Oʻzbekiston Respublikasi Vazirlar Mahkamasining
qarori
Sotib olingan reabilitatsiya texnik vositasi yoki koʻrsatilgan xizmatlar uchun kompensatsiya toʻlash tartibi toʻgʻrisidagi nizomni tasdiqlash haqida
Oldingi tahrirga qarang.
“Nogironligi boʻlgan shaxslarning huquqlari toʻgʻrisida”gi Oʻzbekiston Respublikasi Qonuniga muvofiq hamda sotib olingan reabilitatsiya texnik vositasi yoki koʻrsatilgan xizmatlar uchun kompensatsiya toʻlash yoʻli bilan nogironlarga ijtimoiy yordam berish tartibini belgilash maqsadida Vazirlar Mahkamasi qaror qiladi:
(muqaddima Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
1. Sotib olingan reabilitatsiya texnik vositasi yoki koʻrsatilgan xizmatlar uchun kompensatsiya toʻlash tartibi toʻgʻrisidagi nizom 1-ilovaga muvofiq tasdiqlansin.
2. Sotib olingan reabilitatsiya texnik vositasi yoki koʻrsatilgan xizmatlar uchun kompensatsiya toʻlash masalalarini koʻrib chiqish boʻyicha 2-ilovaga muvofiq tarkibda maxsus komissiya (keyingi oʻrinlarda Maxsus komissiya deb ataladi) tashkil etilsin.
Maxsus komissiya (Xaitov) ikki hafta muddatda Maxsus komissiyaning ish reglamentini ishlab chiqsin va tasdiqlasin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2009-yil 17-iyun,
166-son
Vazirlar Mahkamasining 2009-yil 17-iyundagi 166-son qaroriga
1-ILOVA
1-ILOVA
Sotib olingan reabilitatsiya texnik vositasi yoki koʻrsatilgan xizmatlar uchun kompensatsiya toʻlash tartibi toʻgʻrisida
NIZOM
I. Umumiy qoidalar
Oldingi tahrirga qarang.
1. Ushbu Nizom “Nogironligi boʻlgan shaxslarning huquqlari toʻgʻrisida”gi Oʻzbekiston Respublikasi Qonuniga muvofiq nogironligi boʻlgan shaxslarga qonunchilikda belgilangan tartibda bepul berilishi kerak boʻlgan, ular tomonidan oʻz hisobiga sotib olingan reabilitatsiya qilishning texnik vositasi yoki koʻrsatilgan xizmatlar uchun kompensatsiya toʻlash tartibini belgilaydi.
(1-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
2. Ushbu Nizom maqsadlari uchun quyidagi asosiy tushunchalardan foydalaniladi:
nogironligi boʻlgan shaxslarni reabilitatsiya qilishning yakka tartibdagi dasturi — tibbiy-ijtimoiy ekspertiza asosida ishlab chiqilgan, nogironligi boʻlgan shaxs uchun maqbul reabilitatsiya choralari majmui boʻlib, ushbu choralar organizmning buzilgan yoki yoʻqolgan funksiyalarini, shuningdek nogironligi boʻlgan shaxs mehnat faoliyatining muayyan turlarini bajarish qobiliyatini tiklashga, kompensatsiya qilishga qaratilgan tibbiy, ijtimoiy, kasbiy va jismoniy reabilitatsiya choralarini amalga oshirishning ayrim turlari, shakllari, hajmlari, muddatlari hamda tartibini oʻz ichiga olgan chora-tadbirlari kompleksi;
kompensatsiya — nogironligi boʻlgan shaxsga (yoki uning qonuniy vakiliga) pul shaklida toʻlanadigan, nogironligi boʻlgan shaxs tomonidan oʻz mablagʻlari hisobiga sotib olingan nogironligi boʻlgan shaxslarni reabilitatsiya qilishning yakka tartibdagi dasturida nazarda tutilgan reabilitatsiya qilishning texnik vositasi yoki koʻrsatilgan xizmatlar qiymatini qoplash.
(2-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
3. Sotib olinganligi uchun kompensatsiya toʻlash nazarda tutiladigan reabilitatsiya texnik vositalari yoki koʻrsatilgan xizmatlarga quyidagilar kiradi:
kreslo-aravachalar;
kichik gabaritli aravachalar;
eshitish moslamalari;
hassalar va qoʻltiqtayoqlar;
reabilitatsiya texnik vositasini joriy taʼmirlash xarajatlari.
Oldingi tahrirga qarang.
4. Oʻz mablagʻlari hisobiga:
nogironligi boʻlgan shaxslarni reabilitatsiya qilishning yakka tartibdagi dasturida nazarda tutilgan reabilitatsiya qilishning texnik vositasini sotib olgan;
nogironligi boʻlgan shaxslarni reabilitatsiya qilishning yakka tartibdagi dasturida nazarda tutilgan reabilitatsiya texnik vositasini joriy taʼmirlash boʻyicha xizmatlarga haq toʻlagan nogironligi boʻlgan shaxslar kompensatsiya olish huquqiga ega boʻladilar.
(4-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
Oldingi tahrirga qarang.
5. Kompensatsiya Sotib olingan reabilitatsiya qilishning texnik vositasi yoki koʻrsatilgan xizmatlar uchun kompensatsiya toʻlash masalalarini koʻrib chiqish boʻyicha maxsus komissiyaning (keyingi oʻrinlarda — Maxsus komissiya deb ataladi) qaroriga muvofiq toʻlanadi.
Qoraqalpogʻiston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari (keyingi oʻrinlarda hududiy boshqarmalar deb ataladi) Maxsus komissiyaning ishchi organi (keyingi oʻrinlarda — ishchi organ) hisoblanadi.
(5-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
II. Sotib olingan reabilitatsiya texnik vositasi yoxud koʻrsatilgan xizmatlar uchun kompensatsiya toʻlash tartibi
Oldingi tahrirga qarang.
6. Nogironligi boʻlgan shaxs yoki uning qonuniy vakili (keyingi oʻrinlarda — ariza beruvchi) kompensatsiya olish uchun hududiy boshqarmalarga quyidagi hujjatlarni taqdim etadi:
Maxsus komissiya tomonidan belgilanadigan shakl boʻyicha kompensatsiya toʻlash toʻgʻrisida ariza;
nogironligi boʻlgan shaxsni tasdiqlaydigan hujjatning nusxasi;
nogironligi boʻlgan shaxslarni reabilitatsiya qilishning yakka tartibdagi dasturi nusxasi;
tuman (shahar) tibbiy-ijtimoiy xizmatlarni rivojlantirish boʻlimining belgilangan tartibda reabilitatsiya qilishning texnik vositasi bilan taʼminlash uchun nogironligi boʻlgan shaxs hisobga qoʻyilgan sana toʻgʻrisidagi maʼlumotnomasi;
reabilitatsiya qilishning texnik vositasi sotib olinganligi yoki xizmatlar koʻrsatilganligini tasdiqlaydigan chek, kvitansiya, talon, chipta va ularga tenglashtirilgan boshqa hujjatning nusxasi;
reabilitatsiya qilishning texnik vositasining texnik pasporti nusxasi.
(6-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
Oldingi tahrirga qarang.
7. Ariza beruvchi tomonidan ushbu Nizomning 6-bandiga muvofiq taqdim etilgan hujjatlar besh kun mobaynida hududiy boshqarmalar tomonidan kompensatsiya toʻgʻrisidagi masalani koʻrib chiqish uchun Maxsus komissiyaga kiritadi.
(7-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
Oldingi tahrirga qarang.
(8-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 08.02.2022-y., 09/22/62/0111-son)
Oldingi tahrirga qarang.
9. Hujjatlar hududiy boshqarmalardan tushgan sanadan boshlab, ikki hafta muddatda Maxsus komissiya taqdim etilgan hujjatlarni koʻrib chiqadi va nogironligi boʻlgan shaxs oʻz mablagʻlari hisobiga sotib olgan reabilitatsiya qilishning texnik vositasi yoxud koʻrsatilgan xizmatlar uchun kompensatsiya toʻlash yoxud kompensatsiya toʻlashni rad etish toʻgʻrisida qaror qabul qiladi.
(9-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
10. Maxsus komissiya, agar uning majlisida Maxsus komissiya aʼzolarining kamida uchdan ikki qismi qatnashsa, qaror qabul qilish huquqiga ega boʻladi. Maxsus komissiyaning qarorlari uning ushbu majlisda hozir boʻlgan aʼzolarining koʻpchilik ovozi bilan qabul qilinadi. Ovozlar teng boʻlib qolgan taqdirda Maxsus komissiya rahbarining ovozi hal qiluvchi ovoz hisoblanadi.
11. Kompensatsiya toʻlashni rad etish toʻgʻrisidagi qaror:
Oldingi tahrirga qarang.
reabilitatsiya qilishning texnik vositasi nogironligi boʻlgan shaxslarni reabilitatsiya qilishning yakka tartibdagi dasturida nazarda tutilmagan;
(11-bandning ikkinchi xatboshisi Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
ushbu Nizomning 6-bandida nazarda tutilgan hujjatlar toʻliq hajmda taqdim etilmagan hollarda qabul qilinadi.
Oldingi tahrirga qarang.
12. Maxsus komissiya tomonidan kompensatsiya toʻlashni rad etish toʻgʻrisida qaror qabul qilingan taqdirda hududiy boshqarma tegishli qaror qabul qilingandan keyin 3 ish kuni mobaynida ariza beruvchiga rad etishning asoslangan sabablarini koʻrsatgan holda yozma javob yuboradi.
(12-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
13. Kompensatsiya toʻlashni rad etish uchun asos boʻlgan tegishli sabablar ariza beruvchi tomonidan bartaraf etilgan taqdirda, ariza beruvchi Maxsus komissiyaga takroran murojaat qilish huquqiga ega boʻladi.
Kompensatsiya toʻgʻrisidagi hujjatlarni takroran koʻrib chiqishda rad etish toʻgʻrisidagi qarorda nazarda tutilmagan yangi talablar qoʻyilishiga yoʻl qoʻyilmaydi.
14. Ariza beruvchi kompensatsiya toʻlashni rad etish toʻgʻrisidagi qaror ustidan sudga shikoyat qilish huquqiga egadir.
III. Kompensatsiya miqdori va uni toʻlash tartibi
Oldingi tahrirga qarang.
15. Kompensatsiya reabilitatsiya qilishning texnik vositasi yoxud koʻrsatilgan xizmatlarning oʻrtacha qiymatidan ortiq boʻlmagan miqdorda toʻlanadi.
(15-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
16. Kompensatsiya respublika budjetida ushbu maqsadlar uchun nazarda tutilgan mablagʻlar doirasida toʻlanadi.
Oldingi tahrirga qarang.
17. Reabilitatsiya qilishning texnik vositasining oʻrtacha qiymati Hududiy boshqarmalar tomonidan joriy yilda belgilangan tartibda oʻtkaziladigan tender savdolari asosida buyurtmalar joylashtirilgan tegishli reabilitatsiya texnik vositasi narxiga teng boʻlgan summada belgilanadi.
Xizmatlarning oʻrtacha qiymati joriy yilda ushbu vositalarni ishlab chiqaruvchilar tomonidan belgilangan reabilitatsiya qilishning texnik vositalarini taʼmirlashga tariflar va baholar asosida belgilanadi.
(17-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
Oldingi tahrirga qarang.
18. Kompensatsiya toʻlash uchun pul mablagʻlari Maxsus komissiyaning qarori asosida hududiy boshqarmalarning hisob raqamidan oʻtkaziladi.
Kompensatsiya belgilangan tartibda nogironligi boʻlgan shaxs yashaydigan joydagi Xalq banki boʻlimi orqali amalga oshiriladi.
(18-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
Oldingi tahrirga qarang.
19. Hududiy boshqarmalar nogironligi boʻlgan shaxslarga kompensatsiya toʻlash uchun tushgan mablagʻlar hisobini belgilangan tartibda Moliya vazirligi Gʻaznachiligining boʻlimlarida ochilgan shaxsiy hisobravaraqlarida yuritadilar.
(19-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
20. Kompensatsiya Maxsus komissiya tomonidan qaror qabul qilingan kundan boshlab 10 kun mobaynida toʻlanadi.
Oldingi tahrirga qarang.
21. Ishchi organ yilning har choragida belgilangan muddatlarda Moliya vazirligiga tumanlar (shaharlar) boʻyicha nogironligi boʻlgan shaxslarga sotib olingan reabilitatsiya qilishning texnik vositasi yoxud koʻrsatilgan xizmatlar uchun kompensatsiya toʻlanganligi toʻgʻrisidagi hisobotni belgilangan tartibda taqdim etadi.
(21-band Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
IV. Yakunlovchi qoidalar
Oldingi tahrirga qarang.
22. Mazkur Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
(22-band Oʻzbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik maʼlumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Vazirlar Mahkamasining 2009-yil 17-iyundagi 166-son qaroriga
2-ILOVA
2-ILOVA
Sotib olingan reabilitatsiya qilishning texnik vositasi yoki koʻrsatilgan xizmatlar uchun kompensatsiya toʻlash masalalarini koʻrib chiqish boʻyicha maxsus komissiyaning
NAMUNAVIY TARKIBI
|
— |
Qoraqalpogʻiston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmasi boshligʻi, Maxsus komissiya raisi |
||
|
Lavozimiga koʻra |
— |
Qoraqalpogʻiston Respublikasi Moliya vaziri, viloyatlar va Toshkent shahar moliya bosh boshqarmalari boshliqlarining birinchi oʻrinbosari |
|
|
Lavozimiga koʻra |
— |
Qoraqalpogʻiston Respublikasi, viloyatlar va Toshkent shahar Bosh tibbiy-ijtimoiy ekspert komissiyasi raisi |
|
|
Lavozimiga koʻra |
— |
Qoraqalpogʻiston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmasi bosh hisobchisi, Maxsus komissiya kotibi |
|
(2-ilova Oʻzbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik maʼlumotlari milliy bazasi, 08.02.2022-y., 09/22/62/0111-son)
(Oʻzbekiston Respublikasi qonun hujjatlari toʻplami, 2009-y., 25-son, 286-modda; 2010-y., 13-son, 96-modda, 44-45-son, 387-modda; 2017-y., 15-son, 249-modda, 37-son, 997-modda; Qonunchilik maʼlumotlari milliy bazasi, 30.06.2021-y., 09/21/402/0618-son; 08.02.2022-y., 09/22/62/0111-son; 05.04.2022-y., 09/22/153/0266-son)
