Tuman mahalliy budjeti mablagʻlarini maqsadli sarflanishini tashkil etish, xarajatlarni sohalar boʻyicha toʻgʻri taqsimlash orqali mablagʻlarning iqtisod qilinishiga erishish, kreditor qarzdorliklarga yoʻl qoʻymaslik maqsadida Oʻzbekiston Respublikasi Budjet kodeksining 28 va 148-moddalariga asosan qaror qilaman:

1. Tuman Iqtisodiyot va moliya boʻlimining 2026-yil 14-avgustdagi tuman mahalliy budjetining xarajatlari yoyilmasiga oʻzgartirish kiritishtoʻgʻrisidagi 155-sonli xati hamda tuman Obodonlashtirish boshqarmasining 2026-yil 14-avgustdagi 02-03/28-sonli xati inobatga olinsin.

2. Tuman mahalliy budjetdan mablagʻ oluvchi budjet mablagʻlarini taqsimlovchilarining 2026-yilgi xarajatlari yoyilmasiga ilovaga muvofiq oʻzgartirishlar kiritilsin.

3. Kiritilgan oʻzgartirishlar tuman mahalliy budjetidan mablagʻ oluvchi budjet muassasalarining 2026-yil tasdiqlangan xarajatlar yoyilmasiga nisbatan 10 foizdan kam miqdorida ekanligi eʼtirof etilsin.

4. Tuman Iqtisodiyot va moliya boʻlimi (O.Abdimurodov) ga tuman mahalliy budjetidan mablagʻ oluvchi budjet tashkilotlarining 2026-yil xarajatlar yoyilmasiga ilovaga muvofiq oʻzgartirish kiritish vazifasi yuklatilsin.

5. Ushbu qarorning bajarilishini nazorat qilish tuman hokimining oʻrinbosari Z.Eshqobilov zimmasiga yuklatilsin.