O`zbekiston Respublikasi Soliq kodeksining 412, 422, 429, 437 va 445-moddalari va O`zbekiston Respublikasi Prezidentining 2020-yil 3-dekabrdagi “Resurs soliqlari va mol-mulk solig`ini yanada takomillashtirish to`g`risida”gi PF-6121-son Farmonining 1-bandiga hamda xalq deputatlari Andijon viloyat Kengashining 2025-yil 26-dekabrdagi VII-15-297-1-0-K/25-sonli “Andijon viloyati bo`yicha qishloq xo`jaligiga

mo`ljallanmagan yerlar uchun jismoniy va yuridik shaxslar bo`yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsiyentlarni tasdiqlash haqida”gi qaroriga muvofiq Oltinko`l tuman davlat soliq inspeksiyasining “Qishloq xo`jaligiga mo`ljallanmagan yerlar uchun jismoniy va yuridik shaxslar bo`yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsiyentlar” bo`yicha kiritgan takliflarini muhokama etib, xalq deputatlari tuman Kengashi qaror qiladi:

1. O`zbekiston Respublikasi Moliya vazirligining hamda Davlat soliq qo`mitasining 2022-yil 9-dekabrdagi 06/04-34/4103-sonli, viloyat soliq boshqarmasining 2022-yil 19-dekabrdagi 19/10-103835-sonli xati hamda xalq deputatlar Andijon viloyat Kengashining 2025 yil 26 dekabrdagi VII-15-297-1-0-K/25-son qarori “Andijon viloyati bo`yicha qishloq xo`jaligiga mo`ljallanmagan yerlar uchun jismoniy va yuridik shaxslar bo`yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsiyentlarni tasdiqlash haqida”gi qarori asos uchun qabul qilinsin.

2. Mazkur qaror bilan:

Soliq idoralariga jismoniy shaxslardan olinadigan yer solig`i (yakka tartibdagi tadbirkorlardan tashqari) summasi 2025-yil uchun hisoblangan soliq summasining 1,3 baravaridan oshmasligi lozimligi;

Xalq deputatlari tuman Kengashiga belgilangan yer solig`i stavkalariga qishloq xo`jaligiga mo`ljallanmagan yerlar uchun, tuman hududida joylashgan daha, massiv, mahalla, ko`cha kesimida 0,7 dan 3,0 gacha kamaytiruvchi va oshiruvchi koeffitsiyentlarni kiritish huquqi berilganligi alohida ko`rsatib o`tilganligi;

Oltinko`l tumanida yuridik shaxslar uchun qishloq xo`jaligiga mo`ljallanmagan yerlar bo`yicha bazaviy soliq stavkasi 1 gektar uchun mutloq o`lchamda 36.300.000 so`m;

jismoniy shaxslardan olinadigan yer solig`i (bundan dehqon xo`jaligini yuritish uchun berilgan qishloq xo`jaligi uchun mo`ljallangan yerlar mustasno) bazaviy soliq stavkasi 1 kv.m. uchun mutloq o`lchamda 380,00 so`m miqdorida belgilanganligi ma`lumot uchun qabul qilinsin.

3. “Qishloq xo`jaligiga mo`ljallanmagan yerlar uchun jismoniy va yuridik shaxslar bo`yicha mutloq miqdorda belgilangan bazaviy soliq stavkasiga kiritilayotgan kamaytiruvchi va oshiruvchi koeffitsiyentlar” miqdorlarini belgilash bo`yicha tuman iqtisodyot va moliya bo`limi hamda tuman soliq inspeksiyasining taklifi ma`qullansin.

4. Oltinko`l tumani boʻyicha bazaviy soliq stavkalariga kiritilayotgan kamaytiruvchi va oshiruvchi koeffitsiyentlar 1 — 7-ilovalarga muvofiq tasdiqlansin.

5. Oltinko`l tumani iqtisodyot va moliya bo`limi (B. Yulchiyev) hamda Oltinko`l tuman Davlat soliq inspeksiyasi boshlig`i (B. Ummatqulov)larga;

a) yer solig`i bo`yicha tasdiqlangan soliq stavkalarini 2026-yil 25-yanvarga qadar barcha soliq to`lovchilarning shaxsiy kabineti orqali yetkazilishini;

b) O`zbekiston Respublikasi soliq kodeksida belgilangan vakolatlaridan kelib chiqib, soliqlarning to`liq va to`g`ri hisoblanishini hamda o`z vaqtida byudjetga undirilishini nazoratga olib borishni ta`minlasinlar.

6.Oltinko`l tuman hokimligi matbuot xizmati (J. Raximov)larga mazkur qarorni matbuot hokimligining rasmiy veb-saytiga joylashtirilishi tavsiya etilsin.

7. Mazkur qaror bilan belgilangan soliq stavkalari 2026-yil 1-yanvar kunidan kuchga kiradi.

8. Ushbu qarorning ijrosini nazorat qilish xalq deputatlari tuman Kengashining mahalliy byudjet, tadbirkorlikni rivojlantirish va iqtisodiy islohotlar masalalari doimiy komissiyasi (X. Asranov) zimmasiga yuklatilsin.