Hujjat kuchini yo‘qotgan " " 21.10.2025

Norasmiy tarjima

Oʻzbekiston Respublikasi Vazirlar Mahkamasining

qarori

Favqulodda vaziyatlarni prognoz qilish va oldini olish davlat dasturini tasdiqlash toʻgʻrisida

LexUZ sharhi

Mazkur qaror Oʻzbekiston Respublikasi Prezidentining 2025-yil 20-oktabrdagi PQ-310-sonli “Favqulodda vaziyatlar organlari faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga asosan oʻz kuchini yoʻqotgan.

Favqulodda vaziyatlarning oldini olish va oqibatlarini bartaraf etish sohasida olib borilayotgan ishlar samaradorligini oshirish maqsadida:

1. Favqulodda vaziyatlarni prognoz qilish va ularning oldini olish davlat dasturi (keyingi oʻrinlarda — Davlat dasturi deb ataladi) 1-ilovaga muvofiq tasdiqlansin;

2. Quyidagi ustuvor vazifalarni hal etish Davlat dasturining asosiy maqsadlari etib belgilansin:

yuzaga kelishi mumkin boʻlgan favqulodda vaziyatlarni prognoz qilish;

avariyalar, halokatlar va tabiiy ofatlarni oʻz vaqtida oldini olish va oqibatlarini yumshatish;

aholini talab darajasida muhofaza qilinishini taʼminlash hamda iqtisodiyotning xavfli ishlab chiqarish obyektlari barqarorligini oshirish;

favqulodda vaziyatlar xavfini kamaytirish, aholi xavfsizligini oshirish hamda toifalangan obyektlarni tabiiy va texnogen xususiyatli tahdidlardan muhofaza qilish sohasida boshqaruvni muvofiqlashtirishning ilmiy-uslubiy asoslarini takomillashtirish va mexanizmlarini rivojlantirish;

aholini axborot bilan taʼminlash va xabardor qilishning kompleks tizimini yaratish, zamonaviy axborot-telekommunikatsiya texnologiyalari hamda ommaviy axborot texnik vositalarini qoʻllash negizida hayot faoliyati xavfsizligining ilmiy-uslubiy asoslarini amalga oshirish;

toifalangan obyektlarda favqulodda vaziyatlar xavfini prognoz qilish va ularning zarur darajada himoyalanganligini taʼminlash boʻyicha kompleks chora-tadbirlarning asosiy elementlarini ishlab chiqish;

xavfli hodisalarni monitoring qilish tizimini rivojlantirish va takomillashtirish;

favqulodda vaziyatlarda boshqaruv hamda tezkor harakat qilish usullarini takomillashtirish;

favqulodda vaziyatlarning oldini olish va ularni bartaraf etish sohasida aholi va rahbarlar tarkibini tayyorlash tizimini takomillashtirish;

favqulodda vaziyatlar xavfini kamaytirish muammolarini hal etishda tashkiliy-texnik, moliyaviy, moddiy va axborot resurslarini jamlash.

3. Vazirliklar va idoralar, xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mulkchilik shakllaridan qatʼi nazar, korxonalar, muassasalar va tashkilotlar rahbarlari quyidagilarni taʼminlasin:

Davlat dasturining 1-ilovasida nazarda tutilgan maqsadli dasturlarni ishlab chiqish;

maqsadli dasturlar bajarilishini nazorat qilish va doimiy monitoring olib borish;

Davlat dasturining 2-ilovasida keltirilgan maqsadli dasturlarda nazarda tutilgan asosiy tadbirlarni belgilangan muddatlarda amalga oshirish.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2007-yil 3-aprel,

71-son

Vazirlar Mahkamasining 2007-yil 3-apreldagi 71-son qaroriga
1-ILOVA

Favqulodda vaziyatlarni prognoz qilish va ularning oldini olish boʻyicha

davlat dasturi

I. Umumiy qoidalar

Soʻnggi oʻn yil davomida Oʻzbekiston Respublikasida aholi va hududlarni favqulodda vaziyatlardan muhofaza qilish Oʻzbekiston Respublikasi Prezidenti I.A. Karimov tashabbusi bilan tashkil etilgan Favqulodda vaziyatlarning oldini olish va harakat qilish davlat tizimi (FVDT) kuch va vositalari bilan amalga oshirilmoqda.

Shaxs, jamiyat va davlatning hayotiy muhim manfaatlarini taʼminlash sohasidagi davlat siyosatini amalga oshirish uchun davlat hokimiyati organlarining, korxonalar va tashkilotlarning, shuningdek fuqarolarning oʻzini oʻzi boshqarish organlarining fuqaro muhofazasi sohasidagi faoliyatini tartibga soluvchi qonunchilik bazasi amal qilmoqda. “Aholini va hududlarni tabiiy hamda texnogen xususiyatli favqulodda vaziyatlardan muhofaza qilish toʻgʻrisida”gi hamda “Fuqaro muhofazasi toʻgʻrisida”gi Oʻzbekiston Respublikasi qonunlari hamda Oʻzbekiston Respublikasi Vazirlar Mahkamasining bir qator qarorlari qabul qilindi.

Fuqaro muhofazasi tuzilmalarining kuch va vositalarini mustahkamlash, boshqaruv organlarini tayyorlash va aholini oʻqitish borasidagi amalga oshirilgan ishlar soʻnggi yillarda favqulodda vaziyatlar yuz berganda qurbonlar sonini kamaytirish imkonini berdi. Biroq, avariyalar, halokatlar va tabiiy ofatlarga qarshi kurashish uchun hokimliklar, vazirlik va idoralar tomonidan sezilarli saʼy-harakatlar va moliyaviy xarajatlarga qaramay, ularning taʼsiridan moddiy yoʻqotishlar kamaymayapti. Bu koʻp jihatdan, qoida tariqasida, roʻy bergan favqulodda vaziyatlarni bartaraf etish boʻyicha ishlar olib borilganligi bilan bogʻliq.

Jahon tajribasi shuni koʻrsatadiki, tabiiy va texnogen xavflarni yuzaga kelishining oʻz vaqtida oldini olish va salbiy taʼsirini kamaytirish boʻyicha chora-tadbirlarni ustuvor amalga oshirish favqulodda vaziyatlar oqibatlarini bartaraf etishga nisbatan ancha tejamli va samarali hisoblanadi.

Ushbu vazifalarni amalga oshirish maqsadida Oʻzbekiston Respublikasi Favqulodda vaziyatlar vazirligi tomonidan manfaatdor vazirliklar va idoralar, shuningdek, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Favqulodda vaziyatlarni prognoz qilish va ularning oldini olish boʻyicha Davlat dasturi (keyingi oʻrinlarda Davlat dasturi deb ataladi) ishlab chiqildi.

Konsepsiya va Davlat dasturini ishlab chiqish boʻyicha ekspert guruhining ish rejasiga muvofiq bir qator vazirlik, idora va tashkilotlar mutaxassislari tomonidan ishlab chiqilgan maqsadli dasturlar materiallari Davlat dasturi asosini tashkil etadi.

II. Davlat dasturining dolzarbligi

Oʻzbekiston Respublikasi hududida tabiiy va texnogen xususiyatli favqulodda vaziyatlar (keyingi oʻrinlarda favqulodda vaziyatlar deb yuritiladi) xavfi yuqoriligi, ularning soni va oqibatlari koʻlamining oʻsish tendensiyasi saqlanib qolmoqda, bu esa aholi va hududlarni favqulodda vaziyatlardan muhofaza qilish muammosining yangi yechimlarini izlashga, kelgusidagi tahdid va xavf-xatarlarni oldindan koʻra bilishga, ularni prognoz qilish va oldini olish usullarini rivojlantirishga majbur qilmoqda.

Shu munosabat bilan soʻnggi paytlarda aholi va hududlarni favqulodda vaziyatlardan muhofaza qilish masalalariga jiddiy eʼtibor qaratilmoqda. Favqulodda vaziyatlarning oldini olish va ularda harakat qilish davlat tizimini yaratishning dastlabki bosqichi yakunlandi. Bu bosqichda, asosan, avariya, halokat va tabiiy ofatlardan jabr koʻrgan aholini qutqarish masalalari hal etildi. Biroq, FVDTning hozirgi holati va uning quyi tizimlarining rivojlanish darajasi shundayki, ular aholi va hududlarni favqulodda vaziyatlardan muhofaza qilish muammosining kompleks yechimini hali toʻliq taʼminlay olmaydi.

Favqulodda vaziyatlarning oldini olish va harakat qilish davlat tizimini rivojlantirishning navbatdagi bosqichining asosiy vazifasi favqulodda vaziyatlarning oldini olish va yuzaga kelishi xavfini imkon qadar kamaytirishga, shuningdek, odamlar sogʻligʻini saqlashga, moddiy yoʻqotishlarni va atrof tabiiy muhitga yetkazilgan zarar miqdorini kamaytirishga qaratilgan kompleks chora-tadbirlarni oldindan amalga oshirishdan iborat.

Ushbu bosqichdagi davlat siyosatining maqsadi, Davlat dasturiga muvofiq, aholi va hududlarni favqulodda vaziyatlardan muhofaza qilishning kafolatlangan darajasini taʼminlash, mamlakatimizdagi fan va texnologiyalar yutuqlarini, shuningdek, ushbu sohadagi jahon tajribasini hisobga olgan holda respublikada avariyalar, halokatlar va tabiiy ofatlar xavfini kamaytirish hamda ularning oqibatlarini yumshatish hisoblanadi.

Muammo idoralararo va mintaqalararo xususiyatga ega boʻlib, davlat darajasida kompleks yondashuvni, davlat hokimiyati organlari, fuqarolarning oʻzini oʻzi boshqarish organlari, korxonalar, muassasalar, tashkilotlarning hamda ular rahbarlarining favqulodda vaziyatlarning oldini olish boʻyicha tadbirlarni oʻz vaqtida amalga oshirish, ular yuzaga kelgan taqdirda esa, favqulodda vaziyatlar oqibatlarini uyushqoqlik bilan bartaraf etish uchun masʼuliyatini oshirishni talab qiladi.

Favqulodda vaziyatlarning oldini olish va ularning oqibatlarini kamaytirish sohasidagi davlat siyosatining asosiy qoidalarini amalda roʻyobga chiqarishning eng maqbul mexanizmi qator maqsadli dasturlar boʻyicha chora-tadbirlarni amalga oshirish hisoblanadi.

III. Davlat dasturi doirasida bajariladigan maqsadli dasturlar va asosiy tadbirlar

Davlat dasturini amalga oshirish tabiiy va texnogen xususiyatdagi eng yirik miqyosdagi favqulodda vaziyatlar tahdid solayotgan aholi va obyektlarni muhofaza qilishni taʼminlash boʻyicha chora-tadbirlarni bajarishni nazarda tutadi.

Davlat dasturi doirasida 1-ilovaga muvofiq oʻn bitta maqsadli dasturlarni bajarish nazarda tutilmoqda.

FVDT doirasida muvofiqlashtiriladigan Davlat dasturlarining amalga oshirilishi favqulodda vaziyatlar xavfini kamaytirish sohasida yagona maqsadli boshqaruv tizimiga oʻtishni taʼminlaydi.

Barcha turdagi va ularning salbiy oqibatlari koʻlamidagi favqulodda vaziyatlar xavfini kamaytirish Davlat dasturiga 2-ilovada nazarda tutilgan maqsadli dasturlarni bajarish boʻyicha asosiy tadbirlarni amalga oshirish orqali taʼminlanadi.

IV. Davlat dasturini resurslar bilan taʼminlash

Aholini va hududlarni favqulodda vaziyatlardan muhofaza qilish, tarmoqlar va obyektlarning barqaror faoliyat koʻrsatishini taʼminlash davlat dasturi doirasidagi maqsadli dasturlarni moliyalashtirish har bir darajada vazirliklar, idoralar va tashkilotlarga ajratiladigan tegishli budjetlar (respublika va mahalliy budjetlar), mablagʻlari va budjetdan tashqari mablagʻlar hisobidan amalga oshiriladi.

Koʻrsatib oʻtilgan mablagʻlar yetarli boʻlmagan taqdirda FVDTning funksional va hududiy quyi tizimlari tashkilotlariga Hukumat tomonidan Oʻzbekiston Respublikasi Vazirlar Mahkamasining zaxira jamgʻarmasidan mablagʻlar ajratilishi mumkin.

V. Kutilayotgan natijalar

Davlat dasturini amalga oshirish doirasida xavfli tabiiy-texnogen jarayonlar monitoringini va favqulodda vaziyatlarni prognoz qilish, xavfli jarayonlarni qamrab olish darajasi 70 foizgacha va kamida 0,75 — 0,80 ishonchlilik bilan amalga oshirish nazarda tutilmoqda.

Davlat dasturini amalga oshirish natijalari chuqur tahlil qilinishi, shuningdek, har bir yoʻnalish boʻyicha aniq miqdor va sifat baholari berilishi lozim. Bunda amalga oshirish natijalari deganda quyidagilar tushuniladi:

favqulodda vaziyatlar xavfini kamaytirish va yuzaga kelishi mumkin boʻlgan oqibatlarni yumshatish yoki ularni bartaraf etish;

aholi xavfsizligi darajasini hamda oʻta muhim obyektlarning tabiiy va texnogen xususiyatdagi tahdidlardan muhofazalanganligini oshirish;

fuqaro muhofazasi tuzilmalari kuch va vositalarining favqulodda vaziyatlar oqibatlarini bartaraf etishga tayyorligi.

Dasturdagi asosiy chora-tadbirlarni amalga oshirish quyidagilarga imkon beradi:

aholi va hududlarni favqulodda vaziyatlardan muhofaza qilish muammolari va vazifalarini hal etish uchun maxsus moʻljallangan hamda jalb etiladigan boshqaruv organlari, kuch va vositalarning yanada maqbul va samarali tashkiliy tuzilmasini yaratish, shuningdek, ularning faoliyatini davlat tomonidan yanada samarali tartibga solinishini taʼminlash;

aholi xavfsizligi va oʻta muhim obyektlar muhofazalanganligining zarur darajasini taʼminlashi;

favqulodda vaziyatlar oqibatlarini bartaraf etish uchun kuch va vositalar faoliyati, favqulodda vaziyatlar monitoringi va prognozlashtirish tizimi, shuningdek, yuzaga kelishi mumkin boʻlgan favqulodda vaziyatlar zonalaridagi vaziyatni nazorat qilish samaradorligini oshirish;

favqulodda vaziyatlarni bartaraf etish kuchlari va vositalarini samarali boshqarishni taʼminlash;

favqulodda vaziyatlar xavfini kamaytirish sohasidagi faoliyatni amalga oshirishda axborot xavfsizligi darajasini oshirish.

Umuman olganda, Davlat dasturini amalga oshirish natijasida favqulodda vaziyatlar xavfini sezilarli darajada kamaytirish, aholi xavfsizligini hamda toifalangan obyektlarning tabiiy va texnogen xususiyatdagi tahdidlardan muhofazalanganligini taʼminlash nazarda tutilmoqda.

Favqulodda vaziyatlarni prognoz qilish va ularning oldini olish davlat dasturiga
1-ILOVA

Favqulodda vaziyatlarni prognoz qilish va ularning oldini olish davlat dasturiga maqsadli

dasturlar

Maqsadli dastur nomi	Ishlab chiquvchilar
Tabiiy xususiyatli favqulodda vaziyatlarning oldini olish boʻyicha
1. Zilzila oqibatlarini kamaytirish dasturi	Fanlar akademiyasi, “Davarxitektqurilish” qoʻmitasi, “Yergeodezkadastr” davlat qoʻmitasi, Favqulodda vaziyatlar vazirligi
2. Toshqinlar, toshqinlar, sel va qor koʻchkilarining hamda koʻchki hodisalarining oldini olish dasturi	Qishloq va suv xoʻjaligi vazirligi, “Davsuvxoʻjaliknazorat” inspeksiyasi, Oʻzgidromet, Davlat geologiya qoʻmitasi, Fanlar akademiyasi, Favqulodda vaziyatlar vazirligi
3. Epidemiyalar, epizootiyalar, epifitotiyalarning oldini olish dasturi	Sogʻliqni saqlash vazirligi, Qishloq va suv xoʻjaligi vazirligi, Fanlar akademiyasi, FVV
Texnogen xususiyatli favqulodda vaziyatlarning oldini olish boʻyicha
4. Kimyoviy xavfli obyektlarda avariyalarning oldini olish dasturi	“Oʻzkimyosanoat” davlat-aksiyadorlik kompaniyasi, Davlat tabiatni muhofaza qilish qoʻmitasi, “Sanoatkontexnazorat” davlat inspeksiyasi, Favqulodda vaziyatlar vazirligi
5. Yongʻin-portlashga xavfli obyektlarda avariyalarning oldini olish dasturi	“Oʻzbekneftgaz” milliy xolding kompaniyasi, “Oʻzkimyosanoat” davlat-aksiyadorlik kompaniyasi, “Oʻzbekenergo” davlat-aksiyadorlik kompaniyasi, “Oʻzdonmahsulot” aksiyadorlik kompaniyasi, Ichki ishlar vazirligi, “Oʻzdavneftgazinspeksiya”, “Sanoatkontexnazorat” davlat inspeksiyasi, Favqulodda vaziyatlar vazirligi
6. Energetika obyektlari va tarmoqlarida avariyalarning oldini olish dasturi	“Oʻzbekenergo” davlat-aksiyadorlik kompaniyasi, “Sanoatkontexnazorat” davlat inspeksiyasi, FVV
7. Transportda (avtotransport, temir yoʻl, aviatsiya, metropoliten) avariya va halokatlarning oldini olish dasturi	Ichki ishlar vazirligi, Oʻzbekiston avtomobil va daryo transporti agentligi, “Oʻzbekiston temir yoʻllari” davlat-aksiyadorlik kompaniyasi, “Oʻzbekiston havo yoʻllari” milliy aviakompaniyasi, Toshkent metropoliteni, Favqulodda vaziyatlar vazirligi
8. Gidrotexnika inshootlarida avariyalarning oldini olish dasturi	Qishloq va suv xoʻjaligi vazirligi, “Davsuvxoʻjaliknazorat” inspeksiyasi, FVV
Aholini favqulodda vaziyatlar toʻgʻrisida xabardor qilish boʻyicha
9. Favqulodda vaziyatlar xavfi va sodir boʻlganda aloqa va xabar berishning hududiy va lokal tizimlarini yaratish dasturi	Favqulodda vaziyatlar vazirligi, Oʻzbekiston aloqa va axborotlashtirish agentligi, Qishloq va suv xoʻjaligi vazirligi, “Oʻzkimyosanoat” davlat-aksiyadorlik kompaniyasi, “Oʻzbekenergo” davlat-aksiyadorlik kompaniyasi, “Oʻzbekneftgaz” milliy xolding kompaniyasi, “Oʻzkommunxizmat” agentligi, “Oʻzbekiston temir yoʻllari” davlat-aksiyadorlik kompaniyasi, “Oʻzbekiston havo yoʻllari” milliy aviakompaniyasi, “Oʻzdonmahsulot” aksiyadorlik kompaniyasi, Iqtisodiyot vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari
Favqulodda vaziyatlarda harakat qilish boʻyicha
10. FVV qutqaruvchilarini tayyorlash va ularning malakasini oshirish markazi oʻquv obyektlarini zamonaviy avariya-qutqaruv texnikasi, asbob-uskunalari, anjomlari bilan jihozlash va qurish dasturi	Favqulodda vaziyatlar vazirligi, Iqtisodiyot vazirligi, Moliya vazirligi
Aholini, rahbar tarkibini favqulodda vaziyatlarda harakat qilishga oʻqitish boʻyicha
11. Aholining barcha qatlamlarini oʻqitish boʻyicha maqsadli dastur	Xalq taʼlimi vazirligi, Oliy va oʻrta maxsus taʼlim vazirligi, Sogʻliqni saqlash vazirligi, Favqulodda vaziyatlar vazirligi

Favqulodda vaziyatlarni prognoz qilish va ularning oldini olish davlat dasturiga
2-ILOVA

Favqulodda vaziyatlarni prognoz qilish va ularning oldini olish davlat dasturining maqsadli dasturlarini bajarish boʻyicha

asosiy tadbirlar

T/r	Maqsadli dasturlar nomi	Asosiy tadbirlar va ijrochilar	Bajarish muddatlari (yillar boʻyicha), yil.	Moliyalashtirish hajmlari (mln. soʻm) / ming doll. AQSH)	Moliyalashtirish manbalari	Kutilayotgan natijalar
I. Tabiiy xususiyatli favqulodda vaziyatlarning oldini olish boʻyicha
1.	Zilzila oqibatlarini kamaytirish dasturi	1. Fanlar akademiyasi: 1.1. Oʻzbekistonning umumiy seysmik rayonlashtirish meʼyoriy xaritasini yakunlash va joriy etish	2007 — 2011 2007 — 2008	1362,0 / 515,2	Fanlar akademiyasining ajratiladigan budjet mablagʻlari va jalb etilgan budjetdan tashqari mablagʻlari doirasida	Iqtisodiyot obyektlari qurilishi mumkin boʻlgan zonalarni yanada asoslangan tarzda rayonlashtirish
		1.2. Kuchli seysmik zonalarda joylashgan shaharlarni seysmik rayonlashtirish	2007 — 2011			Shahar doirasida uy-joy va sanoat obyektlarini qurishga ilmiy asoslangan yondashuvni taʼminlash
		1.3. Zilzilalarni bosqichma-bosqich prognoz qilish metodikasini takomillashtirish. Kuchli zilzila darakchilarini masofadan turib diagnostika qilish metodikasini ishlab chiqish	2007 — 2011			Seysmik xarakterdagi ehtimoliy tahdidlar toʻgʻrisida aholini oʻz vaqtida xabardor qilish maqsadida prognoz aniqligini oshirish
		1.4. Stansiyalar tarmogʻini kengaytirish va qayta jihozlash hamda monitoring axborot-tahlil markazini tashkil etish	2007 — 2011			Prognoz maʼlumotlarining ishonchliligi va toʻliqligini oshirish
		2. “Davarxitektqurilish”: 2.1. Binolarning konstruktiv xususiyatlarini va Oʻzbekiston shaharlarining tabiiy-iqlim sharoitlarini hisobga olgan holda zilzilalardan zararni kamaytirish chora-tadbirlarini ishlab chiqish	2007 — 2011	60,0 / -	Davarxitektqurilishning ajratiladigan budjet mablagʻlari va jalb etilgan budjetdan tashqari mablagʻlari doirasida	Yangi obyektlarni loyihalashda ishonchlilikni oshirish va zilzilabardoshlik boʻyicha tavsiyalarni iqtisodiy asoslash
		2.2. Bino va inshootlarni antiseysmik kuchaytirishning samarali usullarini ishlab chiqish	2007 — 2011	60,0 / -		Binolar va inshootlarning shikastlanishining yoʻl qoʻyiladigan xavfini aniqlash
		3. ”Davergeodezkadastr” qoʻmitasi: 3.1. GPS va geodezik oʻlchash texnologiyalarini takomillashtirish	2007 — 2011	385,0 / -	Davergeodezkadastr qoʻmitasining ajratiladigan budjet mablagʻlari va jalb etilgan budjetdan tashqari mablagʻlari doirasida	Oʻtkaziladigan oʻlchovlarning aniqligini oshirish
		3.2. Geodinamik sinov maydonlarida rejim oʻlchovlari	2007 — 2011	385,0 / -		Oʻtkaziladigan tadqiqotlarning aniqligini oshirish maqsadida oʻlchashlarni oʻtkazish
2.	Toshqinlar, toshqinlar, sel va qor koʻchkilarining hamda koʻchki hodisalarining oldini olish dasturi	1. Qishloq va suv xoʻjaligi vazirligi: 1.1. Toshqin xavfi boʻlgan zonalarni oʻrganish	2007 — 2011 2007 — 2010	8246,0 / -	Ajratiladigan budjet mablagʻlari va Qishloq va suv xoʻjaligi vazirligining jalb etilgan budjetdan tashqari mablagʻlari doirasida	Toshqin suvlarini nazorat qilish va xavfsiz oʻtkazish boʻyicha chora-tadbirlarni ishlab chiqish imkonini beradi
		1.2. Mavjud sel va toshqinga qarshi inshootlarni tekshirish	2007 — 2010			Rekonstruksiya va taʼmirlash ishlari boʻyicha chora-tadbirlarni ishlab chiqish hamda sel va toshqinga qarshi himoya holatini nazorat qilish imkonini beradi
		1.3. Qirgʻoqni mustahkamlash va boshqa muhofaza ishlarini olib borish	2007 — 2011			Aholi va hududlarni sel va toshqin oqimlaridan muhofaza qilish darajasini oshirish imkonini beradi
		2. Oʻzgidromet: 2.1. Sel va qor koʻchkisi xavfi boʻlgan zonalarni oʻrganish	2007 — 2011	381,0 / -	Oʻzgidrometning ajratiladigan budjet mablagʻlari va jalb etilgan budjetdan tashqari mablagʻlari doirasida	Aholi va hududlarga sel va qor koʻchkisi xavfining oldini olish. Xavfli gidrometeorologik hodisalar toʻgʻrisida oʻz vaqtida xabardor qilish. Qor koʻchkisiga qarshi himoya holatini nazorat qilish
		2.2. Baland togʻli oʻpirilish xavfi boʻlgan koʻllar zonasidagi vaziyatni kuzatish	2007 — 2011	381,0 / -		Oʻzbekiston hududida va chegaradosh davlatlarning transchegaraviy zonalarida qor qatlami, bir qator yorilish xavfi boʻlgan koʻllar holati monitoringini taʼminlash
		3. Davlat geologiya qoʻmitasi: 3.1. Koʻchki xavfi boʻlgan zonalarni oʻrganish	2007 — 2011	3914,0 / -	Davlat geologiya qoʻmitasining budjetdan ajratiladigan mablagʻlari va jalb etilgan budjetdan tashqari mablagʻlari doirasida	Aholini koʻchki xavfi toʻgʻrisida oʻz vaqtida ogohlantirish va yuzaga kelayotgan vaziyat ustidan nazoratni taʼminlash
		3.2. Ilmiy-tadqiqot ishlarini oʻtkazish	2007 — 2011	3914,0 / -		Xavfli zonalarni aniqlash mezonlarini ishlab chiqish, xavf va risk xaritalarini tuzish
		4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari: 4.1. Toshqin xavfi boʻlgan zonalarni tekshirishda ishtirok etish, zarur himoya ishlari uchastkalari va hajmlarini aniqlash	2007 — 2011	5906,0 / -	Qoraqalpogʻiston Respublikasi Vazirlar Kengashining, hokimliklarning ajratiladigan budjet mablagʻlari va jalb etilgan budjetdan tashqari mablagʻlar doirasida	Haqiqiy tahdidlar darajasini aniqlash va muhofaza ishlarini oʻtkazish boʻyicha chora-tadbirlarni ishlab chiqish
		4.2. Qirgʻoqni mustahkamlash va boshqa muhofaza ishlarini olib borish	2007 — 2011	5906,0 / -		Tahdidlar xavfini kamaytirish imkonini beradi hamda aholi va hududlarni toshqin xavfidan muhofazasini taʼminlaydi
3.	Epidemiyalar, epizootiyalar, epifitotiyalarning oldini olish dasturi	Sogʻliqni saqlash vazirligi: I. Epidemiyalar 1.1. Tabiiy oʻchoqli virusli infeksiyalar boʻyicha tadbirlar	2007 — 2011 2007 — 2011	32292,3 / -	Sogʻliqni saqlash vazirligining ajratiladigan budjet mablagʻlari va jalb etilgan budjetdan tashqari mablagʻlari doirasida	Kasallik oʻchoqlarini kompleks oʻrganish, kasalliklarni prognozlash va oldini olish
		1.2. Grippga qarshi kurash tadbirlari (shu jumladan parranda grippiga qarshi)	2007 — 2011			Gripp pandemiyasini oʻrganish va kasalliklar profilaktikasi
		1.3. Oʻtkir ichak kasalliklari va vaboga qarshi kurash tadbirlari	2007 — 2011			Davolash-profilaktika tadbirlari va suvning nazorati
		1.4. Bezgakka qarshi kurash tadbirlari	2007 — 2011			Davolash va profilaktika tadbirlari
		1.5. OIV/OITSga qarshi kurashish boʻyicha tadbirlar	2007 — 2011			Qon tekshiruvi, davolash-profilaktika muassasalari bazasida targʻibot va profilaktika
		Qishloq va suv xoʻjaligi vazirligi: II. Epizootiyalar 2.1. Respublikada veterinariya osoyishtaligini taʼminlash tadbirlari	2007 — 2011	44321,0 / -	Ajratiladigan budjet mablagʻlari va Qishloq va suv xoʻjaligi vazirligining jalb etilgan budjetdan tashqari mablagʻlari doirasida	Epizootiyaga qarshi kurash va profilaktika tadbirlarni oʻz vaqtida oʻtkazish
		III. Epifitotii 3.1. Respublikada epifitotik farovonlikni taʼminlash tadbirlari	2007 — 2011	44321,0 / -		Samarali monitoring kuzatuv tarmogʻini yaratish
II. Texnogen xususiyatli favqulodda vaziyatlarning oldini olish boʻyicha
4.	Kimyoviy xavfli obyektlarda avariyalarning oldini olish dasturi	“Oʻzkimyosanoat” DAK: 1. ”Navoiyazot” OAJ - 5 ta tadbir	2007 — 2011	3359,0 / 4800,0	Oʻz mablagʻlari hisobidan	Energiyani tejamkor texnologiyalarni joriy etish
		2. ”Fargʻonaazot” OAJ - 3 ta tadbir	2007 — 2009			Ishlab chiqarishni rekonstruksiya qilish
		3. ”Elektrokimyosanoat” OAJ - 7 ta tadbir	2007 — 2009
		4. ”Ammofos” OAJ - 4 ta tadbir	2007 — 2009			Ishlab chiqarishni rekonstruksiya qilish
		5. ”Qoʻqon superfosfat zavodi” OAJ -4 ta tadbir	2007 — 2009			Texnik qayta jihozlash
		6. ”Samarqandkimyo” OAJ - 4 ta tadbir	2007 — 2009			Ishlab chiqarishni rekonstruksiya qilish
5.	Yongʻin-portlashga xavfli obyektlarda avariyalarning oldini olish dasturi	1. “Oʻzbekneftgaz” MXK: 1.1 “Oʻztransgaz” AK Olimkent shahrida gazni yer ostida saqlash stansiyasini qurish	2007 — 2011 2007 — 2011	492496,2 / 3330000,9	Oʻz mablagʻlari hisobidan	Maksimal gaz isteʼmoli davrlarida magistral gaz quvuri agregatlarining avariyalarsiz ishlashi
		Boshqaruv tizimi va texnologik aloqani taʼminlash	2007 — 2011			Favqulodda vaziyat xavfi yuzaga kelganda yoki sodir boʻlganda aloqa tizimi va tarmoq boshqaruv organlarining tezkor boshqaruvini taʼminlash
		Uzunligi L = 13 ming km boʻlgan magistral gaz quvurlarini diagnostika qilish	2007 — 2011			Magistral quvurlarning yorilishi bilan bogʻliq favqulodda vaziyatlarning oldini olish
		Magistral gaz quvurlarini kengaytirish	2007 — 2011			Magistral va agregatlarni gaz uzatishda yuklamasini kamaytirish
		Gazli - Nukus magistralining 159 kilometrida “Sarimay” kompressor stansiyasini qurish	2007 — 2011			Magistrallarda avval ishlagan kompressor stansiyalarini hamda agregatlarga gaz uzatish paytida yuklamasini kamaytirish
		Bosh inshootlardagi KS-№ 1, 2, 3, 4 oʻrniga Gazli UMS gaz haydash boʻyicha siqish kompressor stansiyasini (SKS) qurish	2007 — 2011			Gazni transportirovka qilish sexi ishining barqarorligini oshirish, avariyalarning oldini olish, magistral orqali shimolga uzluksiz gaz yetkazib berishni taʼminlash
		1.2. “Oʻzgeoburgʻuneftgazqazibchiqarish” AK Neft tayyorlash uchastkasi bilan “Sardob” konida DS qurish	2007 — 2011			Amaldagi KSlarni yuklamasini kamaytirish, avariyalar va quvurlar yorilishining profilaktikasi
		“Koʻkdumaloq” gazkondensat konini jihozlash	2007 — 2011			Neft va gazkondensat qazib olishni koʻpaytirish, Gazkondensat konining xavfsiz ishlashini taʼminlash
		1.3. ”Oʻztransgaz” AK va “Oʻzgeoburgʻuneftgazqazibchiqarish” AK (Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda) Magistral gaz quvurlarining muhofaza zonalarida ruxsatsiz qurilgan imoratlarni buzishni tashkil etish	2007 — 2011			Aholini texnogen xususiyatli favqulodda vaziyatlardan muhofaza qilish va gaz quvurlaridan xavfsiz foydalanishni taʼminlash
		1.4. ”Oʻzneftmahsulot” AK Fargʻona NQIZning yongʻinga qarshi suv quvuri tizimini rekonstruksiya qilish	2007 — 2011			Avtomatik yongʻin oʻchirish tizimining uzluksiz ishlashi va yongʻinga qarshi ehtiyojlarni suv bilan taʼminlash
		Buxoro neftni qayta ishlash zavodiga olib keluvchi kollektorni qurish	2007 — 2011			Yongʻinga qarshi tadbirlar va xoʻjalik-ichimlik suvi taʼminotiga boʻlgan ehtiyojni taʼminlash
		Lokal xabarlash tizimini yaratish (qurish) maqsadida “Angren” va “Pop” terminallarini loyiha oldi tekshiruvini oʻtkazish	2007 — 2011			Terminal zonalarida joylashgan posyolkalarda (L=1,5-2km) yashovchi aholini favqulodda vaziyat xavfi toʻgʻrisida oʻz vaqtida xabardor qilish.
		1.5. Shoʻrtan gaz-kimyo majmuasi Shoʻrtan gaz-kimyo kompleksi inshootlarini mukammal taʼmirlash va yongʻinga qarshi suv quvurlari tizimini rekonstruksiya qilish	2007 — 2011			Obyekt va avtomatik yongʻinni oʻchirish tizimining barqaror ishlashi, shuningdek yongʻinga qarshi ehtiyojlarni suv bilan taʼminlash.
		2. ”Oʻzkimyosanoat” DAK: 2.1. Mavjud ishlab chiqarishni rekonstruksiya qilish: “Elektrokimyosanoat” OAJ, “Ammofos" OAJ, “Qoʻqon superfosfat zavodi” OAJ, “Samarqandkimyo” OAJ	2007 — 2011	3359,0 / -	Oʻz mablagʻlari hisobidan	Obyektlarning barqarorligini oshirish hamda portlash va yongʻin xavfining oldini olish
		2.2.Energiya tejovchi texnologiyalarni joriy etish: “Navoiyazot” OAJ, “Fargʻonaazot” OAJ	2007 — 2009	3359,0 / -	Oʻz mablagʻlari hisobidan	Ishlab chiqarish samaradorligini oshirish
		3. “Oʻzbekenergo” DAK: 3.1. IES, IEM, GES energiya uskunalarini kapital va oʻrta taʼmirlash	2007 — 2011		Oʻz mablagʻlari hisobidan	Energiya uskunalari ishining ishonchliligini oshirish hamda portlash va yongʻin xavfining oldini olish
		3.2. Yuqori voltli liniyalar tarmoqlarida kapital taʼmirlash ishlarini bajarish	2007 — 2011			Isteʼmolchilarning energiya taʼminoti ishonchliligini oshirish
		3.3. Respublika energetika obyektlarini yanada rivojlantirish	2007 — 2011			Energiya tizimining barqarorligini oshirish
		4. “Oʻzdonmahsulot” AK: 4.1. Asosiy uskunalarni kapital taʼmirlash	2007 — 2011	1696,5 / -	Oʻz mablagʻlari hisobidan	Portlash va yongʻin xavfining oldini olish
		4.2. Mavjud ishlab chiqarishni rekonstruksiya qilish	2007 — 2011			Yuzaga kelishi mumkin boʻlgan favqulodda vaziyatlardan yanada samarali himoya qilish va obyektlarning barqarorligini oshirish
		4.3. Elevatorlarning yuk koʻtaruvchi qurilish konstruksiyalarini kuchaytirish	2007 — 2011			Obyektlarning zilzilabardoshligini oshirish
6.	Energetika obyektlari va tarmoqlarida avariyalarning oldini olish dasturi	“Oʻzbekenergo”DAK: 1. IES, IEM, GES energiya uskunalarini kapital va oʻrta taʼmirlash	2007 — 2011 2007 — 2011	631242,8 / -	Oʻz mablagʻlari hisobidan
		1.1. Qozon agregatlarini taʼmirlash - jami 102 ta taʼmirlash	2007 — 2011			Qozon agregatlarining ishonchliligi va unumdorligini oshirish
		1.2. Energiya bloklarini taʼmirlash: 160 MVt-27 taʼmirlash: 200 MVt-7 taʼmirlash: 300 MVt-39 taʼmirlash: 800 MVt-2 taʼmirlash:				Energobloklarning xizmat muddatini uzaytirish, ishonchliligi va unumdorligini oshirish
		1.3. Turboagregatlarni taʼmirlash - jami 23 ta taʼmirlash	2007 — 2011			Ishonchlilik, unumdorlik va barqarorlikni oshirish
		1.4. Gidroagregatlarni taʼmirlash - jami 84 ta taʼmirlash	2007 — 2011			Ishonchlilik, unumdorlik va barqarorlikni oshirish
		2. VL6-500 kV tarmoqlarida kapital taʼmirlash ishlarini bajarish: 2.1. VL-500 kV-700 km 2.2. VL-220 kV-2550 km 2.3. VL-110 kV-6035 km 2.4. VL-35 kV-5350 km 2.5. VL - 6-10 kV -36285 km	2007 — 2011			Isteʼmolchilarning energiya taʼminoti ishonchliligini oshirish
		3. Obyektlarni rekonstruksiya qilish boʻyicha yangi loyiha ishlanmalari	2007			Obyektlarni rekonstruksiya qilish uchun loyiha-smeta hujjatlari
		3.1. 500 kV HL — “Soʻgʻdiyona” Sirdaryo IES-PS qurilishi	2007			Energiya tizimining barqarorligini oshirish
		3.2. Toshkent IESda gaz-turbina qurilmasini qurish	2008			Elektr energiyasi ishlab chiqarishni koʻpaytirish
		3.3. 500 kV HL “Soʻgʻdiyona” IES - Talimarjon IES qurilishi	2007 — 2011			Energiya tizimining barqarorligini oshirish
		4. Respublika energetika obyektlarini rivojlantirish	2007 — 2011			Uzluksiz energiya taʼminotini taʼminlash
7.	Transportda (avtotransport, temir yoʻl, aviatsiya, metropoliten) avariya va halokatlarning oldini olish dasturi	1. Oʻzbekiston avtomobil va daryo transporti agentligi: 1.1. Haydovchilik tarkibining qatnovdan oldingi tibbiy koʻrikdan va avtomobillarning texnik koʻrikdan oʻtkazilishi ustidan monitoringni tashkil etish, avtotransport vositalarining zarur va xavfsiz ishlash sharoitlarini taʼminlash, haydovchilik tarkibining majburiy tibbiy qayta koʻrikdan oʻtishi, haydovchilarning oʻz vaqtida stajirovka va yoʻriqnomalar olishi, haydovchilik tarkibining yoʻl qoʻyiladigan ish vaqti davomiyligiga rioya etishi va boshqalar.	2007 — 2011 2007 — 2011		Oʻz mablagʻlari hisobidan	Harakat xavfsizligini taʼminlash ustidan nazoratni oshirish
		1.2. Yoʻlovchi va yuk tashish bilan shugʻullanuvchi avtokorxonalarda harakat xavfsizligini taʼminlash boʻyicha talablarning bajarilishini nazorat qilish, shu jumladan: avtotransport vositalaridan va ularning asbob-uskunalaridan foydalanish; tashuvchilarning litsenziya bitimi talablari va shartlarini bajarishi ustidan nazoratni kuchaytirish. Bunda yoʻlovchilar tashishga, shuningdek Vazirlar Mahkamasining “Avtomobil transportida yoʻlovchilar va bagaj tashish qoidalarini hamda Oʻzbekiston Respublikasida avtobuslarda tashish xavfsizligini taʼminlashga doir talablarni tasdiqlash toʻgʻrisida”gi 2003-yil 4-noyabrdagi 482-son qarori talablarini bajarishga alohida eʼtibor qaratilsin			Oʻz mablagʻlari hisobidan	Tashishlar xavfsizligini oshirish va nazorat qilishni taʼminlash
		2. ”Oʻzbekiston temir yoʻllari” DATYK: 2.1. Temir yoʻl transporti obyektlarida avariyalar va halokatlarning oldini olish maqsadida foydalanish xavfsizligini taʼminlashga, texnik tayyorligini tekshirishga, shuningdek, toʻxtab turish joyida ham, yoʻlda ham boʻlgan temir yoʻl yoʻllari, lokomotivlar, yoʻlovchi va yuk vagonlari, sisterna-vagonlar va konteynerlarning yuk ortish-tushirish ishlarini oʻtkazishda belgilangan standartlarga muvofiqligiga yoʻnaltirilgan kompleks profilaktik reydlarni tashkil etish va muntazam oʻtkazib borish;	2007-yildan boshlab har yili	49152,0 /-	Oʻz mablagʻlari hisobidan	Yuzaga kelishi mumkin boʻlgan avariya vaziyatlarining oldini olish
		2.2. Temir yoʻl transportida (shu jumladan tabiiy tusdagi manbalar boʻyicha) favqulodda vaziyatlar, avariyalar va halokatlarning oldini olish maqsadida temir yoʻllarning mavjud tizimini texnik jihatdan qoʻshimcha jihozlash va mustahkamlash tadbirlarini tashkil etish va oʻtkazish; aloqa tarmogʻi fiderlarida raqamli himoyani oʻrnatish	2007 — 2011			Temir yoʻl xoʻjaligi obyektlarini texnik qayta jihozlash
		2.3. Yuk va yoʻlovchilar tashishning texnologik jarayoni xavfsizligini, temir yoʻl transporti tizimlarining barqaror ishlashini taʼminlash maqsadida nazorat va videokuzatuv tizimlarini joriy etish tadbirlarini tashkil etish va oʻtkazish, alohida tortish podstansiyalarining asbob-uskunalarini takomillashtirish	2007 — 2011			Temir yoʻl transporti xavfsizligini oshirish
		3. ”Oʻzbekiston havo yoʻllari” MAK: 3.1. Havo kemalarining uchishi va qoʻnishida avariyalar (halokatlar, buzilishlar) ning oldini olish maqsadida yoʻl qoʻyiladigan maksimal yuklamalarni oshirish uchun ayrim aeroportlarning sunʼiy uchish-qoʻnish yoʻlaklarini taʼmirlash (rekonstruksiya qilish) tadbirlarini oʻtkazish	2007 — 2011	45968,9 /-	Oʻz mablagʻlari hisobidan	Aerodromda parvozlar xavfsizligini taʼminlash
		3.2. Kundalik faoliyatda va ekstremal vaziyatlarda boshqaruv va aloqa tizimi, parvozlarni radiotexnikaviy taʼminlash va havo harakatini boshqarish ishlarining barqarorligini oshirish maqsadida zarur aeronavigatsiya uskunalarini sotib olish va montaj qilish	2007 — 2011			Boshqaruv va aloqa tizimining barqarorligini oshirish
		3.3. Havo kemalarini taʼmirlash va reglamentli ishlarni lozim darajada oʻtkazish, “UAT” korxonasining (243-sonli Aviataʼmirlash korxonasi) barqaror ishlashini taʼminlash maqsadida mavjud taʼmirlash bazasini modernizatsiya qilishni tashkil etish hamda shtat va shtatdan tashqari rejimlarda zarur mehnat sharoitlarini yaratish	2007 — 2011			Amaldagi taʼmirlash bazasini modernizatsiya qilish
		3.4. Qoʻriqlash-rejim, aviatsiya va yongʻin xavfsizligini taʼminlash maqsadida zarur asbob-uskunalar va maxsus texnikalarni sotib olish	2007 — 2011			Yongʻin xavfsizligi va qoʻriqlashning ishonchliligini oshirish
		4. IIV: 4.1. Yuk va yoʻlovchi tashish poyezdlari harakati xavfsizligini taʼminlovchi aloqa, avtomatika, signalizatsiya va kommunikatsiya vositalarining oʻgʻirlanishi va shikastlanishi bilan bogʻliq holatlarni aniqlash maqsadida temir yoʻl transporti obyektlarida jinoyatlar profilaktikasi boʻyicha qoʻshma guruhlar tashkil etish	2007 — 2011		IIVning ajratiladigan budjet mablagʻlari va jalb etilgan budjetdan tashqari mablagʻlari doirasida	“Oʻzbekiston temir yoʻllari” davlat-aksiyadorlik kompaniyasi bilan birgalikda asbob-uskunalar va materiallar saqlanishini taʼminlash
		4.2. DATYK xodimlari, yoʻlovchilar, mansabdor shaxslar, “begonalashtirish chizigʻi” (temir yoʻl boʻylab) deb ataluvchi aholi punktlarida yashovchi fuqarolar oʻrtasida tushuntirish-profilaktika ishlarini doimiy asosda tashkil etish va oʻtkazish	2007 — 2011			Xavfsizlikni taʼminlash maqsadida bilimlarni targʻib qilish
		5. Toshkent metropoliteni: 5.1. Obyektlarda zamonaviy videokuzatuv tizimlarini va qoʻriqlashning muhandislik-texnik vositalarini joriy etish	2007 — 2011	8682,0 / -	Oʻz mablagʻlari hisobidan	Obyektlarni favqulodda vaziyatlardan himoya qilish darajasini oshirish
		5.2. Texnik jihozlarni bosqichma-bosqich almashtirish va modernizatsiya qilishning kompleks dasturini ishlab chiqish	2007 — 2011			Obyektlar ishining ishonchliligini oshirish va ularni texnik qayta jihozlash
		5.3. Stansiyalar va yer usti obyektlariga chiqish imkoniyatiga ega tunnellarda ikki tomonlama mobil radioaloqani loyihalash va jihozlash	2007 — 2011			Favqulodda vaziyatlar xavfi yuzaga kelganda yoki sodir boʻlganda tezkor boshqaruvni taʼminlash.
8.	Favqulodda vaziyatlar vazirligi qutqaruvchilarini tayyorlash va ularning malakasini oshirish markazi oʻquv obyektlarini zamonaviy avariya-qutqaruv texnikasi, asbob-uskunalari, anjomlari bilan jihozlash va qurish dasturi	FVV: 1. Qutqaruvchilarni tayyorlash va ularning malakasini oshirish markazini:	2007 — 2011	4980,5 / -	FVVga ajratiladigan budjet mablagʻlari va jalb etilgan budjetdan tashqari mablagʻlar doirasida	Qutqaruvchilarning texnik jihozlanishini oshirish
		1.1. Zamonaviy avariya-qutqaruv texnikasi bilan	2007 — 2011			Favqulodda vaziyatlar hududida avariya-qutqaruv ishlarini amalga oshirishda qutqaruvchilarning samarali harakatlari
		1.2. Zamonaviy asbob-uskuna va anjomlar bilan	2007 — 2011
		2. Qutqaruvchilarni tayyorlash va ularning malakasini oshirish markazining oʻquv obyektlarini qurish	2007 — 2011			Qutqaruvchilarni tayyorlash va ularning malakasini oshirish uchun oʻquv-mashq bazasini yaratish
V. Aholini, rahbar tarkibini favqulodda vaziyatlarda harakat qilishga oʻqitish boʻyicha
11.	Aholining barcha qatlamlarini oʻqitish boʻyicha maqsadli dastur	1. Xalq taʼlimi vazirligi: 1.1. Maktabgacha taʼlim muassasalari va umumtaʼlim maktablari oʻquvchilari uchun “Hayot faoliyati va xavfsizlik asoslari” oʻquv dasturini yaratish va joriy etish	2007 — 2011 2007 — 2008	2341,0 /-	Xalq taʼlimi vazirligining ajratiladigan budjet mablagʻlari va jalb etilgan budjetdan tashqari mablagʻlari doirasida	Ehtimoliy favqulodda vaziyatlarda harakat qilishni oʻrgatish maqsadida integratsiyalashgan darslik yaratish
		1.2. Zamonaviy axborot-kommunikatsiya texnologiyalaridan foydalangan holda metodik qoʻllanmalar yaratish	2007 — 2011			Oʻquvchilarni oʻqitish uchun koʻrgazmali qoʻllanmalar (filmlar) yaratish
		1.3. Oʻquvchi va tarbiyalanuvchilarning zarur bilim va koʻnikmalar doirasini kengaytirish, hayotiy xavfli vaziyatlarda mustaqil harakat qilish qobiliyatini rivojlantirish	2007 — 2011			“Hayot faoliyati va xavfsizlik asoslari” dasturi boʻyicha tanlovlar, olimpiadalar tashkil etish va oʻtkazish
		1.4. Ota-onalar bilimini oshirish hamda taʼlim muassasalari rahbarlari va pedagoglarining malakasini oshirish	2007 — 2011			Malaka oshirish va oʻqitish sifatini oshirish
		2. Oliy va oʻrta maxsus taʼlim vazirligi: 2.1. Talabalar, kollejlar va litseylar uchun “Hayot faoliyati xavfsizligi” oʻquv dasturini yaratish va joriy etish	2007 — 2009	155,0 / -	Oliy taʼlim vazirligining ajratiladigan budjet mablagʻlari va jalb etilgan budjetdan tashqari mablagʻlari doirasida	Oliy oʻquv yurtlari, kollejlar va litseylar talabalari uchun “Hayot faoliyati xavfsizligi” darsligini tayyorlash
		2.2. Kollejlar va litseylar rahbarlari hamda oʻqituvchilarini tayyorlash va ularning malakasini oshirishning maqsadli tizimi	2007 — 2011	155,0 / -		Malaka oshirish va oʻqitish sifatini oshirish
		3. Sogʻliqni saqlash vazirligi: 3.1. Oliy taʼlim muassasalari talabalari uchun “Fuqaro muhofazasi tibbiy xizmati” kursi boʻyicha darslik yaratish	2007 — 2008	512,0 / -	Sogʻliqni saqlash vazirligining ajratiladigan budjet mablagʻlari va jalb etilgan budjetdan tashqari mablagʻlari doirasida	Oliy taʼlim muassasalari talabalari uchun “Fuqaro muhofazasi tibbiy xizmati” darsligini tayyorlash
		3.2. Oʻquv va koʻrgazmali qoʻllanmalar tayyorlash, maxsus sinflarni rasmiylashtirish	2007 — 2011			Fuqaro muhofazasi sohasida oʻqitish va bilimlarni oʻzlashtirish sifatini oshirish
		3.3. Tibbiyot kollejlari oʻquvchilari uchun “Favqulodda vaziyatlar tibbiyoti” darsligini yaratish	2007 — 2008			Tibbiyot kollejlari oʻquvchilari uchun “Favqulodda vaziyatlar tibbiyoti” darsligini tayyorlash
		3.4. Tibbiyot oliy oʻquv yurtlari va kollejlari oʻqituvchilarining malakasini oshirish	2007 — 2011			Oʻquvchi va talabalarni oʻqitish sifatini oshirish
		4. FVV: 4.1. Vazirliklar, idoralar va tashkilotlar (shu jumladan hokimliklar) rahbarlarini oʻqitish	2007 — 2011		FVVga ajratiladigan budjet mablagʻlari va jalb etilgan budjetdan tashqari mablagʻlar doirasida	Fuqaro muhofazasi masalalari boʻyicha maxsus tayyorgarlik, fuqaro muhofazasi sohasida qarorlar qabul qilish
		4.2. Mahalla qoʻmitalari rahbarlari va faollarini oʻqitish va qayta tayyorlash	2007 — 2011			Mahalla qoʻmitalari rahbarlari va faollarining favqulodda vaziyatlarda oʻzini oʻzi himoya qilish va harakat qilish boʻyicha bilimlarini targʻib qilish va oʻrgatish
		4.3. Ishlab chiqarish va xizmat koʻrsatish sohalarida band boʻlmagan aholini tayyorlash va oʻqitish	2007 — 2011			Aholini favqulodda vaziyatlarda oʻzini oʻzi himoya qilish va harakat qilishga oʻrgatish

Jami:

1463461,8/

3335316,1

Vazirliklar va idoralarning ajratiladigan budjet mablagʻlari va jalb etilgan budjetdan tashqari mablagʻlari doirasida

shu jumladan:
224287,8 / 515,2
1239174,0 / 3334800,9

Vazirliklar va idoralarning oʻz mablagʻlari