2026-2027-oʻquv yilida oʻquvchilar soni quvvatiga nisbatan ortib ketgan maktablarning 1-sinfiga istisno tariqasida biriktirilgan mikrohududdan oʻquvchilarni qabul qilish tartibiga asosan 2026-2027-oʻquv yilida oʻquvchilar soni quvvatiga nisbatan ortib ketishi kutilayotgan umumiy oʻrta taʼlim maktablarining 1-sinfiga oʻquvchilarni istisno tariqasida biriktirilgan mikrohududdan qabul qilish qoidalari, maktab binolaridan samarali foydalanish, oʻquvchilar sonini belgilangan sanitar meʼyorlari va qoidalariga muvofiqlashtirish, oʻquvchilarning munosib bilim olishlariga shart-sharoitlar yaratish maqsadida oʻquvchilar soni quvvatiga nisbatan ortib borayotgan, dars mashgʻulotlari ikki navbatda tashkil etilayotgan tumandagi maktablarga nisbatan tatbiq etilishi, Vazirlar Mahkamasining 2017-yil 15-martdagi “Umumiy oʻrta taʼlim toʻgʻrisidagi Nizomni tasdiqlash haqida”gi 140-son qarori bilan tasdiqlangan Nizomi va maktabgacha va maktab taʼlimi boʻlimining 2026-yil 2-martdagi 01/25-sonli xati hamda Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 21¹-moddalariga asosan qaror qilaman:

1. Tuman maktabgacha va maktab taʼlimi boʻlimining 2026-yil 2-martdagi “Tumandagi umumiy oʻrta taʼlim maktablarida oʻquvchilar soni quvvatiga nisbatan ortib ketishi kutilayotgan 46 ta umumiy oʻrta taʼlim maktablari 2 ta DIMI hamda 3 ta IDUM lar oʻzlariga biriktirilgan mikrohududdan bola qabul qilish toʻgʻrisida”gi 01/25-sonli xati inobatga olib maʼqullansin.

2. Tuman hududidagi 0 — 15 yoshli bolalarni umumtaʼlim oʻrta maktablari va mahalla fuqarolari yigʻinlari bilan hamkorlikda xatlovdan oʻtkazish vazifasi yuklatilsin.

3. Umumtaʼlim maktablarining hududlari mahalla fuqarolari yigʻinlari oʻramidan belgilangan jadvali 1-ilovaga muvofiq tasdiqlansin.

4. Tuman maktabgacha va maktab taʼlimi boʻlimi (N. Xasanov), 46 ta umumtaʼlim maktablari 2 ta DIMI hamda 3 ta IDUM larning direktorlariga joriy oʻquv yilidagi (4-sinfni) tugatayotgan oʻquvchilar soni, kadrlar taʼminoti, yaʼni kelgusi oʻquv yilida 1-sinf rahbarligini olish imkoniyat mavjud boʻlgan oʻqituvchilar hamda oʻquv kabinetlar (boshlangʻich sinf xonalari)ning taqsimotini tahlil qilish;

7 yoshga toʻladigan bolalarning aniq roʻyxat asosida hisob-kitob qilib, 1-sinfga oʻquvchilarni faqat biriktirilgan mikrohududdan qabul qilish:

mahalla fuqarolari yigʻinlari raislari bilan hamqorlikda maktab yoshidagi bolalarni xatlovini oʻtkazish maqsadida tegishli koʻcha nomlarini aniq koʻrsatilgan holda roʻyxatini tayyorlash;

biriktirilgan hududdagi 0 — 15 yoshli bolalarni har yili mart va avgust oylarida xatlovga olish;

xatlov natijalarini tahlil qilib, maktab yoshidagi bolalarni majburiy taʼlimga toʻliq jalb qilish vazifalari topshirilsin.

5. Ushbu qarorning bajarilishini nazorat qilish tuman hokimining oʻrinbosari R. Rustamov zimmasiga yuklatilsin.