Tomdi tumani Kambagʻallikni qisqartirish va bandlikka koʻmaklashish boʻlimi tomonidan “Aholi bandligi toʻgʻrisida”gi Oʻzbekiston Respublikasi Qonunining 9-bobi, Vazirlar Mahkamasining 2017-yil 5-dekabrdagi 965-son qarori bilan tasdiqlangan “Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish tartibi toʻgʻrisida”gi nizom hamda Oʻzbekiston Respublikasi Prezidentining 2025-yil 4-avgustdagi 126-son Farmoniga muvofiq, tumanda 2027-yilda aholining ijtimoiy ehtiyojmand toifalarini ish bilan taʼminlash uchun ish oʻrinlarini zaxiraga qoʻyish buyicha loyihasi ishlab chiqildi.

Ushbu loyihaga asosan tumanda joylashgan korxona va tashkilotlardan 2027-yilda aholining ijtimoiy ehtiyojmand toifalari uchun jami 158 ta ish oʻrni zaxiraga qoʻyish rejalashtirildi.

Shundan:

nogironligi boʻlgan shaxslar uchun — 45 kishi;

oilaviy (maishiy) zoʻravonlikdan jabrlangan shaxslar uchun — 1 kishi;

ijtimoiy reyestrdagi oilalarning aʼzolari uchun — 97 kishi;

muqobil joylashtirish shakllarida tarbiyalangan yetim hamda ota-ona qaramogʻidan mahrum boʻlgan shaxslar uchun — 8 kishi;

jazoni ijro etish muassasalaridan ozod qilingan shaxslar uchun — 2 kishi;

odam savdosidan jabrlangan shaxslar uchun — 5 kishi uchun ish oʻrinlari zahiraga qoʻyish rejalashtirilmoqda.

Tuman hududida joylashgan davlat ulushi 50 foizdan yuqori boʻlgan korxonalarga ish oʻrinlari zahiraga qoʻyish taklif etilmoqda.

Shundan:

“ACS EXPLORATION” MAS'ULIYATI CHEKLANGAN JAMIYATiga 5 ta ish oʻrni.

“MASTER CAMP” MAS'ULIYATI CHEKLANGAN JAMIYATiga 4 ta ish oʻrni.

“MINEX” MAS'ULIYATI CHEKLANGAN JAMIYATiga 12 ta ish oʻrni.

“TOMDI TUMAN YO`LLARDAN FOYDALANISH” UNITAR KORXONASI UNITAR KORXONAsiga 4 ta ish oʻrni.

“GOLDEN RESULT” MAS'ULIYATI CHEKLANGAN JAMIYATiga 5 ta ish oʻrni.

“ASL-MANTAJ-EXSPRESS” MAS`ULIYATI CHEKLANGAN JAMIYATiga 9 ta ish oʻrni.

“AURUM GLOBAL GROUP” MAS'ULIYATI CHEKLANGAN JAMIYAT XORIJIY KORXONAsiga 12 ta ish oʻrni.

“ROCKGEO” MAS'ULIYATI CHEKLANGAN JAMIYATiga 9 ta ish oʻrni taklif qilinmoqda.

Ushbu zahiraga qoʻyilgan ish oʻrinlariga tumandagi ishsizlarni ish bilan taʼminlash ishlari olib boriladi.

“Aholi bandligi toʻgʻrisida”gi Oʻzbekiston Respublikasi Qonunining 9-bobi, Vazirlar Mahkamasining 2017-yil 5-dekabrdagi 965-son qarori bilan tasdiqlangan “Ijtimoiy muhofazaga muhtoj, ish topishda qiynalayotgan va mehnat bozorida teng shartlarda raqobatlasha olmaydigan shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish tartibi toʻgʻrisida”gi nizom hamda Oʻzbekiston Respublikasi Prezidentining 2025-yil 4-avgustdagi 126-son Farmoniga muvofiq, 2027-yilda aholining ijtimoiy ehtiyojmand toifalarini ish bilan taʼminlash uchun ish oʻrinlarini zaxiraga qoʻyish maqsadida, tuman Kambagʻallikni qisqartirish va bandlikka koʻmaklashish boʻlimining 2026-yil 30-sentabrdagi 17/09-01/07-394-sonli xati, Xalq deputatlari Tomdi tumani Kengashining mahalliy byudjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasining 2026-yil 16-oktyabrdagi DKQ-03-01/103-26-sonli qarori hamda deputatlar tovonidan bildirilgan fikr-mulohazalarnin inobatga olib, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 24-moddasiga asosan xalq deputatlari Tomdi tumani Kengashi qaror qiladi:

1. Oʻzbekiston Respublikasi Prezidentining 2025-yil 23-iyundagi 98-son Farmoniga muvofiq ijtimoiy ehtiyojmand shaxslarni ishga joylashtirish uchun ish oʻrinlarining eng kam sonini belgilash va zaxiraga qoʻyish vakolatlari xalq deputatlari mahalliy Kengashlariga oʻtkazilganligi hamda 126-son Farmoniga muvofiq ish oʻrinlarini majburiy zaxiralash tartibi belgilanganligi ijro uchun qabul qilinsin.

2. Tuman Kambagʻallikni qisqartirish va bandlikka koʻmaklashish boʻlimi hamda “Inson” ijtimoiy xizmatlar markazining takliflari maʼqullansin va 2027-yilda aholining ijtimoiy ehtiyojmand toifalari uchun jami 158 ta ish oʻrni zaxiraga qoʻyilsin, jumladan:

nogironligi boʻlgan shaxslar uchun — 45 kishi;

oilaviy (maishiy) zoʻravonlikdan jabrlangan shaxslar uchun — 1 kishi;

ijtimoiy reyestrdagi oilalarning aʼzolari uchun — 97 kishi;

muqobil joylashtirish shakllarida tarbiyalangan yetim hamda ota-ona qaramogʻidan mahrum boʻlgan shaxslar uchun — 8 kishi;

jazoni ijro etish muassasalaridan ozod qilingan shaxslar uchun — 2 kishi;

odam savdosidan jabrlangan shaxslar uchun — 5 kishi.

3. 2027-yilda zaxiraga qoʻyiladigan ish oʻrinlarining:

davlat tashkilotlari (budjet tashkilotlari va davlat ulushi 50 foizdan yuqori boʻlgan korxonalar) boʻyicha manzilli roʻyxati 1-ilovaga;

xodimlarining roʻyxatdagi oʻrtacha yillik soni 100 nafardan ortiq boʻlgan xoʻjalik yurituvchi subyektlar (davlat ulushi 50 foizdan yuqori boʻlgan korxonalar bundan mustasno) boʻyicha manzilli roʻyxati 2-ilovaga muvofiq tasdiqlansin.

4. Korxona, tashkilot va muassasalar rahbarlari:

zaxiraga qoʻyiladigan ish oʻrinlari umumiy sonining kamida 25 foizini kalendar yil boshlanishidan oldin 10 kundan kechiktirmay tayyor holga keltirsin hamda bu haqda Kambagʻallikni qisqartirish va bandlikka koʻmaklashish boʻlimiga axborot taqdim etsin;

ish oʻrinlarining qolgan qismini kalendar yilning birinchi choragi davomida zaxiraga qoʻysin hamda birinchi chorak tugaganidan keyin 10 kun ichida bu haqda axborot taqdim etsin;

ishga joylashtirilgan fuqarolar toʻgʻrisidagi maʼlumotlarni har oy hisobot oyidan keyingi oyning 5-sanasiga qadar taqdim etib borsin.

Ish oʻrinlarini zaxirada saqlash “Aholi bandligi toʻgʻrisida”gi Qonunning 40-moddasiga muvofiq amalga oshiriladi.

5. Oʻzbekiston Respublikasi Prezidentining 2025-yil 14-fevraldagi 64-son qaroriga muvofiq, aholining ijtimoiy ehtiyojmand toifalariga mansub shaxslarni belgilangan eng kam sondan ortiq miqdorda ishga qabul qilgan ish beruvchilar subsidiya olish huquqiga ega ekanligi maʼlumot uchun qabul qilinsin.

6. “Aholi bandligi toʻgʻrisida”gi Qonunning 3, 13, 34, 38, 39, 40 va 41-moddalariga muvofiq mazkur qaror talablarini bajarmagan ish beruvchilar qonunchilikda belgilangan tartibda javobgar boʻladilar. Jarima qoʻllanilishi ish beruvchini zaxiraga qoʻyilishi lozim boʻlgan ish oʻrinlarini yaratish majburiyatidan ozod etmaydi.

7. Tuman Kambagʻallikni qisqartirish va bandlikka koʻmaklashish boʻlimi (S. Aytbayev):

besh kun muddatda ushbu qaror nusxasini “Bandlik xizmati” axborot tizimi orqali ish beruvchining “YaMMT” IDAKdagi shaxsiy kabinetiga yuborsin;

qaror ijrosi ustidan doimiy monitoring va nazoratni amalga oshirsin;

qaror talablarini bajarmagan yoki fuqarolarni ishga qabul qilishni asossiz ravishda rad etgan mansabdor shaxslarga nisbatan qonunchilikda belgilangan tartibda choralar koʻrilishini taʼminlasin.

8. Mazkur qaror ommaviy axborot vositalarida eʼlon qilinsin hamda tuman hokimligining rasmiy veb-saytiga joylashtirilsin.

9. Mazkur qaror ijrosini taʼminlash xalq deputatlari Tomdi tumani Kengashining tegishli doimiy komissiyasi hamda tuman hokimining birinchi oʻrinbosari O.Madenov nazorat qilish Xalq deputatlari Tomdi tuman Kengashi korrupsiyaga qarshi kurashish, ijtimoiy soha, yoshlar siyosati, madaniyat va sport masalalari boʻyicha doimiy komissiyasi (J. Mirzagaliev) zimmasiga yuklatilsin.

10. Mazkur qaror qabul qilingan kundan eʼtiboran kuchga kiradi.