1-статья. Қарақалпақстан Республикасының 2011-жыл 21-октябрьде жаңа редакцияда қабыл етилген «Майыпларды социаллық қорғаў ҳаққында»ғы Нызамына төмендеги өзгерислер ҳәм қосымшалар киргизилсин:

1) 9-статьяның екинши бөлиминдеги «ҳәм халықты социаллық қорғаў» деген сөзлер алып таслансын;

2) 27-статьяның текстиндеги «мийнет ҳәм халықты социаллық қорғаў» деген сөзлер алып таслансын;

3) 28-статьяның:

биринши бөлиминдеги «мийнет ҳәм халықты социаллық қорғаў уйымлары» деген сөзлер «районлық (қалалық) медицина бирлеспелери» деген сөзлер менен алмастырылсын;

екинши бөлиминдеги «районлық (қалалық) мийнет ҳәм халықты социаллық қорғаў уйымлары» деген сөзлер «районлық (қалалық) медицина бирлеспелери» деген сөзлер менен алмастырылсын;

2-статья. Қарақалпақстан Республикасының 1998-жыл 28-ноябрьде қабыл етилген «Халықты жумыс пенен тәмийинлеў ҳаққында»ғы Нызамына төмендеги өзгерис ҳәм қосымшалар киргизилсин:

1) 13-статьяның екинши бөлими төмендеги редакцияда баян етилсин:

«Өзбекистан Республикасы пуқараларын мәмлекет аймағынан тысқарыда жумысқа орналастырыў Сыртқы мийнет миграциясы мәселелери агентлиги тәрепинен әмелге асырылады»;

2) 16-статья:

атамасындағы ҳәм биринши бөлиминдеги «ҳәм халықты социаллық қорғаў» деген сөзлер алып таслансын;

екинши бөлиминиң:

биринши абзацындағы «ҳәм халықты социаллық қорғаў» деген сөзлер алып таслансын;

төртинши абзацындағы «жумыс пенен тәмийинлеўге жәрдемлесиўши мәмлекетлик қордың» деген сөзлер «Өзбекистан Республикасы Бәнтликке көмеклесиўши мәмлекетлик фондтың (буннан кейинги текстте Бәнтликке көмеклесиўши мәмлекетлик фонд деп жүритиледи)» деген сөзлер менен алмастырылсын;

үшинши бөлими он алтыншы абзацының текстиндеги «Жумыс пенен тәмийинлеўге жәрдемлесиўши» деген сөзлер «Бәнтликке көмеклесиў» деген сөзлер менен алмастырылсын;

3) 18-статьяның биринши бөлими үшинши абзацының, екинши ҳәм төртинши бөлимлериниң текстиндеги «Жумыс пенен тәмийинлеўге жәрдемлесиўши» деген сөзлер «Бәнтликке көмеклесиў» деген сөзлер менен алмастырылсын;

4) 21-статья төмендеги редакцияда баян етилсин:

Халықты жумыс пенен тәмийинлеў саласындағы мәмлекетлик сиясатты әмелге асырыў илажларын қаржыландырыў ҳәм мийнет уйымларының нәтийжели жумыс ислеўи ушын Бәнтликке көмеклесиўши мәмлекетлик фонд дүзиледи.

Бәнтликке көмеклесиўши мәмлекетлик фондтың дәраматлары:

бирден-бир социаллық төлем түсимлериниң белгиленген муғдары;

ўақытша бос қаржыларды жайластырыўдан түскен дәраматлар;

нызам ҳүжжетлерине муўапық басқа дереклер есабынан қәлиплестириледи.

Бәнтликке көмеклесиўши мәмлекетлик фонд қаржыларының жетпис проценти кейин-ала районлар ҳәм қалалар арасында қайта бөлистирилген ҳалда Қарақалпақстан Республикасы мийнет уйымлары есабында қалады, отыз проценти республика дәрежесинде орайластырылады.

Бәнтликке көмеклесиўши мәмлекетлик фондтың қаржыларын сарыплаў бағдарлары халықтың бәнтлигине тийисли республикалық ҳәм басқа бағдарламаларда белгиленеди».

5) 23-статья текстиндеги «Жумыс пенен тәмийинлеўге жәрдемлесиўши» деген сөзлер «Бәнтликке көмеклесиўши» деген сөзлер менен алмастырылсын;

6) 25-статья жетинши бөлиминиң текстиндеги «жумыс пенен тәмийинлеўге жәрдемлесиўши» деген сөзлер «Бәнтликке көмеклесиўши» деген сөзлер менен алмастырылсын;

7) 28-статьяның үшинши бөлиминдеги «ҳәм халықты социаллық қорғаў» деген сөзлер алып таслансын;

8) 35-статья:

биринши бөлиминиң текстиндеги «жумыс пенен тәмийинлеўге жәрдемлесиўши» деген сөзлер «Бәнтликке көмеклесиўши» деген сөзлер менен алмастырылсын;

екинши бөлими төмендеги редакцияда баян етилсин:

«Бәнтликке көмеклесиўши мәмлекетлик фонд қаржыларынан яки Қарақалпақстан Республикасы бюджети қаржыларынан материаллық жәрдем көрсетиў тәртиби, муғдары ҳәмде шәртлери тийислилиги бойынша Өзбекистан Республикасы Мийнет министрлиги ҳәм Қарақалпақстан Республикасы Министрлер Кеңеси тәрепинен белгиленеди».

3-статья. Қарақалпақстан Республикасының 1997-жыл 25-июньда қабыл етилген «Пуқаралардың денсаўлығын сақлаў ҳаққында»ғы Нызамына төмендеги өзгерислер киргизилсин:

1) 16-статьяның бесинши бөлиминдеги «мийнет ҳәм халықты социаллық қорғаў» деген сөзлер алып таслансын;

2) 17-статьяның үшинши бөлиминдеги «Денсаўлықты сақлаў, Мийнет ҳәм халықты социаллық қорғаў министрликлери» деген сөзлер «Денсаўлықты сақлаў министрлиги» деген сөзлер менен алмастырылсын;

3) 21-статьяның:

биринши бөлиминдеги «ҳәм мийнет ҳәм халықты социаллық қорғаў» деген сөзлер алып таслансын;

үшинши бөлиминдеги «мийнет ҳәм халықты социаллық қорғаў» деген сөзлер «денсаўлықты сақлаў» деген сөзлер менен алмастырылсын;

4) 22-статьяның екинши бөлими төмендеги редакцияда баян етилсин:

«Майыплар мәмлекетлик денсаўлықты сақлаў системасы мәкемелеринде бийпул медициналық-санитариялық жәрдем алыў, үйинде күтим қылыныў, басқалардың күтимине мүтәж болған жалғыз баслы майыплар, созылмалы руўхый кеселликлерге шалынған майыплар болса майыплар ҳәм қариялар ушын арналған интернат үйлеринде жасаў ҳуқықына ийе»;

5) 29-статьяның биринши бөлиминиң биринши абзацындағы «мийнет ҳәм халықты социаллық қорғаў» деген сөзлер алып таслансын;

4-статья. Қарақалпақстан Республикасының 2012-жыл 28-декабрьде қабыл етилген «Бала ҳуқықларының кепилликлери ҳаққында»ғы Нызамы 28-статьясының екинши бөлими төмендеги редакцияда баян етилсин:

«Майып балалар мәмлекетлик денсаўлықты сақлаў системасы мәкемелеринде бийпул медициналық-социаллық жәрдем алыў ҳәм өз үйлеринде күтим қылыныў ҳуқықына ийе».

5-статья. Қарақалпақстан Республикасының 2014-жыл 27-июньда қабыл етилген «Адамның иммунитет жетиспеўшилиги вирусы келтирип шығаратуғын кеселлик (АИВ инфекциясы) тарқалыўына қарсы гүресиў ҳаққында»ғы Нызамы 15-статьясының екинши бөлиминдеги «ҳәм халықты социаллық қорғаў» деген сөзлер алып таслансын.

6-статья. Қарақалпақстан Республикасының 2013-жыл 5-июльде жаңа редакцияда қабыл етилген «Пуқаралардың өзин-өзи басқарыў уйымлары ҳаққында»ғы Нызамына төмендеги өзгерислер ҳәм қосымшалар киргизилсин:

1) 13-статьясы үшинши бөлиминиң:

алтыншы абзацы төмендеги редакцияда баян етилсин:

«ғалаба-сиясий, руўхый ағартыўшылық, мәдений, спорт илажларын ҳәм басқа да илажларды, сондай-ақ қорғалатуғын тәбийий аймақларды пайда етиў, қорғаў ҳәм олардан пайдаланыў бойынша илажларды өткериўде, тийисли аймақтың, суў тәмийнаты дереклериниң, турақ-жайлардың, билимлендириў мәкемелериниң санитариялық ҳәм экологиялық жағдайы, өртке қарсы қәўипсизлик талапларына, ветеринариялық, ветеринария-санитариялық қағыйдалары ҳәм нормаларына, саўда қағыйдалары ҳәм пуқараларға хызмет көрсетиў мәдениятына сайкеслиги үстинен қадағалаўды әмелге асырыўда тийисли мәмлекетлик уйымларға көмеклеседи;»

жигирма үшинши абзацы төмендеги редакцияда баян етилсин:

«социаллық жәрдемге мүтәж болған кем тәмийинленген шаңарақларды, жалғыз кексе пуқараларды, пенсионерлер ҳәм майыпларды финанс уйымлары ҳәм денсаўлықты сақлаў уйымлары менен биргеликте анықлайды;»

жигирма төртинши абзацындағы «жазаны өтеў мекемелеринен» деген сөзлер «еркинен айырыў орынларынан» деген сөзлер менен алмастырылсын;

2) 14-статьяның сегизинши абзацы төмендеги редакцияда баян етилсин:

«спиртли ишимликлер, нәшебентлик затлар ҳәм психотроп нәрселерди пайдаланыў нәтийжесинде пуқараны мәмилеге уқыбы шекленген деп табыў ҳаққында яки пуқараны руўхый жағдайы бузылғанлығы (руўхый кеселлиги яки ақылы зайыплығы) себепли мәмилеге уқыпсыз деп табыў ҳаққында судқа арза береди»;

3) 17-статьясы бесинши бөлиминиң екинши абзацындағы «ҳәм халықты социаллық қорғаў» деген сөзлер алып таслансын;

4) 24-статьяның үшинши абзацындағы «қатнасықларға жарамсыз» деген сөзлер «мәмилеге уқыпсыз» деген сөзлер менен алмастырылсын.

7-статья. Қарақалпақстан Республикасының 2010-жыл 14-октябрьдеги жаңа редакцияда қабыл етилген «Суў ҳәм суўдан пайдаланыў ҳаққында»ғы Нызамы 50-статьясының биринши бөлиминдеги «мәмлекетлик санитариялық ҳәм ветеринариялық бақлаў уйымлары» деген сөзлер «мәмлекетлик санитариялық бақлаў ҳәм мәмлекетлик ветеринария хызмети уйымлары» деген сөзлер менен алмастырылсын.

8-статья. Қарақалпақстан Республикасының 2005-жыл 14-майда жаңа редакцияда қабыл етилген «Фермер хожалықлары ҳаққында»ғы Нызамына төмендеги өзгерислер киргизилсин:

1) 29-статьяның үшинши бөлиминиң тоғызыншы абзацындағы «зооветеринариялық» деген сөз «ветеринария» деген сөз бенен алмастырылсын;

2) 30-статьяның:

екинши бөлиминдеги «финанс-хожалық» деген сөзлер алып таслансын;

төмендеги мазмундағы бесинши бөлим менен толықтырылсын:

«Усы статьяда көрсетилген фермер хожалықларының финанс-хожалық жумысы салықлар ҳәм басқа мәжбүрий төлемлер финанс жылы даўамында турақлы түрде төленбеген жағдайда, жобалы тексериўлерден өткерилиўи мүмкин».

9-статья. Қарақалпақстан Республикасының 1998-жыл 28-ноябрьде қабыл етилген «Дийқан хожалығы ҳаққында»ғы Нызамына төмендеги өзгерислер киргизилсин:

1) 9-статьясы төмендеги мазмундағы жетинши бөлим менен толықтырылсын:

«Дийқан хожалығының жер участкасын мәмлекет ҳәм жәмийет мүтәжликлери ушын алып қойыўға нызамда нәзерде тутылған жағдайларда, тек басқа тең қунлы жер участкасы берилип, тереклердиң, бузылып атырған имарат ҳәм қурылмалардың базар баҳасы қапланғаннан кейин ямаса олар басқа жерге көширилгеннен яки басқа имаратлар ҳәм қурылмалар қурылғаннан кейин ҳәмде барлық зыянлардың (қолдан жиберилген пайданы қосқан ҳалда) орны нызам ҳүжжетлеринде белгиленген жағдайларда ҳәм тәртипте толық көлемде қапланғаннан кейин жол қойылады».

2) 25-статья үшинши бөлиминиң сегизинши абзацындағы «зооветеринариялық» деген сөз «ветеринария» деген сөз бенен алмастырылсын;

10-статья. Қарақалпақстан Республикасының 2012-жыл 28-декабрьде қабыл етилген «Исбилерменлик жумысы еркинлигиниң кепилликлери ҳаққында»ғы Нызамына төмендеги өзгерислер киргизилсин:

1) 5-статья:

екинши бөлиминдеги «(сынар)» деген сөз алып таслансын;

төртинши бөлими төмендеги редакцияда баян етилсин:

«Киши исбилерменлик субъектлери ушын нызам ҳүжжетлеринде нәзерде тутылған жеңилликлер ҳәм преференциялар, кепилликлер ҳәм ҳуқықлар усы статьяның биринши бөлиминде көрсетилген исбилерменлик субъектлери тәрепинен ўәкилликли уйымларға ҳәм шөлкемлерге (мәмлекетлик салық, бажыхана хызмети уйымларына, мәмлекетлик статистика уйымларына, банклерге ҳәм басқаларға) жазба түрдеги мүрәжатларсыз қолланылады»;

төмендеги мазмундағы бесинши бөлим менен толықтырылсын:

«Киши исбилерменлик субъектлери ушын нызам ҳүжжетлеринде нәзерде тутылған жеңилликлер ҳәм преференциялардың дизими Өзбекистан Республикасының интерактив мәмлекетлик хызметлери бирден-бир порталындағы Исбилерменлик субъектлери ушын жеңилликлер ҳәм преференциялардың бирден-бир реестринде жәрияланады ҳәмде турақлы түрде жаңаланып барылады»;

бесинши бөлим алтыншы бөлим деп есаплансын;

2) 6-статья:

екинши бөлиминдеги «хызметкерлерди жаллаўға ҳуқықсыз» деген сөзлер алып таслансын;

төмендеги мазмундағы үшинши бөлим менен толықтырылсын:

«Жеке тәртиптеги исбилермен Өзбекистан Республикасы Министрлер Кабинети тәрепинен белгиленген тәртипте хызметкерлерди жаллаўға ҳақылы»;

үшинши-алтыншы бөлимлер тийислисинше төртинши-жетинши бөлимлер деп есаплансын;

3) 24-статьяның төртинши бөлиминдеги «нызамшылықта» деген сөзлер «нызамда» деген сөз бенен алмастырылсын;

4) 25-статьяның төртинши бөлими төмендеги редакцияда баян етилсин:

«Дийқан хожалығының жер участкасын мәмлекет ҳәм жәмийет мүтәжликлери ушын алып қойыўға тек басқа тең қунлы жер участкасы берилип, тереклердиң, бузылып атырған имарат ҳәм қурылмалардың базар баҳасы қапланғаннан кейин ямаса олар басқа жерге көширилгеннен яки басқа имаратлар ҳәм қурылмалар қурылғаннан кейин ҳәмде басқа барлық зыянлардың (қолдан жиберилген пайданы қосқан ҳалда) орны нызам ҳүжжетлеринде белгиленген жағдайларда ҳәм тәртипте толық көлемде қапланғаннан кейин жол қойылады».

5) төмендеги мазмундағы 30-1-статья менен толықтырылсын:

Мәмлекетлик уйымлар, олардың лаўазымлы шахслары нызам ҳүжжетлеринде берилген жеңилликлер ҳәм преференцияларды қолланыў тәртибин өз ўәкилликлери шеңберинде түсиндириў, сондай-ақ олардың қолланылыўын тәмийинлеўи шәрт».

6) 39-статьяның тексти төмендеги редакцияда баян етилсин:

«Киши исбилерменлик субъектлери ҳәм фермер хожалықларының жумысын тексериўлер қадағалаўшы уйымлар тәрепинен жобалы тәртипте көби менен төрт жылда бир мәртебе, басқа исбилерменлик субъектлериниң жумысын тексериўлер болса көби менен үш жылда бир мәртебе, тек қадағалаўшы уйымлардың жумысын муўапықластырыў бойынша арнаўлы ўәкилликли уйымның қарарына муўапық өткерилиўи мүмкин.

Жеке меншик банк ҳәм басқа жеке меншик финанс институтларының финанс-хожалық жумысын жобалы тексериўлер көби менен бес жылда бир мәртебе әмелге асырылады.

Жаңадан шөлкемлестирилген киши исбилерменлик субъектлери ҳәм фермер хожалықларының финанс-хожалық жумысы олар мәмлекетлик дизимнен өткерилген ўақыттан баслап дәслепки үш жыл ишинде жобалы тексериўлерден өткерилмейди, усы статьяның төртинши бөлиминде нәзерде тутылған жағдайлар буған кирмейди.

Акциз төленетуғын товарлар ислеп шығарыўшы жаңадан шөлкемлестирилген киши исбилерменлик субъектлери ҳәм фермер хожалықларының финанс-хожалық жумысы, сондай-ақ киши исбилерменлик субъектлери ҳәм фермер хожалықларының бюджет қаржыларынан ҳәмде орайластырылған қаржылар ҳәм ресурслардан белгиленген мақсетте пайдаланылыўы менен байланыслы финанс-хожалық жумысы олар мәмлекетлик дизимнен өткерилген ўақыттан баслап дәслепки еки жыл ишинде жобалы тексериўлерден өткерилмейди.

Усы статьяның биринши-төртинши бөлимлеринде көрсетилген исбилерменлик субъектлериниң финанс-хожалық жумысы салықлар ҳәм басқа мәжбүрий төлемлер финанс жылы ишинде турақлы түрде төленбеген жағдайда, жобалы тексериўлерден өткерилиўи мүмкин.

Исбилерменлик субъектлериниң жумысын тексериўлерден өткериў мүддетлери отыз календарь күнинен аспаўы керек. Айрықша жағдайларда бул мүддет қадағалаўшы уйымлар жумысын муўапықластырыў бойынша арнаўлы ўәкилликли уйымның қарарына муўапық узайтырылыўы мүмкин, бунда усы қағыйда киши исбилерменлик субъектлерине қолланылыўы мүмкин емес.

Исбилерменлик субъектлериниң финанс-хожалық жумысы менен байланыслы болмаған жобалы тексериўлерди өткериў мүддетлери он календарь күнинен аспаўы керек.

Қадағалаўшы уйым жобалы тексериў өткериўдиң басланыўы ҳаққында тексериўди өткериў басланыўынан кеминде отыз календарь күн алдын исбилерменлик субъектин тексериў өткериў мүддетлери ҳәм предметин көрсеткен ҳалда жазба түрде хабардар етиўи шәрт.

Исбилерменлик субъектлериниң финанс-хожалық жумысын тексериўлер белгиленген тәртипте тек мәмлекетлик салық хызмети уйымлары тәрепинен, олар тексериўлер даўамында салық ҳәм валютаға байланыслы жынаятлар белгилерин анықлаған жағдайда болса, Өзбекистан Республикасы Бас прокуратурасы жанындағы Салық, валютаға байланыслы жынаятларға ҳәм жынайый дәраматларды легалластырыўға қарсы гүресиў департаменти тәрепинен әмелге асырылады.

Исбилерменлик субъекти белгиленген тәртипте усынған финанс ҳәм салық есабатын, сондай-ақ исбилерменлик субъектиниң жумысы ҳаққында мәмлекетлик салық хызмети уйымында бар болған басқа ҳүжжетлерди үйрениў ҳәмде анализлеў тийкарында өткерилетуғын камерал қадағалаў нәтийжелери бойынша нызам бузылыўлар анықланған жағдайларда ғана мәмлекетлик салық хызмети уйымлары исбилерменлик субъектлериниң финанс-хожалық жумысын тексериў басламасы менен шығыўы мүмкин.

Исбилерменлик субъектлери жумысының өткерилип атырған тексериўлер олардың толық көлемде жумыс алып барыўы ушын иркинишлерди пайда етпеўи керек.

Исбилерменлик жумысы субъектлери бирлеспелериниң ағзасы болған исбилерменлик субъектлери жумысын тексериўлер исбилерменлик жумысы субъектлериниң сораўы бойынша бул бирлеспелер ўәкиллериниң қатнасында әмелге асырылыўы мүмкин.

Қозғатылған жынаят ислери бойынша тексериўлер оларды өткериўдиң барлық басқышларында юридикалық хызмет ўәкиллери ҳәм (яки) исбилерменлик субъектлери тәрепинен тартылған адвокатлар әлбетте қатнасқан ҳалда (исбилерменлик субъектлери тәрепинен усы ҳуқықтан ўаз кешилиўи буған кирмейди) әмелге асырылады.

Тексериў басланыўынан алдын, тексериўди әмелге асырыўшы лаўазымлы шахс тәрепинен исбилерменлик субъектиниң ўәкилликли ўәкилине оның тексериўде қатнасыў ушын юридикалық хызмет ўәкиллерин ҳәм (яки) адвокатты тартыў яки олардың қатнасыўынан ўаз кешиў ҳуқықы жазба түрде түсиндириледи, бул ҳаққында протокол дүзиледи. Бунда адвокат хызметлеринен пайдаланыў ҳуқықынан ўаз кешилиўи исбилерменлик субъекти тәрепинен адвокатты тексериўдиң кейинги басқышларына тартыў ушын иркиниш болмайды.

Базарлар, саўда комплекслери аймақларындағы ҳәм оларға тутас, автотранспорт қуралларын ўақытша қойыў орынларындағы исбилерменлик субъектлери жумысын бир мәртелик жыйым, ижара ҳақының толық түсиўи ҳәм олардың тапсырылыўы есапқа алыныўы, фискал есте сақлайтуғын қадағалаў-касса машиналарынан, төлемлерди пластик карточкалар тийкарында қабыллаў бойынша есап-китап терминалларынан пайдаланыў, сондай-ақ саўда ҳәм хызмет көрсетиў қағыйдаларына бойсынылыўы бойынша қысқа мүддетли тексериўлер қадағалаўшы уйымлар жумысын муўапықластырыў бойынша арнаўлы ўәкилликли уйымның физикалық ҳәм юридикалық шахслардың нызам ҳүжжетлери бузылғанлығы фактлери ҳаққындағы мүрәжатлары тийкарында қабыл етилген қарарына муўапық мәмлекетлик салық хызмети уйымларының тек нызам ҳүжжетлеринде ўәкиллик берилген бөлимлери тәрепинен өткериледи.

Қозғатылған жынаят исиниң барлығы Өзбекистан Республикасының прокуратура, ишки ислер ҳәм Миллий қәўипсизлик хызмети уйымлары тәрепинен исбилерменлик жумысы субъектлериниң жумысын тексериўлерден өткериў ушын тийкар болады. Бунда исбилерменлик жумысы субъектиниң тек қозғатылған жынаят иси менен байланыслы жумысы ғана тексериўден өткерилиўи мүмкин, бул ҳаққында тексериў өткериў ҳаққындағы қарарда көрсетилген болыўы керек.

Исбилерменлик жумысы субъектлери тексериў өткериў ушын тийкарға ийе болмаған шахслардың тексериў өткериўине жол қоймаў, ҳуқық қорғаў ҳәм қадағалаўшы уйымлардың өз ўәкиллигине кирмейтуғын мәселелер бойынша қойған талапларын орынламаў ҳәмде тексериў предметине қатнасы болмаған материаллар менен оларды таныстырмаў ҳуқықына ийе.

Тексериўлер нәтийжелери акт (мағлыўматнама) пенен рәсмийлестирилип, тексериў тамамланған күни оның бир нусқасы тексерилип атырған исбилерменлик жумысы субъектинде қалдырылады».

7) 40-статьядағы «сондай-ақ жумыс пенен лицензиясыз шуғылланыў» деген сөзлер алып таслансын;

8) 41-статьяның екинши бөлиминдеги «жобадан тысқары яки альтернатив» деген сөзлер «қысқа мүддетли» деген сөзлер менен алмастырылсын.

11-статья. Қарақалпақстан Республикасының 2004-жыл 29-майда қабыл етилген «Жеке кәрхана ҳаққында»ғы Нызамына төмендеги өзгерислер киргизилсин:

1) 6-статьяның тексти төмендеги редакцияда баян етилсин:

«Киши исбилерменлик субъекти болмаған жеке кәрхана өзиниң толық фирма атамасы мәмлекетлик тилде сәўлеленген ҳәм жеке кәрхананың жайласқан орны көрсетилген мөрге ийе болыўы керек. Мөрде соның менен бирге фирма атамасы басқа тилде де көрсетилиўи мүмкин. Киши исбилерменлик субъекти болған жеке кәрхана мөрге ийе болыўға ҳақылы».

2) 25-статьяның тексти төмендеги редакцияда баян етилсин:

«Жеке кәрханалардың – киши исбилерменлик субъектлериниң жумысын режели тексериўлер қадағалаўшы уйымлар тәрепинен белгиленген тәртипте көби менен төрт жылда бир мәрте, басқа жеке кәрханалардың жумысын тексериўлер болса көби менен үш жылда бир мәрте әмелге асырылады.

Жаңадан шөлкемлестирилген жеке кәрханалардың – киши исбилерменлик субъектлери ҳәм фермер хожалықларының финанс-хожалық жумысы олар мәмлекетлик дизимнен өткерилген ўақыттан баслап дәслепки үш жыл ишинде жобалы тексериўлерден өткерилмейди, усы статьяның төртинши бөлиминде нәзерде тутылған жағдайлар буған кирмейди.

Акциз төленетуғын товарлар ислеп шығарыўшы жаңадан шөлкемлестирилген жеке кәрханалардың — киши исбилерменлик субъектлери ҳәм фермер хожалықларының финанс-хожалық жумысы, сондай-ақ киши исбилерменлик субъектлери ҳәм фермер хожалықларының бюджет қаржыларынан ҳәмде орайластырылған қаржылар ҳәм ресурслардан белгиленген мақсетте пайдаланыўы менен байланыслы финанс-хожалық жумысы олар мәмлекетлик дизимнен өткерилген ўақыттан баслап дәслепки еки жыл ишинде жобалы тексериўлерден өткерилмейди.

Усы статьяда көрсетилген жеке кәрханалардың финанс-хожалық жумысы салықлар ҳәм басқа мәжбүрий төлемлер финанс жылы ишинде турақлы түрде төленбеген жағдайда, жобалы тексериўлерден өткерилиўи мүмкин».

12-статья. Қарақалпақстан Республикасының 1993-жыл 10-апрельде қабыл етилген «Аудиторлық жумыс ҳаққында»ғы Нызамына төмендеги өзгерислер киргизилсин:

1) 19-статьяның үшинши бөлими «мөр менен» деген сөзлерден кейин «(мөр бар болған жағдайда)» деген сөзлер менен толықтырылсын;

2) 21-статья екинши бөлиминиң үшинши абзацы төмендеги редакцияда баян етилсин:

«лицензия шәртнамасында нәзерде тутылған лизензия талаплары ҳәм шәртлерине аудиторлық шөлкеми тәрепинен бойсынылыўы қадағаланады ҳәмде үш жылда көби менен бир мәрте бул мәселелер бойынша тексериў өткериледи. Микрофирма ҳәм киши кәрханалар қатарына кириўши аудиторлық шөлкемлерде тексериў жобалы тәртипте тек қадағалаўшы уйымлар жумысын муўапықластырыў бойынша арнаўлы ўәкилликли уйымның қарарына муўапық төрт жылда көби менен бир мәрте өткериледи»;

3) 22-статьяның төртинши бөлиминдеги «он күн мүддет» деген сөзлер «үш күн мүддет» деген сөзлер менен алмастырылсын.

13-статья. Қарақалпақстан Республикасының 1998-жыл 10-сентябрьде қабыл етилген «Гиреў ҳаққында»ғы Нызамына төмендеги өзгерислер киргизилсин:

1) 19-статьяның төртинши бөлими «өз белгилери ҳәм мөрлерин» деген сөзлерден кейин «(мөрлери бар болған жағдайда)» деген сөзлер менен толықтырылсын;

2) 36-статья төмендеги мазмундағы үшинши бөлим менен толықтырылсын:

«Гиреў нәрсеси гиреўге алыўшы қулыплап қойған ҳәм оның мөри басылған ҳалда (мөри бар болған жағдайда) гиреўге қойыўшыда қалдырылыўы мүмкин»;

үшинши-төртинши бөлимлери тийислисинше төртинши-бесинши бөлимлер деп есаплансын;

14-статья. Қарақалпақстан Республикасының 2015-жыл 28-июльде жаңа редакцияда қабыл етилген «Акционерлик жәмийетлер ҳәм акционерлердиң ҳуқықларын қорғаў ҳаққында»ғы Нызамы 67-статьясының төртинши бөлими «мөри (печать) менен» деген сөзлерден кейин «(мөри бар болған жағдайда)» деген сөзлер менен толықтырылсын;

15-статья. Қарақалпақстан Республикасының 2006-жыл 29-августта жаңа редакцияда қабыл етилген «Жер ҳаққында»ғы Нызамы 35-статьясының биринши бөлиминиң 10-бәнтиндеги «еки жыл» деген сөзлер «үш жыл» деген сөзлер менен алмастырылсын;

16-статья. Қарақалпақстан Республикасының 2005-жыл 28-декабрьде жаңа редакцияда қабыл етилген «Жуўапкершилиги шекленген ҳәмде қосымша жуўапкершиликли жәмийетлер ҳаққында»ғы Нызамына төмендеги қосымшалар ҳәм өзгерислер киргизилсин:

1) 5-статьяның:

төртинши бөлиминдеги «Жәмийет» деген сөз «Киши исбилерменлик субъекти болмаған жәмийет» деген сөзлер менен алмастырылсын;

бесинши бөлими төмендеги мазмундағы гәп менен толықтырылсын:

«Киши исбилерменлик субъекти болған жәмийет мөрге ийе болыўға ҳақылы»;

2) 7-статьяның бесинши бөлими төмендеги редакцияда баян етилсин:

«Жәмийет бирден-бир қатнасыўшы сыпатында бир шахстан ибарат басқа жәмийетке ийе болыўы мүмкин емес, бир акционерден ибарат акционерлик жәмийет жәмийеттиң бирден-бир қатнасыўшысы болған жағдайлар буннан тысқары».

17-статья. Қарақалпақстан Республикасының 2007-жыл 29-августта жаңа редакцияда қабыл етилген «Жеке турақ-жай ийелериниң шерикликлери ҳаққында»ғы Нызамы 21-статьясының екинши бөлими «мөр менен» деген сөзлерден кейин «(мөри бар болған жағдайда)» деген сөзлер менен толықтырылсын;

18-статья. Қарақалпақстан Республикасының 2012-жыл 11-декабрьде жаңа редакцияда қабыл етилген «Қәўендерлик ҳаққында»ғы Нызамына төмендеги өзгерислер ҳәм қосымшалар киргизилсин:

1) 5-статья:

төмендеги мазмундағы екинши бөлим менен толықтырылсын:

«Устав фондында (устав капиталында) мәмлекет үлеси 50 проценттен жоқары болған хожалық жәмийетлери ҳәм мәмлекетлик унитар кәрханаларының қәўендерликке сарыпланатуғын ҳәр жылғы қәрежетлери өткен жылда алынған сап пайданың 10 процентинен аспаўы керек ҳәмде бул қәрежетлер олардың бизнес-жобасының өткен есабат дәўириндеги сап пайдаға тийисли бөлими көрсеткишлери орынланғанда әмелге асырылады»;

екинши ҳәм үшинши бөлимлери тийислисинше үшинши ҳәм төртинши бөлимлер деп есаплансын;

2) төмендеги мазмундағы 5¹-статья менен толықтырылсын:

Қәўендерлик алыўшылар (юридикалық шахслар ҳәм жеке тәртиптеги исбилерменлер):

алынған қәўендерлик қайырқомлықлардың есабын жүргизиў;

қәўендерлик қайырқомлықлары алынған күннен баслап он күн ишинде ғалаба хабар қуралларында, сондай-ақ бар болған жағдайда өзиниң рәсмий веб-сайтларында алынған қәўендерлик қайырқомлықлары ҳаққында мәлимлемени жәрия етиўи шәрт».

19-статья. Қарақалпақстан Республикасының 1996-жыл 28-июньда қабыл етилген «Қарақалпақстан Республикасының мәмлекетлик сыйлықлары ҳаққында»ғы Нызамы төмендеги мазмундағы 12¹-статьясы менен толықтырылсын:

20-статья. Қарақалпақстан Республикасының 2004-жыл 29-майда жаңа редакцияда қабыл етилген «Қарақалпақстан Республикасы Жоқарғы Кеңесине сайлаў ҳаққында»ғы Нызамына төмендеги өзгерис ҳәм қосымшалар киргизилсин:

1) 2-статьяның:

биринши бөлиминиң үшинши гәпи төмендеги редакцияда баян етилсин:

«Сайлаў күни жигирма бес жасқа толған ҳәмде кеминде бес жыл Өзбекстан Республикасы аймағында турақлы жасап атырған Өзбекстан Республикасы пуқаралары сайланыў ҳуқықына ийе»;

екинши бөлиминдеги «уқыпсыз» деген сөз «мәмилеге уқыпсыз» деген сөзлер менен алмастырылсын;

2) 7-статьяның үшинши бөлими биринши гәпи төмендеги редакцияда баян етилсин:

«Жоқарғы Кеңеске депутатлар сайлаўын өткериўши сайлаў округлериниң саны халықтың, сайлаўшылардың санын, аймақты ҳәм басқа жергиликли шараятларды есапқа алған ҳалда усы Нызамда белгиленген нормалар шеңберинде Жоқарғы Кеңес тәрепинен белгиленеди»;

3) 11-статьясы төмендеги редакциядағы он төртинши бәнт пенен толықтырылсын:

«14) қайта сайлаў өткизиў менен байланыслы мәселелерди шешеди»;

он төртинши — он жетинши бәнтлери тийислисинше он бесинши — он сегизинши бәнтлер болып есаплансын;

4) 16-статьясы төмендеги редакциядағы алтыншы бөлим менен толықтырылсын:

«Бир шахс тек ғана бир сайлаў комиссиясына ағза болыўы мүмкин»;

5) 25-статьяның биринши бөлиминиң үшинши абзацындағы «ҳәм Қарақалпақстан Республикасы» деген сөзлер алып таслансын;

6) 35-статьяның үшинши бөлиминдеги «тилде» деген сөз «тиллерде» деген сөз бенен алмастырылсын.

21-статья. Қарақалпақстан Республикасының 2004-жыл 29-майда жаңа редакцияда қабыл етилген «Халық депутатларының районлық ҳәм қалалық Кеңеслерине сайлаў ҳаққында»ғы Нызамына төмендеги өзгерис ҳәм қосымшалар киргизилсин:

1) 1-статьяның:

биринши бөлиминдеги «бес жылда бир мәрте» деген сөзлер «бес жыл мүддетке» деген сөзлер менен алмастырылсын;

екинши бөлиминдеги «Халық депутатлары» деген сөзлер «Халық депутатларының районлық ҳәм қалалық Кеңеслери депутатлары» деген сөзлер менен алмастырылсын;

2) 2-статьяның екинши бөлиминдеги «уқыпсыз» деген сөз «мәмилеге уқыпсыз» деген сөзлер менен алмастырылсын;

3) 46-статьяның екинши бөлиминиң екинши гәпи текстиндеги «тәрепинен» деген сөзден кейин «өткерилиўи зәрүрлиги ҳаққында шешим қабыл етиўи мүмкин. Даўыс бериў улыўма сайлаў» деген сөзлер менен толықтырылсын.

22-статья. Қарақалпақстан Республикасының 2013-жыл 5-июльде жаңа редакцияда қабыл етилген «Пуқаралар жыйынының баслығын (ақсақалын) ҳәм оның кеңесгөйлерин сайлаў ҳаққында»ғы Нызамына төмендеги өзгерис ҳәм қосымшалар киргизилсин:

1) 12-статьяның екинши бөлими жаңа редакцияда баян етилсин:

«Пуқаралар жыйынлары баслықларын (ақсақалларын) ҳәм олардың кеңесгөйлерин сайлаўды шөлкемлестириў ҳәмде өткериўге жәрдемлесиў ушын тийисли халық депутатлары районлық ҳәм қалалық Кеңесиниң қарары менен комиссиялар дүзиледи. Комиссиялар пуқаралар жыйыны баслығы (ақсақалы) ҳәм оның кеңесгөйлериниң гезектеги сайлаўы жәрияланғаннан кейин өз жумысын тоқтатады»;

2) 13-статьяның тоғызыншы абзацындағы «Сенат Кенгаши» деген сөзлер «Жоқарғы Кенгеси» деген сөзлер менен алмастырылсын;

3) 17-статьяның екинши бөлиминдеги «жазаны өтеў орынларында болып атырған» деген сөзлер «еркинен айырыў орынларында сақланып атырған» деген сөзлер менен алмастырылсын.

23-статья. Қарақалпақстан Республикасының 2005-жыл 14-майда жаңа редакцияда қабыл етилген «Қарақалпақстан Республикасы Жоқарғы Кеңеси депутатының статусы ҳаққында»ғы Нызамына төмендеги өзгерис ҳәм қосымшалар киргизилсин:

1) 7-статьяның атамасы ҳәм биринши бөлими «сиясий партия» деген сөзлерден кейин «ҳәм пуқаралардың өзин-өзи басқарыў уйымы» деген сөзлер менен толықтырылсын;

2) 13-статьяның атамасындағы «ҳәм сенатор» деген сөзлер алып таслансын;

24-статья. Қарақалпақстан Республикасының 1998-жыл 6-июньда қабыл етилген «Қарақалпақстан Республикасы Орайлық сайлаў комиссиясы ҳаққында»ғы Нызамына төмендеги өзгерислер киргизилсин:

1) 3-статьяның екинши бөлиминдеги «Жоқарғы Кеңес тәрепинен тастыйықланады» деген сөзлер «Жоқарғы Кеңес тәрепинен сайланады» деген сөзлер менен алмастырылсын;

2) 4-статьяның:

бесинши бөлими жаңа редакцияда баян етилсин:

«Қарақалпақстан Республикасы Жоқарғы Кеңеси тәрепинен төмендеги жағдайларда Орайлық сайлаў комиссиясы ағзаларының ўәкилликлери олардың өзлериниң ямаса ағзалыққа усынған уйымның усынысы бойынша тоқтатылыўы мүмкин»

бесинши бөлими төмендеги мазмундағы екинши абзац пенен толықтырылсын:

«— ол өз ўәкиллигинен азат етиў ҳаққында жазба арза берген жағдайда»;

екинши — төртинши абзацлары тийислисинше үшинши — бесинши абзацлар болып есаплансын;

алтыншы бөлими төмендеги редакцияда баян етилсин:

«Жоқарғы Кеңес сессиялары аралығындағы дәўирде Орайлық сайлаў комиссиясы ағзасының ўәкилликлерин тоқтатыў мәселеси Жоқарғы Кеңес Президиумы тәрепинен қарап шығылады. Жоқарғы Кеңес Президиумының усы мәселеге тийисли қарары кейин-ала Жоқарғы Кеңестиң гезектеги сессиясында тастыйықланады»;

3) 5-статьяның:

екинши абзацы жаңа редакцияда баян етилсин:

«сайлаў комиссиялары ҳәм референдум өткериўши комиссиялардың жумысларын методикалық тәмийинлеўди әмелге асырады, сайлаў ҳәм референдумды шөлкемлестириў мәселелери бойынша өз ўәкилликлери шеңберинде қарарлар қабыл етеди, қолланбалар шығарады ҳәм режелерди тастыйықлайды, түсиндириўлер береди»;

алтыншы абзацы жаңа редакцияда баян етилсин:

«округлик сайлаў комиссиясының ҳәм референдум өткериўши комиссиялардың шешимлерин, егер бул шешимлер сайлаў ҳәм референдум ҳаққындағы нызамларға қарама-қарсы келсе, өз басламасы менен ямаса Қарақалпақстан Республикасы прокурорының усынысына муўапық бийкарлайды»;

сегизинши абзацы жаңа редакцияда баян етилсин:

«сиясий партиялардың бақлаўшыларына ҳәм баспасөз, телевидение, радио ўәкиллерине арналған мандат үлгисин белгилейди»;

он биринши абзацы жаңа редакцияда баян етилсин:

«Қарақалпақстан Республикасы Жоқарғы Кеңесиниң депутатлығына талабанларды дизимге алады, дизимге алынған талабанлардың дизимлери ҳәм олар ҳаққындағы мағлыўматларды баспасөзде жәриялаўды шөлкемлестиреди»;

он төртинши абзацы жаңа редакцияда баян етилсин:

«сайлаўдың ҳәм референдумның жуўмақларын шығарады, Қарақалпақстан Республикасы бойынша даўыс бериўдиң нәтийжелерин анықлайды ҳәм даўыс бериўге қатнасқан сайлаўшылар ямаса референдумда қатнасыў ҳуқықына ийе болған пуқаралардың саны ҳаққындағы, референдумға шығарылған мәселени жақлап ямаса оған қарсы берилген даўыслардың саны ҳаққындағы билдириўди баспасөзде жәриялайды»;

жигирмаланшы абзацындағы «Өзбекистан Республикасының референдум нызамлары» деген сөзлер «Өзбекистан Республикасының референдум ҳаққындағы нызамлары» деген сөзлер менен алмастырылсын;

4) 9-статья төмендеги редакцияда баян етилсин:

«Орайлық сайлаў комиссиясы өз ўәкилликлери шеңберинде қарарлар қабыл етеди, қарарлар Орайлық сайлаў комиссиясы баслығы тәрепинен имзаланады.

Орайлық сайлаў комиссиясының қарарлары олар қабыл етилген ўақыттан баслап күшке киреди ҳәм Орайлық сайлаў комиссиясының рәсмий веб-сайтында сол күнниң өзинде, сондай-ақ, зәрүр болған жағдайларда, басқа дереклерде жәрияланыўы тийис»;

5) 11-статьяның текстиндеги «таярлық» деген сөзден кейин «көриў» деген сөз бенен толықтырылсын;

6) 13-статьяның атамасы ҳәм тексти жаңа редакцияда баян етилсин:

Орайлық сайлаў комиссиясының баслығы өз жумысын турақлы тийкарда, ағзалары жәмийетлик басламада әмелге асырады»;

7) 16-статьяның екинши бөлиминдеги «юридикалық тәреп» деген сөзлер «юридикалық шахс» деген сөзлер менен алмастырылсын;