Tumanda Oʻzbekiston Respublikasi Prezidentining 2024-yil 5-yanvarda “Quyi boʻgʻinda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish toʻgʻrisida”gi 5-sonli qaroriga asosan tuman irrigatsiya boʻlimi hamda maxsus xizmatlari negizida “Suv yetkazib berish xizmati” davlat muassasasi tashkil etilib ularning vazifalari belgilab berilgan.

Shuningdek, ushbu qarorda suv xoʻjaligi tashkilotlariga qishloq xoʻjaligi mahsulotlarini ishlab chiqaruvchilariga vegetatsiya davridagi sugʻorish limitlarini har yilning 1-apreliga qadar yetkazish va tasdiqlash uchun tuman xalq deputatlari Kengashiga kiritish topshirilganligini va shunga muvofiq, Xiva tumani suv yetkazib berish xizmati davlat muassasasi tomonidan 2026-yilning vegetatsiya mavsumi uchun suv isteʼmolchilariga, shuningdek, boshqa suvdan foydalanuvchilarga suv manbalari va iqtisodiyot tarmoqlari boʻyicha suv olish limitlari ishlab chiqildi va xalq deputatlari tuman Kengashiga, uni tasdiqlab berish uchun 2026-yilning 27-martidagi 212-sonli xatini inobatga olgan holda, kun tartibidagi masalani atroflicha muhokama qilib, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6 va 24-moddalariga muvofiq xalq deputatlari tuman Kengashi qaror qiladi:

1. Xiva tumani “Suv yetkazib berish xizmati” davlat muassasasining 2026-yilning 27-martidagi 212-sonli xati maʼlumot va ijro uchun qabul qilinsin.

2. Xiva tumani boʻyicha 2026-yilning sugʻorish mavsumida, suv isteʼmolchilarining qishloq xoʻjaligi ekinlarini sugʻorishga ajratiladigan suv limitlari 1-ilovaga hamda Xiva tumani boʻyicha 2026-yilning sugʻorish mavsumida baliqchilik va kommunal xoʻjaliklariga ajratilgan suv limitlari 2-ilovaga muvofiq tasdiqlansin.

3. Xiva tumani “Suv yetkazib berish xizmati” davlat muassasasi direktori A. Qurbanovga:

tasdiqlangan suv limitlarini barcha suv isteʼmolchilari va suvdan foydalanuvchilarga oʻz vaqtida yetkazish;

suv resurslaridan oqilona va samarali foydalanilishini taʼminlash;

vegetatsiya davrida suv taqsimotini belgilangan limitlar asosida amalga oshirish vazifalari yuklatilsin.

4. Ushbu qaror qaror rasmiy eʼlon qilingan kundan kuchga kiradi.

5. Mazkur qarorning ijrosini taʼminlash Xiva tumani hokimining qishloq va suv xoʻjaligi masalalari boʻyicha oʻrinbosari Gʻ. Matrasulov zimmasiga yuklatilsin.

6. Ushbu qaror ijrosini nazorat qilish xalq deputatlari Xiva tumani Kengashining “Agrar, suv xoʻjaligi va ekologiya masalalari boʻyicha” doimiy komissiyasi raisi R.Bobojonov zimmasiga yuklatilsin.