Ózbekstan Respublikasınıń “Geografiyalıq obyektlerdiń atamaları haqqında”ǵı Nızamı, Ózbekstan Respublikası Ministrler Kabinetiniń 2023-jıl 15-avgust kúngi “Geografik obyektlerge atama beriw tártibin jetilistiriw múnásibeti menen Ózbekstan Respublikası Húkimetiniń ayırım qararlarına ózgeris hám qosımshalar kiritiw haqqında”ǵı 386-sanlı qararı, geografiyalıq obyektlerge atama beriw hám qayta atama beriw máseleleri boyınsha Qaraqalpaqstan Respublikası Ministrler Keńesi komissiyasınıń 2026-jıl 10-aprel kúngi 1-04/5-04/1211-sanlı usınısı menen ótkerilgen 2026-jıl 13-aprel kúngi Ekonomika hám qarjı ministrligi janındaǵı Kadastr agentliginiń 05-19-6501-sanlı ekspertiza juwmaǵına tiykar hám Ózbekstan Respublikası «Jergilikli mámleketlik hákimiyat haqqında»ǵı Nızamınıń 6 hám 24-statyaları talaplarına muwapıq, Xalıq deputatları Moynaq rayon Keńesi sheshim etedi:

1. Geografiyalıq obyektlerge atama beriw hám qayta atama beriw máseleleri boyınsha Qaraqalpaqstan Respublikası Ministrler Keńesi komissiyasınıń 2026-jıl 10-aprel kúngi 11-04/5-04/1211-sanlı usınısı menen ótkerilgen 2026-jıl 13-aprel kúngi Ekonomika hám qarjı ministrligi janındaǵı Kadastr agentliginiń 05-19-6501-sanlı ekspertiza juwmaǵına muwapıq rayon hákimliginiń Geografiyalıq obyektlerge atama beriw haqqındaǵı usınısı maqullansın.

2. Ekonomika hám qarjı ministrligi janındaǵı Kadastr agentliginiń 2026-jıl 13-aprel kúngi 05-19-6501-sanlı ekspertiza juwmaǵına muwapıq Moynaq rayonında atama beriletuǵın georafiyalıq obyektler dizimi qosımshaǵa muwapıq tastıyıqlansın.

3. Rayonlıq Statistika bólimi (A. Askerbayev), rayonlıq Qurılıs hám úy-jay kommunal xojalıǵı bólimi (S. Sultamuratova) rayon hákimligi menen birgelikte: atama berilgen geografiyalıq obyektlerdi mámleketlik dizimnen ótkeriw hám elektron bazanı qáliplestiriw, jumıs júrgiziw hújjetlerine tiyisli ózgertiwler kirgiziw menen baylanıslı barlıq ilajlardı ámelge asırsın.

4. Rayonlıq Ishki isler bólimi: jańadan atalǵan kóshelerde jasawshı xalıqtıń puqaralıq pasportlarına, usı aymaq sáwlelendirilgen jol belgilerine tiyisli ózgertiwler kirgiziw jumısların shólkemlestirilgen túrde ámelge asırsın.

5. Rayonlıq Qurılıs hám úy-jay kommunal xojalıǵı bólimi: aymaqlarda jańa atama berilgen kóshelerdiń jańa atları jazılǵan kórsetkish hám belgilerin zamanagóy dizayn tiykarında basqıshpa-basqısh ornatılıwın támiyinlesin.

6. Usı sheshim “Aral balıqshısı” gazetasında rásmiy daǵaza etilsin hám hákimliktiń rásmiy veb-saytına jaylastırılsın, bul qarar rásmiy daǵaza etilgen kúnnen baslap kúshke kiredi.

7. Usı sheshimniń orınlanıwın qadaǵalaw Xalıq deputatları Moynaq rayonlıq Keńesiniń Korrupciyaǵa qarsı gúresiw, sociallıq taraw, jaslar siyasatı, mádeniyat hám sport máseleleri boyınsha turaqlı komissiyası (J. Davletova)na júkletilsin.