Oʻzbekiston Respublikasining Budjet kodeksining 148-moddasiga, shuningdek Jalaquduq tuman hokimining birinchi o`rinbosari, iqtisodiyot va moliya boʻlimi boshligʻi A. Abdujabborovning 2026-yil 20-maydagi 26/02-34-son xatiga asosan, Jalaquduq tuman mahalliy budjetida 2026-yil uchun tasdiqlangan budjet mablagʻlarini qayta taqsimlash boʻyicha takliflarini koʻrib chiqib, Xalq deputatlari Jalaquduq tumani Kengashi qaror qiladi:

1. Jalaquduq tuman hokimining birinchi o`rinbosari, iqtisodiyot va moliya boʻlimi boshligʻi A. Abdujabborovning 2026-yil 20-maydagi “Jalaquduq tumani mahalliy budjetining 2026-yil uchun tasdiqlangan parametrlariga oʻzgartirishlar kiritish toʻgʻrisida”gi 26/02-34-son xati maʼlumot va asos uchun qabul qilinsin.

2. Jalaquduq tumani Mahalliy budjetida 2026-yil uchun tasdiqlangan budjet mablagʻlarini qayta taqsimlash (oʻzgartirish) toʻgʻrisidagi takliflar mazkur qarorning 1 va 2-ilovalariga muvofiq maʼqullansin.

3. Tuman hokimining birinchi oʻrinbosari A. Abdujabborov hamda tuman Iqtisodiyot va moliya boʻlimi (O. Ashurov):

mazkur qarorning ilovasiga muvofiq koʻzda tutilgan tadbirlarni oʻz vaqtida moliyalashtirish uchun tuman hokimi farmoyishlari loyihalarini tayyorlasin;

mahalliy budjet parametrlariga belgilangan tartibda tegishli oʻzgartirishlar kiritilishini taʼminlasin;

ajratilgan mablagʻlardan maqsadli, samarali va qonunchilik talablariga muvofiq foydalanilishi ustidan doimiy monitoring olib borsin hamda iqtisod qilingan yoki foydalanilmagan mablagʻlarni mahalliy budjetga qaytarish choralarini koʻrsin.

4. Tuman gʻaznachilik boʻlinmasi (L. Mamajonov) mazkur qarorga muvofiq moliyalashtiriladigan xarajatlar boʻyicha shartnomalarni belgilangan tartibda oʻz vaqtida roʻyxatdan oʻtkazish va xarajatlarni belgilangan tartibda amalga oshirilishini taʼminlasin.

5. Ilovaga muvofiq budjet mablagʻlarini oluvchi tashkilotlar raxbarlari ajratilgan mablagʻlardan maqsadli, samarali va qonunchilik talablariga muvofiq foydalanilishini taʼminlasinlar.

6. Mazkur qaror ijrosini nazorat qilish Xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo`yicha doimiy komissiyasi (E. Qurbonov) hamda tuman hokimining birinchi oʻrinbosari A. Abdujabborov zimmalariga yuklatilsin.

7. Mazkur qaror qabul qilingan kundan eʼtiboran kuchga kiradi.