Oʻzbekiston Respublikasi Prezidentining “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari toʻgʻrisida”gi 2024-yil 5-yanvardagi PQ-5-sonli qarori ijrosini taʼminlash maqsadida Oʻzbekiston Respublikasi “Mahalliy davlat hokimiyati toʻgrisida”gi Qonunning 6- va 24-moddalariga asosan xalq deputatlari tuman Kengashi qaror qiladi:

1. Qamashi tumani “Suv yetkazib berish xizmati” davlat muassasasi direktori A. Eshqobilovning 2026-yil 7-apreldagi 41-sonli xati maʼlumot uchun qabul qilinsin.

2. Qamashi tumani “Suv yetkazib berish xizmati” davlat muassasasi xizmat koʻrsatuvchi Qamashi tumani xoʻjaliklari uchun 2026-yil usuv (vegitatsiya) mavsumida manbalardan ajratilgan cheklangan suv miqdori (limiti) 1-ilovaga;

Qamashi tumanidagi fermer xoʻjaliklariga va boshqa suvdan foydalanuvchilarga 2026-yil sugʻorish mavsumi uchun ajratilgan suv limiti 2-ilovaga muvofiq tasdiqlansin.

3. Qamashi tumani hokimining oʻrinbosari H. Azizov hamda tuman “Suv yetkazib berish xizmati” davlat muassasasi (Eshqobilov)ga:

belgilangan limitlar asosida isteʼmolchilarga suv yetkazib berish;

oʻziga biriktirilgan hududda suvning hisobi va hisobotini yuritish;

sugʻorish tarmoqlari va ulardagi gidrotexnik inshootlarni soz holatda saqlash, taʼmirlash - tiklash tadbirlarini amalga oshirish;

suv olish joylarini suvni boshqarish va hisobga olish vositalari bilan jihozlash, suv monitoringi, hisobi va hisoboti yuritilishini raqamlashtirish;

isteʼmolchilar kesimida isteʼmol qilingan suv hajmi toʻgʻrisidagi maʼlumotlarni soliq organlariga taqdim etib borish;

amalga oshirilgan ishlar yuzasidan xalq deputatlari tuman Kengashiga hisobot berib borish vazifasi yuklatilsin.

4. Qarorning ijrosini nazorat qilish tuman hokimining oʻrinbosari H. Azizov hamda xalq deputatlari tuman Kengashining Agrar, suv xoʻjaligi va ekologiya masalalari boʻyicha doimiy komissiyasi (Mirzayev) zimmasiga yuklatilsin.