:
xizmat koʻrsatadigan stolning soni–15 ta;
ish vaqtining rejimi–haftasiga 84 soat;
Xizmat koʻrsatadigan 15 ta stoli bor kafeda asosiy xodimlar sonining eng kam meʼyori quyidagilardan iborat (Iqtisodiyotning ayrim tarmoqlari xoʻjalik yurituvchi subyektlari uchun xodimlar soni va mehnatga haq toʻlash fondining eng kam meʼyorlarini aniqlash tartibi toʻgʻrisidagi nizomning 2-ilovasiga muvofiq):
| 1 stolga xizmat koʻrsatish uchun moʻljallangan ofitsiantlar soni |
Oshpaz |
Tarqatishda xizmat qiladigan xodimlar |
Oshxona ishchisi |
|
0,25 |
2 |
— |
1 |
Kafeda ish vaqti rejimi haftasiga 84 soatdan ortib ketmaganligini hisobga olib, belgilangan eng kam miqdordagi asosiy xodimlar soni meʼyoriga koʻpaytirish (oshirish) koeffitsiyenti qoʻllanilmaydi.
Shunday qilib, kafeda asosiy xodimlar sonining eng kam meʼyori = 0,25 × 15 + 2 + 1 = 7 ta xodimni tashkil qiladi.
Belgilangan ish haqining eng kam miqdori (IHEKM) = 79 590 soʻm.
Belgilangan formulaga muvofiq (MHTFmin = XS × Tk × IHEKM) kafeda mehnatga haq toʻlash fondining eng kam meʼyori = 7 × 2,998 × 79 590 = 1 670 276 soʻmni tashkil qiladi.
(Oʻzbekiston Respublikasi qonun hujjatlari toʻplami, 2013-y., 5-son, 58-modda)
