Oʻzbekiston Respublikasi Prezidentining 2026-yil 5-fevraldagi “Suv resurslaridan foydalanish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-47-sonli qarorining tumandagi ijrosi yuzasidan Gʼuzor tumani suv yetkazib berish xizmati Davlat muassasasi boshligʻi B. Shomirzayevni 2026-yil 26-martdagi 42-sonli taklif xati hamda Kengashning agrar, suv xoʻjaligi va ekologiya masalalari boʻyicha doimiy komissiyasining 2026-yil 27-apreldagi DKQ 03-04/2-26-sonli qarorini koʻrib chiqib, Oʻzbekiston Respublikasining “Mahalliy davlat hokimiyati toʻgʻrisida”gi Qonunining 6- va 24-moddasiga muvofiq, xalq deputatlari tuman Kengashi qaror qildi:

1. Oʻzbekiston Respublikasi Prezidentining 2026-yil 5-fevraldagi “Suv resurslaridan foydalanish samaradorligini oshirish boʻyicha qoʻshimcha choratadbirlar toʻgʻrisida”gi PQ-47-sonli qarori rahbarlik va ijro uchun qabul qilinsin.

2. Tuman suv yetkazib berish xizmati Davlat muassasasi boshligʻi B. Shomirzayevni kiritgan taklifi va Kengashni agrar, suv xoʻjaligi va ekologiya masalalari boʻyicha doimiy komissiyasining 2026-yil 27-apreldagi DKQ 03-04/2-26-sonli qarorini maʼlumot uchun qabul qilinsin.

3. Suv bilan barqaror taʼminlangan hududlarda joylashgan qishloq xoʻjaligi mahsulotlari yetishtiruvchilarning roʻyxati 1-ilovaga, suv bilan barqaror taʼminlanmagan hududlarda joylashgan qishloq xoʻjaligi mahsulotlari yetishtiruvchilarning roʻyxati 2-ilovaga asosan maʼqullansin.

4. Suv bilan barqaror taʼminlangan hududda joylashgan qishloq xoʻjaligi mahsulotlari yetishtiruvchilar roʻyxati 1-ilovaga, suv bilan barqaror taʼminlanmagan hududda joylashgan qishloq xoʻjaligi mahsulotlari yetishtiruvchilar roʻyxati 2-ilovaga muvofiq maʼqullansin.

5. Gʼuzor tuman “Suv yetkazib berish xizmati” davlat muassasasi (B. Shomirzayev), tegishli muassasalar va tashkilotlar bilan birgali

6. Oʻzbekiston Respublikasi Prezidentining 2026 yil 5 fevraldagi “Suv resurslaridan foydalanish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-47-son qarorida berilgan vazifalarni bajarish boʻyicha zarur chora-tadbirlarni belgilasin;

2026 yilda suv tejovchi texnologiyalarni joriy etishni kengaytirish;

2026 yil 1 oktabrdan suv tejovchi texnologiyalarni oʻrnatish ishlari majburiy tartibda tasdiqlangan minimal talab va meʻyorlar asosida amalga oshirilishi toʻgʻrisida keng targʻibot ishlarini olib borish;

2027 yildan boshlab sholi yetishtiriladigan maydonlarning suv kirish qismiga va baliqchilik xoʻjaligi tashkil etilgan yer maydonlarining suv kirish va chiqish qismiga tadbirkorlik subektlari oʻz mablagʻlari hisobidan “aqlli” suv oʻlchash va hisoblash vositalarini oʻrnatish majburiy etib belgilanganligini tushuntirish boʻyicha targʻibot ishlarini olib borish;

2027 yildan boshlab, har yili suv resurslaridan foydalanganlik uchun soliq stavkasi va subsidiyalar sugʻoriladigan yer maydonlarining suv bilan taʼminlanganlik holatidan kelib chiqib belgilanishi;

suv bilan barqaror taʼminlanmagan hududda joylashgan sugʻoriladigan yer maydonlarida suv tejovchi texnologiyalar joriy etilganda ajratiladigan subsidiyalarga 1,25 oshiruvchi koeffitsiyent qoʻllanilgan holda hisoblanishi;

bajarilgan ishlar haqida Xalq deputatlari Gʻuzor tumani tuman Kengashiga yozma ravishda maʼlumot berish topshirilsin.

7. Mazkur qaror ijrosini taʼminlash tuman hokimining qishloq va suv xoʻjaligi masalalari boʻyicha oʻrinbosari, qishloq xoʻjaligi boʻlimi boshligʻi (Sh. Donayev) zimmasiga hamda qaror ijrosini nazorat qilish Xalq deputatlari tuman Kengashining agrar, suv xoʻjaligi masalalari va ekologiya boʻyicha doimiy komissiyasi (H. Qaxarov) zimmasiga yuklatilsin.