Oʻzbekiston Respublikasining 2011-yil 12-oktabrdagi “Geografik obyektlarning nomlari toʻgʻrisida”gi OʻRQ-303-sonli Qonunining 10-moddasi talablaridan kelib chiqib, Oʻzbekiston Respublikasi Iqtisodiyot va moliya vazirligi huzuridagi Kadastr agentligining 2/2-776-sonli Ekspert xulosasi, tuman hokimi A. Boykarayevning taklifini koʻrib chiqib, Xalq deputatlari tuman Kengashining ijtimoiy soha, yoshlar siyosati, madaniyat va sport masalalari boʻyicha doimiy komissiyasi (R. Islamova)ning 2026-yil 18-fevraldagi DKQ 03-03/14-26-sonli qarorini muhokama qilib, Oʻzbekiston Respublikasi “Mahaliy davlat hokimiyati toʻgʻrisida”gi Qonunining 6 va 24-moddalariga asosan xalq deputatlari tuman Kengashi qaror qiladi:

1. Koson tuman hokimi A. Boykarayevning geografik obyektlarni nomlash va qayta nomlash masalalari toʻgʻrisidagi taklifi maʼlumot uchun qabul qilinsin.

2. Xalq deputatlari Koson tumani Kengashining ijtimoiy soha, yoshlar siyosati, madaniyat va sport masalalari boʻyicha doimiy komissiyasi (R. Islamova)ning 2026-yil 18-fevraldagi DKQ 03-03/14-26-sonli qarori maʼlumot uchun qabul qilinsin.

3. Koson tuman hokimi A. Boykarayevning geografik obyektlarni nomlash va qayta nomlash masalalari toʻgʻrisidagi taklifi ilovaga muvofiq maʼqullansin

4. Tuman hokimining maslahatchisiga Oʻzbekiston Respublikasi Geografik obyektlar nomlarining davlat reyestri (Geografik obyektlar nomlari veb portali)ga yangi nomlanayotgan obyektlar boʻyicha maʼlumot kiritsin.

5. Ushbu qarorning ijrosini taʼminlash tuman hokimining oʻrinbochari Sh.Joʻrayev zimmasiga hamda qaror ijrosini nazorat qilish xalq deputatlari tuman Kengashining ijtimoiy soha, yoshlar siyosati, madaniyat va sport masalalari boʻyicha doimiy komissiyasi (R. Islamova) zimmasiga yuklatilsin.

6. Mazkur qaror eʼlon qilingan kundan eʼtiboran kuchga kiradi.