Oʻzbekiston Respublikasi Prezidentining 2024-yil 5-yanvardagi “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi PQ-5-son qarori 7-bandi “a” kichik bandiga muvofiq, 2026-yil 1-oktyabrdan 2027-yil 1-aprelga qadar kuz-qish davrida Sherobod tumani hududidagi suv isteʼmolchilariga suv olish limitlarini belgilash hamda suv resurslaridan oqilona va samarali foydalanishni taʼminlash maqsadida, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga asosan, xalq deputatlari Sherobod tumani Kengashi qaror qiladi:

1. “AMU-SURXON” irrigatsiya tizimlari havza boshqarmasi boshligʻining 2026-yil 16-sentyabrdagi 01-10/1582-sonli hamda Sherobod tumani “Suv yetkazib berish xizmati” davlat muassasasi direktori J. Boʻriyevning 2026-yil 25-sentyabrdagi 01-05/302-sonli xatlari maʼlumot uchun qabul qilinsin.

2. Sherobod tumani hududidagi suv isteʼmolchilarining 2026-yil 1-oktyabrdan 2027-yil 1-aprelga qadar kuz-qish davrida nosugʻorish ishlari uchun suv olish limitlari 1 — 5-ilovalarga muvofiq tasdiqlansin.

3. Sherobod tumani “Suv yetkazib berish xizmati” davlat muassasasi rahbari J. Boʻriyevga:

belgilangan limitlar asosida suv isteʼmolchilariga suv yetkazib berishni;

oʻziga biriktirilgan hududda suvning hisobi va hisobotini yuritishni;

sugʻorish tarmoqlari va ulardagi gidrotexnik inshootlarni soz holatda saqlash hamda taʼmirlash-tiklash tadbirlarini amalga oshirishni;

suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisobotini yuritishni raqamlashtirishni;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borishni;

suv isteʼmolchilarining buyurtmanomasi asosida boshqa suv xoʻjaligi xizmatlarini koʻrsatishni;

amalga oshirilgan ishlar yuzasidan belgilangan tartibda xalq deputatlari Sherobod tumani Kengashiga hisobot berib borishni taʼminlash vazifalari yuklatilsin.

5. Sherobod tumani “Suv yetkazib berish xizmati” davlat muassasasi rahbari J. Boʻriyev tasdiqlangan suv olish limitlarining suv isteʼmolchilariga belgilangan tartibda yetkazilishini hamda suv resurslaridan oqilona va samarali foydalanilishini taʼminlash uchun masʼul etib belgilansin.

6. Sherobod tumani hokimligi Axborot xizmati (A. Toshtemirov) hamda “Sherobod hayoti” gazetasi tahririyatiga (P. Muhammadiyev) Sherobod tumani hududidagi suv isteʼmolchilarining 2026-yil 1-oktyabrdan 2027-yil 1-aprelga qadar kuz-qish davrida nosugʻorish ishlari uchun tasdiqlangan suv olish limitlari, suv resurslaridan oqilona va samarali foydalanish hamda suvni tejash chora-tadbirlari toʻgʻrisidagi maʼlumotlarni ommaviy axborot vositalari va internet tarmoqlarida yoritib borish tavsiya etilsin.

7. Sherobod tumani hokimligi, “AMU-SURXON” irrigatsiya tizimlari havza boshqarmasi hamda Sherobod tumani “Suv yetkazib berish xizmati” davlat muassasasi tomonidan tasdiqlangan suv olish limitlarining tegishli suv isteʼmolchilariga oʻz vaqtida yetkazilishi taʼminlansin.

8. Mazkur qarorning 2-bandida belgilangan suv olish limitlariga oʻzgartirish va qoʻshimchalar kiritish zarurati yuzaga kelgan taqdirda, ushbu masala amaldagi qonunchilik hujjatlarida belgilangan tartibda hal etilsin.

9. Mazkur qaror ijrosini nazorat qilish xalq deputatlari Sherobod tumani Kengashining Agrar, suv xoʻjaligi masalalari va ekologiya boʻyicha doimiy komissiyasi (Q. Raxamov) zimmasiga yuklatilsin.

10. Mazkur qaror ijrosini taʼminlash Sherobod tumani “Suv yetkazib berish xizmati” davlat muassasasi rahbari J. Boʻriyev zimmasiga yuklatilsin.

11. Ushbu qaror ommaviy axborot vositalarida rasmiy eʼlon qilingan kundan eʼtiboran kuchga kiradi.