Oʻzbekiston Respublikasining “Geografik obektlarning nomlari toʻgʻrisida”gi Qonuni, Oʻzbekiston Respublikasi Prezidentining 2019-yil 21-oktabrdagi “Oʻzbek tilining davlat tili sifatidagi nufuzi va mavqeini tubdan oshirish chora-tadbirlari toʻgʻrisida”gi PF 5850-sonli Farmoni, Oʻzbekiston Respublikasi Vazirlar Mahkamasining 2012-yil 16-oktabrdagi “Geografik obektlarning nomlari sohasidagi ishlarni tartibga solish chora-tadbirlari haqida”gi 295-sonli qarorlari ijrosini taʼminlash hamda Iqtisodiyot va moliya vazirligi huzuridagi kadastr agentligi, Geografik obektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish ekspert komissiyasi tomonidan, tumandagi 672 ta geografik obektni nomlash va qayta nomlash boʻyicha takliflardan 672 ta geografik obektga taklif etilgan nom Oʻzbekiston Respublikasining “Geografik obektlarning nomlari toʻgʻrisida”gi Qonun hujjatlari talablariga muvofiq deb topilib, belgilangan ekspertiza xulosasi tasdiqlangan.

Mazkur masalada tumanda amalga oshirilishi kerak boʻlgan ishlar toʻgʻrisidagi tuman hokimining davlat tili masalalari boʻyicha maslahatchisi O. Abdurahmonovaning taklifini inobatga olib, “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6- va 24-moddalariga muvofiq xalq deputatlari Nishon tumani Kengashi qaror qiladi:

1. Iqtisodiyot va moliya vazirligi huzuridagi kadastr agentligi, Geografik obektlarga nom berish va ularni qayta nomlash toʻgʻrisidagi takliflarni davlat ekspertizasidan oʻtkazish ekspert komissiyasining 2026-yil 2-iyundagi 05-19-9790-sonli Ekspertiza xulosasi hamda tuman hokimining davlat tili masalalari boʻyicha maslahatchisi O. Abdurahmonovaning taklifi maʼlumot uchun qabul qilinsin.

2. Tumandagi geografik obyektlarga nom berish va ularni qayta nomlash takliflari ilovaga muvofiq maʼqullansin.

3. Tuman hokimining oʻrinbosari M. Hamroyev, tuman hokimining davlat tili masalalari boʻyicha maslahatchisi (O. Abdurahmonova) mazkur geografik obektlarni Davlat reyestriga kiritish choralarini koʻrsin.

4. Davlat kadastrlar palatasi tumani filiali (S. Utepbergenov), tuman statistika boʻlimi (E. Bekmurodov) tumanda yangi nomlangan va nomi oʻzgargan geografik obektlarni tuman xaritasiga joylashtirish, shuningdek, tegishlicha tuman statistika maʼlumotlariga oʻzgartirishlar kiritsin.

5. Tuman hokimligi axborot xizmati (O. Tojiyev) Oʻzbekiston Respublikasi “Geografik obektlarning nomlari toʻgʻrisida”gi hamda “Davlat tili toʻgʻrisida”gi Qonunlari talablari asosida olib borilayotgan ishlarni tuman mahalliy ommaviy axborot vositasi hamda ijtimoiy tarmoqlar orqali keng yoritib borish tavsiya etilsin.

6. Ushbu qaror ijrosini nazorat qilish tuman hokimining oʻrinbosari M. Hamroyevga hamda xalq deputatlari tuman Kengashining ijtimoiy soha, yoshlar siyosati, madaniyat va sport masalalari boʻyicha doimiy komissiyasi raisi X. Davronov zimmasiga yuklatilsin.

7. Ushbu qaror qabul qilingan kundan eʼtiboran kuchga kiradi.