Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat budjeti toʻgʻrisida”gi OʻRQ-1105-sonli Qonuni, Oʻzbekiston Respublikasi Prezidentining 2025-yil 26-dekabrdagi “Mahalliy budjetlar va budjet tashkilotlarining moliyaviy barqarorligini oshirish budjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-sonli qarori ijrosini taʼminlash maqsadida xalq deputatlari tuman Kengashining 2026-yil 3-martda “2026-yilda Bogʻot tumani boʻyicha “Alkogol mahsulotlari”ni realizatsiya qilish huquqi hamda umumiy ovqatlanish korxonalari tomonidan “Alkogol mahsulotlari”ni realizatsiya qilish uchun yigʻimlarning cheklangan stavkalarini oshirish toʻgʻrisida” VII-29-35-12-170-K/26-sonli qarori qabul qilingan.

Oʻzbekiston Respublikasi Oliy Majlisi Senati devonining Hududiy vakillik organlari faoliyatini oʻrganish markazi tomonidan 2026-yil mart oyi boʻyicha oʻtkazilgan monitoring tahliliy maʼlumotida ushbu qaror yuzasidan qonun buzilish holatlari va kamchiliklarni bartaraf etish borasida koʻrsatma berilgan.

Yuqoridagilarni inobatga olgan holda Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6 va 24-moddalariga muvofiq, xalq deputatlari tuman Kengashi qaror qiladi.

1. Xalq deputatlari Bogʻot tumani Kengashining 2026-yil 3-martdagi “2026-yilda Bogʻot tumani boʻyicha “Alkogol mahsulotlari”ni realizatsiya qilish huquqi hamda umumiy ovqatlanish korxonalari tomonidan “Alkogol mahsulotlari”ni realizatsiya qilish uchun yigʻimlarning cheklangan stavkalarini oshirish toʻgʻrisida”gi VII-29-35-12-170-K/26-sonli qaroriga qoʻshimcha kiritilib, 5-band bilan toʻldirilsin:

“5. Ushbu qaror qabul qilingan kundan eʼtiboran uch oydan keyin kuchga kiradi”.

2. Ushbu qarorning ijrosini taʼminlash, tuman hokimining moliya — iqtisodiyot va kambagʻallikni qisqartirish masalalari boʻyicha birinchi oʻrinbosari — tuman iqtisodiyot va moliya boʻlimi boshligʻi (M. Bekchanov) hamda nazorat qilish xalq deputatlari tuman Kengashining “Mahalliy budjet, tadbirkorlikni rivojlantirish va iqtisodiy islohotlar masalalari boʻyicha” doimiy komissiyasi raisi (B. Saparov) zimmasiga yuklansin.

3. Ushbu qaror “Bogʻot sadosi” gazetasida rasmiy eʼlon qilinsin hamda tuman hokimligining rasmiy veb-saytiga joylashtirilsin.