Oʻzbekiston Respublikasining 2025-yil 25-dekabrdagi “2026-yil uchun Oʻzbekiston Respublikasining Davlat byudjeti toʻgʻrisida”gi OʻRQ-1105-son Qonuni, Oʻzbekiston Respublikasi Prezidentining 2025-yil 26-dekabrdagi “Mahalliy byudjetlar va byudjet tashkilotlarining moliyaviy barqarorligini oshirish, byudjet intizomini kuchaytirishga doir qoʻshimcha chora-tadbirlar toʻgʻrisida”gi PQ-387-son Qarori va “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6 va 24-moddalariga muvofiq, xalq deputatlari Marhamat tuman Kengashining sessiyasi qaror qiladi:

1. Oʻzbekiston Respublikasi Prezidentining 2025-yil 26-dekabrdagi “Mahalliy byudjetlar va byudjet tashkilotlarining moliyaviy barqarorligini oshirish, byudjet intizomini kuchaytirishga doir qoʻshimcha chora-tadbirlar” toʻgʻrisidagi PQ-387-son Qarori 8-bandi “a” kichik bandida 2026-yil 1-yanvardan boshlab obodonlashtirish boshqarmalari tomonidan tuman (shahar)lar markaziy koʻchalari boʻyidagi tadbirkorlik subyektlari bilan tuzilgan shartnoma asosida chiqindilarni olib chiqish va hududlarni obodonlashtirish xizmatini koʻrsatishga ruxsat berilganligi, bunda chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflar tuman (shahar)lar hokimliklari tomonidan xalq deputatlari tuman (shahar)lar Kengashlarida koʻrib chiqish va tasdiqlash uchun kiritilishi belgilab qoʻyilganligi inobatga olinsin.

2. Marhamat tumani hududida chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflar toʻgʻrisidagi tuman hokimligining tuman obodonlashtirish boshqarmasi va tuman iqtisodiyot va moliya boʻlimi bilan kelishilgan holda bergan taklifi maʼqullansin.

3. Marhamat tumani hududida chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflar ilovaga muvofiq tasdiqlansin.

4. Tuman hokimligi matbuot xizmati (E. Joʻrayeva) Marhamat tumani hududida chiqindilarni olib chiqish va hududlarni obodonlashtirish xizmatini koʻrsatganlik boʻyicha tariflarni matbuotda eʼlon qilsin hamda tuman hokimligi rasmiy veb-saytiga joylashtirsin.

5. Ushbu qarorning bajarilishini nazorat qilish xalq deputatlari tuman Kengashining Mahalliy byudjet, iqtisodiy islohotlar, sanoat, turizm, investitsiyalar va tadbirkorlikni rivojlantirish masalalari boʻyicha doimiy komissiyasi (B. Abdullajonov), ijrosini taʼminlash tuman hokimining birinchi oʻrinbosari Sh. Abdurazzaqov hamda tuman hokimining oʻrinbosari D. Ismoilov zimmalariga yuklatilsin.

6. Mazkur qaror rasmiy eʼlon qilingan kundan eʼtiboran uch oy muddatdan soʻng kuchga kirishi belgilansin.